البحث عن الصديق الشرعي

04:27 AM Sep, 13 2015
سودانيز اون لاين
أبوبكر عباس-الإمارات
مكتبتى فى سودانيزاونلاين



- بوست استنارة.

- الصديق: البوي فريند أو الغيل فريند حسب لغة الخواجات الناقشين

- "لو ما فاطر أوعة تخاطر" مثل صعودي

- الزعل مرفوض وكبابي اليانسون متوفرة وأنيقة.

في أم در اليوم لو عمرك وصل تلانين سنة والأفق مسدود، وقاعد تمارس الجنس بالدس خارج التصاريح الإجتماعية، ح تجيك حالة نفسية!
ولو صائم كلو كلو برضو النفسنة محمداك!
فأين البحر؟!

ح يجي واحد عاضي جلابيتو ويقول لي: "يا معشر الشباب من استطاع منكم الباءة فليتزوج ومن لم يستطع فعليه بالصوم"
دا بديهو كباية يانسون وبخلي يشيل نفسو وبقول ليهو:
يا مولانا الذي جانا، الكلام دا قالوهو لزول عمرو تمنطاشر يصبر ليهو سنة بالصوم لحدي ما تفرج بعد سنة، وفي عمر الزهور يكون إتلمّا.
لكن صيام الدهر دا ما شفنا!!

واشمعني أم در ولا اسيبها مدني واجي اسكن حداكا

أم در: رمز لمدن السودان العشوائية

مرّة كان في بوست هنا عن ولادة طفل بإحدى داخليات البنات مجهول الأم.
رسلت نداء صوري للبنت أن لا تتخلى عن المولود، وأنو أنا مستعد أديهو اسمي وأساعدها، بس لا تتخلى عن المولود وأن تواجه المجتمع

النداء الصوري دا كيف

Quote: النداء الصوري دا كيف

شكلو المستنير الاستنارة قامت بيهو

ههههههه جلاادونا دي استنارة ولا عبار مريسة.
------------
انا غايتو في حتة الصوم الفيها وجاء دي تب ما ظابطة معاي .الا كان صوما تاني .
------
ابو بكر عباس زيد دوز الاستنارة ومنكم نستفيد

Quote: ابو بكر عباس زيد دوز الاستنارة ومنكم نستفيد

ما عندي مشكلة أزيد الجرعة، لكن يا عليوة أخوي، المنتدى دا ناسو (اليمين واليسار) كوامر قديمة وعندهم السكري والضغط والألب
وخائف الجرعة الزائدة ترمي ليها واحد منهم.
خلينا نسارقم مسارقة باليانسون والشاي السادة
في نهاية البوست عندي حل استناري دستوري لهذا النداء الهورموني الفسيولوجي الإنساني الجميل

سلامات يا بكري

موضوعك دا قوي شديد لكن عدل العنوان او اضيف كلمة بوي فريند عشان

الاعمى يجيك شايل المكسر وعشان المكسرين التانين الما لاقين فرصة

Quote: انا غايتو في حتة الصوم الفيها وجاء دي تب ما ظابطة معاي .الا كان صوما تاني .

اخونا علي سلامات

الحتة دي زي ما سمعت انو فيها خلاف في معنى كلمة وجاء .. بعضهم قال انها لجام والبعض الاخر يقول انها (دار) من يدر الشيئ او يجلبه

وأيضا هناك خلاف في معنى كلمة باءة بعضهم قال هي المقدرة المالية والبعض الاخر قال انها المقدرة الجنسية

وعندما نسقط هذه المعاني على الكلمات نجد ان المفهومين (للحديث ) مختلفين تماماً عن بعضهما


ولكم كل الود

سلامات يا أبوبكر

Quote: في أم در اليوم لو عمرك وصل تلانين سنة والأفق مسدود، وقاعد تمارس الجنس بالدس خارج التصاريح الإجتماعية، ح تجيك حالة نفسية! ولو صائم كلو كلو برضو النفسنة محمداك!

غايتو الشي البعرفو.. أي زول برتكب معصية، بيكون عند مفهوم
سلبي نحو نفسه، وعقدة لا تزول إلا بترك هذه الأمور.

طبعاً.. الكلام ده لأصحاب الفطرة السوية، والقلوب الحية.

أصحاب القلوب الميتة يمتنعون... لأن موت القلب يمنع الشعور بهذه القضية.

قال الإمام البخاري: حدثنا أحمد بن يونس، حدثنا أبو شهاب، عن الأعمش،
عن عمارة بن عمير، عن الحارث بن سويد، حدثنا عبد الله بن مسعود، حديثين:
أحدهما عن النبي صلى الله عليه وسلم، والآخر عن نفسه، قال: «إن المؤمن
يرى ذنوبه كأنه قاعد تحت جبل يخاف أن يقع عليه، وإن الفاجر يرى ذنوبه
كذباب مر على أنفه» فقال به هكذا، قال أبو شهاب: بيده فوق أنفه.

المثل بالنسبة للمؤمن مفهوم..

لكن - أكرم الله القاريء - فيما يخص المنافق، فهو ينظر للمعصية مثل
الذباب الذي نزل على أنفه، ثم طار.

Quote: ح يجي واحد عاضي جلابيتو ويقول لي: "يا معشر الشباب من استطاع منكم الباءة فليتزوج ومن لم يستطع فعليه بالصوم" دا بديهو كباية يانسون وبخلي يشيل نفسو وبقول ليهو: يا مولانا الذي جانا، الكلام دا قالوهو لزول عمرو تمنطاشر يصبر ليهو سنة بالصوم لحدي ما تفرج بعد سنة، وفي عمر الزهور يكون إتلمّا. لكن صيام الدهر دا ما شفنا!!

أنا غايتو ما عاضي جلابيتي.. لكين خليني أقول ليك

هو السجمان ده.. طالما تعدى الــ 18 ووصل الأربعينات وصبر.. معناها تجاوز القنطرة

يعني حصل ليهو خفوت في في النزوة.. وعلى ذلك: الحديث الذي يصلح
للزول العمرو 18 سنة، وفي قمة فورانه الجنسي، سيصلح (لمن تناقص فورانه) أيضاً..

Quote: غايتو الشي البعرفو.. أي زول برتكب معصية، بيكون عند مفهوم سلبي نحو نفسه، وعقدة لا تزول إلا بترك هذه الأمور.

