لكان خيرا وأفضل وأبلغ أثرا !!

لكان خيرا وأفضل وأبلغ أثرا !!


10-10-2015, 04:55 PM


  » http://sudaneseonline.com/cgi-bin/sdb/2bb.cgi?seq=msg&board=480&msg=1444492513&rn=0

Post: #1
Title: لكان خيرا وأفضل وأبلغ أثرا !!
Author: ست البنات
Date: 10-10-2015, 04:55 PM

03:55 PM Oct, 10 2015
سودانيز اون لاين
ست البنات-
مكتبتى فى سودانيزاونلاين



ألم يكن ترشيح احدى بائعات الشاي بمعاناتها الحقيقية ,

ضمن الشخصيات الوطنية ( المسحوقة) أجمل و أبلغ أثرأ خير وقعا ؟!

أصلا الموضوع كلو مأكلة وشراب مكيفات ( شاي وقهوة) !

ست البنات.
Post: #2
Title: Re: لكان خيرا وأفضل وأبلغ أثرا !!
Author: ست البنات
Date: 10-10-2015, 04:58 PM
Parent: #1

على الأقل كانت انجمت من تعب القعاد فوق البنبر طوال اليوم ,

وكانت اكلت ليها لقمة نظيفة !

وكمان اتعرفت على وجوه القوم ( لأنها قد لا يكون لديها تلفاز) !

ست البنات.
Post: #3
Title: Re: لكان خيرا وأفضل وأبلغ أثرا !!
Author: ست البنات
Date: 10-10-2015, 05:04 PM
Parent: #1

وكمان لو كان عندها ولد ولا بنت عاوزين يتزوجو,

يمكن تلقى فرصة تقعد جنب ندى القلعة وتعمل معاها علاقة ,

وتقوم ندى على حس العلاقة دي تتبرع تغني مجان في الحفلة !!

ست البنات.
Post: #5
Title: Re: لكان خيرا وأفضل وأبلغ أثرا !!
Author: معاوية عبيد الصائم
Date: 10-10-2015, 05:09 PM
Parent: #3





تحياتى المواطنة ست البنات ..شن خبرك ياخ
Post: #4
Title: Re: لكان خيرا وأفضل وأبلغ أثرا !!
Author: ست البنات
Date: 10-10-2015, 05:07 PM
Parent: #1

وربما تقعد جنب ود الباوقة وتسلم عليهو وتقول ليهو يا ولدي ,

انا لي 10 سنوات بعمل شاي بيجوهو الناس من امدرمان وبحري في اليوم ثلاثة مرات !

وتضمن عقد عمل في السعودية للعمل في بوفيه السفارة !

ست البنات.
Post: #6
Title: Re: لكان خيرا وأفضل وأبلغ أثرا !!
Author: ست البنات
Date: 10-10-2015, 05:22 PM
Parent: #4

وتقوم تتحدث ضمن فعاليات الحوار عن معاناة ستات الشاي ,

وكيف يبدأ يوم ست الشاي وما تلاقيه من معاناة في الحصول على السكر ,

وتفضح بؤر السوق السوداء وتنظر امامها وترى (زولا الما يغباها ) بياع السكر لبائعات الشاي ( سوق أسود),

وتشرح كيف تغير لون الشاي السادة بفعل تغيير لون المياه وتلوثها !

كما تتحدث عن ازمة الفحم والجاز ( الكيروسين) !

وتتحدث عما تلاقيه بائعات الشاي من تعرض واساءة من قبل رجال امن النظام وهن عائدات ليلا الى منازلهن سيرا على الأقدام لانعدام المواصلات !

وتضيف بانه وراء كل بائعة شاي قصة انسانية حقيقة فمنهن من فقدت الزوج وتعول يتامى ,

ومنهن من أصيب زوجها بمرض عضال واستعصى عليهم ثمن الدواء في وقت صار

فيه الاستشفاء في المشافي التي يمكن ان يستشفى بها الانسان من حق فئة معينة في المجتمع ولا مكان للمسحوقين فيها !

وتواصل باعئة الشاي حديثها لاحقا......

ست البنات
Post: #7
Title: Re: لكان خيرا وأفضل وأبلغ أثرا !!
Author: عبد المنعم سيد احمد
Date: 10-10-2015, 05:29 PM
Parent: #6

شكرا يامواطنة
كما يقول صديقى..ود الصايم
انهم الان فى كامل زينتهم..وزخرفهم الدنيوى
يشربون انخاب الضحايا
الوطن لا علاقة له بما يجرى..من لعب ومأكلة
اما كفاهم بعد.
Post: #8
Title: Re: لكان خيرا وأفضل وأبلغ أثرا !!
Author: ست البنات
Date: 10-10-2015, 05:37 PM
Parent: #7

ولربما تمكنت من التعرف على مسئول في الأراضي فيترفق بحال الكوخ الذي تسكنه هي وأطفالها الخمسة ,

والذي حل مكان منزلهم الذي جرفته السيول والفيصانات فيمنحها قطعة أرض تحقيقا لما قطعه المسؤولون من وعود للمتضررين !

