Post: #2
Title: Re: اها سحب الصورة
Author: جلالدونا
Date: 09-18-2015, 08:31 PM
Parent: #1
اعداء الاستنارة و الفكر و الادب
فى داعى تحرمونا من الطلعة البهية دى
|
Post: #3
Title: Re: اها سحب الصورة
Author: محمد البشرى الخضر
Date: 09-18-2015, 09:19 PM
Parent: #2
وحسنا فعل
ياخي الصورة هزلية ولا تناسب رسول الإستنارة - مدفوع الأجر يا قولو - يحتاج صورة أكثر وقارا وأقل استلابا لتناسب دوره وكدا :)
|
Post: #4
Title: Re: اها سحب الصورة
Author: محمد على طه الملك
Date: 09-18-2015, 10:20 PM
Parent: #3
أخ ..
بالله سحبا ؟
أنا دابي فتحت المنبر وبطالع في العناوين ونازل ..
نطالب بعودة الصورة بشماغ أو بدون بس يغير النضارة السودا ..
تكون قمر هبشتو ياربي؟
التحية مقدما يا جلالادونا وود البشرى.
|
Post: #5
Title: Re: اها سحب الصورة
Author: محمد حيدر المشرف
Date: 09-18-2015, 11:01 PM
Parent: #1
كانت أشبه ما تكون برسم كاراكتيري لمفكر استثنائي معرف بافكارو خارج الصندوق ..
..
اللهم لا تمحينا ولا تبلينا
|
Post: #6
Title: Re: اها سحب الصورة
Author: جلالدونا
Date: 09-19-2015, 02:15 AM
Parent: #5
| Quote: ياخي الصورة هزلية ولا تناسب رسول الإستنارة - مدفوع الأجر يا قولو - يحتاج صورة أكثر وقارا وأقل استلابا لتناسب دوره وكدا |
بالعكس يا ود البشرى
الصورة تقول
برغم قسوة و تخلف البيئة التى يعيشها المستنير
الا ان للاستنارة مكان تنمو فيهو و تزدهر
بعدين كيف فاتت عليك حتة تواضع العظماء دى
و كمان تمثيل الواقع ليس استلابا
انما تعريف بى معاناة المستنير
|
Post: #7
Title: Re: اها سحب الصورة
Author: أبوبكر عباس
Date: 09-19-2015, 02:42 AM
Parent: #6
اشمعنا الشيوعيين في بلاد برّة بلبسوا القمصان الافريقية كتعبير عن (الغابة)!
ولو لبسنا الشماغ كتعبير عن ( الصحرا) نواجه بهجوم الاستلاب والتخلف؟!
عموما هناك عنصرية وحساسية تجاه عرب الخليج من ضمن اسبابها انهم أغنياء جدا
معاي زول في المكتب شهدتو عليكم، وقلت ليهو شوف "المسالكين" ديل لو نزلت صورتي باللبس الباكستاني ح ياخدوا المسألة بلطافة، لكن لو نزلت صورة الشماغ تعال شوف بردموني كيف؟ من عينة "استلاب" واستعملت استلاب دي بالتحديد!
الأيام دي المستنير بعد مشكلة قنبلة الطفل السوداني مهموم ب لو وتبعاتها
|
Post: #8
Title: Re: اها سحب الصورة
Author: معاوية الزبير
Date: 09-19-2015, 03:53 AM
Parent: #7
انت زاتك غلطان يا بكه تدفق استنارتك على زي ديل
ما عندي ليك غير قصيدة عاطف خيري
غايتو أمشى فى الدرب البطابق فيهو خطوك صوت حوافرك
يا فرس كل القبيلة تلجّموا
يكسر قناعاتا ويفر يسكن مع البدو فى الخلا
ما يرضى غير الريح تجادلو وتقنعو
انت ما عندك غير البدو والريح والخلا
صدقني بتطمر فيهم اكتر من الوهم ديل 
|
Post: #9
Title: Re: اها سحب الصورة
Author: أبوبكر عباس
Date: 09-19-2015, 04:04 AM
Parent: #8
يا مُعاوية، يا أخي، أنا بس قاعد أقول:
"الأقربون أولى بالمعروف"
|
Post: #10
Title: Re: اها سحب الصورة
Author: اخلاص عبدالرحمن المشرف
Date: 09-19-2015, 04:09 AM
Parent: #9
الحمدلله السحبها
كرهونا
الاغنياء مستجدين النعمة
|
Post: #11
Title: Re: اها سحب الصورة
Author: muntasir
Date: 09-19-2015, 05:03 AM
Parent: #10
اذا لبس الشماغ اضاء نورا ونبراساً اذا خلع الشماغ
|
Post: #12
Title: Re: اها سحب الصورة
Author: دينا خالد
Date: 09-19-2015, 05:36 AM
Parent: #11
وينو الشماغ دا فاتنى !
