Post: #1
Title: تعدى على شخصى عميد شرطة يصفنى بالعبد ويمرمى بجوازى بالارض و يصفنى بالمجنوب
Author: محمد احمد القاضي
Date: 09-30-2015, 01:29 PM
12:29 PM Sep, 30 2015
سودانيز اون لاين
محمد احمد القاضي-القاهرة
مكتبتى فى سودانيزاونلاين
بكل اسف ما حدث لشخصى خلال الايام الماضية هو شئ مؤسف و عار على وزارة الداخلية المصرية و خاصة انى توجهت لوزارة الداخلية المصرية اكثر من مرة لحمايتى . بكل اسف و اتهاك لحقوقى تعدى على شخصى عميد شرطة يصفنى بالعبد ويمرمى بجوازى بالارض و يصفنى بالمجنوب .و حاول الاعتداء على شخصي بالضرب
هذه هى وزارة الداخلية التى تسمح لمثل هذا العميد لنتهاك حقوقى هكذا دون خجل او امتثال للقانون .
اتوجه لكل المنظمات الانسانية لحمايتى , و اخراجى من مصر فورا واتوجه للسيد النائب العام المصري ببلاغ بحمايتى .
|
Post: #2
Title: Re: تعدى على شخصى عميد شرطة يصفنى بالعبد ويمر�
Author: محمد البشرى الخضر
Date: 09-30-2015, 01:38 PM
Parent: #1
يا محمد يا ولدي نائب عام شنو البتلجأ ليه, هو المصريين اسياد الجلد و الراس ما بعمل ليهم حاجة
أحسن شي طالما هناك حقوقك منتهكة ارجع البلد و استحمل مع الناس و ارجى اللوتري مع الراجين
|
Post: #3
Title: Re: تعدى على شخصى عميد شرطة يصفنى بالعبد ويمر�
Author: محمد احمد القاضي
Date: 09-30-2015, 01:40 PM
Parent: #2
محمد البشري
هههههه هههههه هههههه
لك التحية
|
Post: #4
Title: Re: تعدى على شخصى عميد شرطة يصفنى بالعبد ويمر�
Author: علي دفع الله
Date: 09-30-2015, 01:45 PM
Parent: #2
الزملاء الكرام
قاسم مهداوي
حبيب نورة
ملهم كردفان
حلفناكم بالله تزوروا الاخ محمد وقابلوه وشوفوا مشكلتو شنو
يا جماعة الاخ محمد محتاجكم .
في حاجة ما واضحة اصلوه وانا واثق انكم حا تحلوها ...
ونحن معاكم..
ربنا يحفظك محمد من كل شر.
|
Post: #5
Title: Re: تعدى على شخصى عميد شرطة يصفنى بالعبد ويمر�
Author: عبدالله ود البوش
Date: 09-30-2015, 02:19 PM
Parent: #4
يا ود القاضي سلام
ارجو ارسال رقم هاتفك في الخاص وابشر بالخير
|
Post: #6
Title: Re: تعدى على شخصى عميد شرطة يصفنى بالعبد ويمر�
Author: قسم الفضيل مضوي محمد
Date: 09-30-2015, 02:31 PM
Parent: #5
الاخوة المتداخلين ...
الزول دا لا عنده مشكلة في وزارة الداخلية ولا حاجة ...
قبل كدة ملهم كردفان خت ليه تلفونه هنا وقال ان على استعداد اني اساعدك ...
ما اتصل بملهم ولا اتصل بي زول مع العلم انه ملهم معاه في مصر ...
احتمال كبير محمد قاضي دا ما يكون في مصر ...
اسه الضحكة الضحكها في المداخلة التالتة ضحك زول عنده مشكلة خطيرة زي دي ...
ــــــــــ
يا قاضي ...
