ضبطت السلطات السودانية بميناء بورتسودان ، حاوية محملة بالمخدرات في طريقها الى داخل البلاد، وهذه ثاني مرة تضع فيها السلطات يدها على حاوية مخدارت بالميناء، في غضون اسبوعين.
وابلغت مصادر مطلعة (الطريق)، ان ادارة مكافحة التهريب في الميناء ضبطت حاوية المخدرات، في وقت متأخر من نهار الاربعاء الماضي. وقالت “السلطات احاطت الامر بسرية تامة لمزيد من الاجراءات التي تقود الى المتورطين في استجلابها”.
وكانت السلطات السودانية، قد ضبطت ، الاسبوع الماضي، حاوية تحتوي على شحنة مخدرات، تتكون من حشيش مُصنّع وحبوب مُخدرة تُقدّر بنحو 650 كيلوجرام، مخبأة داخل شحنة ثلاجات (من نوع ديب فريزر)، مشحونة داخل الحاوية. وقُدّرت قيمتها بنحو 21 مليار جنيه سوداني. ووصلت إلى ميناء بورتسودان عبر خط نقل شركة الملاحة العربية المتحدة، ووكيلها في السودان هو شركة: كانو أروى للتوكيلات الملاحية، قادمة من دولة لبنان.
ولم تتوفر لـ(الطريق) ، حتى تاريخ النشر، معلومات حول حجم الشحنة المضبوطة حديثاً، ولا الجهات الضالعة في ادخالها إلى البلاد. فيما لم تصدر السلطات السودانية أي تعليق حول الأمر.
Post: #2 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-14-2015, 04:39 PM Parent: #1
سليم الرشيديالسائحــون 27 دقيقة · تاني شحنة مخدرات خلال 10 ايام في حاوية مستلزمات طبية مخلص الجمارك اسمه عبدالله حمد أعجبني
Post: #3 Title: Re: ضبط ثاني شحنة مخدرات بميناء بورتسودان في � Author: محمد إبراهيم علي Date: 11-14-2015, 06:24 PM Parent: #2
انا ما مزعلني الا الحقارة يا محمد اسي في دولة برسلو ليها المخدرات بي حاوية غيرنا
Post: #4 Title: Re: ضبط ثاني شحنة مخدرات بميناء بورتسودان في � Author: وضاحة Date: 11-14-2015, 06:30 PM Parent: #3
سلام يا محمد البلد دى ماشة وين !!!؟
Post: #5 Title: Re: ضبط ثاني شحنة مخدرات بميناء بورتسودان في � Author: Dr. Ahmed Amin Date: 11-14-2015, 06:34 PM Parent: #4
ممتاز ...
ناس الجمارك مفتحين جدا .. وكفوا العباد شر مستطير ...
سلام المسلمي ..
Post: #6 Title: Re: ضبط ثاني شحنة مخدرات بميناء بورتسودان في � Author: محمد على طه الملك Date: 11-14-2015, 06:35 PM Parent: #3
الحكاية شو ؟ وحدها وين ؟ وبرضو ما عارفين سيد الشي؟
Post: #7 Title: Re: ضبط ثاني شحنة مخدرات بميناء بورتسودان في � Author: إسماعيل ببو Date: 11-14-2015, 07:59 PM Parent: #6
الأخ محمد لك التحية الحمد لله توجد في محطة اسمها بورتسودان يتم القبض على حاويات المخدرات الداخلة للسودان. وبكل تأكيد ما بين كل حاوية مقبوضة هناك حاويات تسللت للداخل. إنما المشكلة الكبرى في المناطق التي لا توجد فيها (بوتسودان أو سواكن أخرى). أنا هنا أعني تحديداً مناطق الحرب في جنوب كردفان ودارفور. وأخص بالتحديد البانقو أو البنقو. غير الحرب بالأسلحة، هناك حرب لا تقل تدميراً وفتكاً بالناس في مناطق النزاعات هي حرب المخدرات. كميات مهولة من البنقو دخلت ولا زالت تدخل الحدود مع دولة جنوب السودان (طبعاً لا توجد حدود بين دولة السودان ودولة جنوب السودان بمنطقة جنوب كردفان). الغالبية العظمى من الشباب في تلك المناطق إما يتعاطون البنقو أو يعملون في التجارة به، وفي بعض مناطق الحرب تجد البنقو مفروش في السوق، شأنه في ذلك شأن التبش والويكة والذخيرة، رجال ونساء يفرشون البنقو وعلى عينك يا تاجر. هذه الكميات من البنقو تتسلل إلى مناطق السودان ا لأخرى حيث تجد الأسواق رائجة ومربحة ربحاً سريعاً وفاحشاً. أصبحت مناطق الحرب والعمليات في جنوب كردفان ودارفور أكبر مصدّر للبنقو داخل السودان، وإذا لم تنته الحرب فإن السودان بأكمله سوف يغرق في بحر البقو. وليس من سمع كمن رأي والعكس صحيح. وهذا إنذار مبكر لمدى خطورة المخدر البنقو، وبالطبع هناك عوامل عديدة ساعدت وتساعد على سرعة انتشاره.
