من الذى فوض ياسر عرمان ان يتحدث عن المنطقتين؟

01:52 AM Nov, 23 2015

سودانيز اون لاين
أيمن نواى على-USA
مكتبتى
رابط مختصر

هو ليس من ابناء المنطقتين.....كيف يتحدث نيابة عن المنطقتين؟ من الذى فوض ياسر عرمان ان يتحدث بى اسمنا؟ اذا كان المتحدث مجنون....السامع ....الحكومة والاتحاد الافريقى ما فيهم زول عاقل.!!!

هذا الرجل مقدراته ضعيفة.....هو عاجز عن تكوين مكتب الامين العام......وعاجز عن ادارة المكاتب الاخرى...... والدعوة للمؤتمر العام للحركة الشعبية......يعنى وجوده فى مكتب الامين العام للحركة الشعبية غير قانونى .......بختصار غير منتخب.......غير ديمقراطى........وبدون خجل يطالب بتغير الحكومة من الشمولية الى نظام ديمقراطى......هو شخصيا غير ديمقراطى....فاقد الشئ لا يعطيه.....لاتنهى عن فعل وتاتى بمثله عار عليك اذا فعلت عظيم.....نحن نعلم خلفية هذا الرجل......اذا كان الحزب الشيوعى ما عندهم غير هذا الرجل الذى لا يفرق بين الالف و الواو الضكر فى السياسة.....يلمو زولهم عليهم......نشكر لهم وطنيتهم......اذا اراد الحزب الشيوعى ان يشاركنا عليه ان يحترم قضيتنا..

ول ابا ايمن..حبابك يا صديقي

بل كل قطيع الشمال من فوضه بالتحدث باسم المنطقتين أو كل السودان؟..قطيع لا يؤمن بالديموقراطية ولا يؤمن بحقوق الناس ولا يقدر معاناة الناس ، وانما اهله مأزومين ينطلقون من مرارات خاصة ، جعلت لهم الحرب صفة.. فهؤلاء يا صديقي فقدوا القدرة على الحياة السوية واصبحوا لا يعرفون لهم قيم وهوية وتعريف الإ عبر البندقية..!

على اهالي جنوب كردفان بكل مكوناتهم ومشاربهم ان يقولوا رأي صريح: يا اما هم يرفضون الحرب و يا اما هم يريدون استمرار الحرب..لأن وضوح الناس سيضع كل كائن في موقعه الصحيح..!

الحزب الشيوعي مدفوع بمرارات وغبائن ذاتية ، وهو يعاقب السودان وشعوبه بخلق المخالب القذرة التي يطلقها تسوم الناس العذاب والضنك..وهو حزب يعرف ان لا امكانية له الإ في الخفاء والخبث والضلام..وايضا على شعوب جنوب كردفان ان تقول رأيها صراحة فيما يحدث..!

ونقولها للجميع : الحركة الشعبية فشلت في ادارة دولتها ، وارتدت الى عصر الفوضى والإنهيار لدرجة ان المواطن الجنوبي العادي يتمنى العودة الى السودان..فالناس هناك اصبحت تقتل على اساس اثني وعرقي واضح للغاية في جرائم يندى لها جبين الضمير الحي.. فماذا سيقدم قطيع الشمال لأهل السودان؟..اكيد سيهديهم مزيدا من الفوضى والقتل والسحل..!

ليست لقطيع الشمال أي رؤية واضحة سواءا للمنطقتين أو للسودان كافة..!

ليس للسيد ياسر عرمان أي قدرات غير العكننة والإصرار على استمرار الحرب لأجندة تخصه ..وليس للحزب الشيوعي السوداني المتهالك أي قدرات غير صنع الدسائس والمخالب القذرة..!

على اهل جنوب كردفان ان يقولوا رأيهم بوضوح..وكفاية عبث واستهبال..

كبر

قال ياسر عرمان مخاطبا الشعب السودانى.....وليس اهل المنطقتين.....شوف التكبر والتجاوز والرزالة وقلة الادب.....انت لمن مشيت تتفاوض......مشيت باسم السودان ولا باسم المنطقتين.....منو المفروض توجه ليهو الرسالة؟....حتى مجرد الزوق ما بتعرفو.....بالله شوف العمبلوق دا.......انت يا الدلول قال استاذ.....استاذ شنو الجامعة ما كملها شرد منها من عمايلو القزرة......الراجل دا ما عندوا اى مؤهل.....غير شعروا السبيبى ولونه الفاتح....دا كل راسمالو فى الحركة الشعبية.

وال ابا كبر ابو النسب .....عيال طيبين.....عافية عافية......مرحب بيك ولض امى.....نباوى حر كى يقبل كلام الجربان دا مافى....ولا اهلنا المسيرية ولاالحوازمة ولاالفلاتة ولاالحمر ولاالجوامعة ولاالبرقو ......كو......

أيمن نواي
الخطأ مشترك بين أهل المنطقتين والحكومة
اهل المنطقتان عليهما التوحد في جسم ولو كان متعدد المنظومات السياسية
ويضم النخب والمثقفين وقادة الرأي هناك من الحكماء
الحكومة عليها أن تستمع وتنفذ مطلوباتهم ومطلوبات اهلهم
هنا لن يجد ياسر عرمان مايفعله سوى حكايا عن أيامه مع قرنق

قال انصدمنا بثلاث عقبات.....انت لمن جاهل وصغير ومصدوم......البيوديك تتعلم السياسة فى رؤس اليتاما شنو......نحن ابناء جبال النوبة فى المنطقة كردفان خاصة......والسودان عامة......لا نحدد مصير المنطقة لوحدنا......لابد من مشاركة جميع سكان المنطقة فى القرار والمصير......ورايهم محل احترام وتقدير....يمكن ان نبدى الرائ مثل الاخرين ولكن غير ملزم....تعتبر اراء فردية.......لقد تاخر المؤتمر الجامع لابناء المنطقة نسبة لمحاولة الوصول لاكبر قدر من السكان.....اما ما يصدر من الحركة الشعبية لا يمثلنا.....بل يمثل الحزب الشيوعى كما قال وابا كبر

احمد موسى حبابك
المحصلة النهائية ان يكون سلام فى البلاد....برضاء الجميع.....لا اقصاء لاحد.
وشكرا لك احمد.

