صدقا .. اتمنى التوفيق للهلال ولكن مع كامل الاحتفاظ بحقي في "الشماته" .. المسألة ببساطة هي رؤيتي الثاقبة والجامعة بين المتناقضات الجميلة .. الحس الوطني العالي والتعاطف مع الضعفاء والمساكين ثم الاحتفاظ بنكهة الكرة السودانية والمتمثلة في ذلك التناكف الاجمل بين الاصدقاء والاهل على خلفية الانتماء الكروي وثنائية مريخ/هلال ..
Post: #2 Title: Re: صدقاً .. أتمنى التوفيق للهلال ولكن .. Author: محمد حيدر المشرف Date: 10-03-2015, 09:14 AM Parent: #1
المبارة ذات حسابات واضحة جدا فرضتها نتيجة الذهاب .. الا ان لها تعقيداتها كذلك ..
تشكيل هجومي لا يضع اعتبارا لافضلية الارض والجمهور .. و "البتبلل بعوم" .. بمعني كلما زاد الضغط الهجومي الهلالي كلما فرض لاعبو الهلال شخصيتهم على الخصم واجبروهم على التراجع مما يزيد فرص الهلال في انتزاع بطاقة التأهل.. لا مجال على الاطلاق لخطط متوازنة .. نهج هجومي واضح وصريح .. ويا غرق الهلال او حزمها وعاد ..
Post: #3 Title: Re: صدقاً .. أتمنى التوفيق للهلال ولكن .. Author: محمد الكامل عبد الحليم Date: 10-03-2015, 09:59 AM Parent: #2
تحية
الهلال رغم سيطرته في النزال الأول فرط في نصر عزيز بالتسرع في الحسم ....يستطيع الهلال تكرار نفس الجمل التكتيكية لمباغتة الخصم ومن ثم انتهاج اسلوب الحذر والمباغته وابطال مفعول صانعي اللعب والهدافين...
رغم مريخيتي اتمني من كل قلبي النصر للهلال, وعارفك يا مشرف عارف قلبك أبيض.. (احمر) وكلك حسن نية...
Post: #8 Title: Re: صدقاً .. أتمنى التوفيق للهلال ولكن .. Author: محمد حيدر المشرف Date: 10-03-2015, 11:06 AM Parent: #3
محمد الكامل تحياتي ..
Quote: ستطيع الهلال تكرار نفس الجمل التكتيكية لمباغتة الخصم ومن ثم انتهاج اسلوب الحذر والمباغته وابطال مفعول صانعي اللعب والهدافين...
كلامك صحيح يا عزيزي لو كان الهلال قد خرج بنتيجة ايجابية او حتى تعادلية في الخرطوم .. اما الهلال الان فلا يملك الا خيار اللعب الهجومي .. والهجوم بطيبعته منفتح ومن الصعوبة بمكان أن تلعب مهاجما وتحافظ على اسلوب الحذر .. ذلك يحتاج للاعبين من طراز آخر ..
من الممكن للكوكي ان يتبع شيئا من الحذر بالعمل على الزيادة العددية للاعبي الوسط .. 3 - 6 -1 .او تفريعاتها .. .. من الممكن !!
Post: #4 Title: Re: صدقاً .. أتمنى التوفيق للهلال ولكن .. Author: صبري طه Date: 10-03-2015, 10:03 AM Parent: #2
Quote: ثم الاحتفاظ بنكهة الكرة السودانية والمتمثلة في ذلك التناكف الاجمل بين الاصدقاء والاهل على خلفية الانتماء الكروي وثنائية مريخ/هلال ..
ــــــــــــــــــــ
Quote: والتعاطف مع الضعفاء والمساكين
ياخي إنت بديت الشماتة قبل ما تبدأ ذاتو !!
Post: #5 Title: Re: صدقاً .. أتمنى التوفيق للهلال ولكن .. Author: محمد حيدر المشرف Date: 10-03-2015, 10:29 AM Parent: #4
Quote: ياخي إنت بديت الشماتة قبل ما تبدأ ذاتو !!
نعم .. ذلك يتوافق مع سياق البوست والفكرة ..
Post: #6 Title: Re: صدقاً .. أتمنى التوفيق للهلال ولكن .. Author: صبري طه Date: 10-03-2015, 10:45 AM Parent: #5
Quote: نعم .. ذلك يتوافق مع سياق البوست والفكرة ..
Quote: صدقاً .. أتمنى التوفيق للهلال ولكن ..
