|
Re: معقولة خطأ بيانات الجواز الالكتروني يدفع� (Re: حامد بدري)
|
بدات رحلة من العذاب المتواصل للوصول لرقم وطني وجوازت لاسرتي مشوار فوق الالفين كيلو بالعربية من قبل اربعة شهور جينا السفارة بالرياض زحمة وجوطا وكبسيبا وغرفة الا ود الاحد حرووم ورجال وشفع ورضع طبعا معاملة الموظفين مابتحتاج شرح كلو في طرف مناخيرو اتصورنا للرقم الوطني وقلنا قطعنا نص المشوار ادونا مواعيد بعد اسبوع مشينا كملنا باقي قريشاتنا سفوري والعثيم والرياض مول وانبسطنا ورجعنا الديرة للبدو نلقط الرزق
| |
|
|
|
|
|
|
Re: معقولة خطأ بيانات الجواز الالكتروني يدفع� (Re: حامد بدري)
|
اديت اخوي يستلم الرقم الوطني من الماسورة سفارة الرياض قامو طلعو لي اسم ولدي عبدالماجد غلت من هنا قتا لي اخوي مافي طريقة يعدلو قالي مافي السيستم مابسمح واداني رقم مدير الجوازات عميد يحي رجل خلوق ومهذب ومحترم اتواصل معاي حتى بالواتس وقالي للاسف لازم تجي الرياض لانو الاجراء حيتم من جديد وتصوير في اجازة عيد الفطر لفينا كعب داير الحدود الشمالية المدينة مكة لحقنا الختمة وعمرة كارية ومشينا جدة اتبوبرنا حبة واتجدعنا في شواطئ جده وبيك وكان ليك وكده ورطبنا الهدا وجبل الكر ملاهي وتلفريكات واخر تجدع وركبنا خط الرياض مكة السفارة :) اها المرة دي نوينا الجواز الالكتروني وتعديل الاسم بتاع ماجد قووم ياوزير المالية الغي اورنيك خمستاشر ود ابظرطه وسويووهو اورنيك خمستاشر الالكتروني غايتو بس الاعمى مسكو العكاز الكتروني شنو عليكم ونتكم حسن بصلة اسرع منو اتو عندكم قدرة للالكتروني ولا تشببر ساي المهم السيستم واقف جيت السفارة صانننه صنة مبالغة عرفتا الحاصل والمحاسبين مصفقييين يدينوم مافي حاجة شغالة علا بوفيييي اخونا الباوقة فول وكركردي وتمبقى مارق اها وانا بلوغد في الفول اشوف ليك جماعة رضى الله عنهم منورين ومسبسبين شايلين كمبيوتراتوم ويكوركو اشتغل اشتغل اشتغل شنو ياناس الاشتغل الجواز طوالي ضربتا للمفراكة جهزي الشفع واتي امرقي بي توب الحكومة سرعة عشان البتاع اشتغل اشتغل اشتغل المهم شلتهم بالخطوة السريعة وكتا تالت واحد اتصورنا للجواز الالكتروني وادونا مواعيد بعد شهرين بالنسبة لماجد قالوا لازم يتعدل الاسم في الرقم الوطني والتعديل بجي من السودان انتظرتو جاني التعديل في نفس اليوم وصورتو واستلمتا الاسم معدل صحيح ومشيت للضابط ال بي يمين المكتب للاجراء واداني ايصال استلام بالاسم الصحيح وحمدتا الله وجررري مخرج تلتين فسحك الشفع ملاهي وسفسفة وقراند شيكن ودبل جييييز واسماء بعرفوها الشفع ترى نحنا ناس كسرة بي لايوق بغديهم واجري غبيررره ورجعنا الديرة على امل عطلة الضحية طبعا ناس السفارة الماسورة متخيلين مصاريف الناس بس ياها العندهم دي ناس الشقق والصرف بتاع الطريق ومكيف العربية الممكن ياكل منك الفين ريال والكفر ابو ستمية ريال ودي عندي قصة مع القنصل لحظة استلام الجواز الماسورة نحكيها قدام
| |
|
|
|
|
|
|
Re: معقولة خطأ بيانات الجواز الالكتروني يدفع� (Re: محمد مجيدو)
|
Quote: حامد ... القروش تطير .. والجوازات تطير ... البركه في فسحة العيال والمفراكه .. احتسب ياااخ ... |
مجيدوووو ال لزيزو كيفنك ياوجيه مسكاقمي كورررري قون انجا نلا غايتو حسادتك تولد البنوت كاااااااااااااااك يازول في حاجات بترفع الدغت ياااخ احتسب دي بالذات قالا لي القنصل اسمعني اتا كووووز ول شنو غايتو بي عمتك السمحة دي مفروض يعينوك السفير ياااخ الناس حلاوة في اللسان ماعندهم اظن عشان كدي حرموك من منصب السفير مشتاغووووووون
| |
|
|
|
|
|
|
Re: معقولة خطأ بيانات الجواز الالكتروني يدفع� (Re: حامد بدري)
|
كل سنة وانت طيب يا حامد والقابلة بجوازاتك :)
حكاية الغلط في البيانات كوم والموظفين البيكتبوا زي اللكنهم بينقوا في عدس كوم براهو.. عشان الواحد ينزل بيانات مراجع واحد داير ليهو زي تلت ساعة شان يلقط الحروف.. وبعد كدة يلقطها غلط.. سجلوا جدي محي الدين..! ربنا يسأل اي زول متابع الجاب حسيــن لي محي الدين شنو؟؟!
