نكتة بمناسبة سيمي فاينل الأبطال...

04:43 AM Sep, 13 2015
سودانيز اون لاين
محمد البشرى الخضر-العين-الإمارات
مكتبتى فى سودانيزاونلاين



جاتنا بعد نهاية كور أمس و معرفة جدول السيمي فاينل حيث الوصيف ح يلاقي مازمبي الكونغولي

(قال ليك بعد مازممبي جاب القون الرابع في المغرب التطواني, الوصيفاب بقوا يشجعوا في الهلال عشان يجيب التاني في سموحة)

__________________

أي زول ما متابع الكور و بطولة السنة دي ما ح تقع ليه, فا شنو.. يجلّيها وخلاص :)

يا خ والله تقليل كوتة جادات قاطع راسنا
خرمنا ليه يا بكري

اما بعد هدف سموحة وبين الشوطين يا ود البشرى الم تر المشاورات التي جرت بين الكاردينال وادارة سموحة؟

ود البشرى سلام

شقيقي الاصغر صفيرابي معاي في البيت بنحضر في المباراة بعد قون سموحة\
قام ونطط قمنا قلبنا القناة علي مباراة مازيمبي لقيناها 3 وأول ما الهلال جاب قوون
التعادل أصبح كل ما الهلال يضيع هجمة يقعد يطنطن براهو قلتا ليهو طنطن لي بكرة
ماعاوزين نفوزعاوزين نرسل ليك مازيمبي دا يلحقكم أمات طه عشان نرتح من عااك عوووك دي

/" border="0

وين النكتة هنا ؟؟
والله الهلالاب ديل حاجة عجيبة تحيرك في دقنوسك ..
كدا خلاص ضمنو المريخ طاير بالتلاتة والأربعة وهم متأهلين
لمجرد انو الأول ح يلاقي مازمبي الكنغولي والثاني ح يلاقي الجزائري ..
لا وكمان قاموا يتظارفوا بى نكت أمسخ من ترمس ني .
أها بتودوا وشوشكم وين لو الهلال كانت فضيحة طيرانو أكبر من
فضيحة طيران المريخ ..؟
اللهم خفف علينا وقع سماجتهم .

Quote: وين النكتة هنا ؟؟

النكتة في بطن الشاعر ... خخخخخ
ما ابيخ من النكتة الباايخة إلا قصة شرحهاا كمان
فوق كتبت قلت الما بفهمها يقول جلا وخلاص :)

Quote: اما بعد هدف سموحة وبين الشوطين يا ود البشرى الم تر المشاورات التي جرت بين الكاردينال وادارة سموحة؟

ما شفتها يا ود الشيخ, كنّا مشغولين بالدعاء و التضرع لله أن نحقق التعادل
ود اشيخ انت اكبر من حركات ولدنة الوصيفاب دي, ناس قالوا عمر عثمان بصق على الحكم
حاجة ما شفتها ولا بتقدر تثبتها ما تدودر روحك وراها ساي, ناس قلوا وسمعنا و الشكوى مضمونة ديل مهيئين رقبتهم بتمشي فوقهم مخدرات المرشدعادي

يا ود الباهي مبروك التاهل وعقبال نبارك الفاينال و الكاس كمان
اظنك لخبطت في اللقب, الجماعة ديل هم الوصيفاب وقد كان اللقب (طيشاب) اثر احتلالهم مركز الطيش مجموعتهم في اول مشاركة في دور المجموعات لكن السنة اتخلصوا منه عقبال نتتخلص احنا من صفيراب كمان:)

ود الباهي
سلام

الصفيراب هم الهلال ، لان رصيدهم في البطولات الخارجيه صفر
الوصيفاب هم المريخ ، لانهم دائما يعشقوا الوصافه لم يتوجوا في حياتهم بلقب ملكه جمال ، شغلهم كله وصافه .

لزم التوضيح ، يا قريبي

Quote: الوصيفاب هم المريخ ، لانهم دائما يعشقوا الوصافه لم يتوجوا في حياتهم بلقب ملكه جمال

يا خليفتنا في سنة 89 المريخ كان وصيف لي منو؟

وصيف وصفرابي وجهين لشلن واحد

[]l]

ألسلام عليكم ودالبشرى..ألف مبروك التأهل....والله نكته قوية.....واللهم حقق الفى مرادنا ....تحياتى

نكتة بايخة ودمها تقيل 😤

لكن بيني وبينك يا بشري الرجفيبة حاصلة ومازمبي بخوف .كنا نتمنى نلاقيكم انتو يا صفراب عشان نضمن النهاءي.
ازيك يا اخي.