الرجاء المساهمة باقتراح اسماء 10 كتب لابنائي 16 و 14 تكون منيرا لهم كسودانيين

11:11 AM Sep, 21 2015
سودانيز اون لاين
أحمد ابن عوف-الدمام
مكتبتى فى سودانيزاونلاين



تحياتي للجميع

الرجاء المساهمة باقتراح اسماء 10 كتب تكون هاديه لهم كسودانيين مقبلين على الجامعة باذن الله قريبا
نعيش بالسعودية وقصة الثقافة دي جافة شوية، اها، كنا نسال الاهل هنا

لا شروط، تاريخية، دينية، سياسية، ثقافية، ادب، شعر ...... الخ

تحياتي

المشكلة هنا في الخليج المكتبة السودانية تعبانة شديد، مكتبة واحدة في السفارة بالرياض واتلكتب الفيها
قد تكون ليست ذات جدوى ثقافية ، برضو بشتري منها كلما مشيت السفارة، اهو، شيء خير من لا شيء

تقوم مثلا تجيب اخر ما ورد للمكتبة السودانية ، مثلا، جدلية المركز والهامش
ياخي احنا مع الزيطة الحاصلة ممكن نضيع في الجدلية دي، خليك من زول
انت داير اساسا تشرح ليهو القصة من قولة تيت، المركز دا جاء من وين ومشكلته هو
او مشكلة الهامش معاهو شنو.

لكن هذا الابن لازم يفهم، لانه يسمع ويرى 5 مليون نازح في دارفور، وطيران يقصف في جبال النوبة
مناظر بالنسبة ليهو بشوفها في افلام MBC2 زمن الحرب العالمية التانية

ابو بشرى .. سلام ..

ارجع للكتب القديمه في الادب الانجليزي الكنا بنقراها زمان في المرحلة المتوسطه والثانوية
امثال مسرحية هملت لشكسبير ... HAMLET
- مرتفعات وزرينق Wuthering Heights
- جين اير Jane Eyre
- حول العالم فى ثمانين يوما Around the World in 80 Days
- أولفر توسـت Oliver Twist
- الحرب والسـلام War and Peace

كما من الضروري معرفة جغرافيا وتاريخ السودان الحديث ..

متمنيا لهم دوام التوفيق ...

تحياتي ,,

ازيك يا مجيدو وكل عام وانت بخير

تسلم على المرور

الاولاد ما عندهم مشكلة في الانجليزي وخاصة الادب، قاعدين يقروهو في المدرسة

انا بسال من كتب توريهم السودان دا هو شنو زاتو, وما شاء الله عليك، حافظ اسماء الكتب
من المتوسطة يا عمك هههههه

تصدق قبل يومين في مكتبة جرير، قلت ليهم كتاب war and peace دا كتاب جميل مفروض تقروهو

اها، نجي لتاريخ السودان، ياخي اي زول بقول ليك الكتب دي كلها تزوير في تزوير للتاريخ، بالذات في المنب دا اها، دايرين لينا
كتاب تاريخ يتمتع باعلى مصداقية عند المثقفين؟

أحمد ابن عوف ،
،،،،،،
...

سلام ،
ما دام الأولاد مقبلين علي الجامعات ،
أحسن حاجة التركيز علي اللغة الإنجليزية ،
صدقني الإنجليزي هو لغة المعامل ،
ولغة الكليات العلمية بالأخص ،
تحياتي ،
،،،،

...






عزالدين عباس الفحل
ابوظبي
...

شكرا يا عز الدين على النصيحة
هم اساسا بدرسوا IG وما عندهم مشكلة مع اللغة

احنا في الثقافة العامة يا حبيب، الثقافة كسوداني يكون فاهم هويتة بشكل سليم

ويكون عارف واقعنا بجميلة وقبيحة

أحمد ابن عوف ،
،،،،،،
...

سلام ،
الثقافة العامة و الهوية السودانية ،
دا كلوا بيجي بالإحتكاك ،
و التغلغل في المجتمع السوداني ،
بقرب الأهل والأصدقاء ،
ما دام الإنجليزي مظبط ،
الباقي ساهل يا حبوب ،
تحياتي ،
،،،،

...






عزالدين عباس الفحل
ابوظبي
...

