***** الكـواكـب إحـتـفـلـو بالـقـمـر (بوست للأصحاء فقط) *****

05:08 PM Sep, 29 2015
سودانيز اون لاين
ABUHUSSEIN-السعودية الرياض
مكتبتى فى سودانيزاونلاين

الكواكب احتفلو بالقمر
ابوصلاح
الــكـواكب احــتفلو بالقـمر ام دي روضـة دُرّيـة الثَـمر
*****
ام دي بهـجة الاهـيف الضـمر ديـسا للــدرع وزّع الخُـمر
والطريف شبك رُشرُشـو العَـمر للعيون سيوف تقـضي ما أمر
*****
ديـسا للقـدم وصّـل الخــبـر والصـدير بـرز قلّـع انتـبر
والـنهيد رُخـس لسّـع ماجـبر قلـبي هـجّ طار عنه ما صبر
*****
الشـعـر نـزل للـدرع سـتـر زاحـم القـدم فيـها كم عتّر
والصـدر قلـع والـردف نـتـر والضمير تِعب حالتو في خطر
*****
صبـري قـلّ سال دمعي ما نزجر طرفـي لي لـذيذ المنام هَجر
يالمــزانة ياربــرب الحُـجـر يالمـحجّب الضـارب الكُـجر
*****
دمعي مالو فـاض شـابه البحـر ماطفـي العليَّ من لهيب وحر
عقـلي مانـفـقد قلـبي مانسحر تـدري بالعـليَّ نجمة السحر
*****
مالبـروق ومـا الـبدر لـو سفر مالغـصون ومـا الاريل النفر
كاحلة ناعسة للسيف رمـش غفر تسلميـبو مـن ضـلّ او كفر
*****
العُـشُق نصـيب والغـرام قـدر والقـلوب تطـيع امرك الصدر
نارنا مـا نطفـت شوقـنا ما فدر ضِعـنا والنفـس فيـنا ما ندر
*****
خاتم السعـود وفـي النجم ظهر باحـتفال خـتام نورو اشتهر
انـتـهـز فـرص يانـع الزهـر دمت فـي نـعيم مـدة الدهر
********
*****

تسجيل تاني لي بادي محمد الطيب :

تسجيل تالت بصوت الفنان حسن محجوب :

سلامات يابوحسين وكل سنة وانت طيب ياخ
بوستاتك بقت زى الغام الحوثيين عشان كده
الواحد بقا مايدخل الا بعد يجو كاسحات الألغام
ودالبشرى وطلحة ,, يقشو الدرب وماياخدوا
واحد قوم لِف ,,
ماعارف كلامى ده بخلينى فى زمرة الاصحاء ولااقوم الِف
بمزاجى؟
تسلم يارجل ياطيب

التحية لأ بوحسين ..
يا سلام على بادي محمد الطيب ( رحمه الله )
كان غيوراً على فن الحقية وفي طريقة الاداء
الله الله على هذا الجمال .. رحمك الله يا بادي

مودتي

ملحوظة : لو سمحت يا ابوحسين .. ما ذا يقصد الشاعر بهذا البيت

(( يالمــزانة ياربــرب الحُـجـر يالمـحجّب الضـارب الكُـجر ))

معليش نحن ناس ضواحي الدنيا ..

أخونا الفاضلابي الزول الطيب
أهلاً و سهلاً بيك
ود البشرى شنو و طلحة شنو كمان البتقارن نفسك بيهم ياخ ....
إنت في الثريا و هم في الواطة ....
يقومو يلفو هم الإتنين .....
الله يسألك بوست أول مداخلة فيها :-

والـنهيد رُخـس لسّـع ماجـبر قلـبي هـجّ طار عنه ما صبر

تقول لي ملغم .......؟؟؟؟؟
أبو صلاح دا يخلي عقلك يودي و يجيب أها رٌخس دي عرفها كيف ...؟؟؟؟؟

كدي أقرأ القصيدة دي كم مرة و شوف الوصف الفيها .....

تحياتي و إحترامي

يقال أن أبو صلاح دخل بيت عرس و شاف العروس و حولها صديقاتها فكانت القصيدة
و معروف عن أبو صلاح أنه رسام لذلك نجده دائماً يجيد الوصف كأنه يرسم بيده لا بلسانه
و عندما تسمع شعره تجد نفسك و كأنك تري ما يصف ....

أخونا علي عبدالوهاب أهلا و سهلا بيك
المرحوم بادي كل الناس أجمعوا على أنو زول ما ساهل قدم الكثير و حافظ على الكثير من أغاني الحقيبة من الإنقراض
و تحديداً هذه الأغنية يقال أنه سمعها كقصيدة و قام بتلحينها هو و غناها
و بعد ذلك سمع اللحن الأصلي من كرومة فأداها بلحن كرومة
و أيام زيارة أم كلثوم للسودان طلب منه وزير الثقافة و الإعلام غناءها أمام أم كلثوم رغم مرضه و كان بالمستشفى
و لكنه خرج من المستشفى ليغني هذه الأغنية ...

تحياتي و إحترامي

أخونا أبو حسين .. مع التحية ..
كمل جميلك معانا ..

ملحوظة : لو سمحت يا ابوحسين .. ما ذا يقصد الشاعر بهذا البيت

(( يالمــزانة ياربــرب الحُـجـر يالمـحجّب الضـارب الكُـجر ))

معليش نحن ناس ضواحي الدنيا ..

يمكن نسألك عن أبيات أخرى كمان ..

مودتي

اول حاجة
الله يستر من قوم لف
تانى حاجة يا عثمان اخوى
عاجبانى غنوة نوبية و نزلتها وكتبت يا عثمان يا ريت لو تورينا معنى الكلمات
و حات الله .. رحمة الله الواسعة دى ما جابتك لى
[
اها يا ريت ابو حسين ما يوريك
و ياريت يقول ليك قوم لف
و ان شالله ما يقول لى قوم لف
اللهم حوالينا لا علينا

متابعة لصيقة

Quote: بوست للأصحاء فقط

؟؟؟؟؟؟؟؟؟
تلغز شديد
حكمتو بالغة .

يا سلام على الكلام الجميل ، واللحن أجمل وأداء بادي أروع ...

(( يالمــزانة ياربــرب الحُـجـر يالمـحجّب الضـارب الكُـجر ))

يا علي سلام ، نحن في الهواء سوا ولكني دعني أجتهد وليصححني أحد من الناطقين بها والمجودين

يقصد الشاعر الفتاة الجميلة التي تربت داخل منزلها ولم تخرج وكأنها تأوي في البيت ولا يراها أحد من شدة جمالها .

