10:37 AM Oct, 01 2015 سودانيز اون لاين طلحة عبدالله- مكتبتى فى سودانيزاونلاين
للأسف تابعت الورجغة الحصلت في قناة أم درمان بين حرم شداد وسهير عبد الرحيم وبينهن عادل سيد أحمد والتي اختار لها الأخير اعترافات المرأة السودانية رغم أن مضمونها لم يتصل ولو بكلمة واحدة فقط بهذا العنوان المثير .. الانطباع الذي سيطرمباشرة على ذهني من أول خمس دقائق انو حرم شداد قليصة متفلسفة ومنظراتية بفخر وزهو مبالغ فيه وهي تتحدث عن البلاجات وشواطىء العراة في المصيفات الأوربية في مقارنتها الساذجة جدا لانضباط الرجل هناك بانضباط الرجل السوداني في السوق العربي وأماكن المواصلات ومكاتب العمل، وتساءلت باستغراب ( عبيط) عن سبب إقدام الراجل السوداني على التحرش بالمرأة السودانية وأحجام الرجل الأوربي عن هذا الفعل، ومباشرة أجابت على سؤالها بالقول أن الأخير أكثر انضباط وحكمة في نظرته للمرأة في إشارة إلى أن الرجل السوداني حيواني الطبع، وهو الأمر الذي نفته بشدة بل وغلظة شديدة في نهاية البرنامج عندما خرجت الضيفة الثانية سهير عبد الرحيم بنفس فكرة حيوانية الراجل في تعامله مع المرأة..ولا أعرف سبب التحول الحاد في موقفها هذا سوي أنه تصرف طفولي من دكتورة في علم النفس أرادت أن تكون لها كلمتها العليا في مواجهة بنت جنسها، حتى ولو كانت النتيجة ( شكلة نسوان) كادت أن تقوم على الهواء مباشرة عندما أصرت كل واحدة من الضيفتين (التحفتين) على وجهة نظرها،رافضة بشدة عدم التغول عليها من الأخري، قبل أن يتدخل المسكين عادل سيد أحمد ليمنع فاصل الكوميديا الذي كان على وشك. أما بالنسبة لسهير عبد الرحيم فالأسف كانت عبارة عن سذاجة بلسان وشفتين وبلا أية فكرة أو خبرة .. وطوال ما هي تتحدث كنت أتصورها في جلسة غلاط بأعلى الأصوات مع صاحباتها في واحدة من الحدائق العامة، وهي تستميت لإظهار نفسها بمظهر المثقفة والمحنكة والعارفة (الما عارفاتنو بقية البنات)، بإقحامها لمفردات لا علاقة لها بمحور حديثها وكنكشتها في عبارة إنجليزية واحدة فقط ( ونص انو كذا وكذا ) وحشرها حشرا في الكلام .. وفي خضم قتالها العشوائي لإظهار قوة شخصيتها المصنوعة ومنطقها الذي كان عبارة عن هرجلة بنت مشاغبة في سنة أولي ثانوي تكرمت أختنا الفاضلة بسرد تجاربها الشخصية في العمل الصحافي لتبيان كيف يمكن للمرأة أن تكون حازمة ضد التحرش بها..وبرغم أن ما قالته يمكن أن يكون من تأليف خيالها ولكنه على أي حال لا يمكن أن يكون حائط صد في وجه المتحرشين وهي تقول أنها صدت المسئول الرفيع عندما أراد أن يقول لها نكتة بأن حذرته أن لا تكون النكتة هابطة ( جاءني هبوط ) .. وهي تظن أنها بهذا قد حسمت هذا المسؤول الساذج الذي دخل في علبه ومنحها بسخاء كل ما يملك من معلومات وإجابات وفي النهاية لم يتجرأ على القيام ليودعها حتى باب الخروج.. ياللسيناريو الوالغ في فانتازيا الأفلام التجارية الرخيصة. عادل سيد أحمد مقدم البرنامج ظل طوال هذا الونسة العبيطة يوزع ابتسامات لا معني لها وكأنه موفد دعاية معجون أسنان.. والغريبة أنه اتفق صراحة أحيانا وضمنا أحيانا أخري مع قلاصة المتمدينة حرم شداد وسذاجة المسكينة سهير عبد الرحيم .. لينهي واحدة من حلقات الكلام الكتير الذي لم يقل فيه أحد أي شىء... يالفراغنا وقلة شغلتنا البتخلينا نتابع هذا العبث التلفزيوني.
