Post: #1 Title: أتمني أن أصبح صديقا لشرف الفحيل في الفيسبوك Author: طلحة عبدالله Date: 09-12-2015, 08:34 AM Parent: #0
08:34 AM Sep, 12 2015 سودانيز اون لاين طلحة عبدالله- مكتبتى فى سودانيزاونلاين
عشان يا شردتو من الغناء المتشعبط فيهو دا يا كمان جاهد فيني وفجرني بى حزام ناسف ... معقولة ياخ ..؟؟؟؟؟؟؟؟ بى هنا شرف الفحل وطه سليمان وندي القلعة وشنو وشنو وبى هناك فاطنة الصديق والهندي عزالدين .. اللهم لا تمحنا لا تبلينا .
Post: #2 Title: Re: أتمني أن أصبح صديقا لشرف الفحيل في الفيسب� Author: مرتضى احمد عبد القادر Date: 09-12-2015, 08:48 AM Parent: #1
ازيك ياطلحه طه سليمان في الغناء معلم كبير ما مفروض تختو مع شريف في سرج واحد شن جاب لي جاب !!
Post: #3 Title: Re: أتمني أن أصبح صديقا لشرف الفحيل في الفيسب� Author: ABUHUSSEIN Date: 09-12-2015, 08:52 AM
قومو لفو الاتنين ....
Post: #4 Title: Re: أتمني أن أصبح صديقا لشرف الفحيل في الفيسب� Author: طلحة عبدالله Date: 09-12-2015, 09:33 AM Parent: #3
سلام وتقدير يا مرتضي حقيقة أنا طه سليمان ما إنتبهت كتير لأدائه لكن غايظني تعولق المظهر بتاعو دا .. ياخ أنت المفروض فنان يعني قدوة للشباب شنو مرة ظاهر بى برمودا ومرة بى سفنجة ومرة بنطلون سترتش ومرة شعر موج وما عارف شنو .. هو طبعا حر في شخصيتو لكن من جانبي مستحيل أنظر ليهو كفنان .. بل مجرد متعولق .
أبو حسين أها أخبار الإستماع شنو ؟؟ خخخخخخ
Post: #5 Title: Re: أتمني أن أصبح صديقا لشرف الفحيل في الفيسب� Author: أحمد محمد عمر Date: 09-12-2015, 09:46 AM Parent: #3
طه سليمان عندو امكانيات صوتية كبيرة جداً .. مبدع حقيقي لما يغني النص الصاح
إشكاليتو الكبيرة في الغناء الهابط والأعمال الخاصة بتاعته اغلبها إن لم يكن كلها تعبانة ومبتذلة ناس عسولي آت هوتميل وكتمتو نفسو وكاتبني وين عند ياتو شيخ حاجات كدة تستغرب بتجيب ليها جمهور من وين طه عندما يمثل نفسه فاشل تماماً ولا يمكن اعتباره فناناً .. عبارة عن امكانيات صوتية مهدرة لكن عندما يتغنى للعمالقة بالأعمال العملاقة تتجلى ملكاته الصوتية كأبهى ما يكون الابداع
Post: #6 Title: Re: أتمني أن أصبح صديقا لشرف الفحيل في الفيسب� Author: ود الباوقة Date: 09-12-2015, 10:14 AM Parent: #5
طلحة
يكفي الفحيل انه يغني وهو فراحنا ...
