ما هذه القسوة ؟ هل هولاء سودانيون ؟

08:52 AM Sep, 10 2015
سودانيز اون لاين
نعمات عماد-khartoum
مكتبتى فى سودانيزاونلاين






ألوان ( 10-09-2015 )

القصة دي لو صحيحة

أتوقع.. دي مش محضرة (لاب) دي محضرة دواعش

نسأل الله العافية

العيال الصغار ديل، أكتر عقوبة في حقهم مفروض تكون
قرصة خفيفة في الأضان، أو حرمان من قطعة حلوى حتى يعدل سلوكه.

مع عدم نسيان جانب التحفيز على السلوك الجيد..

هسي بتاع الحسابات ده يا ربي يكون دخلت بت المرحومة دي الخزنة مع الشيكات ولا عمل شنو
بلد هاملة مفروض ما كانوا يدفعوا ليهو باقي القروش ويشوفوهو داير يسوي شنو بالبت الرهينة دي
مفروض يكون في اجراءات مطالبة مدنية لا اكثر ولا اقل يمشي المحكمة والمحكمة تحكم بالقانون لو عندو حق ياخدو ما عندو ياخدو منو حق العطلة العطلا ليهم دي
امريكا ام واب الراسمالية المتوحشة لا يحدث فيها مثل هذا

مع التحية للدكتورة نعمات ..
ما رأي القانونيين في هذا السلوك الارهابي .. إتخاذ رهينة للضغط لحل مشكلة ..
بمجرد صدور الموضوع في الصحيفة كان على النائب العام التحرك فوراً للتحقيق ولا داعي لإنتظار بلاغ
لأن منتهى الفوضى في الدولة أن يقوم كل فرد بتطبيق القانون بنفسه وتهميش دور الدولة ..
كان يمكن قبول هذا التصرف في مناطق هواشمنا البعيدة ..
ولكن في قلب العاصمة وعلى بعد أمتار من وزارة الداخلية ، ووزارة العدل
هي دي الفوضى الهدامة ..
وكمان المختطف ( بنت ) .. ما هو العائد النفسي لهذه البنت ؟ كيف ترى نفسها من ذلك اليوم ؟

إذا أردت أن تعرف إنحطاط أي دولة .. ان يطبق المواطن القانون بيده لا بيد الدولة ..

نعمات سلامات ..

نعم هؤلاء سودانيون ..
واهو ده السودان يا عزيزتي ..
فيه الكثير من القسوة .. كما فيه الكثير من الرحمة ..
يقع الاطفال فيه ضحايا للحروب .. كما يقعوا , فرادى , في حالات من الاغتصاب والتعذيب وسوء المعاملة الخ..
والامر لا يخلو من تأثير الاوضاع الاقتصادية والنماذج الاقتصادية المشوه السائدة والتي غيرت الكثير مما كنا نؤمن أنه من ثوابت الشخصية السودانية ..

صباح الخير نعمات..

رغم أنه الاخبار البتجيبيها هنا بتفقع المرارة..
الا وأنه للآسف الشديد..
هذا ما وصل اليه حال البلاد والعباد..
فى زمن حكومة الآنقاذ..
أنهار المجتمع تماما..
بعد أن أنهارت كل القيم التى كانت تجعل من السودانى..
شخصية يضرب بها المثل فى الخلق الكريم..
و الآزمة الحقيقية التى تسببت فيها الآنقاذ..
هى انهيار الاخلاق..
وتغيير المجتمع السودانى 180 درجة...
لتضمن بذلك أن ذهابها سوف لن يكون نهائيا..
بعد هذه التركة المهولة من العنف والخوف والجبن والقائمة تطول..

حسبى الله فيهم ونعم الوكيل...

برضو جامعـة مامون حميدة؟
قالوا اعتقلت وهى راجعة من عملها فى جامعة مامون حميدة.. ثم اطلق سراحها بالضمان.

سلام يا دكتورة نعمات
ما صحة الخبر الذي يحكي عن وفاة مسنين اثنين في مستشفى سنار جوعا و عطشا و اختناقا
جراء احتجازهم في غرفة مهجورة بالمستشفى. الادهى و الأمر هو انه عند اكتشافهم كان احدهم ميتا
و بدأ جسده بالتحلل؟
هل لديك فكرة عن هذا الموضوع الذي قرأت في الفيسبوك انه منشور في صحيفة تسمى "الصيحة".

بعد ان قرأت هذين الخبرين لا استطيع ان اقول إلا هذه الكلمات الثلاثة:
(هذه دولة منحطة)..

