Post: #1
Title: عاجل: يا أخوانا زول يوصل القصيدة دي لأبوعركي في أمريكا
Author: Dr. Moiz Bakhiet
Date: 10-23-2015, 08:29 PM
07:29 PM Oct, 23 2015
سودانيز اون لاين
Dr. Moiz Bakhiet-المنامة - البحرين
مكتبتى فى سودانيزاونلاين
صديقي وحبيبي الغالي الفنان العظيم عركي
كل تلفوناتو مغلقة وأخيراً شفت هنا انو عندو حفلة في أمريكا
فبا ناس أمريكا رجاء توصلوا ليه القصيدة دي هدية مني
مع محبتي للجميع
_____________________________________________________________
وطن الشوق
--------
معز عمر بخيت
=====
واتمنيتك
شلت حروفك حلم الشوق
البيهو مشيتك
خطوة تجيك من حسك تبدا
ومن أعماق إحساسي سقيتك
غيم الريد الماطر وعدو
وحنين وسهاد من يوم حبيتك
***
كيف يا ليل بتعدي نهارك
وانت العارف ظلم الغربة
وانت الحاسي مشاعر الخوف
وظروف الناس التايهة وصعبة
وكيف تستنى صباحك صاحي
لا نجمك نام لا فجرك شب
وريني أحرك شارعك كيف
علمني أصول أشواط اللعبة
***
يا وطن الناس مشدوهة وغايبة
عن خير مسروق في وسط الساحة
وعيون مفتوحة وشايفة وعارفة
وضباب الخوف في عينك واحة
يا حزن معاك النفس تهون
على كل مواقف غيرك رايحة
الدرب التايه فيك مستور
والحيطة المايلة عليك مرتاحة
خيرك غامرنا وانت أصلنا
حبك بلدي ما ليهو مساحة
|
Post: #2
Title: Re: عاجل: يا أخوانا زول يوصل القصيدة دي لأبوعر
Author: عرفات حسين
Date: 10-23-2015, 09:22 PM
Parent: #1
Dr. Moiz Bakhiet
الرساله انشاء الله وصلت
|
Post: #3
Title: Re: عاجل: يا أخوانا زول يوصل القصيدة دي لأبوعر
Author: Dr. Moiz Bakhiet
Date: 10-24-2015, 09:08 AM
Parent: #2
مشكور مليون شكر عرفات يا غالي
وتحجياتي الحارة له
|
|