Post: #1 Title: مسدار الوصيف .. في زمن الخمسة والتنتيف Author: جمال السنوسي Date: 09-13-2015, 09:05 AM
09:05 AM Sep, 13 2015 سودانيز اون لاين جمال السنوسي- مكتبتى فى سودانيزاونلاين
آه يا قدر وريني شن سويت مازيمبي العنيد قالوا جاي البيت الخوف تنبهل وتبقى ووتر قيت وأتعصر عصر لامن أجيب الزيت ....... يا حليل الحمام الكان معاي في الساحة الوفاق والعلمة وبلنتي كاش براحة الخوف يا جماعة وأقول بكل صراحة ما زيمبي العنيد يبقيني عصير تفاحة ... لو الكاش معاي مازيمبي عندو جبال والدفع إن بقى مازيمبي عندو رجال يوم بكرة القريب بتتغير الأحوال ودفاعي العجيب بيكون أكيد غربال ... خلوها التكون مباراة مربع وذكرى وانا عارف فريقي ما عنده فعلا فكرة يا الله الكريم خلينا نمرق سترة ولو كان علي سيكافا النعلنها بكرة
....
جمال السنوسي
Post: #2 Title: Re: مسدار الوصيف .. في زمن الخمسة والتنتيف Author: جمال السنوسي Date: 09-13-2015, 11:10 AM Parent: #1
فوق للفوق
Post: #3 Title: Re: مسدار الوصيف .. في زمن الخمسة والتنتيف Author: abas Date: 09-13-2015, 11:12 AM Parent: #2
هيع هيع هيع
ابشر بالخير
Post: #4 Title: Re: مسدار الوصيف .. في زمن الخمسة والتنتيف Author: طارق حرسي Date: 09-27-2015, 10:02 PM Parent: #3
فوق من اجل فوق
تهئ تهئ تهئ تهئ
Post: #5 Title: Re: مسدار الوصيف .. في زمن الخمسة والتنتيف Author: طارق حرسي Date: 09-27-2015, 10:22 PM Parent: #4
نزل المطر في المعبرة والجو قالو احلولا والخبر الاكيد الهلال في المعبرة اتبلا بتمشوا الجزائر وللا بتهربوا ونقول لا حولا و كان مشيتوا براكم غايتو يحلكم الحلا بله
اها بتمشوا الجزائر وللا نجيب ليكم ابطال مانديلا او ممكن كمان تستعينوا بالعقرب وود جابر بله يمشوا يوصلوكم ويرجعوا ان شاء الله بتريلا
Post: #6 Title: Re: مسدار الوصيف .. في زمن الخمسة والتنتيف Author: الامين موسى البشاري Date: 09-27-2015, 11:48 PM Parent: #5
الخبر الاكيد قالوا الهلال اترشــــه جوه استادو الاتحاد عدّمو القشــه بقينا ما فارزين اندرزينهو من بشـه وجمهورو نام بالحسرة بدون يتعشه
اردم يا حرسي
Post: #7 Title: Re: مسدار الوصيف .. في زمن الخمسة والتنتيف Author: طارق حرسي Date: 09-28-2015, 07:10 AM Parent: #6
فوق من اجل فوق
تهئ تهئ تهئ
Post: #8 Title: Re: مسدار الوصيف .. في زمن الخمسة والتنتيف Author: عبد العزيز محمد عمر Date: 09-28-2015, 07:15 AM Parent: #7
جمال السنوسي دا يا ناس جدة في زول مشى عليهو .. او اتصل عليهو ...
Post: #9 Title: Re: مسدار الوصيف .. في زمن الخمسة والتنتيف Author: علي عبدالوهاب عثمان Date: 09-28-2015, 08:29 AM Parent: #8
Quote: لاخبر الاكيد قالوا الهلال اترشــــه جوه استادو الاتحاد عدّمو القشــه بقينا ما فارزين اندرزينهو من بشـه وجمهورو نام بالحسرة بدون يتعشه
ود البشاري .. مع التحية .. لقد وصفت حالتي يوم أمس والحالة مطابقة علي 100% كنت مدعو يوم أمس للمشاركة بمداخلة في ليلة عن ( نوبة الشمال والجبال ) وذهبت إلى فندق نباريس في جدة بعد المباراة .. رغم أن العشاء بوفيه مفتوح إلا أنني تناولت ( شوية سلطة ) فقط حتى المداخلة الخاصة بي عن نوبة الشمال جاءت دون طموحي ..