ما ياهو دا الراجل ذى الفل وبيشبه العميرى !
بس بصراحة الصورة المع كابلى ديك مجنقلة
ما كانت بتعبر عن المنعطف التاريخى البتمر بيهو البلاد ..
سير سير يا بكور !
-------------
يابكوور .... قوليهم الاصل ما ببقى صورة
الاصل ما ببقى صورة ،،،
ليه صورتهم اخترت غيرها
فيها أحلامنا وكلامنا
فيها حاجتنا الصغيرة
كيف تغطي الصورة صورة
ايه لقيت فيها الجديد
هل قربت ليك اماني بينا
ما قادر تطولا ؟ قول ... قول !
هل صحيح راقي ومهندم
هل ببكي الريد عيونو
هل عرفتو ما بتندم
في الليالي القاسي طولا
انت بتبيع المشاعر
ما البصر دون البصائر
والاصل ما ببقى صورة.......
|
Post: #13
Title: Re: اها سحب الصورة
Author: معاوية المدير
Date: 09-19-2015, 06:05 AM
Parent: #12
اريت الخواجآت يتعشو حرآب ود النو .
يا جماعة الشماخ يعني شنو ؟.
انا غايتو البعرفو في شاعر جاهلي واللآ مخضرم ما عارف
إسمو قريب للحاجة دي ...
|
Post: #14
Title: Re: اها سحب الصورة
Author: جلالدونا
Date: 09-19-2015, 06:25 AM
Parent: #13
تصدق !!!!!
يااخ لما شفتها هبط على شيطان اللعب بالحروف
وكان مقطع شعر
مع انو البوست قومة لفاتو كتيرة
قلت انزل الحديقة تحت
و وسط الزهور و الشاى برائحة الكولونيا الفاخرة
صار المقطع قصيدة
جيت جارى عشان اكتبا
لقيت الصورة مافى
صدمة ألجمت وقع الحوافر
انهارت حروف القصيدة
كما البرجين
غبار و رماد و ركام يغطى
دروب النفس الشفيفة
بقيت قى يالله اتذكر حاجة
جاءنى ما يشبه المقطع
صورتك
المنقوش جانبها
بالشماغ الثمين
هل كان صدقا ما ارى
ام كان وهم الحالمين
غايتو المكتبة الشعرية السودانية اتحرمت من قصيدة يشار لها بى اى حاجة
من الاّى شنو داكا
|
Post: #15
Title: Re: اها سحب الصورة
Author: خالد عبد الله محمود
Date: 09-19-2015, 06:38 AM
Parent: #13
Quote: انا غايتو البعرفو في شاعر جاهلي واللآ مخضرم ما عارف
إسمو قريب للحاجة دي ... |
قصدكـ مروان الشماخ .. ده شاعر جاهلي من أصول مغربية كان بلعب في توتنهام الإنجليزي 
يا تدخلونا الفلم ده يا تقومو تلفو كلكم
|
Post: #16
Title: Re: اها سحب الصورة
Author: Hassan Makkawi
Date: 09-19-2015, 07:51 AM
Parent: #15
| Quote: اذا لبس الشماغ اضاء نورا ونبراساً اذا خلع الشماغ |
إذا لبس الشماغ أفاض (كاشاً) و(شيكاتاً) إذا وضع الشماغ
مال العقال إلى اليمين تشبباً (مالت عليكم) يا ذوى الأصباغ
بل(الكشمة) السوداء جاكم (كاشخاً) و بسحب الصورة ينشطب البلاغ
__________
ما عليك منهم حاسدين وبس
|
Post: #17
Title: Re: اها سحب الصورة
Author: مرتضى احمد عبد القادر
Date: 09-19-2015, 08:02 AM
Parent: #16
البركة في قوقل ما حارمنا من شي
|
Post: #18
Title: Re: اها سحب الصورة
Author: معاوية المدير
Date: 09-19-2015, 08:08 AM
Parent: #17
| Quote: البركة في قوقل ما حارمنا من شي |
يا مرتضى ما تختف كُراعك تجيبا،
نفسي اشوف الشلموخ يا اخ . والله صحي ...
