Post: #2
Title: التحكيم الأفريقي مخجل
Author: بشرى محمد حامد الفكي
Date: 09-29-2015, 02:20 AM
Parent: #1
هذا ما أعتقده أيضاً ولكن لنصمت الى حين
|
Post: #3
Title: Re: التحكيم الأفريقي مخجل
Author: عبد العزيز محمد عمر
Date: 09-29-2015, 07:08 AM
Parent: #2
الكورة ما مضمونة . وتعطي لمن يمنحها.. لكن بتصريحات كردنة الأمس في الإذاعة الرياضية الصرح عبرها أنه ( الإتحاد فريق متهالك )..
ما أظن أنه دي تصريحات مسئولة لرئيس نادي مقبل على مباراة مصيرية ..
رسائل سلبية جدا تصل لللاعبين، وتخرجهم من من أجواء التركيز على خطط المدرب ، لأنه بالطريقة دي ح يلعبوا
على خطة كردنة العامة وهي أن الإتحاد ضعيف ....
|
Post: #4
Title: Re: التحكيم الأفريقي مخجل
Author: علي عبدالوهاب عثمان
Date: 09-29-2015, 07:57 AM
التحية يا حبوب
وحبيبنا عبدالعزيز ..
نتنمى النصر للهلال .. وليس مستحيل ..
أحواني المصريين في المكتب بعد مباراة الزمالك 5/صفر في صمت عميق ..
الرياضة حاجة حلوة تألف بين القلوب ( عكننة وهظار وقضاء وقت ممتمع ) بس الواحد يكون متسامح
أتمنى أن ينصر الهلال .. ويجتاز المريخ مازيمبي ..
وتكون النهاية سودانية ..
عندها سوف أكون أنا والكفيل على مستوى واحد في المكتب ..
تحياتي عبدالعزيز ..
ومودتي .. اخي حبوب
|
Post: #5
Title: Re: التحكيم الأفريقي مخجل
Author: Deng
Date: 09-29-2015, 08:15 AM
Parent: #4
مشكلة الهلال وجمهوره هي أنهم أهتموا أكثر بمبارة المريخ ، وليس بمباراتهم الهامة.
والإشارات السالبة بأن مجموعة المريخ "ضعيفة" برضو كان له اثر سلبي في نفسيات لاعبي الهلال.
مهمة الهلال ليس بمستحيلة، ولكن عليهم السفر اليوم للجزائر قبل غدا.
|
Post: #6
Title: Re: التحكيم الأفريقي مخجل
Author: سفيان بشير نابرى
Date: 09-29-2015, 05:37 PM
Parent: #5
سلام يا بلدي حبوب و لضيوفك السلام
بتفق مع كلام اخي دينق في كل شي الا حاجة وحدة وهي ان مبارة الهلال في الجزائر مستحيلة ملو كلو
لان فريق الاتحاد الجزائري هو الفريق الوحيد في هذه البطولة فريق منظم ويلعب الكرة الشاملة الممرحلة
وفوق ذلك يمتلك اسرع مهاجمين و اسرع اطراف في البطولة .
الكلام دا قلناهو من اول اسبوعين في الدورة دي قالو نحنا ما بنعرف كورة ونسكت ساي وهسي تاني اسمعوها
الاتحاد و المريخ سيلعبان في النهائي .
خلي صبري طه يجي يطلعني من البلد هههههههههه
|
Post: #7
Title: Re: التحكيم الأفريقي مخجل
Author: عبدالعظيم عثمان
Date: 09-29-2015, 09:10 PM
Parent: #6
يا سفيان الله يحل المريخ من خمسة مازمبي في لوممباشي بعدين يفكر في النهائي
(وإذا النهائي إتلعب بين الهلال مازمبي). اها بطير ولا بتجري
|
Post: #8
Title: Re: التحكيم الأفريقي مخجل
Author: جمال ود القوز
Date: 09-29-2015, 09:31 PM
Parent: #7
ما أضيق العيش لولا فسحة الأمل ...
يتخايل لي ده كلام بعيد شديد ..
داير تفوز كم يعني ؟ ..
اتنين ! .. ووين؟ .. في الجزائر !! ..
غايتو دي كان بقت ..
يكون ده رابع الغول والعنقاء والخل الوفي ..
ترانا راجين ..
والله بدي الجنة ..
يا اب جلابية وتوب ..
عيدك مباركـ ....
|
Post: #9
Title: Re: التحكيم الأفريقي مخجل
Author: طلحة عبدالله
Date: 09-30-2015, 09:30 AM
Parent: #8
ههههههههههههه
مبالغات تمخول عديل ..
بداية من عنوان البوست ومرورا بالمداخلات
الشاعرية جدا .
