تحياتي لاصدقائي زملاء وزميلات المنبر وكل قراء هذا البوست السنوي في جميع انحاء العالم وسنة سعيدة علي الجميع
تم اليوم افتتاح بوابة التقديم لمن يرغب في الهجرة لبلاد العم سام .... وسيستمر الباب مشرعا للدخول - تقديم الطلبات - حتى الثالث من نوفمبر 2015 وفي تمام الثانية عشر ظهرا بتوقيت الساحل الشرقي للولايات المتحدة الامريكية.
Quote: DV-2017 Program: Online Registration
DV 2017 Program: Online registration for the DV 2017 Program begins on Thursday, October 1, 2015 at 12:00 noon, Eastern Daylight Time (EDT) (GMT-4), and concludes on Tuesday, November 3, 2015 at 12:00 noon, Eastern Standard Time (EST) (GMT-4).
البوستات ادناه هي ما قمنا بافراده في سابق السنين يمكنكم الاستعانة بها لايجاد بعض الاجوبة على اسئلتكم ومن لم يجد الاجابة على سؤاله يمكنه ترك سؤاله هنا وساحاول باذن الله اجابته لتعم الفائدة الجميع
Quote: الحبيب الخير عساك طيب.... وجزاك الله خير...
ماذا عن الاطفال المضافين في جواز الام.
ما بتفرق يا هيثم اذا كان الاطفال في جواز امهم او ابوهم كل المهم انه مقدم الطلب اذا فاز يقدر يثبت للقنصل في المعاينة انه الاطفال ديل اطفالهم ود طبعا بيثبت عن طريق شهادة الميلاد اللي فيها - طبعا - اسم الاب واسم الام فمافي مشكلة خالص يا يا ابو الصحب
للاجابة عن سؤالك عدت لبوستاتي السابقة واقتبست لك منها هذا الرد اتمنى ان تكون وضحت لك الصورة فيما يتعلق بهذا السؤال
Quote: من حق الزوج ان يقدم فورم وفي نفس الفورم دا يقدم معاهو لزوجته واطفاله... ودي فرصة من حق الزوجة ان تقدم فورم وفي نفس الفورم دا تقدم معاها لزوجها واطفالها... ودي فرصة تانية كدا الاسر بكون عندهم فرصيتن البفوز فيهم بكون فوز التاني معاهو اوتماتيكلي
تحياتي يا ود البشرى وتسلم يا حبوب على الاسهام في حل غلوطية وضع اللنكات بالصورة الصاح والله يا حبيب غلبتني كلللللللو كلو قدر ما عافرت جاي جي ابت معاي ...... شكرا يا جميل وسنة سعيدة عليك وعلى اسرتك وكل من تحب.
الاستاذ الخير مساء الخير ومشكور كتير علي هذه الافادات الجميلة وفي ميزان حسناتك ان شاءالله انا عندي استفسار بسيط اليوم قدمت بحمدالله في اللوتري بس دقست دقسة صغيرة في البداية في خانة اسم الوالد كتبت اسمي وخانة اسمي كتبت اسم الوالد يعني عكست الحكاية هل بهذا الخطأ سيتم رفضي من اللوتري في حالة الفوز ام ماذا وشكرا
Quote: انا عندي استفسار بسيط اليوم قدمت بحمدالله في اللوتري بس دقست دقسة صغيرة في البداية في خانة اسم الوالد كتبت اسمي وخانة اسمي كتبت اسم الوالد يعني عكست الحكاية هل بهذا الخطأ سيتم رفضي من اللوتري في حالة الفوز ام ماذا وشكرا
مافي مشكلة يا مهند في هذا الخطأ. كل البحصل انه لو قدر لك الفوز حا تعبي فورم اخر قبل مقابلة القنصل. في ذلك الفورك يمكنك ان تجري التصحيح اللازم وباذن الله سوف لن تواجهك اي مشكلة .... انصحك بعدم التقديم مرة اخرى فقط اعتمد طلبك الذي قدمته وانتظر حظك.
تقبل تحياتي
Post: #71 Title: Re: اللوتري 2017 ..... مرحبا بالجميع Author: الخير محمد عوض Date: 10-19-2015, 10:13 AM Parent: #5
Quote: تحياتي يا الخير كل عام وانت طيب بارك الله جهودك واثابك برسل لك الصور للتظبيط فضلا
معاذ... تحياتي يا رجل
قمنا باجراء اللازم راجع ايميلك
تحياتي
Post: #18 Title: Re: اللوتري 2017 ..... مرحبا بالجميع Author: Sayed Ibrahim Date: 10-03-2015, 01:21 AM Parent: #3
سلام يا خيرات وكل عام وانتم بخير مجهود يستحق الاشادة تحياتي ليك وولدنا احمد اب ساعة
البيانات المطلوبة لكل من يرغب ان اقوم بملئ فورم تقديمه وارساله هي:
1/الاسم: اذا كان رباعي ارجو كتابته كاملا. 2/تاريخ الميلاد: ودا لانه بيحدث فيه كثير من الخلط ارجو ارساله بهذه الطريقة اذا افترضنا انه المتقدم مولود يوم 7 شهر 10 سنة 1975 يقوم يكتبوا لي كدا 7/اكتوبر/1975 ( مهم جدا تكتب الشهر كتابة وليس رقم). 3/ المدينة التي ولد بها مقدم الطلب 4/ البلد التي ولد بها مقدم الطلب 5/الصورة: يجب مراعاة كل ما كتبناه فيما يتعلق بامر الصورة. ( يمكنني ضبط مقاسات الصورة اذا كانت باقي الموصفات صحيحة. 6/العنوان: اذا كان المتقدم بيعرف ليه زول في امريكا فمن الاحسن اخذ عنوان ذلك الشخص واذا كان ما عنده عنوان زول ممكن اقدم ليه عبر عنواني واذا كان يرغب في عنوانه الشخصي برضو ممكن بس لازم يتاكد انه الخدمات البريدية جيدة في المنطقة التي يسكن بها. 7/رقم التلفون- دا شرط اختياري في فورم التقديم لكنه اساسي بالنسبة لي عشان لو فزت اقدر اتصل عليك. 8/عنوان بريده الاليكتروني 9/المؤهل الاكاديمي. 10/حالته الاجتماعية: اذا كان متزوج وله اطفال عليه كتابة بينات زوجته واطفاله ايضا كاملة مثل معلوماته.
هـــــــــــــــــــــــــــــــــــــامارجو كتابة هذه البيانات باللغة الانجليزية مثل ما هي موجودة بجوازات السفر او اي مستندات رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية.
