08:26 PM Sep, 12 2015 سودانيز اون لاين محمد حيدر المشرف-دولة قطر مكتبتى فى سودانيزاونلاين
مبروك يا رشاشات من حاصف لي قاصف هذا التأهل الصعب ومن فم "الكديس" سموحه ..
اها هل في زول في الدنيا دي - حتى لو كان رشاشة متعصب - ممكن يقول كاريكا مافي موقع تسلل اوضح من شموس الاستواء حين تتعامد على ابي جنزير في رابعة النهار ؟!! صبري والشباب .. قولكم شنو ؟!!
المرجع .. انظر الدقيقة واحد و45 ثانية ..
Post: #2 Title: Re: مبروك للرشاشات .. حمدا لله على السلامة .. يا Author: abas Date: 09-12-2015, 09:12 PM Parent: #1
نبارك زيك للرشاشات كاريكا ىعم فى موضع تسلل لكنه لم يشارك فى اللعب الشعيل الذى سدد الهدف لم يكن فى وضع تسلل عليه فالهدف صحيح يا مشرف المهم الناس من قبل الكورة عارفين النتيجة درون و بس و معاهو عشا
Post: #6 Title: Re: مبروك للرشاشات .. حمدا لله على السلامة .. يا Author: عبدالعظيم عثمان Date: 09-12-2015, 09:34 PM Parent: #3
آخر الأخبار الواردة من الإسكندرية تقول: سيد البلد(الهلال) تعمد دردقة المريخ لمازمبي المنتشي بالخمسة عشان يعرفوا طعم التنافس الافريقي المر مش مجموعة الحمام والتأهل مع اتحاد العاصمة صحبة راكب الآن بدأ المريخ المشوار الافريقي..
Post: #10 Title: Re: مبروك للرشاشات .. حمدا لله على السلامة .. يا Author: عبدالعظيم عثمان Date: 09-12-2015, 09:40 PM Parent: #6
يا البشاري عندما يلعب الهلال في مجموعة فيها فريق رصيده من النقاط (صفر) الهلال بيكون جمع 18 نقطة... معقولة فريق في المجموعات ما يجيب ولا نقطة (مجموعة المريخ دي أضعف مجموعة على مر تاريخ البطولة الأفريقية)
Post: #12 Title: Re: مبروك للرشاشات .. حمدا لله على السلامة .. يا Author: الامين موسى البشاري Date: 09-12-2015, 09:50 PM Parent: #10
عبد العظيم
تحياتي ..
Quote: يا البشاري عندما يلعب الهلال في مجموعة فيها فريق رصيده من النقاط (صفر) الهلال بيكون جمع 18 نقطة... معقولة فريق في المجموعات ما يجيب ولا نقطة (مجموعة المريخ دي أضعف مجموعة على مر تاريخ البطولة الأفريقية)
يلا ورينا همتك مع اتحاد العاصمة ..
Post: #13 Title: Re: مبروك للرشاشات .. حمدا لله على السلامة .. يا Author: عبدالعظيم عثمان Date: 09-12-2015, 09:55 PM Parent: #12
البشاري سلامات البطولة الأفريقية لعبتنا، انتوا لأول مرة في تاريخ المريخ يصل دور الأربعة في بطولة الأندية الأبطال (دي كثيرة منكم) .. انتوا جهزوا الشوالات مازمبي رجع يضرب بالخمسة الله يستر عليكم ما تجيبوا لينا فضيحة بس.. اتحاد العاصمة دا خلي علينا ، وابشر
الصورة تجمع د . محمد صغيرون القنصل العام بالاكسندرية يلتقي برئيس نادي سموحة محمد فرح عامر
الصورة دي ظهرت قبل حضور الهلال للاسكندرية بايام
يمكن زيارة ساي
Post: #14 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-12-2015, 09:57 PM Parent: #1
يا جلالدونا يا صفوة .. لاعب عكس الكرة وصنع الهدف كيييييف ما يكون مشارك ؟!!
يا كده يا الزول العكس الكورؤة للشغيل ده ما كان كاريكا ؟؟!!
Post: #15 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-12-2015, 09:58 PM Parent: #1
والله يا عبدالعظيم اصلك ما بتشبه الرشاشات ديل كالمواطن معاوية والخ ..
