هنالك من ( يطلِّعون زيتنا )

09:53 PM Sep, 30 2015
سودانيز اون لاين
ضرغام عباس-
مكتبتى فى سودانيزاونلاين



العباره المعنونة باعلاه ( يطلعون زيتنا ) تبقى فى ذاكرة الامة الشعبية كإرث لغوى تعبيرى ككناية بليغة عن شدة و قوة العصِّر ( بكسر و تشديد الصاد ) ..

يتفوه بها ( الطالع زيتو ) ضاخا بها كل معانى القهر و الاحباط و الخزلان و الحرمان .. يقولها كفشة خلق عن ما لحق به من ظلم الانسان لاخيه الانسان ..

و العبارة - رغم الجهل بمبدعها - تظل باقية على مر الدهور فى تراجيديا احباطاتنا .. تختصر بقمة البلاغة و التصوير الكوميدى مشاهد القهر و الظلم .. تحكى اهة ( الطالع زيتو ) لتستجدى من السامع بعض عطف و بعض مواساة..

لا نحتاج الى كثير علم و منطق و ذكاء لنمضى قدماً فى معرفة الاسباب الداعية ( لتطليع زيت الاخرين ) ففى الآية الكريمة ( ان الانسان ليطغى ) اشاره جليه لجبلة هذا المخلوق - فنسأل الله العافية -

محمد احمد الاغبش فى بلد المليون ميل مربع - زمان و هسى ما عارف بقى كم - يا ترى كم مره يطلع زيتو خلال اليوم الواحد ؟ و حتى الذين - شالوا جلابيتهم فى اسنانهم - و هربوا الى المهاجر كم مره يطلع زيتهم هناك كل يوم ؟

بعضهم ( يطلع زيتك ) من مره واحده و بعضهم ( حبه حبه ) و فى الحالتين انت زيتك طالع

الأخ/ ضرغام عباس

كل سنة وانت طيب وبوستاتك جميلة

طلعت زيتنا دي ذكرتني حادثة حقيقية

في احدى اجازاتي كنت بفتش محل كهربائي عربات وجدته في منطقة وبجانبهم محل يقوم بعصر زيت السمسم

آها زولك الكهربائي ده كان في واحد موقف عربيته وشغلها صعب وعايزه قطع غيار والزول عايز عربيته تجهز سريع وقروشه شويه وعامل ليهم ازعاج

قام الكهربائي بعد ما حاول يهديه برضه ما نفع والكهربائي من شدة الزعل قال ليه والله عربيتك دي تشيلها من قدامي حسع ولو كترت بوديك محل (فلان) ده يختك في مكنته دي ويطلع زيتك

ولك التحايا وما أكون طلعت من موضوع البوست