مشروع دولة بنعانخي وصل وين ؟؟؟
وانتهيت من نشيد العلم ولا لسه ؟؟؟ 
|
Post: #8
Title: Re: تعدى على شخصى عميد شرطة يصفنى بالعبد ويمر�
Author: عبدالله ود البوش
Date: 09-30-2015, 02:38 PM
Parent: #6
Quote: الزول دا لا عنده مشكلة في وزارة الداخلية ولا حاجة ...
|
لو كان ذلك كذلك فان هذا المنبر فيهو حاجات تقلل المروة من الناس
والله لاقطع العشم ولا قلل المروة
|
Post: #7
Title: Re: تعدى على شخصى عميد شرطة يصفنى بالعبد ويمر�
Author: وائل حمزه الزبير
Date: 09-30-2015, 02:32 PM
Parent: #5
| Quote: خاصة انى توجهت لوزارة الداخلية المصرية اكثر من مرة لحمايتى |
محمد أحمد القاضي
أود أن أعرف توجهت لوزارة الداخلية المصرية لحمايتك من ماذا ؟
|
Post: #9
Title: Re: تعدى على شخصى عميد شرطة يصفنى بالعبد ويمر�
Author: nazar hussien
Date: 09-30-2015, 02:40 PM
Parent: #7
يا ناس مصر شوفو ودالقاضي دا قصتو شنو؟؟؟
|
Post: #10
Title: Re: تعدى على شخصى عميد شرطة يصفنى بالعبد ويمر�
Author: طارق حرسي
Date: 09-30-2015, 04:20 PM
Parent: #9
محمد احمد القاضي قنب ساي ياخ
|
Post: #11
Title: Re: تعدى على شخصى عميد شرطة يصفنى بالعبد ويمر�
Author: Abureesh
Date: 09-30-2015, 04:39 PM
Parent: #10
تقول وصفك بالعبد يا محمد احمد القاضى؟
ياخ دى قضيـة لجوء جاهزة تحتاج لصياغـة بس.. بعدين وزارة الداخلية سيحولوك للرئيس السيسى عشان كدا ما تضيع الزمن وتوجه للسيسى مباشـرة لأنه هو الذى يملك السلطات لتوجيه وزير
الدفاع لحمايتك حتى تصل مطار القاهـرة.. ومسألة حمايتك وقد بلغت القضية هذه الدرجة من الخطورة لا يستطيع القيام بها سوى وزارة الدفاع وليس وزارة الداخليـة.. وبرضو بس للإحتياط خت الأمم المتحدة في الصورة.
ميزة هذا المنبر بعض الكتاب عندهم نكهـة مميزة ولا يمكن الاستغناء عنهم أبدا، أمثلة: (السياسة برة)
1- فيصل محمد خليل
2- ود الباوقـة
3- محمد احمد القاضي
4- المهندس صلاح غريبـة
5-
|
Post: #12
Title: Re: تعدى على شخصى عميد شرطة يصفنى بالعبد ويمر�
Author: صلاح عباس فقير
Date: 09-30-2015, 04:51 PM
Parent: #10
محمد القاضي حسب ما أذكر، أولاً كان يشكو من السفارة السودانية،
وعلى ما أظن من أجل هذا الغرض توجه نحو الداخلية المصرية،
لو الإخوان حاولوا الوصول إليه بكون جيد جداً!!!
|
Post: #13
Title: Re: تعدى على شخصى عميد شرطة يصفنى بالعبد ويمر�
Author: Moawia Mohammed
Date: 09-30-2015, 05:34 PM
Parent: #12
يا جماعة الزول دا عايز لجوء لاي دولة كويسه زي أمريكا.. كندا.. أستراليا..........الخ
الكان بيعملوها ناس الامم المتحدة زمان للسودانيين في مصر و دلوقت القصة بقت صعبت شوية
و في ناس قاعدين هناك و مسجلين أسماءهم ليهم سنين كتيرة و منتظرين و الزول دا الظاهر انو
مشي متأخر و لا لحق حتي يسجل.
