مخترع الساعة واسرته يتركون امريكا ويقررون الاستقرار في قطر..حبابكم عشرة **

04:28 AM Oct, 21 2015
سودانيز اون لاين
عادل ابراهيم احمد-الدوحة -قطر
مكتبتى فى سودانيزاونلاين



احسن قرار يتخذه رب الاسرة ..

قطر واحة للامن والامان والاستقرار واحترام الاخر ..

مع التمنيات للاسرة وللطفل احمد بمستقبل واعد ..

حبابكم عشرة

Quote: By Jessica Contrera October 20 at 4:41 PM Follow mjcontrera Less than 24 hours after Ahmed Mohamed met President Obama, his family decided it’s time to leave America for good. The 14-year-old Texas boy who was arrested for bringing to school a homemade clock that authorities said resembled a bomb will soon be living in Qatar. “After careful consideration of all the generous offers received, we would like to announce that we have accepted a kind offer from Qatar Foundation for Education, Science and Community Development (QF) for Ahmed to join the prestigious QF Young Innovators Program, which reflects the organization’s on-going dedication to empowering young people and fostering a culture of innovation and creativity,” the family said in a news release Tuesday. Anthony Bond, a close family friend and the founder of the Irving, Texas, chapter of the NAACP said the family made the decision to leave the U.S. within the past 24 hours. They have spent those hours in Washington, where Ahmed has been on a mini-press tour in anticipation of his visit to the White House.

أها يا اساتذة اميركا ..

الجنا خلا مدارسكم كلها .. نتمنى له التوفيق في ارقى المدارس العالمية في قطر ..

والله بالغ كان يمشي يقعد مع بابا عمر البشير احتمال يعينوهو بروفسير في الجامعة الاسلامية

Quote: والله بالغ كان يمشي يقعد مع بابا عمر البشير احتمال يعينوهو بروفسير في الجامعة الاسلامية

تحياتي اخي عوض..

هل هذا تقليل من قيمة الجامعة الاسلامية ؟

هذا النابغة لو قدر له التفوق في كل مراحل تعليمه ستتشرف به ارقى جامعات العالم ..

طبعا ما تقليل من الجامعة الاسلامية لكن اندهاش من الهالة الاعلامية الغريبة لموضوع احمد وساعة احمد
امريكا ضجت مش لانو الساعة اختراع عظيم وكل العملو احمد مكونات جاهزة من السوق ركبها مع بعض وعملت ساعة ودا اي زول عندو خلفية في الالكترونيات ممكن يكون عارفها ( مشروع مدرسي عادي )
الضجة انت بسبب الاعتقال لاحمد وخصوصا لانو عند خلفية دينية وعرقية مختلفة من المجتمع الامريكي الاصلي
على فكرة احمد تم استغلالو بشكل سئ من ابوهو وحولو من طالب كان ممكن يكون موهوب في امريكا لمجرد باحث عن الشهرة والمال في الدول العربية وصدقني لو طلع من امريكا ما حيكون عندو اي مستقبل علمي لكن حيعمل ثروة

تحياتي عادل ابراهيم

غايتو يا عادل كان اضفتوا ابوالولد في صفحة السودانيين بقطر قبل ال١٨٠٠ الفي الانتظار تكونوا عملتوها ظاهرة

مرحبا استاذ عادل ... ربما كعادة كثير من السودانيين في هجرتهم ، والخروج بمؤهلات وجواز بلد المهجر وبعدها الإستقرار في الخليج .
بس في حالة أحمد تساءلت في المؤسسه التي قدمت له المنحه فضلآ فرص التأهل ( في مقارنه بين اميركا وقطر )
المهم كل الخير لهم ، ونسأل الله أن لا يكون قد ضل طريقه ( بسبب هذه الضجه التي حدثت بشأنه )

Quote: طبعا ما تقليل من الجامعة الاسلامية لكن اندهاش من الهالة الاعلامية الغريبة لموضوع احمد وساعة احمد امريكا ضجت مش لانو الساعة اختراع عظيم وكل العملو احمد مكونات جاهزة من السوق ركبها مع بعض وعملت ساعة ودا اي زول عندو خلفية في الالكترونيات ممكن يكون عارفها ( مشروع مدرسي عادي ) الضجة انت بسبب الاعتقال لاحمد وخصوصا لانو عند خلفية دينية وعرقية مختلفة من المجتمع الامريكي الاصلي على فكرة احمد تم استغلالو بشكل سئ من ابوهو وحولو من طالب كان ممكن يكون موهوب في امريكا لمجرد باحث عن الشهرة والمال في الدول العربية وصدقني لو طلع من امريكا ما حيكون عندو اي مستقبل علمي لكن حيعمل ثروة تحياتي عادل ابراهيم

شكرا لك اخي عوض

فعلا اخي الاعتقال وتداعياته قد يكون هو السبب الاساسي لاتخاذ الاسرة قرار الاستقرار في قطر ..

الحياة في امريكا يكون فيها الشخص واسرته على كف عفريت التهمة بالارهاب في اي لحظة .. ومهما ادعت اميركا انها بلد الحريات لكن تظل النظرة العنصرية للعرب والمسلمين والافارقة واللاتين لازالت موجودة ..

ربما يكون راي رب الاسرة ان الامان هو المطلب الاساسي ثم تاتي مرحلة المستقبل العلمي .. وقطر متاح فيها المستقبل العلمي ..ممكن ان يبعث مجددا لارقى المراز العلمية بمنحة ..

ويظل الامان هو اساس اي نجاح ..

لك التحيات

Quote: لى فكرة احمد تم استغلالو بشكل سئ من ابوهو وحولو من طالب كان ممكن يكون موهوب في امريكا لمجرد باحث عن الشهرة والمال في الدول العربية

سلام ياعادل

قدمت قطر منحة للولد ودي فرصة ذهبية له ليتابع دراستة في مؤسسة تعليمية محترمة لكن الاسرة تركت امريكا ليه ؟

Quote: غايتو يا عادل كان اضفتوا ابوالولد في صفحة السودانيين بقطر قبل ال١٨٠٠ الفي الانتظار تكونوا عملتوها ظاهرة

هاهاهاها..حلوة والله يا منتصر

اوعا تكون معانا في الدوحة وفي الانتظار؟ .. نضيفك طوالي والله ..

ما فضينا بس للاضافات لكن في الويك اند بنقبل عليهم ونضيف من يفيد ويستفيد .. وبنشوت بتاعين الاسماء الوهمية ..هاها

والله قطعا سيكون اضافة معتبرة لنا بالصفحة .. نضيفو طوالي هو وابوهو واسرتو كلها .. هاها

تحياتي وتقديري لك

Quote: مرحبا استاذ عادل ... ربما كعادة كثير من السودانيين في هجرتهم ، والخروج بمؤهلات وجواز بلد المهجر وبعدها الإستقرار في الخليج . بس في حالة أحمد تساءلت في المؤسسه التي قدمت له المنحه فضلآ فرص التأهل ( في مقارنه بين اميركا وقطر ) المهم كل الخير لهم ، ونسأل الله أن لا يكون قد ضل طريقه ( بسبب هذه الضجه التي حدثت بشأنه )

تسلم والله اخي ايمن الصادق

قطر فاونديشن مؤسسة راقية تعتبر من مصاف المؤسسات العلمية العالمية ..

والاستقرار في قطر للاسر السودانية خير من امريكا من وجهة نظري ..

وبامكان المنحة ان تبعثه لرقى دور العلم في العالم ..

تحياتي

Quote: سلام ياعادل قدمت قطر منحة للولد ودي فرصة ذهبية له ليتابع دراستة في مؤسسة تعليمية محترمة لكن الاسرة تركت امريكا ليه ؟

حبابك اخي بهاء ..

ربما لهم ظروفهم في تفضيل العيش في قطر على العيش في امريكا ..

الم تر الى افواج الاسر السودانية من الاكاديميين الذين استقروا بالدوحة مؤخرا تاركين حياة اميركا والغرب حفاظا على اولادهم وبناتهم ؟

قطر كما تعرفها اخي بهاء : واحة للاستقرار والعيش الكريم ..

انا شخصيا عشت فيها 28 عاما لم ار بلدا تحترم الاخر كما رايت القطريين ..

تحياتي

Quote: الجنا خلا مدارسكم كلها .. نتمنى له التوفيق في ارقى المدارس العالمية في قطر ..

ها ها

إنت عارف ارقى المدارس العالمية في قطر هي زاتها الجامعات الأمريكية واساتذتها امريكان؟

خلا مدارسكم قال!! .........