هسه لو واحد فيكم قالوا ليهو خلي اختك معانا هنا رهينه لحدى ما تجيب القروش بخليها ليه اخوها ما قعد هو ومرق اختو
ما تمسكوا العصايه من النص
دا مستشفي خاص سيدو عملوا عشان القروش
قبل ما تتعالج بوروك التكلفه كم عشان تجهز
الموظف دا مسئول من المبلغ صحيح التصرف قاسي لكن الاقسي ترك اختك عند الناس
-----------------------
مرت الاب لو ما لقت زوجها ضعيف ما بتعمل كده خيبه الله علي هكذا رجال

كلام الأخ لطفي العمدة، يخليني أطرح سؤال

على من يقع اللوم هنا؟؟

على صاحب المستشفى؟؟
ام على القوانين المنظمة والتي ليس فيها مواد تحفظ للمريض وصاحب المستشفى حقوقهما؟؟

مش مفروض يكون هناك إجراء محدد لحفظ حق صاحب المستشفى، حتى لا يلجأ لمثل هذا الخيار القبيح...

وأيضاً.. إجراء لحماية للمريض وذوية من الوقوع في ورطة بالطريقة دي

يعني مثلاً: لو زول دخل مستشفى، يقبلوه، لكن بعد كدة يجيبوا ضامنين لحق صاحب المستشفى

حقو الناس تحدد:
هل صاحب المستشفى ملوم على المطالبة بحقه؟؟
أم ملوم على كونه تصرف بهذه الطريقة غير القبيحة؟؟

وشنو الحلول المستقبلية المفترض توضع؟؟

نسأل الله.. ما يورط حبيب في قصة زي دي،،

Quote: العيال الصغار ديل، أكتر عقوبة في حقهم مفروض تكون قرصة خفيفة في الأضان، أو حرمان من قطعة حلوى حتى يعدل سلوكه

فى السودان الطفل يبكى ,, يدُقوهو عشان يسكت
وعلى فكرة الكلام ده قبل اللنقاذ

سيف النصر محى الدين...

ما صحة الخبر الذي يحكي عن وفاة مسنين اثنين في مستشفى سنار جوعا و عطشا و اختناقا
جراء احتجازهم في غرفة مهجورة بالمستشفى. الادهى و الأمر هو انه عند اكتشافهم كان احدهم ميتا
و بدأ جسده بالتحلل؟
..

لا أستغرب من البيحصل هسى فى السودان..
هناك حالات لابوين يعيشان مع اولادهم..
ويتعرضان لآنواع غريبة من الذل والمهانة..
حكت لى احداهن ذات يوم فى السودان عن اهمال ابنائها وبناتها لها..
فى هذه السن المتقدمة..
وكانت تبكى بحرقة..

لم يبق فى السودان ذرة من القيم والاخلاق..
ولم تبق دولة من اصلوا..
نحن فقط نخادع انفسنا ونتعامل مع السودان الذى فى مخيلتنا..

دا مستشفي خاص سيدو عملوا عشان القروش
قبل ما تتعالج بوروك التكلفه كم عشان تجهز
الموظف دا مسئول من المبلغ صحيح التصرف قاسي لكن الاقسي ترك اختك عند الناس
-----------
<<<<<<<<<<<< <<<<<<<<<<<<<<<<<<<<<<<<

عزيزي لطفي العمدة

اولا اذا قرأت الخبر حتعرف ان المريضة توفت نتيجة نزيف بعد ثلاثة ايام من العملية.. يعني هناك في خطأ طبي حصل
ادى إلى وفاة الرحومة.. وفي هذه الحالة مفروض تكون في محاكمة للمستشفى والطبيب الذي اجرى العملية.. لكن في سودانا الحبيب
دائما :: هذا قضاء وقدر:: ومافي حاجة اسمها خطأ طبي..
وثانيا مفروض ادارة المستشفى الخاص هي التي تدفع لأهل المتوفية ويترجوهم عشان ما يعملوا شكوى... لكن عشان هي عارفة انو
مافي قانون في البلد اخذوا البنت رهينة حتى دفع مصاريف العلاج.. ولكن هو وينو العلاح؟ هل هم عالجوا المريضة؟ لا .. ديل قتلوا
المريضة.. وبرضه عاوزين حق العلاج.. حسبنا الله ونعم الوكيل...
والله يديك الصحة والعافية

ياخدوا بنت الناس رهينـة؟
الضامن يوقع ولا يؤخذ رهينة.. ديل من اين جاؤوا؟ أكيد ما سودانيين، على الأقل السودان البنعرفه.. هؤلاء ليسوا بشر.. هذا مفروغ منه.. ولكنهم انحطوا عن مستوى الحيوان.. أنظر
هذا القرد او الغوريللا، كيف أنقذ طفل بشرى حتى جاء ذووه..