الاخ محمد احمد القاضي انصحك بالتوجه فورا لمعسكر السلوم بتاع اللاجئين وتسجيل نفسك و انتظار
الترحيل و التهجير كما تريد و خلي لينا باندودث بكري دا ما تهدره لينا.
|
Post: #15
Title: Re: تعدى على شخصى عميد شرطة يصفنى بالعبد ويمر�
Author: علي عبدالوهاب عثمان
Date: 09-30-2015, 05:55 PM
Parent: #13
Quote: لاخوة المتداخلين ...
الزول دا لا عنده مشكلة في وزارة الداخلية ولا حاجة ...
قبل كدة ملهم كردفان خت ليه تلفونه هنا وقال ان على استعداد اني اساعدك ...
ما اتصل بملهم ولا اتصل بي زول مع العلم انه ملهم معاه في مصر ...
احتمال كبير محمد قاضي دا ما يكون في مصر ...
اسه الضحكة الضحكها في المداخلة التالتة ضحك زول عنده مشكلة خطيرة زي دي ...
ــــــــــ
يا قاضي ...
مشروع دولة بنعانخي وصل وين ؟؟؟
وانتهيت من نشيد العلم ولا لسه ؟؟؟ |
نعم أخي قسم السيد وكنت أحد المناشدين للاخوة في مصر فكان الرد الفوري من ملهم كردفان
ورفض ان يستجيب وقال بالحرف ( دي قضية خاصة جداً )
ثم درج بعد ذلك بفتح بوست آخر .. عن دولة الشمال وعاصمتها دنقلا ( دولة بعانخي )
وقال لنا إنه منكب على كتابة الدستور وتحديد ألوان العلم وتصميمه ..
كما قال أنه من إحدى قرى دنقلا .. ورفض أن يحدد قريته وأهله ..
ولأن لنا أهل كثيرين في القاهرة كنا نريد ان نوجهه ليكون معهم .. وقال لي بكبرياء الرؤساء ( ده موضوع خاص ليس لك شأن فيه ) فسحبت أوراقي ..
ونحن نستنكر بشدة ما قامت به وزارة الداخلية المصرية .. تجاه رئيسنا القادم ..
ولتخاذل السفارة السودانية .. نرجو من رئيس دولة بعانخي رفع العلم خاص بدولتنا على شباك الشقة .. لتكون سفارة دولة بعانخي ..
الدعوة للخبير الاممي صلاح غريبة لدراسة الوضع ..
شكراً أبوا لريش نفس الاحساس ..
هيروو وومهمد أمبس ( بلغة دولة بغانخي )
|
Post: #14
Title: Re: تعدى على شخصى عميد شرطة يصفنى بالعبد ويمر�
Author: اسامة الامام
Date: 09-30-2015, 05:42 PM
Parent: #9
ود القاضي كيف حالك
علك طيب
أنت يا أخوي الضباط ديل بتلم فيهم وين
وكمان كل يوم رتبة شكل مرة لواء ومرة ما عارف شنو
ومالك معلق مع وزير الداخلية دا تطير عيشتو
غيرو كم مرة وما داير تفك سيتو الحكاية شنو
والله انا قاعد في البلد دي زمني دا كلو
امين شرطة ما عتر لي
علي العموم
تجدني طرف الأخ ملهم
في خدمتك كيف ما تشاء متي تشاء
ولك و الأخوة المتداخلين الاكارم كل الود والتقدير
|
Post: #16
Title: Re: تعدى على شخصى عميد شرطة يصفنى بالعبد ويمر�
Author: عبدالغني محمد الحاج
Date: 09-30-2015, 06:37 PM
Parent: #14
يأخ أنا أحب البوستات المنقة دي
دا فات صديق مهدي وغريبة بهناك
ذكرني بواحد مثقف كبير في البورد لما تقوم عليه الحالة بتوهم إنه البورد دا كله مستهدفه
يا أخوانا مسعولين من الخير انتو الاستثنائية وين
ممنوع دخول الضحوكنجية
|
Post: #17
Title: Re: تعدى على شخصى عميد شرطة يصفنى بالعبد ويمر�
Author: علي عبدالوهاب عثمان
Date: 09-30-2015, 06:49 PM
Parent: #16
Quote: علي العموم
تجدني طرف الأخ ملهم
في خدمتك كيف ما تشاء متي تشاء
|
مع التحية حبيبنا أسامة ..