أحمد بالون نفخو الإعلام و قطر فاونديشن مسكت ضنب الككو

تركيب الساعة لم يكن ليجعل منه عبقري و لا نابغة و لا حتى متفوق على اقرانه في الفصل في مدرسته لولا الخوف الزائد من أستاذته و بعضاً من سوء التقدير من البوليس الإمريكي

الولد تم تحميله بأكثر مما يحتمل مما سيؤثر سلباً على دراسته و مستقبله حين ينفض هذا الزخم الإعلامي من حوله و يعاد تقييم إداءه الأكاديمي على أسس واقعية

Quote: أحمد بالون نفخو الإعلام و قطر فاونديشن مسكت ضنب الككو تركيب الساعة لم يكن ليجعل منه عبقري و لا نابغة و لا حتى متفوق على اقرانه في الفصل في مدرسته لولا الخوف الزائد من أستاذته و بعضاً من سوء التقدير من البوليس الإمريكي الولد تم تحميله بأكثر مما يحتمل مما سيؤثر سلباً على دراسته و مستقبله حين ينفض هذا الزخم الإعلامي من حوله و يعاد تقييم إداءه الأكاديمي على أسس واقعية

تحياتي اخي حافظ

اهم حاجة الامان الذي سيجده في قطر مع اسرته بعيدا عن بعبع اي تهمة ..

المستوى الاكاديمي دا تحكمه الظروف المستقبلية ..

ربما يكون كل ذلم تسطير الهي لهذه الاسرة للخروج من اميركا والعيش في قطر ..

ومع الاستقرار قطعا ستنطفئ الهالة الاعلامية التي كان محركها الاساسي هو الظلم الذي وقع على الطفل من اتهامات ممكن ان تطال كل عربي ومسلم هناك..

تحياتي

مسكين هذا الطفل .. و الله جدا
اسه بقي مصير الاسره كلو في انو يقرأ و يتحصل علي علامات عالية في الدراسة تعضد من كون انو (حالة عبقري)
و اكان جاء يلعب بحكم انو طفل و عايزيعيش مرحلتو .. الاسره كلها حا تحدر ليهو عشان مستقبلها.
السؤال هنا : هل كان احمد من المتفوقين دراسيا (يعني بجي في الخمس الاوائل مثلا) قبل ان يقوم بتركيب هذه الساعة الكارثة؟
لو كان احمد ركب الساعة دي و لملم سلوكها النافره الخلتها تشبة قنبلة موقوتة و كان المدرس بتاعة ما اتخلع و مدحو علي مجهودو
هل كان قطر فاونديشن قدمت ليهو منحة عشان بس قام بتجميع دائرة الكترونية لي ساعة رقمية ؟؟
يا ناس (فوقو و اوعوي و خليكم الضحالة و الجهوية و التفكير السطحي دا)

الطفل احمد كان عبارة (خشخيشة) كل طرف هزاها علي حسب مصالحو عشان يسمع صوتو للناس .. و هو لا يملك الا وجهه المسالم و ابتسامتة البريئة.

سلامات يا أستاذ عادل

بخصوص قولك عن قطر:

Quote: احسن قرار يتخذه رب الاسرة .. قطر واحة للامن والامان والاستقرار واحترام الاخر ..

أرجو أن تضيف بأنها واحة للأمن والأمان والاستقرار واحترام الآخر عندما يكون المغترب هنا يحمل جنسية أمريكية أو أروبية.. ومش أي جنسية "قريعتي راحت ساكت".. وأنت نفسك قد قلت في بوست قبل أيام

Quote: المغترب يكون محكوما جدا بالقوانين .. قوانين البلد المضيف .. في ظل انعدام الامن الوظيفي وانهيار المنظومة الحياتية برمتها في الاغتراب تحت اي مشكلة بسيطة او انهاء خدمات او تفنيش فجائي .. اضيفي الى ذلك انه لو جلس 50 عاما لن يتمتع بجنسية البلد المضيف .. المهاجر يكون منضويا تحت لائحة قوانين المواطنة المتساوية بعد سنوات من الهجرة وتمتعه بالجنسية ..

هنا:
Re: اسئلة للمهاجرين والمهاجرات من السودانيينRe: اسئلة للمهاجرين والمهاجرات من السودانيين

ياسر

Quote: مسكين هذا الطفل .. و الله جدا اسه بقي مصير الاسره كلو في انو يقرأ و يتحصل علي علامات عالية في الدراسة تعضد من كون انو (حالة عبقري) و اكان جاء يلعب بحكم انو طفل و عايزيعيش مرحلتو .. الاسره كلها حا تحدر ليهو عشان مستقبلها. السؤال هنا : هل كان احمد من المتفوقين دراسيا (يعني بجي في الخمس الاوائل مثلا) قبل ان يقوم بتركيب هذه الساعة الكارثة؟ لو كان احمد ركب الساعة دي و لملم سلوكها النافره الخلتها تشبة قنبلة موقوتة و كان المدرس بتاعة ما اتخلع و مدحو علي مجهودو هل كان قطر فاونديشن قدمت ليهو منحة عشان بس قام بتجميع دائرة الكترونية لي ساعة رقمية ؟؟ يا ناس (فوقو و اوعوي و خليكم الضحالة و الجهوية و التفكير السطحي دا) الطفل احمد كان عبارة (خشخيشة) كل طرف هزاها علي حسب مصالحو عشان يسمع صوتو للناس .. و هو لا يملك الا وجهه المسالم و ابتسامتة البريئة.

تحياتي اخي ناصر

الهالة الاعلامية مردها في نظري للاعتقال وتداعياته ..

هذا هو الاهم .. طفل متفوق يتعرض لاعتقال بتهم الارهاب ..

ممكن ان تكون هذه الحادثة او الازمة قد غيرت تفكير هذه الاسرة .. وكانت فاتحة خير لها للاستقرار بعيدا عن امريكا .. وهذا ما حدث ..

التعاطف الذي وجده الطفل ارى انه من هذه الناحية .. ليس التفوق العلمي فحسب ..

تحياتي

Quote: سلامات يا أستاذ عادل بخصوص قولك عن قطر: Quote: احسن قرار يتخذه رب الاسرة .. قطر واحة للامن والامان والاستقرار واحترام الاخر .. أرجو أن تضيف بأنها واحة للأمن والأمان والاستقرار واحترام الآخر عندما يكون المغترب هنا يحمل جنسية أمريكية أو أروبية.. ومش أي جنسية "قريعتي راحت ساكت".. وأنت نفسك قد قلت في بوست قبل أيام Quote: المغترب يكون محكوما جدا بالقوانين .. قوانين البلد المضيف .. في ظل انعدام الامن الوظيفي وانهيار المنظومة الحياتية برمتها في الاغتراب تحت اي مشكلة بسيطة او انهاء خدمات او تفنيش فجائي .. اضيفي الى ذلك انه لو جلس 50 عاما لن يتمتع بجنسية البلد المضيف .. المهاجر يكون منضويا تحت لائحة قوانين المواطنة المتساوية بعد سنوات من الهجرة وتمتعه بالجنسية .. هنا: Re: اسئلة للمهاجرين والمهاجرات من السودانيينRe: اسئلة للمهاجرين والمهاجرات من السودانيين ياسر الحرية لنا ولسوانا

حبابك دكتور ياسر

اتفق معك تماما في ما ذكرت .. مظلة الجوازات الاوروبية تعطي حماية اكثر في دول الخليج ..

فالدول كما تعلم في محيطها تتراوج في حماية مواطنيها حسب قوتها او ضعفها .. قطعا الجواز الجواز الامريكي ليس كالسوداني في اخذ الحقوق ..

ولكن لا تقاطع في ان قطر واحة للاستقرار والامن والامان .. قبل ايام صادفت دكتور محمد الامين ابوصالح وهو من قدامي المعلمين السودانيين في قطر يعيش فيها منذ 1964 ..

لا ال بجوازه السوداني ولكنه محفوظا له تقديره واحترامه يعيش في امن وامان وراحة بال هو واسرته واولاده وبناته المتزوجين والمتزوجات حفظهم الله جميعا ..

ولكن لدول الخليح قوانينها الصارمة في التمتع بالجنسية .. ربما يكون احمد نفسه ضمن من يمتعونه بالجنسية ..

