|
|
|
 Re: لا للحوار ... وبينا وبينكم تار يا ظلمة . (Re: مني عمسيب)
|
العزيز اباذر .. صباحك خير ..
Quote:
المتحاورين ديل عاوزين ليهم رافعه زي حقت الحرم تجلطهم حوار شنو بتاع الاقليه ده |
دا حوار الفشل يا اباذر والاقليات دي الشئ المؤسف عارفة حوار الكيزان
ما بنجح لانه حوار ما جادي وتضيع وقت وزيادة عمر لمجرمي الحرب لانهم
ما بقدروا يعملوا حوار جادي لانه الجوار الجادي دي نهايتهم الحتمية بدون شك
والكلام دا اتقال دشليون مرة لكن البسمع منو ؟
ولك الشكر والتقدير ,.
| |
 
|
|
|
|
|
|
|
|
Re: لا للحوار ... وبينا وبينكم تار يا ظلمة . (Re: مني عمسيب)
|
عذرآ .. شاعرنا المبدع المعز .. شلت القصيدة لتزين البوست .
قصيدة صاحب المبدأ دكتور المعز .
ما بنحاورك
_________
معز عمر بخيت
_________
ما بنحاورك
وما بنقيف قدامك لحظة
وشعبنا ناكرك
وما بنغطي عيوبك ونطلع
من أعصابنا
ونبقى حوارك
نغض أبصارنا
وننسى ديارنا
واهل الحوبة العاشوا جوارك
فقرانين بالذل عايشن
يا تاجر الدين النهب شعارك
وظلمك وجورك غطى حضورك
ما ناسين والله مجازرك
يونيو الاسود كتل احلامنا
وروح اسلامنا
وجاب من آخرك
ولسة تحاول
لا في ايدك فاس لا معاول
لا بتفزعنا ولا بتنفعنا
ولا في الدنيا ح نمشي مسارك
وشعبك ضايع وجايع وخاضع
لكن ساترك
لا طيبت مواجع الأمة
لا شبّعت بطون بأوامرك
لا فكيت من حاير غمة
لا داويت مجروح بمشاعرك
تقتل وتنفي
وتسرق وتخفي
وذنبك عاصرك
وربنا عالم انت الظالم
وانت ضميرك ميت وهاجرك
بالوسواس ومهانة الناس
والخناس في شرّك باهرك
ما تتصور انك خالد
وحكمك والد
وما تتخيل ليلك سامرك
ما بتدوم والله الدنيا
ولاك الواحد وسيّد خاطرك
ما مسامحنك
وما راضين
عن سختك وجنك
ولا التاريخ يا غادر عاذرك
ما بنحاورك
وما بنحرك ساكن حولك
لو تعفصنا بحدوة حافرك
وما بتلاقي سلاطين غيرنا
وما ح يجيك في المشهد خيرنا
فسادك غامرك
والعصيان راجيك يا جاير
والشيطان مستحلي مظاهرك
كل العالم منك نافر
وشعبي الطيب ما هو مآذرك
كيفن ترحل عن دنيانا
ما عايزنك تاني معانا
بئس اليوم الجاب اقدارك
ملعون الحس الميت وغايب
ملعون الخوف الولع نارك
ابعد و ارحل
اضحك وازعل
ودوّر ظارك
اطلع مارق زمنك فارق
صوت كشكوشك ورنة طارك
ما بنحاورك
ونبني محاورك
وما بنعيش أبداً في مدارك
ما بنحاورك
ونبني محاورك
ما بنعيش أبداً في مدارك
.....
معز عمر بخيت
| |
|
|
|
|
|
|
| |
مني عمسيب
فرح الطاهر ابو روضة
rani
اباذر عبد العال
فيس بوك
تويتر
انستقرام
يوتيوب
بنتيريست