مرحب بالعمدة،
تقريبا متفقين وأنا قلت كلامك دا بلغتي أنا، قد نختلف في تعريف المعصية لكن المعنى العام لكلامي المقتبس لا يختلف عن كلامك الفوق.
بقية المداخلة بجيهو خلال ونستي الاستنارية الجاية.
طلب:
خلي أحمدونا يتأخر شوية ويدبل اليانسون، باقي لي ضغطو مرتفع شويّة

يا بكري يا أخي، في مولانات اتنين صحباني بالسعودية وقطر، نفسم بارد، واحد اسمو خالد الصائغ والتاني عصام كيشو، على التوالي، أديهم حساب معانا هنا خلينا نطقطقم مع عماد دا

Quote: موضوعك دا قوي شديد لكن عدل العنوان او اضيف كلمة بوي فريند عشان الاعمى يجيك شايل المكسر وعشان المكسرين التانين الما لاقين فرصة

لا يا هيثم، الشغل شغل مسارقا زي البناؤون الأحرار
هبشة صغيرة وأول ما تطلع سريرك في الحوش وتعاين للقمرا الهبشة دي تتاورك وإتّا مسترخي ونخليك تعاين ليها بجمال زاوية القمر

وبعدين يا هيثم، تحديد الصديق ببوي أو غيل بكون فيهو جندرة

Quote: خلي يتأخر شوية ويدبل اليانسون، باقي لي ضغطو مرتفع شويّة

متابع يا ابوبكر عباس...

شكراً لطرحك مشكلة مستعصية يعاني منها الشباب والعزاب للنقاش كل من زاويته....

منتظرين رؤيتك للحلول ....

من أجل المحافظة على النسيج المجتمعي....

Quote: وبعدين يا هيثم، تحديد الصديق ببوي أو غيل بكون فيهو جندرة

كلامك صاح والله

هي ناقصا .. كفانا ناس عض الجلاليب مقدور عليهم

لكن مثقفاتية الجندرة ديل ما بنقدر عليهم











لكن البوست دا بعد شوية عجاجتو بتقوم


والله يستر من النتايج

سبحان الله المستنير دا تقول عامل عمل لي شيخ عماد واحمدونا رغم هرطقته الباينة كان اللبرلة عندها شيخ طريقة لكان له حيران

Quote: سبحان الله المستنير دا تقول عامل عمل لي شيخ عماد واحمدونا رغم هرطقته الباينة كان اللبرلة عندها شيخ طريقة لكان له حيران

رضاع الكبير ونكاح الجمل للجملة فى قارعة المشهد و الكل يعاين
تبنى و انتا حر على هذا الاساس
ياااااااه
الزول طلع كارثة كونية

يا منتصر --- رغم إختلافنا في التوجه مع أبوبكر عباس --

إلا أنه يتمتع بأدب الحوار ...

وتلك ميزه إيجابية....

يا احمدونا هو من ناحية الأدب مؤدب واهم ميزاته انو صاحب معاوية

الناس كلهم برتاحو لي حكاوي قلة الأدب دي، المهم تقولها بي أدب
-----
يا منتصر انت أصلو الزول ما يقرا مداخلاتك بي عين واحدة، بل ولا عينين، إنما يستصحب كل حواسه للاحتياط كدا

Quote: يا احمدونا هو من ناحية الأدب مؤدب واهم ميزاته انو صاحب معاوية

معاوية منو ؟...

Quote: منتظرين رؤيتك للحلول .... من أجل المحافظة على النسيج المجتمعي....

هههههههههههههههههههههههههه،


انا قريتا، من أجل ابنائي .
بالله يا احمدونا بالراجمات مع الزنديق
صاحب معاوية دا .

معاوية منو ؟...

المثل بقول الكلمة الطيبة معطت شنب الأسد - أو نحوها

لكن بطريقه بكّور دي و الغريق المشي عليه أخشى عليه من الأسد الأمرد :)

سلام يا مستنير، قبل فترة كدة ظهر فيديو فى الواتساب لشباب مراهقين منغمسين فى ممارسة الجنس مع شابة مسكينة من أحدي دول الجوار. الدنيا قامت و قعدت بالشجب و الادانة، لكن انا اخترت لي طريق تاني فى معالجة الموضوع. كتبت بوست عن جذر المشكلة و قدمت مقترحات، لكن عليك امان الله زول قال لي الله يجيرك ساي مافي. الناس دي مما بتتحرك تجاه حل المشاكل لكن فاضيين للعوة بس. هاك المادة حقت البوست المقصود:

بدل الشجب و الادانة أحسن الناس تفكر فى كيفية تلبية حوجات الانسان
شايف موضوع فيديو ممارسة الجنس بين شباب مراهقين و بنت اثار ضجة كبيرة. بعضهم وصف ما حدث على انه اٍغتصاب و بعضهم قال ليس اٍغتصاب. لا استطيع ان أحكم على هذه النقطة لاني لم ارى الفيديو. عموما، اٍغتصاب او غير اٍغتصاب تفرق كتير من حدث الوقع الإجتماعى للحادث و هو ما يحتاج لجهة قانونية حتى تبت فى امره. لذا هذه ليست النقطة مثار البوست. لكن على ضوء ذات الحادثةأود ان أثير نقطة أخرى، حسب تقديري انها ذات أهمية أكبر و الاجدى العناية بها.

الرغبة فى الجنس غريزة فى الانسان، و هى الغريزة الاولى التى ساعدت على اٍستمرارية و بقاء الجنس البشرى على سطح هذه الارض. تبدأ الرغبة الجنسية فى الظهور من عمر باكر من حياة الانسان. فى المتوسط، من النصف الاخير من العقد الثانى من عمر الولد و البنت Teenage. هذا الظهور الاولى لا يخلو من قوة و عنفوان و تصاحبه أيضا تغيرات نفسية و ذهنية أخرى فى نفس عنفوانه و ضراوته. مع هذا و ففى الاوضاع و التقاليد الاجتماعية الحالية لا توجد طريقة مقبولة لتلبية هذا النداء الطبيعى الا بعد فترة طويلة جداً من العمر. كون الانسان يكون فى نزاع مع حوجاته الطبيعة و تحت رحمتها لعدة سنوات من بواكير عمره هذا بالتأكيد ليس الوضع الامثل على الإطلاق. بل فى الحقيقة هو وضع مضر فى أوجه كثيرة من الحياة. لان الانسان يعيش سنوات عديدة بين نار الرغبة و نار التبعات الاجتماعية و النفسية و الدينية المرتبة على محاولة تلبيتها كفاحاً. اٍذن لابد من حل.