Post: #17 Title: Re: مبروك للرشاشات .. حمدا لله على السلامة .. يا Author: عبدالعظيم عثمان Date: 09-12-2015, 10:10 PM Parent: #15
يا دكتور المشرف المريخاب ديل هم أصلا هلالاب زعلانيين بعدين في السودان الشخص يولد على الفطرة الهلالية ويقوموا يلموا فيه ناس مزمل وسلك (يهودانه ويمرخانه)
Post: #21 Title: Re: مبروك للرشاشات .. حمدا لله على السلامة .. يا Author: عبدالعظيم عثمان Date: 09-12-2015, 11:05 PM Parent: #20
تعرف يا حرسي دي حركات مزمل أبو القاسم الخرب بيها الإعلام الرياضي في السودان .. طوالي إعلام المريخ شغال تغبيش وتجهييل المريخ فقد نقاط هلال كادقلي والأمل عطبرة في الميدان لسوء أداء اللاعبين .. قام مزمل أبو القاسم ببيع الوهم لجماهير المريخ بالشكاوي الضاربة التي تستند على القوالات ولا تدعمها المستندات... دا كله عشان يصرف الأنظار عن خيبة أمل الفريق..
نفس الشئ إعلام المريخ الآن يحاول تصوير ان الهلال اشترى المباراة من سموحة (والادله الصور) . شي طبيعي أن تتواصل إدارة الهلال مع إدارة فريق سموحة.. نفس الشئ إدارة الهلال تواصلت مع إدارة المغرب التطواني... يعني بطلوا شغل إعلام المريخ الضلالي
Post: #22 Title: Re: مبروك للرشاشات .. حمدا لله على السلامة .. يا Author: عادل الباهي عبدالرازق Date: 09-13-2015, 05:19 AM Parent: #21
ود المشرف وطارق حرسي تبآ لكم مازيمبي قال حلقنا للمغاربة وحنحلق لوصيف الهلال بقعر قزازة وجمال الوالي يدعو اتحاد سيكافا للاجتماع بعد مباراة مازيمبي لدراسة اقامة دورة سيكافا بشرط فريق عزام ما يشارك
Post: #23 Title: Re: مبروك للرشاشات .. حمدا لله على السلامة .. يا Author: لطفى العمده Date: 09-13-2015, 05:31 AM Parent: #22
انعل ابو القروش زاتوووووووووووووووووووووووووو
Post: #24 Title: Re: مبروك للرشاشات .. حمدا لله على السلامة .. يا Author: جلالدونا Date: 09-13-2015, 05:36 AM Parent: #22
Quote: مازيمبي قال حلقنا للمغاربة وحنحلق لوصيف الهلال بقعر قزازة وجمال الوالي يدعو اتحاد سيكافا للاجتماع بعد مباراة مازيمبي لدراسة اقامة دورة سيكافا بشرط فريق عزام ما يشارك
شوف يا بتاع الغجر انتا ده شعرن ما عندك ليهو رقبة و قيل و لا راس حتى المريخ شايل الكاس يعنى شايل الكاس بس حيكون مسيخ لو ما لاقيناكم نسال الله ان تتأهلوا على حساب الاتحاد عشان تلقو العقرب قانصالكم فى الدرب قال مازيمبى قال ما لاقيناكم فى السمى منانا نلاقيكم فى الفاينال و ياريت ياريت ياريت كفاك وللا نزيدك
Post: #25 Title: Re: مبروك للرشاشات .. حمدا لله على السلامة .. يا Author: خالد عبد الله محمود Date: 09-13-2015, 06:33 AM Parent: #24
و الله يا ود المشرف أتضح لي أنكـ زول قاعد ساي ياخ قدر ما حاولت أفتش تسللكـ المزعوم ده ما لقيتو !! و لو كنت قاصد اللقطة دي تكون بالغت و شذيت .. يعرفوكـ وصيفابي كيف !!