ود البشاري .. هل هناك ما يسمى بالخروج النهائي في السودان ؟ عشان البرازيلي الاهبل ده وصاحبه الثاني ؟
التحية لجمال السنوسي .. ومودتي .. الله يهون يوم الخميس الجاي مع ناس قريعتي راحت في مقاهي الهنداوية .. مع حفظ حقوق أخونا الرائع المليك في مصطلح ( قريعتي راحت ) ..
تحياتي للاخ جمال .. اللهم أنصر الهلال في المباراة الثانية .. أتمنى ان يكون النهائي ( هلال مريخ ) يا أخي الشيء الوحيد الذي سوف يجمل وجه الوطن .. وسط هذا القبح ..
مودتي بلا حدود ..
Post: #10 Title: Re: مسدار الوصيف .. في زمن الخمسة والتنتيف Author: محمد المرتضى حامد Date: 09-28-2015, 08:56 AM Parent: #9
والله والله يا جمال السنوسي كنا نتمنى فوز الهلال لكن.. عموما ، بسبب أن النت أصبح ذاكرة حاضرة وثمة أعضاء مريخاب لهم ذاكرة أقوى من النت زاتو ، نقولها لك صراحة وننصحك ، ما تتلوم في المريخاب فالأيام دول.
التوقيع: مريخابي بالميلاد.
.
Post: #15 Title: Re: مسدار الوصيف .. في زمن الخمسة والتنتيف Author: الامين موسى البشاري Date: 09-29-2015, 00:16 AM Parent: #9
آآ ناس ابو الهل دي ديمه عوايدو من دور الاربعة تاني ما بتشاهدو والوجع والصفر الكبير ديمه مقالدو اظن السبب الكوكي ولا مساعدو؟
ههههههههههههه@علي عبد الوهاب عثمان
بالجد حالة (سعبه) شديد
Quote: ود البشاري .. مع التحية .. لقد وصفت حالتي يوم أمس والحالة مطابقة علي 100%
عارف لو ركزتوا في (ورقكم) فريقكم كان احسن بعد مباراتنا مع مازيمبي صاحبي هلالابي قعد يتريق علينا ولما سألته عن مباراة الهلال واتحاد العاصمة قال لي: دي مضمونة في الجيب وحنفوز 4-1
تصدق لغاية هسي ما لامي فيهو
مسعولين من الخير : سيد (البوكس) البوست وين؟
Post: #11 Title: Re: مسدار الوصيف .. في زمن الخمسة والتنتيف Author: Elmosley Date: 09-28-2015, 11:22 PM Parent: #1
جمال
بعد الاتحاد بالله قول ماذنبي مريخ بكري داك قادر علي مازمبي خفف من دموع ياسيدي واقعد جمبي مالك ليل نهار ياسيدي يوت تحلمبي
مع تمنياتي لهلال السودان بالانتصار في الجزائر والمريخ يكمل جميله في الكنغو وليكن بعده الكأس سوداني
Post: #12 Title: Re: مسدار الوصيف .. في زمن الخمسة والتنتيف Author: محمد حيدر المشرف Date: 09-28-2015, 11:29 PM Parent: #1
Post: #13 Title: Re: مسدار الوصيف .. في زمن الخمسة والتنتيف Author: يحي قباني Date: 09-28-2015, 11:32 PM Parent: #12
Post: #14 Title: Re: مسدار الوصيف .. في زمن الخمسة والتنتيف Author: عبدالعزيز الفاضلابى Date: 09-28-2015, 11:48 PM Parent: #13
السنوسى قوم لف عامل جلابيتك الزى قفطان البابا دى اصبر لى نامن اجيك صاد ,, وكل سنة وانت طيب
Post: #16 Title: Re: مسدار الوصيف .. في زمن الخمسة والتنتيف Author: علي عبدالوهاب عثمان Date: 09-29-2015, 08:06 AM Parent: #14
Quote: مع تمنياتي لهلال السودان بالانتصار في الجزائر والمريخ يكمل جميله في الكنغو وليكن بعده الكأس سوداني
قريبي الفنان المبدع .. هو ده الكلام ..
