ترتيب الدول بحسب جودة التعليم طبقا لتقرير التنافسية العالمية لعام 2015 - 2016 (GCI Global Competitiveness Index) والذي يصدر سنويا عن المنتدى الاقتصادي العالمي
1 Switzerland
2 Singapore
3 United States
4 Germany
5 Netherlands
6 Japan
7 Hong Kong SAR
8 Finland
9 Sweden
10 United Kingdom
11 Norway
12 Denmark
13 Canada
14 Qatar
15 Taiwan, China
16 New Zealand
17 United Arab Emirates
18 Malaysia
19 Belgium
20 Luxembourg
21 Australia
22 France
23 Austria
24 Ireland
25 Saudi Arabia
26 Korea, Rep.
27 Israel
28 China
29 Iceland
30 Estonia
31 Czech Republic
32 Thailand
33 Spain
34 Kuwait
35 Chile
36 Lithuania
37 Indonesia
38 Portugal
39 Bahrain
40 Azerbaijan
41 Poland
42 Kazakhstan
43 Italy
44 Latvia
45 Russian Federation
46 Mauritius
47 Philippines
48 Malta
49 South Africa
50 Panama
51 Turkey
52 Costa Rica
53 Romania
54 Bulgaria
55 India
56 Vietnam
57 Mexico
58 Rwanda
59 Slovenia
60 Macedonia, FYR
61 Colombia
62 Oman
63 Hungary
64 Jordan
65 Cyprus
66 Georgia
67 Slovak Republic
68 Sri Lanka
69 Peru
70 Montenegro
71 Botswana
72 Morocco
73 Uruguay
74 Iran, Islamic Rep.
75 Brazil
76 Ecuador
77 Croatia
78 Guatemala
79 Ukraine
80 Tajikistan
81 Greece
82 Armenia
83 Lao PDR
84 Moldova
85 Namibia
86 Jamaica
87 Algeria
88 Honduras
89 Trinidad and Tobago
90 Cambodia
91 Côte d'Ivoire
92 Tunisia
93 Albania
94 Serbia
95 El Salvador
96 Zambia
97 Seychelles
98 Dominican Republic
99 Kenya
100 Nepal
101 Lebanon
102 Kyrgyz Republic
103 Gabon
104 Mongolia
105 Bhutan
106 Argentina
107 Bangladesh
108 Nicaragua
109 Ethiopia
110 Senegal
111 Bosnia and Herzegovina
112 Cape Verde
113 Lesotho
114 Cameroon
115 Uganda
116 Egypt
117 Bolivia
118 Paraguay
119 Ghana
120 Tanzania
121 Guyana
122 Benin
123 Gambia, The
124 Nigeria
125 Zimbabwe
126 Pakistan
127 Mali
128 Swaziland
129 Liberia
130 Madagascar
131 Myanmar
132 Venezuela
133 Mozambique
134 Haiti
135 Malawi
136 Burundi
137 Sierra Leone
138 Mauritania
139 Chad
140 Guinea
Post: #2 Title: Re: أين موقع السودان في هذا التصنيف ؟! Author: محمد على طه الملك Date: 10-26-2015, 04:48 PM Parent: #1
الحمد لله وليداتنا دخلوا في الخمسة الأوائل .. يا كافى البلا السودان اسقطوا منو حتى صفة الدولة ؟
Post: #3 Title: Re: أين موقع السودان في هذا التصنيف ؟! Author: معاوية الزبير Date: 10-26-2015, 05:56 PM Parent: #2
ونحن اطمأنينا على ولدنا الأمريكي
Post: #4 Title: Re: أين موقع السودان في هذا التصنيف ؟! Author: حمد عبد الغفار عمر Date: 10-26-2015, 06:17 PM Parent: #3
معاوية والملك
سلام يغشاكم
ما دام الدولة رافعة يدها عن التعليم تكون في جودة كيف ؟ ومعلوم غياب الدولة يعني غياب المؤسسية والرقابة
مع ذلك نقول في ظل خصخصة التعليم ممكن يكون في تعليم جيد بس بشرط يكون القائمين على أمرو ناس تربويين ومتخصصين أصحاب رسالة ومحبين للعلم والتعلم موش مستثمرين لا يهمهم غير الربح
معقول نكون الطيش ؟
Post: #5 Title: Re: أين موقع السودان في هذا التصنيف ؟! Author: tabaldy Date: 10-26-2015, 09:59 PM Parent: #4
سلام عليكم
