الشريعة عليها بالظاهر فقط (صور)

11:21 PM Oct, 26 2015
سودانيز اون لاين
معاوية عبيد الصائم-ارض الله الواسعة
مكتبتى فى سودانيزاونلاين



لهط الاقطان لهط الاراضى لهط مال الايتام .لهط الجمارك دى ملهوط لهط تحت تحت و قاعد فى حسابات بنوك ..يبقى دا لهط ما ظاهر للبشر بمعنى قروش ماف زول كحلا نهاااائى
وهنا فرق واضح .وضوح .التكبير فى عز الهجير ..شتان ما بين لهط شوية مليارات من الجمارك لا تتعدى ال 122 مليار فقط .وبين سارق ليهو عفش بيت ب 15 مليون
والناس مسكوا لامن جا عسس امارة الجبل ..يعنى بمعنى اخر حرامى الجبل مسكتو طاااائفة من مومنيين الامارة ..وطارق محجوب ..مسكتو لجنة من 7 اشخاص ..يعنى اقل من طائفة ب 43 نفر.
وكان لابدين ليهو يعنى مترصدنو عديييل ...
حسب المعلومات الود بتاع مكتب الجمارك زول ماشاء الله تبارك الله وصلاتى على النبى ..زول صلاى وتقى وصوام ..وكريم وحكيم ..وزول خير ..وزول اخرة
وساكن فى المسجد سكنة عديييل ..ومرات بصلى ب بطائفة من المسلمين ..وحجة 4 مرات وعمل 11 عمرة ..وبساعد الاخوان البجبو سيارات اخر موديل من الحجاز
بساعدم فى مسالة الجمارك ..فى اطار عمل الخير ...
تنبيه الود بتاع الجمارك قالوا خجول ومهذب ...عليه حقو القضاء يختصر زمنو الغالى ويخش فى موضوع تتحللون ..ويا حساب البنك ما يغشاك شر

راى الكيزان واذنابهم ومن جكة من خلفم من اشباه الرجال فى اسافير الله دى رايم شنو ؟؟؟وشكرا