http://www.up-00.com/"http://www.up-00.com/"
Post: #26 Title: Re: مبروك للرشاشات .. حمدا لله على السلامة .. يا Author: حامد بدري Date: 09-13-2015, 06:38 AM Parent: #24
صباح الخير يامشرف بقرة عبد السيد كايسة التصنيف واهو لقتو تزعة نقاط من ستة مباريات هسة التزعة دي الفرع انتساب بدخلوم علا يقرو بالقروش والقروش ظاتو من وين من السبعمية وخمسين ادو سموحة 200 الف دورار باقي ليهم حق الميز بس ودفاعوم ده كن نمَّت ليو روضة الحاج ونضال ماحيشد حيلو اها مباراة الرد للجزاير بتمشو ول بتزوغو متعودة دايممممممممممممممممممممممن
Post: #27 Title: Re: مبروك للرشاشات .. حمدا لله على السلامة .. يا Author: الصادق عز الدين Date: 09-13-2015, 07:24 AM Parent: #26
دور الأربعة وضع طبيعي للهلال في هذه البطولة القارية لكن الوصيفاب أول مرة يصلو المرحلة دي والسبب مجموعة الحمام نصه قادر يطير والنص الثاني مكسر نتمنى أن نلتقي بالوصيفاب في النهائي لنحتفل بالبطوة من عقر دارهم لأنهم معبرة تاريخية للهلال من قبل في دوري المجموعات تذيل الوصيفاب المجموعة كما هو الحال سموحة
Post: #28 Title: Re: مبروك للرشاشات .. حمدا لله على السلامة .. يا Author: نصر الدين ابو القاسم Date: 09-13-2015, 07:52 AM Parent: #1
سلام العزيز المشرف بصراحه انا من اكثر المعجبين بماتكتبه فى هذا الموقع ولكن لم يحالفك التوفيق فى هذا البوست لانك من طينه الكبار مع كامل احترامى
Post: #29 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-13-2015, 12:10 PM Parent: #1
سلامات يا شباب .. واحد واحد مع الكثير من الود والتقدير ..
هناك إعلام رياضي ينتمي لمؤسسة الصحافة السودانية ويشكل في حد ذاته مؤسسة قائمة بذاتها .. هذا الاعلام في اعتقادي اعلام سالب ومضر .. الا أنه ليس بعيدا عن المجتمغ الرياضي ممثلا في قطبيه الهلال والمريخ ,, وغير بعيد عن كل مظاهر الانحطاط العام في السودان . لم يأتي من الفراغ .. هذه من تلك كما يقولون .
في هذا المنبر لا ننتمي او ننصف ضمن تلك المنظومات .. بالنسبة لي هو امتداد طبيعي لما كنا نمارسه من الاختلاف اللطيف والاليف جدا عبر حياتنا كفرقاء رياضيين .. هلالاب ومريخاب .. ولربما صادف ذلك في نفوسنا الكثير من الذكريات الجميلة .. شخصيا انتمي لاسرة كبيرة جدا أغلبيتها الساحقة من الهلالاب .. ولعل السبب وراء ذلك ومرده الأساسي لسكن أسرتي الكبيرة ومن ناحية الاب والام .. سكنهم في حي البوستة .. وحتى القليل جدا منهم خارج حي البوستة يسكن العرضة شمال .. وهذه جغرافيا لا تنتج الا "رشاشات" .. والحمدلله كان الوالد وانا وأخي استثناءً من ذلك .. وذلك فضل من الله يؤته من يشاء :)
في هذا المنبر اهو بنشاغل اصاحبنا الرشاشات .. ذات المشاغلات الاليفة ما نرتكبها اذا ما اجتمعنا في فرح او ترح .. صبري وخليل وكيكي ومعاوية .. واهو اتفاجأت اليوم بعبد العظيم وغيرهم وغيرهم ..
هذا ما عنى لي توضيحه يا أصدقاء ..
Post: #31 Title: Re: مبروك للرشاشات .. حمدا لله على السلامة .. يا Author: MOHAMMED ELSHEIKH Date: 09-13-2015, 12:18 PM Parent: #29
يا ود المشرف بين الشوطين لمان كانوا ناس ابو حتوت بقولوا: " يا الله درون يا الله درون يا الله درون يا الله درون يا الله درون يا الله درون يا الله درون يا الله درون "
كانت المشاورات داخل الأستاد على قدم وساق ومنكعين!
Post: #30 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-13-2015, 12:17 PM Parent: #1
الكورة سارق أوضح من الشمس .. لحظة خروج الكرة من لاعب وسط الهلال للطرف اليمين من الملعب .. كان هناك 3 لعيبة مسرقين .. ومن ضمنهم كاريكا الذي استلم الكرة وتقدم بها وعكسها للشغيل ..
Post: #32 Title: Re: مبروك للرشاشات .. حمدا لله على السلامة .. يا Author: خالد عبد الله محمود Date: 09-13-2015, 02:15 PM Parent: #30
قلت ليكـ قاعد ساكت ما صدقتني ..