ولي سؤال لك اخي الدكتور ياسر : هل تحس بالامان انت واسرتك في امريكا؟ هل تكون مطمئنا لمستقبل اولادك هناك ؟

الم تراودك خواطر الاستقرار بالخليج او السودان ؟ لانها تعطيك احساسا اكثر بالامان ؟

تحياتي وتقديري

والله دي حاجة عجيبة جدا
أنا جد مستغرب للناس الشايتين ضفاري في الولد دا ..
أيوة نعم متفوق والدليل انو ركب الساعة أو صنعا لا فرق
المهم عمل حاجة ما أي طفل في سنو بعملا .. لكن بعيدا عن
عبقريتو أو اختراعو كان مزيف كان حقيقي ربنا أراد ليهو
هذه الهالة الإعلامية والشهرة والذيوع فلماذا يريده البعض
أن يغلق عليه باب بيته وينزوي خوفا منها ؟ كان هو كان أبوهو
أعتقد انو استغل الحظ الوقع ليهو من السماء كأفضل ما يكون..
أما حكاية انو الشهر واللا الشهرين الغاب فيهن عن المدرسة
دي ح تؤثر على تحصيلو فدي برضو ذريعة ميتة للهجوم عليهو
لأنو عادي ممكن لو اتأثر يعود الصف اللى كان فيهو ويتابع
دراستو كما ينبغي .. وأهم حاجة انو قرر الإستقرار في بلد
عربي قريب من محيطو الديني والعقائدي والجهوي .
الولد وأبوهو من وجهة نظري صاح الصاح ..

Quote: والله دي حاجة عجيبة جدا أنا جد مستغرب للناس الشايتين ضفاري في الولد دا .. أيوة نعم متفوق والدليل انو ركب الساعة أو صنعا لا فرق المهم عمل حاجة ما أي طفل في سنو بعملا .. لكن بعيدا عن عبقريتو أو اختراعو كان مزيف كان حقيقي ربنا أراد ليهو هذه الهالة الإعلامية والشهرة والذيوع فلماذا يريده البعض أن يغلق عليه باب بيته وينزوي خوفا منها ؟ كان هو كان أبوهو أعتقد انو استغل الحظ الوقع ليهو من السماء كأفضل ما يكون.. أما حكاية انو الشهر واللا الشهرين الغاب فيهن عن المدرسة دي ح تؤثر على تحصيلو فدي برضو ذريعة ميتة للهجوم عليهو لأنو عادي ممكن لو اتأثر يعود الصف اللى كان فيهو ويتابع دراستو كما ينبغي .. وأهم حاجة انو قرر الإستقرار في بلد عربي قريب من محيطو الديني والعقائدي والجهوي . الولد وأبوهو من وجهة نظري صاح الصاح ..

والله يا تنظير انت كدة
لا تلف ولا حاجة
يا خي ديل عالم محبطة وفاكاها في نفسها

وأضيف الجنسيـة الســـودانيـة برضو يا دكتور ياســر.. وقطر (الرسميـة) شهادتى فيها مجروحـة..
ومرة انا سائق في طريق الشمال ما شى على الدوحة.. جنبى في المسار في شاحنة ما شيـة وفى واحد قطرى وراى راكب التايوتا الضخمة ديك.. ويشغل الكشافات بسرعة زى انوار البوليس.. وأنا لا أستطيع لأن الشاحنة جنبى، وبعد تخطيت
الشاحنة برضو لازم طبعا امشى شوية لحد ما اشوفها في المراية.. بس زولك جن.. وبورى وكشافات.. وانا ولا اشتغلت بيه.. بس لما تخطيت الشاحنة بمسافة معقولة حولت للمسار اليمين.. وبحركة سينمائية نط ووقف قدامى وقال لى أوقف
أوقف.. وقفت.. قال لى ادينى الرخصة بتاعتك.. قلت ليه انت منو عشان اديك رخصتى.. وهنا يرغى ويزبد.. والله ادعمك لو ما اعطيتنى.. (ادعمك معناها ادقشك).. المهم رجعت خلف وأخذت رقمه واتصلت بالشرطة.. الشرطة قالوا لى ادينه الموبايل
خليه يتكلم معاهم.. في البداية رفض لكن قلت ليه ديل البوليس.. مسك التلفون وفجأة الكفر نفس.. رفع القزاز عشان ما اسمعه.. وبعد شوية بالراحة نزل القزاز وأدانى التفون، ولم يقل لى ولا كلمة واحدة، وأظن هم قالوا ليه كدا إنه يمشى بدون
ما يقول لى اى كلمة.. في اى دولة في الخليج يمكن ان يحدث مثل هذا.. ربما لأن الشرطة عرفت انى سودانى.. لكن انا سردت قصـة الباكستانيين المساكين الرجعوهم من المطار وطلعوا ليهم ستة مليون ريال من كفيلهم الذى تامر عليهم وفنشهم
وركبهم الطيارة درجة أولى..
وما أظن يضير ان اعيد القصـة، وهى ان ضابط الجوازات في المطار شك في عمال بسطاء مسافرين على الدرجة الأولى، فإتصل بمدير المباحث الجنائية الذى طلب منه عدم سفرهم واحضارهم في مكتبه.. وبعد خوف من الكفيل وتردد وتشجيع
مدير المباحث لهم، إعترفوا ان كفيلهم أخل بالعقد الذى كان مفروض فيه يكونوا شركاء، ثم انه لم يدفع لهم حتى مرتباتهم.. وحين تراكمت وبدأوا يطالبون بها، فنشهم مساء الخميس وقطع تذاكرهم الجمعة وعلى المطار.. الضابط طلب
كل مدراء الشركة، وأعطاهم ساعـة ليتفقوا مع العمال على التعويض وإلا فسيذهبون للحراسـة.. وأدخلهم سويا في غرفة اجتماعات.. النهاية خرجوا بستـة مليون ريال، والضابط خيرهم في البقاء في قطر وقال لهم الدولة تكفلكم حتى تجدوا كفيل
ولكنهم رفضوا وفضلوا السفر الى بلدهم.. مثل هذا يا اخى ياسـر حتى في أمريكا لا يحدث.. في أمريكا وكل الدول المتقدمة الدولة لا تحرك دولاب القانون وإنما تنتظر المتظلمين، وكمان لو ما معاك محامى حقك راح.
واحد كفيل ورجل اعمال عاوز يفنش مدير الشركة المصرى لأنه لم يعطى المكافأة المعتادة فوق المرتب حين ينتهى عقد العامل.. والعامل المسكين (نيبالى) سافر.. الكفيل أمر مدير الشركـة ان يجد عنوان العامل من السما والأرض.. والمدير
فتش الدنيا كلها حتى اتى بعنوانه من سفارة العامل وفى النهاية أرسلت له المكافأة. طبعا هذا لا يعنى عدم وجود كفلاء يظلمون العاملين مثلما في القصـة الأولى.. أما مكتب حقوق الإنسان في قطر فهو الوحيد ربما في الشرق الأوسط الذى
هو غير (شكلى وفى خدمة السلطة) ولا سلطان لأى جهة حكومية عليه وقوانينه صارمة جداً.. بس وانت مسافر قول للضابط انت مظلوم.. وأول إجراء يوقفون سفرك حتى لو التأشيرة انتهت ويرسلونك لمكتب حقوق الإنسان لترفع المظلمة.

يا أخوانا وبدون ذكر أسماء.. الأمير الأب الشيخ حمد كانت عنده وعكة وطلب طبيب سودانى وجنسيته أوروبية ولونه زاتو نص خواجـة، وهو إستشارى مشهور وطبيب ناجح.. فذهب الى قصر الوجبة
ومعه طبيب شاب سودانى، صديقه.. ناس الامن دخلوا الشاب السودانى ووقفوا الطبيب المطلوب زمن لحد ما فكوه في النهاية رغم انه سودانى وتكلم لهجة سودانية معهم.

