إن غرضنا؟

06:53 AM Oct, 19 2015
سودانيز اون لاين
بله محمد الفاضل-جدة
مكتبتى فى سودانيزاونلاين



في بلدنا،
وإن غرضنا..
في أي حين،
بنزيل مرضنا..
نجيب حكومة زينة زينة،
ما تسرقنا تشرط عينا..
نسوي رئيس تمام تمام،
مش دلاهة يمشي حال..
من شرقنا لغربنا،
كمان جنوبنا والشمال..
كيف بلد كبير كبير،
شعب طيب كله جمال،
يخلي حكومة تسوي حمار..
يلا يلا يلا هبوا،
الثورة دايرة قلب حار..
يا شباب يمين شمال،
سيبوا الضل وخوضوا النار..
لا قبيلة لا زملان،
حقي حقك دا السودان..
شوف مكانك في اﻷمام،
مافي أضينة ولا نسوان،
كله كله؛
يسوي حرية،
يسوي أمان...

شَارِدْ في شوقك
يا بلدي المَضبوح
...
ما غشاك يوم صالِح
وأهوالك في الروح
...
مجروح وأبداً ما جارِح
ما شُفتك بِتنوح
...
تِتحمل لِعقوقنا، وتزيد في حِقوقنا
تدينا السوح
...
والسِّر والخاطِر
لو درنا نسوح
...
في دروبك والدُّنيا
وين مِنك بِنروح
...
يا شهابنا البِضوي
ورحيقنا المشروح
...
يوماتي معانا، منبع لهوانا
وبلسم لجروح