Post: #1 Title: هدى عربي يا منعم سيد احمد معانا بالامارات يوم العيد وعيدنا عيدين ..مرحبا يامرحبا بالابداع .... Author: نعمات حمود Date: 09-08-2015, 05:24 AM
من اول نظرة كما قال بشير عتيق ولم يخب ظني بها كمبدعة وانسانة متفردة اللحن والاختيار والاداء والصوت والتطريب ...حاجات كثيرة كدا كووولها مدهشة ... تلك السهرة على الشاشة الزرقاء كانت بالنسبة لي السهم الصائب في مقتل ...لم اطرب لمطربة منذ زمن بعيد .... هدى عربي ...انتظرت استعراض تلك الحلقة برفقة نفراعرفهم جيدا وبرفقة الاستاذ مصعب الصاوي .....ثم حضرت الحلقة وطلبت مرارا اعادتها وحضرتها وسجلتها ولم اكل او امل من سماعها رغم انني احفظ جميع تلك الاغنيات منذ الصغر الا ان الثوب الذي البسته اياها هدى كان ثوبا مطرزا بالتطريب والتنغيم ...اعجبني كثيرا وتمنيت لو ان محمد حسين سمع كيف تغنت له باغنياته لكان فرحا من هذا ... هدى عربي التقيتها مباشرة وغنت لي مخصوصا بمركز راشد دياب بالخرطوم في اجازتي ..لم تخذلني الحمدلله فهي الاناسنة الطيبة والبسيطة والواعية فنيا ...والواعية اجتماعيا لكل شارد ووارد وما ان عرفتها حتى فاجاتني بانها تابعت وقرات كل كتابة عنها بشغف ووابهرتني بانها تحفظ ما كتبته عنها وهذا شئ جميل .... قلت لها استفيدي من نقد المحبين ونحن ما ناس علم ولكن المحبة هي التي جعلتنا نتفلسف ضحكت كثيرا وقالت لي دي طاقات ايجابية وان شاء الله بنستفيد من كل حرف .... اها هدى دي زاتا حتكون معانا ثلاث ليال سمان تكفي لمسيرة سنة كاملة من الجوع الفني اليوم الاول من العيد بالنادي السوداني دبي اليوم الثاني بنادي السودان بابوظبي واليوم الثالث بمدينة العين بدار الجالية السودانية برفقتها كوكبة من المطربين حسين الصادق وجواهر (مقيمة بمصر ) والود شريف (الله يكون في العون )
مرحبا بيك هدى ...مرحبتين .. وبا هلا بالغلا .....ستزدان بك دانة الدنيا .... ومني محبتي
Post: #2 Title: Re: هدى عربي يا منعم سيد احمد معانا بالامارات Author: عبدالله الشقليني Date: 09-08-2015, 06:10 AM Parent: #1
تسلمي أيتها الفاضلة : الأستاذة نعمات ومرحباً يا شوق *
Post: #3 Title: Re: هدى عربي يا منعم سيد احمد معانا بالامارات Author: عبد المنعم سيد احمد Date: 09-08-2015, 05:22 PM Parent: #2
الاستاذة نعمات لك التحية والتقدير والتحية عبرك للفنانة الرائعة هند بنت عربى والسلام امانة هدى عربى فنانة بحق وحقيقة مدهشة ومطربة..تاخذنا للبعيد..بمساحات صوتها الساحر هنيئا لكم بهذا الجمال..وتستاهلوا كل خير سنتابع مسيرتها الفنية الناجحة دعمنا اللامحدود لها ومعى ود الموج..ومجلسنا المكتمل بوجود هارون الرشيد وابن المهدى والموصلى ههههه شكرى وتقديرى الاخت الفاضلة نعمات
Post: #4 Title: Re: هدى عربي يا منعم سيد احمد معانا بالامارات Author: عبد المنعم سيد احمد Date: 09-08-2015, 05:53 PM Parent: #3
Post: #5 Title: Re: هدى عربي يا منعم سيد احمد معانا بالامارات Author: عبد المنعم سيد احمد Date: 09-08-2015, 05:55 PM Parent: #4
Post: #6 Title: Re: هدى عربي يا منعم سيد احمد معانا بالامارات Author: صديق الموج Date: 09-09-2015, 05:07 AM Parent: #5
Quote: سنتابع مسيرتها الفنية الناجحة دعمنا اللامحدود لها ومعى ود الموج..ومجلسنا المكتمل بوجود هارون الرشيد وابن المهدى والموصلى ههههه شكرى وتقديرى الاخت الفاضلة نعمات
نعمات حمود سلام انا مابزيد كلام منعم ده ولا حرف غير بقول ليكم بختكم وعيدكم الف عيد مع هدى،،،
Post: #7 Title: Re: هدى عربي يا منعم سيد احمد معانا بالامارات Author: نعمات حمود Date: 09-09-2015, 05:21 AM Parent: #6
اهلا بالحبايب ....ود سيداحمد وود الموج ...اعرف انكم ستشاركوني هذا الفرح وان كانت فواصل الجغرافيا وانشاء الله ستكون الامور تمام والعيد مميز هذا العام ومن هسي انا مرابطة بالنادي السوداني
مرحبا بهدى مرة ومرتين وحبابك بيننا والحفلات منقولة على وسائل الاعلام السودانية ان شاء الله تتابعونا يامووج
ومني محبتي شريف واااي
Post: #8 Title: Re: هدى عربي يا منعم سيد احمد معانا بالامارات Author: نعمات حمود Date: 09-09-2015, 05:33 AM Parent: #7
ياشقليني يا ابو الفن اكيد معاكم تاني يوم بالعيد بس خلونا نشوفكم اليوم الاول
ومني محبتي
Post: #9 Title: Re: هدى عربي يا منعم سيد احمد معانا بالامارات Author: صديق الموج Date: 09-09-2015, 06:49 AM Parent: #8
نعمات ماداير اخرب البوست لكن ممكن تبدلو لينا شريف ده ؟ ان شاء الله بى عدة ما بطال معانا،،،
Post: #10 Title: Re: هدى عربي يا منعم سيد احمد معانا بالامارات Author: عبد المنعم سيد احمد Date: 09-09-2015, 02:08 PM Parent: #9
Post: #11 Title: Re: هدى عربي يا منعم سيد احمد معانا بالامارات Author: محمد قسم الله محمد Date: 09-09-2015, 09:34 PM Parent: #1
Quote: هدى عربي يا منعم سيد احمد معانا بالامارات يوم العيد وعيدنا عيدين ..