بالنسبة للناس الراسلوني معظمهم ما اداني البيانات دي كاملة رجائي ان تعاود مراسلتك لي لو كانت البيانات الرسلتها لي ما كاملة.... طبعا من اكثر الحاجات البتاخد وقتي بالجد الناس البرسلو ليك بيناتهم ناقصة دي لاني حا اظطر ارسل ليهم اوريهم انه بيناتهم ناقصة ويقوم هو بعد داك يرد بسؤال ارد ليهو تاني يوعدك يرسل في اقرب وقت وترسل ليهو تقول ليهو كويس مافي مشكلة يرسل ليك يقول ليك شنو شنو وايييييييييييييييك لغاية ما تقدم ليهو يكون تمت بينك وبينو كمية من المراسلات ودي يا اهلنا جد مسالة متعبة جدا واخوكم والله مشغووووووووول بكمية من الحاجات..... يعني الواحد لو راجع البوست دا كويس انا متاكد حا يرسل لي ارسال صحيح لبياناته من المرة الاولى وبانا حا اقدر ارسل ليهو رسالة واحدة بس اخطره فيها باني قدمت ليهو وبلحق ليهو فيها الكونفيرميشن نمبر بتاعه وبي كدا بكون وفر زمن لغيره عشان اقدر اساعد اكبر كمية من الناس.
البعض يكون تاريخ الميلاد في الجواز مختلف من شهاده الميلاد وعاده تكون بسبب اخطاء اما في الرقم الوطني او في الجوازات القديمه - في هذه الحاله فهل يقدموا بتاريخ الميلاد المدون على الجواز ام شهاده الميلاد ..
الاخ عمر مصطفى حبابك فقط ارجو الاسراع في الارسال لانه بعد فترة بسيطة ما حا اقدر استلم طلبات جديدة وذلك للكم المهول الذي يصلني من الطلبات في كل عام والذي يحتاج لتفرق وتركيز حتى يتم التقديم بصورة صحيحة ودقيقة .... تقبل احترامي
ابو الزهراء صديقي واخي الذي في السودان كيفك يا حبوب وحبابك مليون يا صاحب..... تعال لي واتسابيا عشان عندي معاك شوية كلام بخصوص الصورة التي ارسلتها لي ..... تسلم يا جميل
Post: #38 Title: Re: اللوتري 2017 ..... مرحبا بالجميع Author: Omer Mustafa Date: 10-07-2015, 09:14 AM Parent: #31
الأخ الخير يا وجه الخير رسلت ليك الإيميل أرجو شاكراً التأكيد علي وصوله..
الشي المهم انه البيانات البتنزلها في طلب التقديم تتطابق مع المستندات الحا تشيلها معاك - في حال فوزك باللوتري - للسفارة الامريكية لاجراء المقابلة المستندات دي لااااااازم تكون متطابقة للبيانات بتاعة التقديم ..... يعني انت من بدرى بدري جهز حالك وحاول طابق شهادة الميلاد وتاريخ الميلاد ومكان الميلاد في شهادة ميلادك وجوازك.
Post: #32 Title: Re: اللوتري 2017 ..... مرحبا بالجميع Author: الأمين عثمان صديق محمد Date: 10-05-2015, 06:39 PM Parent: #30
اخونا الخير.........جزاك الله كل الخير وإن شا الله في ميزان حسناتك ........ عندي ملاحظة جواها سؤال
الجوازات الإلكترونية الجديدة دي كلها ..... مكان الميلاد بكون إسم المحلية...يعني ما اسم القرية أعتقد الفورم مصمم بحيث إن مكان الميلاد في قائمة ...يختار منها... والقائمة دي تحتوي علي اسماء المحليات.
يعني كمثال .... كل ناس منطقتنا مكان الميلاد مكتوب الحصاحيصا
طيب ديل يقدمو هل بكتابة الحصاحيصا أم مكان الميلاد حسب شهادة التسنين أو الميلاد وهي في الغالب إسم القرية
ولك مني كل الإحترام والتقدير
Post: #34 Title: Re: اللوتري 2017 ..... مرحبا بالجميع Author: بدرالدين بابكر مصطفى Date: 10-06-2015, 07:14 AM Parent: #33
الخير السلام عليكم لو رسلت ليك صورة من صفحة الجوازات الفيها البيانات بتكفي الجواز الجديد طبعاً بالإضافة للصور وباقي البيانات
تحياتي مثنى وثلاث ورباع
Post: #35 Title: Re: اللوتري 2017 ..... مرحبا بالجميع Author: ابوبكر على Date: 10-06-2015, 10:13 AM Parent: #34
السلام عليكم اخي الخير
تم ارسال البيانات.
تقبل تحياتي
Post: #70 Title: Re: اللوتري 2017 ..... مرحبا بالجميع Author: الخير محمد عوض Date: 10-19-2015, 10:12 AM Parent: #35
Quote: السلام عليكم اخي الخير
تم ارسال البيانات.
تقبل تحياتي
وتم التقديم :)
ستجد رسالة علي ايميلك مرسل لك فيها رقم تاكيد التقديم ..... امنياتي لك بوافر الحظ
Quote: الجوازات الإلكترونية الجديدة دي كلها ..... مكان الميلاد بكون إسم المحلية...يعني ما اسم القرية أعتقد الفورم مصمم بحيث إن مكان الميلاد في قائمة ...يختار منها... والقائمة دي تحتوي علي اسماء المحليات.
يعني كمثال .... كل ناس منطقتنا مكان الميلاد مكتوب الحصاحيصا
طيب ديل يقدمو هل بكتابة الحصاحيصا أم مكان الميلاد حسب شهادة التسنين أو الميلاد وهي في الغالب إسم القرية
ولك مني كل الإحترام والتقدير
الاخ عبدو مصطفى سلامات وسؤالك فعلا مهم
انا ما عارف هل في امكانية تقنع ناس الهجرة ديل انه يكتبو ليك في جواز سفرك اسم قرية ميلادك كما هي في شهادة تسنينك او ميلادك؟ اذ اقتنعو طبعا خير وبركة واذا ما اقتنعو تحاول تقنع ناس شهادة الميلاد او التسنين ديل انه يستخرجو ليك الشهادة وفقا لما هو مكتوب في جوازك اذا اقتنعو خير وبركة واذا ما اقتنعو تحاول تقنع القنصل الامريكي انه ياخ ناس السودانيين ديل بتاعين لخطبة وابو كلو كلو يوافقو بيانات جوازي بي شهادة ميلادي كان وافق خير وبركة وكان ما وافق الله كريم :)
Quote: البعض يكون تاريخ الميلاد في الجواز مختلف من شهاده الميلاد وعاده تكون بسبب اخطاء اما في الرقم الوطني او في الجوازات القديمه - في هذه الحاله فهل يقدموا بتاريخ الميلاد المدون على الجواز ام شهاده الميلاد ..
