في احتفال صغير بمدينة رالي بنورث كارولاينا تم تسليمي الجنسية الامريكية بعد مراسيم اداء القسم باحترام الدستور الامريكي، وجاني بعد كم يوم خطاب ترحيب موقع من الرئيس الأمريكي باراك أوباما.
عليه، سوف أسافر في الكريسماس القادم لجمهورية السودان لتصفية أملاكي، ولتسليم جوازي السابق للسيد وزير الداخلية وشكره على الفترة التي قضيناها سويا.
Post: #2 Title: Re: باركو لي أخدت الجواز الأمريكي Author: Muhib Date: 10-04-2015, 07:05 PM Parent: #1
مبروك يا بكور ..وممكن تحتفظ بجوازك السوداني لان القانون الامريكي بيسمح بي اذدواج الجنسيه .. انصحك بالتسجيل للانتخابات القادمه ..
Post: #3 Title: Re: باركوا لي أخدت الجواز الأمريكي Author: محمد البشرى الخضر Date: 10-04-2015, 07:08 PM Parent: #1
الف مبروك عقبال تدخل الكونجرس كمان :)
لكن معقول الفصاحة و الإستنارة و الصديق الشرعي و القيامة الرابطة دي كلها كانت بالجواز الأخدر !!
هاردلك بالمناسبة رشة مازمبي خخخخخخخ
Post: #4 Title: Re: باركوا لي أخدت الجواز الأمريكي Author: محمد على طه الملك Date: 10-04-2015, 07:10 PM Parent: #1
وأنا من ص اقلب صفحات المنبر واقول الزول دا غاتس وين! يتربا في عزك.
Post: #5 Title: Re: باركوا لي أخدت الجواز الأمريكي Author: muntasir Date: 10-04-2015, 07:28 PM Parent: #4
بالله انا تاعب نفسي معاك لي كم شهر وانت مجرد قرينابي يادوب طلعت من الملة وغلطان صاحبك الشبح بتاع الدوحة ما ملكني معلوماتك كاملة وكمان داير تشوف صورة
Post: #6 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 07:39 PM Parent: #5
شكرا يا محب، على المباكا، سوف اسجل للانتخابات، لكن ما بقدر احتفظ بالجواز السوداني، لانو الاحتفاظ به يجب ان يكون بما لا يتعارض مع الدستور الامريكي وحماية المصالح الامريكية
Post: #7 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 07:48 PM Parent: #6
ابدا يا ود البشرى ما بشجع المريخ، فقط بكره الهلال اكتر كتير من المريخ من زمن طويل ما حضرت كورة، أمس حضرت الشرط الأول لكورة الهلال، يا أخي، ما كنت قايل التكتيك تطور للدرجة دي! شوط كامل فريق مدافع ويستطيع يمنع الهلال لمجرد الوصول لمرماه، العملوهو الجزائريين دا شغل عجيب!
Post: #9 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 07:54 PM Parent: #7
كتدريب يا ملك، على احترام الدستور واحقاق الحقوق، قمت بالتنازل شفاهة عن نصيبي من بيتنا بمدني لصالح اولاد اختي " الفطيسة" المتوفية قبل أبي فقط للتدريب وكدا
Post: #8 Title: Re: باركوا لي أخدت الجواز الأمريكي Author: مامون المعتصم أحمد Date: 10-04-2015, 07:52 PM Parent: #6
إنا لله و إنا إليه راجعون
Post: #11 Title: Re: باركوا لي أخدت الجواز الأمريكي Author: أيمن نواى على Date: 10-04-2015, 08:00 PM Parent: #8
الف مبروك الجواز امشى الصوشل سكيرتى ....وشيل معاك الجنسية...عشان يتغير فى السيستم مواطن امريكى....وتحتفظ بى حقوقك كمواطن امريكى.
Post: #10 Title: Re: باركوا لي أخدت الجواز الأمريكي Author: مني عمسيب Date: 10-04-2015, 07:57 PM Parent: #6
حبيبنا ابكرونا ... لك التحية الخاااصة .
وترليووووووووون مبرووووووك ...
Quote: سوف أسافر في الكريسماس القادم لجمهورية السودان لتصفية أملاكي، ولتسليم جوازي السابق للسيد وزير الداخلية وشكره على الفترة التي قضيناها سويا.
لو سمحتا سلمو ليه لكن شكر دي مافي ليها ايييييييييي داعي . وعندي احساس هو الحايعتذر ليك هههههههههههه .
والتحية للجميع ..
يا ابكرونا لو سمحت سؤال : لما رسلو ليك جواب الاستلام مكتوب فيه ممكن تغيير في اسمك ولا اي اسم تاني ؟ حقيقة دي لفته بارعة منهم في امكانية التغيير دي .
واكرر وافر التهاني .
Post: #12 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 08:14 PM Parent: #10
يا منتصر، في شبحين من الفيسبوك قاعدين يرشوني رش شديد، واحد اسمو صالح عادل صالح و نبيل علي، باقي لي صالح دا عرفت شخصيتو الحقيقية، قبل الجواز ما كنت بقدر امشي اشتكيهم محل اقامتم، لانو كان عادي ممكن المسألة تنقلب علي وممكن يتهموني بالردة، وما بحتاروا في دليل، لكن بعد الجواز بمشي ليهم في عشهم وبشتكيهم على الاهانة الشخصية ولا يستطيعون اتهامي بالردة ولا الملّة!! امال ايه؟! أمريكان في كل مكان امريكان مالين الدنيا يا ست الدار
Post: #13 Title: Re: باركوا لي أخدت الجواز الأمريكي Author: علي دفع الله Date: 10-04-2015, 08:19 PM Parent: #10
الامريكان ديل اولاد لذينا ... عرفوك مستنير عشان كدة جنسوك... انا من ناحيتي ما عارف ابارك ليك ولا اتحسر على حالنا ... لكن لو انت مبسوط الف مبروك... ولو انت ما عندك خيار تاني ومجبر على الجنسية الامريكية فجنسيتك لما تجنست اليه ... برضو مبروك..
Post: #14 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 08:37 PM Parent: #13
يباركوا ليك الخير يا منى، لازم أشكر السيد وزير الداخلية، نحن برضو العشرة ما بتهونش علينا، صحي عذبونا بالضرائب وحرية الحركة، تصدقي بدفع بدل تجنيد لحدي ما وصلت سبعة واربعين سنة، بعدين الوزير خجل، قال ديل خلاص وصلوا سن لواء معاش، شينة شينة... لكن المهم بشكرو وح اخصص مبلغ خمسمية دولار سنوية لكل مدرسة درست فيها بالاضافة للجامعة لحدي ما سيد الأمانة يشيل امانتو. مشكلتي الحالية في كيفية تحويل المبلغ مع المقاطعة دي!! برسل للنائب حقنا هنا وبشرح ليهو يشوف لي مخرج للايفاء بهذا القرض. كل شيء بدربو يا منى
Post: #15 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 08:41 PM Parent: #14
يا نواي، قمنا باللازم، وحاليا نحنا كلنا اسرة امريكية مهاجرة، احتفلنا قبل ايام بعيد الاضحى، والليلة اشترينا الاشباح وقرعة البلاستيك البرتقالية للاطفال، لتجميع الكانديس من الجيران للاحتفال بالهلاوين. مهاجرين انترناشونال!!
Post: #16 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 08:58 PM Parent: #15
Quote: إنا لله و إنا إليه راجعون
ًواحد من اصحابنا لقى ليهو واحد جنب البركس يا مامون وقال ليهو: جيب سفة يا ماخ الزول طلع من الافارقة البدرسو العربي بالمركز الافريقي، رد ليهو: أني لا أفهمك يا أخي؟ صاحبنا دردم يدو في التانية درديم سفّة وقال ليهو: هل لديك خبزٌ يا أخي؟
Post: #18 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 09:06 PM Parent: #16
شكرا يا علي على المباركا، الاستنارة ح تستمر وما ح استقيل من موقع سودانيز اون لاين، لأنو موقع امريكي اسسو بكري ودينق بفرجينيا، ويهتم بالحياة الفلكلورية السودانية الحالية
Post: #17 Title: Re: باركوا لي أخدت الجواز الأمريكي Author: عمر دهب Date: 10-04-2015, 09:04 PM Parent: #15
والله رغم انو زعلان منك لانو انتى واحد حقار مابترد الا على شلتك لكن برضوا مبروك وربنا يديك خيره واعتقد انو مافيها شر
Post: #20 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 09:10 PM Parent: #17
ابدا يا عمر، برد على المداخلات بتاعت ناس منتصر الرجرجة البتحتاج تنوير، لكن الزيك دا مداخلاتو باقة نور وتشع دهب يردوا عليها يبقوها شنو؟!