عيدين عدييييل كده.. عشان غُنا.. بس ده همكم يالمغتربين.. بي عافيتكم ياختي.
Post: #12 Title: Re: هدى عربي يا منعم سيد احمد معانا بالامارات Author: نعمات حمود Date: 09-10-2015, 05:52 AM Parent: #11
ياقسم الله الله لاجاب لينا هم .... الحياة دي مقسمة والافراح برضو ومادام في زيكم ناس مهمومين بالوطن وما ادراك ما الوطن نحن خلونا في فرحنا ماعندنا هم غير الحفلات والشو ماناس ساي مغتربين لكن ياريت كدا تنورنا انت وين بلدك وبتعمل في شنو سبحان الله يمكن نستفيد برضو المعرفة شي مكتسب
بالمناسبة انا في حالة استعداد لزولتنا هدى عربي زارعة الفرح في قلبي (شخصيا )فما ناوية ادخل في مهاترات
Post: #13 Title: Re: هدى عربي يا منعم سيد احمد معانا بالامارات Author: نعمات حمود Date: 09-10-2015, 06:01 AM Parent: #12
ود امدر الزول الحبيب ود الموج
والله مع العيدين حقاتي ديل الساحرني فيهم الناس الا انني مهمومة زيك كدا بالزول دا
لكن ياموج ولولا دفع الناس بعضهم ببعض لهدمت صوامع ومساجد كما هو المعنى في الاية (تقبل الاخر واجب وطني نرضى بس وفي اللحظة ديك بقوم الف شوية في حوش الحفلة وارجع او اخد كم صورة مع هدى عربي المشكلة لو غنت اخر زول غايتو بوافيك بالبحصل علينا
محبتي
Post: #14 Title: Re: هدى عربي يا منعم سيد احمد معانا بالامارات Author: محمد الكامل عبد الحليم Date: 09-11-2015, 07:42 AM Parent: #13
تحية.
تسير الحياة سيرتها الأولي يا اختاه بامواجها الهادئة والهادرة والمتلاطمة...يمد الانسان يده للاخر دفئا او يشيح عنه بعدا...والقافلة تمشي والسمار هناك مثلما غيرهم يدور مع تراتيل نفسه لا يخرج منها... هكذا الحياة والظافر بالحب ينتقي خير الأمور... ازهارا أو الحان ...او رطبا جنيا.. او اصدقاء حياة... ونحن في قائمة اصدقاء حروفك... ونشارككم من علي البعد عيدكم في معية هدي وغناء زمن قديم يتجدد حينما تقدمه هدي بعجوة صوتها المعطونة بمعاني زمان يا حليل زمان...
Post: #15 Title: Re: هدى عربي يا منعم سيد احمد معانا بالامارات Author: نعمات حمود Date: 09-13-2015, 06:47 AM Parent: #14
الاخ الكريم ود الكامل لك عاطر الامنيات لرطب الكلمات الجميلة وهكذا الايام دول بين الناس يوم فرح ويوم كره
شكرا لمرورك وانشاء الله نستعيد احلى الذكريات مع هدى وزمرتها في ليالي احسبها ستكون دوحة لنا في عيد الغربة
ومرحبا بهدى مرحى بالغلا
Post: #16 Title: Re: هدى عربي يا منعم سيد احمد معانا بالامارات Author: عبد المنعم سيد احمد Date: 09-14-2015, 06:12 PM Parent: #15
Post: #17 Title: Re: هدى عربي يا منعم سيد احمد معانا بالامارات Author: محمد عثمان الخضر Date: 09-14-2015, 06:16 PM Parent: #16
تحياتي لو في برنامج معد مسبقاً اطلعونا عليه وافر الثناء
