نجيب سرور، نجيب زيادة وأخريات

10:01 AM Nov, 20 2015

سودانيز اون لاين
حمد عبد الغفار عمر-
مكتبتى
رابط مختصر

الراندوك لغة أحيانا تبدو ممتعة ولكن تحتاج إلى حرفنة حتى تكون مهضومة وغير مملة

تختلف أنواع الراندوك

قسم بعتمد على قلب الكلام مثلا يقول ليك يا جاح شامي نيو (يا حاج ماشي وين)

وقسم يستبدل الحروف وتركيب كلمة جديدة بالحرف المستبدل مثل سدني مرمر (مدني) أو سارينا كمون (كارين)

القسم الثالث وهو البعتمد على حضور البديهو والذكا وهو اقتباس اسم مشهور للتعبير عن حالة

مثل عبد الغني الجمصي كناية عن الثراء

عندنا واحد لما الجو يكون كاتم يطلع عرقان ويقول ليك كتمبيرا ياخ

نجيب زيادة دي حقت ناس الشربة

أخير نجيب سرور وهو شاعر معروف ولكن قصيدته الأخيرة (حقت كبر) أنا شخصيا ما سمعت بيها إلا بعد التداول الحصل في المنبر بشأنها

يعني من هنا ورايح ممكن نستخدم نجيب سرور ككلمة مرادفة بدل البتاعة ديك

ممكن تكون زهجان من زول وفي محل ما قادر تقول ليهو الكلمة ديك طوالي تجر ليهو نجيب سرور وحسب الزهجة ممكن تقول نجيب سرووووووور ياخ