ويا عماد حسين انت تقول:

Quote: مش مفروض يكون هناك إجراء محدد لحفظ حق صاحب المستشفى، حتى لا يلجأ لمثل هذا الخيار القبيح...

قبيح واللا ما قبيح هذا ليس خيارا اساساً، هذه جريمـة، والجريمة عمرها لم تكن خيارا إلا فى زمن الإنحطاط الإنقاذى الذى بدل عبادة الله بعبادة المال والدولار.. وصارت الجريمة الواضحة فى
الإعتقال خارج نطاق الشرطة رأيا عاما يقول عماد حسين عنه انه خيار.. الحيوان الان يتقزز من قيمكم المنحطـة.. شوف رحمة القرد ورأفته بالطلف البشرى أعلاه.

كلموه باللاى.. كلموا القرد الفوق دا، ما يسلم الطفل لأهله إلا بعد يدفعوا ليه حق الزمن والمجهود بتاعه.. شفت حيعمل شنو، حيتف فى وشوشكم.

نقول الان، الله يشيلكم زى ما ختاكم.. فقد افسدتم قيم السودانيين المتوارثة عبر مئات السنين.. الأهل زاتهم ما كان مفروض يخلوا بتهم معاكم..

صباح الخير و العافية و المعافاة المتداخلين و القراء الكرام

أستأذن أن أبدأ من الأستاذة نور تاور

أعلم أن البوست مقلق و محزن علي أقل تقدير

صورة الطفل و الحروق علي وحهه فجعتني كأنني فقدت عزيز لا قدر الله

و شككتني في فائدة النقل للمنبر و أصابة القارئ بأحباط صباحي . و لكنه الواقع لا مهرب منه

كل منا لو تأمل من حوله لن نجد مثل هذه الفواجع بين الأهل أو الجيران أو المعارف .. و لكنها حدثت .
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

ألوان ( 11-09-2015 )

Quote: رغم أنه الاخبار البتجيبيها هنا بتفقع المرارة.. الا وأنه للآسف الشديد.. هذا ما وصل اليه حال البلاد والعباد.. فى زمن حكومة الآنقاذ.. أنهار المجتمع تماما.. بعد أن أنهارت كل القيم التى كانت تجعل من السودانى.. شخصية يضرب بها المثل فى الخلق الكريم.. و الآزمة الحقيقية التى تسببت فيها الآنقاذ.. هى انهيار الاخلاق.. وتغيير المجتمع السودانى 180 درجة... لتضمن بذلك أن ذهابها سوف لن يكون نهائيا.. بعد هذه التركة المهولة من العنف والخوف والجبن والقائمة تطول.. حسبى الله فيهم ونعم الوكيل...

Quote: ام على القوانين المنظمة والتي ليس فيها مواد تحفظ للمريض وصاحب المستشفى حقوقهما؟؟

سلام أستاذ عماد حسين

طبقا لوزارة الصحة يمكن أن يشتكي المريض للوزارة حتي لا يصبح هذا التصرف اللإنساني عرفا يجري على المرضي .

كل النقاش سوف يقودنا ألي سبب المشكلة .. وهو غلاء العلاج و متطلبات الحياة كلها بسبب التضخم و إنهيار الإقتصاد و تخلي الدولة عن واجباتها تجاه

مواطنيها . بل أن الدولة تعيش عالة على المواطن الذي يدفع لها جبايات في كل ما يشتريه من سلع و خدمات و معاملات .

Quote: هسي بتاع الحسابات ده يا ربي يكون دخلت بت المرحومة دي الخزنة مع الشيكات ولا عمل شنو بلد هاملة مفروض ما كانوا يدفعوا ليهو باقي القروش ويشوفوهو داير يسوي شنو بالبت الرهينة دي مفروض يكون في اجراءات مطالبة مدنية لا اكثر ولا اقل يمشي المحكمة والمحكمة تحكم بالقانون لو عندو حق ياخدو ما عندو ياخدو منو حق العطلة العطلا ليهم دي امريكا ام واب الراسمالية المتوحشة لا يحدث فيها مثل هذا

سلام أستاذ محمد إبراهيم علي

لو البنت في الخبر قاصر مثلا يجب أن يؤخذ ذلك في الإعتبار عند تقديم شكوي ضد المستشفي .