يا نابري العزيز .. أقنع من خيرا فيها وما تسقي
آمالك بدماء الواقع الملوثة عسي أن تتسمم هههههههه
البطولة الأفريقية عصية على أحلامنا
لا مريخ ولا هلال بقادرين على أن يلحقوا أثرها
وتعال قابلني .
|
Post: #10
Title: Re: التحكيم الأفريقي مخجل
Author: اباذر عبد العال
Date: 09-30-2015, 10:12 AM
Parent: #9
المهمه صعبه على الهلال خاصة في المرحله دي..
نفتقد للمهاجم السريع...وعدم بناء الهجمات المرتده ....وعدم الاستفاده من المخالفات امام المرمي .......دي كلها علل كبيره.....
بس كورة القدم ليس لها حال... الاتحاد دفاعو يسهل تجاوزه ...وفعلا زي ما قال سفيان له اطارف خطيره مهاجمه وصانعه فرص قويه.... وهجوم سريع
المريخ اكتر فريق منظم من كل الجبهات .... وله مهاجم خطير قناص وقلبو حار كاتال عديل.. ممكن يتاهل......ولكن مازمبي فريق ذو خبره ومكابس
|
Post: #11
Title: Re: التحكيم الأفريقي مخجل
Author: بلدى يا حبوب
Date: 09-30-2015, 03:18 PM
Parent: #10
الاخ بشرى
كما قلت الوضع يتطلب الصمت والتفكير العميق
فالكرة لا تعرف المستحيل وفرق الهلال لم بتسم له الحظ فى العديد من الفرص وحتى ضربة الجزاء هى الاخرة لعب فيها الحظ وما نفذها لاعب برازيلى مشهود له بالضربات الثابته
ولكن لندع ونقول انما للصمت كلام
تحياتى
|
Post: #12
Title: Re: التحكيم الأفريقي مخجل
Author: بلدى يا حبوب
Date: 09-30-2015, 03:25 PM
Parent: #11
الاخ عبد العزيز
Quote: في الإذاعة الرياضية الصرح عبرها أنه ( الإتحاد فريق متهالك )..
ما أظن أنه دي تصريحات مسئولة لرئيس نادي مقبل على مباراة مصيرية . |
مشكلة الكرة السوداني احد روافدها ما تسمى بالاذاعة الرياضية التى تعطى المساحه لا لطرح السلبيات وما ظهر منها ولكن تفسح المجال لكل مدرب او ادارى للتملص من الهزيمة ويكون كلامه وابلا كما ذكرت
كنت اتمنى من مقدم البرنامج ان يسال السيد رئيس الهلال لماذا لا يوجد فى فريق الهلال من يعتمد عليه فى احراز الاهداف من ضربات الجزاء
تحياتى
|
Post: #13
Title: Re: التحكيم الأفريقي مخجل
Author: بلدى يا حبوب
Date: 09-30-2015, 03:30 PM
Parent: #12
الاخ على
كل التحايا والمودة
ليس هنالك مستحيل طالما التزم الفريقان بالجديه فى لومباشى والجزائر
وادعوا مثلك ان يوفق الفريقان فى العبور
تحياتى
|
Post: #14
Title: Re: التحكيم الأفريقي مخجل
Author: بلدى يا حبوب
Date: 09-30-2015, 03:37 PM
Parent: #13
الاخ دبنق
نعم احد عوامل هزيمة الهلال هى ما ذكرته ولكن ان راجع الفريق ادارة ولاعبون وطاقم تدريب واستفادوا من كل ما شاهدوه فى الميدان وما كتب فى الديد من الصحف ومواقع التواصل الاجتماعى وغيرها وحتى كلام الجمهور امام المكتبات فى سوق امدرمان صدقنى سيعود الهلال
مشكلتنا هى اعتمام الاعلام الرياضى بالتدليل للادارات والتحفيز للاعبيين بينما الجمهور الرياضى هو قم واحد فى تقدم الكرة السودانية وامل ان يكون فى كل ادارات فرق الممتاز مناديب مهمتها الاطلاع على ما يكتب ويسمع ومن ثم الاستفاده منه فى معالجة السلبيات
تحياتى
|
Post: #15
Title: Re: التحكيم الأفريقي مخجل
Author: بلدى يا حبوب
Date: 09-30-2015, 03:42 PM
Parent: #13
الاخ سفيان
كثير السلام
بس لو بقت الهلال والمريخ علشان ما تطلع من البلد
والكرة نعم لا تعرف الا من يتعامل معها بالجديه اتمنى ن يرتقى الفريقان و خاصة الهلال للمباراة
تحياتى
|
Post: #16
Title: Re: التحكيم الأفريقي مخجل
Author: عبدالعزيز الفاضلابى
Date: 09-30-2015, 06:06 PM
Parent: #15
يابلدى ياحبوب الهلال لو عاد من بوابة عبدالقيوم
ماقصّر خليهو يعود من بوابة الجزائر
|
Post: #17
Title: Re: التحكيم الأفريقي مخجل
Author: طارق حرسي
Date: 09-30-2015, 07:49 PM
Parent: #16
احلق شنب ود الباهي
|
|