الزول ده خسرناهو من زماااان .. من زمن ما طلبنا غنوة لى الاستاذ بلاص هسة نطلب غنوة we can make the sun shine we can stop the rain اظنها لى جيمس لاست كان الذاكرة ما خانتنى دايما الاذاعة لما تقدما بكون باكل فى ملاح ورق بالكسرة سبحان الله
يا صاحب البوني ام الكار ووش وتينا شارليس ديميس روسز واغنية هي او هو مبالغة ذلك زمان بوب مارلي اند ز ويلايرس اغنية he حافظها في الموبايل كدي اديني رابط لفرقة car wash اذا في عندهم مقاطع موسيقية رايعة وكان بستعينو بيها ناس اذاعة ام درمان خاصة مقطوعتين حسب ذاكرتي sun set sun rise
Post: #14 Title: Re: أجمل أغاني غربية عاشها ريادين جيلنا العظي Author: محمد على طه الملك Date: 10-06-2015, 09:59 PM Parent: #13
Quote: و فيكم الغتى قدحو و انحرم من الحبيبة
يعني لازم تشاغل؟ كان عندي بك اب أخدتو من طالب قبطي ؤ معاهو عدد من الاسطوانات .. رجعت فرحان شغلت البك اب وختيت اسطوانة .. شويتين كدا قلت ديل شنو بي زعل.. ختيت التانية برضوا دي شنو دي .. الثالتة والرابعة قمت خميتم جدعتهم في شنطة .. أها يوم قاعد معاي ود خالتي مولود ومتربي في الخرتوم .. شاف البك أب وسألني ماعنك اسطوانات .. قت ليهو مجدوعات في الشنطة ديك .. مشى فتح الشنطة ومع كل اسطوانة يقراها يصرخ فرحان .. ديانا روس ياسلالالالام .. بي جيز يا الللللله .. بوني ام يااااااه .. وأنا فاتح خشمي محتار أكتر من حيرة أبوبكر في الكافتيريا لما جات قمر قعدت معا.. مازول أقاليم لسه الكواريك دي ما وقعت ليهو .. المهم قال لي ياخي ديل نجوم العالم .. خجلت طبعا أي والله .. من ديك باريتم ليك قصاص اتر عشان ارفع أميتي الريفية .. لامن لقيت روحي لصقت كربون .. متعة والله .