Quote: وأضيف الجنسيـة الســـودانيـة برضو يا دكتور ياســر.. وقطر (الرسميـة) شهادتى فيها مجروحـة.. ومرة انا سائق في طريق الشمال ما شى على الدوحة.. جنبى في المسار في شاحنة ما شيـة وفى واحد قطرى وراى راكب التايوتا الضخمة ديك.. ويشغل الكشافات بسرعة زى انوار البوليس.. وأنا لا أستطيع لأن الشاحنة جنبى، وبعد تخطيت الشاحنة برضو لازم طبعا امشى شوية لحد ما اشوفها في المراية.. بس زولك جن.. وبورى وكشافات.. وانا ولا اشتغلت بيه.. بس لما تخطيت الشاحنة بمسافة معقولة حولت للمسار اليمين.. وبحركة سينمائية نط ووقف قدامى وقال لى أوقف أوقف.. وقفت.. قال لى ادينى الرخصة بتاعتك.. قلت ليه انت منو عشان اديك رخصتى.. وهنا يرغى ويزبد.. والله ادعمك لو ما اعطيتنى.. (ادعمك معناها ادقشك).. المهم رجعت خلف وأخذت رقمه واتصلت بالشرطة.. الشرطة قالوا لى ادينه الموبايل خليه يتكلم معاهم.. في البداية رفض لكن قلت ليه ديل البوليس.. مسك التلفون وفجأة الكفر نفس.. رفع القزاز عشان ما اسمعه.. وبعد شوية بالراحة نزل القزاز وأدانى التفون، ولم يقل لى ولا كلمة واحدة، وأظن هم قالوا ليه كدا إنه يمشى بدون ما يقول لى اى كلمة.. في اى دولة في الخليج يمكن ان يحدث مثل هذا.. ربما لأن الشرطة عرفت انى سودانى.. لكن انا سردت قصـة الباكستانيين المساكين الرجعوهم من المطار وطلعوا ليهم ستة مليون ريال من كفيلهم الذى تامر عليهم وفنشهم وركبهم الطيارة درجة أولى.. وما أظن يضير ان اعيد القصـة، وهى ان ضابط الجوازات في المطار شك في عمال بسطاء مسافرين على الدرجة الأولى، فإتصل بمدير المباحث الجنائية الذى طلب منه عدم سفرهم واحضارهم في مكتبه.. وبعد خوف من الكفيل وتردد وتشجيع مدير المباحث لهم، إعترفوا ان كفيلهم أخل بالعقد الذى كان مفروض فيه يكونوا شركاء، ثم انه لم يدفع لهم حتى مرتباتهم.. وحين تراكمت وبدأوا يطالبون بها، فنشهم مساء الخميس وقطع تذاكرهم الجمعة وعلى المطار.. الضابط طلب كل مدراء الشركة، وأعطاهم ساعـة ليتفقوا مع العمال على التعويض وإلا فسيذهبون للحراسـة.. وأدخلهم سويا في غرفة اجتماعات.. النهاية خرجوا بستـة مليون ريال، والضابط خيرهم في البقاء في قطر وقال لهم الدولة تكفلكم حتى تجدوا كفيل ولكنهم رفضوا وفضلوا السفر الى بلدهم.. مثل هذا يا اخى ياسـر حتى في أمريكا لا يحدث.. في أمريكا وكل الدول المتقدمة الدولة لا تحرك دولاب القانون وإنما تنتظر المتظلمين، وكمان لو ما معاك محامى حقك راح. واحد كفيل ورجل اعمال عاوز يفنش مدير الشركة المصرى لأنه لم يعطى المكافأة المعتادة فوق المرتب حين ينتهى عقد العامل.. والعامل المسكين (نيبالى) سافر.. الكفيل أمر مدير الشركـة ان يجد عنوان العامل من السما والأرض.. والمدير فتش الدنيا كلها حتى اتى بعنوانه من سفارة العامل وفى النهاية أرسلت له المكافأة. طبعا هذا لا يعنى عدم وجود كفلاء يظلمون العاملين مثلما في القصـة الأولى.. أما مكتب حقوق الإنسان في قطر فهو الوحيد ربما في الشرق الأوسط الذى هو غير (شكلى وفى خدمة السلطة) ولا سلطان لأى جهة حكومية عليه وقوانينه صارمة جداً.. بس وانت مسافر قول للضابط انت مظلوم.. وأول إجراء يوقفون سفرك حتى لو التأشيرة انتهت ويرسلونك لمكتب حقوق الإنسان لترفع المظلمة. __________________________ لو سعـــر الشئ الف جنيه، لا تقل مليون جنيه.. بل قل الف جنيه.

Quote: يا أخوانا وبدون ذكر أسماء.. الأمير الأب الشيخ حمد كانت عنده وعكة وطلب طبيب سودانى وجنسيته أوروبية ولونه زاتو نص خواجـة، وهو إستشارى مشهور وطبيب ناجح.. فذهب الى قصر الوجبة ومعه طبيب شاب سودانى، صديقه.. ناس الامن دخلوا الشاب السودانى ووقفوا الطبيب المطلوب زمن لحد ما فكوه في النهاية رغم انه سودانى وتكلم لهجة سودانية معهم.

تسلم اخي ابوريش

هذا فعلا ما يجده السودانيين في قطر .. تقدير واحترام منذ ان وطئت قدم اول سوداني ارض قطر ..

شهادات نعتز بها جميعا

تقديري

Quote: والله دي حاجة عجيبة جدا أنا جد مستغرب للناس الشايتين ضفاري في الولد دا .. أيوة نعم متفوق والدليل انو ركب الساعة أو صنعا لا فرق المهم عمل حاجة ما أي طفل في سنو بعملا .. لكن بعيدا عن عبقريتو أو اختراعو كان مزيف كان حقيقي ربنا أراد ليهو هذه الهالة الإعلامية والشهرة والذيوع فلماذا يريده البعض أن يغلق عليه باب بيته وينزوي خوفا منها ؟ كان هو كان أبوهو أعتقد انو استغل الحظ الوقع ليهو من السماء كأفضل ما يكون.. أما حكاية انو الشهر واللا الشهرين الغاب فيهن عن المدرسة دي ح تؤثر على تحصيلو فدي برضو ذريعة ميتة للهجوم عليهو لأنو عادي ممكن لو اتأثر يعود الصف اللى كان فيهو ويتابع دراستو كما ينبغي .. وأهم حاجة انو قرر الإستقرار في بلد عربي قريب من محيطو الديني والعقائدي والجهوي . الولد وأبوهو من وجهة نظري صاح الصاح ..

تحياتي اخي طلحة

والله انا زاتي مستغرب لماذا هذا الهجوم على اسرة الطفل .. اسرته لها مطلق الحق في تقرير ما تراه مناسبا ..

زول يلقى فرصة زي دي وياباها ؟ ..استقرار في بلد مسلم وراقي ومتطور ..

تحياتي

Quote: والله دي حاجة عجيبة جدا أنا جد مستغرب للناس الشايتين ضفاري في الولد دا .. أيوة نعم متفوق والدليل انو ركب الساعة أو صنعا لا فرق المهم عمل حاجة ما أي طفل في سنو بعملا .. لكن بعيدا عن عبقريتو أو اختراعو كان مزيف كان حقيقي ربنا أراد ليهو هذه الهالة الإعلامية والشهرة والذيوع فلماذا يريده البعض أن يغلق عليه باب بيته وينزوي خوفا منها ؟ كان هو كان أبوهو أعتقد انو استغل الحظ الوقع ليهو من السماء كأفضل ما يكون.. أما حكاية انو الشهر واللا الشهرين الغاب فيهن عن المدرسة دي ح تؤثر على تحصيلو فدي برضو ذريعة ميتة للهجوم عليهو لأنو عادي ممكن لو اتأثر يعود الصف اللى كان فيهو ويتابع دراستو كما ينبغي .. وأهم حاجة انو قرر الإستقرار في بلد عربي قريب من محيطو الديني والعقائدي والجهوي . الولد وأبوهو من وجهة نظري صاح الصاح ..

تسلم اخي طلحة

جزيت وكفيت انا فهمت فى ناس دايره فهامه

Quote: تحياتي اخي طلحة والله انا زاتي مستغرب لماذا هذا الهجوم على اسرة الطفل .. اسرته لها مطلق الحق في تقرير ما تراه مناسبا .. زول يلقى فرصة زي دي وياباها ؟ ..استقرار في بلد مسلم وراقي ومتطور ..

اخوي عادل

تسلم كتير والله الناس ديل حيرونا ماعرفنا احمد سوداني

ولايهودي تقليل وتهميش وانتقاد وهجوم اينما حل أو تحدث

السلام
وبعد

معقول قطر دي بالكلام دا بكلامكم دا يوم تخلو ليكم زول يفكر يستقر في قطر

طبعا احمد وأبو وأمريكا علي كيفم يعملو البشوفو كويس بالنسبة ليهم املنا ان يعيش احمد حياتو وطفولتو باستقرار وامان

الورد والود والدوحة وكل ماهو جميل

التحية للجميع ..

