حول حادثة حرامي الواتس

05:17 AM Nov, 03 2015
سودانيز اون لاين
عبدالحفيظ ابوسن-كوستي / الحلة الجديدة
مكتبتى فى سودانيزاونلاين



ما حدث ل حرامي الواتس .. امر مؤلم دون .. وفي تقديري لا يحمل اي دلالات عنصرية

وبل يحمل في ظني اسوأ من الدلالات العنصرية

فعلا الموضوع ليس موضوع عنصرية انما حرامي عادي
وكم مره وكم وقت تم القبض على الحرامي ولكن تصرف مثل هذا التصرف اللااخلاقي اللانساني واللادينى ...لم يحدث
ديل ناس لا دين لا وضمير.. كيف يكشفون عورة الرجل وينفخون الشطه في شرجه ..بهذه القسوه والبهيميه
ويطبقون قانون الغاب فيهو

الناس مالها بقت تشبه الحكومة كده يا حفيظ ؟

الشفقة وطيبة القلب وقبول العذر والاحساس بالآخر والعفو عند المقدرة .. والاقالة .. وتقدير ظرف الاخر
بهذه الحادثة فقدنا كل تلك القيم وغيرها
تملكهم سعار مجنون في التشفي .. 26 شخصا لم يتعاطف واحد منهم .. كانوا كضباع جائعة . افرغوا كل غضبهم وسخطهم في شاب فقير تعدي عليهم بالسرقة .
والله عجزت عن اتمام الفيديو منذ ان صرخ وطلب منهم الرحمة وانهمر دمعي . كمشاهد اشبه ملايين المشاهدين عجزت عن المشاهدة .. فكيف بهم وهم شهود للحدث
تلك اللحظة انفصل كون انه سارق .. بل شاب صغير في محنة ووضع لا انساني .. تعرض لعنف سادي لايشبه الا المرضي العصابيين .. لم يزدهم توسله واستعطافه الباكي الا عنفا وشعورا بالرضي .. وبل الاسوأ الاستمتاع بتعطفه وبكاؤه .. لعل بعضهم واتته الرغبة في انثاه بعدها ففعل ما اعاد له ذكريات مراهقته
الحادث محزن ومؤلم
وكم سارق يعظمه الناس ويصرح في اجهزة الاعلام وتدافع عنه الشخصيات التنفيذية في اجهزة الاعلام .
تمنيت ان يكون له دلالة عنصرية يمكن محاربتها

Quote: الناس مالها بقت تشبه الحكومة كده يا حفيظ ؟

سلامات حفيظ وقباني


دا نتاج سياسات مدروسة وتخطيط مقصود به جيل كامل اتربى على يد الإنقاذ


26 سنة يا قباني نرزح تحت سلطة تمارس كل هذه الافاعيل المتطرفة

وتنتشر حكايات بيوت الاشباح بين اليافعين في شكل بطولات لافراد الامن متخفية تحت عباءة الدين


دا غير ما يحدث في معسكرات الدفاع الشعبي من بث للسموم والأفكار المتطرفة


اعتقد انو دي نتيجة حتمية ومتوقعة

Quote: الناس مالها بقت تشبه الحكومة كده يا حفيظ ؟

الناس على دين ملوكها

نسأل الله السلامة

تحياتى أخى قبانى والتحايا لإبن كوستى صاحب البوست

في هذا الفيدو البيئس ملامح المعتدين غير واضحة
لكن اكيد مصور الفيدو والنزلو في اليوتيوب مشارك معهم

اعتقد ممكن يتعرف

دا تصرف بهيمي ..
عشرين نفر ما فيهم عاقل ولا انسان ولا راجل يمعنى الرجولة..
الا يعلم هؤلاء الرجرجة التاافهون ان ما قاموا به يندرج تحت الخسةة والندالة والجبن ...
تبا لهم ...
شيء محزن ومقرف انحطاط النظام وقلنا يمكن اتفير بالكنس عاجلا ام اجلا ولكن انحطاط الامة صعب تغييرو ...
-------
والله يا حفيظ الواحد وصل مرحلة يقول يا ليتني لم اكن سودانيا
تحياتي صديقي...

الحمدلله الما شفت الفيديو...


ووصفكم له يكفي ان يسلب من الفاعلين رجولتهم وانسانيتهم

مرحب اباذر
وحبابك
والله بؤس تلكم الرجالة والاخلاق والشهامة
ثم اعجبهم فعلهم فوثقوه . . ونشروه .. وهم يظنون انهم يحسنون صنعا
غشيت انسانيتهم ما غشاها من سواد

أخى عبدالحفيظ....السلام عليكم...شاهد الله لم أستطيع إكما الفيديو بما فيه من قسوة وقهر للرجل والعذاب الذى لاقاه من مجموعة لم يكن بينهم رجل رشيد..........جهل وغلظة وعدم شهامة.......ربنا يكون فى العون...ولكن أرجع وأقول أن الدولة فى تساهلها فى الحكم على الحرامية له الدور ألأكبر لما يقوم به مثل هولاء الشرذمة التى لاتراعى أبسط حقوق ألأنسانية....إحترامى

تشفي و حقد و كراهية و بغضاء و سادية مورست من اولئك الحقيرين واشباه الرجال على الضحية.


هذه الحادثة تذكرني بالجريمة النكراء التي ارتكبت بحق المرضى و المعاقين التابعين لحركة مناوي بحي المهندسين بام درمان.