طه ما يحتاج صوت ولا اروع
برميل من الود
Post: #7 Title: Re: أتمني أن أصبح صديقا لشرف الفحيل في الفيسب� Author: لطفى العمده Date: 09-12-2015, 10:52 AM Parent: #6
لو قبل الصداقه شيل معاك جردل مرات لما يجيبوه في التلفذيون بحس انه داير (ىيتنفن )
Post: #8 Title: Re: أتمني أن أصبح صديقا لشرف الفحيل في الفيسب� Author: Munir Date: 09-12-2015, 07:53 PM Parent: #7
طلحة سلامات .... شريف الفحيل ده بعد ٢٠ سنة حتجوا تقولوا حليل فناني الزمن الجميل ..:)
Post: #9 Title: Re: أتمني أن أصبح صديقا لشرف الفحيل في الفيسب� Author: طلحة عبدالله Date: 09-12-2015, 08:28 PM Parent: #8
أحمد محمد عمر سلامات زي ما قلت فوق حقيقة أنا ما تابعت الأخ دا متابعة نقدية لكن كم مرة شفتو لابس لبس عبيط لا يليق بفنان ودا ذاتو الخلاني ما أضيع زمني معاهو .. أها كلامك الفوق دا بعضد وجهة نظري فيهو من جهة الأداء لاعتقادي أنو الفنان ( الفنان ) يجب أن يكون مبدع في أعمال تخصه.. حكاية إجادة أغاني الكبار دي في السهلة على قفا من يشيل، مثلا عندي ود عمتي في البيت بالعود ممكن يقعد يغني ليك لأي فنان لما تستغرب وتحلف تقول دا الأصل، والعجب لو كانت القعدة ذات عصرية في رمال حلتنا .. أخخخخ بس هو ما محترفا زي ناس طه ديل ماخدا هواية ومزاج وزي ود العمة دا أراهن أنهم بالألآف منتشرين في أركان البلد الواسعة دي لكن بس ما سكوها .
Post: #10 Title: Re: أتمني أن أصبح صديقا لشرف الفحيل في الفيسب� Author: طلحة عبدالله Date: 09-12-2015, 08:35 PM Parent: #9
ود الباوقة يعني شنو يغني وهو( فراحنا )؟ دي ما فهمتها من جهة تانية كونك تشيد بطه سليمان فدا تأكيد لرأيي السلبي فيهو .. شكرا للمرور يا خوي .
يا لطفي لو قبل الصداقة ح يبلكني في الدقيقة الأولي من المباراة ههههه
يا دكتور منير يعني الزول دا ح يقعد يغني لعشرين سنة مقبلة ؟؟ كان كدا ما كتلنا نحن .
Post: #11 Title: Re: أتمني أن أصبح صديقا لشرف الفحيل في الفيسب� Author: ادم يعقوب Date: 09-12-2015, 09:21 PM Parent: #10
يا طلحة ولا الجني دي متعولق عولاق ما سبقوا فيه زول وبعد دا كلوا شليق الله لا يبارك فيه
Post: #12 Title: Re: أتمني أن أصبح صديقا لشرف الفحيل في الفيسب� Author: طلحة عبدالله Date: 09-13-2015, 06:36 AM Parent: #11
هلا يا آدم شليق ومتشعبط في الغناء وعامل نفسو فنان عديل كدا عليك دينك شوف الوقعة الوقعنا فيها .
Post: #13 Title: Re: أتمني أن أصبح صديقا لشرف الفحيل في الفيسب� Author: ياسر منصور عثمان Date: 09-13-2015, 07:25 AM Parent: #12
عليك الله يا طلحة تشركني معاك...
Post: #14 Title: Re: أتمني أن أصبح صديقا لشرف الفحيل في الفيسب� Author: طلحة عبدالله Date: 09-13-2015, 08:36 AM Parent: #13
ياسر يا صديق مالك عايز ترمي بنفسك للتهلكة ؟؟؟؟ خليني أصلو أنا مارق للجهاد في سبيل سلامة الذوق الفني وأهلك القدامي قالوا : الممطورة ما بتابا الرش .. خخخخ
Post: #15 Title: Re: أتمني أن أصبح صديقا لشرف الفحيل في الفيسب� Author: ياسر منصور عثمان Date: 09-13-2015, 11:12 AM Parent: #14
سمح اكان كدي
ما بوصيك عليهو..
