دى شنو كمان حكاية تعديل القرآن دى؟

11:41 AM Nov, 19 2015

سودانيز اون لاين
انور تاج السر-Pacific Ring of Fire
مكتبتى
رابط مختصر

و أقصد تحديداً هشام ادم و دينق!!!!

أنتو قايلين الحكاية دى تعديل مداخلة فى المنبر تضغط عدل و تطبز فى ال text ثم تضرب submit changes؟؟!! لاااا يا حلوييين.

أنا لست بصدد الدفاع عن القرآن لسبب بسيط، لأنكم لا تؤمنون به و لا بالاسلام فدعونا نحتكم للمادية المنطقية.

أجيبونى فى البدأ ما هو هدفكم من هذه الدعوة لتعديل القرآن هل تهدفون مخلصين للاصلاح من أجل السلام العالمى و حماية الغربيين و الروس اللحمهم حلو، أم رفع توصيات فارغة للمسلمين من برج عاجى مزيف ليصلحو أحوالهم؟؟!!

قليل من الاحترام لعقول الاخرين يا جوز الهنا!!!

الأخ / أنور تاج السر

تحياتي ، ، ،
حاولت أكثر من مرة الرد على ترهات المدعو هشام آدم وكل ما أبدأ بكتابة الرد أرجع وامسحوا
لأن غير جديد بالرد عليه ..!!
ما يحيرني أنه رجل ملحد لا يؤمن بأي دين من الديانات ، لكن لا تجد موضوع يتحدث عن الدين
خصوصاً الإسلامي إلا وتجده أول المعلقين والمتداخلين ، يا عمي انت راجل ملحد وفر وقتك
وجهدك وما تشغل ذهنك بالدين طالما إنك ملحد وركز في المجال الأدبي ، أفضل وأريح لك ولنا

ده اسمو الألحاد السلفى زى ما قال تبارك .. فى واحدة من تجلياتو ...

الأخوين عثمان و جلالدونا سلام و تحية،

ياخى كان ممكن ببساطة الجوز ديل يدعو المسلمين الى التحلى بالقيم و الضمير و الاخلاق و احترام الاخر و حفظ حقوقه و صيانة الأرواح و الممتلكات (و معظم المسلمين كذلك) كنا نقول معليش مافى مشكلة، لكن ترفع توصية رعناء و غير مسؤولة بتعديل كتاب سماوى اتباعه بالمليارات؟؟ عليكم الله ده نسميه شنو؟؟؟!!!

Quote: دعونا نحتكم للمادية المنطقية.

Quote: رفع توصيات فارغة للمسلمين

انور .. اتصلح مع المنطق ..

كتبوا الكلام ده وين؟
صبرى الشريف قال نطوِّر النصوص
بس قدر ماسَجِّينا ولجِّينا معاهو ماورانا كيف

كذاب اشر وجد تصفيقا من البعض فاعتقد انه مفكر وكل تاريخه في هذه المنبر كذب وسرقات ..

كدي يا استاذ انور، جيب لينا التعديلات الاقترحوها نشوفها ينوبك ثواب

الأخ ايمن محمود سلام،

عليك الله ورينى خالفت المنطق فى شنو عشان اتصلح معاهو؟؟؟!!

الأخ الجميل الفاضلابى لك التحايا و التقدير،

عليك الله راجع البوستين ديل و شوف الخبل اللى على اصولو

إسلام التكفير والإرهاب هو سلاح الدمار الشامل الحقيقي الذي ينبغي مواجهته

جريمة "غير حضارية" في باريس!

الأخ الكريم نيازى مصطفى سلام و تحية،

يا اخوى الناس ديل ما عارفين بقولو فى شنو، اللهم لا تمحنا لا تبلينا!!

انور
ارقد بسلام

أيمن يا أخوى انت بتتكلم معاى و انت حلمان:::)))

يا مان انت بتنعى فينى و أنا حى أرقد بسلام كيف يعنى؟؟!! و القال ليك منو أنا راقد بى حرب:)

Quote: ما يحيرني أنه رجل ملحد لا يؤمن بأي دين من الديانات ، لكن لا تجد موضوع يتحدث عن الدين خصوصاً الإسلامي إلا وتجده أول المعلقين والمتداخلين

سلآم للجميع .

يا عثمان هشام آدم دا لا مُلحد ولا حاجة، هشام عامل فيها
مُلحد لكن هو زول مضطرب الأفكار، يعني حايص ؤُ لآيص،
ؤُ هو براهو بينو وبين نفسو عارف إنو بيعاني من إضطراب
في التفكير لذلك لآزم، لآزم تلقاهو لآفي في البوستات الزي
دي عسى يجد مخرج من حيرته . هشام ما مُلحد ...

الأخ أنور
سلام

أنا أكتب كتير ولكنى قولا واحد لا أقرأ كل البوستات.. ولا أعتقد أنك تقرأ كل بوست او اى مداخلة تكتب، اليس كذلك؟

لذلك أقول ان مسؤوليتك الأدبية ان تكتب بوست مكتمل من النصوص التي علقت عليها بأنها دعوة من دينق وهشام ادم لتعديل للقران.. وأقول لك ما في زول عاقل يدعو لتعديل القران، بل لا يستطيع احد ان يعدله..
وفى هذا القران لا يحتاج ان يدافع عنه اى شخص لأن حقظـه تكفل به ذو العزة والجلال.. ارتاح من دى.

دحين انت مسؤول بإيراد الدليل لأنك إدعيت الدعوة للتعديل، وفى الشريعة البينة على من ادعى.. ولا يمكن ان ترمى إتهام مثل هذا ثم تطلب من الناس ان يقرأوا الاف الصفحات في سودانيزأونلاين.
جيب النصوص وسوف نكون معك إن كانت صحيحة، ولا تعتقد انك المسلم الوحيد وحامى حمى القران.

وحتى تأتى بالنصوص هاك التحدى دا:

حسب معرفتى بالأخ دينق فلا يمكن ان يكون حتى قريبا من الدعوة لتعديل القران.. أما هشام فهو أساسا لا يؤمن بالدين او الله، فليس هناك معنى لدعوته لتعديل القران..

Quote: حسب معرفتى بالأخ دينق فلا يمكن ان يكون حتى قريبا من الدعوة لتعديل القران..