Post: #19 Title: Re: باركوا لي أخدت الجواز الأمريكي Author: Abureesh Date: 10-04-2015, 09:08 PM Parent: #15
الإمبريالى أبوبكرعباس
Hi
لا تتنازل عن جنسيتك السودانية.. أمريكا والسودان الإتنين يسمحوا بإزدواجية الجنسية.. وكون ولاؤك الان لأمريكا لا يعنى عدم العمل من اجل وطنك الأصلى. بعدين انت متجنس.. يعنى لسـه في الكفر، ما زى اطفالك اليانكى.. ولو حصلت اى حاجة لا قدر الله الموضوع ممكن يختلف. العالم صار مؤامرات وبلاك ميلنق.
Post: #21 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 09:22 PM Parent: #19
أبدا يا أبو الريش، المسألة ما عندها علاقة بالعمل من أجل الوطن القديم بما لا يتعارض مع قسمي. بتنازل من الجواز، وبستمر في العمل من أجل تطوير الحياة الفلكلورية السودانية
Post: #22 Title: Re: باركوا لي أخدت الجواز الأمريكي Author: محمد على طه الملك Date: 10-04-2015, 09:42 PM Parent: #21
Quote: على احترام الدستور واحقاق الحقوق، قمت بالتنازل شفاهة عن نصيبي من بيتنا بمدني لصالح اولاد اختي " الفطيسة" المتوفية قبل أبي
ههههه الكلام دا مالو جاني ذي التكنك من دربك ماشي مكتب صاحبك ود الخليفة .. تخت الجنسية ومعاها التنازل لاختك قدامو وإتا بتقولو شفت الرجالا كيف؟ أخير ليك اتصلح مع حبيبنا دا .. إتا طفس ولازما يوم بتنهنضب زيما تنبأ ود البشرى .. ؤ ما بتلقى زول مروة ؤ فهم يمرقك غيرو .. أنا كلمتك .. : المحبة والاحترام في محلهن يا ود الخليفة .
Post: #23 Title: Re: باركوا لي أخدت الجواز الأمريكي Author: سيف اليزل سعد عمر Date: 10-04-2015, 10:06 PM Parent: #22
مبرووك يا أبوبكر. .
احكي لينا بعدين عن تجربة تسليم الجواز السودانى..
Post: #25 Title: Re: باركوا لي أخدت الجواز الأمريكي Author: أبوبكر عباس Date: 10-04-2015, 11:35 PM Parent: #23
Quote: Sanaa Alsabag كدا يا بكور انت ونيكول كيدمان بقيتوا في سرج وااحد ،اي حاملين نفس الجنسية شوف الدنيا دي وتصاريفها، لكن بمناسبة الامركة دي حقه ترجع لي قروشي الدخلت بيها السينما زمان لما شكرت لي فيلم نيكول الاسمه الساعة والفيلم طلع ماسورة وانت اتاريك مكسر في نيكول في عضمها وانا المسكينة صدقت ودخلت الفيلم خسرت قروشي ودخلت اولادي فيلم اطفال في القاعة التانية. المهم القروش دي عاوزاها بالدولار وبا ارباحها منذ 2 دقيقتين
أهلا بحبيبتنا سناء الصباغ يا سناء فيلم hours في الزمن داك وبع كلامي أخد عدة أوسكارات، المشكلة الزمن داك كنتي جاية من حواريي ام درمان ما بقع ليك، كدي شوفي الفلم بعد قعاد لندن
Post: #24 Title: Re: باركوا لي أخدت الجواز الأمريكي Author: محمد حيدر المشرف Date: 10-04-2015, 10:34 PM Parent: #1
يا اجنبي ....
Post: #26 Title: Re: باركوا لي أخدت الجواز الأمريكي Author: يحي قباني Date: 10-04-2015, 11:37 PM Parent: #24
يا سلاممم ... و فرحان أوي ... _________________________ تلفونك يا مستنير خلينا نشوف اخبارك ...
او اتصل على 4168331414
( ضيعت تلفونك من المرة الفاتت ... خطأ لا يغتفر في حق كاتب كبير )
مبروك لأمريكا ...
Post: #27 Title: Re: باركوا لي أخدت الجواز الأمريكي Author: بريمة محمد Date: 10-05-2015, 00:28 AM Parent: #26
ألف مبروك يا ول أبا أبوبكر .. نحن أصلاً أحفاد شعب ماهجر .. فقد هاجر أجدادنا إلي بلاد السودان من أجل رسالة سامية .. وها نحن نهاجر أيضاً .. ولكن فى ظرف مختلف وزمن مختلف.
وتذكر "ليس كل من يأتى به المهاجر بقجعة أغراض بالية .. إن العالم إينشتاين كان مهاجراً". رسالتنا السامية تتواصل فى أي بقعة كنا فيها.
والله والموفق ..
بريمة
Post: #28 Title: Re: باركوا لي أخدت الجواز الأمريكي Author: Mohamed Yassin Khalifa Date: 10-05-2015, 00:51 AM Parent: #26
أخيراً يا بكور بقيت أمريكي...؟
مبروكـ.. وعقبال ما تبقى يانكي أسوداني...
والتنازل عن الجنسية السودانية غير مطلوب منك إلا في حالة واحدة... وهي إنك تشتغل في وظيفة حساسة بالدولة عشان ما يحصل تضارب!
وطبعاً إتا حر لو عاوز تتنازل لو كانت دي رغبتك أو كنتا عاوز تبعث برسالة!
وصية أبوالريش ليك مهمة.. وأظنك ما فهمتها كويس. هو قال ليك أعمل حساب لأنك لسع مكتوب بقلم الرصاص.. والقانون بيتيح سحب الجنسية دي منك لو خالفت قانون الأمن الوطني في جرايم كبيرة ومتعلقة بالإرهاب أو الولاء لوحدة الإتحاد.
غير كده.. أنت مواطن أمريكي من الدرجة الأولى... لأنو ما عندهم درجة تانية!
أصل مفهوم منح الجنسية هو أنك تكون Person with good moral character ومؤكد إنك أثبت لوزارة العدل ذلك خلال الفترة العشتها بأمريكا بعد حصولك الإقامة!
أما وصيتي ليك بسيطة.. وهي أوعك تصور شهادة الجنسية. وهل بتصدق إنو عمل نسخة كربونية من الوريقة دي فيهو مخالفة قانونية.. وناسنا من الفرحة والخوف من إنها تضيع يقوم يعمل منها كوبي بدون معرفة. الحكومة الفيدرالية هي الجهة الوحيدة الممكن تعمل منها نسخة لو عاوزينك تشتغل معاهم. بس ممكن توريها لوطلبت منك!
الإلتزام بالقسم والدستور الأمريكي ساهل ومهم في نفس الوكت.. ومحتاج إستنارة!
مبروك مرة تانية ليك وللأسرة الكريمة.
----------------------- وتسلم يا ملك.. بس تصدق إنو ما عندي مكتب في البلد دي؟ ياخي أنا في الشارع طول الوكت.... وليبقى الود بينا كامل بإذن الكريم!
Post: #29 Title: Re: باركوا لي أخدت الجواز الأمريكي Author: ABDALLAH ABDALLAH Date: 10-05-2015, 01:41 AM Parent: #28
Quote: أبوبكر عباس-الإمارات مكتبتى فى سودانيزاونلاين
في احتفال صغير بمدينة رالي بنورث كارولاينا تم تسليمي الجنسية الامريكية بعد مراسيم اداء القسم باحترام الدستور الامريكي، وجاني بعد كم يوم خطاب ترحيب موقع من الرئيس الأمريكي باراك أوباما.
ألف مبروك الأخ أبوبكر عباس الجنسيه الأمريكيه . أهم شئ التسجيل للإنتخابات فى أقرب مكتب DMV وفى أقرب مكتب بوسته التقديم للباسبورت . التسجيل للإنتخابات مهم وطبعاً أنت عارف ولاية كارولاينا الشماليه ولايه جمهوريه والجمهوريين مركزين عليها شديد فى إنتخابات 2016 .
