عاين جاي سألت ليك واحد متخصص في الجداد ووجهت ليهو سؤالك دا ذاتو فرت بيضة ؟ الحكاية شني ؟ قال لي المشكلة في الديك الديك مفروض ما انوم في الوطا مع الجداد مفروض تعمل ليهو عود فوق انوم فوقو بالليل عشان املي هواء وافسي ليك سمح فوق جداداتك ديل ههههههه قلت ليهو الكلام دا جبتو من وين ؟ كلام علمي ول كلام فاضي ساكت ؟ قال لي انا ود الجداد هههههههه كلامو دا خليهو على جنبة وخلينا نوجه سؤالك دا للمختصين فربما تجد إجابة كافية لحل مشكلتك
Quote: خطير يا ود البوش ماشاء الله تبارك الله بقيت عندك قناة يوتيوب ملك و كمان ترفع فيها من الواتساب :)
هههههههههههههه يا ود البشرى والله اتو شوطن عرفتني كيف ؟ انا اسع قايل روحي بقيت مخرج واقوليك حاجة اصلن الغرض المخفي والاساسي للبوست دا داير اجرب الحركة اللذيذة دي حقت اشيل من الواتساب واخت في الكمبيوتر ثم اليوتيوب والمنبر يا زول هووووي زمان كنت قايل الحكاية دي زي السماء للوطا لقيتا ليك كلام فاضي ساهي بس اهم حاجة عزيزي القاري تعرف كلمتين تلاتة باللنقليزي لود وابلود والباقي لشقي ساهي . . معليش يا خالد المحرب الواحد بتعلم الحلاقة في اخوهو الصغير منها تعليم حلاقة ومنها امكن اجيك بطري اشوف حكاية ديكك دا شنو شبع وروى وعدم انتاج
هههههههههههه عشان ما نحرف البوست يا ود البوش عن موضوعه الرئيس وهو الدجاجات الستة و الديك
Quote: ري اشوف حكاية ديكك دا شنو شبع وروى وعدم انتاج
ياخي ظلمت الديك من البداية كدي الديك ما عنده علاقة بالانتاج كإنتاج, شغله كله في تلقيح الإنتاج دا, فا الشغلة واقفة على الدجاج هو الينتج انتاجه اول بعدين لوم الديك :) بمناسبة الديك دي قاليك واحد مهندس عندو مأمورية في الخلا اها الوقت اتأخر قام غشا اقرب حلة في طرفها في قطية عزبا هو ما عارفها عزبا المهم دق الباب و حكى ليها القصة انو الوقت إتأخر عايز يبيت للصباح, قومي يا المرة جهزي العشا بعد العشا جابت الدلكة وجاته دلكتو زين صاحبك بعد انتهت الدلكة قاليها تصبحي على خير وأداتها عنقرته الصباح المرة عملا لي الله قالت تجهز الفطور عندها ديك مسكته تضبح فيه, قاليها ليه تضبحي الديك وانت عندك الدجاج قالت ليه: أه, دا ديك مهندس ساي :)
Quote: ياخي ظلمت الديك من البداية كدي الديك ما عنده علاقة بالانتاج كإنتاج, شغله كله في تلقيح الإنتاج دا, فا الشغلة واقفة على الدجاج هو الينتج انتاجه اول بعدين لوم الديك :)
هههههههه القاليك منو ؟ اذ انسى لا انسى في درس التكاثر الجنسي في سنة ساتة وهو درس كان محبب جدا ومثير ننتظروا بفارغ الصبر اول حصة فيهو الاستاذ كتب على السبورة هل تبيض الدجاجة بدون الديك ؟ ياخ دي ما دايرة ليها كلام كتير الجدادة بتعمل العليها وتكاكي الديك الفحل اكتكت ليها كت كت كت تجي جارية ارفع كراعو احك بيها الكراع التانية حركات ديوك بعملوها طوالي في مثل هذه المواقف الجبارة تلبد وافسي فوقا وتتنفض واتنفض يومين تلاتة تبيض زي الحلاوة اها لولا هذه الجهود المبذولة لما باضت الجدادة عشان كدا الزول القال انا ود الجداد اقرب للصاح لازم الديك اهوي فوق عود عشان افسي سمح . . اما باقي كلامك ففهيو كثير من التنميط والتمييز الذي قد يعرضك لمسآلات عدة وتبقى في حاو وهش فاني اتبرأ منها وفي غنى عنها والكلام داخل البوست على مسئولية صاحبه عشان ما تجيب لي الهوا ساكت
ود البشرى ياخي موضوع الجدادات الستة انا قنعت منو ظاهر وباطن واتا اظنك شديد في اليوتيوب عاين لي جاي بعد انزل الفيديو في اليوتيوب كان من الكاميرا ول من الواتساب بقلوليك داير تسمحوا يعني داير تبقيهو سمح ول داير تخليهو زي ماهو ؟ Original or Preview هههههه زولكم روح يا المحرب وود اب سن اهلي قروني اكتر منكم ههههه اخترت التسمح لكن النصيحة بعد كدا غلبني البسويهو انوبك ثواب انا والقاري الكريم شرح ساهي بالضراع نضمي ساكت
ههههه لقيتك حريف لكن .. زوغت بي الدو اها برضو بتاكل دامة الاسود النقول ليك الجداد بدون ديك ببيض لكن البيض ما بكون ملقح شان كدة ما بفقس وقريت وين كدة انو الجداد لو ترك لفترات طويلة واحدة جدادة بتتحول لي ديك حفاظا علي النوع
عشان كدا حقو نتكلم عن سياسة بسمارك الخارجية الكلام في الجدادات الستة ديل داير ليهو بطري حريف هو بوست انصرافي تعليمي واتا وود البشرى عايزين تحرفوهو عن مسارو يا اما تتكلموا عن الجداد كلام علمي او عن اليوتيوب كلام مهني ؟ ما تخلو باص الروصيرص افوتنا ونقعد نتلفت ساكت
Quote: الجداد بدون ديك ببيض لكن البيض ما بكون ملقح شان كدة ما بفقس
تمام يا ود ابسن هي كدا الليلة ود البوش بعد الفتح التكنولوجي عايز يغالط حقائق الحياة هههههههه
يا ود البوش اخوك من الفيرشن القديم, الزمن الأخدتو مشيت اشوف قصة الاوريجينال و البريفيو اظنها حاجة جديدة و النصيحة قلبة عدلة ما لقيتها, فا شنو أرجى اهل العلم و الخبراء وحتى ذلك الحين فنجرية مني ساكت كدي بقولك الأوريجينال أحسن باعتباره اوريحينال بس :)
كنت عايز اقص ليك قصة الديك البلع الفياغرا بالغلط لكن شايف اتضايرت من الأولى :)
Quote: ديك وستة جدادات وشوال شعير وبيت جداد كبير وفرت بيضة يا المحرب ؟
بس ياود البوش الجدادات ديل دحين ماك قللتهن ؟؟؟ وديكك دا ما وريتنا صوتي كيفن...!!! بشارقال لها سبع دجاجات وديك حسن الصوت دحين زيد جداداتك وأتبن صوت ديكك.. وبالتوفيق...
تحياتي
Post: #18 Title: Re: ديك وستة جدادات وشوال شعير وبيت جداد كبير Author: احمد الشيخ Date: 11-19-2015, 08:14 AM Parent: #16
المشكلة في الجدادات مع الاعتذار للجندر الجدادة اضربها باختها بكرة كلهن يبيضن تيمان تيمان ههههه
ود البوش حتى لما ادوك مفاتيح التكنولوجيا برضه خميت بيها الجداد؟ هههه تحياتي