بى نفس الفهم يا أخ أيمن من الذى فوض عمر البشير ليحكم ويتحدث بأسم الشعب السودانى ؟

Quote: بى نفس الفهم يا أخ أيمن , من الذى فوض عمر البشير ليحكم ويتحدث بأسم الشعب السودانى ؟

هو برضه مافي زول فوضه
الغريبة هم قرايب ...ّ

Quote: هو برضه مافي زول فوضه الغريبة هم قرايب ...ّ

يعني الاثنين ما مفوضين من شعوب السودان !!!!!!!!!!!!!
خطوة للامام
طيب هل على شعوب السودان ان يسالوا اولا
عن تفويض الاستاذ القائد ياسر من اهل جنوب كردفان
ام الاولى ان يسالو ان تفويض الذي يحكم كل السودان الفضل
دون تفويض باعتراف الاستاذ احمد موسى المحامي عضو الحوار الوطني موديل 2015
واكثر من ربع قرن
الصورة دي مش مقلوبة ولّ ايه
باملناسبة ناس الحوار ديل ليه ما بياسلو عن مخرجات حوار موديل 1989م

الأخ أيمن نواي و ضيوفه الكرام لكم السلام و التحية!
الحقيقة ياسر عرمان فوضته الحركة الشعبية شمال و التي عمودها الفقري أبناء النوبة و أبناء النيل الأزرق. الحركة الشعبية شمال هي الأكثر تنظيما من بين الأجسام التي تمثل جبال النوبة و النيل الأزرق. ياسر عرمان فرضته حركة سياسية ذات مؤسسات رأت أنه الرجل المناسب لقيادة هذه المفاوضات و نكرر أن رجال مثل عمار أمون و فليب نيرون, الحلو و عقار و فليب نعيمة وغيرهم من الرجال و النساء لا يمكن أن يضحك عليهم أي ود مقنعة! كل الذي يتم برضاهم و لعل هذا من رجاحة عقلهم و بعد نظرهم و فهمهم العميق للمشكل السوداني!
يعني ياسر عرمان مقدم من الحركة الشعبية شمال و ليس من تلقاء نفسه و بقى أن أقول بقبول أبناء النوبة في الحركة الشعبية و كذلك أبناء النيل الأزرق.
القوى الأخرى إذا قدرت من إحراز إختراق مع الحكومة و آتت بحل يرضاه أبناء النوبة و النيل الأزرق فإن الحركة الشعبية ستحترق و تصير رماد و تذهب إلى مذبلة التاريخ! هكذا يقول المنظق! هل منعت الحركة الشعبية بقية أبناء النوبة من غير الحركة الشعبية من الوصول لحل مع الحكومة يرضاه النوبة أو أبناء النيل الأزرق؟
لكن الحركة الشعبية ترى أن الحل ليس في الجبال و لكن في الخرطوم. فمع خصوصية المنطقتين إلا أن الحركة ترى ألا مخرج إلا بحل شامل يضع موضوع حكم السودان في دستور محكم تسير على هداه الأمة إلى مدى الأيام..
هذا و لك الإحترام

Quote: ام الاولى ان يسالو ان تفويض الذي يحكم كل السودان الفضل دون تفويض باعتراف الاستاذ احمد موسى المحامي عضو الحوار الوطني موديل 2015 واكثر من ربع قرن الصورة دي مش مقلوبة ولّ ايه

نحن ما بنتكلم عن البشير موضوع البوست من فوض ياسر عرمان ان يتحدث عن المنطقتين
كون البشير وصل للسلطة عن طريق إنقلاب عسكري هذا لا يمنح ياسر عرمان شرعية التحدث باسم جبال النوبة والانقسنا
للمنطقتين رجالهم
ده من ناحية
من ناحية تانية انا عضو امانة عامة لحوار سياسي يضم كل القوى السياسية والحركات المواففة عليه
نحن مافي جولة تفاوض
ولو امكن نبعد عن الزج بانا شنو وانت شنو نتكلم في الموضوع
ولا شنو

ياسر عرمان فوضتو بندقيتو
حتى بالامارة امس أمين حسن عمر قال:
مني مناي وجبريل ممكن يجوا المفاوضات حدهم الغدا والمرطبات، لكن هم على الارض المسلحة غير موجودين

Quote: ياسر عرمان فوضتو بندقيتو

....

شكرا احمد موسى للمرافعة القيمة......وشكرا لحرصك لحقن دماء ابناء الوطن الواحد.

عمر عبدالله عمر.....تصحيح بسيط.....نحن ابناء جبال النوبة بالاخص وابناء كردفان عامة.....لم نفوض الحركة الشعبية قطاع الشمال ......لا بنتخابات. ولا احزاب سياسية.......للتفاوض نيابه عننا.....ثانيا الحركة الشعبية دستوريا غير قانونية......اذا كنت تتحدث عن جسم شرعى......يمثل الحركة الشعبية غير موجود اصلا......القيادة الموجودة حاليا.....عبارة عن افراد.......لا يمثلون الا انفسهم......هؤلاء الافراد ارتكبو اخطاء فادحة فى حق ابناء المنطقة......واستغلال قضية المنطقة من اجل الحزب الشيوعى......وتم اقصاء وتصفية ابناء جبال النوبة....وبناء جسم موازي للحركة الشعبية.....واعطو صلاحيات واسعة لمثل هذا الجاهل.

ابو بكر عباس.......ياسر عرمان ....لايملك عصاية....ناهيك عن بندقية.....انت يوم واحد شفتا ياسر عرمان متصور بى بندقية.....كل الوقت متمسح يلمع قاعد فى عنقريب او كرسى....

الاخطاء القاتلة لهذا المعتوه.....استبعاد اهم الكوادر القوية المؤثرة من ابناء جبال النوبة....بالمؤمرات والدسائس والفتن.....اولهم كوكو جقدول.....الكثيرين قد لايعرفون من هو كوكو جقدول......وتلفون كوكو....ودانيال كودى....وخميس جلاب.....وتابيتا بطرس.....وصديق منصور.....وابكر ادم......واخر ابدعاته كشف المعشات....هذا على سبيل المثال...وليس الحصر.....ومازال يمارس الاقصاء......الى اين نحن ذاهبون....؟...اما الذين تم تصفيتهم جسديا هذا ملف اخر يتم فتحة فى الوقت المناسب.

من الاخطاء القاتلة لهذا المعتوه.....تهميش واقصاء ابناء جبال النوبة فى الحزاب السياسية الاخرى من المشاركة او الادلاء بالرائ فى قضية كردفان او جبال النوبة.....مثل اجنحة الحزب القومى وحزب العدالة وغيرهم ......لايسمح لهم بالمشاركة فى المفاوضات.......اما عن ابناء كردفان الكبرى تم تعميق الفجوة بينهم وبين ابناء جبال النوبة.....وهضم حقوق الاخرين من ابناء كردفان الكبرى.....وعزلهم من اى مشاركة حقيقة......

ايمن نواي الله يخضر ضراعاك

لا تصمتوا لهم......تضدرعوا بقضايا الغبش سنينا.



يا ابوبكر عباس

هاهم ببساطة بعض اهل الجبال يقولون انهم لم يفوضوهوا.


ويا د.عمر عبد الله

الكلام السمح ومنمق لن يحجب الحقيقه المحزنه

انها حركة باطشة دمويه ديكتاتوريه.

زوعمار امون بتاع الساعة كم؟1

هل ترغب ان نذكر لك كم القيادات التي تفوقها علما و انضباطا و عطاء و ترفض عرمان؟

انت فضيحة اقصاء ناس د.ابكر ادم اسماعيل و رمضان حسن و احمد بلقى و ياسر جعفر السهنوي و كمال كمبال قايلها انتهت لسه؟


ومثلها عشرات الاقالات لشباب النيل الازرق الفاهمين.