Post: #30 Title: Re: باركوا لي أخدت الجواز الأمريكي Author: Sudany Agouz Date: 10-05-2015, 02:24 AM Parent: #29
الأخ الحبيب أبو بكر عباس ألف مبروك .. أخدت الكاس شفت .. جنى الثمار بعد حفر الفاس يارب بركات .. مع الفضة والدهب والماس وكمان .. زيادة فى المعلومات .. مع كتابات فى الكراس .. كتابات .. فى الكراس .. وحفظ فى الراس ..
.. الف .. ألف مبروك .. وباذن الله .. نكون على اتصال .. الرب يبارك حياتكم .. أخوكم وعمكم العجوز .. ارنست +++
Post: #31 Title: Re: باركوا لي أخدت الجواز الأمريكي Author: أبوبكر عباس Date: 10-05-2015, 02:39 AM Parent: #30
أصلا يا سناء أنا مكسر في الامريكيات المهاجرات ناس نيكول وثيرون وأخيرا انجليزية خدرا ما سودا اسمها Gugu Mbatha-Raw قريبا بتشيل ليها أوسكار
Post: #32 Title: Re: باركوا لي أخدت الجواز الأمريكي Author: Mohamed Yassin Khalifa Date: 10-05-2015, 02:48 AM Parent: #30
Quote: التسجيل للإنتخابات مهم وطبعاً أنت عارف ولاية كارولاينا الشماليه ولايه جمهوريه والجمهوريين مركزين عليها شديد فى إنتخابات 2016 .
أها بدينا يا مولانا...؟
يا دكتور خم وصر... بقيت صوت معتمد وعليك الأنظار!
رآيي خليك من الجمهوريين والديمقراط ديل.. إتا زول مستنير وتعال لينا في حزب "البهجة" أو أمشي لجماعة رالف نادر بتاع الخدر!
طبعاً في أمريكا ممكن تسأل أي راجل أو إمرأة عن عمره أو عمرها كم؟ بس إياك تسألهم رشحتوا منو في الإنتخابات.. بيدوك عين بتحرقكـ..
وصدقني.. صوتك ليهو قيمة في البلد دي!
Post: #33 Title: Re: باركوا لي أخدت الجواز الأمريكي Author: محمد المسلمي Date: 10-05-2015, 03:23 AM Parent: #32
ابوبكر عباس كل عام وانت بخير مبرووك الجواز الامريكي وربنا يحفظك
--------- مرقت من خريطة الدولة الاسلامية (:
Post: #34 Title: Re: باركوا لي أخدت الجواز الأمريكي Author: Muhib Date: 10-05-2015, 03:26 AM Parent: #32
Quote: أما وصيتي ليك بسيطة.. وهي أوعك تصور شهادة الجنسية. وهل بتصدق إنو عمل نسخة كربونية من الوريقة دي فيهو مخالفة قانونية
الاخ المحامي .. Mohamed Yassin Khalifa
قبل فترة بحثت في هذا الامر ووجدت انه من الممكن عمل صوره نسخه كربونيه من الشهاده الاصل وفي هذا الامر ليس مخالفه للقانون .. ..
في الحقيقه هنالك تشجيه لعمل صوره في البدايه .. الشئ الممنوع هو محاوله التزيف .. هل جد جديد ؟ .. هنا بعض المعلومات التي وجدتها ..
We recommend that you make at least one backup copy of your Certificate of Naturalization and store it in a secure and different place than your original.
The bottom left hand corner of your Certificate of Naturalization reads, "IT IS PUNISHABLE BY U.S. LAW TO COPY, PRINT, OR PHOTOGRAPH THIS CERTIFICATE, WITHOUT LAWFUL AUTHORITY." You have lawful authority to make backup copies of your certificate in case it is lost, damaged, or stolen. For example, should you lose your original Certificate of Naturalization, the U.S. Citizenship and Immigration Services (USCIS or CIS) will ask you to attach a copy of your certificate when you apply for a new one. The CIS will also ask for a copy of your Certificate of Naturalization if you petition to bring other family members into the US, so make at least two copies.
Unlawful copying of a Certificate of Naturalization includes such things as copying for the purposes of falsifying or altering the photograph, falsifying information on the certificate, copying so others may use the certificate, and copying for the proposes of counterfeiting or other criminal activity.
Post: #35 Title: Re: باركوا لي أخدت الجواز الأمريكي Author: muntasir Date: 10-05-2015, 03:48 AM Parent: #34
خليك من نصائح الجماعة ديل واخد النجيضة مني عشان النقاطة وكده امريكا ما فيها بل ومطايا أقع كدايس وكلاب وان نويت ترجع الخليج بالجواز الأمريكي عندي ليك وصيتين ظبط الشنب وأعمل ليهم أصلي سوداني بس مولود في أمريكا وعربي ما في معلوم شوي شوي والتانية ما في عليك منها خوف وهي صلاةًالجماعة عشان الراتب وكده ما تقعد تعمل ليهم فيها غترة وشماغ بقصوا راتبك النص
Post: #36 Title: Re: باركوا لي أخدت الجواز الأمريكي Author: يحي قباني Date: 10-05-2015, 03:52 AM Parent: #34
Quote: في الحقيقه هنالك تشجيع لعمل صوره في البدايه .. الشئ الممنوع هو محاوله التزيف .. هل جد جديد ؟
مُحب يا زول يا سمح ...
اخوك قباني ( او عمك ) ما بعرف عنده حالة احتاروا فيها الأطباء ...
لما اسمع جملة او اقرا كلمة ... بتقوم تذكرني واقعة حصلت زمان و بصراحة بتحبك معاي و لازم اقولها ...
لانو لو ما قلتها حسي ... الا تحصل حاجة مشابهة عشان اتذكرها ...
تقدر تقول تصلب شرايين مشوب بالعُجُز كده ...
اها كلمتك حقة ( هل جد جديد ) ذكرتني زمان أيام شرايط الفيديو طلعت و ملت الدنيا في السبعينات ...
جا واحد صاحب صاحبنا من الخارج و كان قندف شوية كده ...
جاي فرجان و قال لازم الشباب كلهم يتجمعوا عنده لأنو جايب معاهو شريط فيديو آآآآآآآآخر حاجة طلعت في أفلام السكس !!!!
قام واحد صاحبنا كان متكي كده على طرف عنقريب ... رفع راسه و قال ليهو ... آخر حاجة كيف يعني ... في شي ( جد جديد ) في الموضوع ده ؟ ___________________________________________________________________________________________ تحياتي يا زول يا جميل .... و سامحنا ... حبكت بس ... :)
Post: #37 Title: Re: باركوا لي أخدت الجواز الأمريكي Author: saidahmed shami Date: 10-05-2015, 04:26 AM Parent: #36
مبروك عجبنا وسر بالنا
فقد كبير للجالية والانشطة السودانية بالامارات
Post: #38 Title: Re: باركوا لي أخدت الجواز الأمريكي Author: محمد البشرى الخضر Date: 10-05-2015, 05:05 AM Parent: #37
أها ان شا الله حضرت الشوط التاني من كورة مازمبي و الوصيف و شفت التكتيك اتطوّر كيف خخخخخخخخ
بالمناسبة نسيت اسألك أديت القسم على ياتو كتاب :)
Post: #39 Title: Re: باركوا لي أخدت الجواز الأمريكي Author: معاوية الزبير Date: 10-05-2015, 05:26 AM Parent: #38
Quote: في احتفال صغير
يا للتواضع. بعد الجري دا كلو! دافننو سوا يا عمك ياخ مفروض تغرّق حلتكم دي شمبانيا وتسقي ألبل زاتا
Post: #40 Title: Re: باركوا لي أخدت الجواز الأمريكي Author: Mohamed Yassin Khalifa Date: 10-05-2015, 06:10 AM Parent: #39
الحبيب محب.. تحياتي
يا سيدي أنا والله ما محامي.. وعلاقتي بالقانون هي دراسة القانون الدولي العام ودراسة الوساطة القانونية وممارستها مرة مرة.. وممارسة الترجمة القانونية زمان داخل المحاكم وأقسام الشرطة والنيابة ومكاتب المحامات وبعض المصالح الحكومية. يعني تقدر تقول أخوك علم نفسوا شوية شوية.. وأهو الرزق في بلدنا دي تلاقيط في سوق الترجمة. وبالمناسبة القانون الأمريكي معقد لدرجة شديدة ومحتاج زول محترف ومفرغ وبيمنع الفتاوي القانونية خارج المحاكم!