Post: #8 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 03:44 AM Parent: #6
Quote: انا ما مزعلني الا الحقارة يا محمد اسي في دولة برسلو ليها المخدرات بي حاوية غيرنا
ياهندسة القصة حقارة ساهي حقارة ومعاها فضيحة وشيل حال المهم الان الحاوية كانت محملة بمعدات طبية شفت جنس قوة العين اخر النهاية الامر يسجل ضد مجهول كان الميناء بلا قانون المسؤلية المباشرة علي شركة النقل ووكيلها في السودان والمخلص ومتابع التخليص مسؤول رئيسي عن هده الشحن وملزم باحضار صاحب الحاوية والمسألة ممكن تتم بالتسلسل من الذي أرسل ومن المتابع ومن صاحب الحاوية الأصلي
Post: #9 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 03:49 AM Parent: #8
Quote: سلام يا محمد البلد دى ماشة وين !!!؟
وضاحة ماشة علي سكة الخطر
Post: #10 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 03:52 AM Parent: #9
Quote: ممتاز ...
ناس الجمارك مفتحين جدا .. وكفوا العباد شر مستطير ...
سلام المسلمي ..
سلام دكتور احمد أمين وعبر هذا البوست احي قوات الجمارك وقوات مكافحة التهريب علي هذا الإنجاز تلو الإنجاز رغم قلة الإمكانيات
Post: #11 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 04:02 AM Parent: #9
Quote: الحكاية شو ؟ وحدها وين ؟ وبرضو ما عارفين سيد الشي؟
مولانا محمد علي طه الملك سلام وجدوها في الميناء ومشحون مع معدات طبية والمخلص معروف وشركة النقل معروفة ولو تتبعوا الامر لوصلوا الي صاحب الحق الأصلي وفي حالة عدم تعاون المخلص ووكيل صاحب البضاعة وشركة الشحن دي لو في عدالة يطبق عليها القانون ومواد انت أعلم بها مني ولكن انت تعلم وانا اعلم ان الامر ليس موضوع عدالة ولكن شيلني واشيلك واردها ليك في زنقة مثلها هكذا الفساد وسقوط دولة القانون
Post: #12 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 04:09 AM Parent: #11
اسماعيل بيو سلام وتحية خاصة جدا جدا لمرورك وكتابة الواقع الذي يعيشه السودان وان حددت الولايات ولكن أزيدك شوية في الخرطوم البنقو يباع في الشوارع والمواقف والتجمعات ويتم قبض المروج اليوم يكون استلم بديله السودان دخل مرحلة متاخرة جدا جدا ومحتاجة اعادة نظر في كثير من الأشياء حتي لانندم وحيث لاينفع بعد ذلك
Post: #13 Title: Re: ضبط ثاني شحنة مخدرات بميناء بورتسودان في � Author: نعمات عماد Date: 11-15-2015, 09:29 AM Parent: #12
تحياتي محمد المسلمي الخبر كما ورد في السوداني .