واصلوا التعريه يا نواي

واحمد موسي من افضل من عاصرهم

هل ننتظر يوم تخرج يا د.عمر عبد الله عن هذه الحركة زي ناس احمد موسي حتي تبدا تحكي لينا عن مدي بوؤسهم؟1

اللهم أرحم القائد سليمان قور رحمة واسعة ...!!!!!

سلام مربع اقطاب القبل الاربعة....للجسورة تراجى......دربك اخضر بالرياحين والمطر.....سلام تعظيم للفارس المقدام.

من الاخطاء القاتلة لهذا المعتوه.....جعل المنطقة محظورة لكل الاحزاب السياسية.....والحركات المسلحة.....وابناء كردفان.....وابناء جبال النوبة الاعضاء و الممولين للحركة الشعبية.....(لقد تم سجن عضو حركة شعبية مرتين) وهو يحمل معونات ودعم للحركة.......اما الحزب الوحيد الذى يسرح ويمرح المنتسبين للحزب الشيوعى.....واجنحة الحزب الشيوعى امثال قرفنا ....وصديق البحر....هم الوحيدين المخول لهم دخول المنطقة والتصوير.....وعمل افلام عن ماسى جبال النوبة لكى تعرض فى دول الغرب.....لتحصيل الدعم لبناء الجسم الموازى للحركة الشعبية......فى حالة اعتراض ابناء جبال النوبة......لتبداء فى زعزعة السلام والاستقرار فى البلاد.

الآخ الفاضل أيمن نواى..


حتى الان لم اجد سببا واحدا يجعل جنود الحركة الشعبية شمال.
يصمتون على ياسر عرمان.
ويصبرون عليه...
وهم الادرى به..
موضوع غريب..

الاخ ايمن
نفس الكلام ده برضو كان بيتقال للحركة الشعبية ايام دكتور جون
هل جون قرنق مفوض من الجنوبيين ؟
هل جون قرنق يمثل كل الجنوب .. وهل وهل ؟
ورغم ان الحكومة حاولت تكسر الحركة وشجعت مجموعات على الانشقاق منها وعملت معاهم اتفاقيات ما نفعت
لانو الحركة بقيادة دكتور هى الكانت قوية سياسيا وعسكريا وعندما ارتضت الحكومة الجلوس معها تم حل المشكلة .

Quote: .ياسر عرمان ....لايملك عصاية....ناهيك عن بندقية..... انت يوم واحد شفتا ياسر عرمان متصور بى بندقية.....كل الوقت متمسح يلمع قاعد فى عنقريب او كرسى

معقولة يا أيمن..



ومع يوسف كوة مكي..


هذا تاريخ موثق ولا يمكن انكاره بهذه الطريقة..

الأنصارى عمر عبدالله عمر أبقى جبتك على الله وأحكم بما يقبله العقل وقل الحق كما أمر ربى وربك، فهل جنوب كردفان كلها نوبه وهل كل النوبه حركه شعبيههذه قضية وطن وقضية قوميات أصيلة فيه فصوت تلك القوميات هوالذى يعلو لا صوت غيرهم فهل جنوب كردفان ليس فيها من ينافح عنهاويكافح عن حقوق أهلها لمعرفته بتفاصيل التفاصيل عنها وأنت أدرىوأعرف ولكنك صاحب مصلحه فى الكيفيه التى تدار بها الأمور الآننحن نطالب بضم النوبه الحقيقيين ليقولوا رأيهم فى ما هو دائر ونعنىمطلق النوبه ومن يمثل عنهم بخيارهم لا بتسلط وتجبر وفوقيه، أين تلفونكوكو وأين دكتور مركز القانونى وأين حسن كنده كربوس ونور تاور وأين وأين وأين كبر فيا دكتور عمر الخطأ لا يصنع الحل والأعوجيظل كذلك وإن كُسر سيجبر أعوجاً وحتماَ الإستمرار فى التنوير سيمٌلّك النوبه زمام أمرهم وكوك الحركه الشعبيه جار فى الأرضفى عقر دارها ودور الحركه الشعبيه الآن كدور عزايات الأجره يبكن لوجع الدفع
لا وجع الفقد، سوق ياخ سوق.



.منصور

الاستاذة نور
قالو ما دايرين يشقوا الحركة.....واحدين بيقولو باقى ليهو طلقة واحدة......وانحنا بنقول ما فى داعى للحكمة......كترت الرشاقة كتلت اشراقة.... ان يقادر اليوم قبل غدا......غير ماسوف عليه.....وجودة خصما على الحركة......وعلى قضية جبال النوبة.......خلق عداء بين النوبة انفسهم......وبين النوبة وبقية القبائل فى المنطقة......وبين النوبة وبناء الوطن......

خالد حاكم
يفرق طعم الحلو لو يبقى مر.....د.جون قرنق من ابناء المنطقة.......واهل مكة ادرى بى شعابها.....لذلك نجح الدكتور جون قرنق.....زمن الدكتور الجنا الخنيتة دا.....ما بيقرب من الطربيزة.....الا كان يمسح الطربيزة ساكت.....او يقولو ليهو قول كدة.

يا الهادى
الصور دى لمن كان صغير وجاهل......واهلنا الجنوبين بيعلمو فيه حليب الابقار.....كان بيسمع الكلام.......كان حلاتهو ريش ما عندوا......لمن كبر وعمل ليهو ريش بقى يطير من بلد لى بلد.......من فندق لى فندق..

عدو عاقل خير من صديق جاهل......اهم المكاتب الخارجية للنوبة مكتب امريكا.....كان على بعد مرمى حجر من البيت الابيض......اكبر من مكتب الحركة الشعبية الام.....ومكاتب دارفور لا وجود لها فى ذلك الوقت......هذا الامين العام اهمل اهم المكاتب الداعمة للحركة.....وتجاهل المكتب التنفيذى.......ومارس سياسية التفريق.....وانقسم المكتب الى ثلاث مجموعات......ورؤسا الثلاث مكاتب من اعضاء الحركة الملتزمين......وخيره ابناء جبال النوبة.

الدانه والجبخانه لا تصنع الحياة ولكن تفعل ضدها والوطنى الحق
لا يحارب داخل الحدود ولكن يقاتل وبشراسه للحفاظ عليها
صانعاً بذلك سعادة لمن بداخلها!




!منصور

كتب عمر عبد الله عمر:

Quote: لكن الحركة الشعبية ترى أن الحل ليس في الجبال و لكن في الخرطوم. فمع خصوصية المنطقتين إلا أن الحركة ترى ألا مخرج إلا بحل شامل يضع موضوع حكم السودان في دستور محكم تسير على هداه الأمة إلى مدى الأيام..

الأخ عمر عبد الله..حبابك
في الحرب الأخيرة تم ضرب وترويع اهالي معظم مدن وقرى جنوب كردفان/جبال النوبة (كادقلي ، الدلنج ، اب كرشولا ، الفيض ام عبد الله ، الفرشاية ، الصبي ، المندل ، الدبكر ) اضافة لبعض مدن شمال كردفان المتاخمة لجنوب كردفان (امروابة ، الرهد ، الله كريم) ومناطق غرب كردفان (ابوزبد )..وكلها عمليات قطيع الشمال في المنطقة..
فكيف يا اخي قطيع الشمال يستهدف منطقة محددة ويدمرها وفي نفس الوقت يطالب بحل شامل لكل السودان؟..