التسلل في الحتة دي بخص كاريكا الفي اليمين ده براهو الله و رقبتو .. الباقين ديل ما عندهم شغلة بالتسلسل هنا
هل كاريكا متسلل ؟
Post: #33 Title: Re: مبروك للرشاشات .. حمدا لله على السلامة .. يا Author: Abuobeida Ali Abdullah Date: 09-13-2015, 02:17 PM Parent: #30
عيون الكاميرا خانتك يا صديقي....
بالله انت من جماعة العزيز نادر الفضلي...
الله يخارجكم ....حسب بوست ود البشرى قالو كنت بتشحعو في الهلال عشان يفوز...
الجفلن خلهن...اقرع الواقفات...
Post: #34 Title: Re: مبروك للرشاشات .. حمدا لله على السلامة .. يا Author: عبدالعظيم عثمان Date: 09-13-2015, 02:25 PM Parent: #33
هدف الهلال صحيح100% وما فيه اي لكلكة اللاعب المتسلسل ما اشترك في اللعبة(يعني ما تداخل في اللعبه) يعني لن يساعد في إحراز الهدف.. دا حنك بيش ساي يا مريخاب شوفوا غيروا واركزوا مازمبي حالف يضبح توره..
Post: #37 Title: Re: مبروك للرشاشات .. حمدا لله على السلامة .. يا Author: اباذر عبد العال Date: 09-13-2015, 02:54 PM Parent: #35
Quote: سعال كدي: متى تأهل الهلال لدور الاربعة وفي رصيده 13 نقطة؟
سعال صعب..... كم مره تاهب المريخ للمجوعات.... خليك من عدد النقاط ودري الاربعه
Post: #36 Title: Re: مبروك للرشاشات .. حمدا لله على السلامة .. يا Author: ismeil abbas Date: 09-13-2015, 02:54 PM Parent: #34
أخى الكريم/محمد السلام عليكم..
من موجب التحت ده إنت مريخابى تصارعك نفسك لأن تكون هلالابى....وده بحكم التنشيئة والوسط الكنت فيه....وده من سوء حظنا إنك ما من قبيلتنا وكان يكون لينا الشرف لأن مناكفتك جميلة ولطيفة والحق يقال.
عن موضوع البيع والتسلل أى شخص يقول كده ماعنده موضوع ومالاقى ليه سبب ولكن سعيد بالمشاركة فى بوستك الجميل.
Quote: سلامات يا شباب .. واحد واحد مع الكثير من الود والتقدير ..
هناك إعلام رياضي ينتمي لمؤسسة الصحافة السودانية ويشكل في حد ذاته مؤسسة قائمة بذاتها .. هذا الاعلام في اعتقادي اعلام سالب ومضر .. الا أنه ليس بعيدا عن المجتمغ الرياضي ممثلا في قطبيه الهلال والمريخ ,, وغير بعيد عن كل مظاهر الانحطاط العام في السودان . لم يأتي من الفراغ .. هذه من تلك كما يقولون .
في هذا المنبر لا ننتمي او ننصف ضمن تلك المنظومات .. بالنسبة لي هو امتداد طبيعي لما كنا نمارسه من الاختلاف اللطيف والاليف جدا عبر حياتنا كفرقاء رياضيين .. هلالاب ومريخاب .. ولربما صادف ذلك في نفوسنا الكثير من الذكريات الجميلة .. شخصيا انتمي لاسرة كبيرة جدا أغلبيتها الساحقة من الهلالاب .. ولعل السبب وراء ذلك ومرده الأساسي لسكن أسرتي الكبيرة ومن ناحية الاب والام .. سكنهم في حي البوستة .. وحتى القليل جدا منهم خارج حي البوستة يسكن العرضة شمال .. وهذه جغرافيا لا تنتج الا "رشاشات" .. والحمدلله كان الوالد وانا وأخي استثناءً من ذلك .. وذلك فضل من الله يؤته من يشاء :)
في هذا المنبر اهو بنشاغل اصاحبنا الرشاشات .. ذات المشاغلات الاليفة ما نرتكبها اذا ما اجتمعنا في فرح او ترح .. صبري وخليل وكيكي ومعاوية .. واهو اتفاجأت اليوم بعبد العظيم وغيرهم وغيرهم ..
هذا ما عنى لي توضيحه يا أصدقاء ..