سلامات يا عمار
فيما يتعلق بالجوازات القديمة فهي كما هو معروف قد اصبحت غير معترف بها عليه انصح بان تستخرج شهادة ميلاد تكون المعلومات فيها مطابقة لمعلومات الجواز او تستخرج جواز تكون المعلومات فيه مطابقة لشهادة الميلاد والمطابقة بالمناسبة ليست فقط في مكان الميلاد وانما المطابقة في كللللللل البيانات ( الاسم وتاريخ الميلاد ومدينة الميلاد ) القنصل الامريكي ما بفهم قصة المحليات والجوطة البعملوها السودانيين في مستنداتهم الرسمية دي عشان كدا لو شاف اي بيانات ما متطابقة طوااااالي برفض طلبك عليه يجب الانتباه جيدا لمسالة تطابق البيانات في جميع الميتندات دي.
حبيبنا الخير مساء الخير عندي 3 اسئلة اولا: اذا واحد عندو ابن زوجته هل يكتب بياناته مع بيانات اولاده لكن طبعا اسم ابوه بيختلف ثانيا: الاسم الاخير للأطفال هل هو نفس الاسم الأخير لصاحب الفورم يعني the Last Name ثالثا: في الحتة بتاعت بلد الاستحقاق مثلا انا عايش في السعودية هل اختار السعودية ولا السودان وهل اختار yes ولا No مع خالص ودي وتقديري
Quote: ولا: اذا واحد عندو ابن زوجته هل يكتب بياناته مع بيانات اولاده لكن طبعا اسم ابوه بيختلف
نعم يمكنك كتابة اسم ابن الزوجة في طلبك طالما هو عايش معاكم وما بتفرق قصة انه اسم والده مختلف من اسمك لانك قانونا علي ما اعتقد والدته تعتبر الكافل الاول له طالما هو عايش معاها واذا قدر لكم الفوز حا يطلبه منكم شوية ورق زيادة قسيمة طلاق الزوجة من زوجها الاول شهادة ميلاد الطفل لمقرنتها باسم الوالدة وربما حاجة تثبت انه مقيم مع والدته وربما يطلبو خطاب موافقة رسمى من والده بالموافقة في انه يسافر مع لامريكا بصحبة والدته لكن عموما مافي اي مشكلة ممكن عادي تكتبو معاكم في طلب التقديم.
بالنسبة للسؤال التاني: صراحة ما قدرت افهم السؤال بالنسبة للسؤال التالت:
Quote: ثالثا: في الحتة بتاعت بلد الاستحقاق مثلا انا عايش في السعودية هل اختار السعودية ولا السودان وهل اختار yes ولا No مع خالص ودي وتقديري
وبلد الاستحقاق دي يا اهلنا في الغالب بتكون البلد الاتولدت فيها يعني اتولدت في السودان بلد استحقاقك بكون السودان. اتولدت في مصر بلد استحقاقك بتكون مصر. ليه الكلام دا, عشان في الغالب البلد الاتولدت فيهو دا بكون هو البلد البتحمل جنسيته. بلد الاستحقاق ما عندها اي علاقة بالبلد المقيم فيهو انت هسي يعني لو انت مغترب مثلا في السعودية الموضوع دا ما عنده اي علاقة ببلد الاستحقاق .طيب ليه نحن قلنا في الغالب, طبعا قلنا كدا لانه في استثناءات... كيف.... مثلا في بلاد حتى لو اتولدت فيها بتكون ما بتحمل جنسيها.... طيب نسيبك من الكلام الكتير كلو ونبسط المسألة دي. بلد الاستحقاق هو البلد البتحمل جنسيته.... اها كدا كيف.... مش ساهلة. طيب في حاجة تانية في ناس عايشين في بعض الدول الاوربية وهم سوداني المولد اها ديل كييييييييف. طيب لو لو كنت سوداني ومتجنس بجنسية دولة اوربية غير مسموح لمواطنيها التقديم ممكن تقدم علي اساس انك سوداني لانه السودان من البلاد البتقبل الجنسية المزدوجة ولو كانت الدولة الاوربية دي مسموح لمواطنيها التقديم في اللوتري طوالي تقدم علي اساس انه البلد الاوربية دي هي بلد استحقاقك.اوضح شي بتعلق بالسؤال السادس دا وهو لو لاحظتو في الحتة بتاعة
Are you claiming eligibility based on the country where you were born
لو لاحظتو في الحتة دي في يس و نو والعلامة مختوتة جاهزة في يس. يعني لو انت بتحمل الجنسية السودانية خليها في اليس بتاعتا دي وفط الجزء المكتوب فيه
If not, you must enter the country which you are claiming eligibility
ولو اتولدت في السودان مثلا وبتحمل الجنسية الهولندية تعمل نو وفي الجزئية التانية من السؤال دي تكتب هولندا.
تحياتي
Post: #45 Title: Re: اللوتري 2017 ..... مرحبا بالجميع Author: Adam Youssif Date: 10-08-2015, 11:47 AM Parent: #42
الرجل الهمام الخير مساء الخير مشكووووور والله ما قصرت كدة القصة وقعت لي والشرح بتاعك وافي وكافي ومبصط ربنا يقدرنا على جزاك عارفك بتتعب قدر شنو في الردود على الاسئلة والاستفسارات يديك العافية اخوي مع تحياتي وتقديري
Post: #46 Title: Re: اللوتري 2017 ..... مرحبا بالجميع Author: Adam Youssif Date: 10-08-2015, 11:56 AM Parent: #42
الاخ الخير سلامات بالنسبة ل
Quote: بالنسبة للسؤال التاني: صراحة ما قدرت افهم السؤال
قصدي يعني انا مثلا اسمي هو ادم يوسف بابكر عيسى طبعا الاسم الاخير هو عيسى طيب ولدي اسمه يوسف ادم يوسف بابكر اسمه الاخير اصبح بابكر وانا اسمي الاخير عيسى في الحالة دي اكتب اسم ولدي الاخير بابكر ولا عيسى ولك التحية والتقدير
Post: #36 Title: Re: اللوتري 2017 ..... مرحبا بالجميع Author: محمد مجيدو Date: 10-06-2015, 10:18 AM Parent: #1
الاخ الخير ......
