Post: #2
Title: ال تُم تُم --- إيقاع الروح
Author: أبوذر بابكر
Date: 11-25-2015, 04:54 PM
Parent: #1
الموسيقار إسماعيل عبد المعين قالانه فى منتصف التلاتينات سافر مخصوص لمدينة كوستىعشان يلاقى التومات بشاير وعماير ويعرف ويستقصى منهن حقيقة إيقاع التم تمسمع عبد المعين والمعاه فى الفترة ديك من المهتمين بالغناء عموما عن ايقاع التم وكيفية نشأته او بدايتهومعظم الناس كانو بقولو انه والله سمعوه فى كوستى من اختين كانن بغن بالايقاع ده فى حفلات المدينةانتشر الايقاع واتعرف فى ام درمانوبدت الفنانة فاطمة خميس تلحن كلام على نفس الايقاع
|
Post: #3
Title: ال تُم تُم --- إيقاع الروح
Author: أبوذر بابكر
Date: 11-25-2015, 04:59 PM
الايقاعات الموسيقية بأشكالها وانواعها واوزانها المختلفة، موجودة منذ بداية وجود البشر فى الأرضوفى السودان تحديدا تنوعت الايقاعات وتميزت بالثراء الشديد نسبة لتعدد الإثنيات والثقافات والأنماط الحياتية المختلفةوايقاع التم تم على وجه الخصوص بالتأكيد كان موجود ومعروف، بعيد طبعا عن التعريفات الموسيقية العلمية او الأكاديميةيعنى موجود بشكل عفوى وتلقائى وربما بدون ما يكون عنده اسم معين، فى مناطق كتيرة فى السودان فى اغنيات الناس الشعبية وفى الفولكلور الشعبى عند بعض المجموعاتوبداية الإنتشار من ام درمان كانت هى البداية الرسمية اذا صح التعبيرنسبة لأنه ام درمان ومن بداية القرن العشرين بعد سقوط الدولة السودانية بعد معركة كررى، بقت هى منطقة تجمع وانطلاق كل انماط فن الغناء فى السودان، وبقت برضو بوتقة انصهار وتجمع كل الثقافات السودانية الجات من كل مناطق البلد تقريباوبالتالى اصبحت هى المصدر او الممون الأساسى البتبدا منه كل الأشياء الخاصة بالثقافة والفنون، وتدريجيا بدت الأشكال الغنائية تتبلور وتاخد شكل القومية، او النموذج القومى المتفق عليه من الجميعمع احتفاظ كل ثقافة او مجموعة بانماطها الأصلية القديمةومن ام درمان عرف الناس نمط غناء "الطنابرة" وبعده عرفو الشكل الغنائى الإتعرف لاحقا بأغنية الحقيبة وبعده جات المدرسة الوترية الأولى وهكذاده بخصوص بداية انتشار ودخول ايقاع التم تم فى ومن مدينة ام درمانبدأ مع اغنيات البنات او اغنيات السباتة وانتشروتولت المطربة فاطمة خميس الموضوع بعد داكانما النقلة الحقيقية والملفتة جات على يدفضل المولى زنقارتلميذ فاطمة خميس و رابحة الشهيرة ب رابحة التم تممع التأكيد بوجوده قبل المرحلة فى مناطق تانية، واقتصاره على كونه نمط ايقاعى محلى خاص بالمنطقة دى أو ديك
|
Post: #4
Title: ال تُم تُم --- إيقاع الروح
Author: أبوذر بابكر
Date: 11-25-2015, 05:00 PM
Parent: #3
اشتهرت الأغانى الاتعملت على التم تم بانها اغنيات بسيطة فى كلماتها وتميزت بانها اغنيات منحلة او هابطة حسب التعبير الجديدلكن ونسبة لجمال الايقاع ووقعه الساحر على ارواح الناسفكر شعراء الفترة ديك الكبار، سيد وعبيد وتحديدا عبد القادر تلودى فى انهم يألفو كلام راقى وجيد ومقبول عشان يتلحن ويغنى بالتم تموفعلا ده الحصلوظهرت اغنيات زى سودانى الجوه وجدانى ومن بف نفسك يا القطار الى آخر الأغنيات الجميلةعلى ذكر فاطمة خميسهى بالمناسبة شاعرة الأغنية الاشتهرت مؤخرا عند مصطفى السنىوكان اصلا بغنيها أبو داوداغنية دمعى الاتشتت وغلب اللقاطويقال انها كتبتها رثاء لأبوها
