تشابي ( للنجوم ) و أنا ضافر ( الهلال ) ...

Post: #1
Title: تشابي ( للنجوم ) و أنا ضافر ( الهلال ) ...
Author: يحي قباني
Date: 09-29-2015, 11:29 PM
Parent: #0

10:29 PM Sep, 30 2015
سودانيز اون لاين
يحي قباني-فى الدنيا العجيبة
مكتبتى فى سودانيزاونلاين

المشاباة الزايدة ... و المتاوقة في انتظار هزيمة ( النجمة ) ...

المشاباه الخلتهم ينسوا انو عندهم كورة بعد اقل من 24 ساعة ...

كسرت رقبتهم و كسرت معاها قزازة السمنة ...

و نغني مع الخليل ...

Post: #2
Title: Re: تشابي ( للنجوم ) و أنا ضافر ( الهلال ) ...
Author: عبدالعزيز الفاضلابى
Date: 09-30-2015, 00:28 AM
Parent: #1

سلام ياقبانى ,, ياخ الناس ديل عندهم اصوات
هى فى حد ذاتها موسيقى ,, شكراً على هذا الاهداء

Post: #3
Title: Re: تشابي ( للنجوم ) و أنا ضافر ( الهلال ) ...
Author: يحي قباني
Date: 09-30-2015, 03:28 AM
Parent: #2

Quote: سلام ياقبانى ,, ياخ الناس ديل عندهم اصوات
هى فى حد ذاتها موسيقى ,, شكراً على هذا الاهداء

الفاضلابي يا زول يا جميل ... الخليل ده زول صعب ... ما بتصاقع ..

و احدة من روايات قصة لحن عزة ... انه سمع بنية زوجوها غصب لرجل عجوز ...

و كانت تقول :
الكركدي ما بقوم غلة
حلوني من جقود ... يا رجال الله ...

و تقصد تحدث أمها ان الزول العجوز ده فايده منه مافي و لا حتجيب منه ذرية ...

و يقال ان لحن عزة جاي من لحن تلك الكلمات ...

و يقال انها لما فاض بيها الحال كتبت تهجو عجوزها فقالت :
جقود مسك ايدي ... طارت بقاق
عيني للمنقو ... أب جلداً دُقاق

و المنقو كما قال شارحاً بروف علي المك : هو الشاب القوي المرتجى و المشتهى ...

زمان يا عبد العزيز اول ما بدأ برنامج ( نجوم الغد ) ...

قلت ليهم حقوا تعملوا برنامج اسمه ( نجوم الأمس و اليوم و الغد ) و كل زمان و مكان ...

خلوا الوليداات تتعلم تاريخها بالأول بعدين تغني ...

Post: #4
Title: Re: تشابي ( للنجوم ) و أنا ضافر ( الهلال ) ...
Author: عبدالعزيز الفاضلابى
Date: 09-30-2015, 02:49 PM

شكراً مرة اخرى ياقبانى ,, على هذه المعلومات
وياريت تعمل لينا بوست متكامل عن الحقيبة
لأن البوست ده لو حاولنا نخصصه لموضوع
تراث الغنا والادب السودانى اخوانا الرشاشات بحردوا
ونحن طبعاً لابِنْدورهم لا بنستحمل بلاهم (وبلاهم دى
حمَّالة ذات اوجه)
أقترح عليك تسمى البوست الجديد الحقيبة او حقيبة الفن