السلام عليكم
شكرا على مجهوداتكم في تعريف الناس بطريقة التقديم للهجرة لامريكا .. ,وفي ميزان حسناتكم ... انا عندي ولدي ناوي يقدم .. بس هناك بعض الاسئله .. لو تكرمت الاجابه عليها ... مولود في الاسكندرية وحامل جواز سوداني الكتروني مكتوب فيه مكان الميلاد الخرطوم .... ماذا يكتب مكان الميلاد؟؟؟ .. وهل هم بطلبوا شهادة الميلاد الاصليه بعد الفوز ؟؟؟ وبالنسبة للشهادات الجامعية وغيرها .. جميعها باللغه العربيه .. هل هم بطلبوا ترجمه لها .. ام عندهم مترجم لهذه المهمه ؟؟؟ وبعد الفوز ..هل يسمح للمتقدم ان يعود لعمله في الخليج ويحتفظ بالاقامه في امريكا ؟؟؟؟ ( يعني حا يكون رايح جااي ) وهل تتم معاينة القنصل في دولة الميلاد ام في الدوله التي يقيم فيها الشخص ؟ و كيف يتم اختيار مكان الاقامه في امريكا بعد الفوز ؟؟ هل الشخص المتقدم هو الذي يحدد ام الحكومه الامريكيه ؟؟
Quote: مولود في الاسكندرية وحامل جواز سوداني الكتروني مكتوب فيه مكان الميلاد الخرطوم .... ماذا يكتب مكان الميلاد؟؟؟ ..
الاخ مجيدو تحياتي طبعا في المبتدأ سؤالي ليك هو كيييييف استخرج ابنك مستندات بانه مولود في السودان بينما هو مولود في مصر؟ عموما لو هو استخرج شهادة انه مولود في السودان خليهو يعبي طلب التقديم للوتري بانه مولود في السودان اما لو ما استخرج شهادة ميلاد او تسنين سودانية سؤالي هو كيف قدر يستخرج جواز؟ هل يمكن استخراج الجواز في السودان بدون شهادة ميلاد او تسنين؟
Quote: هل هم بطلبوا شهادة الميلاد الاصليه بعد الفوز ؟؟؟
نعم بطلبو شهادة الميلاد او التسنين ويجب ان تكون متطابقة لمعلومات الجواز
Quote: وبالنسبة للشهادات الجامعية وغيرها .. جميعها باللغه العربيه .. هل هم بطلبوا ترجمه لها .. ام عندهم مترجم لهذه المهمه ؟؟؟
نعم يجب ان تكون جميع الستندات مترجمة عند المقابلة والترجمة في السودان المعتمدة غالبا من جامعة الخرطوم قسم الترجمة اما في بقية دول الخليج او اي دولة عربية اخرى يمكن للفائز ان يتصل بالسفارة ويسألهم من الجهة المعتمدة لديهم في الترجمة وهم بدلوك هي هذه الجهة
Quote: وبعد الفوز ..هل يسمح للمتقدم ان يعود لعمله في الخليج ويحتفظ بالاقامه في امريكا ؟؟؟؟ ( يعني حا يكون رايح جااي ) وهل تتم معاينة القنصل في دولة الميلاد ام في الدوله التي يقيم فيها الشخص ؟
نعم يمكن للفائز ان يسافر لاي دولة في العالم بعدما يستلم القرين كارد وهو الاقامة الدائمة في امريكا بدوك ليهو بعد فترة بسيطة من دخولك امريكا اما اذا كنت ترغب في التجنس ونيل الجواز الامريكي فينصح ببقاءك لفترة خمسة سنين في امريكا خلال هذه الخمس سنوات يمكنك ان تسافر خارج امريكا لفترات اجازة عادية ( شهر شهرين تلاتة ) بس ما تطول برة البلد عشان الحاجة دي ممكن تعكس عليك سرعة نيل الجواز والتجنس
اما المعاينة فاداة الهجرة في خطاب الفوز بتحدد ليك البلد الحا تعمل فيها المعاينة وغالبا بتكون بلد الاقامة... اي البلد القدمت منه يعني لو سوداني ومقيم في الامارات فبلد المعاينة حا تكون الامارات ولو سوداني ومقيم في السودان كان زمان بعملو للزول المعاينة في مصر بس الان بعملوها ليك في السودان..... عموما هم بوروك مكان المعاينة حا يكون وين؟
Quote: و كيف يتم اختيار مكان الاقامه في امريكا بعد الفوز ؟؟ هل الشخص المتقدم هو الذي يحدد ام الحكومه الامريكيه ؟؟
يمكن للفائز ان يعيش في اي مكان في امريكا يرغب فيه وله كامل الحرية في التنقل كما يشاء وفي اي وقت يحب
اتمنى ان اكون قد اجبت علي اسئلتك ولك مني الود والاحترام
عزيزى الخير بعد الشكر الجزيل علي الجهد المبذول في خدمة الآخرين لدى صديق إسمه عبدالرحيم أحمد وإبن أخت إسمه عمرو بابكر أرسلا لك من قطر, ويرغبا في معرفة إستلامك لرسائلهما. أرجو الإفادة.
ساقوم اليوم ان امد الله في الاجال في الرد علي جميع الايميلات التي لم اتمكن في الرد عليها في الاسبوع الماضي اي حد رسل لي وما رجعت ليهو يتوقع منى رسالة في هذا اليوم باذن الله.
Post: #50 Title: Re: اللوتري 2017 ..... مرحبا بالجميع Author: احمد عمر محمد Date: 10-11-2015, 09:30 PM Parent: #49
الاستاذ عوض تحية طيبة مشكور سعيك في خدمة الاخوة حاولت مرات كثيرة وربما يغيب علي بعض المعلومات في التقديم فيكون نصيبي اللا قبول لو امكن مع علمي بالزحمة التي تتزايد عليك كل يوم ان ارسل لك صورتي و بياناتي لتقدم لي تقبل تحياتي مجدداً اخيك احمد
الاستاذ الخير السلام عليكم مجهود مقدر وربنا يجعله في ميزان حسناتك لدي سوال اذا عملت scan للصوره وكل المواصفات تمام ومشيت تعمل ليهاcorp في ال photo tool وابت تظبط رغم انها 600x600 هل ممكن تقدم بيها ام ماذا تفعل لك شكري
Post: #52 Title: Re: اللوتري 2017 ..... مرحبا بالجميع Author: ناصر احمد الامين Date: 10-13-2015, 05:33 AM Parent: #51
الاخ الخير تحيه طيبة و مجهود اطيب لدي عدة اسئلة اذا سمحت : 1- اذا الشخص منفصل من زوجته و لديه اطفال عاوز يرفقهم معاهو في الطلب .. ممكن؟ 2- اذا شخص لديه جنسية و جواز اريتري؟
شكرا لك يا حبيب
Post: #53 Title: Re: اللوتري 2017 ..... مرحبا بالجميع Author: عزالدين عباس الفحل Date: 10-13-2015, 05:58 AM Parent: #52
ناصر احمد الامين
...