أحى البوستة وسكانها وأنا ما بعيد منك من مواليد العباسية غرب
شكراً يا دكتور علي الرد.. أتفق معك في أن المناكفات اللطيفة بين القطبين هي التي تعطي الكرة السودانية طعمها الجميل الخاص. وكذلك ليس لدي أي إعتراض علي التشكيك في صحة الهدف .. وهذا حقك الذي يمكنك أن تدعمه بما شئت من فيديوهات .. ومن حق الآخرين الرد أيضاً. لكن ما يحزنني هو التشكيك في (نزاهة ) مجموعة كبيرة من الأشخاص لمجرد إرضاء ذاتنا – حتي ولو كان مذاحاً – و الإتيان بصور لقاءات و وجبات وتصويرها بأنها تمت من أجل بيع الماتش .. فهذا ما لم أكن أتوقعه. بعد البوست دا ما يسمي بالصحافة الرياضية في الخرطوم فضل ليها شنو؟ شنو الفرق بين البوست دا وما يكتبه الرشيد علي عمر ومزمل أبو القاسم؟
لك الود مرة أخري.
.
Post: #39 Title: Re: مبروك للرشاشات .. حمدا لله على السلامة .. يا Author: علي عبدالوهاب عثمان Date: 09-13-2015, 03:50 PM Parent: #38
Quote: لصورة تجمع د . محمد صغيرون القنصل العام بالاكسندرية يلتقي برئيس نادي سموحة محمد فرح عامر
الصورة دي ظهرت قبل حضور الهلال للاسكندرية بايا
حبيبنا طارق .. مودتي بلا حدود .. كلام كورة بس مع كامل المحبة والله فرحتني .. يا المصريين يبيعوا ويشتروا فينا من بعد غزوة إبن ابي السرح
إذا كان ذلك صحيحاً هذا يعتبر إنجاز كبير للهلال ..والوطن .. نحن نشتري المصريين .. ياسلام .. الحمدلله عشنا وشفنا الزمن ده ..
طيب كده نخلي كاردينال رئيس السودان ما دام لديه كل هذه المقدرات ..
كده الواحد يكون مطمئن .. أكبر إنجاز في تاريخ السودان ..
نفس الشئ إعلام المريخ الآن يحاول تصوير ان الهلال اشترى المباراة من سموحة (والادله الصور) . شي طبيعي أن تتواصل إدارة الهلال مع إدارة فريق سموحة.. نفس الشئ إدارة الهلال تواصلت مع إدارة المغرب التطواني... يعني بطلوا شغل إعلام المريخ الضلالي
عظمة سلام
دي بالثابتة يا حبيب واول مرة نسمع لينا دعوة عشاء لرئيس بعثة فقط ويسبقها لقاء مع قنصل عام .. دي دعوة وللا خطوبة الدعوة مفروض تكون لجميع البعثة وبعدين الغريب والجديد شنو يعني انت ناسي 2=12
وانتو كمان بطلوا شغل إعلام الفول ده ( علي قول هيثم مصطفي )
Quote: سعال صعب..... كم مره تاهب المريخ للمجوعات.... خليك من عدد النقاط ودري الاربعه
فالنفترض مرة واحدة فقط وفي المرة الواحدة دي حقق ما لم يحققه غيره في اكثر من 10 مشاركات
بالارقام
13 نقطة بدون اي خسارة داخل ارضه المحافظة علي نظافة شباكه في جميع المباريات التي لعبها داخل ارضه بداية من التمهيدي وحتي آخر مباراة في المجموعات والمافي شنو ــــــــــــــــــــ اها انتو بعد مشاركاتكم الكتيرة دي حققتوا شنو غير بطولة ( التصنيف )
Post: #42 Title: Re: مبروك للرشاشات .. حمدا لله على السلامة .. يا Author: اباذر عبد العال Date: 09-14-2015, 06:45 AM Parent: #41
Quote: بالارقام
13 نقطة بدون اي خسارة داخل ارضه المحافظة علي نظافة شباكه في جميع المباريات التي لعبها داخل ارضه بداية من التمهيدي وحتي آخر مباراة في المجموعات والمافي شنو ــــــــــــــــــــ
ارقام شنو انت مرقت من عزام بكرامة البليلة ...طموحكم تمهيدي ...جابتكم الصدفه فوق كدا
خالد عبدالله ومن لفا لفه الاوف سايد ده غيرو ول شنو كن طار كاريكا متسلل
لا الحكم لا مساعدو في موقع يتيح ليهم رؤية التسلل
Post: #44 Title: Re: مبروك للرشاشات .. حمدا لله على السلامة .. يا Author: عبدالعظيم عثمان Date: 09-14-2015, 06:54 PM Parent: #43
سلامات يا حامد بدري الكورة دي تحديدا ما فيها تسلل ، مدثر كاريكا عند الضربة كان في لاعب من سموحة على اقصي الجانب الايمن من ملعب سموحة مغطى الاوفسايد..التسلل بيتحسب عند الضربة(المقصود عند الضربة عندما لعب كيبي الباص قبل أن تصل إلى كاريكا)..