حتة التصنيفات دي مرات بتشعر الزول انو الناس ديل قاصدننا في سوداننا ما قاصدين البشير وحكومتو راجع التصنيفات الكتييرة زي بتاعة الاقتصاد والامان والفساد والشفافية وغيرو بلد بنصدر خيرة الخرييجين والمتعلمين المؤهلين للعالم قاطبة ويجوا ما يصنفونا كلو كلو!! لا ويدخلوا في القائمة دول خليجية في الطليعة فوووق وقدام المصريين والروس والترك كدي خلينا من سوداننا،، اصلو انحنا الطلعنا للعالم القواعد والدواعش والارهابيين بي كبابهم بس الخليجيين يخشوا فوق في القائمة ،، دي بتنسف المصداقية بتاعة الناس ديل تعليم ما أثر في مجتمعاتهم يكونوا أحسن مننا كيف؟
Post: #6 Title: Re: أين موقع السودان في هذا التصنيف ؟! Author: معاوية الزبير Date: 10-27-2015, 03:26 AM Parent: #5
Quote: مع ذلك نقول في ظل خصخصة التعليم ممكن يكون في تعليم جيد بس بشرط يكون القائمين على أمرو ناس تربويين ومتخصصين أصحاب رسالة ومحبين للعلم والتعلم موش مستثمرين لا يهمهم غير الربح
يا حمد أخوي ما عندي ليك تعليق غير أحيلك لبوست ناذر (محن مدارس الأساس الخاصة...) أنا صراحة ما بقدر أحكم على مستوى التعليم في العشرين سنة الأخيرة دي لأني بعيد منو ومن خريجيه لكن البعرفو، مرتي شاطرة في الرياضيات قدرما اطرطش ليها الحساب في منصرفات الراتب برضها (تلقى الفرق شاسع)
Post: #7 Title: Re: أين موقع السودان في هذا التصنيف ؟! Author: أحمد محمد عمر Date: 10-27-2015, 05:48 AM Parent: #6
التصنيفات بتعتمد على مواقع الجامعات في الانترنت ونحن جامعاتنا مهملة الجانب دة شديد المفروض وزارة التعليم العالي تتبناهو وتلزم أي جامعة بتجويد موقعها على الانترنت بل وتعرض عليها المساعدة وتديها مساحات مجانية في سيرفرات الدولة .. الموضوع لا صعب ولا مكلف بالمناسبة التصميم أسهل ما يكون باستخدام أنظمة إدارة المحتوى .. أي واحد قاري دبلوم كمبيوتر تديهو دورة في التصميم بقدر يظبط الموقع .. والسيرفرات أصلاً موجودة وعليها المواقع الحكومية والمساحات فيها خلا علماً بي إنه سيرفر واحد بس بي تكلفة 100 دولار في الشهر بشيل لي مواقع الجامعات والكليات والمدراس السودانية والاثوبية والتشادية كلها
جودة التعليم في زمنا الحالي مرتبطة بي كمية ونوعية الخدمات المقدمة من قبل المؤسسة التعليمية للطلاب والمطروحة عبر الموقع الالكتروني لأنه المؤسسات البتصنف دي ما عندها وفود تحوم مدارس العالم عشان تقيمها وإنما بتعتمد على الانترنت فقط المفروض على الأقل تعتمد جميع المؤسسات الأكاديمية نظام الدفع الالكتروني .. الدفع الكاش الناس بطلتو زمان ياخ وتعتمد أنظمة التعليم الالكتروني .. ما أظن في جامعة خارج السودان ما عندها أنظمة تعليم اليكتروني وعلى فكرة أنظمة التعليم الالكتروني المجانية ما تديك الدرب ما عندنا طالب يمتلك إيميل ينتهي بي edu. مع إنه الموضوع دة ساهل شديد بل ومجاني في أي موقع على استضافة وكمان إذا عمو قوقل رضى عننا عندو كمية مهولة من الخدمات التعليمية المجانية بما فيها الإيميلات ودي حاجة في ذمة وزارة الاتصالات لأنه مفروض بعد رفع الحظر التقني يسكوا موضوع فك الحظر التقني عن الخدمات التعليمية
بس المشكلة الأكبر هي اتصال الانترنت السئ .. رغم إنه في توجه من وزارة الاتصالات بمنح انترنت مخصص بالجامعات لكن بتلقى إنه الموضوع دة حصرياً على الخرطوم والجامعات الولائية بباح