أفتكر يمكن ان نتفق كلنا على ان الانسان وجد فى هذا العالم ليعيش سعيد. ليس ليشقى و يتعذب. لا يوجد ما هو اسواء من ان يعيش الانسان نهباً للحاجة. أول درج فى سلم السعادة المنشودة هذه هو ان تلبى اٍحتياجات الانسان الطبيعة. تلبية هذه الاحتياجات يمكن أن تتم وفقاً لضوابط، اي كان مصدر هذه الضوابط، دينية، أخلاقية او اٍجتماعية. لكن مثل هذه الضوابط فى ذاتها يجب أن لا تتعارض مع الطبيعة البشرية او تتعارض مع بعضها البعض حتى لا تصبح مصدر أزمة. الطبيعة ثابثة ولا يمكن تغييرها لكن الضوابط فيها مساحة للمرونة. لو اٍنتقلنا لمستوى أكثر تحديد، فى موضوع الحوجة الجنسية للانسان، نجد ان العائق الاساسي هو عائق اٍجتماعى تمثله بجدراة الصورة النمطية لطريقة الزواج فى السودان او فى معظم البلدان العربية، لكن دعنا نقتصر على السودان فى هذه اللحظة. هذه الطريقة مورثة من الماضي و البنية الحياتية التى افرزتها تجاوزها الزمن الى شروط حياتية جديدة.

بحسب تقاليد و طريقة الزواج السوداني التى نعرفها كلنا من الواضح انه لا يمكن للانسان ان يتزوج ما لم يصل الى مرحلة اٍستقرار اٍقتصادى. لكن الطبيعة لا تعرف الانتظار! و الاستقرار الاقتصادى للفرد الواحد هو دالة فى مليون معامل اٍقتصادى و سياسي و حياتى آخر. لا أحد يستطيع أن يعرف متى سوف يحدث هذا الاستقرار. من ناحية أخرى فالزواج من الناحية الدينية ليس لديه أى علاقة بالزوائد الاجتماعية الكثيفة التى صنعها الناس من حوله. اذن القضية واضحة. الحل العقلانى لهذا الموضوع لمثل هذه الازمة يمثل فى قتل التفاصيل الكتيرة التى تعيق الناس من الزواج. او بالاحرى نحتاج الى ثورة فى طريقة و العمر الذى يبدأ عنده الزواج. بل نحن نحتاج ان نستشعر حوجات أبناءنا و بناتنا بطريقة أفضل بدل ان ننكرها عليهم.

كيف السبيل الى كل هذا؟ كيف السبيل الى حل يقر بحوجات الشباب الجنسية و العاطفية المبكرة و يسعى الى تلبيتها فى اٍطار دينى و اخلاقى و اٍجتماعى مقبول؟ الحل فى ما أرى هو عملية متكاملة يتداخل فيها دور الاسرة، الدولة، المدرسة و الاعلام الخ. فيما يخص الدولة يجب ان تسن قوانيين تسمح بالزواج للجنسين من عمر 16 عام (للزوجين مثلاً حتى لا يستغل من الكبار). على صعيد أخر ينزل مقرر تثقف و توعية حياتية فى مقررات المرحلة الثانوية غرضه تقديم جرعة تثقفية للشباب من الجنسين بمواضيع الزواج، العلاقات العاطفية من منظور نفسى، منع الحمل الخ. دور الاسر يتأتى من زاوية اننا نسمح بتزويج الشباب فى هذه العمر فى اٍحتفال اسرى صغير مثلا و دون بهارج كثيرة. دور المدرسة و الاسرة و الاعلام يعمل على تقديم جرعات توعوية تفهم هؤلاء المتزوجين الصغار بانهم ما مفروض ينجبوا اطفال لانهم غير مستقلين اٍقتصادياً فى هذه المرحلة من العمر. تفاصيل اخرى كثيرة سوف تظهر هنا و هناك لكن الحياة كفيلة بوضع مثل هذه التجربة فى الطريق الصحيح.

الخلاصة حقت كلامي انو الناس يغيروا العادة و التقاليد، بدل ملاوة الطبيعة. التقاليد و الاعراف من صناع الانسان، لكن الطبيعة مستقلة عنه. الناس تحلج الموضوع بتاع الزواج بالتفاصيل و الجوطة الكتيرة. اي ولد و بت بحبو حقو يكون عندهم فرصة للذهاب لاهلهم و يعمل الاهل على مساعدتهم بانهم يعقدوا ليهم فى احتفال صغيرة كده و تكون الحكاية معروفة و فى النور و قدام الجميع. المجتمع ح يعمل adjust للحكاية دي و ح تعلم العيال الصغار ديل المسؤولية. المسالة دي فيها جانبين كويسات. الاول هو حل مشكلة كبيرة جيد موجودة فى المجتمع و متسببة فى كم كبير جدا من المشكلات. الشئ التاني انو الحل يتم بدون من ان يكون المجتمع تخلي عن الجزء الاصيل من ثقافته و تقاليد و اٍلتزاماته الدينية.

Quote: الخلاصة حقت كلامي انو الناس يغيروا العادة و التقاليد، بدل ملاوة الطبيعة. التقاليد و الاعراف من صناع الانسان، لكن الطبيعة مستقلة عنه. الناس تحلج الموضوع بتاع الزواج بالتفاصيل و الجوطة الكتيرة. اي ولد و بت بحبو حقو يكون عندهم فرصة للذهاب لاهلهم و يعمل الاهل على مساعدتهم بانهم يعقدوا ليهم فى احتفال صغيرة كده و تكون الحكاية معروفة و فى النور و قدام الجميع. المجتمع ح يعمل adjust للحكاية دي و ح تعلم العيال الصغار ديل المسؤولية. المسالة دي فيها جانبين كويسات. الاول هو حل مشكلة كبيرة جيد موجودة فى المجتمع و متسببة فى كم كبير جدا من المشكلات. الشئ التاني انو الحل يتم بدون من ان يكون المجتمع تخلي عن الجزء الاصيل من ثقافته و تقاليد و اٍلتزاماته الدينية.

يا ابوبكر صالح سلامات يا حبيب

كلامك دا يعني تسهيل مهمة الزواج بينما الموضوع غير كدا خالص

يعني مثلاً اذا يسرنا الزواج لي واحد عمرو 18 او 19 سنة انت بتفتكر انو بيقدر على مواجه الحياة في ظل وجود زوجة وأبناء كمان وهو في عمرو

دا مفروض يكون طالب .

كلامك دا حا ينتج منو حاجتين :

كم هائل من المطلقات والمطلقين

او كم هائل من الشباب القطع تعليمو عشان يقدر يشتغل ويوفر اعالة اسرتو



الشي الانا فهمتو انو البوست دا يعني ببحث طريق للشباب من الجنسين عن كيفية

التخلص من الهواجس الجنسية بواسطة الصديق الشرعي .. وللا شنو ؟؟؟

Quote: بالله يا احمدونا بالراجمات مع الزنديق

راجمات لي منو ؟؟؟ اوع يكون بكور ؟؟

ماااااااا اظن يقدرو يرجمو بكور يا معاوية رغم انو دائم الدخول

في المياه الإقليمية والحدود الشرعية من غير استئذان الا انه لا يواجه أي نوع من المسائلات

باين عندو كم جواز وكم جنسية وجنس قوة الفكي بتاعو دا ما لاقتني اقوى من فكي الهلال

Quote: الحل فى ما أرى هو عملية متكاملة يتداخل فيها دور الاسرة، الدولة، المدرسة و الاعلام الخ. فيما يخص الدولة يجب ان تسن قوانيين تسمح بالزواج للجنسين من عمر 16 عام

أخ / أبوبكر صالح --- كلامك سمح في الحته دي ...