ما كانت المشكلة ستقع لو توفر للمواطن ثقافة قانونية مبسطة بالإضافة الي الثقة في الإحتماء بالشرطة .

Quote: ما كانت المشكلة ستقع لو توفر للمواطن ثقافة قانونية مبسطة

جبتى النجيضـة يا اميرة.. والكلام دا انا كتبته هنا قبل سنين، بضرورة السماح للمحامين بالدعاية لخدماتهم.. هل تعلمين ان المحامى غير مسموح له الدعاية فى الصحف ولا فى التلفزيون
ولا فى الإذاعة.. ومحددة له مقاسات اللافتة على مكتبه بالقانون؟ وحجم الخط ولون الخط لا بد ان يكون اسود؟
قلت حينها هذه مؤامرة كبيرة لتغبيش وعى الشعب القانونى، تشترك فيها الحكومة والنظام الطائفى وكبار المحامين الذين لا يريدون فقد مكانتهم بالإتاحة للفرصـة لصغار المحامين للصعود..
الشئ المؤسف الدكتورة اسماء عبد الحليم عارضت رأيى فى ذلك البوست بحجة واهنة لا تمسك ماء (مع احترامى الكامل لأسماء)، وقالت لو سمحنا بهذا فسوف تتحول مهنة المحاماة الى
مهنة بزنس!! فقلت لها هى بالفعل بزنس، لأنكم (اسماء قانونية) لأنكم تتلقون رسوما على خدماتكم وتدفعون عليها ضرائب.. أكثر من ذلك، فإن الإعلان من شأنه نشر الوعى القانونى بين
المواطنين، وتخويف المسؤولين ان اعملاهم فى العراء ومراقبة.. وقلت لأسماء لو وقع مواطن فى حفرة وكسر رجله، ثم ضرب تلفون لمحامى كان رقمه على التلفزيون، فسوف يحصل
على تعويض مادى، وستخسر المدينة الاف الجنيهات، وستقوم بمحاسبـة المهندس الذى تسبب فى هذه الخسارة.. شفتى كيف؟ سلسلة من الإصلاحات كلها بنشر الوعى القانونى وإعطاء
المواطن الأداة الحقوقية التى يحارب بها الفسـاد. وعلى الحكومة إن كانت جادة فى محاربة الفسـاد أن تلغى قانون لافتة المحامين والإعلان عن خدماتهم.. حتى لو نقابة المحامين هى التى
ترعى هذا القانون فعلى الحكومة إيقافه بقرار تنفيذى أو برفع دعوى على النقابة.

نقابـة المحامين تقف ســدا منيعـاً ضـد نشـر الوعى القانونى والحقوقى للشعب السودانى وبذلك تشترك فى الفســاد القائم.

Quote: ما رأي القانونيين في هذا السلوك الارهابي .. إتخاذ رهينة للضغط لحل مشكلة .. بمجرد صدور الموضوع في الصحيفة كان على النائب العام التحرك فوراً للتحقيق ولا داعي لإنتظار بلاغ لأن منتهى الفوضى في الدولة أن يقوم كل فرد بتطبيق القانون بنفسه وتهميش دور الدولة .. كان يمكن قبول هذا التصرف في مناطق هواشمنا البعيدة .. ولكن في قلب العاصمة وعلى بعد أمتار من وزارة الداخلية ، ووزارة العدل هي دي الفوضى الهدامة .. وكمان المختطف ( بنت ) .. ما هو العائد النفسي لهذه البنت ؟ كيف ترى نفسها من ذلك اليوم ؟ إذا أردت أن تعرف إنحطاط أي دولة .. ان يطبق المواطن القانون بيده لا بيد الدولة ..

سلام و تحية طيبة أستاذ علي عبد الوهاب

أشكرك علي مداخلتك المهمة و التي أشرت فيها لمسئولية النائب العام في تطبيق القانون فورا .

الواقع أن وزارة الصحة صرحت بإتخاذ إجراء ضد المستشفي و كأن الذي حدث خطأ طبي .

أتمني أن تقوم البنت و أهلها بملاحقة المستشفي قضائيا حتي تكون عظة لغيرها .

كما تفضلت أن تجاهل القانون من قبل المستشفي هو أحدي علامات إنهيار الدولة و إنحطاطها .