كانت ايضاً هجمة عنصرية مسعورة على المساكين الذين دفنوا تحت ركام ذلكم المبنى بحجة ان احد الساكنين لتلك البناية قد قتل ضابطاً في الشرطة (اتخيل شخص قتل شخصاً واحداً تقوم تنتقم من جميع سكان المبنى!!!!!!!!)

هي نفس النظرة الكلية لمن يصورون انفسهم ملاك السودان و الاخرين عبيد ودخلاء وحشرات تجب ابادتهم و حرقهم و نسفهم من على ارض السودان .

مهما غلفنا الحدث بغلاف البراءة لن نستطيع ان نستر سوءة اولئك العنصريين الذين ما كانوا ليقومون بتلك الفعلة لو ان الصبي (ود عرب شعرو سبيبي)...

صباح الخير
هسة دي في الفيس الناس مدورة في الموضوع ده وهم بين مؤيد ومعارض للفعل وكل له تبريراته لدرجة شخصيا اقتنعتا بحل وسط
الناس حتى لو حتتطبق القانون بيدها تعاين لي حتة انو سرق شنو وكيف وهل السرقة معاها اكراه وسلاح
مثال لو حرامي حاول يخطف جوال من فتاة في السوق وهي قاومتوا ضربها في وشها بونية وقلعوا ومشا يستحق الشطة لو جرى ساي بدون ماياذيها يدوهو بنيتين وكف وام دلدوم ويسلموا الشرطة
وحانقل ليكم تعليقات الطرفين على الموضوع

Quote: الحمدلله الما شفت الفيديو... ووصفكم له يكفي ان يسلب من الفاعلين رجولتهم وانسانيتهم

كما اخي نزار

الحمد لله

قانون الشطة ..!!
______________
:: قبل تسع سنوات تقريباً، بأحد أحياء الكلاكلة، عندما كان أفراد الأسرة يغطون في نوم عميق بجوار بعضهم في الحوش الوسيع، تسلق بعض لصوص الليل جدار منزلهم و صالوا وجالوا في الغرف بحثاً عن المال والذهب وغيرهما.. وأثناء البحث وبعثرة دولاب الملابس، شاء القدر بأن يصطدم أحدهم بصندوق مياه غازية، ليقع الصندوق وما فيه من زجاج ويحدث صوتاً..صرخ أحد أبناء الأسرة (الحرااامي)، ثم نهض متوجها صوب مصدر الصوت، ثم وقع ..له الرحمة والمغفرة، بطعنة سكين في جنح الدجى ودع الطالب الجامعي الحياة، ليقيدوا البلاغ ضد مجهول ..!!
:: وقبل ثلاث سنوات، وموثقة في أرشيف الزاوية أيضاً، عادت حرم المواطن أحمد جعفرمن بيت جارتها إلى بيتها - بحي أبو آدم - قبل منتصف النهار، لتتفاجأ باللص يبعثر الدولاب ويبحث عن النفائس، فصرخت لتحتشد المارة والسيارة ثم تطارد اللص في شوارع الحي .. قبضوه محملاً ببعض المسروقات، ثم اتصلوا بأحمد، واقتادوه إلى الشرطة ثم فتحوا البلاغ بالمادة (147) و بالرقم (1747).. وعند المحاكمة، لم يجدوا اللص.. إذ قال المتحري بالنص : ( فكينا المتهم بالضمانة، ما عندنا أكل للحرامية)..والأدهى والأمر، توالت الجلسات ولم يجدوا المتهم ولا الضامن ..وماتت القضية ...!!
:: وقبل عام، وموثقة في إرشيف الزاوية أيضاً، ناشدت أهل الخير ليساهموا في إطلاق سراح المواطن عيسى بعد أن قضى في سجن الهدى تسع سنوات لعجزه عن دفع دية ( 30.000 جنيه)، فتسابق الأخيار و سارعوا بقيمة الدية وبالمزيد، وخرج عيسى من السجن وعاد إلى أهله بشمال دارفور مزارعاً..و عيسى هذا كان نائماً في منزله عندما تسلق أحدهم جدار المنزل ودخل غرفته، لينهض ويقبض المتسلق الذي أخرج سكينا..تصارعاً والسكين بينهما لنصف ساعة..ثم هرب الرجل.. ليجده أهل الحى في صباح اليوم التالي ميتاً من أثر ( سكينته)، له الرحمة والمغفرة.. ذهب عيسى إلى الشرطة طوعاً، لتحكم عليه المحكمة بتلك الدية ..!!
:: ولو تم توثيق كل هذه الوقائع المؤلمة في مقاطع الفيديو ثم نشرها في مواقع التواصل، لما وجد المقطع الراهن تعاطفاً أو إستنكاراً.. فاللصوص لايرحمون من يعترض طريقهم ..ومقطع الفيديو الراهن في مواقع التواصل يوثق لبعض الأهالي وهم يعذبون شابا يصرخ ويستنجد : ( أنا تبت والله، تاني ما بجي هنا والله)..لاتوجد تفاصيل لمشهد المقطع.. فالشرطة لم توضح مكان الحدث ولا زمانه ولا شخوصه حتى هذه اللحظة.. وكل ما في المشهد تعذيب - بالركل و الشطة – لشاب يعترف بجريمته بالتوبة وعدم تكرارها..!!
:: وعليه، ليس من العدل و لا العقل أن نبرر لمثل هذا التعذيب ..( الحرامي بيستاهل الدق)، أو هكذا يحكم البعض، ومثل هذ الحُكم يُرسخ قانون الغابة في المجتمع.. ومهما كانت الأسباب، ما لم يكن دفاعاً عن النفس ، لايُوجد إنسان يستحق ( الإعتداء عليه)..حق الدفاع - فقط لاغير - هو شرط الإعتداء على الآخر، لصاً كان هذا الآخر أو غيره ..وما عدا حق الدفاع، فالمحاكم وقوانينها هي الفيصل.. لاتبرروا العنف، حفاظاً على مجتمع لا يسود فيه (قانون الغابة)..!!
:: وقد تبدو قناعتي هذه عند السواد الأعظم من المجتمع السوداني (فلسفة ساكت).. نعم، فالحقيقة المُرة في مجتمعنا هي أن اللص هو من يستنجد بالشرطة عندما يتم القبض عليه من قبل شباب الحي ..وأحياء شهيرة بالخرطوم وبعض عواصم الولايات، فاللص الداخل إلى بيوت أهلها (مفقود)، ولو نجح في الخروج من البيوت والأحياء حياً يكون (مولودا)..إنها ثقافة مجتمع، و نشر الوعي - كما بسط الأمن - مسؤولية الجميع ..!!