صديقي الأرتيري ، صباح الخير ، ،،،،
...
Quote:
الاخ الخير تحيه طيبة و مجهود اطيب لدي عدة اسئلة اذا سمحت : 1- اذا الشخص منفصل من زوجته و لديه اطفال عاوز يرفقهم معاهو في الطلب .. ممكن؟ 2- اذا شخص لديه جنسية و جواز اريتري؟
Post: #55 Title: Re: اللوتري 2017 ..... مرحبا بالجميع Author: ناصر احمد الامين Date: 10-13-2015, 06:36 AM Parent: #53
Quote: ناصر احمد الامين ... صديقي الأرتيري ، صباح الخير ،
الفحل صباح النور و السرور ليك مده غايب .. علك بي خير تحياتي
Post: #56 Title: Re: اللوتري 2017 ..... مرحبا بالجميع Author: بدرالدين بابكر مصطفى Date: 10-13-2015, 07:24 AM Parent: #55
السلام عليكم الأخ الخير رسلت ليك ملف لتعديل الصور فقط .. وبقدم براي .. أرجو إجراء اللازم مع خالص الود والتقدير
Post: #57 Title: Re: اللوتري 2017 ..... مرحبا بالجميع Author: عزالدين عباس الفحل Date: 10-13-2015, 10:50 AM Parent: #56
ناصر احمد الامين
...
يا سلام يا ناصر ، ليك وحشة ، شنو شايفك فاري للـ USA مفارق الخليج العربي ، خلاص أقابلك عند تمثال الحرية ، ع خليج نيويورك ، OK ،،،، *** سلام الأخ الخلوق الخير محمد عوض ،
...
Quote:
الفحل صباح النور و السرور ليك مده غايب .. علك بي خير تحياتي
Quote: المرة الاولى قدمت معاك 2007 والتانية 2009 وبعد داك عملت نايم هههههههههههههه، ان شاء الله التالتة واقعة
انشاء الله يكون ايميلي وصلك؟ رسلتو يوم 6 اكتوبر
الاخ ابو بكر على تقبل تحياتي وامنياتي ..... قمت بالتقديم لك وارسلت لك رقم تاكيد التقديم على ايميلك اطيب الامنيات
Post: #68 Title: Re: اللوتري 2017 ..... مرحبا بالجميع Author: الخير محمد عوض Date: 10-19-2015, 10:04 AM Parent: #48
Quote: زيزى الخير بعد الشكر الجزيل علي الجهد المبذول في خدمة الآخرين لدى صديق إسمه عبدالرحيم أحمد وإبن أخت إسمه عمرو بابكر أرسلا لك من قطر, ويرغبا في معرفة إستلامك لرسائلهما. أرجو الإفادة.
هذا مع تقديرى الأكيد.
الاخ عاطف مكاوي كيفك يا حبوب نعم استلمت رسائلهم وقمت اليوم بالتقديم لهم وارسلت لهم علي ايميلاتهم ما يفيد ذلك امنياتي لهم بالتوفيق .... ولك مني الاحترام والتقدير
Post: #67 Title: Re: اللوتري 2017 ..... مرحبا بالجميع Author: الخير محمد عوض Date: 10-19-2015, 09:59 AM Parent: #47
الاخ عمر مصطفى
تحياتي يا حبوب ...... قمت بالتقديم لك ومرسل لك رسالة علي ايميلك مرفق بها رقم تاكيد التقديم تقبل احترامي وخالص الامنيات
Post: #72 Title: Re: اللوتري 2017 ..... مرحبا بالجميع Author: بدرالدين بابكر مصطفى Date: 10-20-2015, 08:35 AM Parent: #67
الأخ الخير
السلام عليكم
أرسلت لك صور الأولاد واحدة واحدة مع خالص الشكر
Post: #73 Title: Re: اللوتري 2017 ..... مرحبا بالجميع Author: Omer Mustafa Date: 10-21-2015, 09:03 AM Parent: #67
Quote:
لاخ عمر مصطفى
تحياتي يا حبوب ...... قمت بالتقديم لك ومرسل لك رسالة علي ايميلك مرفق بها رقم تاكيد التقديم تقبل احترامي وخالص الامنيات
الأخ الخير
اسلمت الايميل شكراً وما قصرت والله وربنا يقوي النصيب
الاخ عاطف مكاوي كيفك يا حبوب نعم استلمت رسائلهم وقمت اليوم بالتقديم لهم وارسلت لهم علي ايميلاتهم ما يفيد ذلك امنياتي لهم بالتوفيق .... ولك مني الاحترام والتقدير
عزيزى الخير بعد التحية
أرجو شاكراً أن ترسل للأخ عبدالرحيم أحمد الكونفيرميشن نمبرس مرة أخرى لأنو لسبب ما لم يصلهم الإيميل .. أما إبن أختي عمرو إستلم وجميعهم يشكرونك كثيراً. وبالتوفيق.