الأخ أنور, تحياتى
أوافق الأخ أبو الريش فيما يخص الأخ والصديق دينق .
بالتأكيد إثارة مثل هذه الإتهامات الخطيره والتى تمس العقائد الروحيه ضد الآخرين
وبدون دليل يؤدى إلى نتائج سالبه ومضره .
حسب معرفتى الشخصيه للأخ دينق والتى تمتد إلى عشرات السنين أنه شخصٌ محترم
ويحترم كل الأديان وكل المعتقدات الروحيه .

كلامك صاح يا ابو الريش
لا أحد يقرأ كل البوستات ولا أظن كمان كل (عناوين) البوستات
لذلك -يا انور أخوي- عليك أن تعطي الناس سطر توضيحي لمّا تفتح بوست مستولد من، أو refers لبوست تاني.
دي حاجة
الحاجة التانية يا ابو الأنوار ما تستعجل في تفسير مداخلات الناس حتى لا تقع في سوء الفهم وتخسر رواد البوست
مثلما فعلت مع الأخ أيمن محمود (ابوبكر عباس دا دمو تقيل وما ح يشتغل بي قهمتك ليهو)
كدي راجع نفسك، يمكن تلقى روحك مطالَب باعتذار لأيمن وأبوبكر
بس اوعى ترد علي بطريقة تجد فيها روحك محتاج لاعتذار تجاهي أنا كمان
رغم الترقيدات بتاعت أخوي وأبو الأنوار دي+ الضحكة

Quote: المشكلة في الآيات القرائنية التي تدعوا الى قتل وذل غير المسلمين،

دينق

Quote: ما حذر عنه الاستاذ محمود وخرج في سبيله هو وتلاميذه وتلميذاته الان اتضح للعالم ويكابرون لا وسيلة للعقل المسلم من مخارجه من هذا الشرك الا الفكرة الجمهورية مش عشان يعتنقها من يحب او لا بل لسلامة العالم حيث ان الاسلام برسالته الولي هي دي عمايله

ياسر الشريف

Quote: شكرًا عزيزي مرتضى عبد الجليل ومن أساليب دفن الرمال القول بمرحلية هذه الآيات وأنها منسوخة بآيات الإسماح المكية "المؤجلة" .. أو بمعنى آخر التبرير لوجودها في المصحف لا مفر من الإقرار بحقيقة واحدة واضحة وجلية جدًا للعيان (الإسلام دين إرهابي منذ نشأته) ونصوصه القرآنية وأحاديثه "الصحيحة" والتاريخ الإسلامي والسيرة النبوية كلها تدل على ذلك .. ففيم المُجادلة؟ ما يقول به الجمهوريون من أنَّ الآيات المكية هي الأصل في الإسلام وأن الآيات المدنية تاريخية مرحلية هو "إقرار" ضمني بأن الرسول نفسه مارس الإرهاب في زمانه وأن هذا الإرهاب كان مبررًا في وقته، وهذا أكبر وأشنع. مثل هذه الحجج الواهية هي التي تحول دون مواجهة أس المشكلة وتجعلن على الدوام نطعن "ظل الفيل" وبالتالي تعوق حل المشكلة من جذورها .. على المسلمين (إن كانوا جادين في حل المشكلة) أن يُراجعوا القرآن نفسه، ----------------------------------------------------------------------------- وليس التراث الإسلامي (فالقرآن نفسه تراث أصلًا)، وأن يعترفوا ببشاعة هذه الآيات وأن يلغوها من المصاحف، --------------------------------------------------------------------------------------------------------------- ثم فمرحبًا بهم في عالم الإنسانية التي يتحدثون عنها، فلا إنسانية ممن يُبرر للعنف الموجود في القرآن و "يُقدسه" باعتباره كلامًا إلهيًا هشام ادم ... 1 طالما ظلت هذه الآيات القرآنية فسوف يظل بيض الإرهاب يُفقس

Quote: شكرًا عزيزي مرتضى عبد الجليل ومن أساليب دفن الرمال القول بمرحلية هذه الآيات وأنها منسوخة بآيات الإسماح المكية "المؤجلة" .. أو بمعنى آخر التبرير لوجودها في المصحف لا مفر من الإقرار بحقيقة واحدة واضحة وجلية جدًا للعيان (الإسلام دين إرهابي منذ نشأته) ونصوصه القرآنية وأحاديثه "الصحيحة" والتاريخ الإسلامي والسيرة النبوية كلها تدل على ذلك .. ففيم المُجادلة؟ ما يقول به الجمهوريون من أنَّ الآيات المكية هي الأصل في الإسلام وأن الآيات المدنية تاريخية مرحلية هو "إقرار" ضمني بأن الرسول نفسه مارس الإرهاب في زمانه وأن هذا الإرهاب كان مبررًا في وقته، وهذا أكبر وأشنع. مثل هذه الحجج الواهية هي التي تحول دون مواجهة أس المشكلة وتجعلن على الدوام نطعن "ظل الفيل" وبالتالي تعوق حل المشكلة من جذورها .. على المسلمين (إن كانوا جادين في حل المشكلة) أن يُراجعوا القرآن نفسه، ----------------------------------------------------------------------------- وليس التراث الإسلامي (فالقرآن نفسه تراث أصلًا)، وأن يعترفوا ببشاعة هذه الآيات وأن يلغوها من المصاحف، --------------------------------------------------------------------------------------------------------------- ثم فمرحبًا بهم في عالم الإنسانية التي يتحدثون عنها، فلا إنسانية ممن يُبرر للعنف الموجود في القرآن و "يُقدسه" باعتباره كلامًا إلهيًا هشام ادم ... 1 طالما ظلت هذه الآيات القرآنية فسوف يظل بيض الإرهاب يُفقس

سلام يا جلالدونا

أرجو ملاحظة أن كاتب العبارات الجميلة هذه ليس هو شخصي وإنما صبري الشريف

ياسر

Quote: دينق

المُشكلة وين يعني ؟، وإذا كانت هنالك مشكلة ستظل قايمة يا جلالدونا
لأنو الناس ديل رافضين لكل التفسيرات بالنسبة للآيات !...

يا جلالدونا باللاى خلى النصوص الما عندها علاقة بالموضوع..

جيب دليل عن الدعوة لتعديل القران.. أي كلام تانى ما حيكون عنده فائدة لك.

أكرر "تعديل القران".. هات دليل بالنص، وليس فهمك انت للنص.. جيب النص ونحن نفهمه بطريقتنا ولنا عقول ولسنا بحاجة لعقول اخرين لتفسر لنا.