قاموس اللهجة العامية في السودان عبارة عن مطمورة كبيرة تحوي معلومات تاريخية و جغرافية و ثقافية عن السودان
يقرا كانه كتاب عادي و ليس قاموس
ثانيا: كتاب الاحاجي السودانية لعبد الله الطيب
ثالثا لو مشيت السودان امسي لفراشة الكتب و اطلب منهم يوفروا ليك كتب مدرسية منهجية في المطالعة و التاريخ و الجغرافيا و الادب
مناهج جديدة و قدييييييمة بالذات القديمة بتكون عندهم و بتديهم باكقراوند كويسةانا ذاتي الكبير دا بستفيد منها
رابعا لو لميت في مجموعة اعداد قديمة من مجلدات مجلة الصبيان و هي مناسبة لاعمارهم و فيها ذخائر معلومات عن السودان
خامسا بالجنبة خلي جنبهم كتاب اعلام الفكر السوداني لمحجوب باشري
سادسا هناك كتاب قديم عن تاريخ السودان لضرار صالح ضرار مناسب جدا للصغار

تحياتى اخ احمد بن عوف

- تاريخ السودان الحديث - ضرار صالح ضرار
Great Expectations - المستقبل الباهر - تشارلز دكنز ( ادب انجليزى )
- حول العالم فى 200 يوم - انيس منصور ( ادب الرحلات )

- الاهتمام باللغة الانجليزية والحاسوب مهم جدا لهم .

سلام يا ابو حميد، و الله يخلّي الولاد على قول فيروز.
أقترح لك مبدئيا
تاريخ السودان الحديث لمحمد سعيد القدال.
ادب الطيب صالح (موسم الهجرة للشمال، عرس الزين، مريود ... الخ)

انا بقترح يقرأوا كتب التاريخ الحديثة حتى يعرفوا مجريات الاحداث الحالة الآن في السودان
مثلا ممكن يقرأوا الكتب التي الفها منصور خالد وكذلك كتاب " المنطلقات الاساسية لبرنامج الحركة الوطنية "
وفيها معلومات كثيرة عن النظام السياسي السوداني وقضايا العدالة الاجتماعية..
ولكن عليهم ايضا الا يهملوا تاريخ السودان قبل الاستقلال وكيفية نيل السودان الاستقلال ورموز الحركة الوطنية
وعندي عناوين لمجموعة كتب ساوردها لك ..
والله يديك الصحة والعافية
ونتمنى النجاح والتوفيق للالولاد

الأحاجي السودانية للدكتور عبد الله الطيب
عرس الزين للطيب صالح
وديوان عاطف خيري الإسمه شنو!!!!!

اقترح كتاب عشرة سنوات فى جنوب السودان للكاتب عبدالله السريع ....وسودان عبر القرون لمكى شبيكة..... وموسم الهجرة للشمال ...وطائر الشوم لفرانسس دينج.... نقض العهود والمواثيق لابيلا لير....والديقراطية فى الميذان ....ومشيناها خطى....وشعر التجانى يوسف بشير...ومحمد سعد دياب....وجدلية المركز والهامش....وتاريخ المهدية....والناقد معاوية النور....و الرحاله السودانى ما بتذكر اسم الكتاب....وكتاب عن اسرة بايكر البدرى....وعلى المك...ومنصور خالد....واللؤا الابيض...
اما عن الكتب العالمية انصح ب كتاب نهاية التاريخ لفرانسيس فوكو ياما....وقوة العقل الباطنى للكاتب جوزف مورفى. البقية فى المرة القادمة.

مكتبة السفارة فيها ما يعينك

يجب الا نسرح بعيدا
الكتب المطلوبة هي لصبيان دون السادسة عشرة بالكاد يعرفون ان السودان يقع في قارة افريقيا
و درسوا وفق مناهج اجنبية
بعض الكتب المقترحة صعبة جدا حتى لخريجي الجامعات العايشين في السودان
و تحتاج لخلفيات مكثفة من المعلومات السياسية والتاريخية مثل كتاب مشيناها خطى (و هو منشور دعائي ضد الشيوعية كتبه احمد سليمان المحامي)
و كتب منصور خالد و روايات الطيب صالح
و شعر عاطف خيري المعقد جدا بالنسبة للصغار