ودا موضوع وبوفيه ود الباوقة البيبيع الموية ام نص ريال بي ريال وسندوتش التونة باربعة ريال موضوع .. :) :)
تحياتي
| |
|
|
|
|
|
|
Re: معقولة خطأ بيانات الجواز الالكتروني يدفع� (Re: HAIDER ALZAIN)
|
Quote: كل سنة وانت طيب يا حامد والقابلة بجوازاتك :)
حكاية الغلط في البيانات كوم والموظفين البيكتبوا زي اللكنهم بينقوا في عدس كوم براهو.. عشان الواحد ينزل بيانات مراجع واحد داير ليهو زي تلت ساعة شان يلقط الحروف.. وبعد كدة يلقطها غلط.. سجلوا جدي محي الدين..! ربنا يسأل اي زول متابع الجاب حسيــن لي محي الدين شنو؟؟!
ودا موضوع وبوفيه ود الباوقة البيبيع الموية ام نص ريال بي ريال وسندوتش التونة باربعة ريال موضوع .. :) :)
تحياتي |
كل ايامك سعادة واعياد حيدر اخوي الذ شئ يقوليك مقسومك هسة حسين ومحي الدين دي مقسومك غايتو حموضة شديدة الله يستر من الجلطة الدغت تراهو جابو لينا
| |
|
|
|
|
|
|
Re: معقولة خطأ بيانات الجواز الالكتروني يدفع� (Re: عبدالله ود البوش)
|
Quote: بس كدا اياها السفالة البعرفها ذاتا بذاتا . . الفيك اتعرفت طااااااب تجي الرياض غمتي؟ |
ودالبوش كلو سنة واتا طيب ماك طالبني حليفه اخوي في مخرج عشرة سلمتا على اولادو بالتلفون يوم الوقفة اتوفى واحد قريبنا بعيون الجواء القصيم ربنا يرحمو وهو دكتور مناوب بمنى مشينا واجبناهوم وضبحنا معاهم وليداتو يقطعو القلب واتجهنا للرياض السفارة شلنا الجوازات وركبنا الخط الوالدة كانت مع اخوي لحقني ليها في خط القصيم الرياض دي اليوم بمر فوقا قبل تعرف الشوارع اها بعد شهر من الان غبيرة جاك زول بجي براي بدون ارتباطات كلو سنة وات طيب ياطيب وليك على التالتة سابتة لووووووووووووووولز
| |
|
|
|
|
|
|
Re: معقولة خطأ بيانات الجواز الالكتروني يدفع� (Re: حامد بدري)
|
صباح الخيرات بي سواعدنا ونضالنا غيرنا من يحرس ارضنا يبني ويعمر بلدنا لابقى فوقا نضال لا سواعد البلد علا النسووون العجز والطلبة الباقي كلو فتح في مدن الاغتراب نحنا سافرنا وبعدنا وبعدنا وبعدنا همو كان في الغربة نسمة من اريج بلدو البحبو جينا في لهفة مشاعر دي كانت الغنية الكانت شغالة لحظة دخولي من تفتيش السفارات وكلي امل اقبض جوازاتي دون اخطاء وكتا متوقع انو تحصل لخبتة عشان كده جايب معاي الوليدات وامهم لاعادة الاجراء زي مابقول سعادة العميد ايو خطأ لابد من اعادة الاجراء
| |
|
|
|
|
|
|
|