الطــاهــر ساتي Taher Sati

Quote: السلام عليكم ما تسرب من معلومات ان الشخص لم يكن حرامي وكان يعمل مع احد اصحاب الحي ورفض اعطاه حقوقه وبعد الحاح وتهديد منه وقال سوف اخذ حقي .. توعده صاحب العمل ان يأتي في المساء بعد صلاة العساء لي إستلام حقوقه وعندما جاء المسكين وجد صاحب البيت اعد المخطط جاهزا بحجة انه حرامي واعتدي عليه ،،، وموعيد التعذيب كان الساعة 9 مساءا وعلي الارحج هذا الشخص قد توفي عليه من الاخ الذي وضع الفيديو في اليوتيوب و اسمه عمر احمد ان يسرع بإبلاغ الجهات القانونية في البلد او ان يسلم ما يعرفه الي المنظمات التي طالبت السلطات بإجراء تحقيق في الامر في دولة رواند قبل مجازر التوتسي بشهرين كان هنالك شاب توتسي قد جاء الي امراة من الهوتو لها متجر صغير لبيع المأكولات وعندما سأل التوتسي عن سعر الوجبة قد ضاعفت السعر فأحتج الشباب فما كان من المراة الهوتوية الا ان قامت وافرغت كل مكونات الجر في الارض وصرخت إن توتسي الحرامي يريد ان يسعمرني في ارضي وفعل هذا وهذا وما كان الا لحظات حتي تجمع بلطجية الهوتو والشرطة وجميعم يتوعد التوتسي بعذاب اليم وكانوا يقولون لماذا اتيت الي هنا وكان يتوسلهم يقول سوف لن اتي مرة اخري وسوف ادفع ثمن كل شي لكنهم كانوا في عز وكبرياء ويستحقرون الغير وحتي الشرطي لم يفعل شي غير ان قال انتم السلطة وحماة الوطن ،،، علي نفس شاكلة ما يحصل اليوم في السودان فأتوا بالتوتسي ووضعوا إطار سيارة (لستك) في رقبته واشعلوا فيه النار وكان يصرخ من الم قبل مفارقة الحياة وبلطجية الهوتو كان يرددون تاني تجي يا صرصور Cockroach will you come again ثم من بعده بشهور بدأت الابادة... فان تأليب الشعب علي كراهية البعض سوف يكون وبال علي المجتمع ابشروا بروندا الثانية في المركز بعد الهامش فأن علامات هطول المطر لا تختلف كثيرا عن بعضها في بقاع الارض

Quote: مهما غلفنا الحدث بغلاف البراءة لن نستطيع ان نستر سوءة اولئك العنصريين الذين ما كانوا ليقومون بتلك الفعلة لو ان الصبي (ود عرب شعرو سبيبي).

اسماعيل سلام
يااااخ معطتنا معط الله يرضى عليك سبيبي شنو ودين شنو ياااخ مامعقولة ياااخ

مرحبا يحي
وحبابك
دي فكرتي الاساسية اقصد ما تفضلت بالاشارة له
افسدت الحكومة طبائع الناس . بالفساد والظلم والتبجح به والاشادة في المنابر بمن علم فساده . فأغلق قلوب الناس من الرحمة والتسامح .. اوغر قلوبهم بالحقد والتشفي والايغال في اخذ الحقوق ايا كانت