في شركتنا المصريين في صمت عميق بعد خسارة الزمالك 5/1 لكن لو النهائي بقى سوداني .. يومها سأمشي الخيلاء مثل الكفيل في الشركة .. في إنتظار الهلال ..
مودتي أخي جمال ..
Post: #17 Title: Re: مسدار الوصيف .. في زمن الخمسة والتنتيف Author: مني عمسيب Date: 09-29-2015, 10:43 AM Parent: #16
التحية الخاصة للشبابنا الرياضي .. واختص ود السنوسي .
وكل عام وفرقنا وسودانا بالف خير ..
علا زعلالالالالالالالالانة منكم يا شباب .. والشئ المؤسف اول مرة اشوف لي شباب رياضي من غير روح رياضية .. ولا وطنية !!! !!!! حقيقة ازعجتوني جدآ !
مسدار : تشجيع جميع فرقنا من وطنيتنا .
ماني الشاطـرة ماني متابعــة ليك الكـورة ياسنوسي انقـــرع انا بالفــرق مبهـــــــــووورة يوم يغلب فريقنا ودي الديمة ليو بنــدوره لابنفرز فريق وكل الفرق مشكووووووورة
وين روح الرياضة الكاسية لينا وزيااااااادة وليه الامنيات فرقنا خاااااااسرة وعائـــــدة ؟ لو كان الحسد فوق النفس دي الســــــائدة معذرة يا وطن شبابـنـــــا مااافيو فايــــــــــدة !
وشوشة : لما اكون متابعة كأس العالم وتكون هولندا لاعبة مع فريق اوربي او اي من الدول الامريكية بقيف مع هولندا . لكن لو كانت هولندا مع فريق افريقي برفع علم الدولة الافريقية في البلكونة لانه سكان الحي معظمهم هولندين بكونوا خاتين العلم الهولندي . عشان اوري الاوربيين نحن في بلدهم ولكن الولاء لايتغير . ولكم كل الشكر يا شباب وابقوا عشرة علي سودانكم
خليك سوداني خليك وطني .
**************** وابدآ ماهنت يا سوداننا يومآ علينــــــــــــــــــــــــــــــا
Post: #18 Title: Re: مسدار الوصيف .. في زمن الخمسة والتنتيف Author: عبد العزيز محمد عمر Date: 09-29-2015, 11:03 AM Parent: #17
تحياتي بت عمسيب وكل عام وانتي طيبة
لا دخل للوطنية بالكورة... ولكن عندما تلتقين ب ( جمال السنوسي أو خليل ) في ملف ضيق فلا بد من إكرامهم وحسن وفادتهم ...
Post: #19 Title: Re: مسدار الوصيف .. في زمن الخمسة والتنتيف Author: مني عمسيب Date: 09-29-2015, 11:14 AM Parent: #18
Quote: ولكن عندما تلتقين ب ( جمال السنوسي أو خليل ) في ملف ضيق فلا بد من إكرامهم وحسن وفادتهم ...
مشكور علي الوصاية بما انه ما في حوجة ليها وكل الكلام انا كتبته مجرد مزاح مع الشباب والمسدار المكتوب مني مجرد مزاح ولكن لايخلو عن موقفي تجاه الالتزام بتشجيع فرقنا لما نكون مع فرق خارجية لو انت شايف دا ما عندو علاقة بالوطنية يازول بجازك .. دا رائي انا . ومشكور .