|
Post: #19
Title: Re: اها سحب الصورة
Author: مرتضى احمد عبد القادر
Date: 09-19-2015, 08:28 AM
Parent: #18
للحول كان دخلته قوقل بتلقاهو بي شماغو ونضارتو (ابوبكر عباس المنبر العام) الصور الصور
|
Post: #20
Title: Re: اها سحب الصورة
Author: بله محمد الفاضل
Date: 09-19-2015, 08:49 AM
Parent: #19
.
|
Post: #21
Title: Re: اها سحب الصورة
Author: معاوية المدير
Date: 09-19-2015, 08:49 AM
Parent: #19
ههههههههههههههههههههههه،
شفتها لكن ما بجيبا .
انا متحفظ زي مرتضى ...
|
Post: #22
Title: Re: اها سحب الصورة
Author: Moawia Mohammed
Date: 09-19-2015, 08:53 AM
Parent: #19
صورة زي الورد
ما في كلام
عالم حاسدة بس
|
Post: #23
Title: Re: اها سحب الصورة
Author: أبوبكر عباس
Date: 09-19-2015, 09:27 AM
Parent: #22
عليك الله، يا معاوية محمد، تم جميلك وجيب حقت صلاح ادريس خلي الناس تقارن.
أنا وصلاح دا نتفق في تعدد المواهب، بس لكن الأستاذ صلاح يتفوق علي بانو ملحن!
التلحين دا أنا لو قعدت ليهو بعملو
|
Post: #24
Title: Re: اها سحب الصورة
Author: Moawia Mohammed
Date: 09-19-2015, 09:39 AM
Parent: #23
صلاح إدريس بتاع شنو البتقارن نفسك بيهو
دا راجل نرجسي و موهوم
و الحانه كلها دائرية و ما منها نكهة
و كمان داير يضيع علينا هلالنا البنحبه
الله لا تريحه دنيا و آخرة
بإذن الله تاني كراعو ما بدقها في الهلال و لو مشجع
لحن يا زول القشة ما تعتر ليك
|
Post: #25
Title: Re: اها سحب الصورة
Author: دينا خالد
Date: 09-19-2015, 10:38 AM
Parent: #23
البركة فيكم ياخ فى ود الشيخ محمد بن راشد !
خلاس بكوور دا اسكتو خلوهو .....
حادى ومنكس الشماغ
شيخو ميت .... ودينو طالع 😢😢😢😢
|
Post: #26
Title: Re: اها سحب الصورة
Author: رأفت ميلاد
Date: 09-19-2015, 11:35 AM
Parent: #25
غايتو يا بكور حاسدنك حسادة
غايتو الصورة الخاتاها دينا مطلعة دينى عشان كدة ما قدرت أركز فى الشماخ
أعفى لى
|
Post: #27
Title: بعد الغياب
Author: mustafa bashar
Date: 09-19-2015, 01:12 PM
Parent: #1
طالت غيبتي عن المنبر لزمن طويل. نسيت فيه أسماء ونستي فيه ظروف غريبة.
قلت قد يكون ذلك العنوان
بعد الغياب
كيف حال الغياب؟ تعود لأهك وتجد أن باب المنزل الذي كان يتجه شرقاً،
قد تحوّل لإتجاه الغرب
تعرف حتماً أن غيبتك قد طالت
وأستطال ظل الحروف التي تكتب بها
فكان ظلا أبديا
تحياتي لكم جميعاً
مصطفى بشار
|
Post: #28
Title: Re: بعد الغياب
Author: أبوبكر عباس
Date: 09-19-2015, 01:27 PM
Parent: #27
شكرا يا دينا، والعزاء لكل أهل دبي في وفاة الشيخ راشد
|
Post: #29
Title: Re: بعد الغياب
Author: محمد على طه الملك
Date: 09-19-2015, 02:02 PM
Parent: #28
خسارة والله ياجلالدونا الغيرانين ناس ود المشرف وود البشرى يحرمونا من مشروعك الشعري ..
بس نفسي أعرف الملجا الواقف وسطا دي وانعكست على قلاسات النضارة ..