السلام عليكم
ياخي والله اثلجتم صدري ومشكور كل من مر من هنا خدمة لابنائي وابناء كل من مر بالبوست
ونتمنى ان يكون للمنفعة العامة للجميع في هذا المنبر العام

العزيز عوض محمد احمد

Quote: قاموس اللهجة العامية في السودان ثانيا: كتاب الاحاجي السودانية لعبد الله الطيب ثالثا لو مشيت السودان امسي لفراشة الكتب و اطلب منهم يوفروا ليك كتب مدرسية منهجية في المطالعة و التاريخ و الجغرافيا و الادب مجموعة اعداد قديمة من مجلدات مجلة الصبيان خامسا بالجنبة خلي جنبهم كتاب اعلام الفكر السوداني لمحجوب باشري سادسا هناك كتاب قديم عن تاريخ السودان لضرار صالح ضرار مناسب جدا للصغار

كناب الاحاجي فعلا جميل، لتاريخ السودان في مكتبتي عندي السودان عبر العضور لمكي شبيكة و نعوم شقير
طلعا لو جاء بشاشا بي جاي ح يقول لي اجدع نعيم شثير دا من الشباك ههههههه

وساسعى لكتاب محجوب باشري لي انا شخصيا

تشكر يا حبيب

العزيز علاء
تحياتي

Quote: - تاريخ السودان الحديث - ضرار صالح ضرار Great Expectations - المستقبل الباهر - تشارلز دكنز ( ادب انجليزى ) - حول العالم فى 200 يوم - انيس منصور ( ادب الرحلات ) - الاهتمام باللغة الانجليزية والحاسوب مهم جدا لهم .

كتاب انيس منصور فعلا جميل ومن امتع الكتب اللطيفة، في مكتبة جرير لقيت ليهو كتاب اخر عن الرحلات
لكن ليس 200 يوم حول العالم.
بالنسبة لي تاريخ السودان عندي في المكتبة كتاب تاريخ شرق السودان لمحمد صالح ضرار، بس ضخم جدا

بالمناسبة في كتب جميلة في متحف السودان اخدها في اجازتي هذا الصيف وفيهو كتاب فكرنه جميلة حيث
تضغي الصور وقليل من الشرح، فغلا الاولاد لقيهو ممتع

دي فكرة الكتاب

العزيز ابوبكر صالح
تحياتي

Quote: سلام يا ابو حميد، و الله يخلّي الولاد على قول فيروز.

تسلم يا حبيب اللهم امين

Quote: ادب الطيب صالح (موسم الهجرة للشمال، عرس الزين، مريود ... الخ)

رحم الله الوالد، مع اخواني الاكبر، في عمر كدخ لمن الواحد يصله، يعني بين ال 17 وال 19 سنة بجي شابل كتاب موسم الهحرة للشمال ويقول للواحد
اقراهو. لحسن الحظ اصبح متوفرا في النت وقدرت انزل سوفت كوبي لكتب الطيب صالح

الاخ احمد شوف ديل ...

-وقفات في تاريخ السودان
المؤلف: د.صلاح محيي الدين

http://www.megaupload.com/؟d=D77P6OU0http://www.megaupload.com/؟d=D77P6OU0
او

http://www.uparab.com/files/2WB-DWooKakhrVAb.pdfhttp://www.uparab.com/files/2WB-DWooKakhrVAb.pdf


-محنة النخبة السودانية
المؤلف: فتحي الضو محمد

http://www.megaupload.com/؟d=S650BQJ4http://www.megaupload.com/؟d=S650BQJ4

او

http://www.uparab.com/files/U-vQi6Jt0DjxtJsd.pdfhttp://www.uparab.com/files/U-vQi6Jt0DjxtJsd.pdf


-الصحافة السودانية في نصف قرن
المؤلف محجوب محمد صالح

http://www.megaupload.com/؟d=DCQ5696Ehttp://www.megaupload.com/؟d=DCQ5696E

او

http://www.uparab.com/files/cthmo708ln4QbHkQ.pdfhttp://www.uparab.com/files/cthmo708ln4QbHkQ.pdf


-المدخل الى تاريخ السودان القديم
المؤلف: د.محمد ابراهيم بكر

http://www.megaupload.com/؟d=PX1QGXRKhttp://www.megaupload.com/؟d=PX1QGXRK

او

http://www.uparab.com/files/J43b3BNTBeaBuGDd.pdfhttp://www.uparab.com/files/J43b3BNTBeaBuGDd.pdf