مقررات جامعاتنا لا غبار عليها وساعاتنا التدريسية كتيرة جداً مقارنة بالجامعات العربية مثلاً وأساليب التدريس عندنا ما هينة .. مافي مجاملة في أغلب الجامعات والراسبين بكونوا كتار جداً وإعادة السنة عندنا حاجة عادية .. يعني التقييم عادل والكلام دة بظهر لي أي سوداني يمشي يشتغل في دولة عربية .. طوالي بكتشف إنه أعلم من زملاؤه الاتخرجو من جامعات عربية
الخلاصة : تعليمنا بخير مشكلتنا في وزارة الاتصالات
Post: #8 Title: Re: أين موقع السودان في هذا التصنيف ؟! Author: munswor almophtah Date: 10-27-2015, 06:28 AM Parent: #7
الكلام دا أنا ما بشتريه لأن نايجيريا فيها نظام تعليمى رصين وإثيوبيا ليست بأحسن مصر ولا قطر تقترب من كندا كلام والسلام
Post: #9 Title: Re: أين موقع السودان في هذا التصنيف ؟! Author: الصادق عبدالله الحسن Date: 10-27-2015, 07:24 AM Parent: #8
=
( .... لن يصدق أن سادة أفريقيا الجدد ، ملس الوجوه ، أفواههم كأفواه الذئاب ، تلمع في أيديهم ختم من الحجارة الثمينة ، وتفوح نوصيهم برائحة العطر، في أزياء بيضاء وزرقاء وسوداء وخضراء من الموهير الفاخر والحرير الغالي تنزلق على أكتـافـهم كجلود القطط السيامية، والأحذية تعكس أضواء الشمعدانات، تصر صريراً على الرخام ـ لن يصدق محجوب أنهم تدارسوا تسعة أيام في مصير التعليم في أفريقياً في (( قاعة الإستقلال )) التي بنيت لهذا الغرض، وكلفت أكثر من مليون جنيه ... ).
المكتوب بالأصفر في الأعلى كما تعلم هو مقطع في رواية الراحل (الطيب صالح: موسم الهجرة إلى الشمال). مضى قرابة النصف قرن على كتابة تلك الرواية .. ولكن الأولويات ما تزال هي الأولويات.
Post: #10 Title: Re: أين موقع السودان في هذا التصنيف ؟! Author: معاوية الزبير Date: 10-27-2015, 08:18 AM Parent: #9
Quote: بس الخليجيين يخشوا فوق في القائمة ،، دي بتنسف المصداقية بتاعة الناس ديل تعليم ما أثر في مجتمعاتهم يكونوا أحسن مننا كيف؟
أهلا يا تبلدي، طبعا البوست للنقاش ولن أكون فيه مدافعا عن محتوى التقرير لكن بمعايشة واقع التعليم في الخليج خلال 26 عاما قضيتها بين الإمارات وقطر أستطيع الجزم بجودة التعليم في هذه المنطقة أما تأثير التعليم على المجتمعات فهذا شأن آخر، ويمكنك مقارنة زمن التعليم السمح في السودان وتخلف مجتمعنا أظن فكرتك عن الخليج انطباعية.. الناس ديل اتقدموا كتيير وسخّروا جزءا كبيرا من إمكانياتهم المادية لتطوير التعليم في بلدانهم ---------
عزيزي أحمد عمر، يا ريت المسؤولين يطلعوا على مداخلتك الدسمة ويعملوا بيها
Quote: الخلاصة : تعليمنا بخير مشكلتنا في وزارة الاتصالات
تعليمنا بخير دي سأتركها للمتابعين للشأن التعليمي في الوطن --------
Quote: الكلام دا أنا ما بشتريه لأن نايجيريا فيها نظام تعليمى رصين وإثيوبيا ليست بأحسن مصر ولا قطر تقترب من كندا كلام والسلام
هلا بمنصور المفتاح، وجهة نظر برضو، لكن لو رجعت لمعايير التصنيف ربما يتغير حكمك --------
عزيزي الصادق الحسن، تشكر على اللفتة الذكية. والتقييم يرتبط مباشرة بمؤشر الفساد لكن أعتقد أن كثيرا من الدول الأفريقية استطاعت تجاوز واقعها المزري الذي نشأ عقب الاستقلال تحياتي
Post: #11 Title: Re: أين موقع السودان في هذا التصنيف ؟! Author: معاوية المدير Date: 10-27-2015, 08:25 AM Parent: #10
Quote: أنا صراحة ما بقدر أحكم على مستوى التعليم في العشرين سنة الأخيرة دي لأني بعيد منو ومن خريجيه
دا كلآم يا ود الزبير !؟. سيّبك من التصنيف الفوق دا، كمان تدني التعليم في بلدنا دايرلو رفع ضو ؟...
