Post: #1
Title: يـــا البلـــد البقــت فيك العقــول محنانــة... !! ؟؟
Author: Elhadi
Date: 10-12-2015, 06:52 AM
05:52 AM Oct, 12 2015
سودانيز اون لاين
Elhadi-
مكتبتى فى سودانيزاونلاين
يا البلد البقت فيك العقول محنانة ..
حوارك عن تراجي وناس ندى الفنانة....
يات من خاب وعاب أدوهو فيك مكانة...
خوفى عليك باكر تحكمك حنانة....
ترى المارضنا فيك مأذينا كل يوم ..عاهة...
زلوك الكوزن ودخلوك فى متاهة..
بيوتا نصهن جوة ونصيص يتباها...
ديل خلوك تغتس وتلحق أمات طه....
شيخ الجكس مبعوث للبلود البرة ....
وأولاد (سيدى) لاعبنبك كتابة وطرة ...
بعد ما شردو أولادك فوارس الكرة ....
فكو الدفة لى أب دقنة وكلاب السرة...
ــــــــــ
يا لطيف !
|
Post: #2
Title: Re: يـــا البلـــد البقــت فيك العقــول محنا�
Author: Elhadi
Date: 10-12-2015, 07:03 AM
Parent: #1
عجبتني قصة انتشال بلادنا من تحدياتها القومية والدولية دي ..
والله انتو جردل ما تنشلوهو يا تراجي 
|
Post: #3
Title: Re: يـــا البلـــد البقــت فيك العقــول محنا�
Author: Elhadi
Date: 10-12-2015, 07:09 AM
Parent: #2
بعدين الزول ده متين بالسرعة دي بقى " سيدي الرئيس "..
الزول ده موش كان مطلوب للمحكمة الجنائية ؟؟ وقلتوا ما عارف كتل كم وكم ...
ولا " غرار" العفو العام ده هو برضو داخل فيهو ؟!
|
Post: #4
Title: Re: يـــا البلـــد البقــت فيك العقــول محنا�
Author: عوض جاه الرسول
Date: 10-12-2015, 08:33 AM
Parent: #3
| Quote: ولا " غرار" العفو العام ده هو برضو داخل فيهو ؟! |
الا أكان كدي
الهادي ليكـ ألف تحية
|
|