** مرقت من قلبك مشيت **

Post: #1
Title: ** مرقت من قلبك مشيت **
Author: Faisal Saad
Date: 09-11-2015, 06:51 PM

06:51 PM Sep, 11 2015
سودانيز اون لاين
Faisal Saad-
مكتبتى فى سودانيزاونلاين

مصطفي سيد احمد
صلاح حاج سعيد

و مرقت من قلبك مشيت
طفت الشوارع و المدن
لفّيت حواري الدنيا جيت
فتشت في عيون الزمن
لي سكتك و كم من مشيت
لا لقيتك انتي و لا بقيت
ألقي المواعيد يصدقن
لا بعدك الأيام صفن
لا قدرت أعرف وجهتك

و سرحت في خاطري و سهيت.
في ذكرتك..سفرك .مشاويري ..
و تباريح سكتك.
خرز السبح ممدودة
في جيد الأماني المستحيل
شهقة حروف اللقيا
في غفلة أسي الزمن البخيل
رنّة خطاك سايقاني للحلم القبيل
نتلاقي لا نعرف مدي
يتجاوز النغم الصدي
و يتسابق العمر الجميل

أصحي .و معاي يصحي الشجن
و يفيق أساي و أساك يجن
و ألقاك يغلبني الكلام
و يشرقني بالأسف الحزن
و يفيق خيال.. في غمرة الأسي و المحال
ألقاك شقي العمر اللي فات
و ألقاك فرح في غفلة مات
بلقاني فيك..
مسدار يغنيلك أساي..
دوبيت يجر نمك علي حرقة حشاي..
قمرا طلع في غيم سماي..
بقّ و خبأ ..
و حاريهو في الزمن اللي جاي

Post: #2
Title: Re: ** مرقت من قلبك مشيت **
Author: Faisal Saad
Date: 09-11-2015, 07:02 PM
Parent: #1

Post: #3
Title: Re: ** مرقت من قلبك مشيت **
Author: Faisal Saad
Date: 09-11-2015, 07:26 PM
Parent: #2

Post: #4
Title: Re: ** مرقت من قلبك مشيت **
Author: عبدالمنعم الطيب حسن
Date: 09-12-2015, 01:20 AM
Parent: #3

يا زول انت فيصل سعد صاحبنا البهناك...
اكيد انت؛
تحب مصطفى والغنا؛
حبابك عشرة يا شفيف؛ وشرفت المكان؛
شابفك لافي في الخليج؛ هل تركت كندا؟
ام اجازة ورجعة تاني؛
سودانيات مختفية ردالله غربتها؛ وغربتنا...
حبابك تاني ياخ؛
حبابك الف؛
والجابك؛ يجيب عقابك...
وتسلم يا شفيف...

Post: #5
Title: Re: ** مرقت من قلبك مشيت **
Author: Faisal Saad
Date: 09-12-2015, 05:04 AM
Parent: #4

سلامات يا عبد المنعم و الحي بلاقي..
حبابك ما غريب الدار..

Post: #6
Title: Re: ** مرقت من قلبك مشيت **
Author: أبوبكر عباس
Date: 09-12-2015, 05:42 AM
Parent: #5

Quote: قمرا طلع في غيم سماي..
بقّ و خبأ ..
و حاريهو في الزمن اللي جاي

هسع يا فيصل، نحن بهناك نعافر لينا أكتر من عشرين مداخلة عشان نوصل المعنى القالو صلاح حاج سعيد في بيتينو ديل!
فعلا الشعر جن.

Post: #7
Title: Re: ** مرقت من قلبك مشيت **
Author: Faisal Saad
Date: 09-15-2015, 05:39 PM
Parent: #6

Quote: نعافر لينا أكتر من عشرين مداخلة عشان نوصل المعنى

انت كمان ما تبقي طماع داير تخمهم كلهم، الجن و الكتابة و الطب و الكورة
و الاناقة و الخلق و الكنجالات تحمد ربك و تخلي الشعر لناسو و كدا، ثم انه
بقيت جافي شديد جدا جدا..

ارقد عافية..