الإيدو في الموية ما زي الإيدو في النار
هذه حادثة واحدة للص انضرب وأكل شطة
وهناك مئات الحوادث للصوص تسلقوا بيوت الآمنين وروعوها
وقتلوا ونهبوا .. بسواطيرهم وسكاكينهم .. دون أن تجد حظها للنشر
لسبب بسيط هو إن صاحب المنزل اكتشف النكبة بعد أن أكمل المجرم جريمته وهرب
وقيدت الشرطة البلاغ ضد مجهول .. وفقد صاحب الحق حقه على أقل تقدير
وممكن يفقد حياة أحد أفراد أسرته ببساطة
الحرامي البتلب في البيوت بكون مستعد لمعركة حياة أو موت
غير الزول المسكين النايم في بيتو وما متوقع يجيهو زول يهاجمو بالطريقة دي
يبقى كل الظروف في مصلحة الحرامي (المعتدي) وهو المستفيد الأول من عنصر المفاجأة
وغير ذلك
شوف يا عبدالحفيظ .. أي حرامي يتلب في بيت زول
يستحق أي جريمة ترتكب في حقه
فليذهب هذا الحرامي الى الجحيم ولن أتعاطف معه ولا مع أي حرامي بيوت
بل وأتمنى أي زول يجيهو حرامي متلب .. يطبق فيهو النظرية الفي راسو
إن شاء الله يرفعو في خازوق
لن يتحدث أحدكم عن الإنسانية وعن الأخلاق إذا جاء أحد هؤلاء الى بيتك وقتل أحد أفراد أسرتك (لا سمح الله)


التعاطف مع هؤلاء يعني دعمهم ..
يعني مزيد من التعدي على الأبرياء البسطاء الذين سيحرمون من الأمن حتى وهم في داخل بيوتهم
يعني مزيد من السكاكين التي تنغرس في أجساد أناس لا يجدون من يدافع عنهم مثل دفاعكم وتعاطفكم مع هؤلاء اللصوص القتلة
يعني مزيد من المجرمين الصائلين المتفلتين
الآن وفي أعظم الدول وأكثرها اهتماماً بالأمن اللص المعتدي على ملكية الآخرين راسمالو طلقة
بل يأتي رجل الشرطة ويشكره لأنه خلص المجتمع من مجرم

فــ وفروا تعاطفكم لمن يستحقونه

يا دفعه ... سلام
في مقطع تاني ....
الحرامي دخل بيت عزابه ..
وقبضوه الجماعه ...وخلوه يغسل ليهم الملابس
بعدما دقو دق العيش ...

موضوع الشطه دا .. ما جديد ....
وانا شاهدت نفس المنظر قبل اكتر من 40 سنه ...

تحياتي ,,

Quote: ابشروا بروندا الثانية في المركز بعد الهامش فأن علامات هطول المطر لا تختلف كثيرا عن بعضها في بقاع الارض

المتحيل بتبكيهو الريشه

ملحوظة هامة جدا
حديثي ينصب علي التعذيب وليس اللص
القدرة علي ممارسة التعذيب
اللص مجرم بلاشك يستحق العذاب
فهل يجوز تعذيب المدانين المجرمين لانتزاع المعلومات منهم
اقصد
فلنفترض ان الحكومة قبضت علي شخص مجرم ومارست تعذيبه .. من اجل انتزاع معلومات تمكنهم من استئصال شبكة اجرامية . فهل ان وقفت ضد تعذيبه يعني انني اقف معه
والحديث النبوي الشريف يقول
واذا قتلتم فأحسنوا القتل
ياخ اكتلوهو قتلا رحيما بطلقة في مكان قاتل دفاعا عن المال والعرض .. لانك تخشي ان يقتلك

الأخ / عبد الحفيظ وصحبة الكرام


أولاً : لو ترك الأمر لكل مواطن يأخذ حقه بيده سوف ينفرط العقد وسيكون المجتمع مثل الغابة
ثانياً : مهما كانت قيمة الشئ المسروق الذي سرقه هذا اللص لا أعتقد أنه يساوي لحظة واحدة من
لحظات التعذيب والترويع التي تعرض لها ...!! ( هذا إذا افترضنا أنه قد سرق فعلاً ) وهناك فرضية
أخرى يمكن أن يكون قد تم ظبط هذا الشخص متلبساً بالدخول ولم يكمل جريمته فهل هذا يستحق كل
هذا التعذيب ؟؟؟؟؟؟؟ إذا كان ربنا سبحانه وتعالى يغفر لعبده إذا نوى فعل أي من السيئات ولم يكملها
فما بالنا نحن البشر ؟؟؟!!
ثالثاً : أتوقع أن الشعوب التي تقع تحت طائلة الضغوط الإقتصادية والأمنية من قبل حكوماتها غالباً
ما تميل إلى تفريغ هذه الضغوط في بعضهم البعض وهذا ما يفسر الجرائم التي الغريبة التي نسمع بها صباح مساء
وهي جرائم غريبة علىنا كشعب كان المعروف عنا التسامح وطيبة الخاطر ..

أخي عبد الحفيظ وضيوفك الكرام.. تحياتـــي،



ما حدث لهذا الشاب كان أمر مؤسف بحق..

ويقيني أن جريمة من شارك وشاهد وتستر على تلك الجريمة الوحشية هو أكبر من أي جرم قد يكون ارتكبه هذا الشاب البائس..

أكبر كارثة يمكن أن تحل ببلد هي انهيار القانون.. وأخذ الحقوق بالأيدي.....

Quote: حقيقة المنظر بشع لكن التعاطف مع اللصوص ابشع انا شخصيا دخل لص منزلي وكنت اعمل خارج ولاية الخرطوم وعندما صحت زوجتي به عاجلها بضربة قوية علي راسها من عصاة يحملها وربك لطف عليه فقدت التعاطف مع زوار الليل المسلحين نهائيا

يا عبدالحفيظ
ياخي يتعذب عذاب الفيلة
يا إما يشوف ليهو شغلة ياكل منها عيش
لو بقيت في مكان الزول الكتب التعليق دا على الفيس بوك (لا سمح الله)
نظرتك للقضية بتختلف
ياخ يعذبوا أي زول تاني ما مقبول
لكن حرامي يتلب في بيت زول شايلو سيخة ولا سكين
يسووا فيهو السبعة وذمتا

لا حول ولا قوة إلا بالله


ليتك سحبت هذه الفظاعة يا مجيدو................

