نبحث .. و ننقب ... فلا نجد أغلى من كلمات الراحل مصطفى سند ...
كلما كتبه درر ...
و لكنه اصابنا في مقتل هنا ...
لا تعليق و لا كلام ...
Post: #2 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-21-2015, 06:20 AM Parent: #1
أكتب لي يا غالي الحروف واحكي لي ياما الدنيا نورها وفرحتها صارت بلاك غيمة شتاء تنسج طيوف وتجيب طيوف والشوق جدار بيناتنا يحجب بهجتها يا سكة الزول البعيد يا حليله لما اتوارا غاب خليته يمشي وفي العيون دمعات الم ودمعات عذاب أتمني وعده يكون حقيقة وعهده ما خدعة سراب أتمني في لهفة محب شال الصبر لما الصبر في قلبه داب يرحل قطار ....ويعود قطار ويصبح الليل الغريب طلعة نهار ويجيني منك انا بس خطاب اكتب لي حتي الناس تقيف لما يفوته أقول اسلم للجميع خايف يبين خاطري الكسيح ارجع براي اشقي الدموع قلب سقاك موسم حنان موسم فرح موسم ربيع ياريت تشوف انا كلما تنعس شموع بوقد شموع وأفضل أتوه عبر البلاد يا رب متين وقت الرجوع اكتب لي خلي النار تموت والهم يفوت انا غير حروفك افقد الدنيا وأضيع
Post: #3 Title: Re: يرحل قطار .. و يعود قطار و يصبِّح الليل الغ� Author: مجدي عبدالرحيم فضل Date: 09-21-2015, 06:46 AM Parent: #2
هي كذلك والله استاذنا يحي
،،،،أبوقصي،،،،
Post: #4 Title: Re: يرحل قطار .. و يعود قطار و يصبِّح الليل الغ� Author: abas Date: 09-21-2015, 10:06 AM Parent: #3
اخخخخخخخخخخخ بس
Post: #5 Title: Re: يرحل قطار .. و يعود قطار و يصبِّح الليل الغ� Author: محمد الكامل عبد الحليم Date: 09-21-2015, 10:42 AM Parent: #4
كان الزمان طريا عندما كانت حروف الشوق ياخذها البريد معطرة بطلاوة المعاني...ينتهي خطابها بالف الابتدار وحاء الأحلام وباء البسمة الخافتة وكاف الكلام غير المنطوق... تعبر عنه تلكمو الحروف المتباعدة اسفل الرسالة ( أ...ح...ب...ك)
Post: #6 Title: Re: يرحل قطار .. و يعود قطار و يصبِّح الليل الغ� Author: فتحي الصديق Date: 09-21-2015, 11:17 AM Parent: #5
يا رب متين وكت الرجوع .
--------------
كل سنة وانتا طيب يا أستاذ
Post: #14 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-22-2015, 02:40 PM Parent: #6
Quote: يا رب متين وكت الرجوع .
--------------
كل سنة وانتا طيب يا أستاذ
رجوع ؟
كلمة كانت قدامنا ... و تباعدت شيئا فشيئاً ...
حتى أصبحت مجرد كلمة نقرأها ببلاهة و لا نعرف أين نحنُ ...
تعرف يا فتحي ... تحولت النشوى عندي حينما اسمع و ادندن بالبيت القائل في قصيدة صلاح احمد إبراهيم العصماء
" وكان تعب منك جناح في السرعة زيد في بلادنا ترتاح ... ضل الدليب اريح سكن"
تحولت تلك النشوى الى حزن و الم ... بعد ان تكاثرت من حولنا السنوات ...
و تعبنا ...
فلا سرعة اصبحنا نقوى عليها و لا راحة نجدها ...
Post: #11 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-22-2015, 06:13 AM Parent: #5
Quote: كان الزمان طريا عندما كانت حروف الشوق ياخذها البريد معطرة بطلاوة المعاني...ينتهي خطابها بالف الابتدار وحاء الأحلام وباء البسمة الخافتة وكاف الكلام غير المنطوق... تعبر عنه تلكمو الحروف المتباعدة اسفل الرسالة ( أ...ح...ب...ك)
و تاني آخخخخ يا محمد الكامل ...
قلت ليك كلامه غالي ...
عاين جنس ده يا محمد ...
يا سكة الزول البعيد يا حليلها لما اتوارى غاب خليته يمشي وفي العيون دمعات الم ودمعات عذاب أتمني وعده يكون حقيقة وعهده ما خدعة سراب أتمني في لهفة محب شال الصبر لما الصبر في قلبه داب
و لا كمان جنس ده ...