Quote: أخونا أبو حسين .. مع التحية .. كمل جميلك معانا .. ملحوظة : لو سمحت يا ابوحسين .. ما ذا يقصد الشاعر بهذا البيت (( يالمــزانة ياربــرب الحُـجـر يالمـحجّب الضـارب الكُـجر )) معليش نحن ناس ضواحي الدنيا .. يمكن نسألك عن أبيات أخرى كمان .. مودتي

أخونا علي عبدالوهاب
تحية أطيب
شايفك مشيت لي على الغريق طوالي ...
يا أخوي كلنا في الهوا سوا
كدي خلينا نجي للقصيدة شوية شوية و نشوف لو جا واحد من أخوانا المتمكنين يشرح ليك و يفرج كربتي ..
*****************************************

Quote: اول حاجة الله يستر من قوم لف تانى حاجة يا عثمان اخوى عاجبانى غنوة نوبية و نزلتها وكتبت يا عثمان يا ريت لو تورينا معنى الكلمات و حات الله .. رحمة الله الواسعة دى ما جابتك لى

فعلاً حا تقوم تلف .....
يعني إنت جيت البوست دا ساكي علي عبدالوهاب ....؟؟؟
و الزول دا عايزو يترجم ليك و ل طالبو قروش جاري وراه كدا .....
قوم لف تاني ...

*********************************

Quote: متابعة لصيقة

البشوف القعدة و اللاب توب قدامك كدا يقول تجي شايل معاك زهرة الأغاني .....
كمان متابعة لصيقة ...؟؟؟ بتلعب باك إنت و ل شنو ...؟؟؟
خليك متابع بالله
*********************************

Quote: تلغز شديد حكمتو بالغة .

بعد شوية حا تبقى تلكز شديد

قوم لف
********************************

Quote: يا سلام على الكلام الجميل ، واللحن أجمل وأداء بادي أروع ... (( يالمــزانة ياربــرب الحُـجـر يالمـحجّب الضـارب الكُـجر )) يا علي سلام ، نحن في الهواء سوا ولكني دعني أجتهد وليصححني أحد من الناطقين بها والمجودين يقصد الشاعر الفتاة الجميلة التي تربت داخل منزلها ولم تخرج وكأنها تأوي في البيت ولا يراها أحد من شدة جمالها .

ما عندك عوجة يا ولياب ........
يديك العافية

أبوحسين و الله طلعت راجل ذواقة و عندكـ أحاسيس و كده ..

بالمناسبة لو لقيت زول ترجم ليكم أسمر اللونا دي فيها كلام يكسر عديل كده
أول مرة سمعتها سمعت فيها كلمة شبشب .. قلت لي واحد صاحبنا حلفاوي بالله عليكـ في زول يقول شبشب في أغنية ؟؟
قال لي أنت عارف معني الكلام كلو شنو ؟ قال لي الزول ده قال شاف حبيبتو ماشه من بعيد و حس أنو شبشبها ده ما بضغط علي الأرض لكن بضغط علي قلبو .. بالله ده ما كلام يكسر ؟؟

Quote: ما عندك عوجة يا ولياب ........ يديك العافية[/QUOTE أبوحسين حبيبنا مع التحية .. مع التحية لولياب قريبي من ضواحي الدنيا .. ذكرتني فقشات وردي وحسين خوجلي .. طيب يا أبوحسين وين شرح المفردات ( ربرب ..كجر ... ) .. طيب يا أبوحسين حبيبنا .. نحن نشرح ( أسمر اللونا ) للاخ جلادونا ..

---

Post: #18 Title: Re: ***** الكـواكـب إحـتـفـلـو بالـقـمـر (بوست � Author: علي عبدالوهاب عثمان Date: 09-30-2015, 03:22 PM Parent: #17 التحية لك أخي جلادونا .. شكراً على ( أسمر اللونا ) يا زول أبوحسين حبيبنا جلادونا .. ( أسمر اللونا ) اغنية تراثية بلحن متفرد وإلى يومنا هذا يتم ترديدها بنفس اللحن ولكن الكلمات تضاف وتحذف حسب الزمان .. وميزة هذه الاغنية أنها توضح جلياً عظمة اللغة النوبية ومقدرتها على إستيعاب المفردات من اللغة العربية .. وتجد فيها نوع من الحداثة في ذلك الزمان البعيد عندما كانت حلفا تمثل حاضنة الحداثة والتقدم والعلم فكانت المنفذ للمعرفة العلمية والسلوك الحداثي للوطن ومن ثم إلى باقي مجاهل إفريقيا .. وعبر مصر كانت تأتي كل هذه المكونات الثقافية والاثنية .. فكان التسامح وقبول ثقافة الآخر وإستنوابه وجعله من الأدوات والصفات الجمالية والابداعية مما انتجت نوعاً من الليبرالية المحببة إلى النفس والتي اصبحت من سلوكيات المجتمع النوبي .. وهذه المقدمة المختصرة لتبرير وجود مفردات مثل ( المنديل ، الساعة ، القميص ، كرب رومر ... الخ ) وبإختصار: في البداية يتغزل الشاعر بحبيبته وهي تطرز المنديل ( زمان كان في رمزية هدية المنديل ) يصفها بأنها قامت بتطريز المنديل بيدها المخضبة بالحناء وهي تتأمل نقوش المنديل بتلك العيون الساحرة كعيون الظباء . ثم بعد ذلك يدخل في تأمل خلق هذه الحبيبة صاحبة الجمال الفريد ، ويسأل من ماذا تم خلقك لأنك لا تشبهين البشر ربما في جزيرة نائية فيها من الفواكه والخيرات الطبيعية ، ثم جاء جبريل ووضع يده عليكي وأصبحت من منظومة الملائكة وليس من البشر . وفي مرحلة ثانية يصف طريقة المشية لدرجة أنه يعشق ايقاعات ( الشبشب ) وفرقعاتها وتلك الحبيبة تتمايل في سيرها ما بين النيل والنخيل ، وهنا تجسيد لمفردات الجمال الجسدي الذي يظهر تضاريسه عند جلب المياه من النيل وكلما ثقلت الأحمال على الرأس ظهرت المفاتن بجلاء .. تماماً كما وصف الشاعر حميد حبيبته وهي عائده من المزرعة عند المساء ورأسها مثقل بأحمال القش .. (وإنتى جايى المغربية .. دايشى .. داقسى .. المغربيى ) وهذه الاغنية هي التي كونت الاساس اللحني لكثير من فناني المنطقة وعلى رأسهم خليل فرح ووردي .. البحث طويل ولكن أكتفي بهذا النموذج .. الشكر موصول لأخونا أبوحسين .. على البوست .. ومعليش يا ابوحسين .. لأن جلادونا إستغل فينا نقطة الضعف تجاه أجمل اغنية نوبية وكمان بصوت وردي لم أستطيع الصبر .. معليش إحتلال ناعم للبوست .. مودتي أبو حسين .. ملحوظة : ولأن بوستاتكم عندها رواج .. قلنا ننتهز الفرصة .. مودتي