Quote: هل هذا تقليل من قيمة الجامعة الاسلامية ؟

ايوا تقليل والجامعة الاسلامية شن نفرها ممكن تقول ليك دورها شنو بالضبط؟



*******************
ابدآ ما هنت يا سوداننا
يومــــــــــــآ علينـــــــــــــــــا

ازيك بت نفيسي

Quote: ايوا تقليل والجامعة الاسلامية شن نفرها ممكن تقول ليك دورها شنو بالضبط؟

يقولون هذا عندنا غير جائز *** ومن أنتم حتى يكون لكم عندُ

أتانا أن سهلا ذم جهلا ** علوما ليس يدريهن ســــهل
علوما لو دراها ما قلاها ** ولكن الرضا بالجهل سهل

ثم انتي زاتك شن نفرك
شيلي النظارة المغبشة دي يا اختي عشان تشوفي

Quote: السلام وبعد معقول قطر دي بالكلام دا بكلامكم دا يوم تخلو ليكم زول يفكر يستقر في قطر طبعا احمد وأبو وأمريكا علي كيفم يعملو البشوفو كويس بالنسبة ليهم املنا ان يعيش احمد حياتو وطفولتو باستقرار وامان الورد والود والدوحة وكل ماهو جميل

والله يا ريت يا حامد تجي تستقر فيها ..


حبابك عشرة

تحياتي

Quote: ايوا تقليل والجامعة الاسلامية شن نفرها ممكن تقول ليك دورها شنو بالضبط؟

وانتي شن نفرك ؟؟! ودورك شنو بالضبط؟؟!

حبااااااب اخوي الضلامي الخالدي .

Quote: ثم انتي زاتك شن نفرك شيلي النظارة المغبشة دي يا اختي عشان تشوفي

شلت النظارة اها وانت ذاتك شن نفرك ؟ في شان مو تبقي حجوة
ام ضبيبينة شن نفرك وشن نفرك رد علي سؤالي عشان انكشح الجامعة
دورها شنو غير تدي شهادة الدكتورة بالكذب التشريفي لملوك الكرتون عليك الله اسه
ملوك الكراتين ديل وامراء الفساد ديل علي اي اساس بديهم شهادة شرف
قااااااااااااااااااااااااادر الله .
اها ممكن اعرف تاني دورها شنو ؟ ههههه الخالدي مشتاقون تصدق ؟

Quote: ايوا تقليل والجامعة الاسلامية شن نفرها ممكن تقول ليك دورها شنو بالضبط؟

اختي منى عمسيب

اتمنى ان لا يجعلك كرهك للحكومة تتنكبين طريق الموضوعية وتقللي من كل ما يمت للدين بصلة ..

الجامعات الاسلامية اينما كانت هي منارات علم .. دورها كبير في كل مناحي الحياة ..

واذا كانت العلوم الشرعية لا تمثل لك ادنى اهمية .. فلدى اهل السودان لها قيمتها واحترامها ..

الجامعات الاسلامية - ام درمان مثلا -رفدت المجتمع السوداني بمئات الالاف من الخريجين في كل التخصصات العلمية والادبية مثل الطب والهندسة والادارة والاقتصاد والاداب اضافة للكليات التي تدرس العلوم الشرعية مثل اصول الدين ..

يكفيها فقط ان اول كلية للاعلام في السودان كانت فيها والثالثة عربيا بعد القاهرة وبغداد .. حيث خرجت افذاذ الصحافيين ..

الجامعة الاسلامية خرجت الدعاة والعلماء الذين يحفظون لنا ديننا ويساعدوننا في امورنا الفقهية في دنيانا .. تاسيا بكلام الله انه لابد من وجود طائفة من المؤمنين تتفقه في الدين ..

تذكري اختي انك بدار غربة وتحتاجين فيها للقوة الروحية التي تعينك عليها ..والموت مصيرنا كلنا .. فلا تجعلي كرهك للانقاذ يكرهك في كل ما هو اسلامي ..

تحياتي

الأخ عادل سلامات ..

Quote: اتمنى ان لا يجعلك كرهك للحكومة تتنكبين طريق الموضوعية وتقللي من كل ما يمت للدين بصلة ..

Quote: اتمنى ان لا يجعلك كرهك للحكومة تتنكبين طريق الموضوعية وتقللي من كل ما يمت للدين بصلة ..

عشان اريحك انا ولا شايفة لي دين ولا ناس دين علي الاقل في هذه الفترة !

كلامي وسؤالي واضح وريني ماهو دور الجامعة الاسلامية ؟ وعارفاك ما حا ترد لانها ياها
حالتك فتحت البوست بخصوص الابناء وتربيتهم في دول الغرب وناديتنا بالاسم لما جيناك رفضت
ترد علي اسئلتنا لكن مافي مشكلة برضو حا نشارك في اي بوست بستاهل التداخل معك .

ومشكور .

الأسر السودانية المتدينة والمهاجرة بالغرب، في بحث دائم عن مخرج بالخليج بعد ان يصل أولادهم لسن المراهقة.
أعتقد انو الأسرة دي محظوظة جدا وحققت الحلم السوداني في أبهى صوره
جواز أمريكي وعمل بالخليج ومن ثمّ عودة الأولاد بعد الزواج مرّة أخرى لأمريكا (دورة حياة).
نحن لينا ألله وعيشة السوق

https://www.0zz0.com


https://www.0zz0.com

تحية طيبة للجميع

تصرف حكيم الصراحة من الاسرة ،

سؤال هو احمد كان حيستفيد شنو من كون ان اوباما يقابلو منفردا ؟!!! بس ياها الصور و الصحافة تكتب عنو !!

حاليا اتحصل على منحه و جو مناسب اكثر له و لاسرته بعيدا عن العنجهية الامريكية

الزول ده لو كان رجع المدرسة ما كان حيرتاح ابدا ، و كانو حيدمرو نفسيتو بتعليقاتهم السخيفة

شكرا قطر

و الله كويس
بعد ده بقدروا يمشوا العمرة بعربيتهم الخاصة .

إذا كنا ننشد النهضة بجدية فالنهضة لا تتوفر بتميز افراد بل تتوفر بما ينهض بالجميع
ذهن الانسان ينموا ويتتطور وتتكون مقدرات الذهن والعقل المسماة بالذكاء في السن ما بين 4سنوات وحتى 12 عاماً وهي المرحلة الابتدائية سابقاً
قبل ما يأتي الكيزان ويرخبوا الدنيا ...
وضع منهج متطور يستقل مرحلة النمو العقلي لدى الطفل يصنع اجيال من العباقرة في جميع المجالات ...اليابات وماليزيا والصين وضعوا منذ زمن مبكر منهج اصيل ممتد ومربوط بتاريخهم
تسبب ذلك في ما نراه في نهضة وتطور واضح .....
هناك مقولات تغيظ لما تعبر عنه من جهل عميق وهو عبارة (المشكلة في الامكانات) الامكانات الحقيقة هي العقل البشري الذي يجب أن نهتم بتنميته بمنهج فعال ينمي مقدرات الطفل ...
فالنهضة الحقيقية تبدأ من التعليم ....ونسمع بخطط اقتصادية خمسية وعشرية وعشرينية وكلها فشلت .....لأنها لم تبنى على النهضة بالإنسان ...
الخطط التي تنشد التنمية ينبغي أن تعتمد على تنمية مقدارات المواطن منذ سن الروضة وحتى تخرجة من الجامعة...وخاصة السن ما بين الرابعة أو الخامسة وحتى الثاني عشرة من العمرأو ما قبل البلوغ

Quote: احسن قرار يتخذه رب الاسرة .. قطر واحة للامن والامان والاستقرار واحترام الاخر .. مع التمنيات للاسرة وللطفل احمد بمستقبل واعد .. حبابكم عشرة

الأخ عادل إبراهيم.

سلام.

مؤسف جدا أن يترك هذا الطفل أمريكا ويقرر الأستقرار في قطر.
كان من الممكن أن يستفيد من العروض التي قدمتها له بعض الجامعات الأمريكية من أمثال جامعة Massachusetts Institute of Technology
ومثل هذه الجاماعات لا يدخلها إلا الطلاب النابغين بالجد. وعندما يكلملون دراستهم بتتلقفهم أكبر الشركات في أمريكا، وهي شركات تصنع أحدث تقنيات العالم.
بصريح العبارة، ما كان سيجده في أمريكا لن يجده في أي بقعة أخرى في العالم. ولكن يبدوا أن الوالد هو الذي أتخذ هذا القرار نتيجة للإنتقدات التي وجهت له ، والموضوع بالنسبة له صار شخصي بحت ولا علاقة له بالطفل أحمد أو بمستقبل الاسرة.

المهم تمنياتي للطفل أحمد ولأسرته الكريمة بالنجاح والتوفيق في دولة قطر.

Quote: بعد ده بقدروا يمشوا العمرة بعربيتهم الخاصة .

ههههه
مقروء مع عنوان بوست الناصر بوتين وعلى طريقة اساسي انت كاتبي المفضل لهذا الربع :)

Quote: عشان اريحك انا ولا شايفة لي دين ولا ناس دين علي الاقل في هذه الفترة !