أما بخصوص معلومة تصوير شهادة الجنسية،، فالنص المكتوب في الجنسية نفسها يمنع تصويرها ويوضح عقوبة إجراء نسخة كربونية لهذة الشهادة. وطبعاً النت مليان بالمعلومات الخطأ... والتي تأتي من مصادر غير حكومية أو بلا توثيق رسمي!
تصوير الشهادة دي ممنوع بالمرة.. ومرة طُلب مني تصوير شهادة الجنسية لزول لمصلحة حكومية مسموح ليها أخذ صورة من الشهادة دي رفضتا لغاية ما قريت القانون البيعطي المصلحة دي الحق في تصوير شهادة الزول داك وبموافقة تامة منو. والكل يا سيدي بيقول المنع ده منع للتزوير... ولكني بظن إنو هناك أسباب أخرى... نجهلها!!
مع خالص مودتي،،،
Post: #41 Title: Re: باركوا لي أخدت الجواز الأمريكي Author: علاء الدين صلاح محمد Date: 10-05-2015, 06:39 AM Parent: #40
مبروك يا دكتور لكن ليه راجع السودان انت زول (كافر) والبلد مليانة (مجاهدين ) شي دواعش شي صحوة اخوان وغيرهم من المجادهين والحكومة حكومة (مجاهدين) اميركا روسيا قد دنا عذابها من 1989م ولا لدنيا قد عملوا من 29 يونيو 89 وكانو بيغبرو ارجلهم ساعة في سبيل الله الان شوت تو كل سيف يقطع من الوريد للوريد يا كافر على اصوات التهليل والتكبير (ذكر فن الذكر تنفع الملحدين) اوصيك يا ابني خليك في بلدك وتحت حماية حكومتك حدك دبي الشيوخ الله يخليهم لك ولنا ويطول عمرهم والا يجاهدو فيك وتكون جسر سكران جنة للفردوس انت ما حذروك هنا قبل يومين نسيت
تحياتي مع صادق الاماني لك بالصحة والسعادة مبروك مجددا
Post: #42 Title: Re: باركوا لي أخدت الجواز الأمريكي Author: حماد الطاهر عبدالله Date: 10-05-2015, 08:36 AM Parent: #41
أبوبكر محمّد أحمد عباس- الأمريكي
Quote: في احتفال صغير بمدينة رالي بنورث كارولاينا تم تسليمي الجنسية الامريكية بعد مراسيم اداء القسم باحترام الدستور الامريكي، وجاني بعد كم يوم خطاب ترحيب موقع من الرئيس الأمريكي باراك أوباما.
مبروك. لم يتوقف القراء عدا مامون المعتصم أحمد وبتعليقه (إنا لله و إنا إليه راجعون).علي قولك:
Quote: لصالح اولاد اختي " الفطيسة" المتوفية قبل أبي
ما هكذا نصف أمواتنا بالسودان، بل نترحم عليهم اللهم أغفر لموتانا وموتى المسلمين، وما أظن من متطلبات تثبيت حصولك على الجواز الأمريكي أن تورد ذلك فلفظتك إن لم تكن إساءة لك أو لأختك فهي إساءة لمليارات المسلمين الذين لا يعتقدون بأن الناس يموتون (فطايس). وإنما (الفطايس ) هي البهايم التى تموت بلا تزكية أو ذبح شرعي أيها الطبيب البيطري......
Post: #46 Title: Re: باركوا لي أخدت الجواز الأمريكي Author: عبدالله ود البوش Date: 10-05-2015, 10:17 AM Parent: #42
Quote: لصالح اولاد اختي " الفطيسة" المتوفية قبل أبي
حبيبنا حماد بعد السلام والمعايدة عايز أوضح ليك قصد الحبيب بكور بالإنابة لانو أصلا الجملة دي عجبتني وغيرت راي في بكور كنت قايلو حنكوش لكن طلع بلدي خالص هههههههههههه عندنا في الجزيرة الزول البموت قبل مورثه بنسميهو مات فطيسة بدون ورثة واولادو وبناتو بنقول عليهم أولاد الفطيسة يعني ما برثوا من مورث ابوهم ول امهم المات ول الماتت قبل ابوها ول أمها البترث منو وموقف بكور عجبني والله النصيحة ان شا ء الله تكون المعلومة وصلت ليك . . ما بدري يا خليفة هههههههههه اسع في الحالة دي لو كنت داير اطالعك الخلا ما صعبتها علي دبي كانت فركة رجل . . الله اعدلها عليك محل ما تقبل يا الحبيب والعفو والعافية
Post: #44 Title: Re: باركوا لي أخدت الجواز الأمريكي Author: Mohd Ibrahim Date: 10-05-2015, 09:25 AM Parent: #41
..الف مبروك يامستنير ........تستحق هذا الانعتاق والحرية لانك تعرف ماذا تريد فوصلت ..
Post: #75 Title: Re: باركوا لي أخدت الجواز الأمريكي Author: Basamat Alsheikh Date: 10-06-2015, 04:35 AM Parent: #34
عزيزي الفاضل ابوبكر اولا مبروك جواز السفر الامريكي ثانيا لازم تعرف ان الحصول على جواز السفر الامريكي له فوائد عديدة ولكن في نفس الوقت مضار..وعلى الرغم من الفوائد اكثر من المضار ..لكن في واحدة من المضار كعبة شديد وبتضرك ضرر كبير... واذا عندك رغبة تعرف التفاصيل ..ما عندي مانع نوريك عشان تكون على معرفة بها وتكون حريص... ودمت بالف خير وصحة وعافية
Post: #43 Title: Re: باركوا لي أخدت الجواز الأمريكي Author: Hani Arabi Mohamed Date: 10-05-2015, 08:51 AM Parent: #1
ألف مبروك وعقبال الـ 30 مليون سوداني
Post: #45 Title: Re: باركوا لي أخدت الجواز الأمريكي Author: saidahmed shami Date: 10-05-2015, 10:05 AM Parent: #43
Quote: ما هكذا نصف أمواتنا بالسودان، بل نترحم عليهم اللهم أغفر لموتانا وموتى المسلمين، وما أظن من متطلبات تثبيت حصولك على الجواز الأمريكي أن تورد ذلك فلفظتك إن لم تكن إساءة لك أو لأختك فهي إساءة لمليارات المسلمين الذين لا يعتقدون بأن الناس يموتون (فطايس). وإنما (الفطايس ) هي البهايم التى تموت بلا تزكية أو ذبح شرعي أيها الطبيب البيطري
أخونا حماد
سلام مطبوق أبوبكر قاصد فطيسة لانها توفت قبل أبوها ولا يحق لها في الميراث معي البقية
والله أعلم
Post: #47 Title: Re: باركوا لي أخدت الجواز الأمريكي Author: عبدالكريم الاحمر Date: 10-05-2015, 10:25 AM Parent: #45
مبروك وربنا يوفقك وان سلمتهم الجواز السوداني او لم تسلمه برضو ما ح تنسى السودان قدامك سودانيين ليهم اكثر 20 سنة امريكان او جنسيات تانية الان قاعدين بفتشوا على بيوت وقطع اراضي في السودان ربنا يديك خيرها
Post: #48 Title: Re: باركوا لي أخدت الجواز الأمريكي Author: أبوبكر عباس Date: 10-05-2015, 10:56 AM Parent: #47
أيوة يا ملك، التقديم للجواز والتنازل عن الآخر بعتبرو جزء من مشروعي الاستناري، وتسليم الجواز السوداني للسيد وزير الداخلية في يدو في رسالتين بتاعات احتجاج. المهم، امسودان بنجيها زي كبر اجانب وسواح وبعد نسجل في شؤون الأجانب بنمشي مدني ونجي نحكي ليكم عن قبة الشيخ وفريقنا، والزونيا، والحمامات تبرجن، ومقاهي السوق الجديد ذات المقاعد الخشبية الأرجل.
المهم تاني: أهم حاجة في موضوع المباركا دي داير الملم الجوازات السودانية كلها من الناس المعانا هنا وبغشى أوربا اشيل الباقيات وبرجعن لأهلن في الخرطوم، الدغمسة دي ما بتنفع
البوست دا اكون زي معاوية الزبير برد علي كل المداخلات بما فيها الفيس بوك وبعد داك بلم الكراسي. بمناسبة الفيس بوك، إتّا يا الرفاعي بتاع الفيس بوك، متين سناء قالت دخلت السينما معاي؟ اتعلم أقرأ كويس يا كيشة، وبعدين أعمل حسابك اتا ماشي في طريق تشاكل ليك امريكي وانجليزي الغريبة حافظ الامام قريبي زمان ما ظهر؟!