Post: #2 Title: Re: قلاصة بت شداد وورجغة بت عبد الرحيم .. يالل Author: محمد البشرى الخضر Date: 10-01-2015, 11:46 AM Parent: #1
Quote: حتى ولو كانت النتيجة ( شكلة نسوان) كادت أن تقوم على الهواء مباشرة عندما أصرت كل واحدة من الضيفتين (التحفتين) على وجهة نظرها،رافضة بشدة عدم التغول عليها من الأخري، قبل أن يتدخل المسكين عادل سيد أحمد ليمنع فاصل الكوميديا الذي كان على وشك.
هسع دا كان رجل اوروبي منضبط اكان شجعهم وقعد يصرخ Cat fight لكن تقول شنو في تخلف عادل سيد احمد خريج السوق العربي :)
طلحة كل عام وانت بخير والقابلة في عرفات ..
حرم شداد ما غريب علي الاسم دا غاتو ما عارف ياهو اسمها والا اسمها سارة ابو
لكن سهير عبد الرحيم ما ظنيت سمعت بيها عشان اشبهها ..!
يا حيدروف الدكتور حرم شداد استاذة جامعية وكاتبة صحافية وسهير عبد الرحيم كما قال عادل سيد أحمد كاتبة معروفة تميزت بالجرأة في تناول المسكوت عنه .. قلتا لي الاتنين ما بتعرفن ؟هههههههه والله بصراحة أنا حرم شداد دي اول مرة أعرفا وأشوفا أما سهير كنت بعرفا أيام كانت متدربة في الصحافة .. بعد كدا ما سمعت بيها إلا لما كتبت عن قصة النسوان الببيعن الشاي في شارع النيل .
عموما دا رابط يوتوب الحلقة .. https://http://http://www.youtube.com/watch؟v=7iu06M5Lv5swww.youtube.com/watch؟v=7iu06M5Lv5s
Post: #5 Title: Re: قلاصة بت شداد وورجغة بت عبد الرحيم .. يالل Author: عبد العزيز محمد عمر Date: 10-01-2015, 12:15 PM Parent: #3
حاجات زي دي البيوديكم ليها شنو ..؟؟؟ فقع مرارة يعني ..؟
ههههههه شكرا يا نصر الدين والله ما قصرت عليك شوف القعدة أولا وبعد كدا تابع ( لو قدرت ) الكلام .. يا خ معقولة ؟ وبعدين بصراحة موضوع الحلقة ذاتو مبتذل اتقال واتكتب واتعجن عجن قبل كدا كتير .. وبما أنه لم يلتزم بموضوع الاعترافات وتحول بقدرة قادر إلى ورجغة في خيانة الرجل وتحرشه بالمرأة في الشارع واختيار زوج المستقبل كان يمكن أن تكون الحلقة أكثر فائدة وجاذبية لو تم إختيار عدد أكبر من بنات الجامعة غير المتزوجات، ولا بأس من بعض الخبرة من المتزوجات للتداخل فيما يتعلق بتجاربهن خصوصا فيما يتعلق بما قبل وبعد الزواج .
رغم انو عادل سيد أحمد يستاهل أن يجرد من الألقاب لكن والله زعلت شديد لأن سهير عبد الرحيم رفعت كلفة الاحترام وحواجز التقدير وهي تخاطبه باسمه حاف كدا من غير أي شىء؟ رغم أنه اشتغل في هذا المجال قبل أن تعرف هي كيف تقرأ الجريدة .
