Post: #1
Title: معقول لكين ياسمعة .نوم الانتهازى عبادة(صورة)
Author: معاوية عبيد الصائم
Date: 10-16-2015, 09:29 AM
08:29 AM Oct, 16 2015
سودانيز اون لاين
معاوية عبيد الصائم-ارض الله الواسعة
مكتبتى فى سودانيزاونلاين
الانتهازى حسن اسماعيل وزير الحكم المحلى
تنوم السهر يا حسن اسماعيل
يتيييييييييييين وصلت مرحلة النوم
|
Post: #2
Title: Re: معقول لكين ياسمعة .نوم الانتهازى عبادة(صو�
Author: جمال ود القوز
Date: 10-16-2015, 09:42 AM
Parent: #1
هههههههه
بتبالغ يا معاوية الزول مانايم يأخ ..
انت قايلو كومر زي كوامر البرلمان ..
ده زول شاب يأخ ..
لحظة التقاط الصورة كان بيرمش أكيد ..
ما أكتر من كده ..
واظنها مابتفوت عليك ..
لكن هي عين السخط تبدي المساوئا ..
مافعله الرجل فعله غيره ..
ومرده الى يأس الناس من زوال هذا النظام ..
مش بيقولوا لمن يغلبك تسدها وسّع قدها ..
أها زولك ده ماسوى اكتر من كده ..
وغيره كثر ..
وما المشاركين في حوار الحكومة بأحسن حالا ...
ربنا يلزّم الناس الصبر يا اخوي ..
|
Post: #3
Title: Re: معقول لكين ياسمعة .نوم الانتهازى عبادة(صو�
Author: معاوية الزبير
Date: 10-16-2015, 10:00 AM
Parent: #2
غايتو يا ود القوز
قالوا، البتريدو تقطّعو الظلط والما بتريدو توصّفلو غلط
نايم ولّ برمش، دا ما السؤال
السؤال: إلى أي جانب في الحوار هو ؟ في الحالتين مهزلة
|
Post: #4
Title: Re: معقول لكين ياسمعة .نوم الانتهازى عبادة(صو�
Author: أحمد محمد عمر
Date: 10-16-2015, 10:13 AM
Parent: #3
أنا ذاتي قاعد ارجع لي وراء وانتكل على ضهرية الكرسي واجدع راسي بالجهة اليمين حتى ارمش 
|
Post: #5
Title: Re: معقول لكين ياسمعة .نوم الانتهازى عبادة(صو�
Author: معاوية الزبير
Date: 10-16-2015, 10:50 AM
Parent: #4
هههه يا احمد
ولما تكون داير تقلع ضرس بتعمل شنو
|
Post: #6
Title: Re: معقول لكين ياسمعة .نوم الانتهازى عبادة(صو�
Author: Deng
Date: 10-16-2015, 10:53 AM
Parent: #5
معاوية.
الزول ده ما نايم.
دي تعسيلة سريعة.
|
Post: #7
Title: Re: معقول لكين ياسمعة .نوم الانتهازى عبادة(صو�
Author: عبدالمنعم الطيب حسن
Date: 10-16-2015, 10:59 AM
Parent: #6
| Quote: أنا ذاتي قاعد ارجع لي وراء وانتكل على ضهرية الكرسي واجدع راسي بالجهة اليمين حتى ارمش |
لكن يا احمد الرمشة ما عندك...
رمشة رمشة الحوار نعدو...
|
Post: #8
Title: Re: معقول لكين ياسمعة .نوم الانتهازى عبادة(صو�
Author: جمال ود القوز
Date: 10-16-2015, 11:13 AM
Parent: #4
| Quote: السؤال: إلى أي جانب في الحوار هو ؟ في الحالتين مهزلة |
قال ليهو يامعاوية ..
البتريدوهو تحمرو ليهو الكبده ..
والمابتريدوهو تحرشوا ليهو الكلبه .. ههههه
هو ذاكـ والله .. صدقت ..
في الحالتين هي مهزلة ..
البلد في عضما بقت اكبر مهزلة ..
ومن الفسيخ ماحيتعمل شربات ..
والله احترنا واحتار دليلنا ..
ودرب الصاح ذاتو راح لينا ..
الله يهون علينا من الجاي غايتو ..
فقد انسحقنا بين رحى حكومة لاترحم ..
وانتهازية معارضة قتلها القنوط واليأس ..
فاصبحت تصبح بي راي وتمسي بي راي تاني خالص ..
والمتلبين من مركب المعارضة ..
أصدقهم من شارك الحكومة ..
ومرق ليهو بي ( شليه ) من دار أبوهو ..
ولاعزاء لي ناس حوار وكوار ..
لانو ديل تنقصهم شجاعة اولئكـ رغم قبحها ..
هسه كان كتروا المشاركين للحكومة ..
وخشوا ليها بي جوه ..
لبطبطت الحكومة وكترت السكلبة ..
عليك الله ده ما فهم احسن من الحوار الفاضي ده ..
فبدل ان تحاور حكماً عضودا ..
أخير تشيل فاسك وتخش ليهو بي جوه ..
يمكن تقدر تهدو ..
بدل انتظار 26 سنة تانية ..
تقعد تحاور وتناور وفي النهاية لاتطول عنب اليمن ولابلح الشام ..
لقد هرمنا يأخ وقتلنا اليأس ..
|
|