إن صح ما قرأته عن تصريح الكاردينال بوصفه الاتحاد الجزائري بالضعيف وتسهل هزيمته فهذا يعني أنّ متوالية رؤساء الهلال الدراويش من بعد بونية البرير ما زالت مستمرّة ...
يا عالم حاجة بديهية حتى وإن كان الخصم مستواه أضعف ما يكون ففي الغالب تأتي التصريحات باحترامه وليس باستفزازه .. والله يعين الهلال في مُباراة الإياب !!
Post: #2 Title: Re: عشنا وشفنا دراويش في رئاسة الهلال Author: صبري طه Date: 10-01-2015, 06:58 AM Parent: #1
نتائج الاتحاد الجزائري الضعيف في دوري المجموعات هي الانتصار في خمسة من ستة مُباريات والخسارة في واحدة فقط خارج الديار !!
ونتائجه في نصف النهائي حتى الآن هي الانتصار في مباراة الذهاب خارج الديار !!
فنتائج هذا الفريق كما بيّنت أعلاه هي أفضل نتائج فرق البطولة حتى تاريخه !!
Post: #3 Title: Re: عشنا وشفنا دراويش في رئاسة الهلال Author: صبري طه Date: 10-01-2015, 07:01 AM Parent: #1
كيف يعوّض الهلال النتيجة ولا يتوفّر له مهاجم صريح (رأس حربة) يجيد إحراز الأهداف من الفرص الكاملة فما بالكم من أنصاف الفرص !!
ــــــــ
Post: #4 Title: Re: عشنا وشفنا دراويش في رئاسة الهلال Author: لطفى العمده Date: 10-01-2015, 07:11 AM Parent: #3
والله يا صبري يا اخوي الاتحاد ما ضعيف لكن الهلال يستطيع تخطي هذه العقبه مباريات نصف النهائي لا تخضع لعامل الارض والجمهور هي مرحله التحصيل النهائي الهلال بأمكانه الترقي للنهائي اذا ما لبس ثوب الاستماته للظفر ببطاقه التأهل هنا لاتنفع الحرفنه والتمليس لا تنفع الخندقه واعتقد الاتحاد سيلعب متخندقا وهذه فرصه الهلال الهلال صاعد صاعد بس يكون الحماس سوداني
Post: #6 Title: Re: عشنا وشفنا دراويش في رئاسة الهلال Author: صبري طه Date: 10-01-2015, 07:31 AM Parent: #4
Quote: لا تنفع الخندقه واعتقد الاتحاد سيلعب متخندقا وهذه فرصه الهلال
الاتحاد لن يتخندق بل سيحترس لكي لا تدخل مرماه أهداف هلالية .. وهجماته ستكون الأخطر على مرمى الهلال ...
Post: #5 Title: Re: عشنا وشفنا دراويش في رئاسة الهلال Author: اخلاص عبدالرحمن المشرف Date: 10-01-2015, 07:17 AM Parent: #3
باليد او بمعونة بلة الحاضر
غايتو السفرة ذاتها مجهجة كل سنة وانت طيب
Post: #7 Title: Re: عشنا وشفنا دراويش في رئاسة الهلال Author: عبد العزيز محمد عمر Date: 10-01-2015, 07:33 AM Parent: #5
هذا ما ذكرناه أخ صبري قلنا إن كردنة يرسل رسائل سلبية جدا للاعبين ... ويشحن فيهم ساكت كدا ( حمرة عين ، والأسد النتر) وكلام زي دا سمعنا وقرأنا تصريحات المدربين ورؤساء الأندية في أحلك الظروف ، أمام الفرق القوية والفرق الضعيفة ولم نجد مثلما أتي به الكاردينال... والأدهي والأمر تطبيل إعلام الهلال بعد ذلك وإبراز التصريحات بمانشيتات عريضة، وكأنها ( منزلة ) ولم نجد أحدا منهم يقول له ( تلت التلاتة كم ).. في ظاهرة غريبة وعجيبة من نوعها .. وتطبيل ممنهج
كرة القدم لم تعد فهلوة ورجالة ، أو ( فكي دجال ) يحج إليه ويأتون منه بالبخرات... ولو كانت كذلك لرأينا أحد منتخبات غرب أفريقيا متوجة بكأس العالم ..