بس كلامك دا يتناقض مع ناس سيداو

مش كان تقول بسم الله ؤ تدينا فكرة عن مفهوم البوي فرند وقواعده حسب تطبيقاتو عند أهلو ..
وفرقو من الزواج المدني أو ما يعرف بالبارتنرز عندهم ..
كتابة نوترال كدا قبال تمرق السرير في الحوش وتهابش القمر؟..

البوست اتفتح الساعة 4 الساعة 10 كان فات السبعة ميات !

Quote: البوست اتفتح الساعة 4 الساعة 10 كان فات السبعة ميات !

غايتو انا جابني الدرِب ساكت ...

Quote: غايتو انا جابني الدرِب ساكت ...

هههههههههههههههههههههههه


كلامك دا مالو يشبه الشينة منكورة

Quote: راجمات لي منو ؟؟؟ اوع يكون بكور ؟؟ ماااااااا اظن يقدرو يرجمو بكور يا معاوية رغم انو دائم الدخول في المياه الإقليمية والحدود الشرعية من غير استئذان الا انه لا يواجه أي نوع من المسائلات باين عندو كم جواز وكم جنسية وجنس قوة الفكي بتاعو دا ما لاقتني اقوى من فكي الهلال

انا عارفو عندو عِرِق محبّة، لكن إنت يا ود الغالي صاحبي
تدّق فوق بطنك لآمن قلبك ينقطع نعمنك ما عندك ضهر، وانا
إتفرّج فيك واضحك ضحكة الضبع بتاع كتاب المطالعة الزمان
دآك ...

سلام يا ملك المساحة بين السبعة والميات الواحد يستصحب فيها حواسه وحواس معاوية الوزير يا معاوية المدير وطرادات زمان وبرضوا ما تكفي

Quote: طرادات زمان

دا شنو يا منتصر؟
عندي ود خالتي جراح كبير قال أيام الجامعة كانو لما يقعدو للمذاكرة بختو الطرادة على بعد 20 ـ 30 صفحة ..
منها للمعمل.

سلام يا ملك عشان كده كانو شطار ناس جامعة حميدة اسي كان مشيت بي بواسير يشيلوا ليك الكلية والكبد وكان قامت بيهم الباءة بمشوا داعش

Quote: يعني مثلاً اذا يسرنا الزواج لي واحد عمرو 18 او 19 سنة انت بتفتكر انو بيقدر على مواجه الحياة في ظل وجود زوجة وأبناء كمان وهو في عمرو

يا هيثم لو قريت كلامي كويس بتلقي ان اقترحت حل متكامل. فيهو الجانب التوعوي، عبارة عن كورس او مادة تدخل ضمن المقرارت الدراسية لطلاب الثانوي. كورس فيهو التوعية بالجنس، الامراض المنقولة جنسيا، منع الحمل، التوجيه النفسي عن العلاقات العاطفية الخ. دا دور المدرسة. بجانب دا بيكون فى دور الاسر و الاعلام عن زواج الشباب بحيث تكون الفكرة ارشاد فى اتجاه انهم يمارسون حياتهم و يكون واعيين بالتزاماتهم الاخري. فيها النهاية الناس اذكياء و بعرفوا يدبروا امورهم. المفلس و الداير يمشى الجامعة الخ ما اظنه يورط نفسه باللتزامات اطفال. و حتى لو حدث و انهم انجبوا طفل بيكون الموضوع مفهوم و بالتاكيد الاسرة سوف تتدخل للمساعدة. بدل رمي الاطفال للمايقوما او الكلاب الضالة. الحل تكاملي.


يا أحمدونا انا قلت ١٦ سنة للزوجين. و كتبت بين قوسين عشان ما يجو الكبار يستغلوا الموضوع و يتزوجوا بنات يافعات. من عجائب الدنيا انو اكتر ناس شرهين فى موضوع الزواج و الجنس دا هم الجماعة العاملين فيها شيوخ ديل عمك حسبو نسوان قال متزوج تلاته و كايس الرابعة. تقول ليهو يا زول بتعرس فى النسوان الكتار ديل لشنو يقول ليك عشان نحل مشكلة العنوسة، لكن لو سالت من عمر العروس الاخيرة تلقها ١٦ سنة او نحو ذلك

قبل كده في السعودية جاني واحد عمك داير ليهو اجازة مرضية و هو ما عيان، المهم الكلام جاب الكلام
و قال لي انو ليهو كم يوم ما بينوم عشان بيوصل بتو الكلية الصباح بدري و بمشي يرجعها تاني بعد كم ساعة
المهم قلت ليهو وين السواق و وين البصات. قال انو ما بيقدر يخلي بنتو مع السواق و بالنسبة للبص فهي كانت في
بص بس البنات المعاها كلهم ساكنين بعيد و هي بتكون براها مع السواق لقرابة الساعة.
عمك بعد اخد ليهو نفس : قال لي هسه لو كنا زي الخواجات ديل كان مالو.
قلت ليهو كيف يا عمك؟
قال لي اقصد يعني حكاية البكارة و شرف البنت و شرف العيلة و الحاجات دي..عاملة لينا مشاكل ياخي ههههههه.
الزواج العرفي و المسيار و زواج فريند و زواج المتعة ديل كلهن بدائل مطروحات يا ابوبكر

غايتوا يا ابكر خاتين بنبرنا وقااااعدين عشان تلقى لينا مخارجة للقصة دى

اووو البوست أموهو مثقفين كبار من كل الاتجاهات.
غايتو يا أبوبكر صالح مداخلاتك دي بتضيف لاسكورك حوالي مية ألف نقطة وتكاد تقترب من زون سيف النصر!
شكرا يا أحمدونا على الكلام الطيب في حق المستنير الكبير.

بجيكم بعد الغدا

Quote: يا هيثم لو قريت كلامي كويس بتلقي ان اقترحت حل متكامل. فيهو الجانب التوعوي، عبارة عن كورس او مادة تدخل ضمن المقرارت الدراسية لطلاب الثانوي. كورس فيهو التوعية بالجنس، الامراض المنقولة جنسيا، منع الحمل، التوجيه النفسي عن العلاقات العاطفية الخ. دا دور المدرسة. بجانب دا بيكون فى دور الاسر و الاعلام عن زواج الشباب بحيث تكون الفكرة ارشاد فى اتجاه انهم يمارسون حياتهم و يكون واعيين بالتزاماتهم الاخري. فيها النهاية الناس اذكياء و بعرفوا يدبروا امورهم. المفلس و الداير يمشى الجامعة الخ ما اظنه يورط نفسه باللتزامات اطفال. و حتى لو حدث و انهم انجبوا طفل بيكون الموضوع مفهوم و بالتاكيد الاسرة سوف تتدخل للمساعدة. بدل رمي الاطفال للمايقوما او الكلاب الضالة. الحل تكاملي.