---

Post: #19 Title: Re: ***** الكـواكـب إحـتـفـلـو بالـقـمـر (بوست � Author: عاطف عمر Date: 09-30-2015, 06:12 PM Parent: #1 إنا لله وآمنت بالله مالك يا أبو حسين ... ؟؟ خليك ياخ مع الرماديين وخليك مع الغواصات وخليك مع ناس الهلال والجزائر ومازيمبي دي بلاوي شنو البتجيبها دي ؟؟ الكواكب وأبوصلاح وكرومة وبادي ؟؟ إنت قايل روحك جبت أغنية ؟؟ ياخ إنت جبت عوالم من الجمال والصور البديعة واللغة الجزلة والألحان السماوية والصوت الرخيم .... جبت مدارس من الفنون والتطريب والغناء السليم جبت محاضرات للتسليم والتسلم والتناغم بين الكورس والفنان إنت يا عمك جبت لينا صباحات الجمعة في الستينات والسبعينات وفطور الجمعة والراديو الملعلع ببرنامج " حقيبة الفن " جبت لينا ذكريات ( الولد ) المفروض يشيل صينية الفطور ويمشي يوديها ( الديوان ) للوالد والأعمام والخيلان ومن حضر من الجيران مجهز إبريق وطشت الغسيل والصابونة كوووووووول ذلك وأذناه هنااااااااااااااااااااااااااك حيث السلطان بادي ( يقوقي ) بهذه الأغنية ...... لكن برضو عافي ليك

---

Post: #20 Title: Re: ***** الكـواكـب إحـتـفـلـو بالـقـمـر (بوست � Author: علي عبدالوهاب عثمان Date: 09-30-2015, 06:34 PM Parent: #19 Quote: اخ إنت جبت عوالم من الجمال والصور البديعة واللغة الجزلة والألحان السماوية والصوت الرخيم .... جبت مدارس من الفنون والتطريب والغناء السليم جبت محاضرات للتسليم والتسلم والتناغم بين الكورس والفنان بدون تعليق .. مودتي

---

Post: #21 Title: Re: ***** الكـواكـب إحـتـفـلـو بالـقـمـر (بوست � Author: جلالدونا Date: 10-01-2015, 04:59 AM Parent: #20 Quote: فعلاً حا تقوم تلف ..... يا سلااااااام ياخ الواحد لف و جا و العزيز عثمان يتحفنا بى اجمل شرح زاد من ريدتنا للغنوة و سيدا و بيئتا الجات منها شكرا شكرا اخونا عثمان ياخى دى اجمل لفة فى الدنيا ثم انو قالو سيد الرايحة بيفتح خشم البقرة اها لقينا خشم بقرة فاتح و لقينا غرضنا فيهو قلت لى الكواكب احتفلوا بى منو ؟ اوعاك تقول لى القمر اقول ليك حاجة . . . . خليك قاعد ما تقوم تلف . . . هذا مع اكيد ودى

---

Post: #22 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-01-2015, 05:56 AM Parent: #21 Quote: أبوحسين و الله طلعت راجل ذواقة و عندكـ أحاسيس و كده .. كان حلو عن سماي المواهيم حا تظهر كل مواهبي المدفونة ...... إنت تغيب سنة و تظهر بس عشان تجي تشلت أبو حسين و ل كيف ....؟؟؟؟ تحياتي و إحترامي ********************************************* Quote: طيب يا أبوحسين حبيبنا .. نحن نشرح ( أسمر اللونا ) للاخ جلادونا .. أشرح يا علي .... إنت طلبت الإذن و قبل ما أرد عليك شرحت .... !!!!!!! شايفك أخدت راحتك على الآخر يا علي... أها أديتك الأذن في البوست دا و كل بوستاتي .... تحياتي و إحترامي ******************************************** الباشمهندس عاطف عمر سلام و تحية طيبة و الله ما عرفت أقول ليك شنو زاتو ... الله يديك العافية تحياتي و إحترامي ******************************************* Quote: الواحد لف و جا تاني قوم لف ... أقول ليك والصـدر قلـع والـردف نـتـر والضمير تِعب حالتو في خطر تقول لي خشم البقرة ...؟؟؟؟ تحياتي و إحترامي

---

Post: #23 Title: Re: ***** الكـواكـب إحـتـفـلـو بالـقـمـر (بوست � Author: حامد محمد حامد Date: 10-01-2015, 06:11 AM Parent: #22 اولا السلام عليكم جميعا وكل سنة وانتم بخير ثانيا سلام لابو حسين اللى هو من ضمن الجميع فى السلام الاول ثالثا ابو حسين لا ذواق ولا حاجة ...بس الغنية اصلا حلوة وفارضها نفسها ....قال حالته فى خطر وشكرا

---

Post: #24 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-01-2015, 07:55 AM Parent: #23 Quote: اولا السلام عليكم جميعا وكل سنة وانتم بخير و عليكم السلام و كل سنة و إنت بألف خير Quote: ابو حسين لا ذواق ولا حاجة غصب عنك ..... من متين إنت كان رايك ليهو وزن .... Quote: بس الغنية اصلا حلوة وفارضها نفسها يعني عملت شنو ...؟؟؟؟ فسرت الماء بالماء ... Quote: وشكرا على شنو .....؟؟؟؟؟ أسمع قوم لف إنت زي واحد فوق تغيب سنين و ما تجي إلا في بوستي عشان تفور دمي قوم لف تاني .....

---

Post: #25 Title: Re: ***** الكـواكـب إحـتـفـلـو بالـقـمـر (بوست � Author: علي عبدالوهاب عثمان Date: 10-01-2015, 08:13 AM Parent: #24 حبيبنا أبوحسين .. معليش .. وآسفين على التكرار .. أشرح لينا العبارات يالمــزانة ياربــرب الحُـجـر يالمـحجّب الضـارب الكُـجر أكاد أعرف معنى الكجر وهي نوبية ومستخدمة في العربية ( الوتد ) ولكن لا أظن أن شاعر بجمال أبوصلاح سوف يستخدم كلمة بمعنى ( وتد) في شعر الغزل لأن عبارة ( كجر بمعنى وتد ) تدخل ضمن مفردات الذم والقبح .. تحياتي ومودتي ..

---

Post: #26 Title: Re: ***** الكـواكـب إحـتـفـلـو بالـقـمـر (بوست � Author: سفيان بشير نابرى Date: 10-01-2015, 10:53 PM Parent: #25 الكواكب احتفلو بالقمر و بادي يا أبو حسين انت قايل نفسك منو اصلاً!!!!!!!؟ قوم لف لانو بادي دا لو فتحنا سيرتو البوست دا ما بينتهي !؟

---

Post: #27 Title: Re: ***** الكـواكـب إحـتـفـلـو بالـقـمـر (بوست � Author: معاوية المدير Date: 10-02-2015, 06:29 AM Parent: #26 ود المدير ...