اللاعب الكان قريب من المرمي بعد ما لعب كاريكا العرضية لم يتداخل وفي اللعبة والشغيل لن يكن متسلل.. يعني هدف الهلال صحيح100%
جيب الفيديو المريخاب شايفهم شغالين بالصور عاوزين يشككوا في هدف الهلال....
حكم مباراة المريخ ووفاق سطيف في الخرطوم ذبح الفريق الجزائري من الوريد إلى الوريد وغير نتيجة المباراة..
الهلال بيلعب نضيف وبيغلب بضراعه مش بضربات الجزاء وطرد الحكم للخصوم ..
Post: #45 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-14-2015, 10:30 PM Parent: #44
يا عظيم يا عظيم ...
يا اخوانا انتو الكلام ده ما واقع ليكم ؟!! كان ما واقع ليكم قولو ما واقع ليكم !!
Quote: الكورة دي تحديدا ما فيها تسلل ، مدثر كاريكا عند الضربة كان في لاعب من سموحة على اقصي الجانب الايمن من ملعب سموحة مغطى الاوفسايد..التسلل بيتحسب عند الضربة(المقصود عند الضربة عندما لعب كيبي الباص قبل أن تصل إلى كاريكا)..
اللاعب الكان قريب من المرمي بعد ما لعب كاريكا العرضية لم يتداخل وفي اللعبة والشغيل لن يكن متسلل.. يعني هدف الهلال صحيح100%
1- نحنا بنتكلم لمن كاريكا لمن لعبو ليهو الباص المنو هو استلم الكورة .. كاريكا كان في موقع تسلل أوضح من الشمس ولا ما كان ؟! ..
2- كاريكا لمن ضربو ليهو الباص الاستلم منو الكورة ( ما لمن عكسها) ..هل كان بينو وبين حارس المرمى أي لاعب من سموحة جمل الطين ؟!
3 لو كان في لاعب من سموحة كسر التسلل الاوضح من الشمس ده .. وينو ؟!!
.. غايتو جنس رشاشات !!
Post: #46 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-14-2015, 10:33 PM Parent: #1
والله يا حامد يا صفوة .. الكلام ده زي 1+1=2 الا نقول شنو ؟!!
Post: #47 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-14-2015, 10:39 PM Parent: #46
اختلافي الوحيد مع حامد انو الحكم مش لو كان ما متمركز كويس .. الحكم لو كان ما متمركز كويس واعمش وتقريبا اعمى مفروض يشوف حالة التسلل الاوضح من الشمس دي !!
Post: #48 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-14-2015, 10:44 PM Parent: #47
يا جماعة التسلل ده ما 10 او 20 سنتميتر .. التسلل ده لو ما مترين يبقى 3 امتار .. وهي المسافة بين كاريكا واقرب مدافعي سموحة جمل الطين ..
.. اومال نحنا بنقول أوضح من شمس الاستواء حين تتعامد على ابي جنزير في رابعة النهار ليه ؟!!!!