Post: #50 Title: Re: باركوا لي أخدت الجواز الأمريكي Author: أبوبكر عباس Date: 10-05-2015, 11:04 AM Parent: #48
Quote: مبرووك يا أبوبكر. .
احكي لينا بعدين عن تجربة تسليم الجواز السودانى..
الفلم كلو يا سيف، في تسليم الجواز، وقبل التسليم بسرب الخبر لصحافة ناس مزمل
Post: #49 Title: Re: باركوا لي أخدت الجواز الأمريكي Author: حماد الطاهر عبدالله Date: 10-05-2015, 11:01 AM Parent: #47
Quote: عندنا في الجزيرة الزول البموت قبل مورثه بنسميهو مات فطيسة بدون ورثة واولادو وبناتو بنقول عليهم أولاد الفطيسة يعني ما برثوا من مورث ابوهم ول امهم المات ول الماتت قبل ابوها ول أمها البترث منو
أجل أولا - شكرا لك يا صاحبي ودالبوش على الشرح الوافي ( لثقافة) ما كنت أعلمها. وثانيا - معذرة لك يا صاحب الخيط فلك العتبى حتى ترضي.
Post: #51 Title: Re: باركوا لي أخدت الجواز الأمريكي Author: علي محمد الفكي Date: 10-05-2015, 11:11 AM Parent: #49
الف مبرووك لي امريكا بحصولها على جلابي مستنير كمواطن يا زول ربنا يديك خيرو ويكفيك شرو ويهنيك بيهو
Post: #52 Title: Re: باركوا لي أخدت الجواز الأمريكي Author: محمد مجيدو Date: 10-05-2015, 11:34 AM Parent: #1
الاخ ابوبكر ... سلام .. وكل سنه وانت طيب ,,, ومبروك حصولك على الجنسيه الامريكيه .. وان شاء الله تقطعها بعرق العافيه ... بس اتذكر كلامي دا .... مهما وصلت لاي مكان في العالم .... ومهما تحصلت على اي جنسية كانت فلابد يوما من الايام طال الزمن ام قصر ان ترجع لتراب الوطن الام ...( دا لو امدّ الله في ايامك .. وارجو ذلك ) يااخ السودان دا بلد فريد من نوعو .... نرجو من الله ان يفك زنقتو .... ونرجع كلنا ...
وأتمنى لك التوفيق والسداد ... وما تنسانا من صالح الدعاء ( دعاء الامريكان مستجاب )
تحياتي ,,
Post: #53 Title: Re: باركوا لي أخدت الجواز الأمريكي Author: علاء سيداحمد Date: 10-05-2015, 11:47 AM Parent: #52
الف مبروك يا ابوبكر عباس وجوازك السودانى خليهو للتذكار ياخ
Post: #54 Title: Re: باركوا لي أخدت الجواز الأمريكي Author: مني عمسيب Date: 10-05-2015, 11:59 AM Parent: #52
يا صحابي .. صباحكم زين ..
والله يا ابكرونا انا ما خاتية أكان متابعة بوستاتك البتشبه كلام اصحابي هههههه .
ودا الدليل :
Quote: بتاعت ناس منتصر الرجرجة البتحتاج تنوير،
عندي صديق عزيز علي هنا بعض مرات بضرب ليه عشان اسالو من أحوال البلد اها اول ما اضرب ليه بسالو بقول ليهو انت اسه وين ؟ فتحت خشمو بقول لي انا مع الرجرجة والدهماء تصدق بكون قاصد اسياد البلد الاحترمو وقدرو هههههه في القطر ماشي ليه محل تاني شفت الزول جراتو هههههههه مسمي ناس البلد المهذبين ورايقين بالرجرجة والدهماء . مع اصدق التهاني .
وسلمتم جميع يا اسمح صحاب .
Post: #55 Title: Re: باركوا لي أخدت الجواز الأمريكي Author: محمد على طه الملك Date: 10-05-2015, 12:06 PM Parent: #52
سيبك من حجة جواز وجنسية واقع نصيحة منتصر .. منتصر دا اول مرة يمرق ليهو نصيحة نافعة .. الكلالالالاب والكدايس بس البل ما بتاكل هناك .. قالو دكاترة الكلاب هناك سوقم تش.. بعدين ما قلت لينا المكسيكية الصفيرا الكنت دافس روحك جنبها ديك تطلع منو ؟ اوع تكون داخل عليها بمكناتك المخستكة ديك بتاعت جوندير ولوري شنو ما عارف .
Post: #56 Title: Re: باركوا لي أخدت الجواز الأمريكي Author: أبوبكر عباس Date: 10-05-2015, 12:56 PM Parent: #55
أنا واقف وين؟ أيوة ود المشرف يا ود المشرف أنا مستغرب إتا كيف صاحبك بابكر الخطيب المستنير وراقي؟! المريخ العظيم؟! عشرة نقاط؟! تتحاور لي مع ود البشرى ويقول كلمات نحن حضرناها زمان كانت تعتبر غير محترمة، ويقولوا لينا: لا هسع بقت محترمة إتّا المفروض تكون صاحب أخو بابكر البطري داك ناسي اسمو هسع لكن بابكر يبرى ويستبرى من صداقتك يا مريخابي يا تعبان
Post: #57 Title: Re: باركوا لي أخدت الجواز الأمريكي Author: سيف اليزل الماحي Date: 10-05-2015, 01:30 PM Parent: #56
.
واحد سوداني سافر إلى بريطانيا بعد أربعين سنة لم يغادر خلالها السودان قط، قالواعند وصوله وهو نازل في سلم الطائرة لفحه هواء مطار هيثرو، ضرب الرجل كفاً بكف قائلا: والله فعلا الواحد غربتو طولت!!
.
Post: #58 Title: Re: باركوا لي أخدت الجواز الأمريكي Author: نصر الدين عثمان Date: 10-05-2015, 01:49 PM
مبروك يا دكتور الجواز الأمريكاني...
وعقبال ما تدشنه بتأشيرة لي سودان ما بعد حزيران.....
Post: #59 Title: Re: باركوا لي أخدت الجواز الأمريكي Author: أبوبكر عباس Date: 10-05-2015, 01:53 PM
هسع يا سيف الماحي، قاعد في فناء استاربكس الخارجي والنسيم بارد والطلبة اتنين اتنين وحلوين بذاكروا بلابتوباتم، حاسدم واقول ما جينا بدري، لكن الحمد لله شفنا البركة في الشوفة ما بين نيافة الدباغة واستاربكس بشارع فرينلي، زمن طويل وحكايات!
Post: #60 Title: Re: باركوا لي أخدت الجواز الأمريكي Author: HAIDER ALZAIN Date: 10-05-2015, 01:58 PM Parent: #59
استغفر الله .. يعني بقيت كافر كامل الدسم :) :)
طيب أمانة في ذمتك اكان ما صوت لي دونالد ترامب ..
Post: #61 Title: Re: باركوا لي أخدت الجواز الأمريكي Author: محمد البشرى الخضر Date: 10-05-2015, 03:04 PM Parent: #60
Quote: تتحاور لي مع ود البشرى ويقول كلمات نحن حضرناها زمان كانت تعتبر غير محترمة، ويقولوا لينا: لا هسع بقت محترمة
يا بكّور ياخي ما ممكن كل ما ليك تفجعنا فيك وفي استنارتك (المدعّاة) زيادة انت يا سيدي بقيت امريكي كامل الدسم محل الأفلام ترجمتها بين كل تبّا لك و تبّا لك بتلقى يا وغد , ديل حسب قاموس انيس عبيد الاف وورد و الماذر شنو ما عارف وورد, تقول لي زوووط و بتاع ثم أنا ما قلت انها محترمة انا قلت المعنى في اذن السامع او ذهن القارئ او نحوهن بكّور انت شكلك في امريكا النوع الح يقيف ضد زواج المثليين, و تدفع تبرعات لحملات منع الإجهاض, محافظ كامل الدسم :)
ما وريتني كتاب الحليفة ياتو كان :)
Post: #62 Title: Re: باركوا لي أخدت الجواز الأمريكي Author: ahmedona Date: 10-05-2015, 03:13 PM Parent: #61
الله يديك خيرها ويكفيك شرها .....يا مستنير ---
بعدين الوريقة المعاك دي ما جايبه همها في يوم لا ينفع مال ولا بنون.....