كفايه علينا لما نشوف بسيماتك تصـابحـنا و تمـاسـينا عشان نتملى من عينيك عشان نلقى الصباح مسحور يعاين لصباح خديك
ده شعر و لا موت ؟ .
Post: #10 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-22-2015, 02:25 AM Parent: #4
Quote: اخخخخخخخخخخخ بس
بالضبط كده يا عِبْس ...
آآخخخخخخخخخخخخخ و بس ...
Post: #7 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-21-2015, 10:05 PM Parent: #3
Quote: هي كذلك والله استاذنا يحي
تسلم استاذنا مجدي ...
لك من الود أقصاه ...
Post: #8 Title: Re: يرحل قطار .. و يعود قطار و يصبِّح الليل الغ� Author: عاطف عمر Date: 09-21-2015, 10:18 PM Parent: #1
يا قبة يا حبيبنا ياخ الله يهدينا ويهديك يقوموا أعمامك مصطفى سند وصلاح مصطفى ديل ( يصيبوك في مقتل ) ويزوزوا بيك تقوم تصيبنا معاك في ذات المقتل وتزوزي بينا والدنيا قبايل عيد ؟؟؟
ما خاتية عليك دينا خالد !!!!!
Post: #15 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-22-2015, 03:16 PM Parent: #8
Quote: Ùيا قبة يا حبيبنا ياخ الله يهدينا ويهديك يقوموا أعمامك مصطفى سند وصلاح مصطفى ديل ( يصيبوك في مقتل ) ويزوزوا بيك تقوم تصيبنا معاك في ذات المقتل وتزوزي بينا والدنيا قبايل عيد ؟؟؟
ما خاتية عليك دينا خالد !!!!!
بشفق يا توفي على وليداتنا و بنياتنا ...
وليداتنا و بنياتنا الما كتبوا جواب و لا رموهوا في بريد ...
و ليداتنا و بنياتنا الما ( عفصوا ) وردة في نص كراساتهم ...
ياخي أولادنا لا زنّو قرقور ... و لا اتحكم عليهم يشقّو اللين ... _______________________________________________ كان المزاج عالي يا صديقي بجي بحكي ليكم قصة منديلي ( منديل قماش )
النسيتو في بيتهم في الثانوي ... و مرقتوا لي و انا مهندس و هي ام عيال ...
خليها على الله يا صديقي ... كلو من جعفر محمد ... السواها بقت ... ____________________________________________________ دينا خالد ... بنحييها برضوا ( زي ما بقولوا السُغلا مقدمي البرامج اليومين ديل )...:)
Post: #9 Title: Re: يرحل قطار .. و يعود قطار و يصبِّح الليل الغ� Author: محمد حيدر المشرف Date: 09-21-2015, 11:53 PM Parent: #1
لما شفتك رحت ناسي ... كل ناسي الكانوا قربي بعت غيرك واحتضنتك .. يا حبيبي جوه قلبي .. كم رويتك بي حناني .. وكم سقيتك طهر حبي .. وافتكرتك تبقى املي .. وتبقى زادي في باقي دربي .. لو نسيتني .. او جفيتني .. في العذاب كم من متيم .. وفي الغرام كمن شهيد ..
ونحن شهداء يا قبه .. ونحسبك منا .. ولا نزكي على الله احدا ..
يا حبيبي .. ايدي وايدك .. ايدي وايدك .. نبني جنتنا الصغيرة .. تحكي ليا واحكي ليك .. عن امانينا الكبيرة .. ... كان الزمان وكان يا عملات فيروز .. وذلك على سيرة صلاح مصطفى وذلك الزمان ..
Post: #12 Title: Re: يرحل قطار .. و يعود قطار و يصبِّح الليل الغ� Author: Kabar Date: 09-22-2015, 06:26 AM Parent: #9
عارف يا صديقي ،
وكتين الواحد تكون حارساهو جكة جبدة ، بيقوم ياخد سنده..! عشان كده قلنا نبدا بحكاوي القطر ، عشان ما فيهو (كباتن) ومحدقات كباتن..!
والظاهر استاذنا ود المرتضى ، تأبط جمالا..وجهز العدة من بدري ..مونة ومسطرينة وميزان موية..و الأعجب يقول ليك هي لله..طيب كن بقت اكتر من واحدة؟..(ود المرتضى قاصد نظرة يا عالم هوي)..!
التحية لأستاذنا اسطين الشعر مصطفى سند..
ونرمي بياضنا مع الناس..عسى يتحمدنا فال سماحة (لله ) ساكت..
النص ده يا يحي ، الشباب في النت غلطانة فيهو غلطة شنيعة..كاتبنو (في اكتر من خمسة مواقع مختلفة)..
عشان خاطرنا ، خلي عيونك الحلوات تخاصمنا..
