Post: #2 Title: Re: يا اخوانا مافي زول ينقل لينا فعاليات المؤ Author: Mahir Mohammed Salih Date: 10-12-2015, 09:34 AM Parent: #1
مرحب ست البنات ،، أعتقد صلاح غريبة فاتح بوست بعنوان عريض لم يطأه أحد ( حتى هو نفسه ) بإسم ( نقل مباشر من مؤتمر الحوار الوطنى )
بس يبدو لى بأنه ورهطه لم يجدوا شيئا مفيدا أو مؤثرا حتى الآن لكى يتحفوننا به ،، وأهو منتظرين والله زيك أى معلومة مفيدة من المؤتمر
مع التحية ،،
ماهر
Post: #3 Title: Re: يا اخوانا مافي زول ينقل لينا فعاليات المؤ Author: جعفر محي الدين Date: 10-12-2015, 09:39 AM Parent: #2
بالأمس وبعد عودتي من العمل ظللت أتنقل بين قنوات السودان لأكثر من ساعة لأحظى بأي تغطية لمؤتمر الحوار هذا وكانت المحصلة عدم
Post: #4 Title: Re: يا اخوانا مافي زول ينقل لينا فعاليات المؤ Author: Mahir Mohammed Salih Date: 10-12-2015, 09:52 AM Parent: #3
والله يا جعفر أنا زيك بتنقل فى جميع القنوات لم أجد شيئا ماعدا برنامج فى الشروق على ما أعتقد كان فيه صحفى وهو تيتاوى واحد رؤساء لجان المؤتمر وشخص عرّفه مقدم البرنامج أنه باحث وناشط سياسى ،،
الأربعة وكأنهم يعزفون على ألة مؤسيقية واحدة كالوا المديح للمؤتمر وما سيتمخض عن المؤتمر والمخرجات والدلالات و و و و و و و و و ولم أخرج بشىء مفيد على الإطلاق طيلة زمن البرنامج .
فدعونا ننتظر للقادم ،، والله و مهما كان رأينا فى المؤتمر ألا أننا نتمنى صادقا أن يؤدى إلى مخرج لأزمات السودان على الأقل فى حده الأدنى .
مع التحية
ماهر
Post: #5 Title: Re: يا اخوانا مافي زول ينقل لينا فعاليات المؤ Author: ست البنات Date: 10-12-2015, 10:30 AM Parent: #4
غايتو السمعتو ان الصحفيين محرم عليهم الدخول الآ المحاسيب !
وديل طبعا اخير الزول ما يعذب نفسوا معاهم !
الظاهر المؤتمر دا سري للغاية !!
بس ننتظر المشاركين البكونوا مغبونين بيفتوا كل شيئ دا لو اعتقلوهم !
ست البنات.
Post: #6 Title: Re: يا اخوانا مافي زول ينقل لينا فعاليات المؤ Author: علي دفع الله Date: 10-12-2015, 10:48 AM
يا ستهم وكت ربنا عافاك من هذه المؤتمرات المسببة للضغط والسكر وارتفاع البولينا احمدي ربك دايرة بيها شنو ... --------- تحياتي
ضاقت بيهم يا ست البنات والخوار كتابهم الأخير وهم يعلمون ذلك جيدا ما شايفهم لموا كل تعيس فيهم وخايب رجاء حتى غواصاتهم مرقوا من جحورهم لمحاولة الفرار من دفاتر فسادهم وبطسهم وظلمهم للناس لكن هيهات السقوط ينتظرهم دون استثناء لأي فرد منهم