---

Post: #28 Title: Re: ***** الكـواكـب إحـتـفـلـو بالـقـمـر (بوست � Author: جلالدونا Date: 10-02-2015, 07:48 AM Parent: #27 Quote: ود المدير ... اممممممممممك سيد الحكى جاك يا عثمان با ود امى و ابوى شرح من بيت الكلاوى .. من اهل الجلد و الراس مش سكان المدن الدايشة و راسا مقطوع استمتع يا حبيب ___ ود المدير برغم ذلك بقول ليك و عملا لى الله كان ابو حسين يرضى . . . قوم لف

---

Post: #29 Title: Re: ***** الكـواكـب إحـتـفـلـو بالـقـمـر (بوست � Author: معاوية المدير Date: 10-02-2015, 08:01 AM Parent: #27 Quote: يالمــزانة ياربــرب الحُـجـر يالمـحجّب الضـارب الكُـجر سلآم للجميع، وعيد مبارك . يا علي ؤُ ولياب، المُزآنة، هكذا خلق الله الأُنثى تلجأ للزينة في كل الحالآت بل تُنشأ فيها، قال تعالى، ( أومن ينشأ في الحلية وهو في الخصام غير مبين ). والربرب إسم جمع لا مُفرد له مثل (خيل)، وهو القطيع من بقر الوحش أو الغزلآن، أما الحُجر فجمع حُجرة والصحيح لغةً الحُجرات ( إن الذين ينادونك من وراء الحجرات ) . المُحجّب المحجوب عن العين، ضارب بمعني مُلآزم، اي باقٍ في مكان وآحد، وهو الكُجر، مفردها كُجرة وهي عبارة عن غرفة كانوا يدسو فيها العروس في الزمان الماضي ولا يصل إليها إلا نفربسيط من الناس حتي مواعيد العرس، وقد يمتدّ بقاءها في الكُجرة لعدة شهور . قال بشار بن برد، ربابة ربة ُ البيت تصب الخل في الزيت لها عشر دجاجاتٍ وديك حسن الصوت، أما ربابة فجمعها رباب وهو السحاب الأبيض . تجد بعض النساء إسمهن رباب، والربابة كما هو معروف الطمبور . مودتي ...

---

Post: #30 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-02-2015, 09:10 AM Parent: #29 الله يريحك دنيا و آخرة يا ود المدير ..... قال ليك يضع سرو في أضعف خلقو .....

---

Post: #31 Title: Re: ***** الكـواكـب إحـتـفـلـو بالـقـمـر (بوست � Author: طلحة عبدالله Date: 10-02-2015, 11:50 AM Parent: #30 غايتو يا أبو حسين بوستات عايشة على الحسنة وفاعلي الخير .. خخخخخخخ ود المدير كيف حالك آزول ؟

---

Post: #32 Title: Re: ***** الكـواكـب إحـتـفـلـو بالـقـمـر (بوست � Author: معاوية المدير Date: 10-02-2015, 11:50 PM Parent: #31 Quote: الله يريحك دنيا و آخرة يا ود المدير ..... قال ليك يضع سرو في أضعف خلقو ..... ههههههههههههههه، غايتو اصلك ما بتقطع فيك الحسنة . يا ابو حسين الناس ديل اصلاً ما كانوا بيكتبو الشعر ساكت، كانت عندهم مرجعية وقاعدة ثابتة يستندو عليها . المرأة المتبذلة ابداً ما كانت محط انظار الشعراء لا في الجاهلية ولا في الإسلآم، بل دائماً يذكرون في اشعارهم ربات الخدور . شوف ابو صلاح قال شنو، يا خلاصة نــور البدور يا المحجب وساكن الخدور قال، ساكن الخُدور والخِدر هو الكُجرة بالمعني الفصيح قال إمرؤ القيس، وبيضة خدر لايرام خباؤها تمتعت من لهو بها غير معجل شبه المرأة بالبيضة ونسبها للخدر لأنها ملآزمة له . وتشبيه المرأة بالبيضة ورد في القرآن، قال تعالى، {وَعِنْدَهُمْ قَاصِرَاتُ الطَّرْفِ عِينٌ كَأَنَّهُنَّ بَيْضٌ مَكْنُونٌ} بيض مكنون اي محفوظ، شُفت كيف !. وقال تعالى، {وَحُورٌ عِينٌ * كَأَمْثَالِ اللُّؤْلُؤِ الْمَكْنُونِ} وقال تعالى، ( حُورٌ مَقْصُورَاتٌ فِي الْخِيَامِ ) اي لآزمات للخيام ...

---

Post: #33 Title: Re: ***** الكـواكـب إحـتـفـلـو بالـقـمـر (بوست � Author: معاوية المدير Date: 10-02-2015, 11:53 PM Parent: #32 Quote: غايتو يا أبو حسين بوستات عايشة على الحسنة وفاعلي الخير .. خخخخخخخ ود المدير كيف حالك آزول ؟ مرحب حباب طلحة، أريت حالك زين . يعني يا طلحة هسّع البوست دا كان مرقنا مِنّو انا وبادي يروح شمار في مرقة ساكت ...

---

Post: #34 Title: Re: ***** الكـواكـب إحـتـفـلـو بالـقـمـر (بوست � Author: يحي قباني Date: 10-03-2015, 04:54 AM Parent: #33 متفسح يابو حسين ... طيب على الأقل سمعها لضيوفك ( الأصحاء ) بتسجيل نضيف ... ده شنو التسجيل ( الغير صحّي ) ده :) ...

---

Post: #35 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-03-2015, 07:37 AM Parent: #34 Quote: حبيبنا أبوحسين .. معليش .. وآسفين على التكرار .. أشرح لينا العبارات أخونا علي عبدالوهاب أخد راحتك ياخ نحن في سودانيز كل همنا تثقيف الأخوان و محو أمية الكثيرين و في سبيل ذلك الهدف النبيل السامي بنتحمل أي شي ... و أفتكر أحد مساعدني الأخ معاوية المدير ما قصر معاك .... ******************************************** Quote: الكواكب احتفلو بالقمر و بادي يا أبو حسين انت قايل نفسك منو اصلاً!!!!!!!؟ قوم لف لانو بادي دا لو فتحنا سيرتو البوست دا ما بينتهي !؟ بستغرب دخولك في بوست هادف و جميل زي البوست دا ....... قوم لف..... ****************************************** Quote: اممممممممممك سيد الحكى جاك يا عثمان با ود امى و ابوى شرح من بيت الكلاوى .. من اهل الجلد و الراس مش سكان المدن الدايشة و راسا مقطوع استمتع يا حبيب ___ ود المدير برغم ذلك بقول ليك و عملا لى الله كان ابو حسين يرضى . . . قوم لف عارف يا جلجل في مسيرتنا الطويلة المليئة بالمطبات و الحفر العميقة في المنبر دا لاقتنا شخصيات كثيرة من كل أنواع البشر أهو إنت واحد منهم دائماًبتحاول تحطم الناجحين و كل همك إستهداف القمم من أجل الشهرة ... و برضو قوم لف ........ ******************************************* Quote: غايتو يا أبو حسين بوستات عايشة على الحسنة وفاعلي الخير .. خخخخخخخ ود المدير كيف حالك آزول ؟ دائماً تفكيرك عاجز و قدر ما حاولت أوسع ليك مداركك لكن و الله غلبت معاك حيلة .... البوست دا فتحتو لتثقيف و محو أمية الكثيرين بحفز ناس المعرفة عشان يشاركو و بستفز البعض عشان نطلع الدر الكامن فيهم.... صعب عليك تفهم الحاجات دي يا طلحة .... و كالعادة ...... . . . . قوم لف ياخ ..... ************************************** Quote: غايتو اصلك ما بتقطع فيك الحسنة . ود المدير ياخ كلام الحاقدين لا تعيره إنتباهاً و لا تقيم له وزنا .... أنا و إنت هدفنا نبيل و سامي نثر المعرفة و محو أمية الوهم المالي المنبر.. بعدين القصيدة دي طوووووووويلة ليه أخدت منها بيت واحد و خليت بقية القصيدة ..... واصل ياخ *************************************** Quote: متفسح يابو حسين ... طيب على الأقل سمعها لضيوفك ( الأصحاء ) بتسجيل نضيف ... ده شنو التسجيل ( الغير صحّي ) ده :) ... يا أبو الياء مرات مرات كدا بنحاول ننثر الجمال عسى و لعل نخفف على الشعب المسكين دا ...... مشكور على التسجيل النضيف دا ..... **************************************** تحياتي و إحترامي للجميع .