Quote: لماذا أمر محمد قتل عبد الله بن أبي السرح؟ هل لأنه "قاتل" وحمل سيفًا، أم لأنَّه قدَّم نقدًا في صميم الوحي؟

هشام ادم
اها فى الحتة دى عندى راى
الفرق شنو بين النقد و التزوير و خيانة الامانة فيما املى عليه كتابته و كتب غيره بتعمد واضح

Quote: المُشكلة وين يعني ؟، وإذا كانت هنالك مشكلة ستظل قايمة يا جلالدونا لأنو الناس ديل رافضين لكل التفسيرات بالنسبة للآيات !...

و ده أٌس المشكلة يا مدير .. غايتو بالنسبة لى صعب اقنع زول ده رأيو
و يا ريت لو رأى انما تثبيت حالة تستوجب ادانة كلام الله

يا ابو الانوار .. دى ما قالا ود الزبير....
اتفق تماما مع ما ساقه اخونا معاوية فيما كتبته فى حق الاخ ايمن و الاخ بكورتى
بصراحة يلزمك اعتذار واضح و جلى للاخوين الكريمين
نعم نختلف معهما اذا كانت هناك اسباب للاختلاف و لكن لا ىحجر عليهما فى ابداء ما يرونه صحيحا
معاك الاسئلة التعسفية بتقوم بى كثافة الزول لكن الحوار داير صبر
لو سمحتا اعتذر و خلينا فى المهم الاهم من الاهم ,,

أعتذر للأخوة الاتية اسماؤهم:

دينق

ابو الريش

عبد الله عبد الله

أيمن محمود

ابوبكر عباس

معاوية الزبير


أنتو هشام ادم المسكين ده ما عندو وجيع نهائى:)

يعني داير تشرد بالاعتذار؟!
شن طعم الاعتذار؟!
يا اما تجيب المقترحات
يا تطلب من بكري يقفل ليك البوست
اختار

Quote: أنتو هشام ادم المسكين ده ما عندو وجيع نهائى:)

سلآمات يا انور .
والله يا انور هشام آدم دا يكون مُلحد أو يكون مُدعي الإلحاد فهو
من اكثر الناس تهذيباً وانا علي ذلك من الشاهدين .

يا مستنير يا ريت في الأوّل تقبل الإعتذار، بعد دآك
الباقي كلو ملحوّق . إنت مالك زول لِكّة كدي ؟...

Quote: شن طعم الاعتذار؟!

يا أبوبكر عباس موش كان تكلمنى عشان اضيف ليك للاعتذار روح موز ولا فانيلا:)

لا بجيب النصوص لا بطلب من بكرى يقفل البوست.

الظاهر أنا بالبوست ده هبشت ناس كبارات بالمنطقة و ربما عبثت بالأمن القومى

Quote: أرجو ملاحظة أن كاتب العبارات الجميلة هذه ليس هو شخصي وإنما صبري الشريف ياسر

اعتذر تماما عن تلك الهفوة ..
قد لا بهم من هوالقائل لكن المهم الحقيقة التى وردت فىما قال

Quote: يا جلالدونا باللاى خلى النصوص الما عندها علاقة بالموضوع.. جيب دليل عن الدعوة لتعديل القران.. أي كلام تانى ما حيكون عنده فائدة لك. أكرر "تعديل القران".. هات دليل بالنص، وليس فهمك انت للنص.. جيب النص ونحن نفهمه بطريقتنا ولنا عقول ولسنا بحاجة لعقول اخرين لتفسر لنا

امنت برب العالمين
مجرد المطالبة بالجذف بعتبر شكل من اشكال المطالبة بالتعديل
عليك الله ما تجرنى لى حتة ما بتفوت على مستواك العقلى
اّية ...و احدهم طلب حذفها من القرءان
انا لا جبتا نص و لاعندى راى فى نص
لا تحملنى ما لا احتمل
كل الامر نقلت المداخلات ... التى اظن .... ان اخونا انور اعتمد عليها فى هذا المفترع
و ابديت ما اراه فى مداخلة واحدة بس
كيف بعنى تجى تخمنى بى كلام ديب و ما تجيب
اقرا صاح يا ابو الريش ...

ودالمدير يا حبيب،


و اعتذر كذلك للأخ هشام ادم اذ غلطت فى حقو فما كتبته فى الاعلى ليس سوى مزحة

أنا استهدف طرح هشام و ليس شخصه.

**مجرد المطالبة بالجذف بعتبر شكل من اشكال المطالبة بالتعديل**

يا جلالدونا انا رأيت ان اترك هذا الخيط بعد إعتذارك بدون أن يطلب منك، والمقدر والمشكور عليه .. لكن عبارتك الأخيرة هذه تستحق التعليق.

فأولا ما في نص حتى الان.. والمطالبة بالحذف يعنى شنو؟ والقالها منو؟ والنص وين؟ يا خى ارتاح وريح الناس وجيب النص، بعد داك نحن نقطعه او نفهمه حسب تحليلنا نحن.
الحذف أو التعديل.. الاتنين مافى نص يدعم انو في زول فالهم غيرك في البوست دا.

تحياتى

اوكى يا ابو الريش
الاية المقصودة قوله تعالى

Quote: "فإذا انسلخ الأشهر الحرم فاقتلوا المشركين حيث وجدتموهم وخذوهم واحصروهم واقعدوا لهم كل مرصد فإن تابوا وأقاموا الصلاة وآتوا الزكاة فخلوا سبيلهم إن الله كان عليا كبيرا"..

الاية اوردها اخونا ياسر و علق اخونا هشام ادم عليها بقوله

Quote: على المسلمين (إن كانوا جادين في حل المشكلة) أن يُراجعوا القرآن نفسه، وليس التراث الإسلامي (فالقرآن نفسه تراث أصلًا)، وأن يعترفوا ببشاعة هذه الآيات وأن يلغوها من المصاحف، ثم فمرحبًا بهم في عالم الإنسانية التي يتحدثون عنها، فلا إنسانية ممن يُبرر للعنف الموجود في القرآن و "يُقدسه" باعتباره كلامًا إلهيًا طالما ظلت هذه الآيات القرآنية فسوف يظل بيض الإرهاب يُفقس

ما عايز اخش فى حتة اخونا مرتضى عبد الجليل و اضافاتو
لكن المهم عندى انك شاركت فى ذلك البوست و دى مداخلتك

Quote: ههههههه هشام ادم، زولتك أكلت المسكينة حنك ساكت.. في هيروشيما مدن كاملة أحرقت بما فيها من بشر وحيوانات ونباتات.. والغالبية الأمريكية المسالمة لم يكن لها حساب في العراق 2 مليون قتلوا ومتاحف عريقة دمرت، والغالبية الأمريكية المسالمة لم يكن لها حساب.. أصحاب الأرض الهنود الحمر أبيدوا من وجه البسيطة إلا القليل، والغالبية (الأوروبية) المسالمة لم يكن لها حساب. قلنا نكمل ليها كلامها.