ابوبكر يا صالح سلام مربع ( بالمناسبة عاصم فقيري وين)

انا فاهم كلامك يا ابوبكر لكن مسألة زي دي صعب تنفيذها في ظروف زي العندنا في السودان دي

وعايزة زمن طوييييل لحدي ما الناس تفهم المقصود منها .. دا لو ما افشلها الخجل السوداني الطبيعي

يا بكري ياخ نحنا لحدي الان بنعتبر الكلام في الجنس والعلاقات العاطفية نوع من قلة الادب او قلة ادب وصعلكة عديل كدا كمان

منو العايز يقيف ليك تشرحلو كلام زي دا

مع انو فكرتك جميلة جداً جداً لانها رباط شرعي مع الوعي بحقيقة وضعك وضبط نمط علاقتك وممارسة حياتك عليه




كن بخير يا حبيب

Quote: سبحان الله المستنير دا تقول عامل عمل لي شيخ عماد واحمدونا رغم هرطقته الباينة كان اللبرلة عندها شيخ طريقة لكان له حيران

تعرف يا منتصر

المشكلة أحياناً قد لا تكون في الطرح.. المشكلة قد تكون في طريقة الطرح المبنية على الإزدراء والانتقاص من المحاور

في الغالب.. قد يطرح أبوبكر أموراً نخالفه فيها، لكن في النهاية هناك مساحة للنقاش واحترام الرأي الآخر

المشكلة الكبيرة في (شيالين قفف الفطايس)

يجي داخل من برة، وداير يسخر ويستفز..

النوع ده.. جاي لإشباع نزوات واعتلالات نفسية، لا صلة لها بالنقاش

زي ده.. طوالي، بنتبرع ليهو، ونديهو الفيها النصيب

بعدين يا منتصر.. البورض فيهو كم واحد على شاكلة أبوبكر عباس

هناك مجموعة يناقشون، وعندهم أنفاس طويلة في الحوار

ديل ياهم ناسنا

ولا عزاء للجلافيط

Quote: انا عارفو عندو عِرِق محبّة، لكن إنت يا ود الغالي صاحبي تدّق فوق بطنك لآمن قلبك ينقطع نعمنك ما عندك ضهر، وانا إتفرّج فيك واضحك ضحكة الضبع بتاع كتاب المطالعة الزمان دآك ...

معاوية يا مدير سلامات ياخي

الضرب فوق البطن يا معاوية هين

كعب الضرب التحت الحزام

وجماعة عض الجلاليب ديل ما بعرفو شي غيرو


غايتو يا ود المدير المرة دي عندي إحساس انو تميمة صاحبك بكور

حا تخزلو ويتخبت خبت الجن

الله يستر

Quote: يا بكري ياخ نحنا لحدي الان بنعتبر الكلام في الجنس والعلاقات العاطفية نوع من قلة الادب او قلة ادب وصعلكة عديل كدا كمان منو العايز يقيف ليك تشرحلو كلام زي دا مع انو فكرتك جميلة جداً جداً لانها رباط شرعي مع الوعي بحقيقة وضعك وضبط نمط علاقتك وممارسة حياتك عليه

أخ / هيثم غالي -- تحياتي

ما طرحه الأخ / ابوبكر عباس -- ليس بجديد -- ربما جديد عليك....

تحدث فيه علماء الأمة --- راجع فتوى الشيخ الزنداني في مسالة زواج فرنيد

نفس الفكرة --- بس طعم البامية مختلف....
http://fatwa.islamweb.net/fatwa/index.php؟page=showfatwaandOption=FatwaIdandlang=AandId=36498http://fatwa.islamweb.net/fatwa/index.php؟page=showfatwaandOption=FatwaIdandlang=AandId=36498

غايتو بوست عجيب خلاص

فيهو تكبير لفات، بصورة واضحة شديد

Quote: أخ / هيثم غالي -- تحياتي ما طرحه الأخ / ابوبكر عباس -- ليس بجديد -- ربما جديد عليك.... تحدث فيه علماء الأمة --- راجع فتوى الشيخ الزنداني في مسالة زواج فرنيد نفس الفكرة --- بس طعم البامية مختلف....

الأخ احمدونا حبابك وتحياتي ليك

الفكرة الانا بتكلم عنها في المقتبس أعلاه تبع اخونا ابوبكر صالح

شكلك غمّست في الصحن الغلط دي ما البامية يا حبيب

راجع مداخلة ابوبكر صالح ومداخلتي حا تعرف دا ملاح شنو

يا أبوبكر عباس

شايف البوست أصبح ماشي مع "بُـنَيّات الطريق"

عشان ما ندخل في دهاليز تانية.. ننتظر خلاصة "التفكير خارج الصندوق"..

أشرب (اليانسون) القاعد توزع فيهو.. وتعال ورينا: شنو الحل الإبداعي للمشكلة؟؟

Quote: الفكرة الانا بتكلم عنها في المقتبس أعلاه تبع اخونا ابوبكر صالح شكلك غمّست في الصحن الغلط دي ما البامية يا حبيب راجع مداخلة ابوبكر صالح ومداخلتي حا تعرف دا ملاح شنو

أخ/ هيثم غالي ...

سيد الفكرة والبوست ابوبكر عباس ...

وصاحب المداخلة أبوبكر صالح ...

أها تركت الأصل ومشيت للفرع ...

صحصح بالله

Quote: بجيكم بعد الغدا

عندك نفس تتغدا كمان !؟...

بعدين يا ابوبكر صالح فكرتك دي مناسبة مع الاخوة المتشددين في المسائل دي

لانها ببساطة رباط شرعي مع بعض التحفظات


واحسن من محاولات تبرير زواج المتعة زي ناس (زواج المسيار) وما عارف شنو كدا


بعدين شايف المستنير عجبتو الفكرة الفي مداخلتك دي وحا يعتمد عليها في مسارقتو للموضوع دا



غايتو لو عمل كدا حقو يدفع ليك

تحياتي يا صاحب
وضيوفك
هوي يا ابوبكر عباس
استنارة معاك
تقدمية معاك
لكن حكاية بوي وقيرل فرند اعفينا منها
نحن ونسة الواتس الخاتيا محلها مع البنوت عندنا فيها راي
و
ادخال القيم والسلوك قسرا داخل مجتمع لايشبه حركة التطور العلمي للمجتمع وتأتي نتائجه كارثية . ايا كانت تلك القيم
المجتمع قادر علي خلق قيمه التي تشبهه