إبتداءات من ود الأحد....
والرصيد الحقيقي الباقيات الصالحات .....
Post: #64 Title: Re: باركوا لي أخدت الجواز الأمريكي Author: Dr.Mohammed Ali Elmusharaf Date: 10-05-2015, 03:42 PM Parent: #62
ابكر يا تعيس
1. مبروك 2. مشتاقون 3. الترانسيت عندنا في هولندا 4. سلم على ام عمر والشباب ( ام عمر دي صبر عليك ساكت بتخش الجنة )
محبتي التي تعهد
Post: #63 Title: Re: باركوا لي أخدت الجواز الأمريكي Author: سيف اليزل الماحي Date: 10-05-2015, 03:24 PM Parent: #61
.
قيل ان الشاعر محمد عثمان كجراي، كان قد شد الرحال إلى دولة أريتريا بعيد إستقلالها، قائلاً: خير لنا أن نبدأ بناء دولة جديدة ، من أن ننتظر أستعدال الأوضاع في السودان! ذهب الرجل فور إستقلال أرتريا، والتحق بوزارة التربية واضعا مع غيره اللبنات الأولى لحقول التعليم العام في الدولة الوليدة، لكن لم تسعفه صحته، مرض فعاد مستشفياً وسط أسرته بشرق السودان، حتى توفى لم يشهد نهضة أرتريا الفتية، ولم يرى شيئا من إستعدال حال السودان!!
أها انت يا أبوبكر المستنير، حق لك ان تتسربل في نعيم أكبر دولة جاهزة من مجاميعه، وتخلف رجل فوق رجل!
.
Post: #101 Title: Re: باركوا لي أخدت الجواز الأمريكي Author: احمد الشيخ Date: 10-10-2015, 11:45 AM Parent: #63
بمناسبة تخلف رجل على رجل هوساوي عايش في مكة اربعين سنة مقيم ولما ما يكون شايل الاقامة يجري من ناس الشرطة من زقاق لزقاق بعد اربعين سنة اخد الجنسية "التابعية" السعودية يومه الاخدها طلع كرسي جمب الباب وخلف رجل على رجل ويعاين في الناس قال : والله جنب دا ضيقا بلد
Post: #65 Title: Re: باركوا لي أخدت الجواز الأمريكي Author: محمد حيدر المشرف Date: 10-05-2015, 03:50 PM Parent: #1
عبدلله الخطيب .. اسمو عبدالله الخطيب .. وتاني ما اشوفك في امدرمان ..
Post: #66 Title: Re: باركوا لي أخدت الجواز الأمريكي Author: بشرى محمد حامد الفكي Date: 10-05-2015, 03:59 PM Parent: #65
تحياتنا الأخ أبوبكر عباس ومبروك الجواز الأمريكي
تعرف أنا كنت لافح اسمك دة وناسبو لي رجل لطيف كدة التقيته في الامارات تجي تطلع زول في أمريكا لكن ما فرقت انت برضه رجل لطيف ومبروك الجواز الأمريكي يا حبيب
Post: #67 Title: Re: باركوا لي أخدت الجواز الأمريكي Author: دينا خالد Date: 10-05-2015, 04:53 PM Parent: #65
صادق التعازى للرءيس اوباما .... كامل التضامن والمؤازرة للشعب الامريكى الصديق ... ما عجبتنا للامريكان والله .. فاول ظااااااهر .... لكن بنقول للاخوة الاميركان اللهم لا نسالك رد القضاء ولكنا نسالك اللطف فيهم .. اما للاخوة السودانيين نقول ليهم انكسر الشر ... وربنا بحبكم ياخ ... انتم الان اجمل وابرك واخير .. وكل اول وليهو اخر يعنى لمتين كان ح نصبر عليه ...
------------- اها قول سلمت الجواز الاولاد والتبعات والصور والجوابات والدباغة ح تعمل فيهم شنو ... 😢 طبعا اكيد الخطوة دى تمت بدون مشاورة الامريكان ولا حتى الاسبنش والهنود والبلاك .. تمت كدا سااااى دون تدبر للعقبات الله هونينى ..، الله فرجينى ..
Post: #68 Title: Re: باركوا لي أخدت الجواز الأمريكي Author: Mohamed Yassin Khalifa Date: 10-05-2015, 06:21 PM Parent: #67
غايتو يا بكور دينا وحيدر وأحمدونا ديل كلامهم ده يدل على حقد دفين لكل ما هو أمريكي في الظاهر... وفي الباطن القرين كارت واللوتري بقوا حفيانين من الجري وراهو!
يا حيدر الكافر في بلدنا دي مواطن من الدرجة الأولى وكذلك المؤمن الموحد..
ويا أحمدونا ود اللحد هنا ممكن تشتريهو بقروشك وبمواصفات خاصة... أي نعم الموت حق علينا... لكن تموت أمريكاني موحد تبقى عليك جنة دنيا وآخرة!
يا دينا أمريكا بتستقبل كل سنة 55 ألف مهاجر و50 ألف لاجئ فيهم الصالح والطالح.. وبكور ده فريد من نوعو.. زول طالح وصالح في نفس الوكت.. وحـ يكون محل دراسة...
بس هو زول فالح.... وحبابو ألف ومية كيتاً في العوازل!
-------------------------- يا زول ألحق الضرايب السنة دي قربت تخلص!
Post: #69 Title: Re: باركوا لي أخدت الجواز الأمريكي Author: Elmoiz Abunura Date: 10-05-2015, 09:58 PM Parent: #68
مبروك ياابوبكر الجنسية الاميركية. انت بقيت من التار هل ناس ولايتنا كارولاينا الشمالية. يعنى بعد كدة مافى اهلى و اتحاد مدنى ياتكون معانا مشجع UNC ياتمشى لDuke. Quote: "لتسجيل للإنتخابات مهم وطبعاً أنت عارف ولاية كارولاينا الشماليه ولايه جمهوريه والجمهوريين مركزين عليها شديد فى إنتخابات 2016 "
مولانا عبدالله دايريمقلبك ساكت. الولاية دى Toss Up يابكور, اوباما فاز بيها عام 2008, والتغيرات السكانية فى صالح تيار الاستنارة. مرحب بيك فى صفوفنا نحن يسار الحزب الديمقراطى. الدعوة لك لزيارة جنةاشفييل وجبال الدخان مع ودى
Post: #70 Title: Re: باركوا لي أخدت الجواز الأمريكي Author: محمد حيدر المشرف Date: 10-05-2015, 10:10 PM Parent: #1
محمد ياسين خليفه !!
Quote: وبكور ده فريد من نوعو.. زول طالح وصالح في نفس الوكت.
ترى ما أوجه وملامح الصلاح التي رأيتها بالبصيرة يا ود الخليفة ؟!! اقول ليك كلام: ملمح وااااحد بس ؟!!
Post: #71 Title: Re: باركوا لي أخدت الجواز الأمريكي Author: بريمة محمد Date: 10-05-2015, 10:30 PM Parent: #70
محمد يسن،
Quote: وتعال لينا في حزب "البهجة"
معقول الكلام دا ..! .. أنت فى حزب الجماعة إياهم!
بريمة
Post: #73 Title: Re: باركوا لي أخدت الجواز الأمريكي Author: Mohamed Yassin Khalifa Date: 10-05-2015, 10:40 PM Parent: #71
Quote: أنت فى حزب الجماعة إياهم!
دايماً خيالك مريض يا بريمة...
ده حزب سياسي... كان ما بتعرفو أسعل منو جورج ولا كوستاوي؟
Post: #72 Title: Re: باركوا لي أخدت الجواز الأمريكي Author: Mohamed Yassin Khalifa Date: 10-05-2015, 10:37 PM Parent: #70
ههههه... والله يا دكتور المشرف هي ما بصيرة... هي حيرة لدراسة حالة شيزوفرينية!
زمان قلتا ليهو يا بكور فيك عقاب إسلاموية لنينية... لسع!