بعد سماعي لتصريحاته الإذاعية ، أيقنت تماما أن الإتحاد طرف في النهائي .... وبهزيمة تاريخية لأبو الهل..
الشغيل
Post: #9 Title: Re: عشنا وشفنا دراويش في رئاسة الهلال Author: صبري طه Date: 10-01-2015, 07:37 AM Parent: #7
Quote: هذا ما ذكرناه أخ صبري قلنا إن كردنة يرسل رسائل سلبية جدا للاعبين ... ويشحن فيهم ساكت كدا ( حمرة عين ، والأسد النتر) وكلام زي دا سمعنا وقرأنا تصريحات المدربين ورؤساء الأندية في أحلك الظروف ، أمام الفرق القوية والفرق الضعيفة ولم نجد مثلما أتي به الكاردينال... والأدهي والأمر تطبيل إعلام الهلال بعد ذلك وإبراز التصريحات بمانشيتات عريضة، وكأنها ( منزلة ) ولم نجد أحدا منهم يقول له ( تلت التلاتة كم ).. في ظاهرة غريبة وعجيبة من نوعها .. وتطبيل ممنهج
كرة القدم لم تعد فهلوة ورجالة ، أو ( فكي دجال ) يحج إليه ويأتون منه بالبخرات... ولو كانت كذلك لرأينا أحد منتخبات غرب أفريقيا متوجة بكأس العالم ..
بعد سماعي لتصريحاته الإذاعية ، أيقنت تماما أن الإتحاد طرف في النهائي .... وبهزيمة تاريخية لأبو الهل..
الشغيل
تشكر للتأكيد يا حبيب ...
Post: #8 Title: Re: عشنا وشفنا دراويش في رئاسة الهلال Author: صبري طه Date: 10-01-2015, 07:34 AM Parent: #5
وكل سنة وإنتي طيبة ...
Quote: باليد او بمعونة بلة الحاضر
غايتو السفرة ذاتها مجهجة
خسرنا من قبل على أرضنا من مازيمبي بالخمسة وسافرنا لأداء مُباراة الإياب !!
Post: #10 Title: Re: عشنا وشفنا دراويش في رئاسة الهلال Author: طارق حرسي Date: 10-01-2015, 07:44 AM Parent: #8
Post: #11 Title: Re: عشنا وشفنا دراويش في رئاسة الهلال Author: صبري طه Date: 10-01-2015, 08:18 AM Parent: #10
يا طارق ناس الجرايد عايزين يبيعوا جرايدهم ببيع الوهم ؟!