اذن تلك مشكلتك اختي منى عمسيب .. وتلك رؤيتك ربنا يعينك عليها ..

Quote: حالتك فتحت البوست بخصوص الابناء وتربيتهم في دول الغرب وناديتنا بالاسم لما جيناك رفضت ترد علي اسئلتنا

معقولة اختي ان يكون تفكيرك هداك لانني رفضت الرد على اسئلتكم في بوستي عن المهاجرين؟

الا يوجد ابدا هامش لحسن النوايا من شاكلة المشاغيل او اي ظرف ؟

والله كل يوم اقول ارفع بوست المهاجرين تشغلني المشاغيل .. لكن دي برضو مناسبة انك ذكرتيني له ..هسة بقوم عليهو ..

Quote: برضو حا نشارك في اي بوست بستاهل التداخل معك .

حبابك عشرة ومرحبا بك دوما

نسعد بمداخلاتك و قدمي حسن النوايا ..

تحياتي

Quote: الأسر السودانية المتدينة والمهاجرة بالغرب، في بحث دائم عن مخرج بالخليج بعد ان يصل أولادهم لسن المراهقة. أعتقد انو الأسرة دي محظوظة جدا وحققت الحلم السوداني في أبهى صوره جواز أمريكي وعمل بالخليج ومن ثمّ عودة الأولاد بعد الزواج مرّة أخرى لأمريكا (دورة حياة). نحن لينا ألله وعيشة السوق

مرحبا اخي ابوبكر عباس

فعلا هي اسرة محظوظة جدا نتمنى لها التوفيق

ان شاء الله ربنا يصلح بلدنا ونرجع كلنا للسودان ..

تحياتي

Quote: تحية طيبة للجميع تصرف حكيم الصراحة من الاسرة ، سؤال هو احمد كان حيستفيد شنو من كون ان اوباما يقابلو منفردا ؟!!! بس ياها الصور و الصحافة تكتب عنو !! حاليا اتحصل على منحه و جو مناسب اكثر له و لاسرته بعيدا عن العنجهية الامريكية الزول ده لو كان رجع المدرسة ما كان حيرتاح ابدا ، و كانو حيدمرو نفسيتو بتعليقاتهم السخيفة شكرا قطر

تسلم اخي محمد الامين احمد

اتفق معك تماما

شكرا قطر

تحياتي لك

Quote: و الله كويس بعد ده بقدروا يمشوا العمرة بعربيتهم الخاصة .

حلوة والله يا سيف النصر

وما تقول كانت مقفلة وفتحوها هذه الايام ..؟

العمرة قريبة والوطن قريب 3 ساعات بس طيران .. هاها

تحياتي لك

Quote: إذا كنا ننشد النهضة بجدية فالنهضة لا تتوفر بتميز افراد بل تتوفر بما ينهض بالجميع ذهن الانسان ينموا ويتتطور وتتكون مقدرات الذهن والعقل المسماة بالذكاء في السن ما بين 4سنوات وحتى 12 عاماً وهي المرحلة الابتدائية سابقاً قبل ما يأتي الكيزان ويرخبوا الدنيا ... وضع منهج متطور يستقل مرحلة النمو العقلي لدى الطفل يصنع اجيال من العباقرة في جميع المجالات ...اليابات وماليزيا والصين وضعوا منذ زمن مبكر منهج اصيل ممتد ومربوط بتاريخهم تسبب ذلك في ما نراه في نهضة وتطور واضح ..... هناك مقولات تغيظ لما تعبر عنه من جهل عميق وهو عبارة (المشكلة في الامكانات) الامكانات الحقيقة هي العقل البشري الذي يجب أن نهتم بتنميته بمنهج فعال ينمي مقدرات الطفل ... فالنهضة الحقيقية تبدأ من التعليم ....ونسمع بخطط اقتصادية خمسية وعشرية وعشرينية وكلها فشلت .....لأنها لم تبنى على النهضة بالإنسان ... الخطط التي تنشد التنمية ينبغي أن تعتمد على تنمية مقدارات المواطن منذ سن الروضة وحتى تخرجة من الجامعة...وخاصة السن ما بين الرابعة أو الخامسة وحتى الثاني عشرة من العمرأو ما قبل البلوغ

شكرا لمداخلتك الجميلة اخي منتصر عبد الباسط

حتى الان .. خريجي طب الجامعات السودانية اشطر الاطباء في الخليج ..وهم دوما المتفوقين في اي امتحانات مهنة بالمستشفيات ..

السودان لا زال بخير ..

لك تحياتي

Quote: اذا كانت أمريكا بهذا السؤ وعدم الامان لماذا انتظرت هذه الاسرة كل هذه السنين وبعد ماحدث لهم قرروا الهجرةالي قطر بلد العلم والامان وبلد عدم التمييزوالعنصرية٠٠٠لماذا لا يسمح لابنا ءالمغتربيين في الخليج من الحصول علي تعليمهم الجامعي والعالي بموسساتهم التعليمية مما يجعل الكثيرون منهم للعودة للسودان لاكمال تعليمهم الجامعي..لماذا يفضل الكثيرون من أبناء الخليج بالالتحاق بالجامعات والمعاهد الاوربية والامريكية دون بلدانهم؟؟

مداخلة من اخونا حسين موسى عبدالماجد من نافذة الفيس بوك
أسئلة في الصميم يا اخ عادل

Quote: الأسر السودانية المتدينة والمهاجرة بالغرب، في بحث دائم عن مخرج بالخليج بعد ان يصل أولادهم لسن المراهقة. أعتقد انو الأسرة دي محظوظة جدا وحققت الحلم السوداني في أبهى صوره جواز أمريكي وعمل بالخليج ومن ثمّ عودة الأولاد بعد الزواج مرّة أخرى لأمريكا (دورة حياة). نحن لينا ألله وعيشة السوق

يجب أن تسئلونأنفسكم جيدا!

لماذا بالجواز الأمريكي كشرط ؟؟

وهل عندما تكون في حياتك اليومية ح تكون معلق لافتة مكتوب عليها أنك أمريكي الجنسية ؟؟

حقو الناس تحاول تفكر كويس قبل أن تكتب.

Quote: حقو الناس تحاول تفكر كويس قبل أن تكتب.

حقو الناس تحاول تفكر كويس أثناء ما بتقرأ

١. اعتقد ان الطفل احمد شخص موهوب وله مستقبل جيد وهذا واضح
٢. استغرب جدا من الذين يقللون من موهبته وميوله الاختراعية
٣. والد الطفل له تاريخ سياسي وميول سياسية بدليل ترشحه لمنصب الرئاسة
٤. والد الطفل حساباته السياسية والمسيطر عليها طابع السياسة السودانية ساهم في اتخاذ القرار
٥.تنامي ظاهرة الاسلاموفوبيا والتمييز ضد المسلمين في الغرب له دور كبير في اتخاذ القرار
٦. الاعتقال التعسفي من قبل الشرطة الامريكية ساهم في عدم الشعور بالامان مستقبلا
٧. الشعور بالامان له الاولوية في وجود اي فرد في اي منطقة بالعالم
٨. قطر بلد جيد ويستطيع والد الطفل ان يعمل بعكس اميركا التي كان يعيش فيها علي الهامش بدليل البيت الذي كان يسكنه وهو متواضع الي الحد البعيد ويميل الي حياة الفقر
٩. مستقبل الطفل الدراسي كان سيكون افضل ولكن قد يتعرض الطفل الي ضغوط نفسية تفوق قدراته وتدفعه الي الفشل
١٠. مقابلة والد الطفل لعمر البشير اثارت حنق الكثيرين لان البشير شخص منبوذ ويقتل شعبه ومطلوب دوليا لقتله اهله
١١. والد الطفل ادخل اجندته الخاصة والسياسية دون اكتراث او جهل منه بمصير الطفل الدراسي فتداخلت الامور واختلطت
١٢. قرار الانتقال كان صعبا والخيرة فيما اختاره الله.
١٣. نتمني مستقبلا جيدا للطفل احمد واسرته اينما كانوا


تحياتي اخ عادل ولكل الاهل بطرفك



-----------

والله يا طلحة إنت زوول مريح ياخ ..
تحيات لصاحب البوست أخ عادل ابراهيم ..
قرار الأسرة قرار صائب .. والإبن أحمد ولد مبروك، بساّم المحيا وودود .. أي صورة يظهر فيها تجدها بشوشة ومريحة .. الله يحفظه..
وفعلاً يا طلحة شئ غريب هذا التبخيس الغريب لموضوع الساعة دي .. زوول تلقي عمره دقَّ في الخمسين ويقعد يبخس في الولد ذو ال١٤ سنة وتلقاهو شايلها حارالتقول عنده تار معاهو.. فعلاً السودان ده ميئوس منه . .. وتلقاهو لي رقبته دي لا بيفرز ساعة من راديو .!!.

