قناص فينيكس .. Phoenix Sniper

05:25 PM Sep, 11 2015
سودانيز اون لاين
جلالدونا-
مكتبتى فى سودانيزاونلاين



بدا ليهو اسبوعين
و شغال صرب نار فى الفرى واى

Quote: A bullet pierced the side of a tractor-trailer on a Phoenix freeway Thursday, and police said they were treating it as the 11th attack in a string of shootings over the past two weeks that have terrorized drivers.

يا هلا بيك على

Quote: Ali Ali · Tempe, Arizona صديق مهدي اعمل حسابك الراجل وصل I-17 and Thomas

ههههها
غايتو العارفو انا اخونا صديق بركب ال I-10 مرتين فى اليوم
غايتو عشان يمشى المطار الا يمشى بى طريقة اضانك وينا

الاعلان عن جائزة مقدارها 20000 دولار لمن يدلى بأى معلومة
عن القناص

غايتو الامريكان عندهم المحن حتى فى الاجرام
الزول ده اطلق النار عشرة مرات فى شارع المرور السريع
طلقة واحدة فى كل مرة
و فى جسم العربية
لا يوم الليلة لا كتل زول و لا جرح
و حاتكم الشارع رغم حيويتو و مرورو بى الجانب الجنوبى من وسط البلد
و يرتاده الذاهبون و القادمون الى و من المطار
و ساعات الذروة فيهو لا تطاق
وحياتكم اصبح فاضى يقدل فيهو الورل

اها الطلقة رغم حداشر فكاها ليهم فى طريق المرور السريع التانى ال I-17
قريب من ملاقاتو مع ال I-10
عربية قاطرة ترلة
شات فى الترلة
برضو الناس خلتو
و وقعت الشوارع الداخلية
و يا روح ما بعدك روح

قصة قناص فينيكس اعادت الى الاذهان حوادث القتل التى حدثت بالعاصمة واشنطون عام 2002
حيث قام جون ألان و شريكه لى بويد مالفو
باستهدف شاحنات المحروقات على طرق المرور السريع و قد قتل عشرة سائقين و قتها
العريف السابق ب ال FBI
و المحلل بتلفزيون ان بى سى قال
انه مشبع بالارهاب
و يعرف اين و متى يكون ليلعب لعبته
انه يلعب لعبةالشطرنج مع السلطات

سلام جلالدونا شاحنات محروقات شنو قناص واشنطن كان بيقنص ناس بس يا زول ده خلانا نمشي زيق زاق عشان يجلي مننا من ضمن الناس القتلهم جنايني بقص في النجيلة وواحدة ماشه علي عربيتها في موقف هوم ديبو وواحد بيعبي في بنزين ياخ لما محطات البنزين عملت ستارة للناس العايزين يعبوا بنزين