أي والله خصام وشكلة ودواس..دي عيون دي ولا جنجويد؟!!!!!!
اها المخاطرة ذاتها دايرة ليها شرح متون وكده..يعني تتخاطر معانا (نظام تلباثي يا عاطف عمر) ..ولا تجبر بخاطرنا؟..و المجابرة ظاهرة سودانية معروفة..!
اما حكاية (عشان نتملى من عينك) فهذه فيها كم قول: يا ربي عشان نتفرج..طيب حرف الجر (من) لزومو شنو؟..ولا يا ربي عشان نتحرق (ملالة جمر عدييل كده؟)..ولا نمتلئ جمال؟..
زمان بارينا ضحكاتك..!
بالتوازي يا صديقي ،
والمسالمة ، هي شن المسالمة ؟.. تقوم الليد تمسح فوق الراس..نظام تجر التوب حتة كده..العجايز ينبسطوا لأنو الزولة استعدلت التوب (ديل ناس مقنع الكاشفات وكده)..و الشباب..دي عندهم ياهي العجب حبيبي اداني تحية..او كما قال..!!!!!!!!
مش كان اخير تخلونا في الفكة بتاعة (اقول ليك بامانة ، عمليتك ما ظريفة ، وحركتك جبانة)..حاجات كده زي الركشة..لا تعاشيق ولا كلتشات ولا تلتلة مقطاع بحر ابيض..!!
التحية لأستاذنا مصطفى سند ولأستاذنا محمد ميرغني..ولكل عشاق الجمال والحاجات المعتقة..!
وبرضك الواحد داير ليهو هاف تايم يومين..لغاية ما يعتب على ناس ليه يا قلبي ليه..!!
ودمتم..
كبر
Post: #13 Title: Re: يرحل قطار .. و يعود قطار و يصبِّح الليل الغ� Author: عاطف عمر Date: 09-22-2015, 12:51 PM Parent: #12
أمااااااااااك أمانة ( الحلة ما إتسبكت ) ود المشرف بكل مخزون جمالياته ومولانا كبر وموسوعيته و ( نظامه التلباثي ) واستصحابه لـ ود المرتضى ( رب الجمال ) الذي سبانا ، ومروره على ( عدة شغل ) صاحب الدار حبيبنا قبة من ( مونة ومسطرينة وميزان موية ) وتأصيله ( يا عملات ناس معزتنا ) تأصيله لكل مفردة وردها لجذورها
الشغلانية تحركت من محطة دغدغة المشاعر والذكرات والأشواق الحبيسة إلى محطات أرحب من حيث إعمال الفكر النقدي من لدن (عشان نتملى من عينك) وإنت طالع
ركشة مين يا مولانا ؟؟ الولع النار خليهو يطفيها
حبيبنا قبة شاااااطر في توليع النيران
Post: #16 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-22-2015, 09:27 PM Parent: #13
تعرف يا عاطف ... كان نفسي القى مداخلات ود المشرف و كبر ديل أيام الجاهلية الأولى ...
كان رصيت ليهم كلام .. شي عربي و شي انجليزي ... لمن يستغربوا ...
و لكن على قولة ( بن عرّوج )* ما فات شيء ...
بجيهم راجع ...
* قصة بن عرّوج دي الا في التلفون ...
Post: #17 Title: Re: يرحل قطار .. و يعود قطار و يصبِّح الليل الغ� Author: فتحي الصديق Date: 09-22-2015, 09:36 PM Parent: #16
رحم الله الشاعر المبدع مصطفى سند ..
Post: #24 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-27-2015, 02:39 PM Parent: #17
Quote: رحم الله الشاعر المبدع مصطفى سند
رحم الله الشاعر البديع مصطفى سند ...
يا فتحي يا جميل ... حينما يذكر اسم من رحلوا عنا من العظماء ...
لا نكتب المرحوم ... لانهم يعيشون بيننا بأعمالهم ...و انجازاتهم و ابداعاتهم ...
لا نقول ( المرحوم ) إسماعيل الازهري او المرحوم جمال عبد الناصر ...
بل نناديهم بالزعيم الازهري ... و ناصر ...
لم اذكر كلمة مرحوم خلف محمد وردي حتى الان ...
فالعظماء لا يموتون ... و منهم مصطفى سند ...
رغم ان الرحمة تجوز على الحي و الميت منا ...
و لكنهم في مرتيه أخرى من البشر ...