Post: #74 Title: Re: باركوا لي أخدت الجواز الأمريكي Author: بريمة محمد Date: 10-06-2015, 02:34 AM Parent: #72
نبيل،
Quote: Nabeel Ali · الخرطوم التجارية انتا والمستشار ودينق وعبد الله عبدالله وسيف مين وطبارك وبريمة الجهني كان عملو شنو وشنو برضو مواطنين درجة تالتة وده لو رابعة _ فاكرين عشان خلوكم تصوتو وترشحو بقيتو سيم سيم مع اولاد اونكل سام هههه _ بالمناسبة اخر مظاهرات في امريكا كان بي مناسبة شنو
الخيول البرية .. سكيتها معاهم الصيف الماضي .. وتانى راجعين فى الكريسماس .. رياضة رهيبة.
بريمة
Post: #76 Title: Re: باركوا لي أخدت الجواز الأمريكي Author: النذير حجازي Date: 10-06-2015, 04:42 AM Parent: #74
ألف مبروك يا بكوري وإن شاء الله تملاهو بسفر العافية
Post: #77 Title: Re: باركوا لي أخدت الجواز الأمريكي Author: محمد أبوالعزائم أبوالريش Date: 10-06-2015, 06:34 AM Parent: #76
يعني زي ما قال الراجل: بعد ده ما فاضل ليك إلاّ تشرب سجاير. البلد بقت مطلوقة ساكت مستنيرين يبقوا يانكي وشيوعيين وكيزان وجمهوريين، كلهم إتأمركوا ..... الفضل شنو؟
يا زول مبروك ويتربى في عزك.
Post: #78 Title: Re: باركوا لي أخدت الجواز الأمريكي Author: معاوية المدير Date: 10-06-2015, 06:35 AM Parent: #76
قوّم لِف مع الخيول البريّة .
مبروك ...
Post: #79 Title: Re: باركوا لي أخدت الجواز الأمريكي Author: HAIDER ALZAIN Date: 10-06-2015, 07:46 AM Parent: #78
محمد ياسين خليفة سلامات يا حبيب ..
Quote: يا حيدر الكافر في بلدنا دي مواطن من الدرجة الأولى وكذلك المؤمن الموحد..
والنيقرو مواطنين من الدرجة الكم
Post: #80 Title: Re: باركوا لي أخدت الجواز الأمريكي Author: Mohamed Yassin Khalifa Date: 10-06-2015, 08:30 AM Parent: #79
ساعدنا بالملافظ يا حيدر يا أخوي...
نحنا ندغمس فيها وإتا تنكت فيها؟
الكلمة دي تضاءل إستخدامها وحلت محلها كلمة أفريكان أمريكان!
أمريكا اليوم غير..
Post: #81 Title: Re: باركوا لي أخدت الجواز الأمريكي Author: بله محمد الفاضل Date: 10-06-2015, 08:55 AM Parent: #80
غايتك أرميكا ما جاتا راحة ولا نحن
يا زول مبروك وعقبالنا كمان بعد نعرف نقدم في اللول خلال ال 25 سنة القادمة خخخخخخخخخ
دينا والله ادتك اسم سمح خلاس بس شايف بخلت بيه في هذه المناسبة العظيمة هههههههههههه
Post: #82 Title: Re: باركوا لي أخدت الجواز الأمريكي Author: HAIDER ALZAIN Date: 10-06-2015, 09:23 AM Parent: #80
Quote: ساعدنا بالملافظ يا حيدر يا أخوي...
طيب يا حبيب عشان خاطر امريكا اليوم ودغمستها :) :) الــأفريكان أمريكان درجة كم .. ! :)
Post: #83 Title: Re: باركوا لي أخدت الجواز الأمريكي Author: أبوبكر عباس Date: 10-06-2015, 10:59 AM Parent: #82
ح ارجع ارد علي الناس حسب ترتيب الشاعر السوداني حميد: أول حاجة الخواجات: ناس قباني، عبد الله عبد الله، ياسين، بريمة، ابو الريشس ، المشرف البطري بتاع هولند.... وتاني حاجة: ناس العمدة وشنو كدا الساقية: وديل السودانيين القاعدين برّة في دول محترمة ومستنيرين وعندهم اكثر من خطة للوصول الينا زي ناس معاوية الزبير، ود المشرف، وبجي معاهم ناس الامارات وبمرتبة أقل بكثير ناس السعودية ما عدا ود البوش فهو في التصنيف القطري الاماراتي. الناس العاديين آخر حاجة الشفع والحروم: الحروم دينا خالد، منى عمسيب خواجية، أكيد الخواجية أكلت في خرفان حميد الستة مع الخواجات ما بتكون انتظرت الحروم، خواجية مع الخواجات حتى لو في كريمة، المساواة حسب الجواز وليس المكان! موش حداشر وخواجية؟! بسمات مع العاديين، والشفع ناس نبيل والرفاعي بتاع الفيسبوك.
المهم في الموضوع يا أخوانا، المفروض أراعي وانا بتكلم عن الشأن السوداني السياسي انو أنا أجنبي زي ما قال ود المشرف، وزي ما نحن كنا بنطلب من دينق بعد الانفصال، ما يتحشر! وزي ما ناس السعودية بشكرو خادم الحرميين وأمير البلاد المفدى وكدا، أجنبي تحترم نفسك. غيرت جوازك، أخلاقيا، عليك تسلم القديم
Post: #84 Title: Re: باركوا لي أخدت الجواز الأمريكي Author: عبدالحفيظ ابوسن Date: 10-06-2015, 11:25 AM Parent: #83
بي اسم الدين والامريكان اي عوج مبدي ومختوم يعني ممكن تجينا خبير امريكاني وتضرب الخرفان وتشنت
Post: #85 Title: Re: باركوا لي أخدت الجواز الأمريكي Author: أبوبكر عباس Date: 10-06-2015, 11:37 AM Parent: #83
أخونا عبد الله عبد الله دا نسيج لوحدة! هو رجل مسلم متزن الاسلام، اختار الجمهوريين لتحقيق دينو هنا، ( الجمهوريين الامريكان ما الجمهوريين بتاعين الفكرة الذين يتبعهم دينيا أو علي الأقل في النقاش، يتبعهم الشيوعيين الامريكان الكانوا زمان سودانيين) قوس كبير معليش! استاذ عبد الله دا لو كان جاء قبل مية سنة وكون اسرة ممتدة، احفادو كانو تحولوا للمسيحية وفعلا كانوا بقوا جمهوريين الغريبة الكيزان هنا بعادوا الجمهوريين وبتفقوا مع الشيوعيين في ميلهم للدمقراطيين!! أشهد انو عبد الله دا لا كورز لا شيوعي
Post: #86 Title: Re: باركوا لي أخدت الجواز الأمريكي Author: عمر عثمان عبد الوهاب Date: 10-06-2015, 11:58 AM Parent: #85
Quote:
عليه، سوف أسافر في الكريسماس القادم لجمهورية السودان لتصفية أملاكي، ولتسليم جوازي السابق للسيد وزير الداخلية وشكره على الفترة التي قضيناها سويا.