وان كان قطيع الشمال حريص على حل شامل لكل السودان ، فلماذا لا ينقل الحرب الى كل السودان ، كحرب شاملة من اجل حل شامل؟..

لم تتأثر أي مدينة كبيرة في النيل الأزرق بحروب قطيع الشمال ..لماذا؟..هل لا تملكون جيوش هناك؟..ام لأنها مناطق رئيس قطاع الشمال مالك عقار ، وهو لا يقبل بتدمير وترويع مناطق اهله ومقدراتهم؟..لم يتم ضرب وترويع أي قرية في الجزيرة (بلاد الأخ السكرتير العام ياسر عرمان) لماذا؟..

الآن المفاوضات تعثرت تماما ، بسبب اصرار قطيع الشمال على السيطرة على الإغاثة اشبه بفكرة شريان الحياة في السنوات السابقة ، وقطيع الشمال يجهز عدته لخوض حروب جديدة في جنوب كردفان..يعني يحصر عملياته العسكرية في منطقة واحدة وفي نفس الوقت يطالب بحل شامل لكل السودان؟.. وافرض حتى لو حدث حل شامل في كل السودان بالتصور الذي يراه ناس قطيع الشمال..فهل عندهم رؤية خاصة تجاه جنوب كردفان تحديدا لأنهم دمروها تماما؟..وهل يستطيعيون اقناع باقي السودان بضرورة ان توظف ميزانية التنمية في السودان لجنوب كردفان ولمدة عشرين سنة حتى تلحق جنوب كردفان ببقية المناطق الأخرى؟..

قطيع الشمال ليس اكثر فصيل منظم يا صديقي ، وانما هو اكثر قطيع بلطجي ويعمل باجندة الحزب الشيوعي السوداني ، والحزب الشيوعي يخوض الصراع في السودان على اساس غبائن ذاتية لا علاقة لها بقضايا اهل السودان عامة واهل جنوب كردفان خاصة..
الى متى ستستمر الحرب في جنوب كردفان؟..هل يجرؤ قطيع الشمال على نقل الحرب الى مناطق اخرى في السودان؟..اذا كانت ليست لديكم اجابات واضحة فلا تضحكوا على الناس هناك..


كبر

كتب شاويش عبد السلام من نافذة الفيس بوك:

Quote: أعلم يا أستاذ أيمن أن السياسة هى فن الممكن وكذلك الاتساق مع المبادئ. الحكومة تحاور الحركة وهى مرغمة على ذلك وليس رغبة منها فى التوصل لحل ولا إحلال السلام لأن فى ذلك فناوها. وهى كذلك لا ولن تحاوركم لانها عارفة إنكم ما عندكم حاجة أصلا. فالحكومة تومن بمبدأ القوة فقط ولا غير، وكان عندكم طحين ورونا ليهو ولا نقطونا بالسكات والموية الباردة

ولد ابا شاويش..حبابك يا صديقي
وعساك طيب انت والأسرة الكريمة..
وبعد..

نعم يا شاويش اتفق معك انو الطرفين (حكومة وحركة) كليهما مجبر اجبارا للتفاوض ، والإتنين معصورين مش من قبل جماهيرهم وانما من قبل قوى دولية واقليمية..

اذا كنت ترى أن النظام لا يريد التوصل الى سلام باعتبار انو ح ينتهي لو اتوصل لسلام ، فنفس الأمر ينطبق على الحركة ، وانت سيد العارفين ناس الحركة لا يستطيعون العيش في سلام مطلقا ، ودونك تجربة الحركة الشعبية في دويلة جنوب السودان.
يعني عشان انتو يا صديقي عندكم السلاح خلاص يا فيها يا تفسوها؟..

الحرب يا صديقي امدها طال ، ومن يتضرر منها لا حكومة ولا قيادات الحركة ولا بقية اهل السودان الكايسين ليهم حل شامل ، وانما المتضرر حتى الأن هو انسان جنوب كردفان فقط..فالى متى يستمر هذا الوضع؟..

ما عندنا مشكلة لو قطيع الشمال مصر على استمرار الحرب حتى يفرض اجندته في الحل الشامل فلينقل الحرب الى كل اقاليم السودان ويجعلها حرب شاملة من اجل حل شامل ..بس اوعى يكون حل زي بتاع الجنوب؟..

ودمت طيبا يا صديقي
كبر

.

كتب بابكر موسى من الفيس بوك:

Quote: ...شايف الهجوم ....علي الحزب الشيوعي....علي اشده....مما تلقي اي زول.....يهاجم الحزب الشيوعي ...و يحاول اللحاق عضوية تخلت عن الشيوعين ...بمحض ارادتهم.....فقط انتظر كم....يوم او شهر...و ربما سنه....لتجدة حجز مقعده الخلفي....فى قاطرة خنازير الاسلام السياسي....يملوا خشموا...من مال دم اهله...و اطفالهم...و كمان فى اتباع رخيصين بشكل....مرات بكلمة تشجيع فقط...لانه ارخص من ان يدفعوا له...من دم اهله......و ابعدوا من الشيوعين...اعلموا ان الحزب الشيوعي لحموا ...مر حاولت ال...C.I.A.....و كثير من المخابرات الراسمالية تحطيمة...و لكنها خابت...يبقي انتوا...سوف تحصدون الفشل و الندامة....التي تتبعكم...من يوم تخليتم عن امهاتكم...و اخواتكم...لمرتزقة خنازير الاسلام السياسي...و اصبحتم تسيئون...للحزب الشيوعي فى المنابر الالكترونية....التي فشل فيها جدادهم الالكتروني...من منطاحة الشيوعين...خسئتم...يا بائعي دماء اهلكم بحفنة من الدولارات...و من يستطيع...انتزاع..منفعة...او شئ لاهلة من خنازير الاسلام السياسي...فليذهب و نشوف فلاحته...و اتركوا الحزب الشيوعي فى حالة...يا حثالة....

بابكر موسى..حبابك يا صديقي
ومرحب بناس الحزب الشيوعي السوداني في البرتا (مش ياهم انتو الوقعتوا عريضة لم شمل الجبهة الثورية؟)..

معظم السودانيين يا بابكر يا اخوي ، مهما ادعوا الإستنارة والتقدم والفكر الواعي ، في اول مطب يمارسون السقوط والإنشطارالأخلاقي والفكري..ويقعدوا ليك امهاتكم واخواتكم..

كان يمكن يا صديقي تسأل من يهاجم الحزب الشيوعي السوداني في هذا الخيط عن دوره في تأليب قطيع الشمال..وتنتظر دفوعاتهم وتقدم دفوعاتك..