---

Post: #36 Title: Re: ***** الكـواكـب إحـتـفـلـو بالـقـمـر (بوست � Author: طلحة عبدالله Date: 10-03-2015, 09:10 AM Parent: #35 يا ود المدير دا الشايفو وشايفنوا الناس القاعدين يتاوقوا هنا .. أكتر حاجة بعملا أبو حسين في بوستاتو وضع العنوان بين أنجم زواهر .. وأكبر عبارة برد بيها على المداخلات (قوم لف ).. ههههههههههه عوقو في الأنكل

---

Post: #37 Title: Re: ***** الكـواكـب إحـتـفـلـو بالـقـمـر (بوست � Author: جلالدونا Date: 10-03-2015, 01:58 PM Parent: #36 Quote: عارف يا جلجل في مسيرتنا الطويلة المليئة بالمطبات و الحفر العميقة في المنبر دا لاقتنا شخصيات كثيرة من كل أنواع البشر أهو إنت واحد منهم دائماًبتحاول تحطم الناجحين و كل همك إستهداف القمم من أجل الشهرة ... قمم !! و استهداف !! يا زول انتا بى صحك ؟

---

Post: #38 Title: Re: ***** الكـواكـب إحـتـفـلـو بالـقـمـر (بوست � Author: يحي قباني Date: 10-03-2015, 06:26 PM Parent: #37 Quote: يالمــزانة ياربــرب الحُـجـر يالمـحجّب الضـارب الكُـجر خليكم من الخيال التأمُلي ده ... كدي عاينو لي الوصف ( التشريحي ) ده ... Anatomy عديل من دكتور ابوصلاح ... شوفوا الكلام ده : ديـسا للقـدم وصّـل الخــبـر و ( الصـدير ) بـرز قلّـع انتـبر و ( الـنهيد ) رُخـس لسّـع ماجـبر قلـبي هـجّ طار عنه ما صبر اها يا ربي ده وصفين لي حاجة واحدة ... ولا وصف لحاجتين .

---

Post: #39 Title: Re: ***** الكـواكـب إحـتـفـلـو بالـقـمـر (بوست � Author: عاطف عمر Date: 10-03-2015, 06:43 PM Parent: #1 النقر جا جاكم سيد الشي زااااتا قباني وما أدراك وبالطبع جاء داخل ولازي الباب بي كوعو إيدوا مليانة عطايا إنما تسجيل يا عمك Quote: مالبـروق ومـا الـبدر لـو سفر مالغـصون ومـا الاريل النفر كاحلة ناعسة للسيف رمـش غفر تسلميـبو مـن ضـلّ او كفر Quote: تسلميـبو مـن ضـلّ او كفر تخلي الضالين والكفار يسلموا يا أعمامك آمنت بالله ثم آمنت بالله

---

Post: #40 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-03-2015, 11:34 PM Parent: #39 Quote: يا ود المدير دا الشايفو وشايفنوا الناس القاعدين يتاوقوا هنا .. أكتر حاجة بعملا أبو حسين في بوستاتو وضع العنوان بين أنجم زواهر .. وأكبر عبارة برد بيها على المداخلات (قوم لف ).. ههههههههههه عوقو في الأنكل ود المدير طلع راجل عندو زوق و بحس و بشعر شارك مشاركة معتبرة لكن إنت غير المخاشنة و محاولاتك الحثيثة لتعطيل الإبداع و النجاح ما شفنا ليك حاجة .... قوم لف *************************************** Quote: قمم !! و استهداف !! يا زول انتا بى صحك ؟ لأنك بتعاين لي بي عين الحقد و الحسد عشان كدا ما حا تشوف الحقيقة الماثلة للجميع ألحق طلحة و قوم لف .... **************************************** Quote: خليكم من الخيال التأمُلي ده ... كدي عاينو لي الوصف ( التشريحي ) ده ... Anatomy عديل من دكتور ابوصلاح ... شوفوا الكلام ده : ديـسا للقـدم وصّـل الخــبـر و ( الصـدير ) بـرز قلّـع انتـبر و ( الـنهيد ) رُخـس لسّـع ماجـبر قلـبي هـجّ طار عنه ما صبر اها يا ربي ده وصفين لي حاجة واحدة ... ولا وصف لحاجتين . و الله يا أبو الياء أبو صلاح بالغ شديد لحقها شامة تاجوج ... طبعاً وصف لي حاجتين ... لأنو قمة إفرست غير جبل إفرست ..... ياها دي ... هوي يا ليلى هوووووووووووووووي ********************************** Quote: تسلميـبو مـن ضـلّ او كفر يا عاطف البسمع الكلام دا بقول:- Quote: آمنت بالله ثم آمنت بالله أو بقول :- لا إله إلا الله كان ضالي بكون أسلم و كان كافر برضو بكون أسلم يعني الشي دا داعية عديل كدا ........ *********************************** تحياتي و إحترامي للجميع .

---

Post: #41 Title: Re: ***** الكـواكـب إحـتـفـلـو بالـقـمـر (بوست � Author: جلالدونا Date: 10-04-2015, 00:50 AM Parent: #40 Quote: لأنك بتعاين لي بي عين الحقد و الحسد عشان كدا ما حا تشوف الحقيقة الماثلة للجميع اتق الله يا زول وعموما لو حصل غلط منى ياخى تجدنى فى غاية الاسف دربك اخدر و ربنا يسهلا و يمهلا عليك دنيا و اّخرة

---

Post: #42 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-04-2015, 06:43 AM Parent: #41 Quote: اتق الله يا زول وعموما لو حصل غلط منى ياخى تجدنى فى غاية الاسف دربك اخدر و ربنا يسهلا و يمهلا عليك دنيا و اّخرة **************************************************** Quote: Patch Adam · يعمل لدى Flash Cab الكُـجر: العروس بدسوها فى الكجره وهو سرير بى ضروه عشان الناس ما يشوفوها أعجبني · رد · 1 أكتوبر، 2015 06:29 مساءً يديك العافية *************************************************** Quote: Hafiz Elemam Mohieldin · كالغاري أبو حسين وضيوفه الأكارم، الأغنيه بلا شك جميله ومن عيون الحقيبه علا أبوحسين ده ما مضمون يكون فاتح البوست ده وراقدلو فوق رأي خاصه البورد هنا ملان كواكب . أعجبني · رد · 18 ساعة لا يا حافظ ياخ .... ابو حسين لا راقدلو فوق راي و لا شي ...... ابو حسين بثقف في الناس و بنثر الجمال في طريقهم ياخ ... يديك العافية ************************************************** تحياتي و إحترامي للجميع .