رجاء.............

Quote: حقيقة المنظر بشع لكن التعاطف مع اللصوص ابشع انا شخصيا دخل لص منزلي وكنت اعمل خارج ولاية الخرطوم وعندما صحت زوجتي به عاجلها بضربة قوية علي راسها من عصاة يحملها وربك لطف عليه فقدت التعاطف مع زوار الليل المسلحين نهائيا

يا احمد عبد الله دفع الله بالغت ياخ
يعني عشان ضرب زوجتك في راسها ذات مرة معناها تاني ما تتعاطف معاهم !
والنكلمك كمان مافي زائر ليل ما مسلح نهائي ودة ضربها بالعكاز عشان مرة ما بتقاوم لكن لو كان ولدك الصغير - لا سمح الله - مثلاً كان طعنه بي سكين عادي وحصلت كتيييييير قبل كدة - ربنا يحفظ اولادك

أسجل إدانتي لي عدم تعاطفك وبطلب منك تتعامل بالقانون والمرة الجاية لو صادفت الحرامي انت قول ليه لو سمحت يا استاذ ممكن تديني العصاية الشايلها دي ؟ ووديهو الصالون خليه يرتاح في كرسي واتصل بالشرطة واعمل ليه كباية شاي واديهو سيجارة لحدي ما يجي البوليس

أيوة يا جماعة المفروض الناس تتعاطف مع الحرامية .. ما هم بشر برضو .. يعني شنو كونهم بكتلوا الناس ! نحن نبقى احسن منهم ولما نقبضهم ما نأذيهم حتى لو ضربك ولا كتل قريبك .. ياخي احتسبوا شهيد وما تضرب القاتل حتى لو شرد منك .. خلونا نبقى أنبياء

القضية الجوهرية والاساسية
التعذيب
هل نحن ضد التعذيب بشكل مبدئي وصارم
اما
اننا نجد له المبررات التي تجعله مقبولا
وكذلك تفعل السلطات الديكتاتورية في ايجاد مسوغات لتعذيب المتهمين . استنادا علي الارهاب .. ارهاب المتهم للاعتراف او ارهابه حتي يكف عن فعل ما كان يفعله خوفا .. في تجاهل لنصوص القانون وروح الدستور
انتشار اللصوص تقصير من الدولة في حماية المواطن وحراسته ..
ان قبلنا بتعذيب اللصوص يجب ان نقبل بتعذيب السلطة للمتهمين والناشطين .. الامر لا ينفصل والمبادئ الاساسية يجب ان تكون متماسكة وشاملة
ان حق لنا معاقبة اللص فيحق لنا معاقبة كل من يجرم في حقنا دون ان يعاقبنا القانون . ويصير الامر قانون الغاب
عشرات بل آلاف القصص عن اللصوص والضحايا الامنين .. ولكننا نسعي لدولة القانون حماية لانفسنا. وإلا انضمننا لعصابة توفر لنا الحماية

مرحبا هيثم
مرحبا عماد
وكتر خيركم لتواجدكم هنا
احذر حين تصنع سلاحا .. عاجلا او آجلا سيرفع في وجهك

هل يستحق ان تزهق روحا من اجل سرقة جوال !!
من يسرقون اموال الشعب بالمليارات طليقون يتمتعون بما سرقوه دون ان يعترضهم احد ..

Quote: شوف يا عبدالحفيظ .. أي حرامي يتلب في بيت زول يستحق أي جريمة ترتكب في حقه فليذهب هذا الحرامي الى الجحيم ولن أتعاطف معه ولا مع أي حرامي بيوت بل وأتمنى أي زول يجيهو حرامي متلب .. يطبق فيهو النظرية الفي راسو إن شاء الله يرفعو في خازوق لن يتحدث أحدكم عن الإنسانية وعن الأخلاق إذا جاء أحد هؤلاء الى بيتك وقتل أحد أفراد أسرتك (لا سمح الله) التعاطف مع هؤلاء يعني دعمهم .. يعني مزيد من التعدي على الأبرياء البسطاء الذين سيحرمون من الأمن حتى وهم في داخل بيوتهم يعني مزيد من السكاكين التي تنغرس في أجساد أناس لا يجدون من يدافع عنهم مثل دفاعكم وتعاطفكم مع هؤلاء اللصوص القتلة يعني مزيد من المجرمين الصائلين المتفلتين الآن وفي أعظم الدول وأكثرها اهتماماً بالأمن اللص المعتدي على ملكية الآخرين راسمالو طلقة بل يأتي رجل الشرطة ويشكره لأنه خلص المجتمع من مجرم فــ وفروا تعاطفكم لمن يستحقونه