Post: #10 Title: Re: قلاصة بت شداد وورجغة بت عبد الرحيم .. يالل Author: نصر الدين عثمان Date: 10-01-2015, 01:08 PM Parent: #8
صحيح يا طلحة....
وعادل سيد أحمد زاتو ما قصر..
بضحالة أسئلته وتهافتها وتعليقاته المبتذلة..
قال معلقاً على كلام أ. سهير .. بالتغيير الذي يطرأ على الرجل السوداني بعد الزواج...
سلام أخي طلحة.. زمان أيام الصبا،لمّا كنا متعصبين في لعب ومتابعة الكورة،كان عندنا (الشلة وأنا) فهم متجذر إنو أي مريخابي لازم يكون أشتر بالفطرة،والشتارة دي مافي الكورة بس وإنما حتي في الرأي والسلوك..إلخ..لكن مرة مرة كدا، بنقوم نقابل مريخاب راقيين وفاهمين ولعابيين،فعشان كدا قمنا قسمنا المريخاب لقسمين(العام ودا معناهو الأشتر والخاص ودا معناهو الراقي)، فلما نلاقي واحد جديد نقوم نتشاور دا عام ولّلا خاص،حتي بعداك نصدقليهو اللقب المناسب..مرة لاقينا واحد عجيب لامن عقدّنا ذاتو،فلما جينا نديهو اللقب حقو(وكنا متأكدين إنو من الخاصة) قام واحد من الشلة صيّح :خاص شنو ياأخوانا،والله دا هلالابي عدييل، لكن ماعارف نفسو.. منذ أكثرمن عقدين من الزمان تفرتقت الشلة،وتفرتق معها التعصب وحتى الكورة ذاتا..وتفرتقت تبعا لذلك عرى كثيرة،لكن بقي عندي من ذاك شئ واحد فقط، وهو رمزية لفظة الاعجاب..فأنا مازلت حتي الآن،إن أعجبني شئٌ أيا كان نوعه،أقول في سري :دا هلالابي،لكن ماعارف نفسو.. ولذلك ياطلحة لما أقرأ مداخلاتك (وأرجو الاّ تأخذ الأمر بحساسية الكورة) بقول في سري:دا هلالابي،لكن ماعارف نفسو..
والله يا عليش الريدة دا كلام كبير من زول ما ساهل أبدا ( أسلوب رائع وأفكار أروع كما تابعتها) .. وصدقني أنا أحترم جدا الهلال الكيان وكثير من الهلالاب أصدقاء وزملاء وأقارب وأكن لهم تقديرا يفوق بكثير من أكنه لكثير من المريخاب .. لولا الفطرة وبوصلة القلب لما ترددت لحظة واحدة في أن أكون هلالبيا صاعقا.. وفي النهاية هما عندي عينان في الرأس . شكرا كتير والله يا عليش دا إطراء أعتز وأفتخر به .
يا زول بلاجات شنو .. عمري كلو عديتو دميرة وجروف وأب عشرين .. اكره ليك القلاصة والشو زي ما بكره أفلام أميتاب باتشان بالضبط . تعال اتحفني ساي والله بسبب ناس ديل الواحد حاسي بي كتمة نفس ... في حوجة ماسة للجمة وريحة الدعاش .. نم آآزول .
يا دكتور تصدق الفيديو دا إترسل لي رابطو في الخاص .. غايتو الزول الرسلو لي يا حاقد علي يا حاقد على عادل والضيفات لكن بعد شفتو اتيقنت انو حقدو على أكتر .
يا أمجد لو عايز أسمع حكاوي البلاجات وأشوف مشاهد العراة في الشواطىء والمصيفات في مليون طريقة وطريقة عشان أشوف شوف العين شنو البخليني أتحكر عشان أسمعا من حرم شداد ؟ من جهة تانية وين الرقي في ورجغة سهير دي؟ والله دي الغوغائية بى عينا .. عندي حساسية شديدة في الناس البتلبس مقاس أكبر منها وتحاول تستعرض بيهو .