موقف نبيل ..
بالجد كده انا متعاطف مع قريبي دا ..
يبدو أن وضعه غير طبيعي .. وحالته تستدعي المراجعة ..
تحياتي لك وللاخ ملهم ..
|
Post: #18
Title: Re: تعدى على شخصى عميد شرطة يصفنى بالعبد ويمر�
Author: فتحي عباس نقد
Date: 09-30-2015, 08:23 PM
Parent: #17
صاحب البوست محمد القاضي
ما عارف أقول شنو لكن جزء من كلامي كنت عايز افوله ذكره الأخ (معاويه محمد)
Quote: الاخ محمد احمد القاضي انصحك بالتوجه فورا لمعسكر السلوم بتاع اللاجئين وتسجيل نفسك و انتظار
الترحيل و التهجير كما تريد و خلي لينا باندودث بكري دا ما تهدره لينا. |
مع اني اضيف للاخ معاوية بدلا من كلمة (إهدار) الباندوث تغييرها لـــ ( تـــــــــــهــــــــــكـــــيـــــــــــــــــــــــــر)
على الأخ بكري ابوبكر متابعة الأمر والتحقق من وجود محمد القاضي أو من يستخدم الباسوررد تبعه ؟؟؟؟؟؟؟؟؟؟؟؟؟
|
Post: #19
Title: Re: تعدى على شخصى عميد شرطة يصفنى بالعبد ويمر�
Author: اسامة الامام
Date: 09-30-2015, 08:26 PM
Parent: #17
Quote: مع التحية حبيبنا أسامة ..
موقف نبيل ..
|
كتر خيرك اخوي علي
نتمني ان نكون أهلاً لهذه الثقة الغالية
تصدق يا حبيب
بسبب هذا الموضوع
وعند افتراع احد هذه البوستات
اتصلت علي الأخ الشهم ملهم
وتعرفت عليه
وعرضت عليه التعاون علي مساعدة الأخ ود القاضي باي صورة كانت
حال تواصله معه
بس للاسف هذا لم يحدث
دون ان اتداخل في تلك البوستات
مع ودي وتقديري
|
Post: #20
Title: Re: تعدى على شخصى عميد شرطة يصفنى بالعبد ويمر�
Author: Hafiz Bashir
Date: 09-30-2015, 09:37 PM
Parent: #19
الاخ محمد احمد القاضي
تحياتي
أول شي أنا خاتي إحتمال إنك تكون بتبرمج بينا و مشغلا لينا ساي بس و برضو خاتي إحتمال إنك ما قاعد تقرأ الردود على بوستاتك
تاني شي الإعتداء و الإساءة من أي رجل شرطة على أي شخص و محاولة التعدي و الضرب مرفوضات و مدانات تماماً و لكنهم متوقعات و ممارسات إنتهاك حقوق البشر موجود بكثرة في مصر و في السودان و أنا شايف بوستاتك دي غير إنها تستعدي عليك البوليس و الأجهزة الأمنية ما بتجيب ليك فايدة..
