شيخ الامين يلتقي الدكتورة نجوي قدح الدم.. واسرار ابعاد سفير السودان من يوغندا

07:25 PM Sep, 22 2015
سودانيز اون لاين
ghariba-القاهرة - جمهورية مصر العربية
مكتبتى فى سودانيزاونلاين




شيخ الامين يلتقي الدكتورة نجوي قدح الدم.. واسرار ابعاد سفير السودان من يوغندا
لقاهرة – شبكة وادي النيل الاعلامية( AWA)

الدكتورة نجوي قدح الدم علي رأس وفد المجلس الأعلي للجاليات السودانية الزائر لمسيد الشيخ الأمين عمر الأمين بأمدرمان للتفاكر وضم الجهود في إنجاح دور الدبلوماسية الشعبية في خدمة الوطن.

نجوى عباس قدح الدم .. خريجة هندسة ميكانيكية جامعة الخرطوم .. اشتغلت فى وكالة ناسا الفضائية ..ثم معهد ابحاث الفضاء فى اسبانيا .. ونالت شهادة الدكتوراة فى ألمانيا وتزوجت أستاذها الألمانى المشرف على بحثها .. و عملت فى منظمة الامم المتحدة لحماية البيئة بمقر المنظمة فى يوغندا .. و بسببها أعفى كرتى السفير السودانى لدى كمبالا عادل شرفى والذى لجأ لبريطانيا بسبب هذا الموضوع ووعد كرتي الدكتورة نجوي بتعيينها سفيرة هناك .. و كان هذا مستغرباً كونه تعيين أجنبية كسفيرة للسودان (تحمل الجنسية النمساوية .. و تعرف بإسم شندلر قدح الدم) و استطاعت الدكتورة نجوي اقناع كرتى بان لها علاقة جيدة بموسيفينى و انها ستقنعه بطرد المعارضين من يوغندا و بالفعل قامت بزيارة كمبالا ٣ مرات بتمويل من حكومة السودان ….وكانت العنصر الأساسي في نجاح زيارة موسيفيني للسودان الذي لم يكتفي بزيارة السودان فحسب…بل زار منزل أسرة الدكتورة بأمدرمان. وكان للدكتورة نجوي الفضل في إنجاح المحادثات مع موسفيني وإقناعه بطرد حركات المعارضة المسلحة من يوغندا محققة نجاح جديد للدبلوماسية الشعبية.
==========================
# شاركنا ليصلك كل جديد من شبكة وادي النيل الاعلامية ... ماعليك سوى أن ترسل اسمك أو كنيتك على هذا الرقم
201124023359+
مع تحياتنا في شبكة وادي النيل الاعلامية على الموقع : http://http://www.awa-sd.netwww.awa-sd.net
بريد الاكتروني : mailto:[email protected]@gmail.com
وصفحة الفيس بوك :
https://http://http://www.facebook.com/awasudanwww.facebook.com/awasudan

انها تقوم بدور خطير ضد المعارضة السودانية فى الخارج . لقاؤها بالدجال المدعو شيخ الامين سيأكل من رصيدها الذى بنته بالانتهازية. يجب على المعارضة ان تفضح دورها الخبيث ضد المعارضة السودانية

لو ظهرت في صـدر الإسلام لغير الرسول اسمها لنجوى قدح اللبن.

يا ربي مشت ليهو عشان يحننها؟

خفة الدم العليك شنو .. ولا لازم تحشر نفسك فى اي موضوع .. احترم نفسك و خليك فى حالك

محمد ياسين خليفه...

ان شاء الله كلامك ده تبقي قدره ... و ما تبقي في معرس ثلاثه و عندي ١٦ ولد

ليس المومن بطعان ولا لعان ولا فاحش ولا بذى

غايتو يا باشمهندس بكرى انا بلومك لوم شديد خلاص .. فتحت المنبر و سودانيز اون لاين لكميات من الكرور .. الله يسامحك ...