Post: #49 Title: Re: مبروك للرشاشات .. حمدا لله على السلامة .. يا Author: حامد بدري Date: 09-15-2015, 05:51 AM Parent: #48
صباح الخير الصورة ماتقتنع النشوف الفديو
Post: #51 Title: Re: مبروك للرشاشات .. حمدا لله على السلامة .. يا Author: محمد محمد قاضي Date: 09-15-2015, 08:52 AM Parent: #1
صباح الخير يا دكتور
.. Quote شخصيا انتمي لاسرة كبيرة جدا أغلبيتها الساحقة من الهلالاب :
ده طبيعي يا ود المشرف وهو الحاصل في جميع أنحاء السودان
الناس أول بيتولدوا علي الفطرة وبعد داك ...... أو كما قيل
يا حامد في الصورة دي ممكن تحدد لينا موقع الكورة ولا كانت طارة برضو عنزة
Post: #52 Title: Re: مبروك للرشاشات .. حمدا لله على السلامة .. يا Author: هشام المجمر Date: 09-15-2015, 09:14 AM Parent: #51
بعجبنى فى المريخاب انهم مفنكرين انو \اكرتنا مثقوبة
للتاريخ الهلال او ل فريق سودانى يصل لدور الاربه فى دورى ابطال افريقيا عام 1966 و اول فريق يصل للنهائى عام 1987 و بعدها عام 1992 وصل لدور المجموعات مرات لا تعد المريخ وصل لدور المجموعات مرتين فقط الاولى و قع مع الهلال فى نفس المجموعة و احرز المركز الاخير بنقطتين ه\ه هى المرة الاولى التى يصل فيها المريخ دور الاربعة مما فتحو النادى الحزينة ليها يوم تفرح الجديد شديد مزمل يك\ب و انتو تصدقو
بالمناسبة مجموعة الحمام الميت الجزائرية فيها فريق طلع صفر النقاط بالمناسبة المريخ يشارك فى ه\ه البطولة بسبب الاداء الجيد للهلال فىها فى ال 15 سنة الاخيرة و بما انه الوصيف الدائم لبطل الدورى
Post: #53 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-15-2015, 10:28 AM Parent: #52
مبروك للرشاشات .. و .. حمد لله على السلامة .. و .. لولا التحكيم ل .. طاروا ..
هدف الهلال هدف غير صحيح .. تسلل واضح جدا .. أوضح من الشمس .. على اللاعب كاريكا .. تغاضى عنه التحكيم الافريقي .. هذا هو الهدف الذي بموجبه تأهل الهلال .. ولو تم تطبيق القانون .. لكان المتأهل - كما أعتقد- هو المغرب التطواني ومازيمبي ..
لكل ذلك وبرغمه نقول مبروك وحمدالله على السلامة ولولا التحكيم ل طرتو ..
وجودكم مع الكبار (المريخ والاتحاد الجزائري ومازيمبي) خطأ قانوني فادح !!
Post: #54 Title: Re: مبروك للرشاشات .. حمدا لله على السلامة .. يا Author: بهاء بكري Date: 09-15-2015, 10:39 AM Parent: #53
Quote: وجودكم مع الكبار (المريخ والاتحاد الجزائري ومازيمبي) خطأ قانوني فادح !!
المشكلة يادكتور الغربان ديل خطرين جدا بالذات مع رواكيبكم الورا ديل كمان اذا عايز تلعب برا الميدان شيل شيلتك لانك مافايتهم بحاجة عندك قروش البلد عندهم عشرة مرات قدرها عايز تمشي لمنشطات وكدا هناك اللياقة فطرية غايتو احسن الله عزاؤكم برضو اولاد عمنا
Post: #55 Title: Re: مبروك للرشاشات .. حمدا لله على السلامة .. يا Author: بهاء بكري Date: 09-15-2015, 10:41 AM Parent: #54
بعدين يادكتور صدق خلاص انك في مربع الكبار بس هنا مافي علمة في موت احمر
Post: #57 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-15-2015, 10:50 AM Parent: #55
هههه ,,
كده صاح يا بهاء .. احسن حاجه تتجاوزوا مسالة انو وجودكم مع الكبار خطأ قانوني فادح .. وتتجاوزوا مسالة استحقاق المغرب التطواني للتأهل لو كان في عدل .. وتتكلموا بحكم الامر الواقع .. مش زي ود القاضي اللسه عاوز يشوف موقع الكورة :) :)
.... غايتو ما فضل ليكم الا تقولو نحنا جينا بالبندقية والعاوز يقلعنا يشيل سلاحو .. هههههههههههه
Post: #56 Title: Re: مبروك للرشاشات .. حمدا لله على السلامة .. يا Author: صبري طه Date: 09-15-2015, 10:48 AM Parent: #53
يا ود المشرف إنت متأكد إنو صورتكم دي كانت عند الضربة ؟
واحد من اتين يا إمّا الصورة ما كانت عند الضربة أو أنّها من زاوية العرضة جنوب :)
Post: #58 Title: Re: مبروك للرشاشات .. حمدا لله على السلامة .. يا Author: بهاء بكري Date: 09-15-2015, 10:53 AM Parent: #56
Quote: غايتو ما فضل ليكم الا تقولو نحنا جينا بالبندقية والعاوز يقلعنا يشيل سلاحو
ياود المشرف بندقية اكتر من خمسة ضربات جزاء وكل مباراة مطرود لاعب من خصمكم يااخ دي مابندقية دي حاجة اكبر بس خلي بالك ناس ماذنبي ديل بعرفوا لبنادقكم دي
Post: #59 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-15-2015, 10:54 AM Parent: #56
هههههه ..