في إنتظار رأي المتخصصين أقصد أهل القانون أري أن مداخلة أستاذ أبوريش أشار فيها لنشر

الوعي القانوني لمنع تكرار مثل هذه الحوداث المؤسفة .

التحية و الشكر لأستاذ أبوريش .

Quote: .. والكلام دا انا كتبته هنا قبل سنين، بضرورة السماح للمحامين بالدعاية لخدماتهم.. هل تعلمين ان المحامى غير مسموح له الدعاية فى الصحف ولا فى التلفزيون ولا فى الإذاعة.. ومحددة له مقاسات اللافتة على مكتبه بالقانون؟ وحجم الخط ولون الخط لا بد ان يكون اسود؟ قلت حينها هذه مؤامرة كبيرة لتغبيش وعى الشعب القانونى، تشترك فيها الحكومة والنظام الطائفى وكبار المحامين الذين لا يريدون فقد مكانتهم بالإتاحة للفرصـة لصغار المحامين للصعود.. الشئ المؤسف الدكتورة اسماء عبد الحليم عارضت رأيى فى ذلك البوست بحجة واهنة لا تمسك ماء (مع احترامى الكامل لأسماء)، وقالت لو سمحنا بهذا فسوف تتحول مهنة المحاماة الى مهنة بزنس!! فقلت لها هى بالفعل بزنس، لأنكم (اسماء قانونية) لأنكم تتلقون رسوما على خدماتكم وتدفعون عليها ضرائب.. أكثر من ذلك، فإن الإعلان من شأنه نشر الوعى القانونى بين المواطنين، وتخويف المسؤولين ان اعملاهم فى العراء ومراقبة.. وقلت لأسماء لو وقع مواطن فى حفرة وكسر رجله، ثم ضرب تلفون لمحامى كان رقمه على التلفزيون، فسوف يحصل على تعويض مادى، وستخسر المدينة الاف الجنيهات، وستقوم بمحاسبـة المهندس الذى تسبب فى هذه الخسارة.. شفتى كيف؟ سلسلة من الإصلاحات كلها بنشر الوعى القانونى وإعطاء المواطن الأداة الحقوقية التى يحارب بها الفسـاد. وعلى الحكومة إن كانت جادة فى محاربة الفسـاد أن تلغى قانون لافتة المحامين والإعلان عن خدماتهم.. حتى لو نقابة المحامين هى التى ترعى هذا القانون فعلى الحكومة إيقافه بقرار تنفيذى أو برفع دعوى على النقابة. نقابـة المحامين تقف ســدا منيعـاً ضـد نشـر الوعى القانونى والحقوقى للشعب السودانى وبذلك تشترك فى الفســاد القائم.

Quote: وصارت الجريمة الواضحة فى الإعتقال خارج نطاق الشرطة رأيا عاما يقول عماد حسين عنه انه خيار

أبوريش

ده انسداد في المخ.. ول الحاصل شنوا؟؟

كوني تكلمت عن خيار قبيح، معناها المسألة غير جائزة في الأساس

ليه أخذت هذا الكلام، ولم تأخذ البقية الباقية كلها؟؟

لو لفيت سبعة مرات.. في النهاية: هي خيارات للمسئول، منها ما هو قانوني ومنها ما دون ذلك

الجريمة في رقبتا دي.. خيار من الخيارات، وهذا لا ينفي كونها جريمة

رأيك شنو يا أبو مخ كبير؟؟

Quote: لو لفيت سبعة مرات.. في النهاية: هي خيارات للمسئول، منها ما هو قانوني ومنها ما دون ذلك الجريمة في رقبتا دي.. خيار من الخيارات، وهذا لا ينفي كونها جريمة رأيك شنو يا أبو مخ كبير؟؟

رأيى يا أبو مخ صغيـر، إن التردد والرجفان فى عبارة "ومنها دون ذلك" بدل مقابلة "قانونى" بعبارة "غير قانونى" يدل على إنك غير مقتنع، وقلت هذا لتدارى رأيك.
ما دون ذلك قد يكون مخالفة وليس جريمـة. أعمل فيها ذكى مع واحد تانى.
الحين نادينى يا عالم النفس، بدل صاحب المخ الصغير.. ما تقول لى ما قلت مخ صغير..

Quote: وقلت هذا لتدارى رأيك.

أداريهو من منو؟؟؟

بس ما تكون فاكر نفسك من الرجال البضاري منهم رأيي ؟؟؟

ما تفكها في روحك بالطريقة دي...

انت واحد موهوم... ما فايتك في العوارة هنا، إلا النذير حجازي

الله يشفيك يا أخ...