Post: #22 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-26-2015, 05:10 AM Parent: #13
Quote: أمااااااااااك أمانة ( الحلة ما إتسبكت ) ود المشرف بكل مخزون جمالياته ومولانا كبر وموسوعيته و ( نظامه التلباثي ) واستصحابه لـ ود المرتضى ( رب الجمال ) الذي سبانا ، ومروره على ( عدة شغل ) صاحب الدار حبيبنا قبة من ( مونة ومسطرينة وميزان موية ) وتأصيله ( يا عملات ناس معزتنا ) تأصيله لكل مفردة وردها لجذورها
الشغلانية تحركت من محطة دغدغة المشاعر والذكرات والأشواق الحبيسة إلى محطات أرحب من حيث إعمال الفكر النقدي من لدن (عشان نتملى من عينك) وإنت طالع
ركشة مين يا مولانا ؟؟ الولع النار خليهو يطفيها
كترت الشربوت يا صديقي شكلك ؟
مالك غايب عن العين ... مع انك انت عارف قاعد وين ...
في شعر عجيب هنا يا عاطف ...
مصطفى سند ... كلامه و شعره بيمرق من معمل داخلي و لا من ورشة عمل جواهوا ... بيمرق كلام صعب تكراره ...
اما محجوب سراج ... الرجل الذي لم تنجب مثله امرأه ...
ليه بتسأل عني تاني ... حبة شوق ... احبك احبك الى ما لا نهاية ... ليه بتسأل عني تاني ...
و غيرهم و غيرهم ... لو بحتنا ... نص الطرب الطربناهو كاتبه محجوب سراج ...
أقول ليك شنو و لا اعيد ليك شنو ...
Post: #21 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-25-2015, 04:36 AM Parent: #12
Quote: عارف يا صديقي ،
وكتين الواحد تكون حارساهو جكة جبدة ، بيقوم ياخد سنده..! عشان كده قلنا نبدا بحكاوي القطر ، عشان ما فيهو (كباتن) ومحدقات كباتن..!
والظاهر استاذنا ود المرتضى ، تأبط جمالا..وجهز العدة من بدري ..مونة ومسطرينة وميزان موية..و الأعجب يقول ليك هي لله..طيب كن بقت اكتر من واحدة؟..(ود المرتضى قاصد نظرة يا عالم هوي)..!
محمد النور كبر ... زولي الجميل ...
كل عام و انت و اسرتك بألف خير و ألفين عافية ان شاء الله ...
دائما ( أشيل الهم ) ... لكيفية الرد على كلماتك العجيبة ... ي
و التي اعلم انها تخرج من القلب مباشرة ...
و كما اعرف تماماً ما بمرقك علينا الا ( الشديد القوي ) ... ( يا غالي الحروف )
و صلاح مصطفى ( الملحن ) اظهر ابداع لا يضاهى في ( تقعيد ) النص الخطير الذى اتانا به مصطفى سند ...
اما ود المرتضى ... فهو من جيل القطار مثلنا تماماً ... و من زمن المهلة ... زمن الساعة كانت لسه 60 دقيقة ...
لكن ( طياراته ) كمان عندها محطات ضرورية ... محطات لا تخرجنا عن الملة ... و نحاسب عليها ان لم نقف عندها ... __________________________________________________________________________
كلامي معاك لسه ما كمل ...
عيدك سعيد يا حبيب ...
Post: #18 Title: Re: يرحل قطار .. و يعود قطار و يصبِّح الليل الغ� Author: يحي قباني Date: 09-23-2015, 04:34 AM Parent: #9
Quote: لما شفتك رحت ناسي ... كل ناسي الكانوا قربي بعت غيرك واحتضنتك .. يا حبيبي جوه قلبي .. كم رويتك بي حناني .. وكم سقيتك طهر حبي .. وافتكرتك تبقى املي .. وتبقى زادي في باقي دربي .. لو نسيتني .. او جفيتني .. في العذاب كم من متيم .. وفي الغرام كمن شهيد ..
ونحن شهداء يا قبه .. ونحسبك منا .. ولا نزكي على الله احدا ..
هاشم صديق قال لي مرة يا ود المشرف ...
الناس تقول الشاعر الضخم ... الشاعر الضخم ...
لو في شاعر ضخم فهو محجوب سراج ...
محجوب سراج الشاعر المظلوم ...
و الذي يسأل عن حاله و مآله اناس كُثر يا صديقي ...
محجوب سراح قال يا مشرف :
فبحق من جعل القلوب ... شوقا وتحنانا تذوب لا نفترق لا بعد اللقاء ... بعد الامل بعد الرجاء عاد الصفاء عاد الحبيب المنتظر ....عودا حميدا مستطاب ياللهوى ياللشباب ..... ياللدعاء المستجاب __________________________________ و الله شهداء و مثوانا الجنة ان شاء الله ...
المتنبي و الكابلي ما خاتيين يا محمد لما وصفوا حالنا ..