شاحد الله يمسكوك يلتخو ليك مصيبه ويقطعو ليك جوازك الفرحان بيهو ده في وشيك ويرموك جبل ابوحمار
خلي دستورك المنقع ده يمرقك
Post: #87 Title: Re: باركوا لي أخدت الجواز الأمريكي Author: عمر عثمان عبد الوهاب Date: 10-06-2015, 12:26 PM Parent: #86
البنعرفو الناس الاخدت الجواز الامريكي في السبعينات وبدايه التمينات هم الاستفادو من الجنسيه الامريكيه ولقو وضعهم وكان ليهم شنه ورنه
امش زيما نصحوك سجل في الانتخابات واقعد ساكك لامن كرعينك يتشققن اهنديل جوازاتوم الامريكانيه في جيبوم ومالين علينا الجمعيات لاشغل لامشغله ياهو الصعوط ده يسفو ويتفو
وحرم وصلتك مطار الخرتوم تنزل فارد سدرك و تتفوصح وماسكاك اوم فريحانه يطقطوك زي السلام عليكم
Post: #88 Title: Re: باركوا لي أخدت الجواز الأمريكي Author: أبوبكر عباس Date: 10-06-2015, 12:46 PM Parent: #87
يا عمر، المفروض ارد ليك متأخر لكن قبل دينا، لكن شفت مداخلتك دي نوع من الارهاب ممكن يضرب السياحة! يا سيدي، أنا ما عملت أي حاجة لبلدي السابق السودان عشان ألقى هجوم زي دا! انضبط
Post: #89 Title: Re: باركوا لي أخدت الجواز الأمريكي Author: عمر عثمان عبد الوهاب Date: 10-06-2015, 12:50 PM Parent: #88
خلاص بديت تتكلم عن الارهاب وتلوح بالجواز الجديد وتهدد؟؟؟
يعني ماينضمو معاك ولا كيف
Post: #90 Title: Re: باركوا لي أخدت الجواز الأمريكي Author: أبوبكر عباس Date: 10-06-2015, 12:54 PM Parent: #89
اتكلم، لكن ما تهددني بجبل ابي حمار
Post: #91 Title: Re: باركوا لي أخدت الجواز الأمريكي Author: عمر عثمان عبد الوهاب Date: 10-06-2015, 12:58 PM Parent: #90
Quote:
اتكلم، لكن ما تهددني بجبل ابي حمار
سمح
Post: #92 Title: Re: باركوا لي أخدت الجواز الأمريكي Author: ABDALLAH ABDALLAH Date: 10-06-2015, 01:43 PM Parent: #91
Quote: مولانا عبدالله دايريمقلبك ساكت. الولاية دى Toss Up يابكور, اوباما فاز بيها عام 2008, والتغيرات السكانية فى صالح تيار الاستنارة. مرحب بيك فى صفوفنا نحن يسار الحزب الديمقراطى. الدعوة لك لزيارة جنةاشفييل وجبال الدخان مع ودى
أخى العزيز د. أبونوره تحياتى لك يا حبيب , ومشتاقين التصويت لأُباما حاله إستثنائيه خاصةً فى دورته الأولى شخصياً ورغم أننى جمهورى صوت له فى الدوره الأولى لإعتبارات كثيره وأهم إعتبار لإبراز وجه أميركا المتحضر والمشرق فى محاربتها للعنصريه واقعاً وليس قولاً لذلك كنت أتمنى أن لو كان باراك أوباما جمهورياً. فوز أوباما فى كارولاينا الشماليه هو أشبه بفوز كارتر الديمقراطى فى أطلانطا وفوز ريقان الكاسح فى دورته الثانيه فى ولايتى ألينوى وميريلاند . د. أبونوره طبعاً دى منافسه فى التجنيد لصاحبنا بكرى . عموماً حبابو معانا مواطن فى بلاد العم سام بلد الحريه والعداله والقانون ,
Post: #93 Title: Re: باركوا لي أخدت الجواز الأمريكي Author: MAHJOOP ALI Date: 10-08-2015, 04:21 AM Parent: #92
الامريكي ركس raleigh دي قدر حي ياريس انت حاتل فيها وين
Post: #94 Title: Re: باركوا لي أخدت الجواز الأمريكي Author: Munir Date: 10-08-2015, 09:32 PM Parent: #93
مبروك ياابوبكر .. بس في حكاية التخلي عن الجواز السوداني دي هل معناها التخلي عن الجنسية السودانية؟؟ لو كده أحسن تخلي الحماقة وفكِّر في أبنائك .. ما تتخذ قرار يؤثر فيهم وهم قاصرين .. فالمصير ليس مصيرك وحدك ..
Post: #95 Title: Re: باركوا لي أخدت الجواز الأمريكي Author: ahmedona Date: 10-08-2015, 10:24 PM Parent: #94
Quote: ديل كلامهم ده يدل على حقد دفين لكل ما هو أمريكي في الظاهر... وفي الباطن القرين كارت واللوتري بقوا حفيانين من الجري وراهو!
يا زول قول بسم الله --- أمريكا كان رحلة أمبدة --- أنا زاهر عنها....
هسا كان هبشوا أي واحد فيكم تلقاهو---
غرقان ديون السكن -- سيارة -- دراسة يدفع فيها طول العمر..
الدين هم ...
قال حقد قال ...
Post: #96 Title: Re: باركوا لي أخدت الجواز الأمريكي Author: Mohamed Yassin Khalifa Date: 10-09-2015, 05:21 AM Parent: #95
بسم الله الرحمن الرحيم!
أها يا أحمدونا كده كويس معاك؟
نعم الدين حار.. ويعلم الله الديون كاتلا مننا ناس كتار.. وكمان عندنا ناس مرتاحين وربنا فتحا عليهم في أرض الأحلام دي. وأهو أجمل حاجة في أمريكا الكل مرتب!
بس أمريكا الديون فيها مداها طويل والسيستم بيسمح ليك تعيش بديونك بدون هم... لأنك ممكن تواصل في الدفع للديانة بطريقة أوتوماتيكية كل شهر بدون ما تحس!
الناس طالما هي شغالة فبتقدر تدفع ديونها شوية شوية من غير ما تتأثر حياتهم.. والديون دي ما حاجة سلبية.. بل هي وسيلة مفيدة للتوفير وكنز بعض المال أو إستخدامه للفائدة الخاصة أو لمصلحة الأهل في السودان أو لعمل إستثمارات في أي مكان من العالم!
يعني هي ما قضية ديون لازم تندفع بين يوم وليلة...
وإن عجزتا عن دفع الديون لظروف قاهرة... فالسيستم بيجد ليك ألف حل... وهم ما أغبياء عشان يدينوك بدون ضمانات شخصية أو حكومية... وعارفين إنو قروشهم حـ ترجع ليهم!
بعد ده كلو.. ربنا يسألك.. كم مرة قدمتا للوتري يا أحمدونا؟
Post: #97 Title: Re: باركوا لي أخدت الجواز الأمريكي Author: عمر دهب Date: 10-09-2015, 05:25 AM Parent: #95
خواجية مع الخواجات حتى لو في كريمة
تبدا بحميد وتهين مدينته المنبر دا ماقيه شايقيه الموضوع لوكنايه عن القطارا ت القطارات وقفت مافى شايقى يفتح يوست بعنوان امريكى يهين كريمه
Post: #98 Title: Re: باركوا لي أخدت الجواز الأمريكي Author: Sabri Elshareef Date: 10-09-2015, 05:21 PM Parent: #97
بكور او بابكر او بكري او ابوبكر محمد احمد كلها اسماء في حياتي واوعي من جهجهت التساب في الاسماء المركبه والمشقلبه ؟؟؟
مبروك وامريكا تسعد بان يصبح احد علماء الانسانية منها وانت التواضع سمة لك ومن تواضع لله رفعه؟؟
ده كلو كسير تلج لشكولاته ابل ولبن ابل بودرة هههههههههههه
اها الحصول علي الجنسية خلق لنا مشكلة مع صاحبنا مهدي حسن احمد افندي وطالبني ان اكتب بوست ردا علي بوستك زي المتابة بين محمد عابد الجابري وجورج طرابشي او سميح القاسم ومحمود درويش في رسائلهم ؟؟؟؟
المهم هذا المهدي افندي قال لك بلادك حلوة ارجع ليها وهو عندو مزرعة معروضه للبيع وغالبا تطق شبكه وانتاج حيواني وزراعة محمية وغير محميه هههههه المهم البوست سيكون تعقيبا عليك بس الله يدينا زمن من الممحوق ده وما بحوق وحقيقة فخرا للشعب السوداني والطبقه العلمية انك تنال هذا الجواز وهي بلاد ستحسن استقبالك والعطاء لك ولاسرتك
Post: #99 Title: Re: باركوا لي أخدت الجواز الأمريكي Author: Deng Date: 10-10-2015, 10:05 AM Parent: #98
ابوبكر عباس
مبروك الجنسية الامريكية
الان عندما تسافر عبر المطارات الدولية سوف يحترمك الجميع.
مرغوبين او مرعوبين كانو، سيحترمونك
Is great to be Amrican
God bless America
Post: #100 Title: Re: باركوا لي أخدت الجواز الأمريكي Author: ahmedona Date: 10-10-2015, 10:34 AM Parent: #99
Quote: بعد ده كلو.. ربنا يسألك.. كم مرة قدمتا للوتري
تصدق ولا مره ....
Post: #102 Title: Re: باركوا لي أخدت الجواز الأمريكي Author: Faisal Saad Date: 10-16-2015, 02:10 PM Parent: #100
الف مبروك يا قريبي.. الله يديك خيرو و يكفيك شرو ..
طبعا امتحان اللغة طقطقطوا فل بوينتس بيدك الشمال و انت نايم و صاحي و طرفك من طبعو نعسان !!!!
