بيها تترتب فوضى الإحساس و تدخل جوة الوجدان و تقعد تتلصص في فعل الوتر المشدود نوتة نوتة!
المهم و بعد يوم طويل مع المسؤوليات الجسام...قررت و بكامل قواي الموسيقية أني أألف موسيقى... أو بالأصح أجلب الموسيقى البتغني لي في راسي اليوم كُله على أرض الواقع!
و كانت النتيجة دي...
العمل ما إكتمل لكن عجبني ...آآي و الله عجبني شديد كونه هو باكورة إنتاجي الموسيقي ! الموسيقيون صبركم علي أنا مبتدئة :) ما يجيكم هارت أتاك! الآلات هنا Nylon Guitar و Strings مُحتاجة أدخل فيها آلات تانية لأنه اللحن الصحيح لسه ما ظبط معاي.
........ للأسف ما بعرف أعزف أوتار لكن كتر خير التكنولوجيا ما قصرت معاي.
أصلو ده إهتمام ضاع في غياهب أشياء أُخر بالرغم من إني حاولت تقنينه قبل كده لكن ما حصل!
و ده مدخل لي هواياتكم أو مواهبكم الضائعة حتعملوا معاها شنو... تنسوها و تقولوا زمنّا فات و غناينا مات ولا تتوكلوا و تنفضوا منها الغبار و تعيشوها... أصلو العمر مرة واحدة! غايتو أنا كان الله مد في الآجال آي هواية ولا موهبة حاسة بيها حتنسرب مني عشان المشغوليات حأثبتها و أصاحبها عشان تبسطني!
نسمع منكم :)
Post: #2 Title: Re: الهوايات و المواهب الضائعة... Author: معاوية الزبير Date: 10-05-2015, 10:19 AM Parent: #1
Post: #3 Title: Re: الهوايات و المواهب الضائعة... Author: فردوس جامع Date: 10-07-2015, 04:37 AM Parent: #2
و الله نور عيني نور الزمن
كتر خيرك رمقت البوست ده بعين الرأفة الناس دي ما عندها إهتمامات عاوزة تنفخ فيها الصُّورْ :) عشان تتطاير!!! صفقة ساي ما ساعدونا بيها للموسيقى دي ( الصفقة المقصودة هنا بتاعة الفنانات في الحفلات البتجي بعدها , الما بتصفق إن شاء الله ما يعرسوها )
تمخض حسي الفني و باللحن أعلاه شهدت مدينتنا اليوم ميلاد أغنية جديدة تعتبر باكورة إنتاجي الفني (لحناً و كلمات) العمل مشترك مع الفنانة القديرة أميمة (نورث كارولينا) , الإسم ده لسه ما إستشرتها فيه لكن هي أميمة عقد الجلاد سابقاً ... أها حأنزله قريباً هنا بالعنوان ده
"باكورة إنتاجي الفني" ... إهداء لمعاوية الزبير
فترقبوه!
و ستكون هنالك جلسة إستماع للعمل بمنتدى الثقافة و الآداب بنورث كارولينا إن شاء الله ......... عاجباني باكورة دي و شكلها تعبت معاي الليلة دايرة أسعى لي باكورات و كده
Post: #4 Title: Re: الهوايات و المواهب الضائعة... Author: فردوس جامع Date: 10-07-2015, 05:00 AM Parent: #3
نداء
أيقونات تريد حلاً مطلوب وش أصفر او أخضر مُبتسم إبتسامة عادية ... القهقهه أعلاه قُصِد بها إبتسامات عادية لكن بقهقه للعدم الأخضر ده شرير كده و ما عاجبني
Post: #5 Title: Re: الهوايات و المواهب الضائعة... Author: فردوس جامع Date: 10-07-2015, 05:11 AM Parent: #4
في واحد من الشباب الظهروا في نجوم الغد و إختفى بيغني أقيس محاسنك بتطريب عالي بس بقت ماسكاني فوبيا من طلحة أجيب فنان شاب يفتح ليه بوست و يمشي يصاحبهم في الفيسبوك عشان يشاكلهم أها قلت أخير الفنان ده و كونه العمل ده عمل فني إستعراضي جميل. و منها طلحة ما حيعرف إسمه و لا لغته عشان يشاكلو
Post: #6 Title: Re: الهوايات و المواهب الضائعة... Author: محمد البشرى الخضر Date: 10-07-2015, 05:12 AM Parent: #4
الموسيقى ما بالحيل عليها, لكن خبير في شؤون الوجوه الضاحكة و العابسة, الشريرة و الغير :)
