أدب المقاطعة

12:12 PM Sep, 27 2015
سودانيز اون لاين
بدرالدين بابكر مصطفى-مكة المكرمة
مكتبتى فى سودانيزاونلاين



زي أدب المدائح
أدبوهم بالمقاطعة .. أي زول تحسوا إنو بيستغل ظروف معينة ليضاعف عائداته .. أدبوهو بالمقاطعة

قاطعوا السموم الخضراء
الخضروات المشبعة بالسموم جراء الاستخدام المفرط للأسمدة والمبيدات الكيماوية

قاطعوا اللحوم الحمراء
من غير المعقول أن يصل كيلو اللحم الى 70 جنيه .. قرابة الثلاثين ريال
وتصدر خرافنا الى السعودية وتستطيع أن تشتريها بـ 35 ريال وربما 30 ريال في أسواق السعودية

قاطعوا شركات الاتصالات مثلما فعلتم من قبل، حتى تحسن خدمتها

المقاطعة هي سلاحك الوحيد، عندما يتخلى عنك الكل ..

أحرن وأقفل بابك.. لا تعطيهم مالك بسهولة، إلا إذا أحسست إن المبلغ الذي تدفعه يناسب البضاعة أو الخدمة المقدمة لك
لا يستقيم أن تدفع رسوم الإنترنت وتبقى يومك كلو تستجدي فيها عشان تشبك معاك
ولا يستقيم أن تشتري بقروشك بصل أو طماطم لا طعم لها ولا رائحة، بل على العكس قد تجد فيها طعماً غريباً
إنك بذلك تزيد رصيد السموم في جسمك وتزيد رصيد التاجر القاتل من الكاش
أزرع احتياجاتك في منزلك، أزرعها نظيفة وطبيعية، أشرك أسرتك في المشروع
مترين في تلاتة متر قد تكفي حاجتك من الخضروات في كل موسم
يجي موسم البصل، أزرع بصل، يجي موسم الطماطم أزرع طماطم وكذلك الملوخية والبامية والبطيخ
ما يجي موسمهن .. ما تقرب منهن نهائي، فقد أجبروهن على النمو باستخدام المبيدات والأسمدة

فـ
قاطعوا ..
قاطعوا ..
حتى يتأدب أولئك القتلة والنصابين

وقاموا زودوا المحلبية يا بدر
لمو الخرفان كلها وصدروها قلنا معليش اصلو الما اشتروا ما مستطعين وما واجبه عليهم واهو عفوهم من الحرج
بس كمان ما لدرجة فضي المستشفيات من جميع المرضي السودانيين
نصهم ربعهم 10 % منهم
اتعدلوا والا بجو البقلبوكم
قلبكم بلا


كل سنة وانت طيب استاذ بدر الدين

Quote: بس كمان ما لدرجة فضي المستشفيات من جميع المرضي السودانيين

سلامات إخلاص
كل سنة وإنتي طيبة
دي كيف ؟؟؟
يعني ناس مرضانين يخرجوهم غصب عنهم ؟؟؟

غايتو أنا شخصياً بقيت ما بستغرب من أي حاجة.. الناس ديل أي نظرية في رأسهم طبقوها فينا

لابد من ا لمقاطعة
المقاطعة ... يا ناس علينا جاي