اخونا بدر الدين كفيت و وفيت

ترويع الآمنين و النساء والاطفال جريمة تستحق القتل

حباب الاخوان والاصحاب
بدر
مجيد
طارق
فلنتقدم خطوة للامام
هل تقبل ان يتم تقنين ماحدث للحرامي كقانون وتقوم بتنفيذه الدولة . ان يصدر قانونا لحرامي البيوت بأن يفعل به كذا وكذا ويتم ادخال الشطة في دبره وتعذيبه طبقا لما تم في الفيديو
انا لا اتعاطف مع اللصوص
ولكن ضد التعذيب
ضد التشفي
ضد اخذ القانون باليد
ضد الدولة التي تعجز عن حماية المواطنين من زوار الليل
النفس تأنف من العنف ومن التعذيب
يمكنك ذبح الخروف بالشكل المعروف .. ولكنك تعجز عن قتله ضربا وركلا .. نفسك ستأبي ذلك
الاعتياد علي تعذيب اللصوص يفسد النفس ويجعل التعذيب مقبولا وسيتجاوزه ل غير اللصوص
وقيل ان الجزار قاسي القلب لتعوده علي منظر الدماء والذبح
وقيل
لو رأيت جملا ينحر لن تأكل لحمة ابل ابدا ثانية .. الجمل يبكي حينها

يا عبد الحفيظ ولا حواء وآدم ما بلمو الناشط السياسي بالحرامي
اللي كان في الفيديو دة جاني ما متهم يعني ثبتت عليه التهمة ولقوهو جوة البيت وكانوا بسألوهو عن الناس المعاهو
وهو ما قاعد يقول انا ما سرقت بقول أنا تبت وتاني ما بعمل كدة
قانون الغاب وغياب القانون دة تقوله لو أنا مشيت ليه في مكانه وعذبتو
لكن زول لقيتو جوة بيتي متلب الحيطة جاي يروع اسرتي عاوزني اتعامل معاهو بي حنية يعني !

تحياتي احمد
وحبابك
الفكرة الاسياسية التعذيب وليس الجريمة . مع سيادة القانون .. عندنا رأي في القانون نغيرو كل شوكة بسلوها بي دربها . الناشط مجرم في عرف الديكتاتورية ويمثل خطرا علي بقاءها ويهدد امنها ويهددها بالزوال . لذا تجد في منطقها يجب استعمال كل وسائل العنف مع الناشط
الموضوع ما حنية ولا عنف .. استعملت القوة اللازمة للقبض علي اللص .. سلمو السلطات .. ما تاخد القانون في يدك . لو كل زول اخد القانون في يدو بكون قانون غاب . واي زول بكون عندو المنطق البخليهو يعمل البقدر عليهو . وينفتح باب واسع للتعدي والفوضي
مافي زول بتعاطف مع اللصوص . ولا بطالب معالمتهم بلطف . هسة الناس بتتكلم عن العنف الممارس من قبل الشرطة علي المتهمين . نفس المتهم البتثبت الجريمة عليهو بالتحريات ويخشي فقد المسروقات . فهل نبيح للشرطة ان تستغل التعذيب في انتزاع الحقايق . القانون السوداني برفض المعلومات المأخوذة بواسطة التعذيب

تحياتي احمد
وحبابك
الفكرة الاسياسية التعذيب وليس الجريمة . مع سيادة القانون .. عندنا رأي في القانون نغيرو كل شوكة بسلوها بي دربها . الناشط مجرم في عرف الديكتاتورية ويمثل خطرا علي بقاءها ويهدد امنها ويهددها بالزوال . لذا تجد في منطقها يجب استعمال كل وسائل العنف مع الناشط
الموضوع ما حنية ولا عنف .. استعملت القوة اللازمة للقبض علي اللص .. سلمو السلطات .. ما تاخد القانون في يدك . لو كل زول اخد القانون في يدو بكون قانون غاب . واي زول بكون عندو المنطق البخليهو يعمل البقدر عليهو . وينفتح باب واسع للتعدي والفوضي
مافي زول بتعاطف مع اللصوص . ولا بطالب معالمتهم بلطف . هسة الناس بتتكلم عن العنف الممارس من قبل الشرطة علي المتهمين . نفس المتهم البتثبت الجريمة عليهو بالتحريات ويخشي فقد المسروقات . فهل نبيح للشرطة ان تستغل التعذيب في انتزاع الحقايق . القانون السوداني برفض المعلومات المأخوذة بواسطة التعذيب

Quote: الموضوع ما حنية ولا عنف .. استعملت القوة اللازمة للقبض علي اللص .. سلمو السلطات .. ما تاخد القانون في يدك . لو كل زول اخد القانون في يدو بكون قانون غاب . واي زول بكون عندو المنطق البخليهو يعمل البقدر عليهو . وينفتح باب واسع للتعدي والفوضي

عارف يا عبد الحفيظ انت مشكلتك شنو ؟
ما نط عليك حرامي قبل كدة
ولا كتل زول قريبك

انت بي نفسك قبل كدة حكيت عن عربية زول كسرتوها عشان جاب بت العيادة .. صاح ولا ما صاح ؟
طيب ليه ما اتصلتو بالشرطة وانتظرتوها تقبض عليه

Quote: ونحن في العالي قنصنا لينا واحد بستغل غرفة في عيادة بجيب فيها البنات ,,, مرة جاب بت بي عربيتو ,, كسرنا العربية وبوظناها لامن جروها جر تاني يوم , ودخلنا عليهم الولد او الشاب الكبير قام جاري وخلي البت ,,, وكنا اولاد حلة ,,, وهي غطت وشها بالتوب , واصروا لازم يشوفو وشها ,, ومجموعة مننا رفضوا انها تكشف وشها ,, وقلنا نسترها وفعلا ماعرفناها منو