تكون دي الدافنة يا دينا؟
البركة فيكم يابكور.
|
Post: #30
Title: Re: بعد الغياب
Author: جمال ود القوز
Date: 09-19-2015, 02:31 PM
Parent: #29
بالله إتـــــو حتى قلاسات النضارة وصلتوها ياملك ..
وده حالتك جيت متأخر وماحضرت التدشين ..
حاله ( سعبه ) والله ..
عالم مابتطمر فيهم إستنارة ولابنفع معاهم ( استلاب ) ..
يابكور صورتكـ روعة والله ..
فهي لاتخلو من موائمة لوقائع ..
ولا من مواكبة لواقع ..
هي الاستنارة دي نان كيفنها ماياها جنس الفلتات دي ..
مش بقولوا ليكـ فلان داكـ فلته ..
فهكذا مستنير المنبر ..
ولانامت اعين سخط لاتبدئ إلا مساوئا .. .
صلاح إدريس شنو كمان ....
|
Post: #31
Title: Re: بعد الغياب
Author: جمال ود القوز
Date: 09-19-2015, 02:38 PM
Parent: #30
رحم الله الشيخ راشد بن محمد بن راشد آل مكتوم
|
Post: #33
Title: Re: بعد الغياب
Author: محمد على طه الملك
Date: 09-19-2015, 02:55 PM
Parent: #31
يا جمال النضارة دي أسألني من قيمتا ..
ما طالبني حليفة بيتا براهو غرفة نوم بفرش مخملي ..
تفضح الحولك محل ما تقبل ..
ياريت لوكانت معا في رحلة اللوري.
|
Post: #32
Title: Re: بعد الغياب
Author: أبوبكر عباس
Date: 09-19-2015, 02:40 PM
Parent: #30
في منتدى سودانيات بتاع المرحوم خالد الحاج -حاليا المنتدى متوقف لأنو مستضاف في الراكوبة- رأفت ميلاد دا كان بشكل منافس خطير لي في كسب قلوب الجكس.
هنا أقول ليك يا رأفت: دينا خالد خط أحمر
|
Post: #34
Title: Re: بعد الغياب
Author: جلالدونا
Date: 09-19-2015, 03:34 PM
Parent: #32
Quote: كانت أشبه ما تكون برسم كاراكتيري لمفكر استثنائي معرف بافكارو خارج الصندوق ..
|
خارج صندوق شنو يا مشرف
دى اسمها الاستنارة الشاملة
انتا تاخد ما يليك و يهمك و بس
و تسيب الباقى للاخرين
___
فى الصورة كلام و كلام
حتى اسأل دينا
|
Post: #35
Title: Re: بعد الغياب
Author: جلالدونا
Date: 09-19-2015, 03:56 PM
Parent: #34
Quote: اشمعنا الشيوعيين في بلاد برّة بلبسوا القمصان الافريقية كتعبير عن (الغابة)!
ولو لبسنا الشماغ كتعبير عن ( الصحرا) نواجه بهجوم الاستلاب والتخلف؟! |
نقول شنو عاد
هما ذاتن لم لبسو الشارلستون بالتريفيرا و الكرمبلين
و الجزمة بالكعب العالى
و قميص تمبل باى داكا ال من غير لياقة
فى زول جاب ليهم سيرة الاستلاب
كامل تضامنى معاك
و ليس لى الا ان اتمثل بالقول المأثور
يعيبون اديبهم و العيب فيهم
و ما لاديبهم عيب سواهم
|
Post: #36
Title: Re: بعد الغياب
Author: جلالدونا
Date: 09-19-2015, 04:28 PM
Parent: #35
Quote:
انت زاتك غلطان يا بكه تدفق استنارتك على زي ديل |
يا ود الزبير المستنير ما دفّق و لا حاجة
دى كانت بس رشة يعنى بخة صغينونة كدى
و ركبتكم حالة تعسف اسفيرى
و بقيتو تهضربو
معقولة ياخ
حبة استنارة تهد حيلكم
|
Post: #37
Title: Re: بعد الغياب
Author: جمال ود القوز
Date: 09-19-2015, 07:30 PM
Parent: #36
| Quote: ياريت لوكانت معا في رحلة اللوري. |
كاااااااااكـ .....
حولا ولاقوة ..