-اضواء على النظام القبلي والإدارة في السودان
المؤلف: السني بانقا

http://www.megaupload.com/؟d=HP3BJVYZhttp://www.megaupload.com/؟d=HP3BJVYZ

او

http://www.uparab.com/files/iWHPVoGah-kNG1t1.pdfhttp://www.uparab.com/files/iWHPVoGah-kNG1t1.pdf


-السياسة والحكم :النظم السلطانية بين الأصول وسنن الواقع
المؤلف: الشيخ الدكتور حسن الترابى

http://www.megaupload.com/؟d=GW1NO7XIhttp://www.megaupload.com/؟d=GW1NO7XI

او

http://www.uparab.com/files/AwsXbW1rkS3gNknw.dochttp://www.uparab.com/files/AwsXbW1rkS3gNknw.doc


-حكومة العالم الخفية
المؤلف: منصور عبد الحكيم

http://www.megaupload.com/؟d=K3GQV7QChttp://www.megaupload.com/؟d=K3GQV7QC

او

http://www.uparab.com/files/R0pWQlfjMXFqSh76.pdfhttp://www.uparab.com/files/R0pWQlfjMXFqSh76.pdf


-القاموس النوبي (نوبي {الفديجا المحسية|الكنزية|الدنقلاوية} - عربي - انجليزي)
المؤلف: يوسف سمباج

http://www.megaupload.com/؟d=Z6R6UH5Phttp://www.megaupload.com/؟d=Z6R6UH5P

او

http://www.uparab.com/files/UMlIytvfXeDfA3ml.pdfhttp://www.uparab.com/files/UMlIytvfXeDfA3ml.pdf


-تاريخ السودان
المؤلف: نعوم شقير

http://www.megaupload.com/؟d=A0YQI7EHhttp://www.megaupload.com/؟d=A0YQI7EH

او

http://www.uparab.com/files/M2OHJuBCf7P-Y8I-.pdfhttp://www.uparab.com/files/M2OHJuBCf7P-Y8I-.pdf


-بحوث في تاريخ السودان
المؤلف: د. محمد ابراهيم ابو سليم

http://www.megaupload.com/؟d=TGSHTDIIhttp://www.megaupload.com/؟d=TGSHTDII

او

http://www.uparab.com/files/ImvPX5UKUAuKtVYe.pdfhttp://www.uparab.com/files/ImvPX5UKUAuKtVYe.pdf

ده برضو كتاب جميل ومتوفر في مكتبة جرير عندكم في السعوديه


الرجال من المريخ النساء من الزهره

http://www.megaupload.com/؟d=A6FD9GQEhttp://www.megaupload.com/؟d=A6FD9GQE

او

http://www.uparab.com/files/4Wp3tDeKz8t9txa0.pdfhttp://www.uparab.com/files/4Wp3tDeKz8t9txa0.pdf

العزيزة اميرة السيد
تحياتي ونشكري لخدمة جيل كامل

Quote: انا بقترح يقرأوا كتب التاريخ الحديثة حتى يعرفوا مجريات الاحداث الحالة الآن في السودان مثلا ممكن يقرأوا الكتب التي الفها منصور خالد وكذلك كتاب " المنطلقات الاساسية لبرنامج الحركة الوطنية " وفيها معلومات كثيرة عن النظام السياسي السوداني وقضايا العدالة الاجتماعية..

تمام بالمكتبة كان عندي المأزق التاريخي لمحمد ابو القاسم حاج حمد، لكن العادة السودانية بتاعت زول يشيل منك الكتاب وتقول ليهو وداعا
على ما اعتقد محمد ابو القاسم كان موفق اكتر من منصور خالد في ابراز ملامح السودان الحديث.

Quote: ولكن عليهم ايضا الا يهملوا تاريخ السودان قبل الاستقلال وكيفية نيل السودان الاستقلال ورموز الحركة الوطنية

برضو حلوين، عندي كفاح جيل لاحمد خير المحامي، يمكن ان يفي بالغرض، اذن تم اعنماده

أبنعوف ....

