Post: #1 Title: ها ناس حصلو المولد دا العندو قريشات يلحق ناس الاسكان ديل عندهم فلل بالاقساط Author: الطيب عباس Date: 10-14-2015, 11:29 AM Parent: #0
10:29 AM Oct, 14 2015 سودانيز اون لاين الطيب عباس-ناوي للبلد الامين مكتبتى فى سودانيزاونلاين
ماعندي اي مصلحة والله عاوز الزول العندو قريشات ومحتار يمش يصلم امكن تنفعو عروضم انا صاحب تجربة ليس الا واخدت منهم قبل 9 شهور في ال72 وقاعد اشطب وهسه لقيت الاعلان دا قت اكلم الناس شان عارف في ناس قروشا قاعده تفقد قيمتا مع الزمن العجيب دا والله الموفق
لك التحايا الطيبة .. ومرحب بيك والف مرحب بيك . ونحن برضو طلبة القوز وامكن نكون قريبين فى سنوات الدراسة
وقد نكون نعرف بعضنا بعضا وبس تكون الصورة بالذاكرة اتشوشت شوية
لكن بجيك تانى اسالك عن اولاد دفعتك لك ودّى ....
Post: #5 Title: Re: ها ناس حصلو المولد دا العندو قريشات يلحق � Author: الطيب عباس Date: 10-15-2015, 06:32 AM Parent: #3
Quote: ... انت من كوستى .. وين ؟
مرحب انور .. حبابك شارب من بحر ابيض هي الموية المتفرده لانها الوحيده لها طعم ولون وبعض الرائحة بس برضو بنريدا
انا مواليد حي النصر الدرجه التانية السكن 28 حي المروة قاعد في الغربة حاليا ً
الناس ديل عنوانهم في الاعلان الغريبة الويب سايد بتاعم ما بفتح معاي اس لانو كانو عندهم رقم واتساب مكتوب في الموقع وبردو ليك وبالصور ومتعاونين جداً .. بس احسن شي ترسل ليك زل عديل يمش ليم
Post: #6 Title: Re: ها ناس حصلو المولد دا العندو قريشات يلحق � Author: محمد ادريس زمراوي Date: 10-15-2015, 06:55 AM
الاخ الطيب عباس
لك التحية ولاهلنا فى كوستى
لو تابعت الموضوع وجبت لينا التفاصيل تكون ما قصرت ابدا
ولك مودتى
Post: #8 Title: Re: ها ناس حصلو المولد دا العندو قريشات يلحق � Author: ANWAR SAYED IBRAHIM Date: 10-15-2015, 07:34 AM Parent: #6
المرحوم محمد النعيم الجعلى .. الله يجعله من اهل الجنة
واللى مابيعرفهم اكيد ما من كوستى
امكن لو هبّشنا شوية نطلع اولاد خالات ..!!!
اما الاستاذ محفوظى اعتقد انه كان برضو استاذ فى مدرسة ( نمرة - 1 )
لك الود .. ولى عودة
.........
Post: #7 Title: Re: ها ناس حصلو المولد دا العندو قريشات يلحق � Author: معتصم سليمان Date: 10-15-2015, 07:28 AM
تحية طيبة للجميع
أخي الطيب في الحقيقة الناس ديل عندي معاهم تجربة جميلة جدا عبر بيت إشتريتو منهم شراء في الكلاكلة شرق { مدينة الأمل } يا أخي لحدي الكهرباء والموية دخلوها لي وبتعاون تام ورسوم رمزية جدا مقياسا برسوم الكهرباء العادية .
عشان كده انا متشجع جدا لشقة في سوبا غرب الحاويات دي بالله لو أمكن نريد مزيد من التفاصيل او رقهم للتواصل واتساب او اتصال
وانت ربنا يجزيك كل خير
كوستي دي عندي فيها واطة درجة أولى لليلة ماشفت كوستي أنا وناوي عليها في إجازتي دي كان ربنا أحياني
Post: #10 Title: Re: ها ناس حصلو المولد دا العندو قريشات يلحق � Author: الطيب عباس Date: 10-15-2015, 11:35 AM Parent: #7
Quote: أخي الطيب في الحقيقة الناس ديل عندي معاهم تجربة جميلة جدا عبر بيت إشتريتو منهم شراء في الكلاكلة شرق { مدينة الأمل } يا أخي لحدي الكهرباء والموية دخلوها لي وبتعاون تام ورسوم رمزية جدا مقياسا برسوم الكهرباء العادية .