ثم الولد ده تاني ما حيكون مرتاح في مدارس أمريكا بعد الحدث ده، خاصة من أقرانه الحاقدين والحاسدين، وما بعيد يترصدوه وربما أطلقوا عليه النار زاتو ..
والواحد برضو يستغرب إنو الناس قايلين خلاس الواحد لو عاش في أمريكا وقابل أوباما معناها كسب الدنيا والآخرة !!! .. ونحن شايفين أنه لم تبرد أحزاننا بعد علي شبابنا الذين تم إغتيالهم سمبلة عشان بضعة دولارات .. !!! ... والبقولو ليك أمريكا بلد الأمان وعاملين فيها بتاعين بيرة صاقطة وسِنة عويرة ديل خلي واحد يجرؤ يمشي يشرب في بار محل الرجال بيشربوا عشان يعرف الأمان علي أصولو، مش يندس من المغرب في البيت .. !!! ..

شكرا يا دكتور منير على القون البديع
غايتو ما عارف الناس الطائحين في الوليد دا منطلقاتم شنو
لكن بالتأكيد تحليلم للحالة فيها خلل وقياسا على تفكيرم
دا أعتقد انو الواحد لو ولدو جاءتو فرصة زي دي برميها
بي صرتا .

الحظ يأتي مرة أو مرتين .. اتوا قائلين شنو .

Quote: ثم الولد ده تاني ما حيكون مرتاح في مدارس أمريكا بعد الحدث ده، خاصة من أقرانه الحاقدين والحاسدين، وما بعيد يترصدوه وربما أطلقوا عليه النار زاتو

سلامات صاحب البوست وزوارة ..
أعتقد مداخلة منير مبرر مقبول لقرار الأسرة ..
.وربما تتجاوز المخاطر حدود غيرة أقرانه في المدرسة ..
خاصة بعد الهجوم العنيف الشنتو الصحف ضد ه بعد مقابلة البشير

سلامات يا ملك .. فعلاَ الأحداث تطورت ويجب أيضاً النظر للجوانب المظلمة لمآلاتها .. لأنو الضوء الإعلامي كان شديد .. بدأ موجباً وانقلب سالباَ .. بالإضافة لثقافة إطلاق النار في مدارس أمريكا دي حيث السلاح مطلوق في السهلة .. وخاصة ولايات العنصرية في تكساس ..

ثم قطر جدعة حجر من البلد ممكن تمشي خميس وجمعة وترجع .. مش هم السفر بتاع أمريكا داك .. لو فكرت تقطع المحيط الأطلنطي ساي مثلث برمودا يلاوز ليك .. ده غير الساعات الطوال تكون محشور في مقعد الطيارة ١٠ ساعات زيد عليها آلاف الدولارات تكلفة تذاكر ساي ..

Quote: والاستقرار في قطر للاسر السودانية خير من امريكا من وجهة نظري .. وبامكان المنحة ان تبعثه لرقى دور العلم في العالم ..

* مفيد شكرآ ... وكثيرآ أسمع تميز قطر ودوله خليجيه اخرى ’ ورقي المجتمع فيها ، وطبعآ ستمضي قدمآ في هذا خاصه وإرهاصات المونديال .
كل الخير لكم استاذ عادل .

كمان يا طلحة عاين أخونا عادل ابراهيم ده .. قال حبابكم عشرة قال .. التقول ياعادل داقي فيها حجر دغش .. :) ..
ناس تشكِر في أمريكا وأوباما حتي الموت، وناس تكسِر في التلج للخليج وشيوخ الخليج حتي الموت .. والسودان والبشير ياخدوا بالشلوت .. !!! ..

سودان عجيب وغريب زي ما قال ذو اليد - علي ما أعتقد -

عليك أمان الله كمان الصادق الخالدي ما يخلي ليك وش ضاحك أو وش مكشر أو سنون شامتة أو ثمب أب أو داون إلاّ ويجيبهم يرصهم ليك كشتينة بس .. التقول الوشوش بيصرفوها ليهم مع كتب العثيمين زاتو ياخ ..
بس صراحة الوشوش بتخلي مداخلاته متميزة .. مختصرة ومليانة بهارات ساخرة ..

**و الله كويس
بعد ده بقدروا يمشوا العمرة بعربيتهم الخاصة .**

الكلام دا النقصـود منه شنــو؟

سلام يا Aamir Nada من الفيسبوك .. كتّر ألف خيرِك ..

Quote: أمريكا بتاعة الساعة كم

التعبير السوداني الأصلي ده فاقدنه عديل والله :) ..

**أمريكا بتاعة الساعة كم**

أمريكا تعطى قيمـة للعالم..

حبابكم عشرة اخوتي جميعا وصبحكم الله بخيره

Quote: الأخ عادل إبراهيم. سلام. مؤسف جدا أن يترك هذا الطفل أمريكا ويقرر الأستقرار في قطر. كان من الممكن أن يستفيد من العروض التي قدمتها له بعض الجامعات الأمريكية من أمثال جامعة Massachusetts Institute of Technology ومثل هذه الجاماعات لا يدخلها إلا الطلاب النابغين بالجد. وعندما يكلملون دراستهم بتتلقفهم أكبر الشركات في أمريكا، وهي شركات تصنع أحدث تقنيات العالم. بصريح العبارة، ما كان سيجده في أمريكا لن يجده في أي بقعة أخرى في العالم. ولكن يبدوا أن الوالد هو الذي أتخذ هذا القرار نتيجة للإنتقدات التي وجهت له ، والموضوع بالنسبة له صار شخصي بحت ولا علاقة له بالطفل أحمد أو بمستقبل الاسرة. المهم تمنياتي للطفل أحمد ولأسرته الكريمة بالنجاح والتوفيق في دولة قطر. _________________________________________ The hottest place in Hell is reserved for those who remain neutral in times of great moral conflict. Martin Luther King, Jr.

صبحك الله اخي دينق

انت الان بقطر وقد عرفتها وعرفت كيف انها بلدا راق ومتقدم ومتطور ويسير بخطى حثيثة نحو المستقبل الواعد..

اكيد اسرة الطفل اتخت قرارها بعد تمحيص كل العروض المقدمة من الجامعات والمؤسسات الامريكية والقطرية ..

اليك ما جاء اليوم في صحيفة الراية القطرية .. الخيارات والقرارات :

Quote: Quote: اذا كانت أمريكا بهذا السؤ وعدم الامان لماذا انتظرت هذه الاسرة كل هذه السنين وبعد ماحدث لهم قرروا الهجرةالي قطر بلد العلم والامان وبلد عدم التمييزوالعنصرية٠٠٠لماذا لا يسمح لابنا ءالمغتربيين في الخليج من الحصول علي تعليمهم الجامعي والعالي بموسساتهم التعليمية مما يجعل الكثيرون منهم للعودة للسودان لاكمال تعليمهم الجامعي..لماذا يفضل الكثيرون من أبناء الخليج بالالتحاق بالجامعات والمعاهد الاوربية والامريكية دون بلدانهم؟؟ مداخلة من اخونا حسين موسى عبدالماجد من نافذة الفيس بوك أسئلة في الصميم يا اخ عادل

تحياتي لكم اخوتي خالد حاكم وحسين موسى من نافذة الفيس بوك

لا اختلاف بان اميركا اوروبا هي ساحة العلم الاولى في الوقت الراهن ..

ونحن لم نقل ان امريكا كلها سيئة ..انما قلنا ان القوانين الامريكية المتعلقة بالارهاب اصبحت بعبعا يخيف اي اسرة عربية مسلمة او اجنبية مستقرة هناك ..

اليس هذا صحيح اخوتي المهاجرين بامريكا؟


الجماعات والمعاهد الامريكية والاوروبية موجودة بافرعها في قطر .. ويمكن للطالب الاستفادة بحيث يدرس بالمنهج الغربي ويعيش في بيئة محافظة ..ربما كانت تلك فكرة اسرة الطفل ..

ابناء المغتربين السودانيين يخضعون لقوانين البلد المضيف .. انا شخصيا درست في جامعة قطر مجانا بلا رسوم عن طريق منحة للجالية السودانية ..

الان جامعة قطر الكورس الواحد قريب ال15 الف ريال ..