السوداني ( 15-11-2015 )
Post: #14 Title: Re: ضبط ثاني شحنة مخدرات بميناء بورتسودان في � Author: مدثر صديق Date: 11-15-2015, 09:30 AM Parent: #3
الاخ محمد إبراهيم علي سلام و سلامى للاخ محمد المسلمى
Quote: اسي في دولة برسلو ليها المخدرات بي حاوية غيرنا
Quote: أعلنت البحرين أنها أحبطت تهريب أضخم شحنة مخدرات على مستوى العالم بالتعاون مع إدارة مكافحة المخدرات في السعودية. وقال العقيد مبارك بن حويل المري مدير إدارة مكافحة المخدرات بالبحرين: إن العالم كله وصف القضية التي ضبطناها بالتعاون مع أشقائنا في إدارة مكافحة المخدرات بالسعودية بأنها كانت الأكبر على مستوى العالم، مشيرا إلى ضبط ٢٤ مليون قرص كبتاجون، تبلغ قيمتها نحو ملياري ريال. وأضاف: تمت متابعة هذه الشحنة الأضخم في تاريخ منطقة الخليج العربي، منذ أول معلومة وردت من المصادر السرية، وعلى مدى أسابيع طويلة تمت متابعة الشحنة منذ خروجها من بلد المنشأ، حيث مرت السفينة التي تحمل هذه الشحنة بموانئ العديد من الدول في البحر المتوسط والأحمر والخليج، وعندما تم التأكد من أن البحرين مستهدفة كنقطة دخول فقط، لتعبر عن طريق الجسر إلى السعودية
اعتقد ان قضية المخدرات دي من القضايا الصعبة عالميا ما بس عندنا في السودان و معظم الدول تعاني في محاربة تجار المخدرات ....و في احيانا كثير يفلتون من العقاب ... ... (قراءت قبل فترة ان مدير مكافحة المخدرات في السودان قد ذكر ان السودان تعتبر دولة ممر للمخدرات( المخدرات الغالية الثمن) و ليست دولة مستهلكة ........)
Post: #15 Title: Re: ضبط ثاني شحنة مخدرات بميناء بورتسودان في � Author: عبدالعظيم عثمان Date: 11-15-2015, 09:37 AM Parent: #14
سلامات يا مسلمي
دي مصايب شنو دي نسأل الله السلامة
دي قبضوها طيب كم شحنة دخلت دون أن تكتشف ؟
موضوع المخدرات دا موضوع مهم جدا ويجب أن تنتشر التوعيه به وعلي الدوله أن تطور وسائلها وتطور قوانينها في مكافحة المخدرات
السودان بلد عجيب وغريب ....
في كل حي بيكون في تاجر مخدرات ( بنقو ) معروف والناس بتسلم عليه وتتونس معاه وتزوره وتعزمه وتتواصل معاه .. وتحميه من الشرطة في كثير من المررات بلد بالجد عجيب وغريب ...
المخدرات أفة وسرطان يجب دق ناقوس الخطر
المصيبة في أن هذه القضايا تقيد ضد مجهول وتموت بالإستهتار ولن تكشف خيوط الجريمة ولن يلقي القبض علي أحد ولن تحدث محاكمات السودان يحتاج الكثير حتي يخاف المجرمين من التلاعب بحياة المواطنين
Post: #16 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 12:14 PM Parent: #15
دكتور نعمات شاكر مرورك ونقل الخبر هنا من صحف الخرطوم
Post: #17 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 12:15 PM Parent: #16
الاخ المهندس مدثر صديق شاكر مرورك وفعلا الجريمة والمخدرات لاحدود لها وليس هناك وطن لهذه الجريمة التي تعمل علي تدمير الانسان
Post: #19 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 12:24 PM Parent: #17
الاستاذ عبدالعظيم عثمان. سلام وفعلا مصائب تقع علي البلد من أين الله اعلم شوف نحن ناقصين والمشكلة الأكبر سماح الدولة للاجانب بالعمل بالاستيراد دون ضوابط مشددة وعدم البحث الأمني عن هذا الشخص حتي يعمل في السودان والامر كله متروك علي علاقة شخصية مع اي ان كان يتم السماح له بفتح شركة من هو الله اعلم بس يتم التسجيل والعمل وفق قانون الاستثمار الكذبة الكبري اعرف احد الأجانب تم ترحيله من دولة اجنبية بتهمة تزوير عملة وخلافه الان موجود يعمل في السودان وأحدي الصحف عملت معه لقاء مطول عن عمله هل الدولة لاتدري ام الدولة مغيبة عن الواقع ام العلاقات المشبوهة مع المسؤلون في الحكم. المهم المخدرات والبنقو الان اصبح في كل شارع وسوق لارغيب ولاحسيب وكل مرة في اذدياد رغم مجهود المكافحة واؤيد بشدة عزل تجار البنقو ومحاربتهم مجتمعياً
Post: #18 Title: Re: ضبط ثاني شحنة مخدرات بميناء بورتسودان في � Author: ياسر منصور عثمان Date: 11-15-2015, 12:19 PM Parent: #1
سلام صاحب البوست وضيوفه الاكارم
قلتها واكررها
ليس القمصود السوق السوداني
المقصود السوق السعوي
فهذه الكميات اكبر من السوق السوق السوداني
Post: #20 Title: Re: ضبط ثاني شحنة مخدرات بميناء بورتسودان في � Author: اباذر عبد العال Date: 11-15-2015, 12:55 PM Parent: #18
دي الشحنه رقم كم من الحاويات الرسميه ؟؟؟؟؟؟ .الي متي حا يستمر سيل الحاويات المتدفق الذي حمل المخدرات الى اجيالنا وتخزن وتعتق ....