تالت شي مؤكد وزير الداخلية المصري ما متابع سودانيزاونلاين و لا يمكن إنو يقرا بوستاتك دي فلو إنت هدفك توصل رسالة لوزير الداخلية المصري فمؤكد إنت إخترت الطريق الخطأ.. و لكن كتابة رسالة مفتوحة لمسؤول عبر وسائل الإتصال الجماهرية دي الفائدة منها ممكن تكون تكوين رأي عام و كسب تعاطف جماهيري معاك مما قد يدفع قضيتك للأمام في طريق الحل.. و زي ما إنت شايف بوستاتك دي فشلت خالص في إنها تستقطب ليك أي تعاطف حتى من زملائك في سودانيزاونلاين و ربما الكثيرون يقروها و هم متشككين في صدقيتها لأنك إنت قاعد تكتب أخبار عن الحاجات البتحصل ليك و الصياغة الخبرية في حالتك دي ما مفيدة و ما حتجيب ليك أي تعاطف .. فلو عندك مشكلة حقيقية حاول صيغها في شكل قصة تكون مكتملة و مترابطة و مقنعة في إرتباط السبب و النتيجة..
و آخر حاجة عليك الله تعال أشكر الناس الجات و تكلفت مشقة التداخل في بوستك دا
|
Post: #21
Title: Re: تعدى على شخصى عميك شرطة يصفنى بالعبد ويمر�
Author: خضر الطيب
Date: 09-30-2015, 10:38 PM
Parent: #20
يا محمد القاضي عشان توصل رسالتك صاح التحت دا موقع اسمو همس المصريين يعني منتدى ذي سودانيز حقنا دا
اعفص هنا http://hmsmsry.com/vb/http://hmsmsry.com/vb/
وهنا صفحة المخابرات المصرية على الفيس بوك
https://http://http://www.facebook.com/Egyptian.General.Intelligencewww.facebook.com/Egyptian.General.Intelligence
اها دا البنقدر عليهو يا اخوي ولا يكلف الله نفساً الا وسعها
ربنا يقدرنا على فعل الخير :)
|
Post: #22
Title: Re: تعدى على شخصى عميك شرطة يصفنى بالعبد ويمر�
Author: عادل الباهي عبدالرازق
Date: 09-30-2015, 10:58 PM
Parent: #21
Quote:
وهنا صفحة المخابرات المصرية على الفيس بوك |
والله ياخضر الطيب أنت زول حاقد عاوز تغتس حجر الزول
الزول دا المسافة البيقدر يفنجط فيها حوش بكري ومكاتب مفوضية اللاجئين ، ود القاضي المكنه الداخل بيها الآن دي
أنتهت منذ العام 93 لو مفتكر مساككة وزارة الداخلية سوف يجني منها ثمار نافع يكون غلطان وزاتو وقع ليهو لو صدق حديثة في عميد ود ناس
طقطقو وفاكاهو لو قوع في زول شر والله يلف بيهو أقسام مصر كعب دائري .
كدي قابل الاخوان ملهم كردفان واسامة الامام لو فعلا عندك مشكلة البورد دا كلو بيقيف معاك
ونششوف اولوياتك شنو لكن فتح بوستات زي دي استحمار واستخفاف بالناس ساااي ياود القاضي.
|
Post: #23
Title: Re: تعدى على شخصى عميد شرطة يصفنى بالعبد ويمر�
Author: حسن حماد محمد
Date: 09-30-2015, 10:59 PM
Parent: #1
Quote: - فيصل محمد خليل
2- ود الباوقـة
3- محمد احمد القاضي
4- المهندس صلاح غريبـة
5- |
ابوالريش ياخى شن جاب لى جاب
ودالقاضى السودانيين برا السودان كلهم عبيد ما تزعل شديد
|
Post: #24
Title: Re: تعدى على شخصى عميد شرطة يصفنى بالعبد ويمر�
Author: خضر الطيب
Date: 09-30-2015, 11:10 PM
Parent: #23
ود الباهي كيفنك يا حبيب
Quote:
والله ياخضر الطيب أنت زول حاقد عاوز تغتس حجر الزول |
انا حاقد لكن انت حاسد ما داير الزول دا يستفيد هههههههه
|
Post: #25
Title: Re: تعدى على شخصى عميد شرطة يصفنى بالعبد ويمر�
Author: محجوب البيلي
Date: 10-01-2015, 10:52 AM
Parent: #24
Quote: 3- محمد احمد القاضي
|
على ذكر القضاة...
