Post: #1
Title: المريخ ومازيمبي.. نتيجة أكثر من عادية...المباراة في نقطة واحدة.
Author: عثمان الأمام
Date: 10-06-2015, 03:02 PM
02:02 PM Oct, 06 2015
سودانيز اون لاين
عثمان الأمام-
مكتبتى فى سودانيزاونلاين
هجروني هجروني ..الليلة ما ذنبي!!
|
Post: #2
Title: Re: المريخ ومازيمبي.. نتيجة أكثر من عادية...الم
Author: عثمان الأمام
Date: 10-06-2015, 03:13 PM
Parent: #1
ما عارف المريخاب ديل كانوا منتظرين شنو يعني!!
خليك من السنين الفاتو والتاريخ المخزي للمريخ في الأبطال
فريق إنضرب السنة دي من:
عزام التنزاني 2-صفر
كابوسكورب أنقولا 2-1
الترجي التونسي 2-1
هلال الابيض
الأمل عطبرة
وعشمانين في كأس الأبطال مرة واحده :)
|
Post: #3
Title: Re: المريخ ومازيمبي.. نتيجة أكثر من عادية...الم
Author: اباذر عبد العال
Date: 10-06-2015, 03:18 PM
Parent: #2
قلنا ليهم الكلام ده لكن النفخ الاعلامي والتخدير ....نعمل معاهو
|
Post: #4
Title: Re: المريخ ومازيمبي.. نتيجة أكثر من عادية...الم
Author: عثمان الأمام
Date: 10-06-2015, 03:21 PM
Parent: #2
كونو الهلال السنة دي ضعيف وبعيد عن المستوي
ده لا يعني انو المريخ كويس
والهيلمانة العاملنها المريخاب حول فريق أقل من المستوى العادي
خلاني أشك هل الناس دي بتحضر في الكور البنشاهد فيها نحن دي!!
ولا الجماعة ما كانوا مصدقين الوصول للمرحلة دي!!
|
Post: #5
Title: Re: المريخ ومازيمبي.. نتيجة أكثر من عادية...الم
Author: عثمان الأمام
Date: 10-06-2015, 03:26 PM
Parent: #4
| Quote: قلنا ليهم الكلام ده لكن النفخ الاعلامي والتخدير ....نعمل معاهو |
سلامات أبا ذر
النفخ الاعلامي والتخدير موجوود من زمااان لكن السنة دي كان في تخدير جمااااعي
غايتو السنة دي ما لاقاني مريخابي مرق من التخدير الا طلحة عبدالله!!
طلحة أداهم النجيضة من بدررري لكن قفلوا دي بي طينة ودي بي عجينة
وبقوا شغالين مزمز وسلك !!
|
Post: #6
Title: Re: المريخ ومازيمبي.. نتيجة أكثر من عادية...الم
Author: عثمان الأمام
Date: 10-06-2015, 03:37 PM
Parent: #5
الشئ المميز في جماهير الهلال من المستحيل يتفقوا على حاجة واحدة!!
جماهير مع الكاردينال
جماهير مع صلاح ادريس
جماهير مع البرير
جماهير ولا مع واحد منهم
وحتى الصحافيين كذلك
في البتابع رمضان
والبتابع الرشيد
والبتابع خالد عزالدين
والبتابع محمد عبدالماجد
...الخ
لكن في المريخ يوجد الوالي ومزمز فقط
والبقية كومبارس يردد ما يرددوه
سياسة القطيع في أبهى تجلياتها
|
Post: #7
Title: Re: المريخ ومازيمبي.. نتيجة أكثر من عادية...الم
Author: طلحة عبدالله
Date: 10-06-2015, 04:39 PM
Parent: #6
والله يا ود الإمام الهلالاب برضو ما مارقين من
أفيون صحافة المدرجات كان الهناك واللا الفي
المنبر دا .. كلهم مخدرين ومدروخين بالوهم
والخيال اللذيذ..
ياخ يكفي انو محمد عبد الماجد هو صحفيهم المفضل
وبستشهدوا بورجغتو وتظارفو القاعد يملأ بيهو
الصفحة من أولا لى آخرا .
Quote:
السنة دي ما لاقاني مريخابي مرق من التخدير الا طلحة عبدالله!!
|
ياخوي طلحة دا لا السنة دي ولا السنين الفاتت ما عندو قضية
أصلا بهتافية المشجعين البكتبوا في الجرايد ديل .. كلهم بلا
إستثناء .. ومتمسك دائما باعتقادو الجازم بانو الجماعة ديل
هم السبب الأول والأخير في نكسة الكورة السودانية ..
وطالما استمروا منتشرين في جرايد الغفلة دي صدقني
ح تنتظروا كتير قبل ما يكون لكورتكم ظهور مشرف
في المحافل الخارجية .. أبقوا على محليتكم عشرة .
|
Post: #8
Title: Re: المريخ ومازيمبي.. نتيجة أكثر من عادية...الم
Author: عثمان الأمام
Date: 10-06-2015, 04:48 PM
Parent: #7
هلا الخبير طلحة
جماهير الهلال ليست بعيدة عن جماهير المريخ
بس عن تجربة ما حصل لقيت جماهير الهلال متفقة على حاجة واحدة
مثلا" السنة دي أكتر من 70% من الهلالاب كانوا عارفين الهلال ما حيحقق
شئ جديد و ال30% كانوا براهنوا على ضعف الفرق المنافسة السنة دي
أكتر من قوة الهلال ودي في حد زاتا نقطة إيجابية.
الصحافة الرياضية كلها صحافة مشجعين في الجانبين لكن نفس الشئ
في هلالاب لا يطيقون الرشيد بتاتا" وآخرين لا يطيقون رمضان ولا
محمد عبد الماجد . أما شعب المريخ أقرأ فقط عمود مزمل وحتقدر تقرأ
الوسط الأعلامي بل والأداري زاتو بحذافيرو!!
|
Post: #9
Title: Re: المريخ ومازيمبي.. نتيجة أكثر من عادية...الم
Author: طلحة عبدالله
Date: 10-06-2015, 05:19 PM
Parent: #8
يا عثمان اتفاق ال70% القلتهم ديل تم
بعد الخسارة في امدرمان ودا شىء طبيعي
بل أنهم شوية ذاتو .. المفروض يكون الاتفاق على عدم
تحقيق الهلال لشىء يكون بنسبة 100% لكن واضح انو
جزء مقدر من الهلالاب كان مازال مخدرا ومدروخا بأفيون
صحافة المدرجات..
أما قبل الخسارة فلم أقرأ أو أسمع أي هلالابي قال
الهلال ما ح يجيب شىء.. كلهم كانوا بحلموا وبتخيلوا
وبتوهموا .. راجع المنبر دا وشوف أي بوست لأي هلالابي..
بالنسبة لاتفاقهم مع مشجعي الجرايد فلا فرق
يا حبيب كان اتفقوا مع واحد واللا كلهم .. المهم
في اتفاق وتأييد ساذج جدا بل وعبيط مع
مشجع مثلهم ساقته الظروف ليكتب في الصحافة
السايبة ..
الفرق شنو بين اتفاق المريخاب مع مزمل واتفاق
الهلالاب مع مجموعة مختلفة طالما كلهم بلا استثناء
مشجعين متعصبين بكتبوا في الجرايد وبقودوا لنفس
النتيجة ؟؟؟
|
|