بتنا سهير قدس الله سرها لما جابت سيرة صاحباتها قالت عندها واحدة عرسا فرنسي والتانية عرسا أمريكي وعايشين سعادة منقطعة النظير .. شو مبهر شديد .. وين صديقاتك المحليات .. ؟ واللا كلهن عايشات تعاسة منقطة النظير لأنهن تزوجن ما امريكي ولا فرنسي .. ثم شنو قصة عبارة (أنا نفسي بتأنف ) دي ؟؟ والله حيرتي دقنوسنا يا بت الناس .
Post: #29 Title: Re: قلاصة بت شداد وورجغة بت عبد الرحيم .. يالل Author: نصر الدين عثمان Date: 10-02-2015, 11:54 AM Parent: #28
طلحة وضيوفك الكرام .. تحياتي،
مش كدة يا د محمد ...
في محور الزوجة التانية ... أ. سهير قالت إنّو ما ممكن تقبل تكون زوجة تانية إلا إذا كان الرجل أرمل أو مطلق..... تدخل أ. عادل سيد أحمد مقاطعاً : أو غير متزوج... فتأمل..
قطامة وقلاصة فايتة الحد والله ياطلحة يا أخوي .. بعدين نوع النسوان الزي ديل مابيقدرن على الرجال .. ولابيتحملن مسؤليات الزواج التكميلية .. غايتو اللهم الا يكملن نفسن براهن بلا رجال ..
بعدين عندهن غبش كثيف في دور الراجل ودور المرأة .. وخالطات الشغلة خلط جد .. شيء علمانية وشيء تحرر مرأة .. ودور مرأة في المجتمع وشنو ماعارف .. وكلام كبار كبار تاني .. ديل دايرات يركّبن المرأة ( جمل ) ما حقها .. ويلبسنها توب الراجل .. عارف النسوان الزي ديل لايصلحن للعرس أصلاً.. عشان كده الواحدة فيهن بتتلب في أقرب ملف من مركب الزواج .. وراسها يجي ويدق الدلجة بعدين لمن تكبر وتكركب .. وتتلفت تلقى النسوان فاتن وخلنها بي غادي ..
شكيتن علي الله غايتو .. يشيلن ويختن .. شالن حال الرجل السوداني .. غايتو أكان أدوني القليصة دي أدبل بيها .. ( وده طبعن تشمو قدحة لانها خلاص كبرت ) ..
ندهن غبش كثيف في دور الراجل ودور المرأة .. وخالطات الشغلة خلط جد .. شيء علمانية وشيء تحرر مرأة .. ودور مرأة في المجتمع وشنو ماعارف .. وكلام كبار كبار تاني .. ديل دايرات يركّبن المرأة ( جمل ) ما حقها ..
ههههههه يسمعن ويقولن يا ود القوز غايتو الفضائيات والتقنيات ومواقع التواصل الإجتماعي ما عملن فينا خير أبدا .. ملعون أبو الإستلاب والتمدين الأعمي ياخ . ما تبقي عليهن قصة الغراب الكان عايز يقلد مشية الطاؤوس بس .. وأني لأراها بقت وإنتهت والله .. خخخخ
معليش كتبت نقة كتيرة ..وبضربة لازب..اتمسحت.. المهم يا صديقي ..كامل التضامن معاك..و ليك حق تنفعل...!
محنتنا يا صديقي ، زمان كنا بنفتكر انو المثقف بتاع امسودان بيتأفف من واقعو..واليوم ، ممكن بكل اطمئنان ، نقول انو المثقفة بتاعة امسودان ذاتها بتتأفف عن واقعها..!!
زمان يا طلحة ، حبوباتنا كانن بيلبسن الحزامة..فردة حول الخصر ولي تحت..والصدر عاري تماما..هل حصل تحرش وكده؟...بالطبع لأ..