ماكسيم تكون المطرة نقّطت ليهو نقطة في عين واحدة بس .. لأنّو تكون مُبالغة لو جاتو نقطتين في العينين في توقيت واحد .. غايتو إلاّ كجور
Post: #12 Title: Re: عشنا وشفنا دراويش في رئاسة الهلال Author: طارق حرسي Date: 10-01-2015, 08:39 AM Parent: #11
مكسيم اخطأ في الهدفين
ــــــــــــــــــــــــــــــــــــ في الهدف التاني الكورة يمكن ( اتزحلقت ) منو عشان مبلولة
Post: #13 Title: Re: عشنا وشفنا دراويش في رئاسة الهلال Author: صبري طه Date: 10-01-2015, 08:48 AM Parent: #12
Quote: مكسيم اخطأ في الهدفين
حيعمل شنو في الهدف الأول يا طارق ؟
Post: #14 Title: Re: عشنا وشفنا دراويش في رئاسة الهلال Author: طارق حرسي Date: 10-01-2015, 09:07 AM Parent: #13
Quote: حيعمل شنو في الهدف الأول يا طارق ؟
يا صبري الخطأ مشترك بينه وبين اتير توماس .. ومكسيم يتحمل الجزء الاكبر
ومفروض يخرج بعد عكس الكرة مباشرة من اللاعب الجزائري .. ولو تلاحظ انه لم يتحرك من مكانه
و اي حارس مرمي مفروض يخرج من مرماه في الكرات العكسية لا لتقاطها او تشتيتها ... ومكسيم لم يفعل ذلك وظل واقفاً في مرماه
Post: #15 Title: Re: عشنا وشفنا دراويش في رئاسة الهلال Author: حامد بدري Date: 10-01-2015, 09:33 AM Parent: #14
كلو سنة واتو طيبين رميتوها في مكسيم الهلال ناقصو ثقافة الامتار الاخيرة ماعندو ليها روووووح المريخ شارك قبل كده وصل النهائي في الكونفدرالية وفي مباراة بتاعت منتشت الحضري برضو ضيييع نهائي فريق بلعب للشعار وبي حماس ده الفرق بيناتنا احبك يامريخ حلا وحَمَار
Post: #16 Title: Re: عشنا وشفنا دراويش في رئاسة الهلال Author: محمد البشرى الخضر Date: 10-01-2015, 09:49 AM Parent: #15
Quote: المريخ شارك قبل كده وصل النهائي في الكونفدرالية وفي مباراة بتاعت منتشت الحضري برضو ضيييع نهائي
وين الكلام دا؟ نعلّو فاينال الفين وسبعة مع الصفاقسي الانتهت اربعة ولاّ كم كدا :)
Post: #17 Title: Re: عشنا وشفنا دراويش في رئاسة الهلال Author: حامد بدري Date: 10-01-2015, 09:56 AM Parent: #16
Quote: وين الكلام دا؟ نعلّو فاينال الفين وسبعة مع الصفاقسي الانتهت اربعة ولاّ كم كدا :)
فاينال الف وتزعمية وتمنية وتلتين اتا لاخليت موسى انضاو لا خليت لاراش لا حمص لا طحنية اهو جاري ليك تزعين سنة وينو عماركوم اها اتا هسة حتلعب مباراتك مع الوفاق ول بترجع من رشة الاتحاد الاحباط بتاع العيد ده كعب مسخ عليكم لحمتو كلو سنة واتو مرشوشين كده ياهلالاب بسطتة رشتكم احسن لي من نشيل الكاس ياريت مازنبي يغلب المريخ ونلاقيكم في التالت رابع عشان البكاء بتاع بكري واي يابكري يبكي جعييير
Post: #18 Title: Re: عشنا وشفنا دراويش في رئاسة الهلال Author: محمد البشرى الخضر Date: 10-01-2015, 10:06 AM Parent: #17
Quote: فاينال الف وتزعمية وتمنية وتلتين اتا لاخليت موسى انضاو لا خليت لاراش لا حمص لا طحنية اهو جاري ليك تزعين سنة وينو عماركوم اها اتا هسة حتلعب مباراتك مع الوفاق ول بترجع من رشة الاتحاد الاحباط بتاع العيد ده كعب مسخ عليكم لحمتو كلو سنة واتو مرشوشين كده ياهلالاب بسطتة رشتكم احسن لي من نشيل الكاس ياريت مازنبي يغلب المريخ ونلاقيكم في التالت رابع عشان البكاء بتاع بكري واي يابكري يبكي جعييير
اعصابك يا شاب سألناك سؤال بسيط عن كلام كتبته انت وما سمعنا بيه قبل كدا, ترد بي معلّقة :)
Post: #19 Title: Re: عشنا وشفنا دراويش في رئاسة الهلال Author: حامد بدري Date: 10-01-2015, 03:47 PM Parent: #18
Quote: اعصابك يا شاب سألناك سؤال بسيط عن كلام كتبته انت وما سمعنا بيه قبل كدا, ترد بي معلّقة :)
سمعتا بي مانديلا ودبي وسيكافا طيب هسة اعصاب منو يااخوي ياود البشرى 2007 جبنا الفضية ومباراة الحضري لامن دقدق بالكورة وزلقوها منو القون كانت منها والنهايييييييئ
Post: #20 Title: Re: عشنا وشفنا دراويش في رئاسة الهلال Author: طارق حرسي Date: 10-01-2015, 04:00 PM Parent: #19
Quote: سمعتا بي مانديلا ودبي وسيكافا طيب
ديل بطولاتهم ... تصنيف سااااااااااااااااااي ياعمك
Post: #21 Title: Re: عشنا وشفنا دراويش في رئاسة الهلال Author: علي عبدالوهاب عثمان Date: 10-01-2015, 04:10 PM Parent: #20
Quote: سمعتا بي مانديلا ودبي وسيكافا طيب
حبيبنا حامد ( يعني ما سمعت بجوبا ) ما دامت بقت دولة منفصلة هلالنا برضو عندو كأس قاري ..