Post: #7 Title: Re: الهوايات و المواهب الضائعة... Author: اسامه العريفي Date: 10-07-2015, 05:37 AM Parent: #6
اسعد الله ايامك
Quote: عاجباني باكورة دي و شكلها تعبت معاي الليلة دايرة أسعى لي باكورات و كده
بس اعملي حسابك من "بكري" قصدي بكري المدينة
Post: #8 Title: Re: الهوايات و المواهب الضائعة... Author: فردوس جامع Date: 10-08-2015, 03:07 AM Parent: #7
ايواااا تلك يا محمد البشرى إلا ياها زاااتا , البسمة زاتا يا حلااااتا نتقاسم الأفراح معاها حبيبتي زاااتا
أو كما تغنى الهادي الجبل في المدينة
كِدْتُ أن أكتب بوست بخصوص الأيقونات دي زمااان كنت بضحك كتييير بي شغلة و من غير شغلة حتى ظننت انه قلبي ميت ولا هواية ما عارفة (تخيل زول تكون هوايته الضحك - مطلوب وش عيونو مُنططة) وكُنت مُحيرة أبوي الله يبلغه العافية و معروفة بي إني مرات بقعد للضحكة في الواطة عشان أضحكها بي مزاااج حسي باقي لي فترت ... ضحك الكيبورد زاتو بقى مُتعب بس الله يخلي الإبتسامة عنوان لي حياتنا عشان كده لو بكري زاد إبتسامتك دي على الوشوش العابسة و ضاحكة و شريرة دي يكون ما قصر معانا تَبْ بعدين الأيقونات عاوزة ليها شوية ترتيب و تكون مية مية
تشكراتي و ما عدمناك خبيراً في شؤون الوجوه الضاحكة و العابسة, الشريرة و الغير
Post: #9 Title: Re: الهوايات و المواهب الضائعة... Author: علي عبدالوهاب عثمان Date: 10-08-2015, 10:30 AM Parent: #8
التحية للاستاذة .. صوت الفنان الاثيوبي رائع ..
المسرح والاضاءة والاخراج والزي وتحرك الفنان والموسيقي أداء في غاية الاناقة . وكأني لأول مرة أسمع هذه الاغنية .. الاغاني يتم تسجيلها في قنواتنا إما في حديقة منزل أو مؤسسة وكلها بطرق بدائية .. ولا يمكن لأي تلفزيون غير قنواتنا عرض نموذج للفن السوداني ما عدا الفرق الشعبية المرتبطة بالطبيعة حتى داخل الاستديو تجد أحياناً الذباب يتطاير ما بين المذيع والضيوف وتكون ظاهرة جداً على الملابس البيضاء ( العمة).. عدم تحري الذوق والدقة في اللبس .. لا بد أن يكون في أي مكان للتسجيل شخص لديه ذوق في اللبس للمعاينة قبل ظهور الفنانين أو الضيوف من خلال الكاميرا .. تناسق البدلة وخاصة النتاغم ما بين القميص والبنطلون وجاكيت وربطة العنق .. أكثر ما ألاحظه لدى الفنانين الشباب .. أستخدام كرفتات (ربطات العنق) الخاصة بمهرجي السيرك .. هي تكون لامعة جداً وألوان صارخة .. ومثبت بها بعض الحلقات المعدنية .. مع بدلة لامعة اللون .. هذه الملابس تلبس للتهريج وللمواقف الكوميدية الساخرة .. أو لبرامج الأطفال .. والفنانات عبارة فترينة من الاكسسوارات المعدنية وبلاستيكية على طول إمتداد الرقبة واليدين والحناء عبارة زخارف سراميك..
عفواً للاستاذة فردوس لجنوح البوست ..
ولكن نموذج تقديم الغناء بهذه الصورة فيها الروعة .. حتى لو تم سحب الراقصات .. طريقة تحرك المطرب والموسيقى والمؤثرات الصوتية ..
(زمااان كنت بضحك كتييير بي شغلة و من غير شغلة حتى ظننت انه قلبي ميت ولا هواية ما عارفة (تخيل زول تكون هوايته الضحك - مطلوب وش عيونو مُنططة) وكُنت مُحيرة أبوي الله يبلغه العافية)
انت يالابيض ضميرك صافي زي قلب الرضيع في كلامك في ابتسامك احلي من من زهر الربيع ...
تحياتي يااستاذة فردوس
من المعروف انو الزول دائم الابتسامة والضحكات قلبو ابيض...
!
