Post: #1
Title: هنا المريسه حلال والمره لا قرش ولا تعريفة
Author: زهير عثمان حمد
Date: 11-27-2015, 10:55 PM
09:55 PM Nov, 27 2015 سودانيز اون لاين
زهير عثمان حمد-ï؟½ï؟½ï؟½ï؟½ï؟½ -ï؟½ï؟½ï؟½ï؟½ï؟½ï؟½ï؟½
مكتبتى
رابط مختصر لما تلقي مساحة حرية في دي الدنيا أم بنين قش بتضري عيشك وبتعيش سلطان زمانك وكمان بتحاول تقول الموت دا شنو ما الخرفات ساي والله أمس حقيقة خوفني أمام مسجد مشي أشتكني للحكومة وقال الزول دا زنيدق الحمدلله أتجرست لحدي ما جبت الزيت وكتبت كلام أكد فيهو صحة أسلامي وأيماني لكين وين كان الشيطان ساكن فيني ولا انا ود شواطين قاعد مع البني أدمين ما عارف المهم يا ناس كنت في رحلة ميمونة لكمبو كديس هو يبعد عن العاصمة الوطنية أمدرمان مسيرة حاجة زي ساعة بالعربية والله في مدخل الكمبو مكتوب (هنا ما في حكومة وأنت القانون ) وسألت صديقي ودوداعة الكلام داشنو قام حسمني (يا خي الصبر في شنو ) سكته قلت أمكن أنا غلطت المهم دخلنا راكوبة رهيبة من ناحية المساحة وكمان العفش اللي فيها والله أجعص بيت فيك يا خرطوم البؤس مامفروشه زي الراكوبة دي وما فيهو قعدة عرب زي دي العناقريب والبنابر مجلدة بجلد أبل والطاربيز من قطع الخشب الكبيرة يعني زي ساق شجرة كبيرة كدا المهم أول ما دخلنا أستقبلتنا أختنا الرهيفه بت نواي من أهلنا هي ست الدار وناظرة القعدة كريمة زي المطر وفيها خضرة تشهييك في الخضرة وكمان طويلة زي حراب أهلنا في دار فور عندها حس أجتماعي نادر والغريب أنها بتتكلم لغتنا الدارجة وكمان فرنسي ناس تشاد عاشت في تشاد قالت من ما كانت شافعة الي أن كملت الثانوي رجعت برام وبعد مشاكل دارفور جات هنا كمبو كديس قالت لما بدأ كمبو كديس دا مافي زول هنا غيرا وثلاته رواكيب بس حسي بقت قرية كبيرة فيها زي سبعين بيت لكين بيوت الهوي بس 7 يعني الانادي ومكان بيع العرقي والمرايس قالت انا من أم بقبق بسوي الي الابيض ضميرك لكين المريسه عندي مجانا دا أكل البيت ود أمي المهم كنت في حالة أنبهار كيف ناس عاديين قدروا يحقق ليهو حياة راقية وفيها قدر ممتاز من الحرية والخوف هنا من حقوق الاخرين بس وما في تعقيد قانون ولا محتاجيين الي بوليس عشان يعيشوا في سلام بدون أي مشاكل تعرفوا كان عايزين يصلوا أمبدة في كارو بحمار بتحرك الصباح زي تسعه صباحا وبرجع العصر يعني قبل المغرب لازم ترجع الكمبو والله كل شيء السجاير هنا أنواع وأشكال مهرب ولا صناعة محلية وكمان ممكن تشتري عتوت منهم لازم الاكل مدبوح جاهز للنار بس تبدا قعدات السمر من من الساعة تمانية والاهم بس تصلي العشا بعدها انت في حل من أي التزام أنساني تجاه أي شيء يعكر صفو جلسات الانس والطرب دي لقيت هنا طلاب فارين من جحيم العاصمة وكم المثقافتيه المسحوقيين من كل الطبقات والقبائل والمستويات الاجتماعية في حالة أنسجام غربية ما في زول هنا متذكر عمر البيشر ولا حكومة وحتي بحكي عن معاناة يومو القصة تعال أضحك وأشرب وكان ليك حظ في بنات حوا المره هنا تعز نفسها بأختيار رفيق الليله مافي قروش هنا الجنس أعجاب ورغبة ما سلعة سوق وكمان تمارس كل الطقوس القديمة من دلكه لتأكيد مستوي الاعجاب مكانة من تم أختيارو غرقت في الليله اللي فات دي في كل شيء في كمبو كديس تاكيدا للحرية الشخصية في الوطن وكمان عشان أقول لنفسي كان الخوف من السجن بيرعب كانوا خافوا ديل *والله أنا سعيد للطيش من الكمبو عايز الم عفشي أرحل هناك رايكم شنو أنتو مش دي حته فنانة لبقي العمر مع تحيات كل الاحباب ليكم في الكمبو من الرهيفه الي فنان القعدة أبورطنه ومن كل المسحوقيين في أرضنا العظيمة أنا كويس ما عيان والله بس خلاص القصة وصلت معي الاخر حقيقة جدا كدا ..