Post: #20 Title: Re: مسدار الوصيف .. في زمن الخمسة والتنتيف Author: عبد العزيز محمد عمر Date: 09-29-2015, 11:23 AM Parent: #19
الموضوع أبسط من كدا بكتيييير ... يا منى
تحياتي
Post: #21 Title: Re: مسدار الوصيف .. في زمن الخمسة والتنتيف Author: طارق حرسي Date: 09-29-2015, 02:28 PM Parent: #20
ود السنوسي اتمنيت لينا الخسارة من مازمبي وبعد المباراة كبيت الزوغة وبقي ليك بمبي تعال عادي وقول ده حال الكورة وانا ايه ذنبي في جدة قالو مافي خوفي تكون مرقتها في كانون ياوندي
Post: #22 Title: Re: مسدار الوصيف .. في زمن الخمسة والتنتيف Author: الامين موسى البشاري Date: 09-29-2015, 04:57 PM Parent: #21
ود السنوسي دا شوفو ليهو دباره شرد خلا البوست، كمان الحاااره عفيناك دام بقيت للجلفوط شكّاره تعال الله لا كسبم ناس سوسطااره
هييييييييييع كع كرع
حدنا الكاس ... والله صحي
Post: #23 Title: Re: مسدار الوصيف .. في زمن الخمسة والتنتيف Author: عبدالعزيز الفاضلابى Date: 09-29-2015, 07:39 PM Parent: #22
هسع يا السنوسى كان ما شلاقة منك ساى ده وكت تكتب فيهو بوست زى ده ,, خليك حريف زى صبرى طه ده بوستاتو خاتفتْ لونين
Post: #24 Title: Re: مسدار الوصيف .. في زمن الخمسة والتنتيف Author: طارق حرسي Date: 09-29-2015, 08:03 PM Parent: #23
Quote: ود السنوسي دا شوفو ليهو دباره شرد خلا البوست، كمان الحاااره عفيناك دام بقيت للجلفوط شكّاره تعال الله لا كسبم ناس سوسطااره
ـــــــــــــــــــــــــــــــــــ
قولينا انت يا ود البشاري ما هي الدبارة لينا يومين لافين من الشمال للجنوب بالسيارة الزول ده فتشناهو في جدة كلها حارة حارة ما خلينا مكان و باقي لينا بس نبلغ عنو ناس الطارة والحل الاخير نمشي المطار نراجع منفستو الطيارة
Post: #25 Title: Re: مسدار الوصيف .. في زمن الخمسة والتنتيف Author: الامين موسى البشاري Date: 09-30-2015, 12:37 PM Parent: #24
الفاضلابي اخوي
زولك جانا مدردق ووقع في شر اعماله
Quote: هسع يا السنوسى كان ما شلاقة منك ساى ده وكت تكتب فيهو بوست زى ده ,,
جمال السنوسي الشلاقة ما بتغبــــاهو قالوا الفيك بدر بيهو العليك اتناساهو السنوسي فتح البوست وشرد خلاهو درب الزعيم آ زول اخير تختــــاهو كاساتو جويه مين في البلد دي سواهو مريخنا العظيم الفرق جت تخشاهو الجانا كلو انضرب وكوعو لحسناهو كديابا رجع والفضيحة ماشه وراهو وكلابا رجع محزون خشمو ما فكاهو اخد المعلوم ولسه هنـاك راجـــياهو والمارد الاحمر مازيمبي ما بخشاهو
هيييييييع كع كرع
Post: #26 Title: Re: مسدار الوصيف .. في زمن الخمسة والتنتيف Author: الامين موسى البشاري Date: 09-30-2015, 12:44 PM Parent: #24
Quote:
قولينا انت يا ود البشاري ما هي الدبارة لينا يومين لافين من الشمال للجنوب بالسيارة الزول ده فتشناهو في جدة كلها حارة حارة ما خلينا مكان و باقي لينا بس نبلغ عنو ناس الطارة والحل الاخير نمشي المطار نراجع منفستو الطيارة
يا حرسي الحالة دي ما ليها دباره وصاحبك ما اظن تلقاهو بالسياره يمكن يكون لابد او سافر السوسطاره ماف حل الا يشوف ليهو سفــــارة
حالة (سعبه)
Post: #27 Title: Re: مسدار الوصيف .. في زمن الخمسة والتنتيف Author: ABUHUSSEIN Date: 09-30-2015, 04:39 PM Parent: #26
يا جماعة حرام عليكم ... خلاص خلوهو تاني ما بعمل عملية زي دي ...