Post: #12 Title: Re: أين موقع السودان في هذا التصنيف ؟! Author: عبدالحفيظ ابوسن Date: 10-27-2015, 08:47 AM Parent: #11
تحياتي معاوية وضيوفه قيل سئل فرح ودتكتوك في شهادة زني . فقال شفتو بي ايدو حاويها .. وبي جسمو ضاميها . وبي خشيمو عاضيها وصلبو يمشي ويجيها . كان فيها ولا خاتيها ربي يعلم بيها القاضي نط وقال ليهو طلق فيها ف شنو دون دراسة وتقرير الحكومة لا تدفع قرشا للمدارس سوي راتب المعلم . صيانة ادوات كتب علي اولياء الطلاب وشطارة المدير .الطالب يدفع رسوم الامتحان والتصحيح . ودة شرط او ما يمتحن . عشان الورق والطباعة والمراقبين والمصححين . وللمدير نسبة من تحصيل اي رسوم . تشجيعا له وعشان يحرص علي الجباية ضعف الرواتب وعدم انتظامها قلل حرص المعلم علي التجويد والانضباط وصارت المهنة طاردة الجامعات الحكومية العريقة صارت تجارية . اضاعت شذاذ وشطار الطلاب قصاد الطلاب الاغنياء . فدخلها من لا يستحقها جامعة الخرطوم حددت سعرها للقبول العام تلاتة مليون ج راكب . اها فيها ولا خاتيها
Post: #15 Title: Re: أين موقع السودان في هذا التصنيف ؟! Author: azhary taha Date: 10-27-2015, 08:57 AM Parent: #12
اخونا معاوية الخراب في التعليم اكبر مما تتصورون فيه ما لاعين رات ولا اذن سمعت ولا خطر علي قلب بشر هناك مقال للاخ عثمان ميرغني قبل سنتين تلاته يعكس جانب من الصورة في وضوح شديد لك تحياتي
Post: #13 Title: Re: أين موقع السودان في هذا التصنيف ؟! Author: معاوية الزبير Date: 10-27-2015, 08:48 AM Parent: #11
ابداً يا ود المدير لكن ما داير احكم بالظاهر يمكن عارفين ومخبين، ما ندري
Post: #14 Title: Re: أين موقع السودان في هذا التصنيف ؟! Author: معاوية الزبير Date: 10-27-2015, 08:55 AM Parent: #13
والله شيخنا بالغ يا اب سن، غايتو لو حكموا بلد هو والمستنير صاحبي، يمين يسقطوا حجرها ود تكتوك دا بتكون كتلتو النصيحة قبال يومو
Post: #16 Title: Re: أين موقع السودان في هذا التصنيف ؟! Author: معاوية الزبير Date: 10-27-2015, 09:06 AM Parent: #14
Quote: هناك مقال للاخ عثمان ميرغني قبل سنتين تلاته يعكس جانب من الصورة في وضوح شديد لك تحياتي
أزهري طه شكرا على كتاباتك الجميلة، نتابعها دون تدخل، لأنو ما عندنا ما نضيفه مقال عثمان مريت عليهو أو مرّ علي، لكن نسيتو، وبالتأكيد حال المسؤولين مثل حالي يا ريت تجيبو هنا وشكرا تاني
Post: #17 Title: Re: أين موقع السودان في هذا التصنيف ؟! Author: جمال الباقر Date: 10-27-2015, 02:51 PM Parent: #16
تحياتي معاوية
احتلال ماليزيا للمركز ال- 18 متقدمة على فرنسا وبلجيكا واستراليا ... يشككني في هذا التصنيف
المعيار ؟
Post: #18 Title: Re: أين موقع السودان في هذا التصنيف ؟! Author: elhilayla Date: 10-27-2015, 04:42 PM Parent: #17
ود الزبير وضيوفك الكرام أول حاجة عملتها حاولت أشوف ترتيب الصومال ولمن مالقيتها عرفت السودان مافي؛ لأني عارف ترتيب الصومال قبل السودان في أي ترتيب له علاقة بالتعليم. وكلام ود أب سن يا ود الزبير ماتجدعو في البحر ____ الحليلة
Post: #19 Title: Re: أين موقع السودان في هذا التصنيف ؟! Author: عبدالحفيظ ابوسن Date: 10-27-2015, 04:48 PM Parent: #18
تشكر يا الحليلة والله هههه جدعو وانتهي منو خلاهو طرفة بس