Quote: سيد الفكرة والبوست ابوبكر عباس ... وصاحب المداخلة أبوبكر صالح ... أها تركت الأصل ومشيت للفرع ... صحصح بالله

احمدونا سلام واحترام

ابوبكر عباس سيد البوست ما قلنا شي

لكن الفكرة الانا علقت عليها طرحها الأخ ابوبكر صالح كحل للمشكلة

الطرحها ابوبكر عباس

فكت عايز أقول ليك اصحى يا بريش

لكن بس حاسب ما تغمّس في صحن الشطة

Quote: وبعدين يا هيثم، تحديد الصديق ببوي أو غيل بكون فيهو جندرة

يعني لي قدام الشغلانة حتجيب ليها ضكور ؟

عندي سؤال لكن السلفية يمتنعون

في زمن التنزيل ما كانت في مشكلة حوجة جنسية .. الناسة كانت متمتعة بالجنس الحلال خارج مؤسسة الزواج
الرقيق والجواري كانو بحلو المشكلة دي عادي ..
لو ولدك عمل ليه رويشات تهدي ليه جارية وخلاص
ممكن يكون عندك عدد غير محدود من الجواري حسب قروشك وكمان تبيع وتشري ويهدوا ليك وتهدي

مرة قريت إنه من المقاصد الشرعية لإباحة التسري بالجواري في الاسلام حل مشكلة الزواج لغير القادر
السؤال :
هل في مقابل موضوعي للحاجة دي في زمنا الحالي ؟

في بداية التسعينات كنت شغال مع عرب رحل في شرق الجزيرة في فريق اسمو السعدية، اول ملاحظة لاحظتها هي انهم عندهم نظام حياة مكتمل.
أي رجل فيهم قبل يبلغ العشرين بتزوج والبنات كحد أقصى بتزوجن في سن الخمستاشر
أدناه صورة للمستنير (خريج جديد) مع طفل من فريق السعدية في سن السادسة، ومعانا دحش عمرو شهر، أنا والطفل دا تزوجنا في سنة واحدة، والدحش أكيد اولاد أولاد أولاد بكونوا تزوجوا!!

Quote: قال لي اقصد يعني حكاية البكارة و شرف البنت و شرف العيلة و الحاجات دي

طبعا يا أخوانا سيف النصر دا، أنا ما عامل ليهو كاتغري لحالو من فراغ!!
النقطة دي مهمة جدا في ظل إنهيار السيستم الإجتماعي، إذا إصطحبناها مع الكلام القيّم القالو أبوبكر صالح ممكن نصل لحل مرحلي.
إنهيار السيستم الإجتماعي والفقر في المدن لن يصاحبو توقف للنداء البيولوجي

المشكلة انو كل المتنفسات التي ابتدعها النداء الهورموني حاليا في مجتمعات المدن تؤدي إلى مشكلة نفسية للأفراد

الإنقاذ دي صحي أدتنا البشير ونافع، لكنها في نفس الوقت قدمت لينا حاجة عظيمة جدا وهي دستور 2005

Quote: ادخال القيم والسلوك قسرا داخل مجتمع لايشبه حركة التطور العلمي للمجتمع وتأتي نتائجه كارثية . ايا كانت تلك القيم المجتمع قادر علي خلق قيمه التي تشبهه

بالله لامن تصلوا للفقرة الترفيهية ... ألكزوني عشان انداح ليكم شوية في إبداعات المجتمع السوداني لمواجهة الأزمة

(حا نبدا جولتنا السياحية من شارع عبيد ختف)



... المهم ...

Quote: من شارع عبيد ختف

يعني حنسناك وعملنا ليك بوست تفقد، ما جيت؟؟
إلا يجيبك "عبيد ختف"!!

ياخي بوستيك خجلني ... وخجلت انو اشكرك ... وخجلت حتى انو اعتذر عن الغياب ...

أها ... كدا كويس؟

هسي قلت اخش واعمل فيها قاعد من قبيييل

(طبعًا لامن شفت بوست كبر ... حسيت بى إني اتظلمت )






... المهم ...

Quote: بيت الساتة تلتمية متر 15x20 ناصية علي شارعين وفيهو تلاتة دكاكين جهة الخمستاشر متر، في الأول سكنا كلنا مع بعض، أنا ووداعة، حمادة أخوهو وزوجتو رحاب وأختين وداعة وأمو. خمسة نسوان في حتة صغيرة زي دي... تميت ليها الجملة ب: يستحيل يتفقوا ردت لي: شاطر طبعا إتّا في الحاجات دي. واصلت: يوم بعد معركة إسقاطات كبيرة بين رحاب والبنات وأمهم، إقترحت على وداعة خطة للفصل بين القوات وقلت ليهو نقسم البيت لتلاتة شرايح ويكون كل شريحة فيها دكان، أنا ووداعة أخدنا الشريحة الفي النص زي قوات الامم المتحدة. سميت بيتي الجديد في أدبياتي الونسية القطر، والتاني سميتو قطر حمادة، والأخير قطر أم صلعة

أها بعد خمس وعشرين سنة أولاد القطارا بقوا في سن الزواج، وعشرة في المية منهم فقط حسب التفارير الأممية فلتوا من حد الفقر

تستاهل جائزة يا ابوبكر ما دام قلعت لينا المهم ..
البوست نور يا تبارك ..
شفقتنا لامن ظنينا زيارتك ولّ حجتك حجة وداع لسودانيز ..
امشي اغير واجي اقعد ..
استنارة للطيش.

ما تنسى تستصحب معاك الحلول الفردية للمسعلة دي يا بيكو
أهو برضك اسمها مخارجة



شايفك بتتفقد في الفرد من هناك (غالي وكيشو)
هناك ما عندك ضهر بتنجلد ع الماشي
هنا في ناس بتجابد معاك
وتسند قفاك
..........

كيفن يا عمدة ما أكبر اللفّة؟؟
لو أبو سن حمامة سلام المنتدى شايل عكازو!!
الموضوع داير مسارقا شويّة شويّة
سوي صبر

السنة الفاتت سافرت ارتريا عن طريق عدن، الطيارة تأخرت في عدن زمن طويل، جا قعد جنبي ارتري تقريبا في سني، في الونسة دخلنا في الغريق دا، وعرفت انو عندو بنات في العشرينات، حكى لي انو كل الشباب في سنهم مصاحبين
قلت ليهو لكن اتا موش مسلم؟
قال ايوة، بس اتا تعمل فيها ما عارف، اول ما البت تجي راجعة بالليل، تسألها بحسم: اتأخرتي وين؟
تقول ليك مع صاحبتي
تقول ليها بحسم أشد: أوعة تاني تتأخري
وفقعا ضحكة وقال لي: يسووا شنو؟ مساكين

لفّة لتحييد بعض العكاكيز:
طبعا يا أخوانا:
1. كل الجمهوريبن
2. والسلفيين الحقيقيين
3. والصوفية الحقيقيين
ديل ما داخلين معانا في الورطة دي، وديل عندهم تعايش مع الفقر غريب والمنهج بتاعم عندو حلول واضحة، لكنهم ما بفوتوا الواحد في المية من مجتمع المدن المجنونة دي.