:) :) :)
Post: #28 Title: Re: مسدار الوصيف .. في زمن الخمسة والتنتيف Author: طارق حرسي Date: 09-30-2015, 08:24 PM Parent: #27
Quote: جمال السنوسي الشلاقة ما بتغبــــاهو قالوا الفيك بدر بيهو العليك اتناساهو السنوسي فتح البوست وشرد خلاهو درب الزعيم آ زول اخير تختــــاهو كاساتو جويه مين في البلد دي سواهو مريخنا العظيم الفرق جت تخشاهو الجانا كلو انضرب وكوعو لحسناهو كديابا رجع والفضيحة ماشه وراهو وكلابا رجع محزون خشمو ما فكاهو اخد المعلوم ولسه هنـاك راجـــياهو والمارد الاحمر مازيمبي ما بخشاهو
ـــــــــــــــــــــ
كيفن ما بتغباهو نان البيعمل فيهو ده شنو موش من افكارو زولك داير يخوفنا ويرهبنا بفريقا اتغلب منو بالخمسة داخل استادو بالله كلمو قول ليهو نحن مازمبي ما بنخاف منو و ما بنهابو الزعيم جاهز في المفخرة لاي فريق و مكشر انيابو و اسأل الابطال القبلو الترجي ووفاق سطيف وباقي اصحابو اصحابو دي يعني ليهم بطولات موش زيكم فريق باصفارو قلنا ليكم وردينا ليكم فريق مازمبي في الخرطوم اهلا حبابو والزعيم في انتظاروا يطقطقوا زي ما طقطق باقي اخوانو يا زول ها ارجع ساااي دي كوررة وناسك اخدو المعلوم وفاتو
Post: #29 Title: Re: مسدار الوصيف .. في زمن الخمسة والتنتيف Author: Elmosley Date: 09-30-2015, 08:56 PM Parent: #28
Post: #30 Title: Re: مسدار الوصيف .. في زمن الخمسة والتنتيف Author: Elmosley Date: 09-30-2015, 10:20 PM Parent: #1
Post: #31 Title: Re: مسدار الوصيف .. في زمن الخمسة والتنتيف Author: الامين موسى البشاري Date: 09-30-2015, 10:58 PM Parent: #30
يا بت عمسيب
والله عايز ارد عليك .. لكن المثاليات دا ما محلها
خلي جمال السنوسي ابو لسان طويل دا يتزعمط كويس
Post: #32 Title: Re: مسدار الوصيف .. في زمن الخمسة والتنتيف Author: الامين موسى البشاري Date: 10-01-2015, 11:58 AM Parent: #31
الزول دا لسه ما جاء؟
Post: #33 Title: Re: مسدار الوصيف .. في زمن الخمسة والتنتيف Author: طارق حرسي Date: 10-01-2015, 12:19 PM Parent: #32
Quote: الزول دا لسه ما جاء؟
والله لسه ما جاء
Post: #35 Title: Re: مسدار الوصيف .. في زمن الخمسة والتنتيف Author: صلاح أبودية Date: 10-01-2015, 12:44 PM Parent: #33
مشكلة البورد ده .. مافيهو آخر ظهور ....!!!! هههههه لكن الحمد لله بنقدر نرجع لي ورا ... ونبرما ...!!! هههههههههههههههه
Post: #34 Title: Re: مسدار الوصيف .. في زمن الخمسة والتنتيف Author: حسن فؤاد Date: 10-01-2015, 12:41 PM Parent: #32
يا حسن زولك عمايلو ما بتدسه قدّم الشينة وبقت ليهو دقســــــه والرهط لابسو زي جلابيتو هسه كيفن بعد دا كلو تقول لي انســـا؟
Post: #37 Title: Re: مسدار الوصيف .. في زمن الخمسة والتنتيف Author: طارق حرسي Date: 10-02-2015, 02:25 PM Parent: #36
Quote: يا حسن زولك عمايلو ما بتدسه قدّم الشينة وبقت ليهو دقســــــه والرهط لابسو زي جلابيتو هسه كيفن بعد دا كلو تقول لي انســـا؟
ـــــــــــــــــــــــ
انت يا ود البشاري مالك لايوق كده و كلو كلو ما بتنسا جمال السنوسي زاغ من بدري وما معروف وين إدسه من ديك وعييييييييييك زولك ادانا عجاج كرعينو و لي هسه مريخنا عظيم بيضرب الكبار وفي الخرطوم ما بيعرف الفنسه زولك شرد و البوست ده ما يبقي ليهو درس يبقي ليهو حصه
