محول كهرباء إنفجر و الناس قامت جارية مفتكراهو حاجة تانية ....
صديق قوم لف .....
Post: #5 Title: Re: سلام يا ناس أتوا الحصل شنو داخل الحرم النب Author: صديق مهدى على Date: 09-07-2015, 01:45 PM Parent: #3
شكرا ليك يا رجل يا ظريف انا عارفك بجيب النجيضة جزاك الله عنا كل خير لأن الناس عندنا هنا فى فنكس الناس اختلفت فى مجموعة قالت وديل الناس الذين سافروا مرارا للحج أو العمرة وقالوا اصلا فى وقت بتفتح فيه الروضة والناس بتجرى عشان تنال شرف الدخول وفى مجموعة أخرى قالت فى شئ حصل وجرى الناس دا جرى خوف وانا من هذه المجموعة شكرا ليك يا زعيم بس خلى مساندة النظام لأنك رجل حقاني وساخر هههههههههها تحياتى
Post: #4 Title: Re: سلام يا ناس أتوا الحصل شنو داخل الحرم النب Author: صديق مهدى على Date: 09-07-2015, 01:35 PM Parent: #1
يا جماعة الحاصل شنو فى الحرم النبوى الشريف
Post: #6 Title: Re: سلام يا ناس أتوا الحصل شنو داخل الحرم النب Author: عماد حسين Date: 09-07-2015, 02:35 PM
صديق.. ازيك
ده الفيديو.. عشان الناس تكون في الصورة
لكن (بحسب نفي الجهات الرسمية) هذا العنوان غير صحيح.. وسأنزل التوضيح، بإذن الله تعالى
Post: #7 Title: Re: سلام يا ناس أتوا الحصل شنو داخل الحرم النب Author: عماد حسين Date: 09-07-2015, 02:39 PM Parent: #6
ده كلام صحيفة سبق
Quote: 21 ذو القعدة 1436-2015-09-0501:45 AM أكدت أنه تدافُع يحدث بشكل شبه يومي للظفر بأول المكان "سبق" تكشف حقيقة فيديو ركض الزوَّار في المسجد النبوي الشريف
خالد الشاماني- سبق- المدينة المنورة: كشفت مصادر لـ"سبق" حقيقة مقطع فيديو، تم تداوله على نطاق واسع، يظهر فيه ركض وتدافُع الزوار في المسجد النبوي الشريف بالمدينة المنورة.
وأكدت المصادر أن هذا التدافع يحدث بشكل شبه يومي أثناء دخول الزوار للروضة الشريفة بعد انتهاء زيارة النساء ورفع الحاجز؛ إذ يقوم الزوار بالاندفاع للظفر بأول المكان.
Post: #8 Title: Re: سلام يا ناس أتوا الحصل شنو داخل الحرم النب Author: عماد حسين Date: 09-07-2015, 02:40 PM Parent: #7
ده تأكيد الجهات الرسمية لتفسير المشهد
برضو.. منشور في صحيفة سبق
Quote: 21 ذو القعدة 1436-2015-09-0501:45 AM تأكيداً لما نشرته "سبق".. يحدث بعد انتهاء زيارة النساء ورفع الحواجز "قوة المسجد النبوي": فيديو "ركض الزوار" للظفر بالصفوف الأولى
عبدالله البرقاوي، خالد الشاماني- سبق- الرياض: أوضح المتحدث الرسمي للقوة الخاصة لأمن المسجد النبوي الشريف المقدم عبدالله البيضاني حقيقة مقطع الفيديو الذي تم تداوله مؤخراً على مواقع التواصل الاجتماعي، والذي يظهر فيه مجموعة من الزوار يركضون داخل المسجد النبوي، مبيناً أن ذلك يحدث بعد انتهاء زيارة النساء ورفع الحواجز، فيتجه الرجال للروضة وللصفوف الأولى من المسجد.
وأشار إلى أن القوة تتخذ الإجراءات اللازمة بتوزيع الدخول من عدة جهات وعلى عدة مراحل؛ للحفاظ على أمن وسلامة الزوار، بالإضافة إلى الدور التنظيمي والإرشادي الذي تقوم به الرئاسة العامة لشؤون المسجد الحرام والمسجد النبوي لتوعية الزوار.
وكانت "سبق" قد انفردت بنشر حقيقة الفيديو في وقت سابق، مؤكدة وفقاً لمصادرها أن هذا المشهد يحدث بشكل شبه يومي أثناء دخول الزوار للروضة الشريفة بعد انتهاء زيارة النساء ورفع الحاجز؛ إذ يقوم الزوار بالاندفاع للظفر بأول المكان.