أحدهم من أثق فيه فقال لي بأن الهجرة لأمريكا هي selection not election وبرر ذلك بأن الأمريكان قد كبروا في بعض الولايات مهددين بشبح بالانقراض ، فما عارف صحة المعلومة ! هل الاختيار العشوائي ده حقيقة ولا ذي الانتخابات الأمريكية برضوا selection not election
Post: #81 Title: Re: اللوتري 2017 ..... مرحبا بالجميع Author: أبوبكر عبد القادر العاقب Date: 10-25-2015, 06:36 AM Parent: #80
الخير صباح الخير أو مساء الخير حسب الحالة ،، آرجو مراجعة البريد الإلكتروني على الهوتميل ،،، مع خالص الود
تحياتي يا شباب وعذري للتاخر في الرد على رسائل من لم استطيع الرد عليهم حتى الان وذلك نسبة للكم الكبير جدا من الرسائل والطلبات والاستفسارات التر تردني كلللل يوم في بريدي الاليكتروني .....احب ان اطمئن الجميع باني لم ولن اتجاهل الرد لاي رسالة او اي طلب وردني وهذا كان وعدي لكم دائما ومنذ انطلاقة هذا البوست داعيا الله ان يوفقني واياكم لعمل يرضاه....... وودت اخطاركم بانني سوف لم اتمكن من قبول اي طلبات جديدة ابتداءا من اليوم لكن اي طلب وردني قبل هذا اليوم يعتبر امره مقضى باذن الله ..... طبعا كنت اتمنى اني اواصل في تقديم خدمة قبول الطلبات الى اخر يوم في التقديم ولكن حتى اتفرغ لاكمال ماهو موجود عندي من الطلبات رأيت ان اتوقف في هذا اليوم من قبول اي طلبات جديدة ارجو ان يوفقني الله في اكمالها التقديم والرد على جميع ما وردني من رسائل
بالنسبة لمن راسلني في هذا البوست سوف ارد عليكم جميعا هنا في هذا البوست باذنه تعالى في ما تبقى من هذا اليوم بالنسبة لغير اعضاء المنبر والذين راسلوني في بريدي سوف يجدوا جميعا ردي عليهم فيما تبقى من هذا اليوم
لكم حبي جميعا وكامل الود وما تنسوني من الدعوات الطيبات
Post: #91 Title: Re: اللوتري 2017 ..... مرحبا بالجميع Author: الخير محمد عوض Date: 10-26-2015, 06:34 AM Parent: #80
Quote: أحدهم من أثق فيه فقال لي بأن الهجرة لأمريكا هي selection not election وبرر ذلك بأن الأمريكان قد كبروا في بعض الولايات مهددين بشبح بالانقراض ، فما عارف صحة المعلومة ! هل الاختيار العشوائي ده حقيقة ولا ذي الانتخابات الأمريكية برضوا selection not election
ابو عمير سلامات يا مان
الكلام الفوق دا ما صاح كللللللللو كدا على بعضه هههههههههههههههه يعني حاولت القى لي فيهو حاجة واحدة صاح صدقنى ما لقيت كلللللللش :)
مودتي
Post: #90 Title: Re: اللوتري 2017 ..... مرحبا بالجميع Author: الخير محمد عوض Date: 10-26-2015, 06:30 AM Parent: #79
Quote: هل تعديل خلفية الصورة بالفوتوشوب مسموح والا غير مسموح
الاخ ايمن سلامات وتحية سؤالك مهم جدا التعديل بشكل عام مسموح به في مسالة ضبط مقاسات الصورة وضبط الاضاءة والرسليوشن وما الى ذلك بحيث ان لا يغير التعديل اي شي من الصورة نفسها بمعنى لا يمكنك اضافة ذقن مثلا او تغيير لون الشعر مثلا او اخفاء ملامح رئيسية في الوجة كالعينين اما فيما يتعلق بجوهر سؤالك وهو الخلفية...... فالخلفية يمكنك تغييرها عادي وينصح دائما ان تكون بلون خافت ويفضل اللون الابيض.
تحياتي
Post: #89 Title: Re: اللوتري 2017 ..... مرحبا بالجميع Author: الخير محمد عوض Date: 10-26-2015, 06:22 AM Parent: #78
Quote: أرجو شاكراً أن ترسل للأخ عبدالرحيم أحمد الكونفيرميشن نمبرس مرة أخرى لأنو لسبب ما لم يصلهم الإيميل .. أما إبن أختي عمرو إستلم وجميعهم يشكرونك كثيراً. وبالتوفيق.
عاطف كيفك يا حبوب اعدت ارسال الكونفيرميشن نمبر لعبد الرحيم ارجو المراجعة معه وارجو افادتي بالاستلام تقبل تحياتي واحترامي
Quote: الخير صباح الخير أو مساء الخير حسب الحالة ،، آرجو مراجعة البريد الإلكتروني على الهوتميل ،،، مع خالص الود
الاخ ابو بكر تحياتي
بالعودة لاميلك وجدت ان جميع بياناتك مكتملة ولكن لديك اشكالية كبيرة في بعض الصور وهى غير مطابقة لمواصفات الصور الصحيحة يبدو انك لم تراجع الكلام الذي اوردته في بوستاتي فيما يتعلق بامر الصور الصحيحة ..... عموما عندك صورتين قمت بتعديلهم وجعلتهم متطابقات لمواصفات الصور الصحيحة وارسلتهم لك في ايميلك اما بقية الصور التى لم ارسلها لك فهي صور غير صحيحة ارجو منك عمل الاتى ان كنت لا تزال ترغب في مساعدتى للتقديم لك: الاسراع بالذهاب لاقرب استديو وعمل صور جديدة وارسالها لى في اسرع فرصة ممكنة ان تحول بارسالهم بملف غير ملف RAR لانه الملف دا عذااااااااااب عشان تفتح الصور منه ارجو افادتى بما تنوي عمله وتقبل احترامي وخالص الامنيات
اخونا الخير لك تحياتي قبل ساعتين تقريبا ارسلت لك اسماء اسرة زميلنا عصام عبد الرحمن محمد احمد ولم اك اعلم بقراركم....... وهو مصر ان يتم التقديم عن طريقكم وقد وعدته ان اقدم له ولكن فؤجئت بقراركم الذي اقدره واعرف تماما مدي المشقة والتعب تحت ظروف امريكا ولكني اعشم في استثناء لان قراركم كان فجائي لك شكري ................... ازهري طه
Post: #86 Title: Re: اللوتري 2017 ..... مرحبا بالجميع Author: أبوبكر عبد القادر العاقب Date: 10-25-2015, 08:30 PM Parent: #84
الأخ الخير ،، شكر الله سعيك وطول عمرك ستصلك الصور المتبقية بالشكل المطلوب في أسرع وقت ممكن ،،، تسلم يا حبيب وما نعدمك ...