يا صبري .. الفيديو .. الدقيقة واحد و 45 ثانية .. اعادة هدف الهلال .. امشي شوفها وتعال ..
Post: #60 Title: Re: مبروك للرشاشات .. حمدا لله على السلامة .. يا Author: صبري طه Date: 09-15-2015, 11:23 AM Parent: #59
نعم يا ود المشرف .. كاريكا كان في موقع تسلل .. ولكن الخطأ يقع على حكم الراية الذي لم يكن مع كاريكا على نفس الخط !!
Post: #61 Title: Re: مبروك للرشاشات .. حمدا لله على السلامة .. يا Author: الحاج حمد الحاج Date: 09-15-2015, 11:34 AM Parent: #60
الكثيرين يؤكدون أن هناك فساد وسط الحكام الافارقة و أن كل الفرق التي وصلت للنهائيات او فازت بكأس من قبل استفادت من هذا الفساد بطريقة او أخرى!!! لذلك ستظل الكرة الافريقية متاخرة عن غيرها.
Post: #62 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-15-2015, 11:34 AM Parent: #60
شكرا يا صبري .. كنت أعلم ان ذلك سيكون رأيك .. وكنت أعلم أنك ممن الشجاعة لاعلان ذلك ..
الاخطاء التحكيمية واردة في كرة القدم .. وهي جزء من اللعبة ..
مبروك للهلال .. مبروك للرشاشات .. حمدا لله على السلامة .. ولولا هذا الخطأ التحكيمي لطاروا .. ولما كانوا الآن مع كبار القارة الافريقية الثلاثة .. المريخ والاتحاد ومازيمبي ..
:)
Post: #63 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-15-2015, 11:39 AM Parent: #1
الحاج حمد سلامات ..
الفساد بمعناهو الشامل موجود في الرياضة للاسف الشديد .. المنشطات .. الرشاوي .. الاخطاء التحكيمية .. ولسنا استثناء من ذلك .. واعني كهلال ومريخ ..
تظل لعبة الكرة والرياضة بصورة عامة واحدة من الملاذات الآمنة في هجير الحياة ..
Post: #64 Title: Re: مبروك للرشاشات .. حمدا لله على السلامة .. يا Author: صبري طه Date: 09-15-2015, 11:54 AM Parent: #63
يا ود المشرف أنا اختصرت اللولوة حسب صورتكم بس ... وحسب صورتي المُرفقة إذا رسمت خط مستقيم من عند كاريكا ستجده غير متسلل .. بل إذا رسمت الخط من حكم الراية سيتضح لك ذلك ...
جرّب على صورتي المُرفقة أدناه ...
وبالمناسبة يا حبيب .. لاحظ لظل كاريكا وظل مدافع سموحة الفي الوسط ستجد ظل مدافع سموحة على رأس خط تمنتاشر بينما ظل كاريكا إذا رسمت خط من آخره سيكون خارج الخط !!
ــــ بالمناسبة اللولوة دي صنعت عندنا وصدّرناها للمساكين :)
ــــ
Post: #65 Title: Re: مبروك للرشاشات .. حمدا لله على السلامة .. يا Author: محمد حيدر المشرف Date: 09-15-2015, 12:29 PM Parent: #64
هههههههه .. ضل راجل ولا ضل حيطة يا صبري :)
Post: #66 Title: Re: مبروك للرشاشات .. حمدا لله على السلامة .. يا Author: طارق حرسي Date: 09-17-2015, 09:47 AM Parent: #65
Quote: تعرف يا حرسي دي حركات مزمل أبو القاسم الخرب بيها الإعلام الرياضي في السودان .. طوالي إعلام المريخ شغال تغبيش وتجهييل المريخ فقد نقاط هلال كادقلي والأمل عطبرة في الميدان لسوء أداء اللاعبين .. قام مزمل أبو القاسم ببيع الوهم لجماهير المريخ بالشكاوي الضاربة التي تستند على القوالات ولا تدعمها المستندات... دا كله عشان يصرف الأنظار عن خيبة أمل الفريق..
"http://www.up-00.com/"