انت هنا لأنك كنت في عمق الحدث وشفت بي نفسك ما انتظرت القانون ياخد مجراه
لكن لأنه في موضوع الحرامي انت كنت مشاهد عبر شاشة وبس

سلام أخ عبد الحفيظ أبوسن
أولا لاخلاف حق الإنسان حماية بيته وممتلكاته إذا ما تعرض لإعتداء أو سرقة ــ ويمكن وفي ظل حرارة الموقف أن يضُرب اللص أو حتي يقتله -- أثناء حدوث الفعل الإجرامي !
** الإختلاف هنا في جزئية محددة وهي رفض وإدانة التعذيب بدم بارد ــ وحفلات الشواء الجماعي والتلذذ بتعذيب إنسان وإنتهاك كرامته أوتسبيب الأذي الجسيم له أو قتله -- بعد القبض عليه!
** بمجرد مجرد أن يتم القبض علي اللص والمتعدي وتجريده من أدوات العنف والعدوان يجب تسليمه للشرطة وترك القانون يأخذ مجراه !
* رفض حفلات الشواء والتعذيب الجماعي واجب يميله الحس الإنساني والضمير الحي ، من يشجع التعذيب والقتل بدم بارد فليتحسس إنسانيته،، مايحدث جريمة مكتملة الأركان وممارسة همجية
وغير قانوني .......

اخونا عبدالحفيظ وضيوفه الكرام
معروف من زمان كعادة وعرف مجتمعى انو الحرامى بيندق وبعد كدا بيسلموه للبوليس
لكن فى السنين الاخيرة ونتيجة لأشياء كتيرة منها ازدياد الفقر وانفلات الامن وعدم الئقة فى البوليس نفسه ازدادعدد الحرامية
عجزت الدولة عن توفير الامن فالناس بقوا يحموا نفسهم والشباب بيعملوا دوريات بالليل فى الاحياء بسبب الحرامية
اضافة لذلك الحرمية تفسهم بقوا مسلحين للدفاع عن نفسهم فى حالة اكتشافهم
فالمسألة فيها خطورة لو اكتشفت الحرامى فى البيت طبعا ما حتخليهو ولو ماكنت مسلح ح يعوقك ولو ما شفته ياهو الماخد حقك
الفترة الفاتت دى نجضوا الناس نجاض وخاصة فى الكلاكلات وسمعت حكاوى لا تحدث الا فى الافلام
جيرانا فقدوا فى ظرف 10 دقائق 3 لابتوب و3 موبايلات .
لذلك لا اتعاطف كثيرا مع الحرامية لكن ان تصل لمرحلة التعذيب المؤدى للموت والشطة ! نقول استوب ونرفع علامة الخطر
ونطالب بتدخل الدولة الحاسم لحماية المواطن والحرامى ايضا

المشكلة انها خربانة من كبارا

تحياتي لكل المشاركين سأعود للرد الراتب
واعتذر ولكن مع التبرير
فضلت الرد اولا علي بعض المداخلات لتوضيح وجهة نظري .. فقد قدرت ان تلك المداخلات توجب الرد
تحياتي احمد
فرضيتك يمكن نسفها ببساطة بقول اني قد تعرضت واسرتي للصوص الليل ولكن سأهد مبدأ راسخا عندي . التعاطف لايستوجب المرور بذات الظروف .. المواقف الفكرية والانسانية تتجاوز التجربة الشخصية
ما حدث لي وانا طالب ثانوي كان في اوائل الثمانينات ولا ازال مراهقا غرا قليل المعرفة والتجربة وبي نزق وطيش
فلو ظللت ذلك الشاب بعد مرور 35 عاما تكن كارثة . اقصد بذات التفكير والنصرف

ما فهمته من روايتك للحادثة أنك فخور بها ولم تذكر حين رويتها أي أسف على تفكيرك السابق
لكن ما دمت اعتبرتها نزق وطيش مغفور بسبب المرحلة العمرية أو حداثة العقل فلتعذر من نزق وطاش وهو يرى لص يقتحم بيته ويروع اسرته

Quote: اللص مجرم بلاشك يستحق العذاب

أختلف معاك يا عبدالحفيظ ........... بل يستحق (العقاب) وليس العذاب.

قبل كل شئ، لم أشاهد الفيديو، لكني سمعت عنه، ثم قرأت ما كتبتم هنا.

في رأيي، إذا كان الضرب تم كمقاومة لفعل السرقة، ده شئ مقبول .... لكن أن يتم عقابه بأي وسيلة كانت، هذا لا يملكه الفرد مجني عليه كان أو متعاطف مع المجني عليه، بل وجب عليه تسليمه للسلطة التي يقع عليها عبئ التجريم والعقاب.

ما دون ذلك، فهو قانون غاب.