يا جماعة وييين أخونا فايز ود القاضي؟
أفتقده بشدّة، وأفتقد لماحيته وروحه الساخرة 
|
Post: #26
Title: Re: تعدى على شخصى عميد شرطة يصفنى بالعبد ويمر�
Author: محمد مجيدو
Date: 10-01-2015, 12:38 PM
Parent: #1
| Quote: اتوجه لكل المنظمات الانسانية لحمايتى , و اخراجى من مصر فورا واتوجه للسيد النائب العام المصري ببلاغ بحمايتى . |
ود القاضي ...
اخراجك من مصر لا يحتاج منظمات انسانيه ولا النائب العام ولا بوستات ..وما تمسك زمنا ساااي ....
اركب القطر ولا اي باااص سياحي وتوجه جنوباً .. تلقى نفسك في حلفا ...
ولو ما عندك حق التذكره بندبرها ليك ...
دا لو انتا اصلا موجود في مصر ...
قال عميد قاال ...
|
Post: #27
Title: Re: تعدى على شخصى عميد شرطة يصفنى بالعبد ويمر�
Author: سفيان بشير نابرى
Date: 10-01-2015, 11:48 PM
Parent: #26
سلام يا ناس كلامي دا بوجهو ليكم انتو المتداخلين لانو انا متفق مع الزميل القال ود القاضي لابشوف البوست لا بقراهو
انا كنت قاعد في مصر دي زمن طويل جدا ومستقر فيها و بمشي السودان فترة بسيطة وارجع تاااني مصر و عندي فيها
صداقات كبيرة جداً مع مصريين مثقفين و مفكرين و بتاعين مطاعم و حراس حارة و خضرجية و كل انواع البشر حتي حراس
المقابر و الله و عندي علاقات ممتدة وكبيرة مع السودانيين مقيمين ولا جئيين و كانت في سودانية موظفة كبيرة جداً جداً في مكتب
مفوضية شئؤون الاجيين بالقاهرة كذلك هنالك مكتب ساعدات قانونية كبير جداً في القاهرة مختص بمساعدة اللاجئين و المكتب دا
فيهو اكتر من اربعة سودانيين موظفين كبار فيه ( فيهم تالته بورداب معانا هنا دا ) .
انا ليه حكيت الكلام الفوق دا كلو !!!؟ ياربي عشان اوريكم اني خطير و بعرف ناس مهمين ولا شنو !!!؟ طبعاً قطع شك ابداً لكن عايز
اقول ليكم لو اخونا محمد القاضي دا فعلاً كان محتاج مساعدة حقيقية و الله الشباب ديل براهم بيصلوهو و يدوهو راسو لكن باكد ليكم
انو محمد القاضي دا لو فعلاً مقدم للجوء في القاهرة فقطع شك الكيس بتاعو ما ظابط عشان كده المكتب ما شغال بيهو لا خطورة علي
حياة محمد القاضي في القاهر و النقطة دي هي النقطة الجوهرية في العايز اقولو ليكم :-
هنالك معلومة لا اعرف مدى صحتها يتداولها السودانيين المقدمين للجوء من القاهرة وهي :- اذا اثبت احد اللاجئين بان حياته في خطر
بالقاهرة سيفتح مكتب المفوضية الكيس بتاعو و يتم توطينه في بلد تالت اذا ثبت بالفعل ان حياته في خطر .
عشان كده محمد القاضي دا ما ح يشتغل بيكم كلو كلو .