اهلنا الأبالة في شمال كردفان ، البنيات كانن بيرعن بالإبل..والواحدة بيكون عندها سيف عديل..بتقوم تخلي النهد كاشف تماما..والشغلانة دي اسمها (كن راجل اهبشوا)..وهبشت النهد هناك معانتو..لو بتقدر امشي اتقدم وعرس بكتاب الله وسنة رسولو..!!..ومافي زول بيتحرش.. ليه يعني؟..!
هنا فيديو ..يا صاحب..صعب شوية (وعارف ناس كتيرة ما ح تقدر تعاين ليهو مرتين)...وسبب استشهادي بيهو ..ياهو حديث البلاجات ده ..!!
ديل سودانيات يا طلحة..سودانيات خارج حسابات مثقفة امسودان..وهن من شعب الكاو نارو في اقصى جبال النوبة..
عريانات ميطي..متمسحات بدهن..وشايلات سيطان...وبيجلدن بعضهن بعض (وهي ثقافة البطان المعروفة..)..زي ديل يا صاحب..اظرط من ناس البلاجات المفتونيين بيهم بعض مثقفي ومثقفات امسودان..ماشات ميطي زي ما الله خلقهن وطلقهن في الحياة دي..ومافيش تحرش جنسي او سياسي او اجتماعي او اخلاقي ذاتو..!!
اشمعنا ديل يسقطن من استشهاد التثاقف؟...ربك يعلم..
التصاوير لشعب الكاو نارو..قامت بيها الألمانية ليني ريفنستاقل ( إو أي كان اسمها)...ده لمن كان السودان بخيرو..الخواجات يجوا يتعلموا مننا الحاجات..واخر الزمن..انقلبت الآية..بقينا نحن بنتعلم منهم الحاجات..ناس بلاجات استراليا وشنو كده..
طبعا فكرة (الفتنة) دخلت في المناطق ديك..و ناس الكاو نارو..لو شفت ليهم فيديوهات حديثة ح تلقي البنيات..لبسن فساتين وطرح وشنو كده ما عارف.. ! سؤالي ، للناس الوهم بتاعين الحلقة دي..اهو ده ، بعض من ناس امسودان ، الرجال ميطي والعوين ميطي ...وما كان في تحرش جنسي...وشنو كده ما عارف..!!
تفتكروا ليه؟..
وهل مجتمع امسودان ، ياهو فقط مجتمع (هنا امدرمان)؟...
ول ابا كبر يديك العافية يا زول نجيض ياخ اتا صدقت ترهات أمراض العصر والإستلاب المزمن المسيطر على عقول ناس سهير وحرم شداد ديل ؟؟ أوع تكون مصدق ما يأفكون ؟ تحرش بتاع الساعة كم وفتنة شنو ؟؟ قبل يومين كنت بناقش في استيت بالفيسبوك واسي البوست موجود ممكن اجيبوا ليك هنا فاتحاهو بت قالت فيهو انو البنات البتزوجوهن هسع هن البنات البلبسن ضيق وبمشن كاسيات عاريات ومستعرضات في الشارع .. والغريبة الجميع بلا إستثناء اتفق معاها في بوست عمل مئات المداخلات.. قالوا الزمن دا زمن الإستعراض أية واحدة لابسة لحدي (عضم الشيطان) دي مصيرة البوار .. شفتا كيف ؟؟ عايز أقول ليك لو أصلا في تحرش والذي منو فالعملية متبادلة أو متفق عليها من الجانبين ( على حسب كلام البوست المعني فوق دا ).. بالنسبة للورجغة بتاعت الضيفتين فما في وصف ليها إلا إنها محاولة فاشلة للشو والظهور بمظهر الاستنارة والتمدين الكذوب.. محاولة فاشلة لأنو واضح التلعثم والركاكة وحشر المفردات في عبارات خارج السياق، وشح المعلومة المفيدة لكلتيهن.. عادل سيد أحمد ذاتو محاورو كانت مبتذلة وكلاسيكية جدا .. ودا حال قنواتنا الفضائية .. زيها وزي عشوائية هلال مريخ ما في فرق .. ............ الفيديو فعلا زي ما قلتا يا ول ابا ..