والله كان ساعتئذ ياملكـ تشوف ملجا زي الملجة ...
الله لينا الماقرينا .. ولا جنصصنا بي نضارات ذااتو ..
أعفا لينا يابكور يأخ ..
|
Post: #38
Title: Re: بعد الغياب
Author: Mohamed Yassin Khalifa
Date: 09-19-2015, 10:48 PM
Parent: #37
بصراحة.. صورة جميلة!
والإنسان وليد بيئته.. وأهو نحنا في أمريكتنا دي، بعد حوامتنا في الحلة بالفنايل الحمالات المقددة وشباشب نقلتي جزر سوق أربعة في بري، لبسنا هنا الجينز والأردية والبدل والكرفتات، وحتى المايوه. وأهو ناس طارق جبرين لبسوا الجبدور والقفطان والدشداش.. وناسنا في القارة الهندية لبسوا السلوار والكرتا والقرطق مع البالازو. وحبايبنا ببريطانيا لبسوا الكاروهات... ودواعشنا لبسوا العراقي الكمافلاش والسفنجات وتموت تخلي.
هي يعني خلاس بقت على لبسة أبوبكر للشماغ... حتى لو كان مشنقو؟
|
Post: #39
Title: Re: بعد الغياب
Author: أبوبكر عباس
Date: 09-20-2015, 05:48 AM
Parent: #38
يا ملك، كدي ركز شوية بتقدر تشوف شنو الفي النظارة وممكن تخليك تحكي مناسبة الصورة.
في فيلم Taken
الخيط الاول للبطل عشان يلقى بنتو المخطوفة كان صورة زول إلتقط ليها صورة هي وصاحبتها في أسبانيا بالموبايل حقها وكانت صورتو منعكسة في حاجز لامع خلفها
|
Post: #40
Title: Re: بعد الغياب
Author: أبوبكر عباس
Date: 09-20-2015, 06:05 AM
Parent: #39
Quote: هي يعني خلاس بقت على لبسة أبوبكر للشماغ... حتى لو كان مشنقو؟
محمد ياسين خليفة |
Quote: هههه
لكن الصراحة ميلة العقال كلام ثاني ..
صامت الصامت
من الفيسبوك |
أبدا يا اخوانا، المشكلة انو فاخورتي مدوقسة فيها دومة بالجنبة أنا مسميها دومة الإستنارة
أها العقال دا من شلتو ختيتو في راسي نزل مباشرة في الدومة
الأمور ليست دائما كما تبدو
|
Post: #41
Title: Re: بعد الغياب
Author: محمد على طه الملك
Date: 09-20-2015, 09:36 AM
Parent: #40
غايتو يا بكور البعرفو مافي مستنير تريني بفوت معرض كتاب..
دا طبعا أذا الخلفيات بتصدق.
|
Post: #42
Title: Re: بعد الغياب
Author: أبوبكر عباس
Date: 09-20-2015, 10:18 AM
Parent: #41
كان كدا إتّا بعيد يا ملك!
الصورة في البر الباكستاني
لو عينك نجيضة (نجيضة وين وإتّا صاحب أمير خالي بتكون كركبتا) بتشوف بدوي إمارات يالس قصادي وأخد الصورة.
الزول دا كنا بنتونس وقمت شلت عقالو وشماغو ختيتن في رأسي، طوالي شال التلفون وصورني.
والله، لو ما خائفكم تصنفوني سفيه كنت حكيت ليكم كل يوم حكاية من حكاوي البدوي المطموس دا.
|
Post: #43
Title: Re: بعد الغياب
Author: محمد على طه الملك
Date: 09-20-2015, 12:57 PM
Parent: #42
ههههه أنا عندي خالة عمرها تلاتين ..
أمير والله أمير اسما ومعنً حفظه الله...
طيب الخلفية الوراك دي تطلع شنو؟
..
|
Post: #44
Title: Re: بعد الغياب
Author: محمد على طه الملك
Date: 09-20-2015, 01:25 PM
Parent: #43
ما دام البينقو ( أقروها مفتحين ) ما ضرب والاستنارة طارت ..
تعال احكي سيرة المطوس أمرنا لله ..