Quote: يأخ أنا أحب البوستات المنقة دي
دا فات صديق مهدي وغريبة بهناك
ذكرني بواحد مثقف كبير في البورد لما تقوم عليه الحالة بتوهم إنه البورد دا كله مستهدفه
يا أخوانا مسعولين من الخير انتو الاستثنائية وين
ممنوع دخول الضحوكنجية |
هاهاهاهاهاهاهاهاهاهاهاهاها وغد كبييير كعادتك يا صاحبي هاهاهاهاها
شايف المهندس ظهر ياصاحبي
|
Post: #28
Title: Re: تعدى على شخصى عميد شرطة يصفنى بالعبد ويمر�
Author: Abureesh
Date: 10-02-2015, 00:55 AM
Parent: #27
حسن حامد كتب
**ابوالريش ياخى شن جاب لى جاب**
يا حسن قلنا في بداية المداخلة السياسـة برة.. المعيار مختلف يا حبيب، وهو معيار البوردابى الذى له خط واحد ونمط واحد في الكتابة بصرف التظر أن كتابته عالية القيمة أم لا.
|
Post: #33
Title: Re: تعدى على شخصى عميد شرطة يصفنى بالعبد ويمر�
Author: عبدالغني محمد الحاج
Date: 10-02-2015, 03:34 PM
Parent: #27
هلا بسيد الناس الوجيه سفيان
زولك دا لو بقى فعلاً عنده مشكلة فكلامك دا نعم المعين له
المهندس خلاص خلص الجنوب ومنور أمدرمان على الدوام
|
Post: #29
Title: Re: تعدى على شخصى عميد شرطة يصفنى بالعبد ويمر�
Author: حاتم إبراهيم
Date: 10-02-2015, 09:40 AM
Parent: #1
| Quote: ويمرمى بجوازى بالارض و يصفنى بالمجنوب |
| المجنوب دي، أنا قايلا غلطة لكن شايفها تكررت تحت برضك | قصد منها شنو؟
1- مجنون
2- مجذوب
3- جاي من جنوب الوادي
4- قاعد في البلد مجنب، مهمَل يعني
5- مصاب بذات الجنب، أظنها الزائدة
6- بجنابتك
7- كل ما ذكر أعلاه صحيح
________
عشان نتفاعل مع الكيس برضك |
|
Post: #30
Title: Re: تعدى على شخصى عميد شرطة يصفنى بالعبد ويمر�
Author: عمر علي حسن
Date: 10-02-2015, 11:59 AM
Parent: #29
| Quote: ونحن نستنكر بشدة ما قامت به وزارة الداخلية المصرية .. تجاه رئيسنا القادم |
سيم سيم
اين صاحب البوست .. الا يسأله احد يا عمنا بكري عن هذا العبث البايخ ..
ارجو الا تكون يد العميد المصري قد طالته مرة اخري وغطست حجرة
عمر علي حسن
|
Post: #31
Title: Re: تعدى على شخصى عميد شرطة يصفنى بالعبد ويمر�
Author: ملهم كردفان
Date: 10-02-2015, 03:18 PM
Parent: #30
كامل تضامنى معك يا محمد احمد القاضي ...احترامى
|
Post: #32
Title: Re: تعدى على شخصى عميد شرطة يصفنى بالعبد ويمر�
Author: Osman Musa
Date: 10-02-2015, 03:28 PM
Parent: #31
ربنا يلطف بي حالك زميلنا العزيز محمد القاضي .