عموما يا صديقي ، خليك من ياسر عرمان وقطيع الشمال ، فاموال ممن تسميهم خنازير الإسلام السياسي انتفعوا بيها ناس الحزب الشيوعي لمن ادخلوا نوابهم في برلمان نيفاشا وجلسوا مع خنازير الإسلام السياسي تحت قبة البرلمان..نديك اسامي نواب الحزب الشيوعي الكانوا في البرلمان ولا ح تمارس شفافية وتقولهم براك؟..نجيب ليك اسم منو كان مندهش ومستغرب انو ما عارف قعادو في برلمان واحد مع ابو القاسم محمد ابراهيم ..ولا ح تجيب براك ؟..نجيب ليك التبرير الفطير القدموا الحزب الشيوعي السوداني دفاعا على قبوله بالمشاركة في برلمان نيفاشا ولا ح تجيب براك؟..

اليوم ، الحزب الشيوعي فاتح دوره في الخرطوم تحت حماية من تسميهم خنازير الأسلام السياسي ، وفي نفس الوكت شغال خبث في دعم تعنت قطيع الشمال وتحريضه على عدم وقف الحرب (ولا نسيتوا اتفاقية نداء السودان القمتوا ارسلتوا فيها الشيوعي فاروق ابوعيسى كشخصية مستقلة عشان تكبروا كومكم؟..ولا نسيتوا مندوب الحزب الشيوعي الذي ذهب الى اديس ابابا ووقع مع الموقعين نداء السودان؟..ولا نسيتوا انكم لسع في مجموعة الإجماع الوطني وسقفكم الأعلا اسقاط النظام والذي يعني بداهة اشارة لقطيع الشمال للإستمرار في الحرب؟)..

الحزب الشيوعي السوداني لا يحتاج الى احد ليدمره براهو قاعد يدمر روحو (راجع كتاب فؤاد مطر :نحروه ام انتحر ، وراجع تاريخ مؤامرات الحزب الشيوعي في المحاولات الإنقلابية عبر مؤسسة الجيش السوداني ، وراجع أخر تقرير عن المؤتمر السادس وشوف حزبكم قاعد يتآمر على البسطاء كيف..!!)..

حينما نرفض استمرار الحرب في مناطقنا وترويع اهلنا فهذا اشرف دفاع عن اهلنا ومناطقنا..الحزب الشيوعي قاعد يدافع عن شنو؟.. مش ياهو حارس ليهو عطية مزين من نخبة الخرطوم؟..

في كل تأريخ عمره في السودان ، ظل الحزب الشيوعي تنظيم مرفوض ديموقراطيا (قاعد يفوز في احياء البرجوازية والأرستقراطية ، ويوم واحد ما جاب دواير من مناطق الطبقة العاملة أو طبقة الرعاة أو طبقة المزارعين )..فهل ده تنظيم محتاج سي آي اية ولا غيرها لتدميره؟..ياخي ده خيال مآته لو نفختو هبوب ساكت ح يقع..!!


كبر

Quote: الأنصارى عمر عبدالله عمر أبقى جبتك على الله وأحكم بما يقبله العقل وقل الحق كما أمر ربى وربك، فهل جنوب كردفان كلها نوبه وهل كل النوبه حركه شعبيههذه قضية وطن وقضية قوميات أصيلة فيه فصوت تلك القوميات هوالذى يعلو لا صوت غيرهم فهل جنوب كردفان ليس فيها من ينافح عنهاويكافح عن حقوق أهلها لمعرفته بتفاصيل التفاصيل عنها وأنت أدرىوأعرف ولكنك صاحب مصلحه فى الكيفيه التى تدار بها الأمور الآننحن نطالب بضم النوبه الحقيقيين ليقولوا رأيهم فى ما هو دائر ونعنىمطلق النوبه ومن يمثل عنهم بخيارهم لا بتسلط وتجبر وفوقيه، أين تلفونكوكو وأين دكتور مركز القانونى وأين حسن كنده كربوس ونور تاور وأين وأين وأين كبر فيا دكتور عمر الخطأ لا يصنع الحل والأعوجيظل كذلك وإن كُسر سيجبر أعوجاً وحتماَ الإستمرار فى التنوير سيمٌلّك النوبه زمام أمرهم وكوك الحركه الشعبيه جار فى الأرضفى عقر دارها ودور الحركه الشعبيه الآن كدور عزايات الأجره يبكن لوجع الدفع لا وجع الفقد، سوق ياخ سوق.

ود المفتاح, آليتك طيب,
لو قريت كلامي كويس تلقاه ما مختلف مع كلامك إطلاقا! أنا قلت الحركة الشعبية الأكثر تنظيما و الأقوى من بين " الاجسام" التى تمثل جبال النوبة! المسألة قناعات و تنظيم.. تختار الجهة البتوافق أفكارك ما في إحتكار.. لكن يقول ليك الحركة الشعبية ما مفوضة! دا كلام ما نقدر نعلق عليه و نعتبره ما معقول! إذا الحركة الشعبية ما مفوضة مين المفوض إذن؟ كذلك الحشاش يملا شبكته فمثلا الحركة الشعبية جناح السلام أو أصحاب الحق أو اى كان المسمي هناك المجال مفتوح.. توصلوا لحل يرضى شعب جبال النوبة و سيتبعونكم و الحركة الشعبية سيكون مصيرها الزوال! الحشاش يملا شبكتو
الأخ كبر, لماذا لا تنادينا بما نحب و بإسمنا الذي أخترنا حتى يتسم النقاش بالإحترام المتبادل.. نحن لسنا قطيع و لا قطاع الشمال. نحن الحركة الشعبية شمال! أنت رجل ذو قامة فلا تنحدر بها!

a Polish firing squad

Quote: Shawish Abdelsalam · Calgary, Alberta طيب يا أستاذ أيمن عرفنا انوا انتوا كجزء مقدر من النوبة أو سكان جنوب كردفان ما فوضتوا الحركة الشعبية، ما تمشوا تفاوضوا الحكومة وتجيبوا سلام ولا حل للمشكلة دى وتكونوا عملتوا خير فى البلد كلها بدل الولولة البتعملوا فيها دى. هو حد حاشكم؟. أعجبني · رد · 18 ساعة

كلام زي العجب!

سلام اخونا منصور شكرا ليك.....فعلا الدانه غبيانه.....

سلام اخونا شاويش.....فعلا لن تنال اكثر مما تناله بندقيتك.....نحن ابناء جبال النوبة......اصحاب الوجعة......اكثر المتضرين من هذه الحرب....وكل ما توسعت سوف تشمل الاخرين.....رغم المعناة والضنك...... امثال الجاهل ....متلصق على رقابنا ذى القراد يمص فى دمائنا......ولم يكتفى بذلك بل يدعو بقية القراد لكى يمتصوا من دمائنا.......دى مشكلتنا......اولا نتخلص من القراد.....والجسم يتعافى......بعد داك نشوف مفاوضة الحكومة.

ود ابا كبر صباحاتك بيض.....كيف العيال.