وخلي الممطورة تترشا زييييييييين
Post: #16 Title: Re: أتمني أن أصبح صديقا لشرف الفحيل في الفيسب� Author: MOHAMMED ELSHEIKH Date: 09-13-2015, 11:30 AM Parent: #15
Quote: شرف الفحل
دا منو دا؟
ذكرتني ولدي الكبير اوي لقى الناس قاعدين متنشنين مع حسين خوجلي وقف ورا ناس البيت كدى وقال: " دا كمال ترباس ولا شنو" وهوعابر
Post: #17 Title: Re: أتمني أن أصبح صديقا لشرف الفحيل في الفيسب� Author: MOHAMMED ELSHEIKH Date: 09-13-2015, 11:30 AM Parent: #15
Post: #18 Title: Re: أتمني أن أصبح صديقا لشرف الفحيل في الفيسب� Author: طلحة عبدالله Date: 09-13-2015, 12:19 PM Parent: #17
هلا يا محمد الشيخ دا الزول القال أنا فنان الإسمو شرف الفحيل واللا أيا كان إسمو دا .. أوع يكون حسين خوجلي سمع قريبك دا بس ؟
Post: #19 Title: Re: أتمني أن أصبح صديقا لشرف الفحيل في الفيسب� Author: معاوية المدير Date: 09-13-2015, 12:33 PM Parent: #18
Post: #20 Title: Re: أتمني أن أصبح صديقا لشرف الفحيل في الفيسب� Author: عبد العزيز محمد عمر Date: 09-13-2015, 01:04 PM Parent: #19
لا تزال ( مفرخة ) ما يسمى بفناني الشباب مستمرة في عملها تحت ما يسمى بمشروع ( فنان لكل مواطن ).. وشخصياً أتمنى ألا يكون ( معتز صباحي ) من نصيبي ... وكذا ( شريف الفحيل )...
Post: #21 Title: Re: أتمني أن أصبح صديقا لشرف الفحيل في الفيسب� Author: سفيان بشير نابرى Date: 09-13-2015, 07:38 PM Parent: #20
كاتبي المفضل طلحة ياخ افتح باب العضوية الله يرضي عليك
Post: #22 Title: Re: أتمني أن أصبح صديقا لشرف الفحيل في الفيسب� Author: طلحة عبدالله Date: 09-14-2015, 09:38 AM Parent: #21
معاوية المدير مشكور على اللافتة الفخيمة
صدقت القول يا عبد العزيز .. هي كدا بالضبط
يا نابري يا حبيب كفاية العضوية فيها أنت ياخ .. ماكا هوين يا زول .
Post: #23 Title: Re: أتمني أن أصبح صديقا لشرف الفحيل في الفيسب� Author: Haytham Ghaly Date: 09-14-2015, 09:50 AM Parent: #22
امس في واحد وهم كدا قال ناس ود اللمين بقو يمشو مع ناس شريف الفحيل
للحفلات برة السودان لانو ديل عندهم جمهور كبير وعشان يعيدو شهرتهم
صراحة ما رديت عليو لكن بطني طمت وقربت استفرغ من كلامو دا
Post: #24 Title: Re: أتمني أن أصبح صديقا لشرف الفحيل في الفيسب� Author: طلحة عبدالله Date: 09-14-2015, 10:22 AM Parent: #23
يا هيثم في الكورة أي مشجع متعصب ينزل من المدرجات يمش الصحافة الرياضية يشتم ويلعن ويسب ويسخر من الفريق التاني دا أصبح صحافي كبير ليهو مكانتو وهيبتو في الوسط الرياضي .. دا بالضبط حال الغناء .. والدليل ناس شرف الفحيل ديل بقي عندهم جمهور .. والله فعلا حالة تهيج مصارين البطن .
Post: #25 Title: Re: أتمني أن أصبح صديقا لشرف الفحيل في الفيسب� Author: اباذر عبد العال Date: 09-14-2015, 11:11 AM Parent: #24
كثيريين الفنانين العاوزين زول يديهم راسهم وانا معاك في ديل الجوز.... نحرش عليهم الحواااته ينتفوا ريشهم هههههه ديك مُرين خلاص
بعدين خت في بالك عندهم جماهير ومعجبين في الفيس بالذات يردموك تعلقيات