و الكلام ده حصل فى البوست ده
إبراهيم عيسى يقول ان ابن تيمية والوهابية وراء سفك الدماء باسم الإسلام. فيديوإبراهيم عيسى يقول ان ابن تيمية والوهابية وراء سفك الدماء باسم الإسلام. فيديو
و يا ريت نكون متفقين فى حتة انو الحذف شكل من اشكال التعديل
و ان شالله يكون عدانى العيب

تعرف يا جلالدونا أنا اكتشفت انو نحنا قاعدين ننفخ فى قربة مقدودة.

أول مرة أعرف انو الحذف ما من ضمن التعديل!!!!

**أول مرة أعرف انو الحذف ما من ضمن التعديل!!!! **

واللاى انت زول عجيب.. ياخوى ما في زول ناقش مفهوم الحذف.. قلنا الدليل والنص وين؟ لم اسمع هذا إلا منك وارجوك لا تحيلنى الى قراءة الف بوست حتى اجد العبارة.

غالبك تقول فلان قال كدا وهذا نص كلامه؟

خلاص يا أبو النور،
ما دام فشلت تجيب عضم بوستك
ممكن تغيير البوست دا وتهاجم الجمهوريين البنادوا بحذف العمل بالقرآن المدني.

الكوتات القالوا فيها الكلام دا أنا بجيبها ليك
عشان تشوف الطقطقة من ناس المنصوري
فالح لي في هشومي المسكين دا
دينق عندو أصحاب بدافعوا عنو
إلا هشام وحيد

يا ابو الريش انت موش قلت داير تترك هذا الخيط؟ وقدرنا انو عبارة جلالدونا الأخيرة هذه تستحق التعليق و علقت عليها و انتهى.

الجابك راجع تانى شنو؟؟!!!

عايز تدافع عن دينق؟ خلاص قبلنا دفاعك و اعتذرنا ليهو و ليك، أما لو كايس ليك شكلة امشى شوفها فى محل تانى.

و مش قلت لى (هذا القرآن لا يحتاج ان يدافع عنه اى شخص لأن حفظـه تكفل به ذو العزة والجلال، ولا تعتقد انك المسلم الوحيد وحامى حمى القران)

ياخى اكتفى بى عبارتك القمعية دى و امشى الله يرضى عليك.

أين الاخوة دينق و هشام ادم ؟؟!!

يا أبكر الناس دى انقضت على انقضاضة رجل واحد لمن هجمونى، لكن عزائى الوحيد انها ما فى صمة خشمى يعنى استاهل الهجمة دى:)

عليك الله أنا ما صدقت اتفكيت من اللوبى الدينقى داير تلم فينى الخلق مالك يا مطوفش:)

الحمد لله ما جانى محمد يسن خليفة(له التقدير) كان ركبنى التونسية:)

و زى ما قال احد أعضاء اللوبى المذكور أعلاه (هذا القرآن لا يحتاج ان يدافع عنه اى شخص لأن حفظـه تكفل به ذو العزة والجلال، ولا تعتقد انك المسلم الوحيد وحامى حمى القران)، أنا الودانى اتشالق شنو ؟

تعرف أنا غلطتى انو اتغولت على تخصص أحمدونا و عماد حسين (لهما التقدير)

فعلا
يوجد تشتيت وشلاليت كمان ..
أقترح على أبو النور الصهينة .

طلحة يا حبيب،

شرفت البوست.

تعرف الناس الجات دى كلها عارفة عضم الموضوع الأنا طرحتو زى جوع بطنهم، و لكنه التعامى.

غايتو البورد ده لو داير تستمر فيهو أبعد من المساس بالعصابات و اللوبيهات. و أصلاً انا لو صهينت ولا لا ما فارقة لانو نفخ فى قربة مقدودة زى ما قلت قبل كده.

و الله يا طلحة لو فى يوم من الأيام الأشكال دى حا تجى تحكم السودان، و الله اتمنى انو الكيزان يستمرو للأبد.

Quote: و الله يا طلحة لو فى يوم من الأيام الأشكال دى حا تجى تحكم السودان، و الله اتمنى انو الكيزان يستمرو للأبد.

سلامات يا أنوروعساك بخير
*موضوع البوست شيق ومشهي للحوار الهادئ في اطار الاحترام المتبادل والهدوء و "المنطق"
ولكنك نقضت غزلك
* اعتذارك لم يتم قبوله لأنه لم يكن صادقاً ولم يتم عن قناعة كما ظهر جلياً في عودتك "للهرتلة"
* في الغالب "أنا" والاشكال التانية ما حا ناخد وندي معاك في موضوعك ده لأنو دي بتكون حاجة "ما منطقية".
أرقد بسلام

ما دام المعنيين بهذا لبوست لم يحضرو، أعتقد ان فكرة البوست وصلت للجميع، و أقترح على كل من يرغب فى تعديل القرآن حفاظاً على السلم العالمى و الحضارة الأنسانية أن يستأجر واحد طبيع يطبع المصحف كلو و يسلموا سوفت كوبى و يعدل فيهو زى ما عايز ثم يطبع ملايين النسخ المعدلة و يوزعها على المسلمين، عسى و لعل. ما تخافو من التكلفة بتلقو ليكم مليون جهة من دعاة السلم العالمى تمولكم.

أيمن محمود،

لو أنت عادى نفسك مع الاشكال دى الأنا ذكرتها و الله أخير لى منك الكيزان.

أما عن عدم قبولك للاعتذار، بى جازك يا حبوب.