بعض الحادبين من ابناء جبال النوبة......سعوا لاستخراج دعم للنازحين فى المنطقة.....كان المبلغ حوالى ٢٥ مليون دولار......تم الاتصال ببعض الاخوة هناك لتوفير المعلومات.....دخلت الحركة الشعبية على الخط.....قالت دى معلومات عسكرية......عدد النازحين....قالت معلومات عسكرية......قالو ادونا اسم الجهات ونحن نتصل بيهم......الجماعة عفصو الموضوع.....تانى يوم جاء ناطى الكاشف الامين العام ما خلى سنتور.....ولاحاكم ولاية والا طلب دعم اغاثة النازحين........سئل سؤال واحد.....الحكومة بتضرب اهلك انت .....قال لا.......انحنا دايرين نسمع من المتضررين.....عندما يئس.....عين واحد يتابع الموضوع......فى النهاية علم ان الحكومة لا تدعم المسلحين.....رسل القراد الصغير.....وطلبوا دعم.....وقالو انحنا ناس تغير سلمى....ضد الحركات المسلحة.......كشفوهم ناس دارفور....الى اليوم شايلنها مع ناس دارفور.....

اما موضوع بنك الجبال دا موضوع تانى......كل ما يمشو اولادنا فى الحركة الشعبيةللمناطق المحررة.....ليعكسو حقيقة الوضع فى جبال النوبة.....يسجنوا......اما اولاد القراد فتحت لهم الابواب للتصوير وعمل افلام.....كمستندات توثيقة للشحدة باسم المتضررين من الحرب......

الحوار النوبى النوبى.....لحسم الخلافات وتحديد خارطة الطريق......ثم الدخول فى حوار مع ابناء كردفان الكبرى......ثم المفاوضات مع الحكومة.

شعب جبال النوبة.....قدمنا قيادات عظيمة للشعب السودانى.....امثال القائد الامام المهدى.....والقائد على عبد الطيف.....لايمكن ان نقدم قائد خائب عديم الرجاء للشعب السودانى......لقد خذل الشعب السودانى من قبل....و نتكر لنا رغم اكرامنا له.....ومن قبل تنكر الى اهله......وتنكر على الجبهة الثورية.....فماذا ينتظر منه الشعب السودانى.

نحن ابناء جبال النوبة.....لانحتاج الى اغاثة.....المطلوب معدات زراعية.....تركترات وحاصدات.....لكل من جنوب كردفان .....وشمال كردفان....وغرب كردفان......تدخل المعدات الزراعية من شمال السودان او من جنوب السودان......نحن موافقين لا اعتراض لنا......تكون هذه المعدات فى عهدة المواطنين......ثانيا وقف اطلاق النار لمدة خمس سنوات......ثالث . يسمح لابناء الولايات الثلاث بعفاء جمركى فى داخل الولايات الثلاث فقط طوال فترة وقف اطلاق النار.....رابعا المشاركة فى برلمات الولايات الثلاث بنسبة خمسين فى المئة يختارهم المواطنين.....وخمسين فى المئة تعين من الحكومة......خامسا المشاركة فى البرلمان الاتحادى بنسبة ثلاثين فى المئة.....عشرة فى المئة لكل ولاية......لعكس مشكلة المناطق......سادسا تخصيص منح دراسية مجانا فى الجامعات السودانية خمس فى المئة فى كل جامعة......وانشاء جامعة فى كاودة للمواطنين....سابعا الدخل المالى للولايات الثلاث تخصص فى داخل الولاية للتنمية مع تخصيص ثلاثين فى المئة مواد عينية للمناطق الخاضعة لسيطرة الحركة.....ثامنا الامن قوات الحركة تكون داخل المناطق سيطرتها.....وقوات الحكومة داخل ثكناتها......اما القرى والمناطق الزاعية تخضع لسيطرة المواطنين......تكوين شرطة من المواطنين تكون مسؤلة عن الامن.....لايسمح لاى احد ان يحمل السلاح غيرهم.......تاسعا عفو شامل لكل من حمل السلاح.......عاشرا السماح بجمع التبرعات من الخيرين من ابناء الوطن ومن خارج البلاد لدعم مشروع السلام.

عبد العزيز الحلو ......وجقود......اما ان تكونو فى خدمة ابناء المنطقة.......اوخدمة اجندات ياسر عرمان......لقد اصبحنا عند مفترق الطرق........لقد طال امد الحرب......نحن من يتضرر من هذه الحرب اللعينة......ولا احد من الشعب السودانى يدفع الثمن.......لايمكن ان نقدم شيك على بياض ونسلمه لذلك المعتوه ثمنا لحرية شعب ادمن الاستعباد.......من اراد الحرية فليدفع الثمن.....اما نحن لا يمكن ان ندفع الثمن لكى ينعم الاخرون بالحرية.

نحن لسنا اوصياء على الشعب السودانى.....من يريد الحرية داك عمر البشير فى القصر .....والماعارف الطريق نحن نوصف ليهو الدرب.....الدكتور منصور خالد لقد وصف حالة النخبة و ادمان الفشل......لكنه تغاضى عن وصف الشعب السودانى الذى ادمن ممارسة السادية عليه.....اصبح حال الشعب السودانى مثل المثل.......دقوهو لكن ما تجروهو...... هو الشعب السودانى عايز كدة .......انحنا البيدخلنا بين البصله وقشرتها شنو.......ناس بتستلذ بضرب الحكومة وفى نفس الوقت لاترغب فى تغيرها.......خلو الناس فى حالها .......وشوفو قضايا المنطقة بدلا من ضياع الوقت فى شغلانة فارغة.

Quote: نحن ابناء جبال النوبة.....لانحتاج الى اغاثة.....المطلوب معدات زراعية.....تركترات وحاصدات.....لكل من جنوب كردفان .....وشمال كردفان....وغرب كردفان......تدخل المعدات الزراعية من شمال السودان او من جنوب السودان......نحن موافقين لا اعتراض لنا......تكون هذه المعدات فى عهدة المواطنين......ثانيا وقف اطلاق النار لمدة خمس سنوات......ثالث . يسمح لابناء الولايات الثلاث بعفاء جمركى فى داخل الولايات الثلاث فقط طوال فترة وقف اطلاق النار.....رابعا المشاركة فى برلمات الولايات الثلاث بنسبة خمسين فى المئة يختارهم المواطنين.....وخمسين فى المئة تعين من الحكومة......خامسا المشاركة فى البرلمان الاتحادى بنسبة ثلاثين فى المئة.....عشرة فى المئة لكل ولاية......لعكس مشكلة المناطق......سادسا تخصيص منح دراسية مجانا فى الجامعات السودانية خمس فى المئة فى كل جامعة......وانشاء جامعة فى كاودة للمواطنين....سابعا الدخل المالى للولايات الثلاث تخصص فى داخل الولاية للتنمية مع تخصيص ثلاثين فى المئة مواد عينية للمناطق الخاضعة لسيطرة الحركة.....ثامنا الامن قوات الحركة تكون داخل المناطق سيطرتها.....وقوات الحكومة داخل ثكناتها......اما القرى والمناطق الزاعية تخضع لسيطرة المواطنين......تكوين شرطة من المواطنين تكون مسؤلة عن الامن.....لايسمح لاى احد ان يحمل السلاح غيرهم.......تاسعا عفو شامل لكل من حمل السلاح.......عاشرا السماح بجمع التبرعات من الخيرين من ابناء الوطن ومن خارج البلاد لدعم مشروع السلام.