الي مصلحة من يعمل تجار المخدرات ؟؟ في السودان
Post: #21 Title: Re: ضبط ثاني شحنة مخدرات بميناء بورتسودان في � Author: عرفات حسين Date: 11-15-2015, 01:45 PM Parent: #20
السلام و الاحترام لي صاحب البوست
والتحيه للجميع
نطلب من الله السلامه
Quote: صحيفة التيار
ضبط حاوية مخدرات جديدة ببورسودان اليوم
400 طن حبوب الخرشه وحبوب الهلوسه
قف:
ممكن عادي يخلطوها في صهاريج المياة التي تغذي المدن والاحياء عادي
عشان الناس تكون مهلوسه طبيعي
ياحلينا ياثوار وانا بقول الناس دي مالا بتترتح طول اليوم زي الساكا ليها ضل
Post: #22 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 03:23 PM Parent: #21
Quote: سلام صاحب البوست وضيوفه الاكارم
قلتها واكررها
ليس القمصود السوق السوداني
المقصود السوق السعوي
فهذه الكميات اكبر من السوق السوق السوداني
الاخ ياسر عثمان منصور سلام العوج رأي والعديل رأي ( التحية للأخ كانتونا) أنت قائل سوق السودان صغير والا المخدرات المستعملة بسيطة امش ناس مكافحة المخدرات واسال تشوف العجب العجاب والبنقو براه غرق البلد في كل موقف وسوق وكمية من السيارة يوزعوا وأما الخرشة دي اسكت ساهي البلد الله يحميها من كل شر حرب المخدرات اخطر من الغزو المسلح لدينا أبناء شباب المستقبل وجيل السودان القادم لابد من حمايتهم ومن هنا أطالب السلطات بان لاتتهاون وتسجل البلاغ ضد مجهول كما كان الردع القوي يجعل السودان قبلة غير لهولاء العصابات الدولية الإنتربول ممكن يساعد في القبض علي كل من شارك في هذه الجريمة القصة دايرة متابعة من جهات نزيهة
Post: #23 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 03:32 PM Parent: #22
اباذز عبدالعال سلام وشاكر مرورك دي الحاوية رقم كم كدي ماعارف المهم السودان اصبح قبلة لهولاء المهربون الاستهداف هو الشاب الذي عليه مستقبل البلد الاستهداف للاخلاق وإفساد المجتمع الامر اكبر من المتوقع نسال الله السلامة
Post: #24 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-15-2015, 04:21 PM Parent: #23
الاستاذ المحترم عرفات حسين شاكر مرورك البلد أمورها جايطة زيادة في الدولار ومشكلة في الكهرباء وحاجات كتيرة ومؤتمر حوار مع من لايملك شي الا زيادة الاعباء علي المواطن واشياء كثيرة كمية من الفساد ولارقيب ولاحسيب البلد كلها أصبحت تسبح في أيدي مؤسسات ومنظمات اجنبية اغلبها مخابرات البلد أصبحت مفتوحة للجميع باكستان خلافهم كله مسموح له بالاستثمار من غير معرفة هويته ومن أين أتي القصة مامعروف أولها من اخرها وكمان جابت مخدرات عديل
Post: #25 Title: Re: ضبط ثاني شحنة مخدرات بميناء بورتسودان في � Author: Alshafea Ibrahim Date: 11-15-2015, 06:23 PM Parent: #24
ديل الشيوعين أكيد عاوزين يفسدوا المشروع الحضاري والمسيرة القاصدة فعلا السؤال الصحيح كما جاء أعلاه هو كم حاوية بتدخل بين تلك الحاويات المحجوزة؟ ومن هم النافذين اللذين يدخلون تلك الحاويات؟ الشفيع ابراهيم
Post: #26 Title: Re: ضبط ثاني شحنة مخدرات بميناء بورتسودان في � Author: عبدالعظيم عثمان Date: 11-15-2015, 06:42 PM Parent: #25
السودان بلد العجائب
مجموعات النكات تمجد في المساطيل وترفع من قدرهم وتروج الي جموح الخيال والي ظرافة المساطيل حتي بات المجتمع يحتفي بالمساطيل في أجهزة الإعلام
كل شوي واحد يقوليك نكته :: قاليك مسطول قاليك مسطووول ويمتليء الواتساب بنكات المساطيل ويتم ترويجها واعادة أرسالها بلا وعي
بهذا أصبح تعاطي المخدرات أمرا أعتياديا وأن البنقو يجلب المزاج الرايق ويزيل الهم ويعيش الواحد في عالم وردي وكثير من الخرافات التي تروج لها أجهزة عبر مجموعات النكات المختلفه ..