---

Post: #43 Title: Re: ***** الكـواكـب إحـتـفـلـو بالـقـمـر (بوست � Author: علي عبدالوهاب عثمان Date: 10-04-2015, 07:33 AM Parent: #42 Quote: ا علي ؤُ ولياب، المُزآنة، هكذا خلق الله الأُنثى تلجأ للزينة في كل الحالآت بل تُنشأ فيها، قال تعالى، ( أومن ينشأ في الحلية وهو في الخصام غير مبين ). والربرب إسم جمع لا مُفرد له مثل (خيل)، وهو القطيع من بقر الوحش أو الغزلآن، أما الحُجر فجمع حُجرة والصحيح لغةً الحُجرات ( إن الذين ينادونك من وراء الحجرات ) . المُحجّب المحجوب عن العين، ضارب بمعني مُلآزم، اي باقٍ في مكان وآحد، وهو الكُجر، مفردها كُجرة وهي عبارة عن غرفة كانوا يدسو فيها العروس في الزمان الماضي ولا يصل إليها إلا نفربسيط من الناس حتي مواعيد العرس، وقد يمتدّ بقاءها في الكُجرة لعدة شهور . التحية والمودة لصاحب البوست أبو حسين .. ود المدير لك الشكر .. على هذا الشرح .. ذكرتنا طيب الذكر ( الطيب محمد الطيب ) رحمه الله ود المدير مليون تحية وشكر .. وخاصة على شرح كلمة ( كجر) ولأنني مغرم بالبحث في التراث النوبي فقد وجدت للكلمة مقابل ومصطلح مطابق صدقت الرواية أنا أمدرمان أنا السودان .. من طقوس الزواج لدينا وإلى وقت قريب كانت العروس تعزل في منزل آخر غير منزل والدها .. وممنوع دخول الرجال .. وكأن الموضوع أشبه بمعسكر مقفول .. وتكون المشرفة عليها هي المشاطة .. والمشاطة كانت لديها قوة في شخصية .. وكانت مسئولة معن كل ما يتم في هذه الحاضنة وتسمى بالنوبية ( بوكر كا ) يتم فيها تزيين العروس لأن زمان كانت البنت ممنوعة من أي أنواع الزينة والعطور قبل الزواج ( فقط تكتفي إستخدام زيت الطعام ) .. وبالاضافة إلى الزينة والتجميل والمشاطة .. كانت هذه المشاطة تلقنها دروس في المسكوت عنه .. وعن كيفية مقابلة الرجل ليلة الدخلة وكيفية التعامل مع هذا الوضع الجديد .. وعدم الخضوع مباشرة على نظرية ( يتمنعن وهن راغبات ) .. الخ ( من المحظورات ) التحية لود المدير .. شكراً كثير أبو حسين .. أن فتحت لنا هذه النافذة لمحاولة تأصيل ثقافة امدرمان .. مودتي ..

---

Post: #44 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-04-2015, 10:16 AM Parent: #43 اخونا علي سلام و الله ما قصرت طقوس الزواج و ما قبل الزواج موجودة عند كل القبائل مع اختلافات بسيطة ... دور المشاطة يكاد يكون اهم دور في الفترة دي ... و برضو الصاحبات و الجارات و بنات الاهل في تزيين العروس و تعليمها الرقص و كيفية التعامل في بيت الزوجية من الألف للياء ... و كلنا بنتذكر لمة البنات يوميا و الغناء بالدلوكة و تعليم العروس الرقص و من ضمنها اغنيات معينة فيها العروس بتنزل فجأة في الأرض كان العريس طلع حريف و مسكها قبل ما تصل الأرض يحسب ليه قون و لو كمان زولك كان من ناس الرجفة و طاشي شبكة و العروس وصلت الواطة تكون العروس جابت قون و تسمع الكوراك من اصحاب القون ...... :) :) ايام سمحة شديد .... العجايز ناس قباني و عاطف بكونو عارفنها كويس ... تحياتي و احترامي للجميع .

---

Post: #45 Title: Re: ***** الكـواكـب إحـتـفـلـو بالـقـمـر (بوست � Author: علي عبدالوهاب عثمان Date: 10-04-2015, 01:11 PM Parent: #44 حبيبنا أبوحسين .. تحياتي كما قلت سابقاً لقد فتحت لنا نافذة للتأمل البوست بدأ يقودنا إلى نظرة أكثر عمق من الغزل المنصوص في القصيدة نسبة لما عايشناه في ذلك الزمان في القرى النائية والبعيدة .. ونوعية السلوك الاجتماعي في ذلك الزمن البعيد .. كانت هناك نوع من الليبرالية المحببة .. وكانت بالفطرة ولم تأت محاكاة لا للشرق ولا للغرب بل في تناغم مع النشاط اليومي للترابلة .. فكان الزي النسائي بسيط معظم الصدر مكشوف وأحياناً ينحسر الفستان فوق الركبة .. عندما تخوض في النيل أو عندما تجلس لحش القش للبهائم .. كما لم تغطي صدرها بالطرحة التوب عندما تملأ المياه من النيل لسقاية شتلات النخيل .. بل تكوم التوب أو الطرحة فوق رأسها ليكون عازل لصفيحة الماء او ربطة القش أو الحطب .. ومعظم الفساتين كانت بدون أكمام .. وفي المقابل لم يكن هناك أي سلوك شاذ .. لأن هذه كانت طبيعة الحياة .. والتربال أيضاً بسروال كان يضمه ويربطه بسعف النخيل تكاد عورته ان تكون مكشوفة .. وبمقياس ذلك زمان والعفة والسلوك النبيل .. لا تعتبر قصيدة أبوصلاح غزل حسي خارج النطاق ولكن تعبير ووصف كان يطرب له المحبوبة والمستمع ويقبل به السمع والعرف في ذلك الزمان .. تحياتي أبو حسين .. هذا لأن البعض يقيس مثل هذه القصائد بمعيار هذا الزمان المختل أنسانياً سلوكياً .. أبو حسين البوست .. عميق ..

---

Post: #46 Title: Re: ***** الكـواكـب إحـتـفـلـو بالـقـمـر (بوست � Author: ولياب Date: 10-04-2015, 01:51 PM Parent: #45 شكرا أخي معاوية المدير على الشرح المسهب ، وقد إجتهدت بمعنى مقرب لذلك المقطع ، والشكر أيضا لأبوحسين (إن أنقلش) لرفع المعنويات لأحد من الناطقين بغيرها .