تحياتي اخ انور وضيوفك الكرام
من الطبيعي لغير المسلم ان لا يؤمن بالقرآن وينتقده
لكن غير الطبيعي ان يطالب غير المؤمن المؤمنين به بحذف بعضه وتعديل الآخر
لأن النص مقدس عند من يؤمن به
واقصد النص في ذاته لا تفسيره او تأويله او ما يستنبط منه او يفهم من ثناياه
فالشروحات والتفاسير غير مقدسة ولا ثابتة

لفت نظري عبارة هشام "ثم مرحبا بهم في عالم الانسانية"
وكأني به ممسكا بمفاتيح الأبواب المفضية لعالم الإنسانية يقف حارسا على هذه الأبواب يرحب
بدخول من يراه مؤهلا للدخول لعالم الانسانية ويطرد من لا يعجبه ويحرمه من دخول عالم الانسانية
لاحظ الانسانية في ذاتها وليس التقدم او التحضر او او
هذا التفكير الاقصائي الإرهابي الاحتكاري الديكتاتوري المتسلط
كيف يختلف عن تفكير داعش او القاعدة او بوكو حرام او فرعونية لا أريكم إلا ما أرى
حتى بدأت اقتنع بوصف تبارك له بالسلفي

الأخ أحمد الشيخ سلام و تحية،

بالأضافى الى ما ذكرت مفروض يكون الطرح عقلانى (rational) و يمكن تتطبيقه عشان الناس تتقبلو موش توغر صدور الناس زيادة.

يا أحمد الشيخ هشام آدم عايز يشتهر ساى ما عليك منو ...

شكرا يا أبو النور بالترحيب الحار .
واصل في البوست .

طلحة يا حبيب،

عدم حضور دينق و هشام آدم للادلاء بدلوهم امر غريب رغم انو البوست موجه ليهم مباشرة و بالأسم.

أما لو تغيانين كده لى الله سيدهم و شايفين حضرتى مش أد المقام و فضلو ارسال وكلاؤهم دى تبقى حاجة تانية.

المهم كما أسلفت الفكرة وصلت من المداخلة الاولى فى البوست و ما أتى بعد ذلك (عدا القليل) مجرد تشتيت و شلاليت زى ما قلت.

Quote: أعتذر للأخوة الاتية اسماؤهم: دينق ابو الريش عبد الله عبد الله أيمن محمود ابوبكر عباس معاوية الزبير أنتو هشام ادم المسكين ده ما عندو وجيع نهائى:)

شكراً الأخ أنور
بالنسبه لى إعتذارك مقبول
وتكمله للإعتذار أرجو سحب إسم الأخ دينق من موضوع هذا الإتهام الخطير أوسحب البوست.
هذا منى رجاء فقط .

الأخ عبد الله عبد الله شكراً على قبول الاعتذار ،بس عندى سؤال: لماذا لا ياتى دينق و و ينفى هذا الاتهام ثم يطلب منى هذا الطلب ؟ لو عندو ظرف فى الوقت الحالى ما عندى مانع انتظرو.

أقرأ كلام دينق التحت ده فى بوست الأخ الصادق عبد الله الحسن (جريمة غير حضارية فى باريس):

كتبت Maya Nasir من الفيس بوك فى البوست اعلاه:

Quote: every time a horrible crime committed by muslims , all muslims rush in hurry to say the same arrogant justification. Muslims need to admit that there is a problem with Islam as it is and reforms are needed, or at the end, all civilized nations will be on a side and barbaric muslims on the other side, and they will loose

ثم رفع دينق مداخلتها و علق:

Quote: الأخت مايا ناصر أدتكم النجيضة، وأنا بتفق معها مية المية. عوضا عن لوم الأخرين يجب على المسلمين أن يبحثون عن المشكلة الحقيقية في الأسلام. نعم هنالك مشكلة حقيقية في الإسلام، هنالك آيات قرانية ومراجع إسلامية تحرض وتشجع على قتل غير المسلمين. وحتى الأن لا يوجد مسلمين يتحدثون عن ذلك بطريقة صريحة وواضحة بأستثناء قلة بسيطة ومن ضمنهم الأخوة الجمهوريين. شكرا لك يا مايا

و ذكر فى مداخلتين فى نفس البوست:

Quote: هنالك مشكلة حقيقية في الإسلام ولكن المسلمين لا يريدون أن يناقشونها بعقل مفتوح

Quote: يجب أن لا يدفن المسلمين رؤوسهم في الرمال، لأن ما يقوم به المتشددين الإسلاميين الأن مسنود يآيات قرانية واضحة، وله مرجعية، وهولاء الشباب بيتم تجنيدهم تجنيد ديني في المقام الأول. دي النقطة اللي أنت بتتهرب منها وما داير تعترف بها، حالك كحال كثير من المسلمين المعتدلين. ولكن عندما تسمعوا الكلام ده من غير المسلمين، فأنتم تتصدون لهم. المشكلة في الآيات القرائنية التي تدعوا الى قتل وذل غير المسلمين، والحل هو لدى المسلمين أيضا.

رجاءك على العين و الرأس أخى عبد الله بس أدينى تبرير مقنع لسحب البوست؟ لو كان فى البوست مخالفة للوائح و رأى الاخ بكرى أبوبكر سحبه فله ذلك.

الاخوة عاطف عمر و حافظ الامام عبر الفيس بوك سلام و تحية،

شكراً على المساهمات و يا حافظ أنا شخصياً بقبل التحدى من الزول القدرو.

شكراً لك أخى أنور على التعقيب .
قرأت لك فى غير هذا البوست كثيراً كتاباتك عن الذئاب وعن الذين يحبون الصيد فى
المياه العكره .
من ناحيه أخرى الإعتذار يعنى الرجوع للحق من مواصلة السير فى إتجاه خاطئ
وهذا بالضبط ما أعنيه .

الأخ عبد الله عبد الله سلام،

معذرة ما فهمت كلامك، منو الذئاب ومنو الذين يحبون الصيد فى
المياه العكره؟

و كمان ورينى وين سيرى فى إتجاه خاطئ؟

لك التقدير و الاحترام

Quote: و كمان ورينى وين سيرى فى إتجاه خاطئ؟ لك التقدير و الاحترام

شكراً الأخ أنور ولك أنت كذلك كل تقديرى واحترامى.
سأعود إليك إن شاء الله بعد ساعات الدوام الطويله .
عموماً أكرر لك شكرى على هذا الإعتذار

Quote: أعتذر للأخوة الاتية اسماؤهم: دينق ابو الريش عبد الله عبد الله

الأخ عبد الله عبد الله،

اعتذارى لى دينق و للجميع لم يكن بسبب موضوع البوست، و انما عن اى مخاشنة فى مداخلاتى و مع ذلك البعض اعتبرو اعتذارتى ما عندها طعم و غير صادقة.
حبيت بس أنبهك للنقطة دى.