طيب إتّا مشكلتك مع منو؟
- مع الكيزان
التسعة وتسعين الباقين، الطلعوا للدنيا دي يوم مدفع المكسيم دكّ قبة سيدي الإمام، وعرفوا درب الدنيا الغربية الجميلة
مشكلتم دايرين يشيلوا معاهم ختم الاسلام مع أي حل لاي مشكلة

( - مع الكيزان
التسعة وتسعين الباقين، الطلعوا للدنيا دي يوم مدفع المكسيم دكّ قبة سيدي الإمام، وعرفوا درب الدنيا الغربية الجميلة
مشكلتم دايرين يشيلوا معاهم ختم الاسلام مع أي حل لاي مشكلة)

غايتو لو قصدك نربط الكلام الفوق مع العنوان ..........
.......................................................
.......................ـــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــ بس.

اليوم يا ابوبكر كنت بسمع في الراديو و زي ما عارف انو الاستماع للNPR في العربية طقس
امريكي يحرص عليه اغلب الmiddle age men and women المهم كانت تيري غروس
مستضيفة صحفي الف كتاب نزل للسوق مؤخرا عن المرحوم انور العولقي المواطن الامريكي
الذي اغتاله اوباما في اليمن عن طريق طائرة بدون طيار "درون". الرجل قال كلاما شغلني بشدة
طوال الكم ساعة التي اعقبت سماعي له.
قال ان العولقي غادر امريكا رغم انه كان مستقر فيها و رغم انه قال انه لن يغادرها حتى في ظل مضايقات
الاجهزة الأمنية الامريكية له، غادر لأنه اكتشف أن الاف بي اي لديه ملف عن زياراته المنتظمة لبائعات الهوى
في واشنطن و اللاتي كان يحصل على خدماتهن عن طريق مؤسسة لخدمات مرافقة الفتيات escort.
الصحفي قال أن العولقي تحدث عن رمضان لاحدى وسائل الاعلام شرح فيه ضمن ما شرح عن امتناع المسلمين
عن الجنس الزوجي خلال فترة الصيام، في حين انه ذهب لممارسة الدعارة في منتصف نهار رمضاني!!
تيري غروس ابدت استغرابها و اشارت إلى أن بعض منفذي هجمات حداشر سبتمبر ايضا زاروا اندية تعري قبل تنفيذ
عمليتهم و تساءلت عن السر في مثل هذا السلوك!
كلامي ده يقرأ ضمن اشارتك لمجموعات تعتقد انت أن افرادها غير معنيين بموضوع البوست.

مداخلتك دي يا سيف لو تشيلها توديها بوست تونسية وجزائرية بتاع قباني، برضو بتنفع

Quote: لفّة لتحييد بعض العكاكيز

يا مستنير ما تحاحي بي برة كتير عليك الله

وتقعد تحيّد في الناس لامن تلقى نفسك برااااك

اصلو البقت بقت .. خش في الموضوع دغري

وكتلوك ولا جوك جوك

مقتطفات من دستور 2005:
"7- (1) تكون المواطنة أساس الحقوق المتساوية والواجبات لكل السودانيين."

"15 (1) الأسرة هي الوحدة الطبيعية والأساسية للمجتمع ولها الحق في حماية القانون، ويجب الاعتراف بحق الرجل والمرأة في الزواج وتأسيس الأسرة وفقاً لقوانين الأحوال الشخصية الخاصة بهما، ولا يتم أي زواج إلاّ بقبول طوعي وكامل من طرفيه"
"(2) تضطلع الدولة بحماية الأمومة ووقاية المرأة من الظلم وتعزيز المساواة بين الجنسين وتأكيد دور المرأة في الأسرة وتمكينها في الحياة العامة"

هذه المواد بها نفاج لاسقاط ولاية الأمر على المرأة بعد وصولها للسن القانونية
ودي أول خطوة لتفعيل المسؤولية الفردية في المجتمع

أبدا ..
النفاج مسدود بى دي:

Quote: وفقاً لقوانين الأحوال الشخصية

الا إذا منح قانون الأحول الشخصية المطبق ولاية البكرة على نفسها عند بلوغها السن القانونية ..
أنا ما أشتغلت في محاكم الأحول الشخصية..
كلامي بنيتو على دراسات زمن الجامعة..
أتا ليه ما تخلى المبحث عام ؟

سلام يا ملك،
لمان الدستور يقول:
"7- (1) تكون المواطنة أساس الحقوق المتساوية والواجبات لكل السودانيين."
بعد داك أي إشارة لقانون تعني وفق القانون الذي لا يتعارض مع المبادي الأساسية للدستور
يعني: " وفقاً لقوانين الأحوال الشخصية"
بالضرورة تعني قوانين لا تتعرض مع الدستور.

أصلا المبحث عام، لكن أنا داير أقول تصور مهجس بي من زمن قد يصلح كبداية حل.

أول حاجة ساعي لإسقاط ولاية الأمر وفقا للدستور، ومن ثمّ إسقاط الإشهار في العقد.

والصديق الشرعي الذي أسعى له هو شرعي وفق القانون.

Quote: تيري غروس ابدت استغرابها و اشارت إلى أن بعض منفذي هجمات حداشر سبتمبر ايضا زاروا اندية تعري قبل تنفيذ عمليتهم و تساءلت عن السر في مثل هذا السلوك!

يا سيف، تيري خليها تستغرب، لكن أنا لا أستغرب؟!
أتيحت لي فرصة احتكاك كبيرة بالثقافة الخليجية والباكستانية
الناس ديل بالرغم من تمسكهم الديني الشديد إلا ان المسألة فيما يخص الجنس عندهم براح كبير بتاع حرية ولا ينظرون له كواحدة من الكبائر,
الجنس الذي يمارسونهم خارج الزواج يمارسونهم وهم مرتاحين نفسيا، ما زينا في الخرطوم الواحد يكون نفسو داير ينقطع!!
الجنس دا يعتبر من الكبائر فقط في السودان.