غايتو لو بشرى ولدك قدر يقراء الكتب دي كلها .... ولا يدخل الجامعه زاتووو ....
وبعدين قول ليهو اعمل حاسبك من حاجتين في الجامعه ..
ناس السياسه .. وناس الدين .... ديل بضيعوا زمنو ساااكت ...
بس لو بقى كوز بتخرج بسرعه ..... هههههههههه

تحياتي ,,

العزيز نصر
تحياتي

Quote: الأحاجي السودانية للدكتور عبد الله الطيب عرس الزين للطيب صالح وديوان عاطف خيري الإسمه شنو!!!!!

تم اعنماد الاحاجي السودانية وعرس الزين
وانت بالمناسبة اول زول يجيب سيرة الشعر, بس عاطف خيري دا صعب شوية، بفكر في محي الدين فارس

العزيز ايمن نواي
تحياتي

Quote: اقترح كتاب عشرة سنوات فى جنوب السودان للكاتب عبدالله السريع ....وسودان عبر القرون لمكى شبيكة..... وموسم الهجرة للشمال ...وطائر الشوم لفرانسس دينج.... نقض العهود والمواثيق لابيلا لير....والديقراطية فى الميذان ....ومشيناها خطى....وشعر التجانى يوسف بشير...ومحمد سعد دياب....وجدلية المركز والهامش....وتاريخ المهدية....والناقد معاوية النور....و الرحاله السودانى ما بتذكر اسم الكتاب....وكتاب عن اسرة بايكر البدرى....وعلى المك...ومنصور خالد....واللؤا الابيض... اما عن الكتب العالمية انصح ب كتاب نهاية التاريخ لفرانسيس فوكو ياما....وقوة العقل الباطنى للكاتب جوزف مورفى. البقية فى المرة القادمة.

تسلم يا عزيزي

تصدق انا امكن اول زول يشتري كتاب طائر الشوم لفرانسيس دينق, جيب ماري بالصدفة باحد سوارع الخرطوم غرب ولقيت خيمة وقلت امشي عليها
المهم، في دار نشر كانت عاملة ندوة ومتحدثين، الزول الخاتي الكتب للبيع قال لي حنبيع بعد الندوة اتفضل اجلس، قعدت، اول زول مسك المايكرفون
شن هجوم على الكتاب والكاتب بصورة عنيفة جدا لمن قعدت اتلفت، وانا الوقت داك اظنه في 87 او 88 طالب ثانوي، قلت يا عمك الناس ديل قروا
الكتاب وح يجوطو لي راسي ساي، مشيت حنست زولي القبيل وقلت ليهو ياخي المواصلات بعيدة فوافق يبيع لي الكتاب، كان بعشرين جنية، ودا اول
كتاب اشتريه بقروشي.

وتشكر علي بقية الكتب

الاخ لطفي
تحياتي

Quote: مكتبة السفارة فيها ما يعينك

اصلا يوم ما فتها، كل ما نصلها من الشرقية، بس لو كبروها ونقلوها مكان بره
وزادوا الكتب، ياخي الرياض دي فيها قالوا نص مليون
سوداني، معقول ما يكون فيها مكتبة سودانية؟؟

دا مشروع تجاري بالمناسبة، ممكن يتبناهو اي سوداني في الرياض او جدة
لتثثيف الاجيال المغتربة وممكن بكون بنظام الاعارة لتقليل التكلفة، تعمل اشتراك
سنوي او نصف سنوي لكل الاسرة.

العزيز مصطفي محمد
تحياتي

ياخي مشكور جدا على اقتراحاتك وكمان معاهو الروابط للتنزيل والبركة في التكنلوجيا يلقى الكتاب على بعد نقرة واحدة في التاب بتاعو

هههههههههه

سلام يا مجيدو

قلت لي يطلع كوز, ههههههه/ انت ما لاحظت شيء في البوست دا، مافي كتب دين نهائي، غايتو الدخلت
في السودانيين بسبب الكيزان ديل ما بتمرق بالهين

Quote: غايتو لو بشرى ولدك قدر يقراء الكتب دي كلها .... ولا يدخل الجامعه زاتووو .... وبعدين قول ليهو اعمل حاسبك من حاجتين في الجامعه .. ناس السياسه .. وناس الدين .... ديل بضيعوا زمنو ساااكت ...