Post: #87 Title: Re: اللوتري 2017 ..... مرحبا بالجميع Author: محمد الامين محمد Date: 10-25-2015, 08:45 PM Parent: #86
الخير سلامات ارسلت لك ايمل الرجاء التاكيد والرد من [email protected]
Post: #88 Title: Re: اللوتري 2017 ..... مرحبا بالجميع Author: الخير محمد عوض Date: 10-26-2015, 03:58 AM Parent: #87
الاخ محمد الامين تحياتي يا رجل قمت بالتقديم لك وارسلت لك ما يفيد بذلك على ايميلك ... امنياتي لكم بوافر الحظ
سلامات مجهود جبار يستوجب الشكر والثناء عايز اقول اولادي احمد 13 سنه واواب 10 سنوات وخالد 6 سنوات ربنا يحفظهم قايمين بي نمرة 4 في حكاية الهجرة دي وكرهوني العيشه ..ياشباب خلوني في بلد المحن دي انا مازول هجرة وتلتله ..قالو لي خلي عندك طموح ..نقوم وننوم الهجرة ياابوي..اهو اتصورت ليهم وودخالتهم في امريكا قدم ليهم وهم مازي ابوهم ..حظهم كويس افتكر ولو ضربت معاهم تبقي حكايتنا حكاية.. شكرا جزيلا
السلام عليكم يا الخير ، وكتر خيرك علي جهودك ... بضعة أسئله لو سمحت . - بالنسبه لمكان الميلاد ممكن يكون شهادة الميلاد زمان المديريات يعني ممكن تكون بعد التقسيم لولايات انفصلت عن مكان ميلادك بالتالي في ولايه اخرى مثلأ مولود في قريه أبو حواء جنوب طوكر مديرية كسلا ، وياتي الفرق ... ( نلاحظ أن بورتسودان هنا غير مذكوره مطلقآ ) .... بالتالي التعريف الجديد لمكان الميلاد بيكون باختصار مولود في قرية ابو حواء - جنوب طوكر - ولاية البحر الأحمر ( وهنا الفرق بين نظام المديريات والنظام الولائي ) ... ما الحل برأيك ، أوصف ليهم بالمديريات ام المحليات مع ملاحظة أن هذا سيختلف مع الجواز تلقائيآ لان بيانات الجواز الإلكتروني عن طريق السيلكت ( الإختيار ) ... وهنا سيختلف مع نظام المديريات لان ناس السجل مش حيغيرو نظام الجواز للغرض دا مثلآ ! رأيك مشكور . - الصوره بالنسبه للزوجه أو البنات الراشدات بغطاء الرأس مقبوله ؟ . - وأخيرآ هنالك فقره مزعجه وهي بتاعة العناوين نلاحظه انها address care of 1 * ,2 and adderss 3 وياتي الحي والبوستال كودا في فقره واحده فضلآ تمثيلها لاني قاعد ألقي نفسي بكتب اجابه واحده في كل الأسئله وهل البوستال كود هو 00249 أم آخر ... آسف للإطاله مع كل الخير .
Quote: السلام عليكم يا الخير ، وكتر خيرك علي جهودك ... بضعة أسئله لو سمحت . - بالنسبه لمكان الميلاد ممكن يكون شهادة الميلاد زمان المديريات يعني ممكن تكون بعد التقسيم لولايات انفصلت عن مكان ميلادك بالتالي في ولايه اخرى مثلأ مولود في قريه أبو حواء جنوب طوكر مديرية كسلا ، وياتي الفرق ... ( نلاحظ أن بورتسودان هنا غير مذكوره مطلقآ ) .... بالتالي التعريف الجديد لمكان الميلاد بيكون باختصار مولود في قرية ابو حواء - جنوب طوكر - ولاية البحر الأحمر ( وهنا الفرق بين نظام المديريات والنظام الولائي ) ... ما الحل برأيك ، أوصف ليهم بالمديريات ام المحليات مع ملاحظة أن هذا سيختلف مع الجواز تلقائيآ لان بيانات الجواز الإلكتروني عن طريق السيلكت ( الإختيار ) ... وهنا سيختلف مع نظام المديريات لان ناس السجل مش حيغيرو نظام الجواز للغرض دا مثلآ ! رأيك مشكور . - الصوره بالنسبه للزوجه أو البنات الراشدات بغطاء الرأس مقبوله ؟ . - وأخيرآ هنالك فقره مزعجه وهي بتاعة العناوين نلاحظه انها address care of 1 * ,2 and adderss 3 وياتي الحي والبوستال كودا في فقره واحده فضلآ تمثيلها لاني قاعد ألقي نفسي بكتب اجابه واحده في كل الأسئله وهل البوستال كود هو 00249 أم آخر ... آسف للإطاله مع كل الخير .
سلامات يا ايمن
حا احاول اجاوب على اسئلتك واحد واحد لانها فعلا اسئلة مهمة وتحتاج لاجابات واضحة السؤال الاول فيما يختص بمدينة الميلاد فعلا لاحظت انه حصل فيها لخبطة كتيرة وطبعا اي شي متوقع من جماعتنا ديل واعني بجماعتنا ناس الجوازات السودانية بجيني احساس انه المسالة دي بعملوها بالبركة ساي ولا يحكمها سيستم ولا قانون لانه في بلاد الدنيا كلها بكتبو اسم المدينة او القرية الاتولد فيها الزول تماما كما هي موجودة في شهادة ميلاده ودي مسالة ما صعبة اظن لكن جماعتنا جايطنها جوطة السنين مثلا انا لاحظت في الطلبات الجاتني السنة دي انه الزول يكون مولود مثلا في مدني وشهادة ميلاده يكون مكتوب فيها مدني وناس الجوازات يكتبو ليهو مدينة الميلاد SOUTH JEZI كدا والله وجدتها مكتوبة ههههههههههه معقولة بس :). عموما دا ما موضوعنا هسي موضعنا انه الحل شنو ..... الحل يا سيدي انك ترضى بقسمتك فيما ارتضته لك ادارة الجوازات وتسكت بس وتنتظر نتيجة اللوتري اذا قدر لك الفوز تمشي تشوف ليك محامي يعمل ليك اشهاد موثق يفيد بانه انت اتولدت في القرية الفلانية مثلا وانه مدينة الميلاد المكتوبة ليك في جوازك دي هي اسم المحلية التي تتبع لها القرية التي ولدت فيها وهذا اجراء جديد قامت به ادارة الهجرة وتتوكل تقابل القنصل بالاشهاد دا وربك كريم
السؤال التاني بما اني اجبت عنه كتيير جدا في البوستات السابقة ولكن لا ضير ان اعيده هنا تاني الحجاب مقبول تماما لان الحجاب مرجعيته دينية واي لباس بمرجعية دينية مقبول تماما والحالة الوحيدة الما ممكن يكون مقبول فيها هو غطاء الوجة كالنقاب مثلا.... او تغطية اي جزء من ملامح الوجة برضو ما مقبول لكن الحجاب الواحد بتاعنا البنعرفه دا مقبول تماما ..... في ناس بقولو ليك لازن الاذن تظهر ودا كلام خطأ..... مافي اي داعى لظهور الاذن يعني صورة بالحجاب والاذن مغطاة بتكون مقبولة تماما الشي الما مقبول هو الطرحة لانه الطرحة ما حاجة دينية الطرحة دي بيتعتبروها ثقافة لبس وليس لها مرجعية دينية عندهم...... اتمنى اني اكون قدرت اشرح النقطة دي كويس