|
Post: #5
Title: ال تُم تُم --- إيقاع الروح
Author: أبوذر بابكر
Date: 11-25-2015, 05:01 PM
Parent: #4
اهم ما فى ايقاع التم تموأجمل ما فيهانه الإيقاع ده موجود ومعروف ومنتشر فى كل المنطقة البتبدأ من سواحل الأطلسى غربا فى موريتانيا وعند امازيغ الأطلس فى المغربمرورا بدول الجزائر ومالى والنيجر وتشاد وعند الطوارق الرحل فى الصحراء الكبرىوصولا للسودان ومنه شرقا لغاية اثيوبياعشان كده أنا دائما بقول وبصر على انه حقيقة الرابط الوجدانى والثقافى والحياتى والمعرفى بين شعوب كل المناطق دىوحاجيب نماذج حية لإيقاع التم تم من كل المناطق دىعشان نثبت وحدة الوجدان والروح والحس الداخلىوده هو الشى الوحيد الما ممكن يتعمل بتعمد او عن قصدانما اصلا بتخلق جوه الإنسان وبنمو معاه
|
Post: #6
Title: ال تُم تُم --- إيقاع الروح
Author: أبوذر بابكر
Date: 11-25-2015, 05:04 PM
Parent: #5
طالما انه الضرب الايقاعى ده موجود فى منطقة شاسعة وكبيرة وممتدة فى مساحة جغرافية واثنية متنوعة فى قارة افريقيا تحديدا وربما فى جهات تانية فى باقى العالميبقى اكيد انه ايقاع متجذر وقديم واصيل قام ونشأ وتطور واخد اشكال مختلفة عند المجموعات دىتبقى مسألة وجوده فى السودان برضو محسومة ومثبتةيبقى السؤال فقط فى كيف انه اتعرف وانتشر وبقى واحد من الايقاعات الرئيسية تحديدا فى انواع الغناء فى وسط السودان، او كيف اخد شكل القوميةالاجابة بتكمن فى انه تم تبنيه فى مصدر انتشار الفنون وتصديرها، لو جاز التعبير، لباقى مناطق السودان، والمقصود تحديدا "إذاعة ام درمان" الكان وما زال ليها الدور الأعظم فى تشكيل وجدان السودانيين فى كل مناطقهكون شاعر غنائى بحجم عبد الرحمن الريح ينبرى ويقعد عشان يؤلف كلام مخصوص عشان يتم وضعه وصبه على ايقاع التم تم، دى كانت النقلة الكبيرة فى انتشار الايقاع بشكل أكبر واكتر تاثيرا عند المستمع والمتلقىاتعملت الأعمال الغنائية دى بواسطة شعراء زى عبد القادر تلودى وعتيق وعبد الرحمن الريح واتلحنت بايقاع التم تم ووصلت للناس عبر الاذاعة والحفلات وتكرس حضور التم تم ووجد بيئة وجدانية داخلية مهيأة عند المستمع السودانى تقبلته بكل محبة واريحية واعجاب لأنه اصلا كان موجود فيهاوما غريب تلقى ناس فى اقاصى واطراف البلد بسمعو "لى زمن بنادى" او "خدارى البى حاله ماهو دارى" وغيرهابدت المسيرة ومشت ولسه مواصلةوأكيد حتستمر الى ما لانهاية
|
Post: #7
Title: Re: ال تُم تُم --- إيقاع الروح
Author: عبدالعظيم عثمان
Date: 11-25-2015, 05:05 PM
Parent: #3
سلامات يا أبوذر باباكرتسجيل حضور ومتابعة ...سؤال :ما هو وجه الشبه بين الإيقاعات السودانية والإيقاعات الأفريقيه؟السؤال الثاني :لماذا لم يتبع السودان موسيقيا الإيقاعات العربيه والسلم السباعي؟تحياتي لك
|
Post: #8
Title: ال تُم تُم --- إيقاع الروح