عموما الامان هو المطلوب الاول والاخير

تحياتي

Quote: ١. اعتقد ان الطفل احمد شخص موهوب وله مستقبل جيد وهذا واضح ٢. استغرب جدا من الذين يقللون من موهبته وميوله الاختراعية ٣. والد الطفل له تاريخ سياسي وميول سياسية بدليل ترشحه لمنصب الرئاسة ٤. والد الطفل حساباته السياسية والمسيطر عليها طابع السياسة السودانية ساهم في اتخاذ القرار ٥.تنامي ظاهرة الاسلاموفوبيا والتمييز ضد المسلمين في الغرب له دور كبير في اتخاذ القرار ٦. الاعتقال التعسفي من قبل الشرطة الامريكية ساهم في عدم الشعور بالامان مستقبلا ٧. الشعور بالامان له الاولوية في وجود اي فرد في اي منطقة بالعالم ٨. قطر بلد جيد ويستطيع والد الطفل ان يعمل بعكس اميركا التي كان يعيش فيها علي الهامش بدليل البيت الذي كان يسكنه وهو متواضع الي الحد البعيد ويميل الي حياة الفقر ٩. مستقبل الطفل الدراسي كان سيكون افضل ولكن قد يتعرض الطفل الي ضغوط نفسية تفوق قدراته وتدفعه الي الفشل ١٠. مقابلة والد الطفل لعمر البشير اثارت حنق الكثيرين لان البشير شخص منبوذ ويقتل شعبه ومطلوب دوليا لقتله اهله ١١. والد الطفل ادخل اجندته الخاصة والسياسية دون اكتراث او جهل منه بمصير الطفل الدراسي فتداخلت الامور واختلطت ١٢. قرار الانتقال كان صعبا والخيرة فيما اختاره الله. ١٣. نتمني مستقبلا جيدا للطفل احمد واسرته اينما كانوا تحياتي اخ عادل ولكل الاهل بطرفك

تسلم دكتور السنوسي بدر ..

لك تحياتي الخالصة ومشتاقين والله

تلك ثلاثة عشرة نقطة كاملة اتفق معك في معظمها ..

تلك هي النقطة المهمة وهي ان اعتقال الشرطة اعطى الاسرة احساسا بعدم الامان لذا قرروا السفر الى قطر..

خلينا نسمع صوتك بالله

لك تحياتي ولاسرتك الكريمة

http://abc7chicago.com/education/teen-arrested-for-homemade-clock-to-move-to-qatar/1043796/http://abc7chicago.com/education/teen-arrested-for-homemade-clock-to-move-to-qatar/1043796/

Quote: صبحك الله اخي دينق انت الان بقطر وقد عرفتها وعرفت كيف انها بلدا راق ومتقدم ومتطور ويسير بخطى حثيثة نحو المستقبل الواعد.. اكيد اسرة الطفل اتخت قرارها بعد تمحيص كل العروض المقدمة من الجامعات والمؤسسات الامريكية والقطرية .. اليك ما جاء اليوم في صحيفة الراية القطرية .. الخيارات والقرارات :

صباح النور يا عادل.

رغم التقدم القطري، ولكن المقارنة مع أمريكا معدومة تماما. وليس المقارنة بقطر وحدها ولكن بكل دول العالم.

واضح جدا أن قرارات الأسرة يتحكم فيها والد الطفل أحمد.

الجامعات الأمريكية، لم تمنح الطفل أحمد أي منحة دراسية بعد، ولكنها دعته الى زيارتها والتعرف عليها، لأن أحمد مازال طفلا في المدرسة المتوسطة على ما

أعتقد.

أتمنى لأحمد وأسرته بحياة سعيدة وناجحة في قطر وأن يستفيد من المنح التعليمية التي قدمت اليه.

Quote: والله يا طلحة إنت زوول مريح ياخ .. تحيات لصاحب البوست أخ عادل ابراهيم .. قرار الأسرة قرار صائب .. والإبن أحمد ولد مبروك، بساّم المحيا وودود .. أي صورة يظهر فيها تجدها بشوشة ومريحة .. الله يحفظه.. وفعلاً يا طلحة شئ غريب هذا التبخيس الغريب لموضوع الساعة دي .. زوول تلقي عمره دقَّ في الخمسين ويقعد يبخس في الولد ذو ال١٤ سنة وتلقاهو شايلها حارالتقول عنده تار معاهو.. فعلاً السودان ده ميئوس منه . .. وتلقاهو لي رقبته دي لا بيفرز ساعة من راديو .!!. ثم الولد ده تاني ما حيكون مرتاح في مدارس أمريكا بعد الحدث ده، خاصة من أقرانه الحاقدين والحاسدين، وما بعيد يترصدوه وربما أطلقوا عليه النار زاتو .. والواحد برضو يستغرب إنو الناس قايلين خلاس الواحد لو عاش في أمريكا وقابل أوباما معناها كسب الدنيا والآخرة !!! .. ونحن شايفين أنه لم تبرد أحزاننا بعد علي شبابنا الذين تم إغتيالهم سمبلة عشان بضعة دولارات .. !!! ... والبقولو ليك أمريكا بلد الأمان وعاملين فيها بتاعين بيرة صاقطة وسِنة عويرة ديل خلي واحد يجرؤ يمشي يشرب في بار محل الرجال بيشربوا عشان يعرف الأمان علي أصولو، مش يندس من المغرب في البيت .. !!! .. ________ وهكذا الحياة ..

تحياتي اخي منير وصباحك خير

التبخيس ظاهرة سودانية بجدارة ..

لنا قدرة فائقة في تبخيس اشيائنا ..

تحياتي

صباح الفل يا عادل ..

قال الMIT !!!
الMIT ده مش النفضه أخونا محمد عبدالله مختار في منافسة الطيارة بدون طيار بتاعة جائزة الإمارات واللا إم آي تياً تاني ؟؟ !!..

Quote: **أمريكا بتاعة الساعة كم** أمريكا تعطى قيمـة للعالم..

أبوريش
إن دُرت العلم والزين تعال آزول، وإن درت الحرِب والشين أرحكاآزول ..

يا دكتور لغاية الآن الأمور ماشة على أفضل نسق
مع الصبي ولو مضت على النحو دا أعتقد أنها ستبقي
وتكون عال العال
بس أهم شىء ما يتشبك فيهو أخونا ود الباوقة عشان
ما ينقطرو من حيث يدري ولا يدري .. صاحبنا دا فذ جدا
في القنطرة وتمريرة القون .

.
أفي تقديري إن الشبل أحمد ، المتهم بأنه ( مخترع ) قد ظُلم كثيراً
أحمد لم يبتكر او يضيف ، أو يُصنح أيِّ جزء في تلك الساعة
فكك الساعة من وعاءها وأعاد تركيبها في وعاء آخر
الشيء الذي أثار الرأي العام إعتقال طفل وتقييد يديه واستجوابه في مركز الشرطة
وليس الساعة التي فككها وأعاد تركيبها .

قام والده باستثمار الموقف أسوأ استثمار لمصلحته وليس لمصلحة إبنه .

Quote: التقول الوشوش بيصرفوها ليهم مع كتب العثيمين زاتو ياخ .. بس صراحة الوشوش بتخلي مداخلاته متميزة .. مختصرة ومليانة بهارات ساخرة ..

تسلم يا دكتور علي شعورك الجميل
ويعلم الله
دائما ما اجد نفسي في مداخلاتك الشحمانة والمتعوب فيها بالبساطة الاصلية
انت لو ملاحظ يا دكتور
الناس دي استلمت الوصاية نيابة عن ايتها حاجة
وياهي عقلية السوداني في حالة الاحباط الما عندو حدود
ياخي الولد دا تبارك الله زكي جدا
ومهذب جدا وشخصيته ما شاء الله عليه قوية شديد + شجاعة ادبية ليست وليدة لحظة
ومن حق ابوهو وعمه يقشروا بيه عديل كدا
والحمد لله كلنا بنقشر بيهو والعجبو عجبو
والما عجبو ...... الخ الح
ياخي مجردنو من الادراك والتمييز حتي امو المسكينة طلعوها ما سودانية
وانا اشك
انه هو من فرض هذه الهالة
عليك الله عاين الامريكان ذات نفسهم فرحانين بيهو كيف
وشوف نظرة شوفهم
وبالله عاين سماحة نفس ولدنا جفظه الله





وبالله عليكم شوفوا الناس لمن تبقي موضوعية وبتشوف بعين منصفة و مدركة ومعترفة بالاخطاء .
هنا في هذه القناة