يا قلبها انت .. شنو شابكنا دجال دجال .. ورينى بس حالة واحدة ليك انت شخصياً يكون شيخ الامين مارس فيها دجل عليك ولا على اي زول بتعرفو .. ولا بس لافح ليك كلام و حايم به زى نسوان الحلة الماعندهن شغلة .. عالم وسخ صحيح

كيرا بيرا منديرا

اعداء النجاح مشكله كبيره
غايتو شيخ الامين جاياهو حسنات مجانية

يا كمال عبدو يا متخلف انت فرقك شنو من شيخ الامين بتاعك الببوسو ايدو وكراعينو المغبرات... دة ياتو دين دة البسجدو فيهو لانسان فارغ زى دة؟؟؟؟ .. بطل نبذ واقعد بادب فى دبى بتاعتك دى وما تشتم فى الناس... لما قلت انو هذا الشخص دجال كنت اعنى ما اقول... اقرا شوية عن الصوفية ومن اين جاءت كلمة الصوفية وقارنها مع لبس زولك دة والعربات والهيلمانة... لقد ضاع السودان فى عهد الانقاذ والعقول الفارغة...

منان... اتقي الله

... دي ايام مباركه .. إساءتك لي ابونا الشيخ تدل علي حقدك و حسدك .. يا عدو النجاح ..

المدعيين انهم معارضة ديل .. ورونى عملتوا شنو تساعدوا به المعارضة و السودانيين غير الفلسفة و الفلهمة و طقطقة الكيبورد يا وهم .. انتوا مافى غيركم البطول فى عمر الانقاذ و يأذى المعارضة .. الله يأذاكم ...

اخونا الباشمهندس محمد الجميل .. ما تضييع وقتك مع الناس دى بالكلام الهادىء و النصيحة .. دى ناس ما فالحة فى شىء غير النبذ و الشتيمة و الإساءات .. عالم حاسدة و قلوبها مليانة حقد .. الله يرحم ايام زمان لما سودانيز اون لاين كانت بتوصية من عضوين قبل الدخول فيها ...

ده شنو كمان ده؟

دي جديدة دي والله؟

يا ناس الدراويش قام ليهم صوف في جُعباتهم ولا شنو؟

هوي يا زول منك له... أنا جني وجن قلة الأدب وسخافة الأسافير وفلهمة الفهامات!
واحد قال المعارضة مأذية، والدخول هنا بواسطة... والتاني بهدد بجرة كيبورد معوووج!

يا شيخ اللمين بالله عليك أنجدنا من حوارك الجوز ديل... ومن قلة أدبهم ونقصان حيلتهم
والظاهر ما بعرفوا الزول الأسمو محمد يسين ده دافع عنك متين وفي شنو.. وقدام منو؟

كنتو وين لامن شيوخ السلفية زوروا الصور.. وإدعوا إنو شيخكم بيحنن في النسوان؟
كنتو وين لامن دافعنا عن عقيدة شيخ اللمين وعن مريدينو، رجال ونساء، والإنتو مجازاً منهم؟

وكدي بالمرة النسعلكم.. بتعرفوا بت قدح الدم النجوى دي منو؟ ولا بتعرفوا أهلها منو؟
وهل هي جات مارة بكمبالا في طريقها من فينا للخرطوم عشان آخرتها يحننها راجل؟

كلامي يا عديمي الفهم دفاع عن شيخكم قبل ما يكون إساءة في نظركم لبت قدح الدم.
كلامي يا عُمي البصر والبصيرة هو نفي وإستخفاف بسيد البوست ده الغرضو نييي.

غايتو الفهم (فعلاً) قِسّم... والفهم الغلط علاجو الجردقة والحرجل وعصير الزعفران...
وحسع فهمكم المشاتر ده خلى أخونا محمد عادل يقطع حجو.. ويتاوق فينا وفيكم...
يحججكم سيدي الخاتم معاهو... بجاه النبي ومشيئة رب العباد والعبيد!

باقيلكُم شيخ الجكسي والجلاكسي ده منتظر منكم خيراً فيها
ولا هو كمان عاجز عن رد كيد الكايدين أو عن لعن المتطاولين؟


الله يهديكم ويهَدِي سركم وينور طريقكم ببركات شيخ اللمين... وعيدكم مبارك!








--------------------------------------------

يمين الله رغم زعلي من نجوى ومن شيخ اللمين.. إلا حاشاهم. وحاشاني من التطاول
هم إختاروا دعم الجنجويد وأسيادهم... وإشتغلوا ليهم مراسيل لتخفيف زردتنا عليهم
لكن ده في النهاية خيارهم وحقهم... وحقنا نواصل في الخناق لغاية ما يتم المراد!