قام بخياطة 36 جلابية و20 عراقياً و25 عمامة .. (ترباس) يسيطر على القماش في أبوظبي
قال الفنان كمال ترباس من مقر إقامته بأبوظبي انه قضى فترة من الراحة والاستجمام بين أصدقائه المقربين بينهم د. علاء الدين الذي ظل مرافقاً له في حله وترحاله، بجانب قيامه في الأيام الأخيرة بجولة ناجحة في أسواق ومول أبوظبي لشراء آخر صيحات العطور والملابس، موضحاً: قمت بشراء كمية كبيرة جداً من القماش وقمت كذلك بخياطة 36 جلابية و 20 عراقياً يابانياً و 25 عمامة طول 9 أمتار لدى خياطين مشهورين في ركن السودان بالخالدية، وواصل : تم تفريغ عدد 4 خياطين لإنجاز هذه المهمة.
Post: #2 Title: Re: يا ناس أبوظبي صحي ترباس عمل كدا! اللهم زد و Author: أيمن الطيب Date: 10-14-2015, 09:33 AM Parent: #1
سلامات يا ابوالزهور,,
Quote: قام بخياطة 36 جلابية و20 عراقياً و25 عمامة
طيب وباقى المشتروات كيف؟؟؟ إحتمال كان بتجهز لمؤتمر الحوار الوطني!!!!!
كون إنو شخصية قومية وكدا,,,,
تحياتى,,,
Post: #3 Title: Re: يا ناس أبوظبي صحي ترباس عمل كدا! اللهم زد و Author: عزالدين عباس الفحل Date: 10-14-2015, 10:04 AM Parent: #2
بالله ترباس في ابوظبي ، مش معقول ؟ كان لابس طاقية الإخفاء ، والله شنو ؟ ما شفناهو ، ،،،،
...
عزالدين عباس الفحل ابوظبي ...
Post: #4 Title: Re: يا ناس أبوظبي صحي ترباس عمل كدا! اللهم زد و Author: محمد فضل الله المكى Date: 10-14-2015, 02:44 PM Parent: #3
Quote: [B و20 عراقياً
و20 سروالاً لزومها .... نسيت دي زهير
Post: #5 Title: Re: يا ناس أبوظبي صحي ترباس عمل كدا! اللهم زد و Author: عبدالمنعم الطيب حسن Date: 10-15-2015, 10:14 PM Parent: #4
Quote: وقمت كذلك بخياطة 36 جلابية و 20 عراقياً يابانياً و 25 عمامة طول 9 أمتار
ولاي حفلة عربية للملابس بجانب بتاعة الالات... وبعد كل غنوة؛ جلابية جديدة؛ وعراقي جديد بعمتو... والناس جميع ما تهمني انت المهم يا حضرتك.... ..................................................................
غايتو ترباس دا ما قاعد يضعف في اي حكومة!!!
Post: #6 Title: Re: يا ناس أبوظبي صحي ترباس عمل كدا! اللهم زد و Author: سفيان بشير نابرى Date: 10-16-2015, 00:35 AM Parent: #5
شكراً يا ابو الزهرا للخرية
هوووووي يا ناس منعم ارفعوا يدكم من ترباس
Post: #7 Title: Re: يا ناس أبوظبي صحي ترباس عمل كدا! اللهم زد و Author: Nasruddin Al Basheer Date: 10-16-2015, 07:53 AM Parent: #6
أن شاء الله لبس العافية كمال ترباس رجل أنيق المظهر ربنا يديهو الصحة والعافية ... يا اخي هو حر يشتري طالما بشتري بقروشو ده ما موضوع يستحق النشر يا زهير مع احترامنا ليك
Post: #8 Title: Re: يا ناس أبوظبي صحي ترباس عمل كدا! اللهم زد و Author: عبدالمنعم الطيب حسن Date: 10-16-2015, 11:11 AM Parent: #6
Quote: هوووووي يا ناس منعم ارفعوا يدكم من ترباس
الله نحن ايدنا دي نختهن وين للعراريق والجلاليب والعمم ديل؟ الا نأشر بس... ................... سلام يا سفيان؛
Post: #9 Title: Re: يا ناس أبوظبي صحي ترباس عمل كدا! اللهم زد و Author: جمال ود القوز Date: 10-16-2015, 12:06 PM Parent: #8
غايتو الفنان يحاسبوهو بي فنه البقدمه للناس وبس .. فتح الباب على مصراعيه للتوغل والتغول على حياته الشخصية .. سيفتح الباب على مصراعيه للنيل من فنانين كثر ..