السؤال الثالث: وهي العنوان طيب يا سيدي الفاضل العنوان دا هسي بقى حاجة ما مزعجة .... زمان كان مهم جدا لانه زمان الزول البفوز برسلو ليهو ع العنوان الكاتبه في فورم التقديم لاخطاره بالفوز اما الان اي زول ممكن يعرف انه فاز او لا بادخاله للكونفيرميشن نمبر وبعدها طوالي بيعرف انه فاز ام لا...... عشان كدا ممكن في مرحلة التقديم دي تكتب اي عنوان اما العنوان الحا تتم بيهو المراسلة معاك فيما بعد اذا ما قدر لك الفوز فداك عنوان مهم جدا انه يكون سليم مية المية بس مافي المرحلة دي زي ما قلنا فما تشيل هم هسي يمكنك كتابة اي عنوان...... طبعا العنوان المختوت في فورم التقديم دا مصمم على طريقة العناوين في امريكا هنا
تحيتي اتمنى اني اكون قدرت اجاوب على اسئلتك بصورة واضحة ومقبولة :)
Quote: مجهود جبار يستوجب الشكر والثناء عايز اقول اولادي احمد 13 سنه واواب 10 سنوات وخالد 6 سنوات ربنا يحفظهم قايمين بي نمرة 4 في حكاية الهجرة دي وكرهوني العيشه ..ياشباب خلوني في بلد المحن دي انا مازول هجرة وتلتله ..قالو لي خلي عندك طموح ..نقوم وننوم الهجرة ياابوي..اهو اتصورت ليهم وودخالتهم في امريكا قدم ليهم وهم مازي ابوهم ..حظهم كويس افتكر ولو ضربت معاهم تبقي حكايتنا حكاية.. شكرا جزيلا
الاخ محمد عكاشة تحياتي يا حبوب ربنا يوفقك ويوفق العيال لما فيه صلاح لك ولهم واهو تجربة والفيها الخير ربنا يسويها كان في اراضين عمنا سام او اي فجاج اخرى في فجاج اراضين الكون
Quote: تحياتي وتقديري لمجهوداتكم الكبيرة فقط للاطمئنان هل تم التقديم خلاص ؟
الاخ عثمان الخير تحياتي
طلبك كان من اكثر الطلبات التي استلمتها صحة وكذلك الصور كانت كلها صحيحة والحمد لله قمت باكمال فورم التقديم لك ولاسرتك الكريمة وقد ارسلت لك على ايميلك ما يفيد بذلك مرفق مع الايميل الكونفيرميشن نمبرس مع خالص امنياتي لكم بالتوفيق
Post: #100 Title: Re: اللوتري 2017 ..... مرحبا بالجميع Author: الصادق خليفة Date: 10-27-2015, 05:28 AM Parent: #99
اخوي الخير كيفك صورة تقديم العام الماضي تنفع ؟ ام لازم صور جديده مع وافر الشكر
Post: #101 Title: Re: اللوتري 2017 ..... مرحبا بالجميع Author: أبوبكر عبد القادر العاقب Date: 10-27-2015, 07:20 AM Parent: #100
سلام يا الخير ،،، أرسلت ليك أمس صورة جديدة ،، إن شاء الله تكون ظبطت؟ تحياتي من هنا لا عندك
Post: #102 Title: Re: اللوتري 2017 ..... مرحبا بالجميع Author: خالد عبد الحليم سعيد Date: 10-27-2015, 08:55 AM Parent: #101
الحبيب الخير ،،، تحياتي
شاكرين لك مجهوداتك المقدره مع الجميع وربنا ان شاء الله يجعل المخارجه على يديك وعلى يد كل مساعد
Post: #103 Title: Re: اللوتري 2017 ..... مرحبا بالجميع Author: الخير محمد عوض Date: 10-28-2015, 02:25 AM Parent: #101
Quote: سلام يا الخير ،،، أرسلت ليك أمس صورة جديدة ،، إن شاء الله تكون ظبطت؟ تحياتي من هنا لا عندك
الاخ ابو بكر تحياتي صورك دخلتني مدرسة هههههههههههه لكن الحمد لله في النهاية اتظبطت بس صراحة اخدت منى وقت كتير جدا جدا لكن كلو يهون لو ظبطت معاك وربنا وفقك ...... وددت افادتك باني قدمت ليك ورسلت ليك ارقام التاكيد على ايميلك مع خالص امنياتي لك بالتوفيق
تحياتي
Post: #104 Title: Re: اللوتري 2017 ..... مرحبا بالجميع Author: بشير أحمد Date: 10-28-2015, 05:51 AM Parent: #103
تحياتي اخي الخير ...وشكرا على مجهوداتك... مرسلك لكم صور وبياناتي والعيال ... فرصة الايام الاخيرة ...
Post: #105 Title: Re: اللوتري 2017 ..... مرحبا بالجميع Author: أبوبكر عبد القادر العاقب Date: 10-28-2015, 06:01 AM Parent: #104
Quote: الاخ ابو بكر تحياتي صورك دخلتني مدرسة هههههههههههه لكن الحمد لله في النهاية اتظبطت بس صراحة اخدت منى وقت كتير جدا جدا لكن كلو يهون لو ظبطت معاك وربنا وفقك ...... وددت افادتك باني قدمت ليك ورسلت ليك ارقام التاكيد على ايميلك مع خالص امنياتي لك بالتوفيق
تحياتي
حبيبنا الخير الله يجزيك خير ويوجه ليك الخير ويرزقك البركة في رزقك وعافيتك وعمرك ،، ويثقل موازين حسناتك باجتهادك معانا. سؤال أخير بس ،،، التقديم حقي لكل واحد من الأبوين منفصل ومعاه العيال ولا الفكرة شنو في الرقمين؟ تسلم إن شاء الله ويارب نلاقيك هناك ...
الاخ ابو قصي تحياتي بالرجوع لارسالك وجدت انك لك تزودني بكثير من البيانات المهمة جدا وجميع صورك وصور الاسرة غير سليمة عليه اعذرني يا صديقي فلن اتمكن ان اقدم لك في هذه المرة طبعا كنت بتمنى ان اجد كل صوركم وبياناتكم سليمة كنت ما بتردد انى اقدم ليك يا صديق ولكن الان لم يتبقى كثير من الزمن وانا انشغلت كتير بالطلبات فتقبل عذري يا صديقي
الاخ بشير تقبل تحياتي كنت قد اعلنت قبل يومين توقفي عن قبول طلبلت جديدة للتقديم وذلك حتى استطيع من اكمال التقديم للكم الهائل من الطلبات امامي ارجو قبول عذري في عدم تمكنى من التقديم لك في هذه المرة مع كامل امنياتي لك بحظ اوفر
Quote: خوي الخير كيفك صورة تقديم العام الماضي تنفع ؟ ام لازم صور جديده مع وافر الشكر
صورة العام الماضى غير صالحة ولا يمكنك استخدامها للتقديم الجديد لانهم طالبن صورة حديثة لا تتجاوز الستة اشهر واذا قدمت بصورة قديمة حا تتعرف وحا تسقط حجر طلبك عليه لا انصح باستخدام صور العام الماضي.