صدقني يا حامد المباراة القادمة فاصلة لمستقبل هلالنا .. شايلين هم .. لكن بعض يقول .. أن إقصاء المريخ يحل مشكلة الهلال ..
أنا لست من أنصار هؤلاء ..
Post: #23 Title: Re: عشنا وشفنا دراويش في رئاسة الهلال Author: حامد بدري Date: 10-01-2015, 04:21 PM Parent: #21
Quote: حبيبنا حامد ( يعني ما سمعت بجوبا ) ما دامت بقت دولة منفصلة هلالنا برضو عندو كأس قاري ..
صدقني يا حامد المباراة القادمة فاصلة لمستقبل هلالنا .. شايلين هم .. لكن بعض يقول .. أن إقصاء المريخ يحل مشكلة الهلال
وهبة كلو سنة وات طيب اخوي شايفك مأمل شديد اخوي في الهلال حتوجع قلبك ساي الخروج بالتصنيف ياهو حالو والنفاخة بتنفخ سيد البلد اسد الكداد مابعرف شنو وتيفو وسلفي وفي الاخير صفو ماش نصيحة ليك شجع برشلونه في السنة عندو تلاتة كاسات
Post: #22 Title: Re: عشنا وشفنا دراويش في رئاسة الهلال Author: عبدالعزيز الفاضلابى Date: 10-01-2015, 04:18 PM Parent: #20
[B] سلامات يا إخلاص ,, كيف جاءتك الصفحة التى فى مداخلتك اعلاه؟
صبرى ,, ياخوى الحسابات فى الكورة خارج الميدان قد تصدق بنسبة كبيرة جداً ,, لكن داخل الميدان أقل شئ ممكن يغير النتيجة بصورة كبيرة جداً لاعب يِنزلق فى نص الملعب يخطفها منه لاعب هلالى سريع يجيب القون الاول ,, فاول بره تمانتاشر تدق فى مدافع تغير اتجاهها القون التانى ,, الهلال يقَفِّل ,, والإتحاد يرتبك ويزيد عليه الضغط ويشوت بدون تركيز ,, نامن الحكم يصفِّر ,, فى الكورة ممكن الثعلب يبيض عادى المهم يازول ,, توفيق الله ثم الروح ثم الروح ثم الروح.