Post: #7 Title: Re: صدقاً .. أتمنى التوفيق للهلال ولكن .. Author: عبد العزيز محمد عمر Date: 10-03-2015, 10:56 AM Parent: #6
انا عاوز اشوف واستمتع ( بنظرية كردنة ) القال فيها إنه الإتحاد فريق متهالك ..
التهالك دا اتغير ولا شنو ...؟؟؟
Post: #12 Title: Re: صدقاً .. أتمنى التوفيق للهلال ولكن .. Author: محمد حيدر المشرف Date: 10-03-2015, 11:15 AM Parent: #7
يا عزيز .. الكردنة دي نظرية ممكن تنفع في التجارة او ادارة شركة او اي حاجة .. لكن ما عندها علاقة بالادارة الرياضية لنادي كبير كالهلال .
.. من يرى الكاردينال يهون عليه الوالي ..
Post: #9 Title: Re: صدقاً .. أتمنى التوفيق للهلال ولكن .. Author: محمد حيدر المشرف Date: 10-03-2015, 11:10 AM Parent: #6
يا صبري .. العلاقة شنو بين امنياتي الصادقة بفوزكم وممارسة نوع من المشاغلات .. ما التعارض في ذلك ؟!!
هل تنفي "مشاغلتكم" مصداقية امنياتي لكم بالفوز ؟!!
Post: #10 Title: التحكيم الأفريقي مخجل Author: بشرى محمد حامد الفكي Date: 10-03-2015, 11:13 AM Parent: #9
دكتور المشرف تحياتنا يا ملك
ما في مستحيل المباراة صعبة لكن ليست مستحيلة لكل مباراة ظروفها الهلال استطاع الوصول كثيراً لمرمى الاتحاد وحصل ارتباك شديد ورهبة في أوساط لاعبي الاتحاد كان من الممكن أن ينهزمو هزيمة تأريخية لولا الخطاء الدفاعي البائن في الهلال الذي نتج عنه الهدف الاول للاتحاد والذي أعاد لهم الثقة وأدخلهم في جو المباراة هدف سريع للهلال في الجزائر مع حرص دفاعي سيربكهم مرة أخرى ويتيح الفرصة للهلال للتسجيل والتأهل فرقة الهلال أفضل وتمتلك الدوافع والامكانيات للفوز
متفائلين انشاء الله
Post: #11 Title: Re: صدقاً .. أتمنى التوفيق للهلال ولكن .. Author: اباذر عبد العال Date: 10-03-2015, 11:13 AM Parent: #9
سيد البلد لو فاز سيد البلد لوما فاز برضو سيد بلد
الاسم ده ما حا يقدر عليهو غيره
مع تمنايتنا بفوز الهلال والمريخ
Post: #13 Title: Re: صدقاً .. أتمنى التوفيق للهلال ولكن .. Author: طارق حرسي Date: 10-03-2015, 11:24 AM Parent: #11
Post: #14 Title: Re: صدقاً .. أتمنى التوفيق للهلال ولكن .. Author: صبري طه Date: 10-03-2015, 11:34 AM Parent: #13
المُهم يا ود المشرف .. إنّو حنختم بيكم شماتة الموسم الإفريقي !!
Post: #15 Title: Re: صدقاً .. أتمنى التوفيق للهلال ولكن .. Author: خالد زين العابدين حاج نور Date: 10-03-2015, 11:41 AM Parent: #13
يا حرسى ابتسامة واحدة تكفى تقوم تعملن تلاتة
Post: #16 Title: Re: صدقاً .. أتمنى التوفيق للهلال ولكن .. Author: Hamad Hamad Date: 10-03-2015, 11:56 AM Parent: #15
سلام دكتور المشرف..... انا عندي احساس انو منتصرين في بلوغين.....والخطة المناسبة 4-5-1يا محمد هل لك علاقة بأسرة المشرف في الهلالية لان ابنهم مدكتور محمد صلاح دفعتي ام أسرة المشرف بامدرمان وكذلك ابنهم د. محمد المشرف دفعتي في جامعة الخرطوم...و اكيد انت دفعة بعدي في الكلية
Post: #17 Title: Re: صدقاً .. أتمنى التوفيق للهلال ولكن .. Author: Suleiman Todi Date: 10-03-2015, 12:49 PM Parent: #16
يا الحمر او الوصيفاب كما يحلو لجمهور الامة خلو لو لوه
الفينا عرفناه مشكلتنا في ختام الهجمة والاخطاء الواضحة من جانب الحارس برضو ما عايزين تعاطف وخاصة منكم
انتو ما عرفتو مشكلتكم حتي الان شوفو لكم شوال ليوم بكرة درس مجاني لقارزويتو تبعكم وباقي الصف الطويل اشان تاني لما نقول مازيمبي تعرفو
للمعلومية الهلال فريق الوحيد الذي قهر الغربان في عقر داره بثلاثة
حمد حمد .. تحية طيبة يا دكتور .. وحقيقة نحنا من امدرمان ومن بري .. واعتقد انو ناس الهلالية برضو اهلنا وبدورهم هم من المحس الخوجلاب واحفاد للشيخ خوجلي ..