البند الحادي عشر ..
انت مفروض تكون رئيس للسودان .. كلامك بسيط ومفهوم وبدون رتوش .. اعلن جهلي التام بمشاكل جبال النوبه نسبه لعدم اهتمام بالسياسه في الاونه الاخير
رجاء
اريد خريطه لمنطقه النزاع لاني لم اجد في النت

اما اذا اراد ياسر عرمان ان يصفى حساباته مع اهله.......يمشى يصفى مريسته فى بيتوا هناك......هنا ما مكان انداية......اذا كان مفتكر بيتو طاهر.......انحنا ذاتنا بيوتنا مساجد وكنائس.....ما عندنا مكان للنجاسة......يمشى الشمال يعمل فيها زاهد ومتصوف.......يجينا هنا داير يسكر وعربد مع الشلة ويعمل الفوضى.....اولاد النوبة يجب ضبط الفوضى.......نظرة هذا الرجل لنا لم تتغير.

سلام يا محب
اهلنا زمان بيقولو المك والقاضى حطب النار......عشان كدة انحنا زاهدين فى الحكم..

ياكافى البلاء.....ورافع المحن....يا اهل الشمال تمسكوا اولادكم الكويسين عندكم......وتفكو لينا السكارة وكتالين الكتلا......الفيكم اتعرفت.....انحنا يا جماعة الفينا مكفينا.......ارحمونا بالله ياجماعة يرحمكم الله......دا كرهنا حاجة اسمها الوحدة......قال مفاوض قال......لاقى البلد هملا ساكت......يضرع عيشو فينا.

عبدالعزيز الحلو وجقود
الشغل دا ما داير مفاوض.....بس انت تعرف تعصر محل الوجع.....محل انت فيه هم بعرفو بيرسلو زولهم......اما ورقة الاتفاقية هم بجهزوها......انت بس عاين للورقة.......وقول فى بنود انحنا ما دايرنها.......هم بيجروا يمشو يعدلوها..... ويجوا راجعين......المرة دى ما تعاين للورقة عاين للوجوه.....الزول الشحمان وجضومو كبار......قول الزول دا انا ما دايروا ضمن الوفد المفاوض.....اذا غيروا الزول......اعرف انو الناس ديل مزنوقين......وجادين فى تنفيذ الطلبات......بس ما تكتر منها.....اخير قول دايرين مناسبة تليق بتوقيع الاتفاقية......واجازة عامة للمواطنين بمناسبة اليوم العظيم......عشان تكبر كومك......اما الاتفاقية بند واحد بيطبق مافى.....الشغلانة كلها قلع.....ياهو دا السودان.

Quote: عبدالعزيز الحلو وجقود الشغل دا ما داير مفاوض.....بس انت تعرف تعصر محل الوجع.....محل انت فيه هم بعرفو بيرسلو زولهم......اما ورقة الاتفاقية هم بجهزوها......انت بس عاين للورقة.......وقول فى بنود انحنا ما دايرنها.......هم بيجروا يمشو يعدلوها..... ويجوا راجعين......المرة دى ما تعاين للورقة عاين للوجوه.....الزول الشحمان وجضومو كبار......قول الزول دا انا ما دايروا ضمن الوفد المفاوض.....اذا غيروا الزول......اعرف انو الناس ديل مزنوقين......وجادين فى تنفيذ الطلبات......بس ما تكتر منها.....اخير قول دايرين مناسبة تليق بتوقيع الاتفاقية......واجازة عامة للمواطنين بمناسبة اليوم العظيم......عشان تكبر كومك......اما الاتفاقية بند واحد بيطبق مافى.....الشغلانة كلها قلع.....ياهو دا السودان.

الأخ ايمن
اذا عبدالعزيز الحلو وجقود ما سمعوا كلامك حتبقى المشكلة وين بعد ده او الحل شنو ؟
وبعدين خطابك للناس ديل بيؤكد انو ياسر عرمان بيفاوض بعلمهم وبرضاهم والا ما كده ؟
انت مبارك اردول ده ما ابن منطقة زيك وزى الحلو وجقود والناطق الرسمي باسم الحركة وكمان عضو معاك في المنبر ده .. رايو شنو في كلامك ده ؟

Quote: انت مبارك اردول ده ما ابن منطقة زيك وزى الحلو وجقود والناطق الرسمي باسم الحركة وكمان عضو معاك في المنبر ده .. رايو شنو في كلامك ده ؟

وعقولة يا خالد حاكم فاتت عليك !
ياخى نواى دا من اول مداخلة ليهو فى المنبر دا عارف هو بسوى شنو!
تحياتى .

ياخالد حاكم
انحنا والله شغلتنا ملحنين......فى ناس بيكتبو الغناء.....وفى ناس كورال......وعازفين.....وسمح الغناء عند اسيادو......الشغلانة دايرة تدريبات مكثفة.....كل واحد يحفظ الكوبلى بتاعو......اهم الشئ الزمن واختيار الغنية.....عازة فى هواك.

يا مرتضى
خت الكورة فى الواطة....باصاتك عالية....انحنا لسع بنلعب فى السنترليك......دورى المحترفين ما بنقدر عليهو......العلب على مستوانا.......الشوت دا الحالة بى رجل واحدة لو كانت بالرجلين ماعارف كان حا تقولو شنو.

قوانين الحركة معطلة.... وانحنا ما رشحناهو .....يعنى الشغل دا ماشى بالبركة.......الكاشف دا دخل الجبال من غير احم ولا دستور.......مافى زول ناداهو......يعنى جاء براهو......حقيقة انحنا شميناهو......ريحتو ما عجبانا.....من برة نضيف ومن جوة وسخان......وبشوة صورة اخونا الجلابة فى الشمال......البلد ان انقسمت ما تستغربوا......لان امثال الكاشف دا لعبو دور قزر.
بعد انفصال الجنوب والشمال......مفروض ان يكون رئيس قطاع الشمال......اما جنوب السودان الجديد له رئيس......لكن الراجل مصر يضع كل البيض فى سلة واحدة......يعنى بى ضربة حجر واحد ينتهى من كل البيض......عشان كدة انحنا بنقول البصلة الواحدة ببتعفن شوال البصل كله......عشان كدة الناس تشرر البصل كله......عشان نقدر نحافظ على بقية البصل.....ولا ماكدة ياناس!!!!

قال دايرين ديمقراطية وحرية.....ممكن نحن ناس جبال النوبة نشيل البندقة و وش القباحة......اذا كان فعلا تتحول البلد الى ديمقراطية حقيقة وحرية لا مانع لدينا.......بل نشيل وش القباحة سمبلا ساكت......ابدا لا نقبل بذلك......الله دا شافوا بالعقل ولا بالتلسكوب.......نحن من دول العالم الثالث وفى افريقيا نحلم بالديقراطية ممكن......لكن تتطبق الله اعلم.......نحن عندنا السلطة الابوية وسلطة القبيلة والنعرات العنصرية وامراض كثيرة منتشرة انتشار النار فى الهشيم......لذا نحن النوبة ليس من اولوياتنا هذا العبث ولانريد ان نضيع اوقاتنا جريا وراء الاوهام.......نحن لانشترى الوتدد قبل شراء البقرة......ليس لدينا مقومات الديمقراطية لذلك لانبحث عن الديمقراطية.