Post: #27 Title: Re: ضبط ثاني شحنة مخدرات بميناء بورتسودان في � Author: ياسر منصور عثمان Date: 11-16-2015, 08:13 AM Parent: #22
سلام الاخ محمد المسلمي وصباح الخير عليك
ما اقصده ان السوق السوداني لا يستوعب هذه الكمية من نوعية المخدرات التي ضبطت في بورتسودان البنقو والشاش وغيرها من الانواع الرخيصة لها سوق رائج في السودان لكن الانواع الغالية الثمن ليس لها سوق كبير بسبب الحالة الاقتصادية.. ومعلوم ان السودان من دول (العبور) للمخدرات ويمكن سوأل ادارة مكافحة المخدرات عن هذه المعلومة
مع ودي
Post: #28 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-16-2015, 02:37 PM Parent: #27
الاخ عبدالعظيم عثمان شاكر تناولك للموضوع من هذا الجانب المهم جدا وهو التعامل المجتمعي مع ظاهرة المساطيل بأريحية جدا جدا حتي صارت امر واقع وقليل من المتعاطين من يطوله القانون وممكن يكون مسطول وهو يعمل دون وجود مسوق قانوني يدينه الا وجود البنقو في يده وهذه نادر جدا جدا القبض علي مثل هؤلاء الأشخاص وممكن عادي المتعاطي يشربها في اخر الحي او في شارع عام منزوي في الناس بناء علي ماكتبته أعلاه انت ينبقي ان تكون هنالك توعية للناس بمحاربة المتعاطي ونصحه وفي حالة استنكار الجميع لهذه الظاهرة يصبح المتعاطي منبوذ في المجتمع وممكن الناس تطور الامر اكثر من ذلك لو عمت هذه الثقافة بين الناس
Post: #29 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-16-2015, 02:50 PM Parent: #28
Alshafea Ibrahim سلام انت قائل الشيوعين ديل برة المجتمع ولا عالم منعزل تكون غلطان وأظنك عايز تشارك بس بي فرمالة ساهي اها الخطيب السكرتير زاته قال بصلي العشاء في جماعة وقاعد يؤم أهل بيته في صلاة التراويح وكمان أزيدك قالو كان امام جمعة في حلفا اها ده جزء من تربية المجتمع لم تمنعه شيوعيوته من كل شي والمرحوم عزالدين علي عامر كان يشرف علي الصلاة وتحضير الماء والفرش امام منزله وده اخر نائب للحزب الشيوعي السوداني في البرلمان مسالة الشيوعين يكونوا او لايكونوا سبب ذلك هم جزء من المجمتع له ماعليه من خير وشر يعم البلد
------ شك الورق كويس عشان الفرمالة دي تاني مابتخارجك والا أقولك الصفحة دي فطها
Post: #30 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-16-2015, 02:51 PM Parent: #29
ياسر عثمان منصور سلام وشاكر مرورك ورائك مقدر جدا جدا
Post: #31 Title: Re: ضبط ثاني شحنة مخدرات بميناء بورتسودان في � Author: elhilayla Date: 11-16-2015, 02:56 PM Parent: #30
الأخ محمد المصيبة بكرة إطلع نفي بأن الشحنة ليست مخدرات - ربما ذرة رفيعة - من يعلم؟ ____ الحليلة
Post: #32 Title: Re: ضبط ثاني شحنة مخدرات بميناء بورتسودان في � Author: محمد المسلمي Date: 11-17-2015, 06:22 AM Parent: #31
الاخ زين العابدين الحليلة سلام في وطننا السودان كله وارد قفل الملف شطب الدعوة إنكار ان الحاوية فيها مخدرات بلدنا بلد العجايب