---

Post: #47 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-05-2015, 06:31 AM Parent: #46 Quote: تحياتي أبو حسين .. هذا لأن البعض يقيس مثل هذه القصائد بمعيار هذا الزمان المختل أنسانياً سلوكياً .. أخونا علي هذا الزمان مختل عقلياً..... Quote: أبو حسين البوست .. عميق .. كم متر ....؟؟؟؟ يا زول خلينا نتعمق في الحاجات السمحة دي ... ******************************** Quote: والشكر أيضا لأبوحسين (إن أنقلش) لرفع المعنويات لأحد من الناطقين بغيرها . يا حبيبنا ولياب الحقيبة دي كلنا ناطقين بها ..... تسلم من كل شر ******************************* Quote: Hafiz Elemam Mohieldin · كالغاري معليش أخونا أبو حسين على سؤ الظن، ولكن صدقني ده نابع من إحترام ومحبه ، وبعدين القبح الموجود مؤخراً في البورد خلانا ما نتحسس الإشراقات الجميله. لك العتبى حتى ترضى يا راجل يا طيب. حافظ شنو عايز تعملها لي دراما ......!!!!!! و لا سؤ ظن و لا أي شي غير حسن الظن و دعابة و ضحك .... بهظر و بضحك عشان نقضي على الهم و الغم النحنا عايشين فيه .... ******************************* تحياتي و إحترامي للجميع .

---

Post: #48 Title: Re: ***** الكـواكـب إحـتـفـلـو بالـقـمـر (بوست � Author: جلالدونا Date: 10-05-2015, 07:21 AM Parent: #47 اخونا ابو حسين ياخى اسعدنى وشك الزعلان من الاعتذار وبعتذر عن اعتذارى هسى ... بعتذر عن عتذارى ... دى لو لحنوها ما اجمل من الغنوة المحتفى بيها دى خسوسا لو غناها المرحوم بأذن الله بادى

---

Post: #49 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-05-2015, 12:07 PM Parent: #48 جلجل قوم لف .....

---

Post: #50 Title: Re: ***** الكـواكـب إحـتـفـلـو بالـقـمـر (بوست � Author: يحي قباني Date: 10-05-2015, 01:25 PM Parent: #39 Quote: النقر جا جاكم سيد الشي زااااتا قباني وما أدراك وبالطبع جاء داخل ولازي الباب بي كوعو إيدوا مليانة عطايا إنما تسجيل يا عمك الليلة يا النقر ... حسابو علي ... دايراك تمُر ... حسابو علي ... بشاره انكسر ... و احرق البينسون و تم الباقي يا توفي ... و كله حسابو علي ... ________________________________________ تسجيل كما اللوز و الفستق يا صديقي ... شيخ طه ده لو ما سنيت اضنيك عشان تسمع عمايله في الغنا ... فايده مافي ...

---

Post: #51 Title: Re: ***** الكـواكـب إحـتـفـلـو بالـقـمـر (بوست � Author: البشير دفع الله Date: 10-05-2015, 03:00 PM Parent: #50 رائع يا ابو حسين رائع

---

Post: #52 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-05-2015, 05:02 PM Parent: #51 Quote: الليلة يا النقر ... حسابو علي ... دايراك تمُر ... حسابو علي ... بشاره انكسر ... و احرق البينسون و تم الباقي يا توفي ... و كله حسابو علي ... دا شنو يا ابو الياء أجيب ليك الـنـهـيـد رخــــص تجيب لي و احــــرق الـبـيـنـســـون و بالمناسبة طالبك التسجيل بتاع القعدة لي أحمد المصطفى لي أغنية طار قلبي ما حا أنساهو و ما بخليك ...... ********************************** Quote: رائع يا ابو حسين رائع تسلم يا البشير يا أمير تحياتي و إحترامي للجميع .

---

Post: #53 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-07-2015, 08:40 PM Parent: #52 .

---

Post: #54 Title: Re: ***** الكـواكـب إحـتـفـلـو بالـقـمـر (بوست � Author: طلحة عبدالله Date: 10-07-2015, 08:49 PM Parent: #53 وين البت الكشحت الوسخ يا صاحب صاحبو ؟؟ ههههههههههه .. سمعت تحت تحت قالوا بادي حملة استقطاب تعاطف .. أوع يكون الناس ديل بهتوك ساي ؟

---

Post: #55 Title: Re: ***** الكـواكـب إحـتـفـلـو بالـقـمـر (بوست � Author: ست البنات Date: 10-08-2015, 00:23 AM Parent: #54 سلام للجميع, قالوا كان في زي انقلاب عسكري على البشير ! صحي ؟؟؟ ست البنات.

---

Post: #56 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-08-2015, 03:34 AM Parent: #55 طلحة قوم لف ....

---

Post: #57 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-08-2015, 07:02 AM Parent: #56 Quote: وين البت الكشحت الوسخ يا صاحب صاحبو ؟؟ في الخور ..... Quote: سمعت تحت تحت قالوا بادي حملة استقطاب تعاطف .. ما محتاج ليها ...... Quote: أوع يكون الناس ديل بهتوك ساي ؟ الناس خايفين .......

