طرفك سقيم يا صغير ... لا تعوده الإجرام واعلم بان الموت ...... عمداً يُعــــد حرام ________________________________
آمنت بالذي رفع السماء بلا عمد ...
Post: #2 Title: Re: طرفك سقيم يا صغير ... لا تعوده الإجرام ... Author: يحي قباني Date: 10-06-2015, 04:03 AM Parent: #1
زمن الربيع حلا كلمات مصطفى بطران زمن الربيع حلا ......... فتح الزهر بسام بى طيب شذاه الفاح ........يتجول النسام جات البدور تختال ...... مجليه سافره لثام لابسه السكينة وشاح ...لابسه الفضيلة وسام ملكت سماء الأفكار........واتقسمت أقسام كل ما تميل تخطر .........تتمايل الأجسام في دروب وصاله أشوف .....كم دمى ليها انسام كم من فؤاد انصاب........بنبله أو بحسام عزت على الإدراك ..... ضمنت معاني جسام جلت على التصوير..... صعبت على الرسام تلقى العباد تائهين .... مابين مسرح وهام من كان حياته غرور ....مملوءة بالأوهام أنا في شقاي ولهان .... ما واجد الإلهام أقضى الليالي حزين .... عاضض على الإبهام مهما يجينى خيال ........ما بكون لدى إلمام أرسل خيالي يغوص....يرجع لي ماهو تمام اصف المناظر صيد ..... واصف السباته تمام وارجع وأقول دا النيل....... الفيه وز وحمام عكر على هناى ..... واتعب فؤادي غرام شادن يميس ويتيه ....ما بين مها وأرام طرفك سقيم يا صغير ... لا تعوده الإجرام واعلم بان الموت ...... عمدا يعد حرام ما بنسى لحظا كان .....بينه وفؤادي صدام قــــطع الفؤاد نصفين ....وافاه من قدام أنا ما بخاف من شئ... . والقى الصعاب مادام معسول سناه رحيق .... وسهام عيونه مدام جاد الزمان بالخير .... وضاءت لنا الأيام زار العشم أرواحنا ....وهام معاها هيام قامت رجال الدين ..... بواجبها خير قيام قسمو السرور نصفين .... ما بين قصور وخيام نارت نفوسا كانت ....سابق غشاها ظلام وقرانك يا المحجوب .... حقق لها الأحلام دمت النعيم يغشاك .... مع السرور في سلام يدوم بهناك للناس .....وعزة الإسلام
Post: #3 Title: Re: طرفك سقيم يا صغير ... لا تعوده الإجرام ... Author: يحي قباني Date: 10-06-2015, 04:10 AM Parent: #2
مصطفى بطران ... و الحاج سرور ...
سجلت الأغنية سنة 37 في مصر بمزيكا القرب الأسكتلندية ..
و حسب توثيقنا بالمكتبة كان يعزف على القربة الموسيقار السر عبد الله ... _______________________________________________ حكى عمنا عتيق للصديق ود الموج عن بطران كثيراً ...
و اسبغ في رواية قصيدة يا شادي قول للبي زيل ... و انعش حياة جسمي الهزيل ...
لو جدعنا بي نظرة صديق ... نكون ممنونين ...
Post: #4 Title: Re: طرفك سقيم يا صغير ... لا تعوده الإجرام ... Author: يحي قباني Date: 10-06-2015, 01:04 PM
اما الفنان ( ذو اللحية ) فقد اداها هنا كما لم يغني من قبل ...
مزاج عالي ... و كعادته ... مخارج حروف كلمة كلمة ...
Post: #5 Title: Re: طرفك سقيم يا صغير ... لا تعوده الإجرام ... Author: معاوية الزبير Date: 10-06-2015, 06:53 PM Parent: #4
دا كلام شنو دا يا قباني، عشت لتمتعنا ياخ الواحد يفتش في القاموس ولّ يستمتع بالغنا؟ الرباطاب أيام أزمة السكر بقوا يشربوا الشاي كل جغمة وراها بلحة قالوا زي الفيلم المترجم ما تعرف تتابع الصورة ولّ الترجمة قديمة آآي لكن للتقريب بس
بطران بالجد والله في أوجب معانيها
Post: #6 Title: Re: طرفك سقيم يا صغير ... لا تعوده الإجرام ... Author: يحي قباني Date: 10-06-2015, 10:38 PM Parent: #5
Quote: دا كلام شنو دا يا قباني، عشت لتمتعنا ياخ الواحد يفتش في القاموس ولّ يستمتع بالغنا؟ الرباطاب أيام أزمة السكر بقوا يشربوا الشاي كل جغمة وراها بلحة قالوا زي الفيلم المترجم ما تعرف تتابع الصورة ولّ الترجمة قديمة آآي لكن للتقريب بس
بطران بالجد والله في أوجب معانيها
صاحبي السمح ود الزبير ...
و الله لو باريتني اشبعك غُنا لي جنا جناك ...
مولانا قال لي الغُنا ده حسابو صعب بعدين ...
قلت ليهو لو حشروني يوم القيامة مع ناس وردي و ام كلثوم و سرور و كرومة ... ما عندي مانع ... المشكلة وين ؟