بالضبط كده هسه انا دخلت الموية من زمان الا الكهربة متلكلكين علي شوية قالو ماشين بالدور وقربنا نتم سنه بس قربنا تب بالنسبة لقطعه كوستي ابق 10 عليا ممكن عادي تجيب ليك 15 -20 ضعف سعرا لو المكان ممتاز تحياتي
فى الحقيقة انا دخلت الى البوست و لم اتمكن من رؤية الاعلان .. الآن قد ظهر جليا ..
و كلفت احد اقاربى ان يصل الى مكاتبهم ليأتين بالنجيضة ..
اشكرك
Post: #17 Title: Re: ها ناس حصلو المولد دا العندو قريشات يلحق � Author: الطيب عباس Date: 10-16-2015, 11:09 AM Parent: #15
ابو الطب وكل المتداخلين الناس ديل باختصار دايرين الناس تصلهم لانو اعلانهم في الشريط الابيض في التلفزيون برضو مبهم انا صورتو ليك هنا في اليوتيوب التحت دا .. فحواه كما في الجريده انتقلنا للموقع الجديد وتوجد لدينا فلل بالاقساط
بس الحاجه السمحه الناس ديل بحاسبوك بالسعر الرسمي للدولار وتدفع سوداني دا وكت اشترينا انحنا قبل فترة مودتي
Post: #25 Title: Re: ها ناس حصلو المولد دا العندو قريشات يلحق � Author: محمد مجيدو Date: 10-20-2015, 07:21 AM
ودي قطعه سعرها بالدولار الامريكي ..
https://www.0zz0.com
Post: #26 Title: Re: ها ناس حصلو المولد دا العندو قريشات يلحق � Author: الطيب عباس Date: 10-20-2015, 09:32 AM Parent: #25
مشكور مجيدو
الناس ديل بحاسبوك بالسعر الرسمي للدولار وتدفع سوداني دا وكت اشترينا انحنا قبل فترة .. ودا مكسب كبير جداً الا يكون غيرو سياستم فلل ال72 اعتقد انها مناسبة وجميلة جدا مبلغ 75360.08 دولار تشطيب خارجي فقط ضربا بسعر الدولار الرسمي بتعمل معاك قول 500 الف ج او اقل بي كتييير حسب سعر الدولار في البنك لمساحة 320 م ماكعبة انا شايفا ساوافيكم بالصور بتاعت الفلل الباعوها لينا قبل فترة في حدود هذا المبلغ تشطيب خارجي فقط تبعد 4كيلو من كبري الحلفايا .. الناس الشطبت عارضين بي مليار ومية في نفس المكان . التشطيب بتحتاج بياض داخلي وبير وسابتك وسباكه وكهربا.
اما الشقق دي ما عندي عنها خبرة بس الزول لو قلبو حااار وجاهز يدفع كاش شان ما يوتروك بالقسط
Post: #27 Title: Re: ها ناس حصلو المولد دا العندو قريشات يلحق � Author: محمد مجيدو Date: 10-20-2015, 10:34 AM
الطيب .... لو قدرت تصور لينا الفلل من بره يكون تمام لانو زولي في الخرطوم ... وما بقدر يصل لحدي الثورات ..
تحياتي ,,
Post: #28 Title: Re: ها ناس حصلو المولد دا العندو قريشات يلحق � Author: الطيب عباس Date: 10-20-2015, 11:07 AM Parent: #27
Quote: الطيب .... لو قدرت تصور لينا الفلل من بره يكون تمام لانو زولي في الخرطوم ... وما بقدر يصل لحدي الثورات ..
تحياتي ,,
انت تامر يا مولانا .. ملاحظه بسيطه المواقع في الثورات 72 من استاد الهلال تبعد حوالي 12 كيلو فقط
كشف الموقع والصور ادناه بس طبعاً تخت في بالك انو الناس اقبلت عليا شديد ونفدت والحكومة بدت تبني في الميادين تتوقع انو الجداد يكونو ورانا بي مسافه ليست بالكبيرة
[url="http://www.up-00.com/http://www.up-00.com/" />"http://www.up-00.com/http://www.up-00.com/"
[/url]
"http://www.up-00.com/"
"http://www.up-00.com/"