Post: #9 Title: Re: سلام يا ناس أتوا الحصل شنو داخل الحرم النب Author: صديق مهدى على Date: 09-07-2015, 04:27 PM Parent: #8
الأخ عماد سؤال هل انفجر مولد كهرباء داخل الحرم النبوى الشريف فى هذه الفترة أم لا خليك من التوافق تحياتى
الحبيب صديق مهدى , تحياتى لك فعلاً مشهد فيديو الهروله بهذه الكيفيه داخل الحرم النبوى الشريف يدعو إلى التساؤل؟ ما أسعدهم وهم يتنافسون تحت القبة الخضراء للوصول إلى الصلاه بين الروضه والمنبر
الأخ عمر ودالباوقه , السلام عليك يا حبيب ندعو الله أن نكون دائماً والحبيب صديق مهدى من ضمن المهرولين بين الصفا والمروه وداخل القبه الخضراء للصلاه بين المنبر والروضة الشريفه. آمين
Quote: الأخ عمر ودالباوقه , السلام عليك يا حبيب ندعو الله أن نكون دائماً والحبيب صديق مهدى من ضمن المهرولين بين الصفا والمروه وداخل القبه الخضراء للصلاه بين المنبر والروضة الشريفه. آمين
اللهم امين اخوي عبد الله
نسال الله ان يكتب لنا مافيه الخير والصلاح وان يجمعنا في مستقر رحمته
براميل من الود اخي ابو عابدة
Post: #17 Title: Re: سلام يا ناس أتوا الحصل شنو داخل الحرم النب Author: صديق مهدى على Date: 09-07-2015, 06:22 PM Parent: #15
الأخ الحبيب عبدالله والأخ ودالباوقة لم تردوا على سؤالى هل هناك انفجار فى محول كهرباء حدث داخل الحرم النبوى الشريف لم أتحدث عن هرولة لأن الهرولة بين الصفا والمروة فى مكة وليس المدينة العارف يجاوب الما عارف ما ينظر تحياتى
Post: #16 Title: Re: سلام يا ناس أتوا الحصل شنو داخل الحرم النب Author: صديق مهدى على Date: 09-07-2015, 06:10 PM Parent: #11
شكرا عمر وربك يهون اها جيب لينا الأكيدة لأن آبوحسين أكد أن محول انفجر اها انت رأيك شنو تحياتى
Post: #18 Title: Re: سلام يا ناس أتوا الحصل شنو داخل الحرم النب Author: عماد حسين Date: 09-07-2015, 06:32 PM Parent: #16
Quote: الأخ عماد سؤال هل انفجر مولد كهرباء داخل الحرم النبوى الشريف فى هذه الفترة أم لا خليك من التوافق تحياتى
يا صديق...
سؤال مهم: البجيب محول كهرباء جوة المسجد النبوي شنو؟
طيلة زياراتي للمسجد النبوي والمسجد الحرام.. لم يسبق أن شاهدت أي شيء من هذا القبيل داخل المسجد.. فلا يوجد محولات داخل المسجدين
أمر ثاني... هناك أشخاص أنزلوا فيدوهات، وقالو: هناك صاعقة (رعد) أصدرت صوت قوي.. وحسب علمي: هذا غير معقول، لأن أصوات الرعد شيء معتاد، والصوت لا يدخل إلى المسجد بمثل هذه الطريقة التي تفزع الناس.
أمر أخير: لو لاحظت... الناس كلها جارية في اتجاه واحد.. فلو كانت هناك مشكلة لذهب الناس لاتجاهات اليمين واليستر، لأن المسجد النبوي في كمية أبواب كثيرة من كافة الجهات.
تحياتي
Post: #19 Title: Re: سلام يا ناس أتوا الحصل شنو داخل الحرم النب Author: صديق مهدى على Date: 09-07-2015, 06:49 PM Parent: #18
الأخ عماد زرت صديق لى اسمه صديق الشيخ انا وزوجتى وعرضنا عليه الفيديو فى الموبايل بتاعى وقولت ليهو يا حاج صديق شوف الفيديو لأن فى ناس قالوا لى التدافق بحدث فى فترة فتح أبواب الروضة فقال لى يا صديق بالحرف الواحد فعلا بتكون فى فترة للناس وحتى زوجته شاركت فى الحديث وحاج صديق قال لى انا كنت ساكن فى المدينة بجوار الحرم النبوى الشريف 11 سنة بس لقيت مرة واحدة صليت فى الروضة وقال لى فى ناس بدخلوا يوم كامل ما بطلعوا اما جرى بالطريقة دى ما فى دا معناه فى حاجة حصلت والكلام لحاج صديق الذى جاور الحرم النبوى الشريف 11 سنة والناس ما تنسى القدر
Post: #20 Title: Re: سلام يا ناس أتوا الحصل شنو داخل الحرم النب Author: عماد حسين Date: 09-07-2015, 06:59 PM Parent: #19
Quote: الأخ عماد زرت صديق لى اسمه صديق الشيخ انا وزوجتى وعرضنا عليه الفيديو فى الموبايل بتاعى وقولت ليهو يا حاج صديق شوف الفيديو لأن فى ناس قالوا لى التدافق بحدث فى فترة فتح أبواب الروضة فقال لى يا صديق بالحرف الواحد فعلا بتكون فى فترة للناس وحتى زوجته شاركت فى الحديث وحاج صديق قال لى انا كنت ساكن فى المدينة بجوار الحرم النبوى الشريف 11 سنة بس لقيت مرة واحدة صليت فى الروضة وقال لى فى ناس بدخلوا يوم كامل ما بطلعوا اما جرى بالطريقة دى ما فى دا معناه فى حاجة حصلت والكلام لحاج صديق الذى جاور الحرم النبوى الشريف 11 سنة والناس ما تنسى القدر
لو داير تشبع صلاة في الروضة.. تخليك حريف يا صديق
نكون زيارتك للسعودية بواسطة زيارة عادية، وليست عمرة... عشان وكت العمرة في زحمة.