Post: #19 Title: Re: صدقاً .. أتمنى التوفيق للهلال ولكن .. Author: محمد عبد الله الحسين Date: 10-03-2015, 01:52 PM Parent: #18
يا جماعة الخير مبارة الهلال الساعة كم بتوقيت السودان و لا قرينتش؟لأنه لقيت إختلاف في زمن المباريات في الصحف الرياضية.
Post: #20 Title: Re: صدقاً .. أتمنى التوفيق للهلال ولكن .. Author: أحمد محمد عمر Date: 10-03-2015, 01:58 PM Parent: #19
Post: #24 Title: Re: صدقاً .. أتمنى التوفيق للهلال ولكن .. Author: خالد عبدالوهاب Date: 10-03-2015, 08:20 PM Parent: #23
يحي قباني انت مرة ختيت رابط ممتاز لي مباراة المريخ
ياريت كل مبارة تخت رابط ليها ولك منا الشكر الجزيل
في انتظار رابط مباراة الهلال والاهم رابط مبارة المريخ بكرة
لو فتحت بيها بوست طبعا تكون مشكور
Post: #25 Title: Re: صدقاً .. أتمنى التوفيق للهلال ولكن .. Author: محمد حيدر المشرف Date: 10-04-2015, 03:50 AM Parent: #1
الحصل شنو ؟!! الكورة انتهت ؟!!
Post: #26 Title: Re: صدقاً .. أتمنى التوفيق للهلال ولكن .. Author: قسم الفضيل مضوي محمد Date: 10-04-2015, 04:15 AM Parent: #25
المباراة انتهت صفر صفر ... وحارس مرمى الهلال انقذ هدفين مؤكدين وعلى انفراد به في الشوط الأول ... الهلال ضيع المباراة من الشوط الأول بأم درمان ... ودي فرصة لن تتكرر لاحراز هذه البطولة ... المباراة كانت رتيبة ومملة جدا ...
Post: #27 Title: Re: صدقاً .. أتمنى التوفيق للهلال ولكن .. Author: aosman Date: 10-04-2015, 05:16 AM Parent: #26
أشمت أشمت كما شئت
Post: #28 Title: Re: صدقاً .. أتمنى التوفيق للهلال ولكن .. Author: Moawia Mohammed Date: 10-04-2015, 06:11 AM Parent: #27
شوف يا دكتور اليوم كلنا مازيمبي عشان نكون و اضحين معاك تنضربوا ان شاء الله ضرب لحدي ما يبان لكم صاحب و ترجعوا محل جيتوا يا تمهيداب
الله يدينا الفي مرادنا
Post: #29 Title: Re: صدقاً .. أتمنى التوفيق للهلال ولكن .. Author: محمد حيدر المشرف Date: 10-04-2015, 06:32 AM Parent: #1
كاااااااااك .. العرجا لي مراحها الصفري
Post: #30 Title: Re: صدقاً .. أتمنى التوفيق للهلال ولكن .. Author: صبري طه Date: 10-04-2015, 06:54 AM Parent: #29
يا ود المشرف حكم الوسط ممتاز .. ولكن أحد مساعديه حيّرني عديل كدا ...
الفيديو ...
الحالة عند التوقيت 2:48
حتى المعلق الجزائري قال: وضعية تسلل الحكم قال لا !!
ــــــــــ
Post: #31 Title: Re: صدقاً .. أتمنى التوفيق للهلال ولكن .. Author: أبو الحسين Date: 10-04-2015, 06:58 AM Parent: #29
غايتُو يا دكتور عندك المحن...
وبالرغم من أموال الشعب المغلوب على أمره المصروفة على المريخ "دي لزوم تحميسة للموضوع"...
نقول:
يا رب يا كريم تنصُر الزعيم...
Post: #32 Title: Re: صدقاً .. أتمنى التوفيق للهلال ولكن .. Author: Moawia Mohammed Date: 10-04-2015, 04:31 PM Parent: #31