---

Post: #58 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-09-2015, 11:32 AM Parent: #57 قالو في إنقلاب قالو مجموعة من سلاح المسدسات خططوا لي إنقلاب و كانت نقطة التجمع في أمبدة شارع الردمية الحارة السادسة منزل رقم 4599 جنب بقالة أبو الجاز أها بعد ما فطروا و شربو الشاي و جابو ليهم ستيم تفاح شربوهو و قامو إدشو كويس و ركبو عرباتهم متحركين في كنفوي واحد حا يتقسم لي مجموعتين في صينية شارع الموردة مع شارع العرضة ... قالو أول ما وصلو الصينية المفروض يتفرقو فيها لي مجموعتين ... مجموعة تمشي الإذاعة و معاها البيان رقم (1) و المجموعة التانية حا تمشي القيادة العامة عشان يمسكو البشير قبل ما يشرد ..... أها قبل ما يصلو الصينية بي كم متر سمعوا ليهم صوت إنفجار قوي جداً أها قام قائد المجموعة طواااااااااااااااااالي قال ليهم نرجع أمبدة و فعلاً رجعوا أمبدة.... (أتضح فيما بعد أن صوت الإنفجار كان بي سبب إنفجار لستك واحدة من الحافلات الشغالة في خط أم درمان الخرطوم) أها الجماعة رجعوا أمبدة و قالو القائد قال ليهم على بالطلاق الموضوع دا ما يطرشقو لينا طرشقة لستك .... قام طوالي أعلن إنو مدينة أمبدة مدينة محررة و لا تتبع لحكومة الإنقاذ و أعلن إنفصالها عن دولة السودان و قام أرسل رسائل إلى :- بوكي مون الأمين العام للأمم المتحدة الإتحاد الأوربي مجموعة دول عدم الإنحياز جامعة الدول العربية مجلس دول الخليج العربي ديل كلهم رسل ليهم رسائل بالواتس آب طالبهم فيها بالإعتراف بدولته الجديدة و طلب منهم الدعم المادي أها قام بوكي مون إتصل بالبشير عشان يعرف منو الحاصل شنو ...!!!!! البشير قال لي بوكي مون : يا زول إنت بتتكلم جد و ل بتهظر...؟ بوكي مون قال لي : أهظر شنو يا زول و الله الناس ديل رسلو لي في الواتس و لو ما مصدقني برسلها ليك ..... البشير قال لي : و الله لو ما كلامك دا ما كان عرفت .... بوكي مون قال ليهو : يا زول ما تمشي تعملوها حرب و كتل و كلام فارغ ... عالج الموضوع بالهداوة البشير قال ليهو : علي بالطلاق ما أخسر فيهم طلقة واحدة ... البشير كانو قاعدين جماعة جنبو و فيهم واحد بتاع شمارات مبالغ فيها قام إتصل على نسوان البشير الإتنين كلمهم قال ليهم و الله الزول دا حلف طلاق قدامي..... أها ناس الجيش سمعوا بي الخبر لأنو الخبر بدأ ينتشر في الواتس إجتمعوا القادة و قال نبيهم عن بكرة أبيهم كمان سلاح المسدسات يعملوا إنقلاب ....؟؟؟؟؟ المهم قامن نسوان البشير إتصلوا على ناس الجيش قالو ليهم أوع تعملوا أي حاجة راجلنا دا حلف طلاق ما يخسر فيهم طلقة يعني لو ضربتو طلقة واحدة نحن بنصيع عليكم الله خلوكم عاقلين أها ناس الأمن آخر من يعلم قامو ساقو نسوان البشير و دوهم القيادة العامة و البشير قال إلا يمشي بي نفسو يشوف الحاصل شنو .... المساعدين و المستشارين و حتى بتاع الشاي يمسكو في البشير عشان ما يمشي .... أخيراً إقتنع بي كلامهم و قال ليهم خلاص بمشي البيت أريح شوية و بعدين نشوف حا نعمل مع الوهم ديل شنو ركب البشير العربية و قال للسواق وديني البيت ... السواق قال ليهو و الله يا ريس ناس الأمن قالو لي أوديك القيادة العامة البشير قال ليهو يا زول قيادة شنو داير أمشي لي نسواني أرتاح معاهن السواق قال ليه : يا ريس النسوان الإتنين جبناهم في القيادة البشير قال ليهو خلاص أرح القيادة أها وصلوا القيادة نزل البشير و دخل على الصالون قعد في أقرب كرسي و فكفك زراير القميص و مد كرعينو قداااااااااااااااام كدا و جر ليهو نفس عميييييييييق ... جن نسوانو جاريات وحدة عن يمينو و التانية عن شمالو البشير عاين ليهن كدااااااااااااااااااااااااااااا و قال ليهن : مالكن في شنو .....؟ أجي كيفن في شنو .. دي واحدة سألتو ... قال ليها آي في شنو جيتن جاريات الإتنين زي الساكات ليكن راس حربة منفرد بالمرمى ....؟؟؟ بوكي مون إتصل عليك هنا....؟؟؟ بوكي مون معاو رقم موبايلي و إتصل علي فيهو الصباح آي قال إتصل عليك و موبايلك كان مقفول .... ما مقفول و لا حاجة إلا تكون الشبكة .... مالو عايز شنو ....؟؟؟ و الله قال إنت حلفت طلاق قلت ليهو ناس أمبده ديل ما بتخسر فيهم رصاصة صحي الكلام دا ....؟؟؟؟ آي صحي .... طيب حلفت بي منو فينا ... إنت عندك مرتين.... ضحك ها ها ها ها ها ...... طيب المشكلة وين .....؟؟؟؟؟ للقصة بقية .... تابعونا ....

---

Post: #59 Title: Re: ***** الكـواكـب إحـتـفـلـو بالـقـمـر (بوست � Author: جلالدونا Date: 10-09-2015, 04:04 PM Parent: #58 Quote: جن نسوانو جاريات وحدة عن يمينو و التانية عن شمالو طيب ما دى ذاتا الكواكب ال احتفلو بالقمر

---

Post: #60 Title: Re: ***** الكـواكـب إحـتـفـلـو بالـقـمـر (بوست � Author: ABUHUSSEIN Date: 10-09-2015, 04:45 PM Parent: #59 Quote: طيب ما دى ذاتا الكواكب ال احتفلو بالقمر قلت ليك عايز تحطمني .... قوم لف ياخ ياخ جاتني ملكة الإبداع و عندي الرغبة أنجر لي قصة كاربة ... عايز تطلعني من المود دا .....؟؟؟؟ قوم لف تاني و تالت و رابع ......... *************************************** أها نرجع لي قصة الإنقلاب كيفن المشكلة وين ...؟؟؟ نحن إتنين في ذمتك دي .... إنت حالف بي منو فينا ...؟؟؟؟ عاينن لي جاي ... أنا جايي تعبان و عايز أرتاح و كلامكن دا ما منو فايدة ... أنا عمري دا كلو بحلف ياتو يوم أوفيت بي حليفتي بعدين الطلاق دا زاتو ما حليفة. أجي .... طيب بوكي مون دا حا يقول شنو ....؟؟؟؟ دا عوير هو عارف حاجة ....؟؟؟؟؟ و عشان أرتاح منكن البتفتح معاي الموضوع دا تاني أنا حلفت بي طلاقها هي ......(زول لئيم خلاص) أها قام البشير مشى نام ..... صحى من النوم إتصل على وزير الدفاع و سألو : أها يا فردة عملتو شنو مع المواهيم ديل ..؟؟؟؟ وزير الدفا : ها ها ها ها ها ها ها البشير : إنت عوير و ل شنو ....؟؟؟ البضحك شنو ....؟؟؟؟؟ الوزير : و الله لو عرفت الحاصل تضحك باقي عمرك كلو .... البشير : الحصل شنو ياخ ... بوظت أعصابي ... الوزير : ناس سلاح المسدسات .. ها ها ها ها ها ها البشير : يا زول إنت ما نصيح و ل شنو ...؟؟؟ الوزير : يا ريس الجماعة ديل إتضح إنو ما عندهم و لا رصاصة واحدة في مسدساتهم دي ..... ها ها ها ها البشير : ها ها ها ها ها ها ها ها ها ها ها ها ها ها البشير : و عملتو معاهم شنو ...؟؟؟ الوزير : رسلنا ليهم رسالة بالواتس قلنا ليهم أجمعوا في قيادة السلاح و بلاش لعب العيال دا .... البشير : و جمعوا ...؟؟؟؟ الوزير : جمعوا و طرحوا و قسموا كمان ... ضحك الوزير و ضحك البشير و ضحك السودان كلو **************** الـــنــــــهـــــــــايــــــــة ******************