مشكور اخي المواطن معاوية عبيد الصائم على المرور.

ست البنات.
Post: #9
Title: Re: لكان خيرا وأفضل وأبلغ أثرا !!
Author: ست البنات
Date: 10-10-2015, 05:46 PM
Parent: #8

وقد تجلس بائعة الشاي المرشحة لمؤتمر الحوار تلكم السيدة التي تعول أبناء معاقين وويتثنى لها لفت نظر وزير الصحة الى ,

اهمية الاعتمام بالمعاقين من الجنسين وتوفير الرعاية اللازمة لهم وتنفيذ برنامج مقعد متحرك لكل مصاب ,

تخفيفا لما يلاقونه من معاناة خاصة وأن بعضهم يمشي على أربع في الشوارع وسط العاصمة الخرطوم أو يحمله ذووه ,

وقد يمن عليه الله برحمة وعطف ينزلان فجأة عليه ويقوم الوزير بادراج تحديث المستشفيات وتوقير الدواء ضمن اولوياته !!

ويتبع...

مشكور اخي عبد المنعم سيد أحمد على المرور.

ست البنات.
Post: #10
Title: Re: لكان خيرا وأفضل وأبلغ أثرا !!
Author: ست البنات
Date: 10-10-2015, 06:21 PM
Parent: #9

وتشيئ مشيئة الرحمن ان يتقدم صلاح قوش يحمل طبقا كبيرا مليئا بانواع الجاتوهات والاطايب ويلتفت ,

فيجد بائعة الشاي بجانبه ويستدعي حسه الأمني ويتساءل في سره عمن تكون ؟ وباحترافية الامني المحنك يبتدرها بالسلام ,

فتتعرف عليه السيدة من الصور التي امتلآت بها صحف الخرطوم أيام الحمله التي شنها الانقاذيون عليه وتم القبض عليه واودع السجن !

ولكن الصورة التي كانت راسخة في ذهن السيدة هي تلك الصورة التي كان يبكي فيها صلاح قوش ! فتعرفت عليه,

وجالت في ذهنها بعض الكلمات التي كان يتجاذبها تلك الأيام زبائنها وكل يدلي بمعلومة وراي !

فتذكرت بأنه مسئول الامن وكم كانت فرحتها لآن لديها ابن اخت تم اعتقاله منذ أحداث سبتمبر ومجهول مكانه لدي ذويه !

يتبع..

ست البنات.
Post: #11
Title: Re: لكان خيرا وأفضل وأبلغ أثرا !!
Author: على محمد على بشير
Date: 10-10-2015, 07:33 PM
Parent: #10

انتى يا خرابى بى صحك !!
Post: #12
Title: Re: لكان خيرا وأفضل وأبلغ أثرا !!
Author: ست البنات
Date: 10-10-2015, 10:19 PM
Parent: #11

أيي بي صيحي !

دحين الليلي البطان الفي القصر مو بدوا اللعب !؟

أيّي بي صِيحي !

دحين البطان الفي القصر وكافوري مو بدوا اللعب !؟

طُرْفة: قريبتنا شايقيي ساكني في الحاج يوسف , وكان الراحل محمد ابراهيم نقد عندو ندوة

في ميدان عام قريب من بيت الشايقيي وجاهم قريبهم وما لقى أولادها

, فسألها عن الأولاد , قالت ليهو : مشوا علي اللعب الفي الميدان دا !!

ملحوظة:
الشايقية يقولوا للحفلة لعب.

ست البنات.
Post: #13
Title: Re: لكان خيرا وأفضل وأبلغ أثرا !!
Author: مني عمسيب
Date: 10-11-2015, 09:49 AM
Parent: #12

الحبيبة .. صباحك زين .

Quote: يمكن تلقى فرصة تقعد جنب ندى القلعة وتعمل معاها علاقة ,

والله البتمشي الحوار بتكون بتعمل كدا لكن الما بتمشي معناتها ما انتهازية واهو مافي
واحدة مشت احمدن الله اخير ليهم حر الشمس من برد الحوار .

ستنا مشتاقييين .
Post: #14
Title: Re: لكان خيرا وأفضل وأبلغ أثرا !!
Author: ست البنات
Date: 10-12-2015, 04:40 AM
Parent: #13

سلام بت عمسيب ,

مالك ما مشيتي اللعب دا ؟ ما كلموك والآ ما كوركولك !

حتى ندى القلعة مشت شايلي دلوكتها ولابسي دهب كتيير يمكن تتبرعبو لرتق الميزانيي!

ست البنات.