لماذا تاخرنا عن محاصرة الخرطوم....؟..الذى يجعل المعروف فى غير اهله يكن ذما عليه ويندمى.....اذا تولى امرنا جاهل ماذا نتظر غير النحيب والبكاء......واه اسفاه على الحلو....وابيضت عيناهو من الحزن وهو كظزيم.......القائد لابد ان يعى تضاريس المنطقة ونفسية اهل المنطقة.....قبل ان يخوض الحرب......منطقة جبال النوبة رعاه البقر....يحبون اللون الازرق لون اجسادهم......واللون الاخضر خضرة ارضهم.....عندما رفع الامام المهدى الراية الزرقاء لبو النداء.....لم تقف امامهم ترسانة العدو.....اقوى جيش فى العالم انذلك الوقت....دكت تحت اقدام جحافل ركبهم غير مبالين بما يملكه العدو......كل ما يملكونه ايمانهم وسيوف العشر.....شيكان مغبرة العدو.....اما هذا القرد الاعمش....اراد ان يكرر نفس التجربة......رفع الراية الحمراء وهو لا يدرى......ان اهل المنطقة لايحبون هذا اللون.....ببساطة لان هذا اللون الاحمر يجفلن منه البقر.

Quote: متمردو (الشعبية) يعلنون إعاقة تقدم قوات حكومية نحو حامية قرب الدلنج الخرطوم 6 ديسمبر 2015 ـ قال متمردو الحركة الشعبية ـ شمال، إن قواتهم في جنوب كردفان تمكنت، الخميس الماضي، من إعاقة متحرك للقوات الحكومية كان في طريقه صوب حامية "كندكيل"، 10 كلم شمالي مدينة الدلنج. الجيش الشعبي ـ شمال بجنوب كردفان في استقبال رئيس هيئة الأركان اللواء جقود مكوار ـ 28 نوفمبر 2015 "سودان تربيون" وتقاتل الحكومة السودانية الحركة الشعبية ـ شمال، في كل من النيل الأزرق وجنوب كرفان منذ العام 2011، ولم تفلح عشر جولات من التفاوض في وضع حد لتلك الحرب. وحسب المتحدث باسم الجيش الشعبي التابع للحركة الشعبية، أرنو نقوتلو لودي، فإن قوات الجيش الشعبي تمكنت من عرقلة وإعاقة متحرك لقوات الحكومة كان متقدماً نحو حامية (كندكيل)، "بغرض تنفيذ هجمات ضد المدنيين العزل في المناطق التي تسيطر عليها الحركة الشعبية في مقاطعة الدلنج". وقال لودي في بيان تلقته "سودان تربيون"، الأحد، إن قوة من الجيش الشعبي نفذت هذه العملية بدون أي خسائر من جانبها، وزاد "جاءت العملية بعد رصد دقيق من الجيش الشعبي لتحركات مليشيات العدو ونواياهم التي أعلنتها قيادتهم السياسية في الأسبوع المنصرم بإنتهاء فترة وقف إطلاق النار". وتابع: "تعتبر هذه التحركات العسكرية من قوات ومليشيات النظام خرقا لإعلان وقف العدائيات من الطرفين". وكان مساعد الرئيس السوداني إبراهيم محمود أعلن عقب انفضاض جولة عاشرة لمفاوضات المنطقتين بين الحكومة والحركة بأديس أبابا، في نوفمبر الماضي، انتهاء وقف اطلاق النار الذي أعلنه الرئيس عمر البشير عقب ابداء الجبهة الثورية الدخول في وقف لاطلاق النار يمتد لستة أشهر. وأكد المتحدث باسم الجيش الشعبي أنه قتل في العملية تسعة عسكريين من قوات الحكومة واستولت قواتهم على مدفع "أربجي ـ 7"، ومدفع رشاش "بي كي إم" وثلاثة بنادق "كلاشنكوف". وقطع بأن الجيش الشعبي في كل المحاور والجبهات متابع لتعزيزات وتحركات قوات الحكومة، وأوضح أن "رئيس الجبهة الثورية الفريق مالك عقار، وجه كل القوات للتصدي لعمليات الصيف الحكومي لأفشالهم والحاق الهزيمة بهم." وأطلقت القوات المسلحة السودانية وقوات مساندة لها منذ أكثر عامين عملية "الصيف الحاسم" في محاولة لإنهاء التمرد في منطقتي جنوب كردفان والنيل الأزرق وإقليم دارفور.

كبر
ــــــــــــــــــــــــــــــــــــــ
المصدر: صحيفة سودان تربيون

ول ابا ايمن..حبابك يا صديقي
نحن طيبين يا قريبي والعيال كويسين..
وبعد..

طبعا ناس قطيع الشمال عندهم منطق غريب وعجيب..بدل يقعدوا يتفاهموا مع مواطني المنطقة ويسمعوا النصح..طوالي مدورين ليك عروض..نظام عضلات تبش وشنو كده ما عارف..!

فالجماعة عشان يطمئنوا ناس الحزب الشيوعي الهالك.. بيقوموا يعملوا تسليم وتسلم: اهو المفاوضات فركشناها ، وشغالين ترويع للمواطنين..وناس الحزب الشيوعي الهالك يتبسموا حتى تبين نواجزهم..طالما الموضوع بعيد هناااااااااااااااك في ضواحي الدلنج..وانت سيد العارفين..الدلنج تبعد مسافات من دور الحزب الشيوعي الهالك المنتشرة في العاصمة القومية..!

نسألك يا ايمن: كندكيل دي وين بالضبط؟..لأنو في الوصف حسب كلام اخونا ارنو انها تقع شمال الدلنج بعشرة كيلو متر..يا ربي تكون دي السنجكاية ولا الضليمة ولا شاشنديل ولا الحفير..؟..

طبعا الشعب السوداني المسكين ح يضحك لمن يقع على التراب لمن يكتشف انو القرى دي ما فيها حامية ولا جيش ولا يحزنون..والحامية في الدلنج من زمن الإنجليز ولغاية هسع قاعدة..!..يعني قطيع الشمال شغال ترويع للمواطنين وبيمنعهم الإنتاج والحصاد..عشان بعد شوية يجي يقول ليك أهو المجاعة قدامكم يللا ادونا اغاثة..!

طبعا منطقة زي دي ما ح تعمل أي فرق استراتيجي ولا بتأثر على ميزان قوى ولا يحزنون..وانما هي فرقعة وزوبعة بتاعة نحن قاعدين..!

هذه العملية العسكرية لا تفسير لها سوى ان قطيع الشمال يبحث عن خلق مجاعة في جنوب كردفان..!

كبر

سلام وال ابا كبر
نعم الحلة صغيرة موجودة......ههههههههه القحة و لا صمة الخشم......ناس شعرية ديل فضحونا وشرطو عينا......دا ما شغل نوبة......دا شغل الجماعة التانين......قاعدين بيوصلوا رسالة للحكومة عشان ترجع تفاوضهم......اظنهم مستعجلين دايرين يحصلو السوق قبل حوار سكان كردفان الغرة ام خيرا جوة وبرة.