Author: أبوذر بابكر
Date: 11-25-2015, 05:43 PM
Parent: #7
تحياتى يا عبد العظيمومشكور ياخى على الحضور و المتابعةاكيد طبعا ما حاقدر اجاوب ليك اجابة تكون يقينية او سميها علميةوربما تكون غير صحيحة كمان او يمكن تصادف الصحةوده من منطلق انه اخوك ما متخصص فى مجال الموسيقى و علومهااللهم الا الادعاء بس باننا بنهتم و نسمع و نتذوقوجه الشبه بين ايقاعتنا السودانية او بعضها ببعض او بمجموعة من الايقاعات الافريقية غالبا يكون سببه تشابة البيئة و الظروف الحياتيةودى هى البتشكل الوجدان و الحس الداخلى الانسانىوطالما تشابهت البيئة فغالبا المنتوج الانسانى بكون متشابهاخوانا الموسيقيين ممكن قطعا يفيدونا بشكل اوفى و اغنى فى الموضوع دهبالنسبة للسؤال التانى اعتقد انه مرتبط بالاول و ما بعيد منهوالوجدان و الحس الداخلى هو البخلق الناتج الابداعى الانسانى طبعامش فى الموسيقى والايقاع بس بل فى كل الضروب الابداعية التانيةالسلم المكون من خمسةدرجات او مقامات والخالى من اجزاء النغمة ربع او نص لبتون هو السائد طبعا عندناعلى الرغم من وجود مقامات عربية وان كانت بشكل بسيط او قليل او خجول ان صح التعبير عند بعض اهلنا فى كردفانوزى ما قلت ليك كلامى ده كله شى اجتهادى بس و نضمى زول ساىو ليت اخوانا ناس المزيكا ينورونا اكترشكرا ليك تانى يا عبد العظيم
|
Post: #9
Title: Re: ال تُم تُم --- إيقاع الروح
Author: ياسر السر
Date: 11-26-2015, 08:54 AM
Parent: #8
وسوي التم تم لذيذ يا التم تم ،،،، التحية لك اخي الاستاذ اباذر على هذا البوست المموسق المتمتم الجميل والتم تم من اجمل الايقاعات على الاطلاق هذا اذا جعلنا ايقاع السيرة الخفيف والتقيل في المرتبة الاولى لانه ايقاع يشمل عدد كبير من مساحات السودان الإبداعية الشاسعة .. والتحية لتومات كوستي على ما قدمنه لنا من ابداع ومن ايقاع سيظل ملك الايقاعات حتى يرث الله الارض وما عليها ,, فواصل في هذا السرد الجميل ونحن لك من المتابعين ... ولي عودة تحياتي : ياسر العيلفون ....
|
Post: #10
Title: ال تُم تُم --- إيقاع الروح
Author: أبوذر بابكر
Date: 11-27-2015, 05:15 PM
Parent: #9
مشكور اخانا ياسر وليك التحايا و التقدير للمشاركة الكريمة والاسهام المقدركانت النية فى بذل نماذج مسموعة من الايقاعمن السودان و دول تانية خصوصا من غرب افريقيا ومن الامازبغ فى شمال غرب القارةوبرضو من شعوب الهضبة الاثيوبيةلكن نعانى ضعف شبكة الاتصال هنا والما بتساعد اكيد فى عمل المطلوبشكرا ليك
|
Post: #11
Title: Re: ال تُم تُم --- إيقاع الروح
Author: الطيب عباس
Date: 11-27-2015, 07:34 PM
Parent: #1
فووق عشان كوستي والتومات والتمتم تحياتي مافيا دروس عود يا استاذ !؟
|
Post: #12
Title: ال تُم تُم --- إيقاع الروح
Author: أبوذر بابكر
Date: 11-29-2015, 03:14 PM
Parent: #11
تحياتى ليك يا الطيبلكوستى و اهل كوستى اجمعينولصديقى السمح محمد الباسمالعود هواية و شغف بس يا الطيبوكلنا محتاجين دروس تعليمية و تثقيفيةلغاية اليوم انا بلخبط اسماء الاوتار و الله
|
|