Post: #24 Title: Re: عشنا وشفنا دراويش في رئاسة الهلال Author: حامد بدري Date: 10-01-2015, 04:24 PM Parent: #20
Quote: ديل بطولاتهم ... تصنيف سااااااااااااااااااي ياعمك
ياحرسي الغالات ده شككني في يقيني عديل النسعلك مالعبنا في 2007 نهائي كنفدرالية وجبنا فضية الكورة بتاعت الحضري القعد يدقدق بيها دي موش منها ونهائي ود البشرى قال ماسمع بيهن عندك فيدوهات روابط ايو حاجة تقنعو ياااخ باقي اليومين ديل منفوخين ومتندلين زعل ونحنا نتفش فش جنس تفش فش
Post: #25 Title: Re: عشنا وشفنا دراويش في رئاسة الهلال Author: علي عبدالوهاب عثمان Date: 10-01-2015, 04:45 PM Parent: #24
Quote: نصيحة ليك شجع برشلونه في السنة عندو تلاتة كاسات
حبيبنا حامد تحياتي يا جميل .. أنا بعد أربعين سنة رجعت أشجع الكورة تاني .. لأن الأخوة في الكورة ممتعة .. والعكننة حلوة بين الشباب .. رغم أننا بلغنا ما بلغنا من العمر .. والغريب أنني لآ أطيق هلال السعودية على الإطلاق .. أشجع النصر السعودي تشجع بتعصب كمان وكذلك الاتحاد في جدة .. عشان الأمير عبدالرحمن بن سعود رحمه الله كان يحب السودانيين بصدق .. حتى في حرب الخليج عندما وقف البشير والترابي ضدهم دافع عنا بمقالة رائعة في جريدة الجزيرة .. وقبل يومين كنت بشجع الاهلى الاماراتي ضد الهلال .. وكما بشجع برشلونه .. بس خايف من غياب مسي .. حبيبنا حامد بعد التجربة الطويلة في الحياة .. أحسن إستراحة وتسلية تكون مع الرياضة السياسة لم تعد تصلح للتداول ، اختلافات وخلاف وأحياناً نزاع كمان ..
مودتي ..
Post: #26 Title: Re: عشنا وشفنا دراويش في رئاسة الهلال Author: حامد بدري Date: 10-01-2015, 04:50 PM Parent: #25
Quote: وكما بشجع برشلونه .. بس خايف من غياب مسي .. حبيبنا حامد بعد التجربة الطويلة في الحياة .. أحسن إستراحة وتسلية تكون مع الرياضة السياسة لم تعد تصلح للتداول ، اختلافات وخلاف وأحياناً نزاع كمان ..
الكورة متعة شديدة بس تبعد من التعصب الاعمى برشلونة وضعو جد صعب لانو العقوبات تمنعو من مشاركة ارداتوران وفيدال اضافة لانو في اصابة جديدة لانييستا ستبعدو شهر عن الملاعب الفريق سافر لاشبيلة باربعتاشر لاعب وكمل من الرديف المهم انو فارق النقاط مايكون كتير لحدت يناير معليش ياصاحب البوست نرجع للهلال
Post: #27 Title: Re: عشنا وشفنا دراويش في رئاسة الهلال Author: طارق حرسي Date: 10-01-2015, 11:35 PM Parent: #26
Quote: ياحرسي الغالات ده شككني في يقيني عديل النسعلك مالعبنا في 2007 نهائي كنفدرالية وجبنا فضية
نعم يا حامد المريخ في 2007 وصل نهائي الكونفدرالية مع الصفاقسي التونسي وخسر في المباريتين
ودي المبارة النهائية بتونس وخسر المريخ بهدف وحيد في الجزء الاخير من نهاية المبارة
Post: #28 Title: Re: عشنا وشفنا دراويش في رئاسة الهلال Author: مصعب عجاج Date: 10-02-2015, 02:18 AM Parent: #27
2007 خسر المريخ ذهاب نهائي الكونفدرالية من الصفاقسي برباعية في الخرطوم منتشة الحضري كانت في نصف نهائي كنفدرالية ٢٠١٢ في الكنغو مع ليوباردز في الدقيقة ٨٢ من المباراة والنتيجة كانت تعادل ١/١ بهدف كلتشي امسك الحضري بالكره والقاها في الارض منتظر المهاجم يقرب منو عشان يرفعا تاني لكن اتاخر فقام المهاجم زلقا من تحتو وانتهت المباراة بنتيجة ٢/١ في مباراة الاياب في كورة داخلة القون قام سعيد السعودي ضربا بالراس طلعا من الهدف لبره الملعب. لو كانت دخلت كان المريخ صعد للمباراة النهائية ولكن.