الأمر الان فى غاية البساطة:

خلى دينق يجى يقر بأنه لا يقصد تعديل القرآن و يعتذر عن موافقته على وصف كل المسلمين بالبرابرة و أنا واحد منهم (ما فى واحد غير موضوعى يجى يقول لى و انت حامى حمى المسلمين)، و كمان يورينا الحل شنو الفى يد المسلمين كما ذكر فى النص أعلاه.

الأخ حافظ الامام عبر الفيس بوك:

و أنت ما شفت دى كمان؟

Quote: Muslims need to admit that there is a problem with Islam as it is and reforms are needed, or at the end, all civilized nations will be on a side and barbaric muslims on the other side, and they will loose

قال ليك بيتفق مع الكلام ده مية المية!!!!

ركز على حتة reforms are needed

ناس طارحة من نفسها طليعة و طبقة مستنيرة تصف و بكل بساطة المسلمين بالبرابرة!!!

يا ابو الانوار روق شوية
و خليك فى موضوع البوست عشان يصل لى مراميهو
_____
الان يوجد نص و معه نصوص اخرى من القرءان الكريم طالب البعض بألغائها او حذفها
حكاية ملحد و مسيحى دى خياراتم وعلينا احترامها و معتقداتم و نقر بكرامتها و الايمان بها
الاساءات الشخصية و التى تمس كل مسلم موضوع شخضى قد اتجاوز عنه
لكن المساس بمعتقدى هذا ما لا يمكن تجاوزه ابدا و اظن ده من صميم حرية التعبير
و مافى حاجة اسمها تاكلا تحت اللبّاد
___
اخونا ابو الريش
طالبت بالنص و الدليل مع انو انا ما معنى بايراد النص و الدليل لانو ببساطة ما انا الافترع البوست
و بعد ده كلو جبنا ليك النص و الدليل .. لكن شايفك ما رديت .. اها منتظرين ردك و لو بينسف كلامنا
حتى و لو تثبت لينا انو الحذف و الالغاء ليس بشكل من اشكال التعديل بصرف النظر عن كلمة reform
دى لانها مكتوبة بى لغة غير لغة القرءان
اها قصرنا معاك يا حبيب
___-
ما فضل الا اقول ليك يا أنور .. واحد فيهم راجنّو فى بوست بى غادى ضارب مننا طناش عديل كده
لكن قول ليهو لا متين طناشك ده ..

جلالدونا،

أنا برضو فى البوست البى غادى راجى الاجابة بتاعة الحل الفى ايدنا و نحنا ما عارفنو:)

للأسف هناك حمقى وسذج وآخرون ملاحدة مقنعون كل هؤلاء كانوا يزيونون له اقواله القبيحة ويصورون للناس كأن الرجل من اصحاب الفكر والحجة
وبقولو أنه أديب .....ما شفنا لينا أديب متنكر لثقافة ومعتقدات موطنه والشعب الذي يريد أن يعبر عنه....رحم الله الأديب الطيب صالح الذي كان مثال للسوداني الأصيل
الذي كان مشرب بكل ما في السوداني من ثقافة وتدين وسطي وحب لوطنه واحترام لبئته وتقدير ....مما جعله قادراً على التعبير عن تلك البيئة بصدق وحب.
لكن الرجل لا حجة له ولا منطق ....منذ متى كان لملحد حجة حتلى يكون له هو حجة ؟؟!!
وهم ثلاثة اثنان ملاحدة مقرون بالحادهم هم هشام آدم ومرتضى عبد الجليل
اما ياسرالشريف يقول بأنه جمهوري....وهناك غيرهم ولكن هؤلاء هم الذين في السطح.

الشكر لانور وجلادونا
انا ما عندى اى مشكله مع راى هشام ادم لانه لايؤمن بالاديان ولا الاخ جورج (دينق) لانه مسيحى ولكنى مشكلتى مع الجمهورين الذين يصفقون من غير درايه
كل عاقل وعارف باصول واحكام التفسير يقول بوجوب ربط التفسير بسبب النزول ومن ثم القياس لواقعنا الحالى
ايات القتال نزلت بعد التعدى وقتال وتعذيب المسلمين من قبل المشركين

دودى

**. Muslims need to admit that there is a problem with Islam as it is and reforms are needed,
ثم رفع دينق مداخلتها و علق:


Quote: الأخت مايا ناصر أدتكم النجيضة، وأنا بتفق معها مية المية.

عوضا عن لوم الأخرين يجب على المسلمين أن يبحثون عن المشكلة الحقيقية في الأسلام.
نعم هنالك مشكلة حقيقية في الإسلام، هنالك آيات قرانية ومراجع إسلامية تحرض وتشجع على قتل غير المسلمين.
وحتى الأن لا يوجد مسلمين يتحدثون عن ذلك بطريقة صريحة وواضحة بأستثناء قلة بسيطة ومن ضمنهم الأخوة الجمهوريين. **
------------------------------------------------------------------------------------------------------------------------

طيب أنور.. أخيراً جئت بنصوص وليتك لم تات بها لأنها لا تدعم الإتهام بالدعوة لتعديل القران.. ما عدا النص المنسوب للاخ هشام.. ومع احترامى لشخص الأخ هشام إلا انه متطرف مثل داعش والوهابيين وينطلق من عقيدة وليس من علم.
وفعلا فوجئت حين قرأت عبارة الغاء ايات، لأنه لو مخلص لعقيدة الإلحاد لطالب المسلمين بترك الدين وليس بإلغاء ايات معينة وترك الباقى.

أما النصوص أعلاه المنسوبة لدينق ومايا فلا تعطيك الحق في تفسيرها على انها دعوة لتعديل القران.. فإن دينق لم يطالب تعديل القران، والحمد لله انك تنبهت لهذه وتعتذرت عنها.. اما تجديد الإسلام والإجتهاد في القران مما ليس فيه نص، بل مما
فيه نص ليس جديدا في التاريخ الإسلامى، فقد عطل عمر بن الخطاب حد السرقة في زمن المجاعة.. والذى فيه نصوص شرعية واضحة لا تقبل الفسير ولا التاويل.. والغت السعودية الرق، رغم النصوص التي تتحدث عن إدارة الرقيق شرعاً،
وذلك بناءً على اية "..فك رقبة.." وهى اية كانت معروفة للمسلمين عبر القرون، فلماذا لم يصدروا امرا شرعيا جديدا بإلغائه؟ السبب وبدون لف ودوران، زمان ما كانت في أمم متحدة وجمعيات حقوق الإنسان الدولية.
ربما خانتك العبارة، ولكن كلمة تعديل تعنى تحريف الكلمات لتظهر الاية بغير نصها الأصلى.. وهذا لا يمكن ان يقول به احد وهو بعقله.