تشكر ابوالريش
بلاشك هو خطأ مطبعي غاب عني
فأنا اقصد العقاب ويستشف ذلك بوضوح من جملة مداخلاتي . وللاسف انتبهت لها بعد اعتمادها .. وعولت علي فطنة وفهم القراء وكسلا من التعديل
شكرا وعذرا

Quote: بلاشك هو خطأ مطبعي غاب عني

حيرتني لكن

تحياتي ود اب سن
الرجل في ذمة الله و رحمته, وكلنا سمعنا صرخته "تبت" فعسى انها كانت تصوحة وقبلها الله عز وجل
واحسب ان في ما جرى له كفارة و طهور بإذن الله
وددت لو لم تشر له بـحرامي الواتس, من باب اذكروا محاسن موتاكم على الأقل

تحياتي للجميع
الموضوع احدث حراكا جيدا وامتحانا لمفاهيمنا نحو العدالة والقانون
لذا تباينت التقديرات
ابوالريش يا صاحب اقرا الصياغ
ﻫﺎﻣﺔ ﺟﺪﺍ
ﺣﺪﻳﺜﻲ ﻳﻨﺼﺐ ﻋﻠﻲ ﺍﻟﺘﻌﺬﻳﺐ ﻭﻟﻴﺲ ﺍﻟﻠﺺ
ﺍﻟﻘﺪﺭﺓ ﻋﻠﻲ ﻣﻤﺎﺭﺳﺔ ﺍﻟﺘﻌﺬﻳﺐ
ﺍﻟﻠﺺ ﻣﺠﺮﻡ ﺑﻼﺷﻚ ﻳﺴﺘﺤﻖ ﺍﻟﻌﺬﺍﺏ
ﻓﻬﻞ ﻳﺠﻮﺯ ﺗﻌﺬﻳﺐ ﺍﻟﻤﺪﺍﻧﻴﻦ ﺍﻟﻤﺠﺮﻣﻴﻦ ﻻﻧﺘﺰﺍﻉ ﺍﻟﻤﻌﻠﻮﻣﺎﺕ

ف شنو لو كنت مقتنعا بتعذيبه لما وقفت ضد التعذيب بشكل مطلق ( اللص مجرم اكيد يستحق العذاب ) وكان من الواضح انها كلمة تكاثرث عليها كلمة التعذيب حتي طغت عليها وكتبتها سابقا يدي

تحياتي وشكري
اشرف الباقر
علي دفع الله
نزار حسين
اسماعيل عباس
اسماعيل عبدالله
حامد بدري
ياسر منصور
حيدر الزين
عثمان الحسن
نصرالدين عثمان
عارف ناشد
كمال عباس
صلاح حبيب
محمد البشري الخضر

قالوا
حي يرزق

ود ابوسن العوافي

تشكر اسامة
البعض واللص نفسه
حاولوا تصويره كبطل
هو ليس بطلا بل لص منازل يروع الامنين
كل شوكة بسلوها بي دربها
يحاكم كلص
ويحاكم الشباب لتعذيبهم
كلص هو معترف

الأخ عبدالحفيظ أبوسن,

في تقديري المشكلة ما في الحرامي ولا في الناس الكبو الشطة, المشكلة في الدولة, لو كان عندنا دولة قانون وعدالة ودولة تحمي المواطن وحقوقه لما وصلنا إلي هذه المرحلة, الحرامي يسرق في وضح النهار ويقتل ويمسك عليه وبعد يومين تلقاهو حايم كأنه لم يحصل شيئ

ود ابسن سلامات
حقيقة الدولة هي من ساهمت في مثل هذه السلوكيات بشكل رئيسي وعلي عدة مستويات :
1- اشاعة تقافة التعذيب والاهانة وغياب القانون وعندما يلجأ المتضرر من التعذيب للقضاء لا يجد العدالة ، التعذيب طبعا تجاوز اوكار الامن وتمدد في كل اقسام الشرطة والنيابات ، اي متهم في مرمي في زنزانة يمكن تعذيبه بواسطة رشوة بسيطة من الشاكي حتى يقر وبعضهم يموت تحت وطأة التعذيب وتم تسجيل عدة حالات تناقلتها الصحف ولم تقم الحكومة بفعل اي شيء ..
2- غياب القانون وفساد الشرطة ، اصبح من المعتاد جدا ان يتم نهبك ، نهب منزلك وتفشل الشرطة في استرداد المسروقات الا لو كانت لديك معرفة او واسطة او دفعت للشرطة .. وقد وصل فساد الشرطة لدرجة التلاعب بدفاتر وسجلات البلاغات ..
3- القهر والظروف الاقتصادية الضاغطة حولت السودانيين الى وحوش ، فقط تصفح الجرايد اليومية و ستجد في كل يوم جرائم قتل او أذى جسيم من شاكلة " قتل صديقه ، جاره ، احد ابناء الحي ، والده ، اخته ، بل وصل الامر لقتل الامهات ..
لكن اللصوص ايضا اصبحوا شرسين جدا ولا يتورعون عن قتل من يحاول الامساك بهم وقد قتل احد ابناء قريتي في حادث سرقة وفر الجاني .. عصابات النيقرز وغيرها تنهب الناس ليلا ونهارا ..
التعذيب شيء مرفوض بالطبع ، لكن عندما يغيب القانون تتكرر مثل هذه السلوكيات وقطعا سنرى الافظع ..
سلام

Quote: البعض واللص نفسه  حاولوا تصويره كبطل

هههههههه
صدقتا والله
الحرامي زاتو مستهبل
قال شنووووو
جيت من غرب امدرمان لحد (الشجرة )
والساعة كم 3 صباحا

ولد دا...كل دا مشي
يكون الزول دا راسو لفه من كركر اتجه جنوب بدل غرب

وكمان لما ليهو في محامي برضك مستهبل شكلو

تحياتي عثمان
فعلا
الدولة مسؤولة بشكل مباشر