دي رباعية الصفاقسي في ذهاب نهائي ٢٠٠٧ في الخرطوم
ده هدف جيلور في الحضري في نصف نهائي ٢٠١٢ في الكنغو
Post: #29 Title: Re: عشنا وشفنا دراويش في رئاسة الهلال Author: حامد بدري Date: 10-02-2015, 03:45 PM Parent: #28
Quote: 2007 خسر المريخ ذهاب نهائي الكونفدرالية من الصفاقسي برباعية في الخرطوم منتشة الحضري كانت في نصف نهائي كنفدرالية ٢٠١٢ في الكنغو مع ليوباردز في الدقيقة ٨٢ من المباراة والنتيجة كانت تعادل ١/١ بهدف كلتشي امسك الحضري بالكره والقاها في الارض منتظر المهاجم يقرب منو عشان يرفعا تاني لكن اتاخر فقام المهاجم زلقا من تحتو وانتهت المباراة بنتيجة ٢/١ في مباراة الاياب في كورة داخلة القون قام سعيد السعودي ضربا بالراس طلعا من الهدف لبره الملعب. لو كانت دخلت كان المريخ صعد للمباراة النهائية ولكن.
دي رباعية الصفاقسي في ذهاب نهائي ٢٠٠٧ في الخرطوم
ده هدف جيلور في الحضري في نصف نهائي ٢٠١٢ في الكنغو
تسلم يامصعب ياااخ حد يصحي ود البشرى قال ماسمعنا بيها هيسوووووودين الهلالاب ديل
Post: #30 Title: Re: عشنا وشفنا دراويش في رئاسة الهلال Author: محمد البشرى الخضر Date: 10-02-2015, 05:06 PM Parent: #29
يا حامد صحي تيبيكال وصيفابي!! انا غالطتك وين؟ كلامي بسيط وواضح ومبني على كلامك الخطأ و اللي هو كونه الحضرية تسبب في خروجك من فاينل ونبّهتك بطريقة غير مباشرة ان الفاينل الوحيد اللعبتو ياهو اللّطشكم فيه الصفاقسي 4 و لم يكن الحضري ايامها معاكم مالك قمت وقعدت و جبت سيرة بيضة الديك و كاس الليلة الواحدة و كاسات عشان خاطرك يا والي البعد كل فقدان للمتاز بتاعة سيكافا و بالمناسبة مالك ما جبت سيرة فاصلة مصر و الجزائر عشان تكمّل عقد انجازاتكم هههههههههههه
نهايتو.. ان شا الله اقتنعت انّك غلطان وتبطل المكابرة غايتو كان اقتنعت بالسرعة دي - وما أظن - يكون باقي ليك بس تشفى من فوبيا التحكيم و المؤامرة العالمية عليكم و نعمّدك هلالابي تحت الإختبار
Post: #31 Title: Re: عشنا وشفنا دراويش في رئاسة الهلال Author: طارق حرسي Date: 10-02-2015, 05:42 PM Parent: #30
Quote: جبت سيرة بيضة الديك و كاس الليلة الواحدة و كاسات عشان خاطرك يا والي البعد كل فقدان للمتاز بتاعة سيكافا
ود البشرى
سلام يا صفيرابي
بيضة الديك دي نان .. دييكم ده مالو بيضها ؟؟؟؟
اما سيكافا دي يا اخير تسكتوا ساااااااااي مشاركاتكم فيها 8 مرات والمحصلة صفر كبير
يا كافي البلا جربتو كل المنافسات الخارجية والنتيجة صفر كبير وبعد ده تتفاصحوا
ــــــــــــــــــــــ ما تنسي تورينا الديك بتاعكم مالو ما بيض ؟؟
Post: #32 Title: Re: عشنا وشفنا دراويش في رئاسة الهلال Author: محمد البشرى الخضر Date: 10-02-2015, 06:06 PM Parent: #31