العزيزة نعمات
شيى محزن ومخيف
انا لما اقرى اخبار زى دى بخاف والله العظيم وبحس قلبي عاوز يقفذ من صدرى
ما بتخيل حاجة زى دى ابدا بدا

Quote: ما بتخيل حاجة زى دى ابدا بدا

حتى الحيوانات لا تتخيلها.. دولة الإنقاذ صارت أقبح مما يتصـور الإنسـان. وأقبح مما يتصور الحيوان.. معبودهم صار الدولار والجنيـه وما زالوا يتمشدقون بالشريعة. بالله هذا العمل
الان يمت الى الشريعـة..


ويا عماد فى عوارة أكتر من القهقهـة الهبلاء هذه..

Quote: ويا عماد فى عوارة أكتر من القهقهـة الهبلاء هذه..

أيوة.. في عوارة أكتر منها..

عوارة مخك القاعد يجرك للدقداقات دي

نصحيتي ليهو صلحو.. يكون داير ليهو فحمات

هاك الجماعة البنططوا ديل ..
ينطط في راسك قرد..

قول آمين

Quote: هاك الجماعة البنططوا ديل ..

قلنا قهقهـة هبلاء، موش نطيط متخلف عقلياً..

الإستخفاف والإستهزاء لا يحتاج شهادات وأتمنى ان تناقش بموضوعية.... الدرب الماشى فيه دا ما كويس.

Quote: الدرب الماشى فيه دا ما كويس.

ليه كدة يا أبو الريش يا أخ

Quote: ليه كدة يا أبو الريش يا أخ

واصل دفاعك عن أسوأ دولة مرت على السودان.. دافع عن موسسة تحتجز إبنة متوفية تسبب المستشفى نفسه فى وفاتها.. ولا تدعها تحزن وتبكى على والدتها من اول يوم توفيت فيه، حتى
تدفع 5 الف جنيه..
يا زول ما كتبناه هنا يكفى..
بعدين ناقش الناس بالطريقة التى يناقشونك بها.. هل السخرية من الناس برضو مسموح بيها فى شريعتكم؟ إنت لا تعرف ابو الريش.. يا زول أختانى لا تسخر.. ناقش لو اردت.. انت ما قدر دا.
بعدين شنو تذكر النذير حجازى ومعاها وشوش ضاحكـة.. حركات صبيانية.. قلت لى انا ما الراجل اللى تدارى كلامك قدامه.. طيب إنت الراجل خليك راجل و واضح وقول تقصد شنو بجيبتك اسم
النذير حجازى ومعاها ضحك.. بعد داك كلمنا عن الرجولة.. أنا لا أغتاب، كل المنبر يشهد.. ولا اضارى ولا ادارى، وما عندى الغيبة والنميمة والمطاعنات.. هذه صفـة (الحريـم) وليست صفـة رجال.

Quote: واصل دفاعك عن أسوأ دولة مرت على السودان.. دافع عن موسسة تحتجز إبنة متوفية تسبب المستشفى نفسه فى وفاتها..

أبو ريش.. نتف الله ريشه عاجلاً غير آحل

ثبت لي أن من خلال هذا الكوت أنك عايز زراعة مخ

دي مجرد حيلة نفسية.. لاستجلاب دعم جوقة الهتيفة

وضعك متأزم يا أخ

الله يشفيك..

Quote: سلام أستاذ عماد حسين طبقا لوزارة الصحة يمكن أن يشتكي المريض للوزارة حتي لا يصبح هذا التصرف اللإنساني عرفا يجري على المرضي . كل النقاش سوف يقودنا ألي سبب المشكلة .. وهو غلاء العلاج و متطلبات الحياة كلها بسبب التضخم و إنهيار الإقتصاد و تخلي الدولة عن واجباتها تجاه مواطنيها . بل أن الدولة تعيش عالة على المواطن الذي يدفع لها جبايات في كل ما يشتريه من سلع و خدمات و معاملات .

مشكورة يا أخت نعمات

Quote: وصارت الجريمة الواضحة فى الإعتقال خارج نطاق الشرطة رأيا عاما يقول عماد حسين عنه انه خيار.. الحيوان الان يتقزز من قيمكم المنحطـة

عشان ما يجي واحد يقول لي: الزول ده مالك عليهو

دي بداية أبو الريش في الحوار:

هو من ابتدر المداخلات معي.. وقال:

Quote: الحيوان الان يتقزز من قيمكم المنحطـة

الغريب بعد داك.. ما قدر يتحمل..