|
Post: #2
Title: Re: هنا المريسه حلال والمره لا قرش ولا تعريفة
Author: علي دفع الله
Date: 11-28-2015, 06:09 AM
Parent: #1
ههههههههابو الزهور والتجلي ....دا كمبو كديس بتاع عبد العزيز بركة ساكن ههههه------مودتي يا واضح
|
Post: #3
Title: Re: هنا المريسه حلال والمره لا قرش ولا تعريفة
Author: اخلاص عبدالرحمن المشرف
Date: 11-28-2015, 06:45 AM
Parent: #2
زهير يا صاحب .....طاخ .....ضقلها يكركب مالك عليهم اسع بعاعيت الحكومة يتلحومهم اتغطي كويس واحلم بجنة السودان وان شاء الله البوليس الشين الهبشك لا يضوق ضريرة لا حريرة وكان معرس يطلقو ويدوهو طلقة في نص راسو اكتب واكتب انت لك طعم براهو ............... قال بوهيميين قال , انت فرنسا الجد
|
Post: #4
Title: Re: هنا المريسه حلال والمره لا قرش ولا تعريفة
Author: ست البنات
Date: 11-28-2015, 02:05 PM
Parent: #3
دا كمبو ولا يوتوبيا يا زهير !؟لكن عالم خيالي واع وواسع !هسي تلقى في ناس بفتشوا للعنوان !غايتو بتكون جهجهت ناس كتااار .الناس اشتهت مكان ما فيهو لا حكومة لا بوليس !ست البنات.
|
Post: #5
Title: Re: هنا المريسه حلال والمره لا قرش ولا تعريفة
Author: محمد حيدر المشرف
Date: 11-28-2015, 06:13 PM
Parent: #4
بالرغم من انف كل شيء .. هذا اروع ما قرأت مؤخرا !!
|
Post: #6
Title: Re: هنا المريسه حلال والمره لا قرش ولا تعريفة
Author: muntasir
Date: 11-28-2015, 06:46 PM
Parent: #5
وبورداب الخرطوم كل ما يجيهم ضيف قندهار قندهار غبيانين من كمبو ابوالزوز ده ياخ لمن نجي اعزمنا او بالعدم مابقوقولوا لينا قال شاطي الجميرا قال
|
Post: #7
Title: Re: هنا المريسه حلال والمره لا قرش ولا تعريفة
Author: Amin Eltaib
Date: 11-28-2015, 07:36 PM
Parent: #6
أسعد الله أيامك ولياليك ... ودام عليك الهنا والسرور
|
Post: #8
Title: Re: هنا المريسه حلال والمره لا قرش ولا تعريفة
Author: زهير عثمان حمد
Date: 11-29-2015, 05:46 PM
Parent: #7
أحبائي الاعزاء لكم كل التحيا وخالص الود أأسف لعدم الرد عليكم لاني كنت يوم أمس خارج العاصمة في مهمة عايلية رجعت اليوم أشكركم كثيرا وأشكرا العابرين من القراء كذلك دمتم علي أخوة وقبيلة
|
Post: #9
Title: Re: هنا المريسه حلال والمره لا قرش ولا تعريفة
Author: ياسر السر
Date: 11-30-2015, 07:18 AM
Parent: #8
استاذنا ابو الزهور اسعد الله مساءك بكل خير ياخي ... وايوا ده الكلام الصاح ,,, خليك مع الزمين ياااا وتاني مافي واحد من بورداب الخرطوم يقول لي عازمنكم قندهار ,,, الواحد يجي اجازة يسوقو ليك قندهار نص النهار ،،، طيب مالو كمبو كديس ده ياخي مش عيب عليكم البياكل براه بيخنق ياخي ،، على العموم اجازتي الجاية لو ربنا حيانا والموت خلانا وبقينا طيبين رتب نفسك على اسبوع تماااام في كمبو كديس ده وانا العازمك من هسة عشان بعدين اخر الليل ما يكتر العلاط هههههههههههههههههههه ,,, واصل يا حبيب في هذا السرد الجميل مرس ما يعتر ليك اوه عفوا قصدي قشة ما تعتر ليك ... تحياتي : ياسر العيلفون ...
|
Post: #10
Title: Re: هنا المريسه حلال والمره لا قرش ولا تعريفة
Author: عماد كرار
Date: 11-30-2015, 10:53 AM
Parent: #9
ابوالزهوراذا ابتليتم فاستتروا ياخربنا يعرس ليك ويفكك من الدرب ده
|
Post: #11
Title: Re: هنا المريسه حلال والمره لا قرش ولا تعريفة
Author: الرفاعي عبدالعاطي حجر
Date: 11-30-2015, 05:00 PM
Parent: #10
صورة غاية في الروعة ... ما ان تقلب الصورة حتى يتضح لك ان الخرطوم ضاعت في زحمة النفاق تحياتي أ . ابو الزهور ......................................................................................حجر.
|
|