التحايا يا انور وضيوفه

الاح ابوالريش لو ممكن تترجم او تفسر لينا معني
كلمه reform لغوياً واكرر لغوياً

يا طلحه هشام ما براهو

Quote: يا أحمد الشيخ هشام آدم عايز يشتهر ساى ما عليك منو

معاهو الدكتور المستنير وتبارك

Quote: ما شفنا لينا أديب متنكر لثقافة ومعتقدات موطنه والشعب الذي يريد أن يعبر عنه

لهذا يسمى أديب والآخر مفكر، ألا تعلم الفرق؟

مإذا إذا نظر الأديب أو المفكر من ذات الثقب الذي يرى منه رجل الشارع العادي؟ فهل يكون أديباً؟ أو ينتج فكراً؟ كيف تقيم ثقافتك وتصفها وأنت لم تعرف سواها؟ كيف تفكر في معتقداتك بحرية وأنت تخاف حتى من السؤال عنها؟ كيف تنظر لوطنك وشعبك دون أن تقارن بين ظروفه وأوطان وشعوب أخرى؟ _____ السمكة تستغرب كيف يعيش البشر بلا خياشيم! فحاول الصعود لسطح الماء مرة.

فوق ,,
جمعية مكافحة رص البوستات

**الاح ابوالريش لو ممكن تترجم او تفسر لينا معني
كلمه reform لغوياً واكرر لغوياً**

الأخ أبو القاسم
شكرا على السؤال وكلمة reform تعنى تجديد وليس تعديل.. و refomist معناها المجدد.

Quote: خلاص يا أبو النور، ما دام فشلت تجيب عضم بوستك ممكن تغيير البوست دا وتهاجم الجمهوريين البنادوا بحذف العمل بالقرآن المدني.

وهل ينادى الجمهوريون بحذف القران المدنى....؟ اتق الله يا ابوبكر عباس

Quote: مإذا إذا نظر الأديب أو المفكر من ذات الثقب الذي يرى منه رجل الشارع العادي؟ فهل يكون أديباً؟ أو ينتج فكراً؟

أنا لم اتحدث عن الفكر الذي يمكن أن يكون انتاح حمقى يظنون أنهم مفكرون معتبرين
أما الأدب هو انتاح الاديب الذي يعبر عن مجتمعه لأنه ينقل صورة واقعية وجمالية
لا يمكن أن يعبر عنها وبها بصدق وامانة إنسان ناغم ورافض لها.

Quote: شكرا على السؤال وكلمة reform تعنى تجديد وليس تعديل.. و refomist معناها المجدد.

تشكر يا ايوالريش
كيف يا ابو الريش يكون التجديد في القرأن ..بعني ما المطلوب عمله لتجديد القرأن
من غير تعديل في الايات ...

Quote: أنا لم اتحدث عن الفكر الذي يمكن أن يكون انتاح حمقى يظنون أنهم مفكرون معتبرين أما الأدب هو انتاح الاديب الذي يعبر عن مجتمعه لأنه ينقل صورة واقعية وجمالية لا يمكن أن يعبر عنها وبها بصدق وامانة إنسان ناغم ورافض لها.

ما أكثر الحمقى حسب معيارك هذا

عليه، فإن غونتر غراس وغابرييل غارثيا مركيز أشهر أحمقين. بل أن غونتر غراس لا يعتبر أديباً بالمرة طالما أبدى "نغماً ورفضاً" لسيرة بلاده. والذي ينقل صورة واقعية وجمالية في نفس الوقت يكون مندوباً للمبيعات، أو موظف لدلالة العربات ولا يسمى أديباً. نسيت أنك لا تعرف الشخصين الكافرين أعلاه، لذلك أضيف الجاحظ وابن خلدون وفرج فودة لقائمة الحمقى. _________ ليست كل الحقائق وردية.

Quote: reform تعنى تجديد وليس تعديل.. و refomist معناها المجدد.

الصحيح reform معناها اصلاح يا ابو الريش

أعزائي الافاضل
هذا البوست من أظرف واجمل البوستات التي قرأتها في هذا المنبر العام..
والتعليقات والردود كلها مهذبة ومليئة بالود وليس بالشتائم والسب واللعنات
كما نجد في بوستات أخرى كثيرة..

واعجبني ردود جاالدونا المنطقية جدا..

وكمان يا معاوية ود المدير لولا تعليقاتك التي ترطب الأجواء لتحور البوست الى ما لا يحمد عقباه
وناس الاتبراوي كعهدهم دائما لهم دائما اخلاق القرية والبادية... على الرغم من ان مدينتهم عاصمة العواصم..

وكمان يا أبو الرريش ممكن نترجم كلمة Reform بالإصلاح .. ومنها أتت Reformation وهي حركة الإصلاح الديني
في القرن السادس عشر..وهي الحركة التي دعا اليها الراهب الألماني مارتن لوثر ، والذي كان يطالب بإصلاح الكنيسة
والحد من تجاوزاتها وعدم اضطهاد الناس لأن الكنيسة في أوروبا كانت تصدر صكوك الغفران ونسي رجال الدين
دورهم الأخلاقي والديني وكذلك ابتدعت الكنيسة محاكم التفتيش التي كانت لها سلطات تنفيذية اعلى من الحاكم وتقوم بتعذيب
الناس وارتكاب المجاذر بحقهم..