أحكي ليك قصة يقال عنها حقيقية:
سوداني عندو علاقة مع ليبية وحملت منو، أبو البت كايس السوداني عشان يكتلو، بعد البت ولدت جا لاصحاب السوداني قال ليهم:
قولوا لزولكم دا، أنا ما داير أعمل ليك شيء، لكن بس تعال شيل الثعلب بتاعك دا

كتكبير للفة
ح أرجع أرد على زوار البوست واحد واحد

يا بكّور ترد واحد واحد بتاع الساعة كم؟ الناس دي كلّها فارشة ليها يومين راجين حلولك - المعروفة سلفا بالمناسبة :)

وطبعا التعليقات جاهزة نوع ناس بترضاها لبتك ولأختك وبتاع
وحلت وحلة شينة يا قريبك غايتو

ذو صلة، بعد العثور على المخرج المؤدي إلى:



http://mariekossaifi.blogspot.co.at/2012/06/2_28.htmlhttp://mariekossaifi.blogspot.co.at/2012/06/2_28.html


.................

سلام يا مستنير ، انت كان مفروض تاخد راي الجلابة الحلوين في الموضوع دا قبال ما تفكوا في الهواء الطلق.. ان بقيت شاورتهم اولريدي وحاة سيدك الحسن تعفي لينا.. غايتوا تسهيل و تيسير الزواج من بدري انا شايفه حل ما بطال و غايتوا اولياء الامور يتعصروا و يربوا اولادهم و بناتهم و احفادهم و حفيداتهم .. اي حلول غير كدا مؤقتة و بالضراء ما بتجيب مريسة تامزين..

التحايا للجميع..

Quote: Quote: منتظرين رؤيتك للحلول .... من أجل المحافظة على النسيج المجتمعي....

ود المدير قراها من أجل أبنائي ..
وأنا من شفت إسم أحمدونا قريتها :
( من أجل المحافظة على نسيج البكارة )
خخخخخخ



،،،،،،،

أحمدونا ينسون ما يعمل ليهو حاجة ..جبنة أدوهو .... :)

Quote: مقتطفات من دستور 2005: "7- (1) تكون المواطنة أساس الحقوق المتساوية والواجبات لكل السودانيين." "15 (1) الأسرة هي الوحدة الطبيعية والأساسية للمجتمع ولها الحق في حماية القانون، ويجب الاعتراف بحق الرجل والمرأة في الزواج وتأسيس الأسرة وفقاً لقوانين الأحوال الشخصية الخاصة بهما، ولا يتم أي زواج إلاّ بقبول طوعي وكامل من طرفيه" "(2) تضطلع الدولة بحماية الأمومة ووقاية المرأة من الظلم وتعزيز المساواة بين الجنسين وتأكيد دور المرأة في الأسرة وتمكينها في الحياة العامة"

أخ / أبوبكر عباس -- تحياتي
طالماً أتيت بمنطق قانوني من أجل تجاوز مسألة ولي الأمر للمرأة ...
نفس القانون الذي إتخذته مدخلاً ينص :

Quote: مصادر التشريع: 5ـ (1) تكون الشـريعة الإسلامية والإجماع مصدراً للتشـريعات التي تُسن على المستوي القومي وتُطبق على ولايات شمال السودان.

أها دي تحلا كيف!!!!

ولا تتعب روحك إن كايس مدخل بالدستور ..
الدستور دا يا صاحبي كلو متناقض مع القوانين الخاصة بس مين يقول ..
ما عايز أجرك لنقاش فقهي ؤ حكاية الخاص يقيد العام ..
على خلفية الدستور عام وقانون الاحوال الشخصية خاص ..
أما موضوع الاشهار في العقد ..
ايه رايك علاقة البوي فرند في الغرب برضها مستوفية شرط الاشهار لا مدسوسة لاسرية.

لا لا يا ود البشرى، ما في زول ح يقول بترضاها لبنتك أو بترضاها لأختك، لأنو أنا في دروس الاستنارة الأولى بالمنتدى فهمت الناس هنا انو ما في حاجة شخصية.

يا ملك علاقة البوي والغيل فريند دي علاقة عجيبة وحل سحري من الخواجات المطاميس ديل، نسعى انو نصل ليهو؟؟
بمعنى آخر الوصول ليهو محتاج ليهو لرحلات استنارة قاسية
يعني ما بقدر اقفز ليهو هسع داك حل متقدم خالص واكبر من مستوى ليق ام در!

آمنة مختار، كنت متخيل نلقى منك مشاركة أقوى من كدا.

يا أحمدونا، الدستور بقول الشريعة مصدر من مصادر التشريع وليس مصدر التشريع، يعني مصدر بما لا يتعارض مع المبادي العامة للدستور وأي قانون للاحوال الشخصية يجب ان يتوافق مع هذه المبادي

دا كلامك يا مستنير في بداية البوست

Quote: في نهاية البوست عندي حل استناري دستوري لهذا النداء الهورموني الفسيولوجي الإنساني الجميل

و دي مداخلة لود البشرى

Quote: يا بكّور ترد واحد واحد بتاع الساعة كم؟ الناس دي كلّها فارشة ليها يومين راجين حلولك - المعروفة سلفا بالمناسبة :)

وهنا مداخلة نو قود من الفيسبوك

Quote: No Gd يا أبوبكر عباس نحن ما راجين النجيضة ياخ شحتفته روحنا ،، وكان جليت البوست دا وعملته طريقة لبرلة سجلنى (مفرد) حيران !! علشان نمشى نبرطع "وذنبنا عليك" نحن مضيعين شبابنا وراء العقم الاجتماعى .. لكن استبشرنا بيك خير وقلنا أخيراً حواء المجتمع انجبت ، إتكلم يا أخوى

فااا شنو.. خلّص الموضوع
البت قمر راجياك بهناك

Quote: فااا شنو.. خلّص الموضوع البت قمر راجياك بهناك

فاتح ليهو كم جبهة كده و بتكلم في كم موضوع ...

و الله خايف يجي يقول لينا زي زولك القاعد في الفُراش ... ( اها ... وقفنا وين ؟ )

يا قباني
ابوبكري دا انا بعرفو كويس، جنو يساعد الناس
أهو الحل قالو من البداية وح يلف ويلف ويدستر ويشرع ويرجع ليهو

Quote: مرّة كان في بوست هنا عن ولادة طفل بإحدى داخليات البنات مجهول الأم. رسلت نداء صوري للبنت أن لا تتخلى عن المولود، وأنو أنا مستعد أديهو اسمي وأساعدها، بس لا تتخلى عن المولود وأن تواجه المجتمع

Quote: No Gd

يا معاوية، الزول البكتب من الفيس بوك دا اسمو منو؟
هو ومعاهو الصادق عبد الله من الشخصيات اللطيفة البتكتب من النافذة

قاعد أقرأ اسموزيك:
No God
وبعدين أقول: هو الزول دا ما دام اسمو نو قود، النجيضة كايس ليها مني؟!

غايتو يا بكور لو اتعصرتا شديد

ارجع لي وصفة ابوبكر صالح

بتفاديك الراجمات لكن الرايش محمدك

في انتظار الزبدة و الخلاصة
و الحل السحري الموعود!!

سوري

مداخلة نزلت هنا بالغلط

فوق