|
Post: #34
Title: Re: تعدى على شخصى عميد شرطة يصفنى بالعبد ويمر�
Author: محمد احمد القاضي
Date: 10-04-2015, 07:42 PM
Parent: #32
شكرا لكل من تضامن معى
|
Post: #35
Title: Re: تعدى على شخصى عميد شرطة يصفنى بالعبد ويمر�
Author: Sayed Ibrahim
Date: 10-05-2015, 00:43 AM
Parent: #34
السلام عليكم الاخ ود القاضي
اذا احتجت الي مساعدة حقيقية ارجو ارسال تلفونك في رسالة .لي ابن عم موجود بالقاهرة
|
Post: #36
Title: Re: تعدى على شخصى عميد شرطة يصفنى بالعبد ويمر�
Author: يوسف أبو صالح
Date: 10-05-2015, 05:46 AM
Parent: #1
هل لمحمد احمد القاضى علاقة بزميل المنبر فايز ود القاضى ولا اسم على اسم ؟
ــــــــــــــــــــــــــــــــــــ
| Quote: أنت يا أخوي الضباط ديل بتلم فيهم وين |
هههههههه اضحك الله سنك يا اسامة
فلقد ذكرتنى قصة ذلك الدرويش الممكون من زوجته وفى نفس الوقت عنده صاحبه كل ما يتزوج
شهرين تلاتة مرته تموت فخاطبه الدرويش صائحا بعد ان رفع معه الفاتحة : انت النسوان البموتن
ديل بتلقاهن وين !
|
Post: #37
Title: Re: تعدى على شخصى عميد شرطة يصفنى بالعبد ويمر�
Author: محمد احمد القاضي
Date: 10-08-2015, 01:18 PM
Parent: #36
شكرا اخ سيد ابراهيم لهذه المساعدة
الاخ يوسف ابو صالح لا توجد علاقة لكن كلنا اخوة فى هذا المنبر
لكم التحة
|
Post: #38
Title: Re: تعدى على شخصى عميد شرطة يصفنى بالعبد ويمر�
Author: علي عبدالوهاب عثمان
Date: 10-08-2015, 01:41 PM
Parent: #37
ود القاضي .. قاضنتود ( بالدنقلاوية)
سيدي الرئيس ( مع حفظ الحقوق الفكرية لودالباوقة ) ..
قرأت في بوست مجاور أنه تمت دعوة الفنانة ندى القلعة للمشاركة في الخوار (بالخاء) الوطني لتحديد مستقبل الوطن
يعني ندى القلقة سوف تحدد مستقبل أولادنا والاجيال القادمة ..
ونظراً لهذا الهوان والذل الذي أصاب جمهورية الخرطوم .. ولانقاذ أهلنا في الشمال من هذا المستقبل المظلم
فنحن نقف خلفك ونشد من أزرك لنتوجك رئيساً لجمهورية بغانخي وعاصمتها دنقلا .. لأنك قرأت المستقبل
وإستشعرت الخطر فتستحق الرئاسة إلى الابد .. ونريد منك رفع العلم في سرايا دنقلا ..
وأهم شيء هو تصميم جواز سفر جديد على غلافه جدنا بعانخي وكذلك العملة ..
الجواز مهم عشان نقدر نزور كافة دول العالم ..
وسيتم أداء القسم فوق الدفوقة في كرمة البلد عاصمة كوش .. وبالزي الخاص للعائلة كوشية كما معرض الدفوفة
وسوف يكون ضيف الشرف .. شارلي بونيه خبير الاثار الكوشية .. لندعو السيسي المصري عشان عمايل وزير الداخلية معاك
تحياتي
عاش القاضي رئيسنا .. لا نامت أعين الجبناء
|
Post: #39
Title: Re: تعدى على شخصى عميد شرطة يصفنى بالعبد ويمر�
Author: اسامة الامام
Date: 10-08-2015, 02:19 PM
Parent: #38
Quote: هههههههه اضحك الله سنك يا اسامة
|
ود ابوصالح
تقبل عليك طروب الأيام أمات سنون بيض
والعبوس ومكشرة تديلك قفاها
بركة الله ورسول الله
،،،
ود القاضي سلام
عرضنا. انا واخوي الكاشف
ما انفك وما برح وما زال
باختصار
أَخَوَاتُ كَانَ جت عليهن:
في انتظار إشارة من معاليك يا المبروك
كما يحلو لاخونا علي مناداتك
|
|