ودمتم في الف صحة وعافية

Quote: ولكنى مشكلتى مع الجمهورين الذين يصفقون من غير درايه كل عاقل وعارف باصول واحكام التفسير يقول بوجوب ربط التفسير بسبب النزولومن ثم القياس لواقعنا الحالى ايات القتال نزلت بعد التعدى وقتال وتعذيب المسلمين من قبل المشركين

الأخ الكريم/ انور تاج السر
والاخوة الضيوف الكرام
تحية طيبة
وبخاصة الي الأخ/ محمد دودي..
لا اعتراض لأحد علي وجود مشكلة (فعلية) لك مع الجمهوريين، ولك مطلق الحرية للأختلاف معهم، لكن كلامك الفوق ده ما فيه اي اختلاف او مشكلة مع الجمهوريين..
فحسب كلامك وين المشكلة مع الجمهوريين..؟؟
فأذا كان تفسير القرأن مرتبط بسبب النزول، فده ادعي لأنك تتفق مع الجمهوريين.. ليه؟؟
لأنو اكثر القرأن ارتباطا باسباب النزول هو (القرأن المدني) وليس القرأن المكي، فمثلا سورة مثل ( الأخلاص) (قل هو الله احد، الله الصمد، لم يلد ولم يولد) لا تحتاج الي ربط بسبب النزول لأن الله احد في كل زمان ومكان..

Quote: ايات القتال نزلت بعد التعدى وقتال وتعذيب المسلمين من قبل المشركين

ايات القتال كلها مدنية ولذلك مرتبطة ارتباط وثيق بأسباب النزول، والاسباب كما يعلم الجميع هي ظروف (خاصة جدا) يعني طواريء، وهي اسباب مقنعة جدا في زمانها، فاذا قسناها بواقعنا الحالي فأنها ستنحي بنا منحي اخر، لأن الواقع يقول ان (المسلمين هم اكثر الناس قتلا وتشريدا للمسلمي الأخرين) وليس المشركين، ففي هذه الحالة هل يمكنك القياس؟
وكيف توكن المقاييس؟
مع وافر تحياتي

Quote: وهل ينادى الجمهوريون بحذف القران المدنى....؟ اتق الله يا ابوبكر عباس

أنا قلت يا أحمد، حذف العمل بالقرآن المدني

يا أبوبكر عباس حكاية تتنطط فى البوستات و تدق فى الاسافين بتقلل من احترامك

Quote: يا أبوبكر عباس حكاية تتنطط فى البوستات و تدق فى الاسافين بتقلل من احترامك

مثلا يا أستاذ أنور، "الاسفين الدقيتو ليك هنا كان مهم حتى لا تطلق الإتهامات بدون ظابط ونختصر الحوار
لا ادري كيف يقلل ذلك من احترامي؟!

Quote: الاسفين الدقيتو ليك هنا كان مهم حتى لا تطلق الإتهامات بدون ظابط

يعنى انت مقتنع انو اسفين

يبقى أنا ما نصحتك من فراغ يا أبوبكر و على كل حال انت عارف نفسك و مقاصدك كويس.

هى مجرد نصيحة لك أن تقبلها أو لا

**كيف يا ابو الريش يكون التجديد في القرأن ..بعني ما المطلوب عمله لتجديد القرأن
من غير تعديل في الايات ...**

مرحبا يا أبا القاســم،

التعديل هو ان تغير الكلمات.. مثل الزانية والزاني فاجلدوا كل واحد منهما سبعـة جلدات.. فهذا تعديل..

ولكن لو جاء فقيـه معاصر، ملم بعلوم هذا العصر، وقال ان السارق يجب ان يعرض على طبيب نفسى، لأن هناك امراض لم تكن مكتشفة من قبل مثل إنفصام
الشخصيـة او الزهايمر.. والحق هذه الشبهات بما يدرأ الحد، فهذا تجديد. وضربت لك مثل عمر بن الخطاب فى عام الرمادة حين عطل حد الردة لأن المجاعة التي عمت
تعطى السارق شبهـة الجوع المهلك حتى لو لم يكن هو شخصيا جائعا.. صار القرار عاما بتعطيل الحد في ذلك الوقت.. وهذا من باب التجديد المحدود.. وقرار السعودية
الغاء الرق أيضا تجديد.. والإمام محمد عبده من المجددين.. والامام الشافعى كان له مذهب في العراق، وحين قدم مصر وجد ظروفهم مختلفة فنشر فقها جديدا في مصر
وصار الناس يقولون الشافعى في القديم، والشافعى في الجديد (يعنى رأيه حين كان في العراق ورأيه حين جاء الى مصر في نفس القضية الفقهية).. ولو كان إختلاف المكان
يقتضى فقها جديدا فما بالك بإختلاف الأزمان؟ الإمام المهدى أيضا جدد في الإسلام.. والصوفية حين قدموا افريقيا وجدوا الافارقة يضربون الطبول والنوبة والنقارة، فاجتهدوا
وأدخلوا الأذكار في تلك الالات.. وكلها تجديد ولم يكن فيها أي تعديل للقران.
وأكبر مجدد في زماننا هذا هو الأستاذ محمود محمد طه.. الذى لم يدعو الى الغاء ايات قرانية كما يكرر الجهلة من معارضيـه، وإنما دعا الى إستنباط ايات من القران لحل مشاكل
العصر في التشريع الإجتماعى.. وسوف تظل كل ايات القران موجودة ويتعبد بها.. وحين نسخت ايات من القران فى زمن النبى كانت تدعو الى حرية الأديان باية "وقاتلوهم حتى لا تكون
فتنة ويكون الدين لله" فهذا النسخ لم يلغى الايات المنسوخة وما زلنا نقرأها ونصلى بها ونتعبد بها، مثل اية "وقل الحق من ربكم فمن شاء فليؤمن ومن شاء فليكفر" رغم
أنه في حكم الشرع ، وبعد نسخ هذه الاية، صار العمل بـ "قاتلوا الذين يلونكم من الكفار...الاية" وما بقت حاجة اسمها من شاء فليكفر والناس تخليه..

ارجو ان تكون الإجابة مفيدة.

تحياتى

Quote: ودالمدير يا حبيب، و اعتذر كذلك للأخ هشام ادم اذ غلطت فى حقو فما كتبته فى الاعلى ليس سوى مزحة أنا استهدف طرح هشام و ليس شخصه. ثمة حدود لا يبقى الصبر بعدها فضيلة

عداك العيب يا انور .

بعدين يا اخي الناس ديل اصدروا احكامهم ؤُ قرّطو علي كدا، وتحجروا وتزمتوا
بشأن النصوص وان ليس لها ما يفسرها أو يشرحها، وأصبح لا طائل من مناقشتهم
فلا تبتئس يا صديقي ...

تشكر يا ود المدير يا حبيب.

ارحب بجميع الاخوة المتداخلين الذين لم أتمكن من الرد عليهم واحداً واحدأ.