غايتو احسن من ناس المخدرات والهلس، الوضع في الجامعات السودانية بقى خطير جدا يا مجيدو
عشان كده قلنا نسلح الاولاد ديل بثقافة جميلة بدل ما يمشي سطوحي ويبقى داعش تاني يوم، اقعد افتش
فيهو في استطانبول. وللا حواري بن غازي

تلخيص سريع كده

اولا امن الجميع على اهمية اللغة الانجليزية.
تاريخ السودان كان له النصيب الاكبر

عدد التجوم تعني مركز متقدم

اولا: التاريخ

1. تاريخ السودان الحديث لمحمد سعيد القدال **
2. تاريخ السودان - ضرار ضالح ضرار**
3. تاريخ وجقرافية السودان - نعوم شقير
4. السودان عبر القرون - مكي شبيكة *
5. وقفات في تاريخ السودان - المؤلف: د.صلاح محيي الدين
6. المدخل الى تاريخ السودان القديم - د.محمد ابراهيم بكر
7. بحوث في تاريخ السودان - د. محمد ابراهيم ابو سليم

ثانيا: القثافة العامة:

1. كتاب الاحاجي السودانية لعبد الله الطيب **
2. قاموس اللهجة العامية في السودان
3. اعلام الفكر السوداني لمحجوب باشري

ثالثا: الادب السوداني

1. الطيب صالح****

رابعا : الادب العالمي

1. رحلة حول العالم في 200 يوم - انبس منصور***
1. War and Peace
3. Great Expectations **

خامسا : الحركة الوطنية:

1. الديموقراطية في الميزان
2. كفاح جيل
3. مشيناها خطى

سادسا : الشعر

1. التجاني يوسف بشير
2. محي الدين فارس
3. محمد سعيد دياب

سابعا : مذكرات شخصية

1. حياتي - بابكر بدري
2. قطار العمر - محمد خير البدوي

كتاب:

1. منصور خالد **
2. معاوية النور


يلا نبني مكتية لابنائنا

محلاظة

السودانيين فرملوا بدري جدا في الانتاج الثقافي والفكري والادبي

فرملة جد

او احتمال في انتاج لكننا فاشلين في تسويقها؟؟

الأخ احمد عوف
تحياتي وشكري على هذا البوست المهم جدا
أثني على جميع الكتب التي اقترحها زوارك الكرام و أضيف عليها الكتب التالية أن وجدت فقد تكون قد نفدت من الأسواق:
 تاريخ الحركة الوطنية - بروفسور محمد عمر بشير
 مذكرات أغبش – عبدالله رجب
 إنهم بشر – خليل عبدالله الحاج
 الأزهري وعصره – بشير محمد سعيد
 مايكروب – بروفسور حامد أحمد درار
 الوزير المتمرد – مرتضى أحمد إبراهيم
 لحظات باقية – إدريس جماع
 مختارات من الأدب السوداني – علي المك
 مختارات من القصة القصيرة السودانية - مختار عجوبة
 جنوب السودان مراحل إنهيار الثقة – دكتور محمود قلندر
 الفريق إبراهيم عبود – الامين عبدالرحمن عيسى
 ذكرياتي في البادية – حسن نجيلة
 ا إعدام شعب – محجوب عمر باشري
 السلمابي الذي غاب – حسب الله الحاج يوسف
 الفراغ العريض – ملكة الدار محمد عبدالله
 الإختيار – زينب بليل
 أغنية النار – بثينة خضر مكي
 أمتي – محمد المكي إبراهيم
 تاريخ الخرطوم – محمد إبراهيم أبوسليم
 سنوات النميري – دكتور محمود قلندر
 كش ملك – زينب بليل
 صهيل النهر – بثينة خضر مكي

كتاب حياتي للشيخ بابكر بدري

أهميته انه يؤرخ للمهدية وما بعدها يؤرخ لبدايات التعليم المدرسي وخاصة تعليم البنات الراحل عمل بعد المهدية مفتش للمدارس التي كانت تسمي الكتاب
تأريخية للمهدية وما بعدها ..
لغته سهلة وقرائته ممتعة .
المؤلف شارك في صنع الاحداث ..