وعليكم السلام يا وصيفابي لأنّو ديك عشان كدا ما راجين منّو بيضة في غفلة من الزمن ونعرش عليها و نربّع يدّينا العمر كلّو لأنّنا لسنا مثلكم أسرى للماضي بل دائما نظرنا للمستقبل ولأنّنا طموحاتنا عالية و نفوسنا كبيرة فا نبحث عن انجازاتنا في القمم لا في السفوح مع البغاث ولأن ليس لدينا رئيس طوّالي يقول يمين نقول ليه صاح يغيّر رايه يقول شمال برضو نقول ليه صاح وكان زهج قال ماشي الدفارات و المسيرات و المخاخيت و النحيب ما يديك الدرب
Post: #33 Title: Re: عشنا وشفنا دراويش في رئاسة الهلال Author: محمد جمعه الخير Date: 10-02-2015, 06:07 PM Parent: #31
الفول فولي زرعتة وحدي وحصدتة وحدي وساكله وحدي
مراجعة لدرس مطالعة في المرحلة الابتدائية قبل ان تصبح مرحلة أساس الناس ما تتحسس ولاعلاقة لكلامي بعنوان البوست
Post: #34 Title: Re: عشنا وشفنا دراويش في رئاسة الهلال Author: حامد بدري Date: 10-03-2015, 07:37 AM Parent: #33
ود البشرى صباح الخير يازول انا كتبتا الحضري ضييييع علينا نهائي ماكاس ياااخ معقولة وصلنا النهائي وضييييع علينا نهائي مافهمتها اما انك هلالابي صحي هسة مانديلا دايرين ليو عروس كمل الجامعة ورئييسنا حالف يعمل ليو عرس حدث بس المشكلة قال لازم تلحقووو بي اخوووه والكاش جاهز ورئيييسنا بي كاشو كن قالينا اقعو القاش بنقع بس اتو اطلعو منها
Post: #35 Title: Re: عشنا وشفنا دراويش في رئاسة الهلال Author: طارق حرسي Date: 10-03-2015, 11:21 AM Parent: #34
ود البشرى الصفيرابي يا حبيب ازيك ياخ
Quote: ولأنّنا طموحاتنا عالية و نفوسنا كبيرة فا نبحث عن انجازاتنا في القمم لا في السفوح مع البغاث
ياتو قمم دي ؟؟
الناس بحثت وانتهت زمااااااان وسجلت اسمها باحرف من ذهب في سجلات الكاف وانت لسه بتبحث
Quote: ولأن ليس لدينا رئيس طوّالي يقول يمين نقول ليه صاح يغيّر رايه يقول شمال برضو نقول ليه صاح وكان زهج قال ماشي الدفارات و المسيرات و المخاخيت و النحيب ما يديك الدرب
بالتوفيق للآنسة فاطنة الصادق
Post: #36 Title: Re: عشنا وشفنا دراويش في رئاسة الهلال Author: محمد البشرى الخضر Date: 10-03-2015, 12:02 PM Parent: #35
فعلا يا حامد رجعت لكلامك انا الفهمت غلط انك تعني ان الحضري ضيع الكاس, لك العتبى يا وصيفابي
حرسي يا ضلّنا - ضّلنا دي العهدة على الصحيفة اليوغندية ههههههه بمناسبة الكاف السنة الفاتت لمّا اتعرفت الفرق المتظاهلة لدور التمانية كتب - ما معناه - الآن اتعرفوا الرجال من العيال و كان الهلال احد الرجال المعنيين, و العيال هم الخرجوا من دور السطاشر, انتو اظن مرقتوا من التمهيدي أو الـ 32 يعني العيال دي زاتها ما لميتوا فوقها :)
Post: #37 Title: Re: عشنا وشفنا دراويش في رئاسة الهلال Author: حامد بدري Date: 10-03-2015, 03:32 PM Parent: #36
ود البشرى الكورة مافيها مستحيل ممكن جدا الهلال يتاهل وهو الابعد والمريخ يخرج وهو الاقرب بنسبة ستين بالمية بس كيف تبذل مجهودك في الميدان امنياتنا ليكم بالتوفيق