أصلو جلالدونا فاتح البوست دردقة .
|
Post: #45
Title: Re: بعد الغياب
Author: جلالدونا
Date: 09-21-2015, 12:57 PM
Parent: #44
Quote:
الحمدلله السحبها
كرهونا |
اختنا اخلاص فى جلباب اخينا ابن اخيها
|
Post: #46
Title: Re: بعد الغياب
Author: جلالدونا
Date: 09-21-2015, 01:01 PM
Parent: #45
| Quote: اذا لبس الشماغ اضاء نورا ونبراساً اذا خلع الشماغ |
خليت الشنب اللبرال و مسكتا فى الشماغ
يا خاقد يا دولى
اها قلعوا .. ارجو الراجيكم
|
Post: #47
Title: Re: بعد الغياب
Author: جلالدونا
Date: 09-21-2015, 01:06 PM
Parent: #46
| Quote: البركة في قوقل ما حارمنا من شي |
الله لا حرمك من فضلو و خيرو يا معاوية اخوى
شكرا لك و انت تتحف الخيط بالصورة البهية دى
الا بس الصورة التانية ما عاجبانى يااخ
ريحتا هلال هلال
|
Post: #48
Title: Re: بعد الغياب
Author: جلالدونا
Date: 09-21-2015, 01:13 PM
Parent: #47
| Quote: ما ياهو دا الراجل ذى الفل وبيشبه العميرى ! |
بالغتى يا دينا يااااخ
فى الصورة التانية بيشبه تايسون قبل ما يحلق شنبو
و يعضى الزول داك فى اضانو
الغريبة برضو سحبا
اها تقبلى وين يا دينا
|
Post: #49
Title: Re: بعد الغياب
Author: جلالدونا
Date: 09-21-2015, 01:18 PM
Parent: #48
| Quote: يا جماعة الشماخ يعني شنو ؟. |
الشمااااغغغغغغ
بالغاء ما بالخين
لمتين نعّلم فيكم
اسمع خليك فى اللصطبة بتاعتك دى .. ثمح
|
Post: #50
Title: Re: بعد الغياب
Author: جلالدونا
Date: 09-21-2015, 01:33 PM
Parent: #49
| Quote: غايتو يا بكور حاسدنك حسادة |
مش كده يا رأفت
بس طال ما نحنا وراهو عوجة تب ماب تجيهو
|
Post: #51
Title: Re: بعد الغياب
Author: جلالدونا
Date: 09-21-2015, 01:38 PM
Parent: #50
| Quote: طالت غيبتي عن المنبر لزمن طويل. |
يا الف مرحب بى عودتك
و سعيد جدا بتواجدك فى هذا الخيط
و نتمناك تواصل بلا انقطاع
و لو داير نغير ليك العنوان الرئيسى
ما عندنا مانع تب
|
Post: #52
Title: Re: بعد الغياب
Author: جلالدونا
Date: 09-21-2015, 02:29 PM
Parent: #51
Quote: ده شاعر جاهلي من أصول مغربية كان بلعب في توتنهام الإنجليزي
|
هههها
ده شرح وافى لى حالة ود المدير
مداخلتك كلها ما فيها حرفو الشهير ,,, ؤ ,,, عشان كده مابفهما ليك
| Quote: يا تدخلونا الفلم ده يا تقومو تلفو كلكم |
اها العوجة كلها فى تقومو تلفو دى
اخونا طلحة لافى زى بندول الثوانى
كل الحكاية حبة استنارة فى بوست لى اخونا ابا حسينون
كانت استنارة بدون ضورة
شبكوهو ليك
طارك منقور بى غادى و جايى تتفسح بى جاى
مشى هناك و جاهم راجع بى الصورة
خلو كل حاجة و مسكو فى الصورة
ود البشرى
ود المشرف
و المدعو منتصر
فتو الصورة جنس فت
الغريبة حتى الشنب قالو عليهو لبرالى
اها الحتى دى ما وقعت لى سيد البوست و حب يستفسر
لما شرحو ليهو الحكاية ما وقعت ليهو و حسبا حاجة تانية و قال ليهم
.. لا دى الا اجيبا بى ضبانتا...
Quote: منتصر انت جاي في البوست بتاعي عشان تستمني و ل كيف ..؟؟؟
|
اها ربنا رد كيدهم فى نحرهم
و العوّة قامت بيناتن
تستمنى بالسين وللا بالشين
و اخونا طلحة برضو لافى
و بكور سحب الصورة
اها ختفتا طاقيتى وجيت بى جاى
استنكر و ادين
|
|