قبل سنوات كتب بوست مشابه ,,
وكانت النتجيه بؤس المكتبة السودانية في مخاطبة هذه الفئة العمرية ,,

في كتابات جميلة للبروف بدرالدين حامد الهاشمى ,,
اسمها السودان بعيون غربية

بفتكر كتب زي دي بتزرع فيهم روح الفخر بالوطن ,
مع محذور واحد فقط (محاولة الوقوع في محاولة البحث عن الوطن في عيون الاخرين)

الله يحفظهم ويرعاهم

تحياتي للجميع وكل عام وانتم بخير
العيد وبهجته ابعدتنا عن المنبر، ولي عودة قريبة ان شاء الله

تحياتي

سلام صاحب البوست

أوصيك ب

المسيد

بيت البكاء

الانداية



للطيب محمد الطيب

وموسوعة القبائل والأنساب في السودان لعون الشريف .


( وكان في الرياض قول عوووك يصلنك في بيتك ان شاء الله )

العزيز الامين عبدالرحمن
تحياتي وكل عام وانت بخير

انت اكدت اننا فاشلين في تسويق انتاجنا
لكن شايف بعض الشباب بدأ يجتهد ويسعى للحصول على فرصة في الفضائيات وعمل ليالي واحتفالية بتدشين كتب
ونتمنى ان يواصلوا في نفس النهج. ساعدت تكنلوجيا التواصل الاجتماعي الحديثة في الأمر. ويا حبذا لو تم عمل المثل
في الانتاج الذي لم ينال حظه بعد.

وقائمة الكتب دي الا سفرة عديييل للسودان

تحياتي

العزيز محمد داؤود
تحياتي

تم اعتماده، قرأته في زمن بعيد، ولا ادري ان كان من السهل الحصول على نسخة في هذه الايام.
خاصة ونحن تربطنا باسرة بابكر بدري علاقة نسب وقرابه.

تحياتي

عزيزي عمار
تحياتي

اذكر ذلك البوست جيدا

Quote: قبل سنوات كتب بوست مشابه ,, وكانت النتجيه بؤس المكتبة السودانية في مخاطبة هذه الفئة العمرية ,, Š

بل اضف الى ذلك غياب بعض الكتب الارشادية من المكتبة، بنكهتها السودانية:

1. محاربة العادات الضارة
2. مخاطر المخدرات
3. التطرف الديني
4. محاربة العنصرية
5. التوعية بحقوق الانسان الاساسية، حرية الفكر، المعتقد، التعبير .....
6. نبذ القبلية

بتخيل واحد مهاجر في السويد وللا المانيا وللا امريكا ويوقوم ولده يسال ابوهو
يا بابا احنا عندنا دستور في السودان؟
الاجابة : لا يا ابني، ما عندنا، هو اساسا لو كان عندنا انا ما كنت مرقت وعشان انت تسأل سؤالك دا (وش ضاحك باكي)

العزيز حسن ديقول

في البدء لازم نشكرك على الدعوة الكريمة بالحصول على كتب، وكنت اتمنى لو كنت بالرياض
عشان نكون على صله بناس كريمين زيك كده

سنضيف ما اتيت به الى مكتبتنا الخاصة بهذا البوست

Quote: أوصيك ب المسيد بيت البكاء الانداية للطيب محمد الطيب وموسوعة القبائل والأنساب في السودان لعون الشريف .

التحيات أخي المحترم أحمد

كتاب : من تاريخ الموسيقي والغناء في السودان ، من أجمل الكتب المكتوبة بلغة جميلة وفي استعراض المؤلف للتاريخ الغنائي في السودان يمكن استكشاف جوانب من حال المجتمع وقتها

كتاب : ذكرياتي في البادية ، لحسن نجيلة برضو مكتوب بلغة جميلة وسهلة وفيهو حكي بطريقة ممتعة

كتاب : بيت الجاك ، عبارة عن حوار مع التشكيلي السوداني العالمي ابراهيم الصلحي ، الكتاب ما أكاديمي بالمعني البحت وفيه حوار راقي

من الروايات : علي سبيل المثال لا الحصر :
رواية : الطريق الي المدن المستحيلة ، لأبكر آدم اسماعيل من أجمل الروايات ذات النفس السوداني

روايات الطيب صالح طبعا

كذلك سلسلة كتابات الطيب صالح النثرية الأصدرها مركز عبدالكريم ميرغني .....

في الشعر أعتقد مصطفي سند ومحمد المكي أنسب في المرحلة دي ...

مع احترامي ....