الزيارة العادية بتلقاها بواسطة الوكالات في السودان..
تاني حاجة: تدخل المسجد بالليل.. الزحمة بتكون أقل...
وبالمناسبة.. نحنا عندنا طريقة بنعرف بيها كمية الناس في الطواف بالبيت الحرام، وفي التزاحم في الروضة الشريفة.
لما نكون في الفندق.. بنفتح قنوات السعودية الشغالة بث مباشر من الحرمين، ونلاحظ كمية الناس، ولما نلقاهم قليلين.. نتوكل على الله وننزل من الفندق. ونمشي نطوف البيت الحرام لو كنا في مكة.. أو نصلي في الروضة لو كنا في المدينة.
Post: #21 Title: Re: سلام يا ناس أتوا الحصل شنو داخل الحرم النب Author: صديق مهدى على Date: 09-07-2015, 07:28 PM Parent: #20
سلام الأخ صديق أعتقد أنو ده تدافع لحجز مكان بالروضه الشريفه لأنو حتي التكييف في الحرم محطته المركزيه تقع بعبد جدا من الحرم خليك من محولات الكهرباء وصلي الله وسلم علي أفضل الخلق و رزقنا زياره مسجده الكريم youtu.be/Go7s2L9oQBI
Quote: الأخ الحبيب عبدالله والأخ ودالباوقة لم تردوا على سؤالى هل هناك انفجار فى محول كهرباء
التحيه لك أخى الحبيب صديق مهدى ما كتبته هو مجرد إستنتاج من واقع ما شاهدته من صور وفيديوهات عن هذا الحدث كل أملى أن يكون إستنتاجى فى محله لأننى لا أُريد أن أرى ما يشين عن هذه البقعه الطاهره . حفظها الله وحفظنا جميعاً , أخى صديق من كل شر .
Post: #26 Title: Re: سلام يا ناس أتوا الحصل شنو داخل الحرم النب Author: صديق مهدى على Date: 09-07-2015, 11:13 PM Parent: #24
سلام الأخ الحبيب عبدالله وارد الإهمال وعدم المتابعة لذا انا عايز اتأكد طبعا الواحد بتمنى من الأخوة السعوديين أن يكون استعدادهم مية فى المية لأن الموسم موسم حج ولم يكن قصدى تشويه وهذا هو قضاء وقدر وهذه من أركان الإيمان يعنى الناس ما تستنكر وقوع مثل هذه الأشياء وقبلها حدث فى الحرم المكى فى بداية الثمانينات وتوفى فيها مؤذن الحرم عبدالعزيز بخارى رحمه الله نسأل الله سلامة المسلمين وكل خلق الله فى بقاع الأرض تحياتى يا حبيب انا قصدى شريف لكن الكيزان عاملين الدين دا حقهم ولا يحق لأحد أن يتحدث إلا باذنهم لأنهم هم الكمال لاحظ المتداخلين كلهم كيزان عدا انت
Post: #27 Title: Re: سلام يا ناس أتوا الحصل شنو داخل الحرم النب Author: Basamat Alsheikh Date: 09-08-2015, 01:51 AM Parent: #26
زي ما قال محمد البشير فان نظام التكييف المركزي للمسجد النبوي الشريف بيقع خارج حدود المدينة المنورة.. وهذا النظام مشروح بالتفصيل في بوست اميرة بت مصطفى في قصة اسرة بن لادن لان شركة بن لادن هي التي قامت بتركيب نظام التكييف المركزي للمسجد النبوي وعشان المهندسين كانوا امريكيين وغير مسلمين وغير مسموح لهم بدخول المدينة المنورة اقاموا هذا النظام خارج حدود المدينة ومدوا انابيب في انفاق تحت الارض حتى المسجد النبوي ولذا فلا توجد محولات كهرباء للنظام التبريد داخل المسجد ولكن يمكن ان تكون فقط عداد كهرباء للمصابيح ... ودمتم
Post: #28 Title: Re: سلام يا ناس أتوا الحصل شنو داخل الحرم النب Author: Abureesh Date: 09-08-2015, 02:11 AM Parent: #27
Quote: براميل من الود
عمر، سلام
زمن البراميل انتهى قول وقيات من الود.. أو كيلوجرامات. دا زمن الدهب